Halil Matoshi ia kthen Albulena Haxhiut për Ramushin

Periskopi.com Lajme

Kandidati për deputet i AAK-së, Halil Matoshi i ka dalur në mbrojtje kandidatit për kryeministër, Ramush Haradinaj, raporton GazetaBlic.

Sipas Matoshit, Haradinaj është një nga njerëzit e Kosovës që u është përgjigjur të gjitha sfidave me ndershmëri dhe Albulena po shfaqet e ligë në publik.

“Ramush Haradinaj, i nominuar për Kryeministër nga koalicioni PDK- AAK- NISMA është kryetar i AAK-së i zgjedhur në mënyrë demokratike dhe nuk është lider shpirtëror, siç shitet në publik i nominuari për Kryeministër i Lëvizjes Vetëvendosje. Haradinaj është një nga njerëzit e Kosovës që u është përgjigjur të gjitha sfidave me ndershmëri dhe përkushtim qytetar e patriotik duke prodhuar e rrezatuar siguri dhe etikë të pushtetit dhe jo duke prodhuar zhurmë dhe duke mbjell frikë te qytetarët e Kosovës për luftëra të reja, për tërheqje zvarrë të qytetarëve të vendit dhe duke u kërcënuar se do të arrestohen njerëzit në masë, për shkak të bindjeve të tyre politike” tha Matoshi

Sipas Matoshit, të gjithë duhen të jenë mirënjohës për Ramush Haradinaj.

“Albulena Haxhiu dhe akëcila grua dhe burrë i Kosovës, në vend të mirënjohjes për Ramush Haradinajn, për guxim politik dhe përkushtim në ndërtimin dhe ngritjen e institucioneve demokratike në vend, përbuzin dhe fyejnë nga pozitat e një sekti”, ka thënë Matoshi.

Haxhiu sipas Matoshit e ka dëshmuar sy bote sa e pashpresë është në politikë.

“Fundja, Zonja Haxhiu shfaqet e ligë në publik, sepse nga opozita shan dhe ofendon një opozitar – ngase Haradinaj ka qëndruar dhjetë vjet në opozitë duke i mbështetur proceset thelbësore të shet ndërtimit”, ka përfunduar Matoshi.

Ndryshe, kandidatja për deputete e Vetëvendosjes, Albulena Haxhiu, e ka quajtur Ramush Haradinajn si njeri me ambicie të sëmura.

Reklamë
Reklamë

E mallëngjyeshme çfarë kishte shkruar Halil Matoshi para 10 vjetësh, kur kishte hyrë në politikë

Periskopi.com Lajme

Halil Matoshi iu bashku Aleancës për Ardhmërinë e Kosovës. Por, angazhimin e tij politik Matoshi nuk e ka për sefte.

Në vjeshtën e vitit 2007 në prag të zgjedhjeve, gazetari dhe publicisti Halil Matoshi i ishte bashkuar Partisë Reformiste ORA që drejtohej nga Veton Surroi.

Asokohe, para dhjetë vitesh, Matoshi kishte braktisur gazetarin dhe i kishte hyrë politikës. Në 2007 ishte redaktor i opinioneve në Gazetën Express. Kur ishte larguar nga mediumi ku punonte Matoshi iu ishte drejtuar kolegeve të tij gazetarë me një tekst shumë mallëngjyes që po braktiste gazetarin.

Por, Partia ORA, jo për fajin e Matoshit, nuk kishte arritur të kalonte pragun për të hyrë në Kuvendin e Kosovës, dhe pas përfundimit të zgjedhjeve sërish ishte kthyer në mediumin ku kishte punuar, transmeton Periskopi

Më poshtë po sjellim në tërësi shkrimin e Halil Matoshit, të botuar në Gazetën Express, më 12 shtator 2007, me të cilin i jepte lamtumiren profesionit të gazetarit dhe përshëndeste kolegët e tij, i cili mund të jetë aktual edhe sot.

