Rexhep Selimi flet për Gjykatën Speciale

Deputeti i Lëvizjes Vetëvendosje, Rexhep Selimi ka folur për themelimin e Gjykatës Speciale në Kosovë, duke thënë se kjo Gjykatë do të gjykojë ata që luftuan që të ndaleshin krimet e Serbisë në Kosovë.

Periskopi.com Lajme

“Është bërë një Gjykatë Speciale që gjykon ata të cilët u munduan të mos ndodhin masakra në Kosovë, ata që i dënuan këto masakra”.

“Institucionet e Kosovës kanë mundur ta ndalojnë Gjykatën Speciale, ka qenë e mundur që një Gjykatë e tillë të bëhet për Serbinë. Por të varej nga Rusia, Kosova nuk do të ekzistonte, Serbia do të ishte këtu dhe ne do të ishin tashmë të spastruar – kjo nuk qëndron”.

Selimi që është i ftuar në Info Magazine të Klan Kosovës ka deklaruar se Gjykata Speciale ka qenë një kërcënim krejt i drejtpërdrejtë për deputetët e Kosovës.

“Nuk është dashur të pranohet nga deputetët, por të kundërshtohet. Nëse është bërë fjalë se a ka bërë sa duhet punë drejtësia vendore – unë them se nuk ka bërë. Nëse nuk ka bërë punë drejtësia vendore, ne e kemi pasur edhe UNMIK-un, nëse nuk ka bërë UNMIK-un ne e kemi pasur Hagën, nëse Haga nuk ka bërë ne e kemi EULEX-in”.

“Nëse edhe këta nuk kanë bërë domethënë problemi ka qenë diku tjetër. Në krejt këto padrejtësi është bërë edhe një padrejtësi tjetër siç është Gjykata Speciale”.

Sipas deputetit Selimi, askush nuk po dënohet për krimet dhe masakrat që janë kryer në Kosovë nga ana e Serbisë.

“Askush nuk po dënohet për krimet që e zgjuan në këmbë Europën, as nga Europa as nga dikush tjetër”.

“Unë emrin tim asnjëherë nuk do ta ndaja nga UÇK-ja. Sot akuzohet UÇK-ja dhe unë jam pjesë e saj. Është akuzuar dhe po vazhdon të akuzohet më shumë qëllimi i UÇK-së sesa diçka tjetër”.

“Sot edhe para Gjykatës Speciale e kemi Haradinajan në burg. Nuk është Specialja ajo e cila determinon imunitetin e ushtarëve të UÇK-së. Kjo gjykatë sulmin më të madh ia ka bërë lirisë së Kosovë dhe ushtarëve të saj”.

Hoxha: Askush s’ka informata për arrestimet e Speciales (Video)

Ministrja e Drejtësisë Dhurata Hoxha ka deklaruar se askush nuk posedon informata se kur do të nisin arrestimet që do vijnë nga Gjykata Speciale.

Periskopi.com Lajme

Hoxha në emisionin “Politikë” me Sejdi Demirin ka theksuar se Ministria e Drejtësisë nuk  ka asnjë kompetencë rreth procesit të hetimit të kësaj Gjykate dhe nuk ka askush tjetër,ngase ky proces është i pavarur.

Ndiqeni të plotë deklaratën e ministres në emisionin “Politikë” rreth Gjykatës Speciale.

Presioni kundër Speciales i dirigjuar nga politikanët e rrezikuar

Kërkesa e veteranëve për ta ndryshuar Ligjin për Gjykatën Speciale, në mënyrë që të kërkohet drejtësi për të gjitha krimet e kryera në Kosovë gjatë luftës (jo vetëm ndaj njërës palë, UÇK-së), konsiderohet të jetë e parealizueshme.

Periskopi.com Lajme

Madje, ekspertët e çështjeve juridike vlerësojnë se kërkesa e tyre, pikërisht në prag të funksionalizimit të Speciales, vjen si presion publik dhe është e dirigjuar nga politikanët të cilët ndihen të rrezikuar nga Specialja, shkruan “Zëri”.

