Thaçi takohet me Delawien, tregon për takimin dhe Ushtrinë

Kryetari i Kosovës, Hashim Thaçi sot ka pasur një takim të rregullt me ambasadorin amerikan, Greg Delawie.

Periskopi.com Lajme

Ai për transmetuesin publik ka thënë se raportet e Kosovës me Shtetet e Bashkuara kanë qenë, janë dhe do të mbesin gjithmonë të shkëlqyera, speciale.

“Definitivisht Forcat e Armatosura të Kosovës do të bëhen – me ndryshime kushtetuese ose me ligj. Unë mbështes angazhimin për ndryshime kushtetuese, por në të njëjtën kohë nuk lejoj që të mbesim peng i disponimit të Beogradit, e as të tre-katër individëve që ta mbajnë pezull apo ta pengojnë themelimin e Forcave të Armatosura të Kosovës”, është shprehur Thaçi.

“Askush nuk mund të vërë veto mbi themelimin e Ushtrisë së Kosovës. Ky është vullneti i dy milionë qytetarëve të Kosovës, është vullneti i të gjitha partive politike, i të gjitha institucioneve të Kosovës”, ka thënë Thaçi.

 

Greg Delawie

Mos e kaloni Projektligjin për Ushtrinë

Ambasadori i Shteteve të Bashkuara në Kosovë, Greg Delawie, në një intervistë për Telegrafin ka bërë të ditur se themelimi i Ushtrisë së Kosovës nuk është qëllim veç i Kosovës po edhe i tyre.

Periskopi.com Intervista

Delawie ka theksuar se SHBA-të kanë qenë të qarta se themelimi i Ushtrisë duhet të bëhet përmes ndryshimit të amendamenteve kushtetuese dhe se anashkalimi i këtij procesi mund të ketë pasoja për marrëdhëniet e SHBA-ve me Forcën e Sigurisë së Kosovës.

“Nuk dua të spekuloj se çfarë pasojash mund të ketë, sepse ende ka kohë që Kuvendi ta bëjë gjënë e duhur dhe ta hedh poshtë këtë projektligj”, ka thënë Delawie.

Ambasadori amerikan gjatë kësaj interviste ka thënë se duhet të miratohet Marrëveshja e Demarkacionit me Malin e Zi, duke shtuar se është për keqardhje që liberalizmi i vizave, sipas tij, pengohet nga disa individë për arsye politike – nga ata që kanë mundësi të udhëtojnë lirshëm!

Intervistën e plotë me ambasadorin Delawie, mund ta lexoni më poshtë:

Keni shprehur shqetësimet tuaja lidhur me iniciativën e presidentit Hashim Thaçi për Projektligjin për themelimin e Ushtrisë së Kosovës. Madje, keni thënë se në rast se ky projektligj miratohet, do të rivlerësoni bashkëpunimin SHBA-Kosovë. A do të ndodhë me të vërtetë një gjë e tillë në rast se Kuvendi e miraton këtë Projektligj? Pra, a rrezikohen të dëmtohen raportet SHBA-Kosovë?

 

Delawie: Që nga viti 2012 kemi punuar ngushtë me Ministrinë e FSK-së dhe elementet tjera të Qeverisë së Kosovës, për hartimin e planit të transformimit të FSK-së në Forcat e Armatosura të Kosovës. Krijimi i FAK-ut nuk është qëllim veç i Kosovës, por gjithashtu edhe qëllimi ynë. Por, kemi qenë të qartë se themelimi i një ushtrie duhet të bëhet përmes amendamenteve kushtetuese dhe në bashkëpunim dhe me mbështetjen e të gjithë popullit të Kosovës.

Siç kemi thënë javën e kaluar: anashkalimi i këtij procesi kushtetues, përmes ligjit, mund të ketë pasoja të mundshme për marrëdhëniet tona me Forcën e Sigurisë së Kosovës. Nuk dua të spekuloj se çfarë pasojash mund të ketë, sepse ende ka kohë që Kuvendi ta bëjë gjënë e duhur dhe ta hedh poshtë këtë projektligj. Gjithashtu, mendoj se është e rëndësishme të reflektohet ndaj deklaratave të Sekretarit të Përgjithshëm të NATO-s, Jens Stoltenberg i cili javën e kaluar tha “nëse mandati i FSK-së evoluon ashtu siç është propozuar, NATO-s do t’i duhet ta rishikojë nivelin e saj të përkushtimit, në veçanti lidhur me ndërtimin e kapaciteteve”.

Pra, mendoni se nuk ishte momenti i duhur që institucionet e Kosovës, në këtë rast presidenti Thaçi, ta iniciojë themelimin e Forcës së Armatosur të Kosovës?

Delawie: Ne e respektojmë të drejtën e Kosovës si shtet sovran që t’i marrë vendimet e veta, por nuk mendojmë se është koha për këtë, e as mënyra e duhur për t’i ndërmarrë këta hapa kaq të rëndësishëm.

Kur, sipas jush, është koha e duhur që Kosova të formojë Ushtrinë e saj?

Delawie: Ekziston një plan tranzicioni, i cili është përpiluar në bashkërenditje të ngushtë me Ministrinë e Forcës së Sigurisë së Kosovës, por është plan i cili kërkon vite të tëra për t’u përmbyllur dhe që kërkon ndihmë të vazhdueshme nga SHBA-të dhe NATO-ja.