“Tung Kolegë”,

Kolegë të mi të respektuar!

Miq të dashur, lexues të mi kritikë por të drejtë!

Ju drejtohem juve që më keni përkrahur dhe më keni kritikuar për shkrimet e mia, më keni dhënë zemër edhe kur më keni lavdëruar por edhe kur më keni qortuar, gjykimet e juaja kanë qenë frymëzim dhe shpërblimi im i vetëm dhe më i madhi.

Kam vendosur që ta lë gazetarinë dhe të hyjë në garë në zgjedhjet e ardhshme.

I hyj këtij testi sfidues duke flijuar profesionin tim ku ndihem më i sigurt, gazetarinë, sepse ndërgjegjja qytetare nuk më lë indiferent.

E si mund t’i lihet qyteti ku je rritur një njeriu si Ismet Beqiri pashë zotin?

Angazhohem politikisht për vendin tim, për të dhënë kontributin tim modest në avancimin e vlerave evroperëndimore dhe veriatlantike, për instalimin e demokracisë liberale në Kosovë, për t’i ndihmuar reformimit të pushtetit në Kosovë, (që pushteti të ketë fytyrë njeriu!) për krijimin e vlerave të reja dhe shmangien e degradimit të shpirtit qytetar e kombëtar, të katandisur deri në përmbytje. Kosova është ndarë në feude të njerëzve të fuqishëm që janë mbi ligjin. Kosovarëve në vend të vlerave demokratike e civile, në vend të vlerave të luftës e paqes u është dhënë skllavërimi, duke ua mbushur lagjet dikur të qeta, fshatrat dhe qytetet me shtëpi publike, pompa benzine e motele. Kosovarëve të rinj, në vend të një shkolle të konsoliduar u është dhënë rrugaçëria, duke i shndërruar në vrasës potencialë me pagesë dhe narkodilerë, kurse shtresën më vitale dhe më fis-nike të rinisë sistemi katastrofal i ka shndërruar në punëtorë krahu, në cigareshitës e kartelashitës. Nuk mund të rri tutje indiferent e ta shoh këtë mjerim! Prandaj dua të ndihmoj sadopak qe kjo fotografi e vendit tim të ndërrojë.

Do të isha njeriu më i lumtur në botë sikur Kosova të kishte një udhëheqje të mirë e të drejtë, kurse unë të merresha me gazetari, me shkrimin. Por më duhet ta pranoj, jam i zhgënjyer me këtë klasë politike, e cila, nuk pati as kurajën e duhur dhe as vullnetin për me e ndër-tu demokracinë dhe për ta vendosë ligjësinë dhe drejtësinë sociale, në këtë vend të munduar për një shekull nga Serbia e të mundur për tetë vjet nga korrupsioni dhe krimi i organizuar.

Zgjedhësve të mi potencialë nuk u premtoj asgjë më shumë se fuqinë e fjalës.

Prandaj, lexuesit e mi dhe kolegë gazetarë, ndihem i privilegjuar që kemi punuar bashkë këto 23 vjet, kemi vuajtur dhe kemi shpresuar bashkë, për një Kosovë normale!

Kolegë gazetarë, kemi qenë vërtet të guximshëm dhe kemi bërë më shumë se pushteti aktual, por edhe më shumë se secili pushtet në këtë vend, që nga “Bota e re” e “Zëri”, pastaj në “Lajm” dhe së fundi në “Express”.

Faleminderit “Express”!

Angazhimi im në politikë është vetëm një zë më shumë në mbrojtje të qytetarit në qendër, e jo të klaneve pushtetore. Qyte-tarit duhet t’i rikthehet vendi i tij, të mirat shpirtërore dhe materiale të tij, që i janë plaçkitur ose uzurpuar; që qytetari ta qev-erisë vendin e tij duke zgjedhë dhe duke u zgjedhur.