Njohësit e së Drejtës Penale Ndërkombëtare konsiderojnë se ndryshimi i këtij ligji është i pamundur si në aspektin juridik, ashtu edhe në atë ndërkombëtar.

Por, pavarësisht tyre, përfaqësuesit e familjeve të dëshmorëve e veteranëve konsiderojnë se ky ligj do të ndryshohet. Ata shprehen optimistë se për një gjë të tillë do ta kenë edhe përkrahjen e deputetëve, duke përfshirë këtu edhe ata që kanë votuar pro kësaj Gjykate.

Familjarët e viktimave: Specialja me masakrat e serbëve në Kosovë (Dokument)

Në Kuvendin e Kosovës kanë arritur kërkesa të shumta prej familjarëve të civilëve të masakruar në masakra të ndryshme nga regjimi serb në Kosovë.

Periskopi.com Lajme

Familjarët e martirëve, në mënyrë të organizuar, kërkojnë nga deputetët e Kuvendit të Kosovës që ta ndryshojnë Ligjin për Gjykatën Speciale, duke mundësuar që kjo gjykatë të merret edhe me përgjegjësit e krimeve serbe, si dhe ta kushtëzojnë dialogun me Serbinë, deri sa Serbia të bashkëpunojë me Gjykatën Speciale për krimet që paramilitarët dhe ushtria serbe i kanë kryer në Kosovë, transmeton KosovaPress.

KosovaPress ka siguruar disa prej këtyre letrave, por kërkesa të ngjashme për ndryshimin e Ligjit për Gjykatën Speciale kanë bërë edhe familjarët e të masakruarve të familjes Delijaj në Abri, ata të masakrës së Rezallës, të masakrës së Reçakut, të masakrës së Hallaqit dhe shumë masakrave të tjera të kryera në Kosovë nga forcat paramilitare dhe ushtria e Serbisë.

Këto kërkesa i drejtohen kryeparlamentarit Veseli dhe Kuvendit të Kosovës, por aty përfshihen edhe krerët e shtetit, presidenti Thaçi dhe kryeministri Mustafa. Familjarët e viktimave të regjimit serb në Kosovë shprehen të zhgënjyer me UNMIK-un dhe EULEX-in dhe thonë se u janë shuar shpresat se ndonjëherë do të vihet drejtësia për familjarët e tyre të vrarë dhe masakruar nga forcat serbe.”

Institucionet tona deri më sot kanë neglizhuar me këtë çështje, për krimet e bëra nga aparati serb. Deri tash nuk u ngritën zërat as nga presidenti z. Thaçi, as nga kryeministri z. Mustafa. Parlamenti votoi Specialen për ndjekjen e çlirimtarëve dhe të masakruarit e popullit të vet i kujton në heshtje. Në heshtje 18 vjet i kaluan edhe partitë politike për krimet e bëra në Kosovë, por heshtja juaj po na vret”, thuhet ndër të tjera në disa prej këtyre letrave.  Kërkesa e parë e tyre për Kuvendin e Kosovës është që ta ndryshojë Ligjin për Gjykatën Speciale, duke mundësuar që përgjegjësit e strukturave të Serbisë për këto masakra dhe masakrat e tjera të kryera në Kosovë të gjykohen në Gjykatën Speciale.

Kërkesa e dytë i adresohet kryeparlamentarit Veseli dhe prej tij kërkohet që ta inicioj dhe t’i përfshijë në rendin e ditës këto kërkesa të tyre për plotësim-ndryshimin e Ligjit për Gjykatën Speciale, duke i hedhur në votim në Kuvendin e Kosovës.

Kurse, kërkesa e tretë i adresohet sërish Kuvendit të Kosovës dhe kërkohet prej deputetëve që të marrin vendim detyrues dhe ta kushtëzojnë dialogun me Serbinë, deri sa Serbia të pranojë që të bashkëpunojë me Gjykatën Speciale për Kosovën dhe t’i dërgojë përgjegjësit serbë të masakrave gjatë luftës 1998-1999 para drejtësisë po në këtë gjykatë.