Të kthemi pak tek çështja e Demarkacionit me Malin e Zi. Opozita ka paralajmëruar sërish bllokadë nëse marrëveshja kthehet për votim në Kuvend. Si i shihni ju paralajmërimet e tilla dhe, cila do të ishte zgjidhja e duhur për këtë situatë?

Delawie: Kemi përsëritur se marrëveshja për shënimin e kufirit është e mirë dhe se duhet të miratohet. Është për të ardhur keq që individët, të cilët tashmë e kanë mundësinë të udhëtojnë lirshëm nëpër Evropë, e pengojnë pjesën tjetër të popullatës së Kosovës për të vepruar njëjtë – për arsye politike.

Sivjet thuhet se do të ngritën akuzat e para me të cilat do fillojë të veprojë Gjykata Speciale. Si e shihni Kosovën në periudhën e Gjykatës Speciale dhe pas saj?

Delawie: Shpresojmë që Gjykata Speciale do të sjell disa individë para gjyqit dhe se do të ndihmojë në shërimin e plagëve të mbetura.

Përse Ambasada amerikane akoma nuk ka filluar të lëshojë vizat për banorët e Kosovës, por ata detyrohen të shkojnë për këtë në Maqedoni. Kur pritet të zgjidhet ky problem?

Delawie: E kuptojmë se sa e vështirë dhe e papërshtatshme është për kosovarët që të udhëtojnë në Shkup për një intervistë për vizë. Në janar të vitit 2017, kemi nis t’i pranojmë aplikacionet për kosovarët mbi 60 vjeç. Kishim me dhjetëra të tillë që kanë aplikuar dhe ata janë shumë të kënaqur me shërbimin. Javën e ardhshme do të fillojmë me procedimin e vizave J1, për programin veror “Punë dhe udhëtim”, i cili është program shkëmbimi për studentë që u mundëson atyre të punojnë në SHBA gjatë pushimeve verore. Më shumë se 500 aplikantë nuk do të kenë nevojë të shkojnë në Shkup këtë vit.

Do të dëshironim t’i ofrojmë të gjitha shërbimet për viza, por jemi të kufizuar për shkak të hapësirës, sigurisë dhe të numrit të punëtorëve. Ambasada jonë nuk është paraparë që të pranojë, në suaza të sigurta, qindra aplikantë për viza. Jemi duke bërë aq sa kemi mundësi brenda zyrave tona, por jemi duke shqyrtuar mundësinë që të bëjmë më shumë. Posa të shpërngulemi në objektin e ri vitin e ardhshëm, do t’i ofrojmë të gjitha shërbimet për viza. Ndaj, shpresoni si ne për mot të mirë që ndërtimi të shkojë pa pengesa. /Telegrafi

Thaçi flet pas deklaratave të ambasadorit amerikan për ushtrinë e Kosovës

Presidenti i vendit Hashim Thaçi, ka theksuar sërish se Ushtria e Kosovës do të formohet.

Periskopi.com Lajme

Thaçi në emisionin “Click” në RTV21, ka thënë se procesi i transformimit të FSK-së në Ushtri, do të jetë proces gjithëpërfshirës dhe do të mbyllet suksesshëm.

“Do ta kemi ushtrinë dhe do ta ruajmë partneritetin me ndërkombëtarët”, tha Thaçi.

Presidenti më tej ka theksuar se do të vazhdojnë të insistojnë që t’i bindin deputetët e Listës Serbe që të marrin pjesë në këtë proces, duke theksuar se Ushtria e Kosovës nuk do të jetë vetëm e një etnie.

“Deputetët e Listës Serbe do ti presim deri në sekondën e fundit që të marrin pjesë në këtë proces”, tha Thaçi, transmeton Telegrafi

Duke komentuar letrën dërguar Sekretarit të Përgjithshëm të NATO-s, Jens Stoltenberg, Thaçi tha se “nuk i kundërpërgjigjem askujt, por është obligim i imi kushtetues që të ju sqarojë”

Thaçi shtoi se fundi i fundit ky është vendim i institucioneve të Kosovës që të vendosin vetë.

Greg Delawie

Delawie: Mos i kërcënoni ata që votojnë demarkacionin

Ambasadori amerikan në Kosovë, Greg Delawie ka mirëpritur punën e Komisionit për matjen e territorit lidhur me marrëveshjen e Demarkacionit me Malin e Zi.

Periskopi.com Lajme

Ai përmes një deklarate në rrjetin e tij social Twitter, ka thënë se çdo kërcënim që u bëhet zyrtarëve publik për votën e tyre për demarkacionin, është i dënueshëm.

“Mirëpres punën profesionale të Komisionit për Marrëveshjen e Demarkacionit të kufirit dhe dënoj çdo kërcënim drejtuar zyrtarëve publik rreth votës së tyre për demarkacionin. Kjo është e papranueshme në demokraci”, ka shkruar ai.

Delawie thotë se duhet ndryshime kushtetuese për transformimin në FAK

Ushtria duhet të formohet me ndryshimet kushtetuese që mundësojnë atë.