Ashiqare, Kosova ka media shumëfish më të mira se qeveris-ja dhe për këtë i faleminderoj ata burra e ato gra gazetarë, që guxuan dhe thanë: Boll ma!

Unë e lë përkohësisht gazetarinë aktive dhe do të konkurroj në zgjedhjet nacionale dhe nëse do të fitoja besimin e qytetarëve, do të isha një zë i fuqishëm Juaj, që mbështet idetë fisnike të kosovarëve për me e ba një Kosovë normale, estetike dhe me shpirt!

Për me kriju mirëqenie për qytetarin, për me kriju vlera reprezentative për këtë vend.

Me ua kthye buzëqeshjen dhe dinjitetin arsimtarëve, intelektualëve, pensionistëve, fshatarëve e punëtorëve, invalidëve të luftës e të punës dhe familjeve të tyre.

Do të luftoj deri në frymën e fundit për një Kosovë ku secili qytetar do të ndihej krenar me të, me identitetin e tij, me përkatësinë e tij, me qytetin e tij, me punën dhe profesionin e tij, me librat, familjen dhe miqtë e tij…Vota nuk jepet për një të ardhme të premtuar fiktive, të gjithë thonë “votoni për të ardhmen e lumtur të fëmijëve tuaj”, e ju, duhet të votoni për të sotmen, sepse askush s’ka të drejtë t’ua marrë atë, ose t’ua vjedhë. Ju keni të drejtë të keni një ëndërr të cilën duhet ta jetësoni sot!

Po kush jam unë dhe cila është ëndrra ime?

Në dimrin e largët 1977 kam qenë në grup ilegal.

I pata shpëtuar arrestimit mrekullisht. Kam qenë në demonstratën e vitit. Së pari herë e kam ndier ajrin e tendosur nga lotsjellësit…Sa lot janë derdhur për Kosovën e lirë e të pavarur? Përgjatë shekullit 20 nuk ka familje shqiptare që nuk ia kanë vra të gjitha Jugosllavitë dhe Serbitë së paku një djalë, ose që s’ia kanë mshelë në burgje një tjetër?

Si gazetar kam qenë në zgafellën e Trepçës në horizontin e nëntë me grevistët, më 1989.

Në demonstratat e po atij viti…Në Lupç kur u vra Ylfete Hu-molli…Kam qenë para Kuvendit më 2 korrik 1990 kur u shpall Republika! Jam arrestuar me 3 prill së bashku me Blerim Shalën dhe shtatë veprimtarë të Parlamentit Rinor; më 17 prill të atij viti kam dalë nga burgu dhe të nesërmen kam udhëtuar në Washington, në Kongres, me Ibrahim Rugovën dhe “Alternativën kosovare”. Kosova përmes Xhemë Xhemës dhe shqiptaroamerikanëve tjerë nisi të bëhej “çështje amerikane”, hyrën në luftën fisnike për Kosovën senatorë e kongresistë, që nga DioGuardi e deri te Gilman, Lantos dhe i famshmi Robert Dole, pastaj u rreshtuan Lugar, Ingel…Ndodhi mrekullia. Clinton, pastaj edhe George W.Bush i dolën krah vendit tim. Kam qenë i zgjedhur deputet në Kuvendin e parë postkomunist të Kosovës, më 1991, në atë Kuvend që nuk ia doli të mblidhet kurrë! Medreseja ku do të mblidheshim u rrethua nga policia serbe. Ne u zmbrapsem.

Të gjithë ne! Kosova po merrte kahe të zgjidhjes ushtarake. Edhe unë kam ikur në ekzil në Lubjanë më 1992. Kam shkruar për “Alternativën”. Jam kthyer shpejt në baltën e Prishtinës. Grevë urie kam bërë në “Rilindje” me Adem Demaçin, për fjalën e lirë më 1994…Jam zënë rob lufte më 21 maj 1999. Kam pas mendue se s’kam me i pa shqiptarët kurrë të buzëqeshur.