Para disa javësh, me kërkesa përafërsisht të ngjashme, në mjetet e informimit kishte qarkulluar edhe një letër publike e shoqatës “Familja dhe Shpresa” nga Klina lidhur me Gjykatën Speciale për Kosovën. Kuvendi i Kosovës e ka themeluar Gjykatën Speciale për të dëshmuar se lufta e UÇK-së ka qenë e pastër dhe që Kosova nuk ka kryer krime.

Gjykata Speciale funksionon sipas ligjeve të Kosovës dhe autoritetet kanë paraparë edhe mbrojtje dhe mbështetje për të gjithë ata që do të akuzohen.

Fillojnë mediat e Serbisë: Dëshmitarët e Gjykatës Speciale në Kosovë po vriten! (Foto)

Nuk kanë kaluar as shtatë orë dhe në mediat e Serbisë ka filluar të hapet lajmi për atë që tashmë është filluar me vrasjen e dëshmitarëve të Gjykatës Speciale.

Periskopi.com Lajme

Bazuar në raportet e botuara nga media për “ndërlidhjen” e vdekjes (në këtë rast “vrasjes”) së djeshme të Bleranda Currit dhe vdekjen (po misterioze) e paradokohshme të  babait të saj, ish pjesëtar në UÇK dhe sipas po të njëjtave portale edhe dëshmitar për Gjykatën Speciale… dhe për krejt këto fakte aspak të vërtetuara e lëre më konfirmuara nga zyrtarët e Policisë apo Prokurorisë së Kosovës, e lëre më Gjykatës Speciale për Kosovën, në Serbi, tragjikisht sot ky lajm ka zënë vend kryesor, raporton Gazeta Blic.

Portale prestigjioze serbe të cilat provojnë t’i ikin ndikimit të shtypit të verdhë por për këtë bëjnë politikë shtetërore dhe anti shqiptare, B92 apo Rts, në ballinat e tyre tërë pasditën kanë përcjellur lajmin për Bleranda Currin, babain e saj- të dy të ndjerë për “vrasjen” e tyre.5 orë më parë Kosova duhet të ngrit padi kundër Serbisë për krimet që ka kryer gjatë vitit 1998-1999.

Në vijim Gazeta Blic ua sjell dy foto nga këto dy portale të njohura serbe me titujt (në serbisht) që dëshmojnë çdo gjë.

Krimet jashtë Speciales duhet t’i ndjekë Kosova

Arritjet apo dështimet e EULEX-it janë të lidhura me arritjet dhe dështimet e Kosovës. Kështu ka thënë shefja e misionit të EULEX-it në Kosovë, Alexandra Papadopolou në intervistën dhënë “Kohës Ditore”.

Periskopi.com Lajme

 

Teksa ka numëruar arritjet, Papadopolou, e cila ka gjashtë muaj që ka marrë detyrën në krye të EULEX-it, ka thënë se dëshmia më e mirë është fakti se EULEX-i do të largohet ngase institucionet vendore janë forcuar.

Sa u përket dështimeve, shefja e misionit më të madh evropian për sundim të ligjit ka thënë se nuk janë menaxhuar si duhet pritjet e qytetarëve. Sipas saj, sundimi i rendit dhe ligjit është proces dhe jo diçka që mund të arrihet për një ditë.

“Është ndryshim shoqëror, proces i cili duhet adresuar, kështu që Bashkimi Evropian përmes EULEX-it dhe institucioneve të tjera është këtu për ta ndihmuar Kosovën dhe kështu do të vazhdojmë”, ka theksuar Papadopolou.

Duke folur për Gjykatën Speciale, shefja e misionit evropian për sundim të ligjit në Kosovë ka thënë se raporti i Dick Martyt nuk i mbulon të gjitha rastet e krimeve të luftës. Sipas saj, dosjet e krimeve të luftës që kanë qenë në EULEX gradualisht janë duke u transferuar në institucionet e Kosovës. Ajo ka përjashtuar mundësinë që të ketë efekt negativ fakti se disa prej gjyqtarëve të emëruar në Gjykatën Speciale kanë punuar edhe në EULEX.