Periskopi.com Lajme

Ambasadori amerikan për Kosovë, Greg Delawie theksoi se ambasada e mbështet transforimin e FSK në FAK.

“Ne i mbështesim dhe i kemi mbështetur për një kohë të gjatë Forcat e Sigurisë së Kosovës. Ne e mbështesim transformimin nga Forcat e Sigurisë së Kosovës në Forcat e Armatosura të Kosovës. Mendojmë se kjo duhet të bëhet në përputhje me Kushtetutën e Kosovës. Duhet të miratohen ndryshimet kushtetuese që mundësojnë transformimin. Ne do ta mbështesim atë në tërësi”, ka thënë ai.

Tutje Delawie inkurajon Listën Serbe që të rikthehet në Kuvend.

“Sigurisht që e inkurajoj Listën Serbe për t’u kthyer në Kuvend dhe për të filluar, për të rifilluar punën për zgjedhësit e tyre në Kosovë, siç i inkurajoj edhe serbët e Kosovës që kanë pozita qeveritare të kthehen në qeveri. Mendoj se ekziston mënyra për të arritur ku duam”, ka thënë ai.

Greg Delawie

Delawie është për ratifikim të demarkacionit

Hap përpara e cilëson ambasadori amerikan në Kosovë, Greg Delawie, formimin e komisionit të ri për rishikimin e procesit të demarkimit të kufijve me Malin e Zi.

Periskopi.com Lajme

Qëndrimi i ambasadës sipas Delawie është se rezultati i kufirit nga komisioni është i njëjtë me atë të vitit 1974.

“Drafti i kufirit është identik me atë që e ka ndarë Kosovën me Malin e Zi të paktën qysh prej vitit 1974. Është kufiri që është në Kushtetutën e Kosovës, është kufiri që është në flamurin e Kosovës, është kufiri i duhur. Më duhet të them se do të dëshiroja që një copëz e energjisë që është shpenzuar në këtë çështje t’i ishte përkushtuar zgjidhjes së çështjeve të vërteta në Kosovë, si trajtimi i çështjes së korrupsionit apo të papunësisë”, ka thënë ai.

Delawie inkurajon deputetët dhe zyrtarët qeveritarë që ta ratifikojnë këtë marrëveshje.

“Natyrisht, duam që shtetet të kenë marrëveshje dhe ne nuk do t’iu themi çfarë të bëjnë saktësisht. Kjo nuk është puna jonë. Por, kufiri që komisioni e ka shënuar është kufiri i duhur; është kufiri prej vitit 1974 dhe sigurisht që do t’i inkurajoja deputetët e Kuvendit dhe zyrtarët e qeverisë së Kosovës për ta ratifikuar marrëveshjen ashtu që të merren me çështjet tjera më të rëndësishme për qytetarët”, ka thënë ai.

Greg Delawie

Pavarësisht deklaratave të Donald Trump, Greg Delawie mbetet në Kosovë

Urdhëresa e presidentit të zgjedhur të Shteteve të Bashkuara të Amerikës, Donald Trump, që të gjithë ambasadorët amerikanë nëpër botë të japin dorëheqje, nuk do të vlejë për ambasadorin në Kosovë, Greg Delawie.

Periskopi.com Lajme

Kjo pasi që Delawie është pjesë e zyrtarëve të karrierës në Shërbimin e Jashtëm, kanë sqaruar për Ekonomia Online në Ambasadën Amerikane në Prishtinë.

Zëdhënësi i Departamentit të Shtetit Amerikan, John Kirby, javën e kaluar lajmëroi se të gjithë të emëruarit politikë në administratën e Obamas janë urdhëruar që të dorëzojnë dorëheqjet e tyre deri më 7 dhjetor, dhe këto dorëheqje sipas tij hyjnë në fuqi më 20 janar në mesditë.

Por zëdhënësja e Ambasadës së SHBA-së në Prishtinë, J. Michelle Schohn, sqaron se kjo urdhëresë nuk vlen për ambasadorin Greg Delaëie dhe se ai do të vazhdojë detyrën edhe gjatë mandatit të presidentit të ri, Donald Trump.

“Nga ambasadorët që janë zyrtarë të karrierës në Shërbimin e Jashtëm, siç është ambasadori Delaëie, nuk pritet që të dorëzojnë dorëheqje në fund të mandatit të administratës së Obamas”, tha zëdhënësja Schohn, në një përgjigje me shkrim për Ekonomia Online.

Sipas saj, kjo është praktikë standarde që ndodh në fund të një administrate, prandaj të emëruarit politikë të kësaj administrate, apo të cilësdo administratë, nuk presin që të mbesin në ato pozita pas inaugurimit të administratës së re që do të vijë.

Qytetari ia tregon vendin ambasadorit amerikan, ia kujton vuajtjen e nënave gjakovare (Foto)

Ambasadori amerikan në Kosovë, Greg Delawie ka shkruar sot në rrjetin e tij Twitter, duke shprehur zhgënjimin e tij për protestat e dhunshme në Gjakovë.

Periskopi.com Lajme

Ai ka thënë se dhuna nuk duhet të jetë e pranishme në protesta.

“I zhgënjyer nga ngjarjet e sotme në Gjakovë, dhuna nuk ka vend në protesta apo në manifestimet paqësore”- ka shkruar Delawie.

