Astrit Dehari

Konjufca jep të dhëna të reja, thotë se Dehari kishte gërvishtje në qafë e nuk u raportuan

Shefi i Grupit Paralamentar të Vetëvendosjes, Glauk Konjufca ka dhënë informata të reja në lidhje me vdekjen e aktivistit  të këtij subjekti , Astrit Deharit në burgun e Prizrenit.

Periskopi.com Lajme

Konjufca në një emsion në KTV ka thënë se Dehari ka pasur gërvishtje në qafë dhe prerje në duar, që sipas tij në raportin e autopsisë thuhet se këto gërvishtje dhe prerje janë vetëshkatruar me hezitim.

“Pse në qoftë grrithat në qafë dhe prerjet në duar janë të shkaktuar me vetëhezitim, nuk ka fakte si shkaktohen”, ka thënë ai./Periskopi/

Glauk Konjufca

Konjufca: Po të ishin gjallë dëshmorët, do të na jepnin vërejtje

Shefi i Grupit Parlamentar të Lëvizjes Vetëvendosje, Glauk Konjufca, ka vlerësuar se përpjekjet e vazhdueshme të të parëve sollën çlirimin e Kosovës, raporton Zëri.info.

Periskopi.com Lajme

Ai në një intervistë dhënë Zëri.infos, ka thënë se të gjithë dëshmorët kanë kontribuuar në këtë drejtim.

“28 nëntori ka paraqitur atë motivin shtesë që të vazhdohet puna për gjendjen më të mirë të kombit shqiptar. Mendoj që pikërisht kjo përpjekje ishte ajo që e solli edhe çlirimin e Kosovës. Të gjithë ata dëshmorë që kanë rënë për lirinë janë pika preferenciale absolute e çlirimit shqiptar”, ka deklaruar Konjufca.

Ndërkaq, ka vlerësuar se po të ishin gjallë dëshmorët, ata do të na jepnin vërejtje për këtë Kosovë që është tani.

“Dëshmorët po të ishin sot gjallë do të na jepnin shumë vërejtje. Ushtarët e kanë dhënë jetën për bashkimin kombëtar, për një Kosovë që nuk është e ndarë në mënyrë etnike”, ka shtuar ai.

Siç është shprehur ai, dëshmorët e kanë dhënë jetën për një Kosovë më të mirë.

Nxehen gjakrat në Kuvend, Nuredin Lushtaku i sulet Konjufcës (Video)

Teksa Glauk Konjufca po mbante një fjalim përmbledhës në Kuvendin e Kosovës, ndodhi diçka e pazakontë.

Periskopi.com Lajme

Konjufca përmendi se kush e kishte akuzuar për vrasje Kadri Veselin, e më pas kishte cituar Sami Lushtakun në një fjalim të tij të mëparshëm, që për akuza ndaj UÇK-së kanë bërë edhe bashkëpartiakë e ministra.

Në atë moment, deputeti Nuredin Lushtaku është ngritur dhe është sulur drejt Konjufcës.

“Ti vet i ke thon Sami Lushtakut kriminel”, janë dëgjuar fjalët e Nuredin Lushtakut, të cilin e zbrapsi shefi i GP të PDK-së, Zenun Pajaziti.

Para foltores menjëherë u renditën deputetët e Vetëvendosjes dhe të PDK-së, kurse Veseli shkoi të fliste me Lushtakun, e më pas edhe me Konjufcën.

 

Glauk Konjufca

Konjufca: Po të ishte Trepça asfalt, qeveria do të investonte miliona

Shefi i Grupit Parlamentar të VV-së, Glauk Konjufca ka thënë se Qeveria e Kosovës për të dytën herë me radhë, është duke ndërmarrë veprime nën trysninë e kohës, vetëm pak ditë para afatit për likuidimin e Trepçës.

Periskopi.com Lajme

Sipas tij, qeveria ende s’ka përpiluar plan konkret për Trepçën.

“S’ka plan as të statusit as rivitalizimit. Qeveria jonë e ka pasur vetëm një plan për Trepçën deri tash, që me shmang likuidimin”, tha Konjufca.

Konjufca në fjalën e tij ndër të tjerash tha se Trepça nga Qeveria konsiderohet si një veturë e vjetër e viteve 70-ta.

“Pas 40 vjetëve është vjetruar dhe amortizuar. Ky është gabim trashanik. Qeveria ndaj Trepçës ka pasur arsyetim se nuk ka pare. Me pas qenë Trepça asfalt dhe gurthyes, ishin gjet miliona euro prej Qeverisë”, tha Konjufca.

Konjufca vuri në dukje edhe mos investimet e qeverisë së Kosovës, deri më tani, për shkak se sipas tij qeveritë e deritanishme të Kosovës nuk kanë pas interesin e tyre personal, meqë Trepça nuk është gurëthyes ose asfalt.

“E quajnë gjiganti ekonomik i Kosovës por investimet s’kanë qenë në përputhje me deklaratat e tyre. Populli i Kosovës mbas këtij ligji do të jetë më i dobët sepse nuk do të jetë vendimmarrës”, ka thënë Konjufca.