E kam ndier erën e lirisë më 21 shkurt 2000. U kam thënë gazetarëve të huaj se dua të fal por nuk do të harroj! Prandaj angazhohem për trajtimin e serbëve kosovarë si shtetas normalë të Kosovës. Kaq.

Kur Milosevici u paraqit për herë të parë para Tribunalit të Hagës, kam shkue në Reçak në odën e Sylë Halilit, që e kishte mbijetuar masakrën. “Lakun në fyt” ishte e vetmja fjalë e tij.

Robëria njëshekullore e Serbisë mbi Kosovën mori fund. Liria e Kosovës nuk është më lajm, sepse lajmi ka ndodhur më 12 qershor 1999.

Ideja e madhe shtetformuese e shumë breza kosovarësh po rrumbullakohet.

Kur vendosa të garoj në zgjedhje, maspari më dolën përpara fytyrat e dhjetëra ushtarëve të afërm e të njohur që ranë në fushëbetejë…të qindra e mijëra bijve e bijave të këtij vendi…Mu shfaq fytyra e Kosovës që na buzëqesh nga bota e përtejme dhe na thonë “bëjeni tash”! Unë dua të ndihmoj që Kosova të bëhet!

Adios kolegë! U pafshim!”   / Periskopi.com

Reklamë
Reklamë

Çfarë bëri Halil Matoshi nëpër vite dhe në sa politikanë kishte besim

Periskopi.com Lajme

Nuk është për bashkim kombëtar, madje kërkon komb kosovar dhe njihet si një gazetar që shumë vite.

Ky është Halil Matoshi që sot iu bashkua Aleancës për Ardhmërinë e Kosovës.

Ai shkoi në krahët e Ramush Haradinajt, në këtë kohë kur Qeveria e Kosovës është në detyrë dhe zgjedhjet mbahen më 11 qershor. E nëse ai do të jetë në listën zgjedhore, nënkupton se bashkëpunon edhe me Fatmir Limajn, meqë këto dy pari janë në koalicion parazgjedhor.

Pas një kohe të gjatë pushimi si pjesë e politikës, Matoshi, ka vendosur t’i bashkohet prapë politikës, raporton Periskopi

Ai që një kohë të gjatë flet si opinionist, por ky nuk është kalimi i tij i parë në politikë.

Dikur ishte në krahët Veton Surroit. Kjo ndodhi në vitin 2007  në partinë reformiste ‘ORA’ të Veton Surroit, e cila nuk kishte arritur ta kalonte pragun zgjedhor prej 5%.

E në ditën e aderimit, ai tha u kishte besuar dy njerëzve, Rugovës dhe Haradinajt.

Harroi Surroin me të cilin nisi një rrugëtim politik dikur.

“Mendoj që politika është besim. Nëse nuk ka besim, rezultatet janë të dobëta. Në jetën time, në politikë u kam besuar dy njerëzve: Ibrahim Rugovës dhe Ramush Haradinajt. Këta dy njerëz më kanë dhënë siguri. Nëse nuk ke siguri rezultatet janë të dobëta. Ne duam që qytetarëve të Kosovës t’ia kthejmë besimin. Prandaj na priftë e mbara”, ka thënë Matoshi.

Matoshi ishte edhe i burgosur politik, u arrestua gjatë bombardimeve të NATO’s dhe u lirua pas rreth një viti.

Ai mori pjesë në protestat e studentëve.

Pak netë më parë, Matoshi në televizion kishte deklaruar se e admiron Ramush Haradinajn dhe tha fjalë të mira për të./ Periskopi

 

Flet Halil Matoshi, tregon përse iu bashkua AAK-së

Reklamë
Reklamë

Flet Halil Matoshi, tregon përse iu bashkua AAK-së

Periskopi.com Lajme

Publicisti Halil Matoshi tashmë ka hyr në politik.