Por, ka qenë një qytetar që ia ka postuar një fotografi dhe disa fjalë, duke ia kujtuar atij se çfarë ka ndodhur në Gjakovë dhe se si ende nuk janë shëruar plagët e nënave gjakovare.

Fotografia e postuar është e nënë Ferdonija të cilën e njeh e gjithë Kosova, nën kjo që ia kanë vrarë bashkëshortin dhe katër djemtë dhe jeton e vetme, e që për disa nga anëtarët e saj ende nuk dihet, sepse janë të zhdukur.

Më shumë ka marr pëlqime qytetari që i ka komentuar ambasadorit, se vet ambasadori në postimin e tij./ Periskopi

unnamed

 

Policia arreston nënat gjakovare (Video)

 

Gjakovarët në këmbë kundër pelegrinëve serbë (Foto)

 

 

 

 

Greg Delawie

Delawie i zhgënjyer nga protesta e dhunshme në Gjakovë

Ambasadori i Amerikës në Kosovë, Greg Delawie, është zgjënjyer nga ngjarjet e sotme në Gjakovë.

Periskopi.com Lajme

Ai ka thënë se dhuna nuk duhet të jetë e pranishme në protesta.

“I zgjënjyer nga ngjarjet e sotme në Gjakovë, dhuna nuk ka vend në protesta apo në manifestimet paqësore”- ka shkruar Delawie në Twitter.

auto_delawie1483721352

Trump – presidenti i fjalëve më seksiste, Delawie dënon gjuhën e tillë në Kosovë

Lista e gjatë e sharjeve që është bërë nga presidentit i SHBA Donald Trump karshi femrave përfshinë fjalë të rënda dhe seksiste si: ajo është një qenë, një derrkuce e shëndoshë dhe e shëmtuar.

Periskopi.com Lajme

Në Tëitter, Trump për redaktoren e Huffington Post kishte thënë “ ajo është një qenë e cila gabimisht komenton mbi mua”.

Ngjashëm kishte ndodhur edhe me komedianen Rossie O’ Donell ku thotë se “ ajo është një llom, si del në televizion, po të ishte për mua do ta shikoja drejt e në sy atë fytyrë të shëmtuar dhe do t’i thoja Rosie, ti je e pushuar, e gjitha kjo pasi ajo kishte komentuar rreth tij.

Pas fyerjeve të bëra moderatorja e lajmeve Fox Megyn Kelly në intervistën me Trup pyet se pse i ka quajtur gratë të cilat nuk i pëlqen me fjalë seksiste, derra, qen, kafshë, për disa prej tyre keni thënë madje se gjaku u del ngado.

Për këtë, fare qetë, ai është përgjigjur se për këtë fjalë ai i ishte referuar hundës spirance të saj, më pas kishte vazhduar “ unë i vlerësojë gratë dhe dua t’i ndihmojë ato, unë do të jem në gjendje të bëjë gjëra për to që asnjë kandidat asnjëherë nuk ka bërë.

Fjalët nuk i mbajti gjatë sepse vetëm 10 ditë më vonë për revistën Time ai kishte thënë “ Heidi Klum nuk është më një 10 “.

“ Kur je një yll mund t’i kapësh gratë nga “pussy” ti mund të bësh çfarë të do qejfi me to”  citohet të ketë thënë Trump në një video regjistrim, mirëpo frika e Republikanëve nuk mbaron me kaq pasi flitet se ka edhe shumë video të tjera me fjalë edhe më të turpshme.

Për të gjitha kritikat që i janë bërë Trump ai edhe në vitin 1991 për revistën Esquire kishte një përgjigje , nuk ka rëndësi se çfarë shkruajnë për ty derisa e ke një “ një copë të re dhe të bukur” duke i’u referuar gruas së tij.

E nën anën tjetër, ambasadori amerikan në Kosovë, Greg Delawie ka reaguar ndaj deklaratave të anëtarit të Lëvizjes Vetëvendosje, Sami Kurteshi i cili e quajti “lopë” dhe “hienë” Ministren e Drejtësisë, Dhurata Hoxha.

 

“Jam i zhgënjyer nga komentet seksiste në Kosovë. Duhet të ndryshohet qëndrimin që vlerëson të qenit të sigurt, konkurrues dhe ambicioz, përveç nëse jeni një grua”, ka shkruar ai në një postim në llogarinë e tij në Twitter./ Periskopi

Greg Delawie

Intervistë ekskluzive: Delawie thotë se ShBA nuk ndryshon politikën ndaj Kosovës as me Trumpin

Ambasadori i Shteteve të Bashkuara të Amerikës në Kosovë, Greg Delawie, në një intervistë ekskluzive për Periskopi.com flet për vdekjen e Astrit Deharit, për zgjedhjet në ShBA dhe ndryshimin e mundshëm të marrëdhëniet mes këtyre dy vendeve pas zgjedhjes së Donald Trump si president, flet për zgjedhjet e parakohshme në Kosovë dhe shumë të tjera.

Shpend Gudaqi Lajme

Gjatë intervistës ka thënë se vdekjet në mbajtje janë gjithmonë shqetësuese dhe se mirëpresin përfshirjen e vëzhguesve të pavarur në rastin e Astrit Deharit.