Serbët kërkojnë drejtësi nga Gjykata Speciale

Familjet e serbëve të vrarë në Kosovë në fund të viteve të 90-ta janë duke kërkuar drejtësi nga Gjykata Speciale.

Periskopi.com Lajme

Ata thonë se familjarët e tyre janë vrarë nga rebelët shqiptarë.

“19 gjyqtarë ndërkombëtar janë duke kërkuar këtë muaj për këtë gjykatë, që do të gjykojë krimet e bëra nga Ushtria Çlirimtare e Kosovës në luftën për pavarësi nga Serbia, që la të vdekur 13 mijë veta”, shkruan më tej në këtë tekst”.

“Vëmendja globale gjatë është e fokusuar në vrasjet masive dhe mizoritë e kryera nga forcat serbe të drejtuara nga Sllobodan Millosheviq”, shkruan NTS, transmeton Klan Kosova.

“Pas 11 javëve të kampanjës së bombardimeve të cilat ndoqën trupat nga territori i cili dominohej nga shqiptarët më 1999 ku një dekadë më pas Kosova shpalli pavarësinë”.

“Por krimet e kryera nga rebelët shqiptarë kundër serbëve, romëve por edhe të tjervëe që konsiderohen të kenë qenë bashkëpunëtorë, janë shqyrtuar shumë pak”, shkruan më tej në këtë tekst.

Aty përmenden edhe akuzat që Dick Marty i kishte bërë dikur ndaj presidentit aktual të Kosovës Hashim Thaçi, por që thuhet se në Gjykatën Speciale mund të gjykohen edhe Ramush Haradinaj dhe Fatmir Limaj.

Specialja, ‘tërmet’ në mars ose në prill

Skena politike në vend mund të “dridhet” në mars ose në prill të këtij viti kur Specialja pritet t’i ngrejë aktakuzat e para. Megjithatë, vlerësohet se aktakuzat e kësaj Gjykate nuk do ta çojnë vendin kah destabilizimi

Periskopi.com Lajme

Aktakuzat e para të Gjykatës Speciale kundër ish-udhëheqësve të UÇK-së, respektivisht edhe arrestimet e para, pritet të ndodhin gjatë muajve mars ose prill të këtij viti. Kështu kanë vlerësuar ekspertët e çështjeve juridike dhe kushtetuese, të cilët kanë thënë se Specialja pritet t’i godasë edhe figurat më të rëndësishme të spektrit politik. Por, megjithëkëtë, ata konsiderojnë se Specialja nuk do të sjellë trazira e as destabilizim të situatës.

Nga ana tjetër, para dy ditësh shefja e misionit të EULEX-it në Kosovë, Alexandra Papadopoulo,  zyrtarisht ka emëruar 19 gjykatës në regjistrin e gjykatësve ndërkombëtarë të Dhomave të Specializuara. Me këtë rast zëdhënësja e Speciales, Avis Benes, ka bërë të ditur për “Zërin” se aktakuzat e para pritet të ngrihen në gjashtëmujorin e parë të këtij viti. Por, ekspertët vlerësojnë se puna e Speciales nuk do të kryhet vetëm gjatë 2017-s. Përkundrazi, siç konsiderojnë ata, puna e kësaj Gjykate do të zgjasë për vite me radhë.

Gjyqtari i Gani Gecit emërohet në Gjykatën Speciale

Vidar Stensland është i familjarizuar me Kosovën pasi që punon si gjyqtar i EULEX-it në Gjykatën Themelore të Mitrovicës.

Periskopi.com Lajme

 

Vidar Stensland, gjykatësi i cili udhëhoqi gjykimin ndaj Gani Gecit për vrasjen e Ruzhdi Shaqirit do jetë pjesë e Gjykatës Speciale.

Në njoftimin e publikuar sot nga Gjykata Speciale ndër të tjera shkruan se Vidar Stensland do jetë pjesë e kësaj Gjykate.