Ai ka zgjedhur AAK-në që të jetë pjesë e saj.

Në një konferencë ku u prezantua aderimi tij Matoshi tha se besimi që ka në Haradinajn dhe stafin e tij e ka shtyrë për të marr këtë vendim, raporton Periskopi

I pyetur nëse do të mund të qonte para idenë e tij për kombin kosovar në këtë subjekt, ai tha se idetë teorike mbesin libra, pra vetëm të tilla.

Ndërsa Haradinaj që u shpreh i nderuar që tashmë e ka në parti tha se AAK-ja është e hapur për të gjithë ata që duan të punojnë pa hile.

Ndërsa, Muharrem Nitaj në fund të konferencës tha se shpresojnë që pas Matohsin do u bashkohen edhe shumë të tjerë./ Periskopi

Reklamë
Reklamë

Zyrtare: Halil Matoshi i bashkohet AAK-së

Periskopi.com Lajme

Publicisti Halil Matoshi i bashkohet Aleancës për Ardhmërinë e Kosovës, kështu behet e ditur në një njoftim për media të partisë.

Zyrtarizmi do të bëhet gjatë një konference për media sot në ora 12:00.

Njoftimi i plotë:

Konferencë shtypi në AAK

Halil Matoshi i bashkohet AAK-së

Konferenca mbahet në Selinë Qendrore të AAK-së në ora 12:00

Reklamë
Reklamë

Matoshi për sulmin ndaj Xharrës: Republika ka me u rezistu barbarëve

Periskopi.com Lajme

Publicisti dhe analisti, Halil Matoshi ka dënuar rrahjen e anëtares së PDK-së, Arbana Xharra, duke e cilësuar këtë akt si sulm mbi themelet e lirisë.

Matoshi përmes një postimi në Facebook, ka thënë se “I lig asht ai njeri dhe ajo mendje kriminale qe ngre dore mbi nji grue e nane”.

Postimi i plotë i Matoshit:

“Sulmi mbi Arbanen asht sulm mbi themelet e lirise se Kosoves !

I pajetueshem asht ai vend ku sulmohen e rrihen lajmesit (gazetaret) dhe akecili qyetetar. I shkrete asht nji komb qe ngriet n’mjes me lajme te tilla !

I lig asht ai njeri dhe ajo mendje kriminale qe ngre dore mbi nji grue e nane!

Republika ka me u rezistue barbareve dhe ka me i mund ata. Jam i sigurt !!!

Reklamë
Reklamë

Halil Matoshi në LDK? (Foto)

Periskopi.com Lajme

Analisti Halil Matoshi është parë sot me zyrtarë të lartë të LDK-së.

Në këtë kohë kur Qeveria është vetëm në detyrë, gjithë partitë në vend kanë filluar negociata me secilin njeri që mendojnë se ia vlen të jetë pjesë e subjektit apo se mund të sjell vota.

Data e zgjedhjeve është caktuar dhe bisedimet për koalicione të mundshme tashmë kanë filluar.

Dy nga njerëzit më të afërt të Isa Mustafës u panë sot me Halil Matoshin. Me Vlora Dumoshin dhe Arban Abrashin.

Nuk dihet nëse thjeshtë takim miqësor apo ata i kanë bërë ndonjë ofertë Matoshit./ Periskopi

Reklamë
Reklamë

Matoshi i’a jep një ide Thaçit si t’iu shpëtojë ndërkombëtarëve e ta bëjë ushtrinë

Opinionisti Halil Matoshi, në debat me presidentin Thaçi në RTV 21, ka shprehur bindjen se në këtë situatë, kur Serbia i ka zgjedhjet në prag, edhe amerikanët, edhe ndërkombëtarët po mundohen të blejnë vetëm kohë.