Thotë se takohen me secilin subjekt politik në Kosovë, por që nuk preferojnë dhunën dhe nuk takohen me individë që ushtrojnë atë apo promovojnë.

Delawie për Periskopi.com thotë se politika e ShBA-së lidhur me Kosovën nuk pret të ndryshoj pas zgjedhjet se Trumpit.

Ka folur edhe zgjedhjet e parakohshme në Kosovë që po diskutohen që disa kohë, e Delawie thotë se pavarësisht kur do mbahen, Qeveria nuk duhet ndalur së punuari.

Greg Delawie

Periskopi: Kemi hyrë në javën e tretë dhe mospajtimet për rastin e aktivistit të VV-së, Astrit Dehari, që vdiq në Qendrën e Paraburgimit në Prizren vazhdojnë ende. U kontestua edhe rezultati i autopsisë; u kërkua edhe një hetim ndërkombëtar nga Ambasada Britanike, por s’ka ende përgjigje. Si e shihni ju zoti Delawie zgjidhjen e kësaj situate?

Delawie: Ambasada ka mirëpritur përfshirjen e vëzhguesve të pavarur në hetim nga Ministria e Drejtësisë që nga fillimi. Vdekjet në mbajtje janë gjithmonë shqetësuese dhe ne jemi të inkurajuar nga fakti se Ministria e Drejtësisë është duke i adresuar çështjet që kanë dalë në pah nga ky rast në mënyrë që të parandalohen tragjeditë në të ardhmen.

Periskopi: A mban ambasada amerikane kontakte me Lëvizjen Vetëvendosje – dhe çfarë bashkëpunimi ka?

Delawie: Stafi nga Ambasada takohet me çdo parti politike në Kosovë për të diskutuar çështje të shumëllojshme lidhur me politikat dhe prioritetet. Sidoqoftë, ne nuk takohemi me individë që marrin pjesë në dhunë apo e promovojnë atë si mjet për të bërë deklaratë politike, apo me ata që janë paditur apo dënuar për korrupsion. Qëndrimi ynë lidhur me këto dy çështje ka qenë shumë i qartë.

Periskopi: Përfliten shume zgjedhjet e parakohshme si mënyrë e të dalurit nga papajtueshmëria e madhe politike për çështje të ndryshme në Kosovë? A mendoni ju zoti Delawie që duhet shkuar në zgjedhje?

Delawie: Diskutimet lidhur me zgjedhjet e parakohshme nuk duhet të shpërqendrojnë nga puna e rëndësishme që qeveria duhet të vazhdojë të bëjë lidhur me çështjet për të cilat brengosen njerëzit e Kosovës, siç janë miratimi i një buxheti të qëndrueshëm, punësimi i profesionistëve të kualifikuar për pozita kritike në qeveri, zhvillimi i hetimeve për korrupsion dhe keqpërdorim të detyrës zyrtare, dhe të siguruarit që të gjithë qytetarët e Kosovës, përfshirë pakicat, kanë qasje në arsimim, kujdes shëndetësor dhe shërbime tjera sociale cilësore. Poashtu, kjo qeveri duhet të mbajë përqendrimin e saj në zhvillimin e ekonomisë së Kosovës, tërheqjen e investimeve të sektorit privat dhe rritjen e punësimit, dhe përparimin drejt integrimit evropian, duke përfshirë edhe kualifikimin për liberalizimin e vizave.

Periskopi:  Jemi në muajt e fundit të vitit; si e vlerësoni ju angazhimin e Qeverisë gjatë këtij viti? A mendoni se Kosova ka shënuar ndonjë progres, veçanërisht në ekonomi kur dihet se papunësia mbetet problemi më i madh i kosovarëve?

Delawie: Që nga pavarësia Kosova ka bërë përparim të dukshëm në vendosjen dhe zhvillimin e politikave dhe legjislacionit për tregun e lirë, dhe në përmirësimin e ambientit për afarizëm, siç edhe kemi parë në raportin e fundit të Bankës Botërore për Bërje të Biznesit. Qeveria e Kosovës poashtu ka zbatuar një pako të re fiskale për të nxitur zhvillimin ekonomik, për të tërhequr investime nga jashtë, dhe për të rritur të hyrat. Këto përpjekje duhet të vazhdojnë së bashku me përkushtimin e vazhdueshëm ndaj luftës kundër korrupsionit dhe ndaj adresimit të çështjeve tjera që e frenojnë rritjen ekonomike të Kosovës.

Periskopi: Një kërkesë e ambasadës amerikane dhe Zyrës së Bashkimit Evropian në Kosovë për luftimin e krimit dhe korrupsionit është përsëritur disa herë. Ndërkohë, raportet ndërkombëtare gjejnë se këto dukuri ende mbetën në nivel shqetësues; A mendoni se është bërë mjaftueshëm në luftimin e krimit e korrupsionit, veçanërisht në nivelet e larta institucionale?