Stensland është i familjarizuar me Kosovën pasi që punon si gjyqtar i EULEX-it në Gjykatën Themelore të Mitrovicës.

Njëri nga rastet më të rëndësishme që ky gjyqtar vendosi në Kosovë, në cilësinë e kryetarit të trupit gjykues, ishte rasti i Gani Gecit.

Më 3 qershor të vitit të kaluar, Stensland ishte kryetar i trupit gjykues të Gjykatës Themelore të Mitrovicës, që dënoi me 4 vjet e gjysmë burg Gani Gecin, i akuzuar për vrasjen e Ruzhdi Shaqirit.

Prokuroria në këtë rast pretendonte se Geci kishte kryer vrasje të rëndë, ndërsa në fund të procesit trupi gjykues i drejtuar nga gjykatësi Stensland gjykoi se vrasja ishte kryer në gjendje të afektit të rëndë mendor.

Procesi gjyqësor në këtë rast tashmë është në Gjykatën e Apelit, ku pritet të shqyrtohet ankesa e prokurorit.

Gjyqtarë të EULEX-it dhe UNMIK-ut, pjesë e Gjykatës Speciale

Të paktën tetë gjyqtarë të Dhomave të Specializuara e njohur si Gjykata Speciale, kanë punuar në misionin Evropian për Sundim të Ligjit (EULEX). Mes tyre ka që kanë punuar edhe në UNMIK. Ish-gjyqtarët e misionit të kritikuar të EULEX-it për mos përmbushje të mandatit – gjykimi i rasteve të profilit të lartë, do të merren pikërisht me njerëz të këtij profili. 

Periskopi.com Lajme

 

Gjyqtarë të EULEX-it dhe UNMIK-ut, pjesë e Gjykatës Speciale

Disa prej gjyqtarëve të Gjykatës Speciale që do të gjykojnë krimet e pretenduara të UÇK-së, kanë qenë pjesë e misionit të EULEX-it në Kosovë.

Ky mision, është kritikuar edhe në Parlamentin Evropian se nuk ka arritur ta përmbush mandatin e vetë për gjykimin e krimeve të profilit të lartë. Pikërisht, njerëz të këtij profili pritet të gjykohen në Hagë, ndërkohë që pjesë e kësaj gjykate do të jenë gjyqtarë dhe zyrtar tjerë të EULEX-it.

Insajderi ka verifikuar emrat e gjyqtarëve të Speciales. Tetë prej tyre kanë qenë pjesë e misioneve në Kosovë.

Vladimir Mikula nga Republika Çeke është njëri prej gjyqtarëve të rij të Speciales. Ai kishte gjykuar Sami Lushtakun për rastin e kërcënimit të gazetares Jeta Xharra, është bërë gjyqtar i Gjykatës Speciale. Mikula kishte gjykuar edhe Ramadan Mujën e Prizrenit duke i shqiptuar dënim minimal me kusht.

Aktgjykimi i tij është prishur. Si pasojë, kryetari i Prizrenit pritet të rigjykohet.

Vidar Stensland nga Norvegjia është bërë pjesë e Gjykatës Kushtetuese të Dhomave të Specializuara. Stensland ka qenë gjyqtar në Gjykatën Themelore të Mitrovicës si pjesë e EULEX-it.

Antonio Balsamo nga Italia është bërë po ashtu gjyqtar i Gjykatës Kushtetuese në kuadër të Dhomave të Specializuara.

Në Kosovë ai ka shërbyer si anëtar i Panelit për të Drejtat e Njeriut në kuadër të EULEX-it.

Në këtë panel ka shërbyer edhe Guénaël Mettraux, nga Zvicra. Ai është bërë gjyqtar i Gjykatës Speciale në Hagë.

Emilio Gatti nga Italia pos që ka qenë pjesë e EULEX-it si gjyqtar i Gjykatës Supreme të Kosovës, ka qenë edhe gjyqtar i UNMIK-ut për shumë vjet.