Periskopi.com Lajme

 

Ai përmendi ambasadorin Delaëie, i cili sot ka thënë që nuk përzihet në politikat sovrane të shteteve, duke iu referuar krijimit të ushtrisë së Kosovës.

Matoshi i ka thënë presidentit Thaçi, që krijojeni ushtrinë nëse jeni të sigurt që NATO nuk e penalizon më tej.

Reklamë
Reklamë

Matoshi – kryeministrit: Nuk është marre me e lut opozitën (Video)

Analisti i RTV21, Halil Matoshi iu drejtua kryeministrit të Kosovës, Isa Mustafës, duke i thënë se nuk është marre që një kryeministër ta thërrasë opozitën për të ndërtuar një koncenzus kombëtar.

Periskopi.com Lajme

“Nuk është marre një kryeministër ose një president me e thirr opozitën përditë me i lut me ardh në takime edhe me ndërtu koncenzus kombëtar për çështje e mëdha të interesit vital të Kosovës të shtetit edhe të kombit”, tha ndër të tjerash Matoshi, shkruan rtv21.tv

Matoshi shtoi se duhet lutur dhe thirrur publikisht edhe serbët por edhe opozitën, kjo pasi që siç tha ai Kosova po humb shumë kohë e kemi sfida të mëdha shtetërore si ajo e formimit të ushtrisë.

 

 

 

Reklamë
Reklamë

Matoshi tregon qëllimin e BE-së në dialogun mes Kosovës dhe Serbisë

Analisti i çështjeve politike, Halil Matoshi ka thënë se është zyra e Federica Mogherinit, është ajo që i ka detyruar pjesëmarrësit e delegacionit që të heshtin.

Periskopi.com Lajme

Kjo po bëhet që të mos shpërndahen retorika nxitëse sipas Matoshit.

“Për sa i përket heshtjes, duket që vet zyra e zonjës Mogherini i ka obliguar palët që të mos japin deklarata për media, që të mos shpërndajnë retorika nxitëse, të cilët mund të helmojnë praktikisht gjendjen e tensionuar edhe ashtu ndërmjet dy shteteve”, tha ai.

Matoshi duke e komentuar pjesëmarrjen e presidentëve Thaçi dhe Nikoliq, në këtë takim, tha se ideja është që të ulën tensionet në terren.

“Unë mendojë që Brukseli zyrtar, përkatësisht zonja Mogherini i ka thirrur palët në Bruksel, përkatësisht në nivel të kryetarëve të shteteve dhe  të kryeministrave që t`i ulin tensionet në terren, që mos të nxisin retorikë nacionaliste, dhunë tek qytetarët e rëndomë”, thotë Matoshi.

Megjithatë, sipas tij, Brukseli e di që dialogu objektivisht është i vdekur.

“Prandaj për momentin vetëm po synon që palët t`i mbajë bashkë, d.m.th që të mos i lejojë, apo t`i pengojë për të shpërndarë mesazhe të dhunshme në vendin e tyre, përkatësisht për përdorim të brendshëm është pasi që dihet se palët nuk kanë mbërri ndonjë rezolutë deri më tash të kënaqshëm. Për momentin BE-së i mjafton që vetëm të mos ketë konflikt”, tha Matoshi për GazetaBlic.

Në lidhje me heshtjen e dy presidentëve, të Kosovës dhe atij të Serbisë, GazetaBlic ka raportuar edhe më parë, ku nga burime të saj ka marrë vesh që konkretisht Mogherini ajo që ka urdhëruar këtë heshtje.

Raundi i ri i takimeve Kosovë – Serbi në nivel presidentësh filloi pas tensioneve që u ngritën pas ndërtimit të murit në veri, arrestimit të liderit të AAK-së, Ramush Haradinaj bazuar në një flet arrest të lëshuar nga institucionet serbe më 2004, dhe sidomos pas tentimit të hyrjes së trenit ilegal në Kosovë.