Delawie: Kam qenë shumë i qartë në pikëpamjen time se korrupsioni është duke e mbajtur Kosovën prapa, dhe sigurisht se duhet bërë më shumë punë. Korporata e Sfidës së Mijëvjeçarit ka ulur së fundi notën për Kosovën lidhur me kriterin e saj për Kontrollin e Korrupsionit. Prapë se prapë, ka pasur përparim në disa fusha të rëndësishme. Disa deputetë dhe zyrtarë të tjerë që janë paditur për korrupsion kanë dhënë dorëheqje, prokurimi elektronik është duke ecur përpara në qeveri, dhe Qeveria e Kosovës është pajtuar që të punojë me Ambasadën e Mbretërisë së Bashkuar për të siguruar që shërbyesit civilë të lartë punësohen në mënyrë transparente dhe duke u bazuar në merita. Ne e inkurajojmë qeverinë dhe shoqërinë civile që të vazhdojnë të shtyjnë përpara këtë çështje, dhe që t’i kapitalizojnë këto suksese. Poashtu, është shumë e rëndësishme që të mbahet përparimi në fushat ku Kosova ka pasur të arritura të vërteta siç janë reformat lidhur me menaxhimin dhe llogaridhënien në Agjencinë e Doganave.

Periskopi: Donald Trump së shpejti do të jetë edhe zyrtarisht president i Shteteve të Bashkuara të Amerikës; shumë kosovarë druajnë nga një ndërrim qasjeje e mundshme e SHBA-së ndaj Kosovës, marrë parasysh raportet e mira që kanë kultivuar dy shtetet. A ekziston mundësia e ndryshimit të qasjes amerikane në raport me Kosovën?

Delawie: Politika e SHBA-ve lidhur me Kosovën ka qenë shumë konsistente gjatë tri qeverive të fundit, qoftë kur në Shtëpinë e Bardhë është një Demokrat apo një Republikan. Nuk shohim asnjë arsye që të presim që kjo të ndryshojë.

 

Sivjet në SHBA shkuan për të studiuar 268 kosovarë

U mbajt dita informuese e të rinjve për të studiuar me programe të ndryshme studimore në universitetet amerikane, në kuadër të Javës Ndërkombëtare të Arsimit të organizuar nga Ambasada e Amerikës në Kosovë.

Periskopi.com Lajme

Ambasadori amerikan në Kosovë Greg Delawie tha me këtë rast se vetëm këtë vit nga Kosova kanë shkuar në Amerike 268 të rinj për të studiuar.

Delawie tha se këtë vit, numri atyre që kanë shkuar në Amerikë për të studiuar është shumëfish më i madh se në vitet e kaluara.

Delawie takohen me zëvendëskryeministrin që shet mish pa afat

Zëvendëskryeministri i Republikës së Kosovës, Ramiz Kelmendi, ka pritur sot në takim ambasadorin e Shteteve të Bashkuara të Amerikës, Greg Delawie.

Periskopi.com Lajme

Gjatë takimit, zëvendëskryeministri Kelmendi ka njoftuar ambasadorin për angazhimin e tij në zbatimin e prioriteteve të Qeverisë, sidomos ato që kanë të bëjnë me zhvillimin ekonomik.

Zëvendëskryeministri Kelmendi ka vlerësuar lartë angazhimin e SHBA-ve për të ndihmuar ekonominë e Kosovës.

Ambasadori amerikan, Greg Delawie ka uruar zëvendëskryeministrin Kelmendi për marrjen e detyrës, duke shprehur edhe njëherë përkushtimin e Shteteve të Bashkuara të Amerikës për të përkrahur Kosovën në të gjitha proceset./ Periskopi

 

Delawie me mesazh të qartë për liderët, flet për luftën ndaj korrupsionit

Ambasadori i Shteteve të Bashkuara të Amerikës, Gregory Delawie ka inkurajuar të gjithë të vazhdojnë të promovojnë dhe mbrojnë sektorin privat, si dhe të luftojnë korrupsionin, pasi Kosova ka nevojë për ndërmarrës, të cilët krijojnë ambientin më të mirë të të bërit biznes.

Periskopi.com Lajme

Delawie i bëri këto komente në forumin “Ekosistemi i Ndërmarrësisë” ku u diskutura rreth zhvillimit potencial të ndërmarrësisë në Kosovë.

Drejtori ekzekutiv i Qendrës së Inovacionit në Kosovë, Uranik Begu tha se ndërmarrësit e rinj ballafaqohen me sfida në kuptim të zhvillimit të ideve të tyre dhe sfidës për t’i mbijetuar tregut. Sipas tij, në fokus të veçantë duhet të jetë angazhimi i gruas në biznes dhe i pjesës më të ndjeshme të shoqërisë, rinisë së Kosovës, tek e cila papunësia mbetet në nivel shumë të lartë.

Begu shtoi se shenja më pozitive dhe optimiste është se të rinjtë e Kosovës kanë vullnet për të zhvilluar bizneset e tyre dhe për të krijuar vende të reja të punës, një model ky i cili i duhet zhvillimit ekonomik dhe Kosovës në përgjithësi.

Drejtori ekzekutiv i Odës Amerikane, Arian Zeka tha se të gjithë kanë përgjegjësinë e promovimit të storieve të suksesit të ndërmarrësve të rinj ashtu që të rinjtë e tjerë të cilat janë para dilemës nëse ndërmarrësia është rruga që ata duhen zgjedhur ta kenë më të lehtë vendimmarrjen.