Andres Parmas në Kosovë ka shërbyer si zyrtar ligjor në Gjykatën e Apelit. Ndërkohë, në Gjykatën Speciale është emëruar si gjyqtar.

Charles L. Smith III, nga Shtetet e Bashkuara të Amerikës ka qenë zëvendëspresident i Asamblesë së Gjyqtarëve të EULEX-it në vitin 2010-2011. Ai do të jetë pjesë e gjyqtarëve të Gjykatës Speciale në shkallën e parë.

Andres Parmas, po ashtu ka qenë pjesë e Misionit të EULEX-it.

Emërimi i 19 gjyqtarëve të Dhomave të Specializuara është bërë nga Alexandra Papadopoulou, shefe e Misionit të EULEX-it në Kosovë

Në këto emërime përfshihen posti i nënkryetarit dhe postet e katër gjykatësve të Dhomës së Specializuar të Gjykatës Kushtetuese. Gjykatësit e emëruar do të jenë fizikisht të pranishëm në selinë e Dhomave të Specializuara vetëm me kërkesë të Kryetarit, për ushtrimin e detyrave që diktojnë praninë e tyre

Gjykata Speciale gati t’ia nis punës, emërohen gjykatësit

Janë emëruar gjykatësit Ndërkombëtarë të Dhomave të Specializuara të Kosovës.

Periskopi.com Lajme

 

Alexandra Papadopoulou, shefe e Misionit të EULEX-it në Kosovë, emëroi nëntëmbëdhjetë gjykatës në Regjistrin e Gjykatësve Ndërkombëtarë të Dhomave të Specializuara.

Në këto emërime përfshihen posti i nënkryetarit dhe postet e katër gjykatësve të Dhomës së Specializuar të Gjykatës Kushtetuese. Gjykatësit e emëruar do të jenë fizikisht të pranishëm në selinë e Dhomave të Specializuara vetëm me kërkesë të Kryetarit, për ushtrimin e detyrave që diktojnë praninë e tyre.

Në Regjistrin e Gjykatësve Ndërkombëtarë u emëruan këta gjykatës:

Keith Raynor (nënkryetar), Britani e Madhe

Roland Dekkers (Dhoma e Specializuar e Gjykatës Kushtetuese), Holandë

Anne Poëer-Forde (Dhoma e Specializuar e Gjykatës Kushtetuese), Irlandë

Vidar Stensland (Dhoma e Specializuar e Gjykatës Kushtetuese), Norvegji

Antonio Balsamo (Dhoma e Specializuar e Gjykatës Kushtetuese, gjykatës zëvendësues), Itali

Kai Ambos, Gjermani

Christoph Barthe, Gjermani

Michael Bohlander, Gjermani

Emilio Gatti, Itali

Nicolas Guillou, Francë

Thomas Laker, Gjermani

Guénaël Mettraux, Zvicër

Vladimir Mikula, Republika Çeke

Andres Parmas, Estoni

Michèle Picard, Francë

Kenneth Roberts, Kanada

Charles Smith III, Shtetet e Bashkuara të Amerikës

Mappie Veldt-Foglia, Holandë

Christine van der Ëyngaert, Belgjikë

“Thaçi e Veseli janë në fokusin e Speciales”

Presidenti Hashim Thaçi e kryeparlamentari Kadri Veseli janë vetëm dy nga figurat e elitës politike që janë nën hetime për krimet e para dhe pas luftës. Dhomat e Veçanta janë caku i tyre.

Periskopi.com Lajme

Gazetari Vehbi Kajtazi në Rubikon të KTV-së ka thënë se zhvillimi i hetimeve po bëhet krejtësisht ndryshe nga ajo se çfarë ka bërë EULEX-i, Tribunali Hagës apo UNMIK-u.

“Nën hetime janë presidenti i Kosovës, Hashim Thaçin, kryeparlamentari Veseli, Haliti, Syla dhe të tjerë të këtij niveli. Ata hetohen për një seri krimesh para dhe pas luftës. Strukturalisht hetimi qysh është zhvilluar dhe si po vazhdon dallon shumë nga ajo që është bërë nga Tribunali i Hagës dhe asaj që e ka bërë EEULEX-i e UNMIK-u”, ka thënë Kajtazi.

