Rrëfimi i Google: Periudhat e vitit kur ndihemi më të dëshpëruar

Depresion. Ankth. Dhimbje. Stres. Ligështim. Këto kanë qenë interesat e përdoruesve të internetit, të cilët kanë kërkuar në Google pesë termat e mëposhtëm.

Periskopi.com Lajme

Numra të mëdhenj tregojnë se interesi për pesë termat e mësipërm ka qenë i lartë dhe në lidhje me të dhënat që kanë të bëjnë me to.

Kërkimet u rritën në pranverë dhe vjeshtë, u pakësuan në verë dhe ranë ndjeshëm gjatë pushimeve. Në ditën e Krishtlindjeve mendohet se njerëzit ndihen më pak të dëshpëruar se kurrë, të pasuar nga vigjilja e Vitit të Ri dhe vetë Viti i Ri.

Një e mërkurë e zakonshme në fund të prillit, mund të jetë dita më e keqe e vitit. Njerëzit janë më të palumtur gjatë ditëve të javës dhe më pak në fundjavë. Mesatarisht nga çdo ditë e vitit të shkuar, të martat dhe të mërkurat konsiderohen si ditët më vulnerabël të javës, ku të hënat dhe të enjtet nuk mbeten pas.

Mes pesë kërkimeve më të përhapura, ‘depresioni’ dhe ‘stresi’ shfaqen më shumë ditë pas dite. Dhimbja dhe ankthi arrijnë kulmin të hënave, stresi dhe depresioni të martave dhe ligështimi të mërkurave.

Kërkimet për të gjitha termat bien ndjeshëm gjatë fundjavës dhe më pas rriten përsëri të dielën.

Nga njëra anë, përjetimi i ndjenjave jo shumë të mira gjatë javës është i kuptueshëm, pasi ne jemi më të lumtur gjatë fundjavës së pushimit, sesa në ditët e punës. Nga ana tjetër, këto shifra sugjerojnë se njerëzit janë vërtet më të lënduar të hënave, gjë që shpjegon edhe faktin përse të hënat gjithnjë urrehen.

Është gjithashtu e dukshme se hendeku midis ditëve të javës dhe atyre të fundjavës, zvogëlohet gjatë muajve të verës, sidomos në korrik.

Çfarë na thonë kërkimet që bëjmë në Google për veten? Dr. Elionore McCance-Katz, e cila është psikiatre, tha se me pakësimin e dritës së diellit kur vjen vjeshta, njerëzit ndihen më në depresion dhe ankth. Nëse kanë dy ndjenjat e mësipërme, do të raportojnë edhe stres gjithashtu.

Kjo mund të shpjegojë rënien e kërkimeve të lidhura me dëshpërimin gjatë periudhës së pranverës dhe rritjen në vjeshtë.

Por trendi vjetor tregon se gjatë muajve të fundit të vitit të vjetër dhe fillimit të të riut, njerëzit ndihen më të shoqëruar me njëri-tjetrin dhe më të afërt. Për shembull, gjatë festave të Falënderimeve, Krishtlindjeve, apo Vitit të Ri, njerëzit ndihen më pak të dëshpëruar, por më shumë të stresuar, në ankth dhe depresion.

Të gjitha këto të dhëna burojnë nga kërkimet në Google të përdoruesve të internetit. Pushimet e fundvitit janë një ilaç i mirë për mendjet dhe zemrat, pasi gjatë tyre bie dëshpërimi.

Por çfarë ndodh gjatë pranverës? Ka një mister të lidhur me këtë pjesë. Ne do prisnim që njerëzit të ndiheshin më të lumtur dhe më pak të dëshpëruar teksa dita zgjatet dhe temperaturat ngrohen. Por sipas “Google”, dëshpërimi arrin kulimin e vet në mars dhe në një të mërkurë nga fundi i prillit.

Sipas dr. McCance-Katz, kërkuesit kanë zbuluar shenja më të mëdha të depresionit dhe ankthit gjatë muajve të pranverës, po ashtu. Ekspertët e shëndetit mendor kanë zbuluar se vetëvrasjet arrijnë kulmin në pranverë, për arsye që nuk janë shumë të qarta.

Lajmi i mirë sipas dr. McCance-Katz, është se këto ndjenja janë lehtësisht të shërueshme dhe se nëse dikush i përjeton, nuk është shumë i vetmuar. Shifrat më të fundit nga fushat e specializuara amerikane të shëndetit mendor tregojnë se rreth 43 milionë të rritur kanë përjetuar të paktën një nga pesë gjendjet e cilësuara si të kërkuara më shumë në “Google”.

Reklamë
Reklamë

Google publikon listën e personazheve më të kërkuar për 2016

Ashtu si çdo vit edhe për 2016, Google ka publikuar një listë me personazhet më të kërkuar në rrjet.

Periskopi.com Lajme

Këtë herë 2 kryesuesit janë Donald Trump dhe Hillary Clinton, të cilët ishin dhe konkurrentë në zgjedhjet presidenciale në SHBA, ku fitues doli Trump.

Ndërkohë që pjesa tjetër e listës plotësohet nga aktorë të famshëm, muzikantë dhe sportist.

Ajo që të bën përshtypje është se mes emrave më të klikuar për këtë vit në Google nuk është asnjë futbollist, transmeton syri.

Lista e plotë është si në vijim:

1-Donald Trump

2-Hilary Clinton

3-Michael Phelps

4-Bernie Sanders

5-Steven Avery

6-Ryan Lochte

7-Simone Biles

8-Cam Newton

9-Usain Bolt

10-Kevin Durante

Reklamë
Reklamë

Google pret rreth 4 miliardë dollarë nga shitja e telefonave Pixel

Google ka treguar rezultat të mirë me telefonin e ri Pixel këtë vit, i cili është krahasuar edhe me iPhone 7 të Apple.

Periskopi.com Tech/Auto

Firma e shërbimeve financiare, Morgan Stanley, beson se Pixel dhe Pixel XL do të shiten në rreth 5-6 milionë njësi në vitin 2017, që rezulton në 3.8 miliardë dollarë të ardhura për kompaninë.

Për më shumë, Morgan Stanley parashikon se rreth 3 milionë njësi të tjera do të shiten në tremujorin e fundit të 2016, gjë që kalkulohet në 2 miliardë dollarë të ardhura për Google.

Megjithatë, këto shifra nuk janë as afër me ato të iPhone-ëve të rinjë. Për vitin financiar të 2016, Appla ka arritur 137 miliardë dollarë të hyra dhe ka shitur 212 milionë iPhone në të njejtin vit.

Ngjashëm, Apple pritet të shesë 45.5 milionë iPhone dhe kështu të krijojë 28 miliardë dolllarë të hyra gjatë tremujorit të fundit të 2016.

Reklamë
Reklamë