Zeka u bëri thirrje institucioneve arsimore të zhvillojnë dhe promovojnë trajnime specifike të ndërmarrësisë, të nevojshme në këtë epokë të zhvillimit të hovshëm të ekonomisë dixhitale, duke ditur se sipas raportit të zhvillimit njerëzor të UNDP për vitin 2016, papunësia e të rinjve, e posaçërisht e femrave, është më e larta në Evropë.

Ai shtoi se institucioneve të shtetit u mbetet ende shumë për të bërë në aspekt të politikave fiskale të cilat do të ishin nxitëse për zgjerimin e bazës së ndërmarrësisë. Kjo ngjarje, sipas Zekës duhet të shërbejë si një platformë e mirë jo vetëm për diskutim por edhe për dhënie të zotimeve për veprimet të cilat secili duhet ndërmarrë për një ekosistem plotësisht funksional të ndërmarrësisë si dhe për zhvillimin e produkteve perkrahëse për ndërmarrjet e reja nga ana e institucioneve financiare.

 

Ambasadori i Shteteve të Bashkuara të Amerikës, Gregory Delawie deklaroi se Forumi “Ekosistemi i Ndërmarrësisë” është një ngjarje e organizuar në kohën më të mirë për Kosovën, pikërisht pas vlerësimit pozitiv të Bankës Botërore mbi lehtësinë e të bërit biznes në indikatorët e fillimit të biznesit. Delaëie theksoi se kompanitë inovative në Kosovë janë përkufizim i shkathtësive dhe etikës në punë. Sidoqoftë, sipas tij, shkathtësitë nuk janë të mjaftueshme; duhet guxim për të ndërmar riskun e fillimit të një biznesi, duke pasur parasysh që ai biznes do të jetë vend i punës për dikë tjetër.

Ambasadori Delawie inkurajoi të gjithë të vazhdojnë të promovojnë dhe mbrojnë sektorin privat, si dhe të luftojnë korrupsionin. Kosova ka nevojë për ndërmarrës, të cilët krijojnë ambientin më të mirë të të bërit biznes. Kjo, sipas Delaëie është mënyra më e mirë për të për të arritur rritje të qëndrueshme ekonomike dhe për të krijuar vende të punës.

Delaëie theksoi se që nga pavarësia, Kosova ka arritur progres në ofrimin e demokracisë së lirë të tregut dhe përmirësimin e pakos fiskale për të rritur zhvillimin ekonomik dhe për të tërhequr investime të huaja. Ai tha se ndërmarrësia është shprehje e optimizmit dhe njëkohësisht inkurajoi të gjithë të ndërtojnë kompanitë e tyre, duke shtuar se këto përpjekje do të vazhdojnë të mbështeten çdo ditë.

Zëvendëskryeministri i Republikës së Kosovës, Ramiz Kelmendi theksoi se java globale e ndërmarrësisë është një mundësi posaqërisht për të rinjtë, të cilët duan t’i realizojne idetë e tyre ndërmarrëse. Ai shtoi se qeveria do të angazhohet të gjej forma të përshtatshme për të situmuluar idetë e reja dhe do të vazhdojë të ndërmarrë një sërë masash në këtë drejtim.

Poashtu, Kelmendi tha se qeveria po vazhdon të punojë në reformimin e pakos fiskale, e cila do të mbështes edhe më tej investitorët dhe ndërmarrësit e rinjë. Indikatorët e klimës së të bërit biznes janë stimuj shtesë për krijimin e një klime për investiorët e rinjë të cilët do të bëhen pjesë e përmirësimit të ambientit te biznesit.

Delawie i del krah Dhurata Hoxhës, edhe pse ajo gaboi

Ambasadori amerikan në Kosovë, Greg Delawie ka mbështetur vendimin e ministres së Drejtësisë Dhurata Hoxha për suspendimin e zyrtarëve korrektues të cilët po hetohen për keqpërdorim të detyrës zyrtare.

Periskopi.com Lajme

“E mirëpres suspendimin e zyrtarëve korrektues që janë duke u hetuar për keqpërdorimin e detyrës zyrtare. Publiku nuk duhet ta humbas besimin në drejtësi”, ka shkruar Delawie në llogarinë e tij në Twitter.

Por, Hoxha që suspendoi të hetuar, gaboi duke thënë se ndaj tyre ka aktakuzë. Reagimet e institucioneve ishin të menjëhershme, e veçanërisht nga avokatët e të suspenduarve, që vlerësojnë se janë trazuar familjarët e klientëve të tyre.

 

Reagon avokati Berisha: S’ka aktakuzë kundër zyrtarëve të burgjeve

Për t’u dukur perëndimor Kadri Veseli rrasë duart edhe në përurime të kishave

Fshati Llapushnik i Drenasit nesër bëhet me Kishë.

Periskopi.com Lajme

Në vendin, ku shumë kohë më parë filloi ndërtimi i varrezave të besimtarëve katolik të këtij fshati, e më pas edhe ndërtimi i Kishës, tashmë do bëhet shugurimi i kësaj të fundit.

“Shën Abrahami” si e mban emrin kjo Kishë, pati ngjallur shumë reagime dhe debate një kohë të gjatë në Kosovë.