Reklamë
Reklamë

Halil Matoshi nervozohet keq, përdor cilësime ofenduese për shqiptarët

Publicisti dhe gazetari Halil Matoshi sikur është nervozuar kësaj radhe.

Periskopi.com Lajme

Ai thotë se Perëndimi u dëshmua injorant përball shqiptarëve, e që këta të fundit i ofendon me termin ‘sheep-eve’, term ky ofendues për shqiptarët duke u thënë dele, raporton Periskopi

Duke bërë shumë pyetje, Matoshi thotë se sheep-et si ju thotë ai shqiptarëve, nuk e kanë idenë e një atdheu praktik, kushtetues, e të jetueshëm, që sipas tij, është thjesht një shtet kombëtar.

Shkrimi i tij i plotë:

Ne mbrojtje te pakompromis e te guximshme te Republikes ne tanesine e territorit kushtetues

Une nuk e di pse Perendimi (ShBA) u deshmu kaq injorant perballe sheep-eve gjenial e kaq menjemprehte dhe pse “deshtuen” krejt teorite dhe praktikat Perendimore ne komb-krijimin dhe shtet-ndertimin e saj?

Perse u ndertua ideja e clirimit te Kosoves dhe [erse u “shkrine” rreth 30 miliarde dollare deri me sot per pavaresine Kombetare te saj?

Perse u ba ajo lufta dritheritse shtate javeshe ajrore, kur paska pase zgjidhje e ide tjera ma te mira, madje nga vet sheep-et?

Zgjidhje njetenike, kembim territoresh, megal-ide e projekte tjera te folklorit ballkanas?

Thjesht sheep-et nuk e kane idene e nji atdheu praktik – te ksobotshem (atdhe kushtetues) e te jetueshem – qe asht thjesht nji shtet kombetar!

P.S,

I mjerueshem asht ai shtet qe s’ka patriota ligjor por vecse opurtun qe kqyrin kah po shkon forca dhe popullizmi – qe u piket me u strehue n’folklor e n’legjenda – e mos me u dal perballe atyne shtetngarnesve qe po duen me ua grrye ashtin e me ua lendue shpirtin kosoavreve!  / Periskopi

Reklamë
Reklamë

Nuk do ta besoni: Halil Matoshi në krahët e Hashim Thaçit (Foto)

Verë, birra e duhan. Këto ndodhen në tavolinën që ka bashkuar Halil Matoshin dhe Hashim Thaçin.

Periskopi.com Lajme

Fundviti dhe festimet sikur po bashkojnë të gjithë, por ky takim duhek nga më interesantit.

Atmosfera bëhet edhe më e plotë kur aty ndodhet edhe ish kandidati i dikurshëm për Prishtinën nga radhët e PDK-së, Astrit Salihu, i njohur si filozof i oborrit të Hashim Thaçit.

Madje, me ta, është edhe Vigan Qorrolli. Që mbanë veten për analist, por dikur ishte këshilltar i ministrit të Drejtësisë, Hajredin Kuçi.

Ndryshe, Matoshi është një kritikues i madh i Thaçit, hiq më larg se kur ai u bë president, Matoshi tha se ka blerë vota. Dikur thoshte se ai nuk di të lexojë, e madje e ka quajtur edhe frikacak në politik./ Periskopi

Reklamë
Reklamë

E pabesueshme, Halil Matoshi mbështet këtë kombëtare….

Opinionisti dhe gazetari Halil Matoshi i cili mbështet gjithmonë Kosovën në çdo ndeshje futbolli, sonte ka habitur të gjithë.

Periskopi.com Lajme

Ai po e përkrahë Shqipërinë, e cila luan me Izraelin në Elbasan.

“Forca Albania! Vajin e kemi n’er buze!”, ka shkruar ai, pak para fillimit të ndeshjes, pas përfundimit të ndeshjes Turqi-Kosovë./ Periskopi

Reklamë
Reklamë