Por, kreu i Kuvendit, Kadri Veseli nuk e ka lëshuar këtë rast. Ai nesër do të jetë pjesëmarrës në shugurimin e saj, raporton Periskopi

Këtu, besohet për të deklaruar se Kosova ka tolerancë fetare, aq më shumë kur vetëm një ditë më parë, ambasadori amerikan në Kosovë, Greg Delawie ka deklaruar se në Kosovë liderët politikë më shumë janë të fokusuar te kundërshtarët e tyre, se sa te ajo çka ata mbështesin.

Sipas Delawie, në Kosovë, edhe në media e edhe në rrugë, shohim një rritje të tensionit religjioz dhe etnik.

Por, punimet për këtë kishë dhe varrezat katolike shqiptare në fshatin Llapushnik kanë filluar që rreth dy vite.

Me disa ndërprerje nga banorët myslimanë të këtij vendi, një kohë punimet janë zhvilluar në praninë e Policisë së Kosovës dhe KFOR-it, raporton Periskopi

Fshatarët e Llapushnikut të komunitetit mysliman, patën protestuar për ditë të tëra, duke thënë se vendi ku po ndërtohet kisha dhe varrezat katolike është vend i ndarë për varrezat e dëshmorëve.

Ata nuk patën kundërshtuar Kishën, por vendin ku ajo është ndërtuar./ Periskopi

Frikësohet Delawie, thotë se ka rritje të tensionit religjioz dhe etnik në Kosovë (Video)

Ambasadori amerikan në Kosovë, Greg Delawie përmes një deklarate drejtuar liderëve dhe qytetarëve kosovarë, ka thënë se një vend si Kosova meriton më shumë, se sa liderë që shtyhen me kundërshtarët e tyre duke kritikuar njëri-tjetrin, në vend që të gjejnë zgjidhje të problemeve.

Periskopi.com Lajme

Delawie ka thënë se duhet punë që të krijohet e ardhmja. Andaj, ai ka bërë thirrje që së bashku të punohet drejt së ardhmes së ndritur, transmeton Indeksonline.

Ai ka thënë se qytetarët dhe taksapaguesit e Kosovës meritojnë një demokraci stabile e funksionale.

Ky është mesazhi i Delawie drejtuar kosovarëve, në veçanti liderëve të vendit:

Sot mund të shohim liderë politikë që më shumë janë të fokusuar te kundërshtarët e tyre, se sa te ajo çka ata mbështesin.

Edhe në media, e në rrugë shohim një rritje të tensonit religjioz dhe etnik, diçka krejt jo inkurajuese me tolerancën dhe mirësinë për të cilën njihet Kosova.

Unë besoj që Kosova meriton më shumë. Besoj në një të ardhme më të ndritur, me zhvillim ekonomik, një vend me demokraci stabile dhe funksionale që u përket qytetarëve dhe taksapaguesve të vendit dhe jo të interesave politike.

Një Kosovë multi-etnike, e hapur, e pavarur dhe në paqe me fqinjët e saj. Besoj se e ardhmja e mirë vjen nga mesazhet progresive dhe jo nga agjendat negative.

Besoj se historia nuk bëhet me ata që janë më të mirët në kritika, por nga ata që gjejnë zgjidhjet më të mira, nga njerëzit që mundohen të zgjidhin problem, në vend se t`i krijojnë ato.

Nuk është e mjaftueshme vetëm të flasësh, por duhet punë dhe duhet të ndërmerren aksione në këtë drejtim, para se koha të ndërrojë sërish, të bëhemi bashkë  e ta krijojmë një të ardhme të ndritur.

Këtë vit Kosova fillon ndërtimin e një faze të re me NATO-n

Ministri i Punëve të Jashtme i Kosovës, Enver Hoxhaj ka takuar gjatë ditës Ambasadorin e SHBA-së në Kosovë, Greg Delawie ku kanë diskutuar për agjendën e fundit të Kosovës në politikën e jashtme veçmas raportin e ri me NATO-në që pritet të jetësohet nga fundi i këtij viti.

Periskopi.com Lajme

Hoxhaj e ka informuar ambasadorin amerikan me vizitën e tij të fundit në New York në kuadër të Asamblesë së Përgjithshme të OKB-së, si dhe në Bruksel e Strasburg ku në fokus ka pasur lobimin për njohjen e Kosovës, agjendën e liberalizimit të vizave dhe veçmas të raporteve të reja që Kosova pritet të gëzoj me NATO-në.

“Pata një takim të rregullt dhe informativ për të shkëmbyer zhvillimet e fundit në politikën e jashtme të Kosovës. SHBA-të si brenda ashtu edhe jashtë janë njëri prej shteteve kyçe mbështetëse të Kosovës dhe takimi e  koordinimi me Ambasadorin amerikan në Prishtinë është i domosdoshëm. Veçmas e informova dhe kërkova përkrahjen për fazën e re që Kosova po synon ta ndërtoj me NATO-në nga fundi i këtij viti ku tashmë është projektuar edhe nga ana e Aleancës Veriatlantike” ka thënë Hoxhaj.

Hoxhaj e ka informuar ambasadorin Delawie edhe për vizitën e tij në Bruksel dhe Strasburg, dhe nevojën e domosdoshme për të fituar të drejtën e liberalizimit të vizave për qytetarët e Kosovës./ Periskopi