“Kjo Gjykatë është pasojë e mosveprimit tonë”, shtoi tutje Kajtazi.

E në anën tjetër, Besa Luzha thotë se kryesisht shoqëria civile e ka përkrahur themelimin e Gjykatës Speciale.

Ndërsa, opinionisti Mufail Limani theksoi se themelimi i kësaj Gjykate është e keqja më e madhe që i ka ndodhur shtetit të Kosovës.

“Gjykata Speciale është një e keqe e madhe që i ka ndodhur Kosovës. Keqkuptimi thelbësor është se në fakt nuk gjykohet Hashim Thaçi ose Kadri Veseli, por lufta e UÇK-së për liri”, ka thënë ai.

Gjykata Speciale – si përcaktuese e zhvillimeve, apo destabilizuese për Kosovën?

Kosova mund të përballet me situata të paparashikueshme gjatë vitit 2017, për shkak të fillimit të punës së Gjykatës Speciale, thonë analistët politikë.

Periskopi.com Lajme

Sipas tyre, ka zhvillime që mund të parashikohen, siç është vazhdimi i dramës politike rreth demarkacionit të kufirit me Malin e Zi dhe Asociacionin e komunave me shumicë serbe, por do të ketë edhe zhvillime të paparashikueshme, të cilat mund ta çojnë vendin drejt zgjedhjeve.

Analisti politik, Arben Qirezi, mendon se në këtë vit Kosovën e presin në radhë të parë paqartësi, për shkak të zhvillimeve që mund të pasojnë fillimin e punës së Gjykatës Speciale për krime lufte.

Por, pavarësisht zhvillimeve që mund të pasojnë Gjykatën Speciale, Qirezi mendon se top-prioriteti i këtij viti duhet të jenë zgjedhjet e parakohshme parlamentare.

“Njëri prej prioriteteve kryesore të Kosovës duhet të jetë organizimi i zgjedhjeve të lira. Është një proces, të cilin unë e konsideroj të pashmangshëm dhe në këtë rrafsh mendoj që partitë politike duhet të jenë të përgatitura. Prioriteti i dytë konsideroj që është ruajtja e stabilitetit të brendshëm, sidomos për sa i përket raporteve me Serbinë dhe së treti, natyrisht që mendoj se prioritet duhet të jetë integrimi i veriut të vendit”, thotë Qirezi, për Radion Evropa e Lirë.

Qirezi vlerëson se çështjet si ratifikimi i Marrëveshjes për Demarkacionin e kufirit me Malin e Zi dhe formimi i Asociacionit të komunave me shumicë serbe, nuk do të duhej të ishin prioritete të dorës së parë për vitin 2017, marrë parasysh se për këto tema, institucionet e Kosovës nuk gjetën zgjidhje gjatë gjithë vitit 2016.

Ai pret që vetëm një qeveri e re, e dalë pas procesit të zgjedhjeve, do të mund t’i adresonte çështjet më të ndjeshme, duke mos besuar në fuqinë e qeverisë aktuale për zbatimin e këtyre marrëveshjeve.

“Në mandatin e kësaj qeverie nuk është arritur as liberalizimi i vizave. Domethënë, kjo qeveri ka dështuar në realizimin e të gjitha prioriteteve të saj. Kur ia shtojmë kësaj tani edhe fillimin e punës së Gjykatës Speciale, kjo do të ketë një efekt destabilizues në tërë politikën kosovare dhe natyrisht ky efekt destabilizues do të ndihet më së shumti në kuadër të koalicionit qeverisës, kështu që zgjedhjet e parakohshme, mendoj se do të jenë të pashmangshme”, thekson Qirezi.

Ndërkaq, analisti tjetër politik, Artan Muhaxhiri, mendon se zhvillimet politike që kanë përshkuar vitin 2016, do të vazhdojnë edhe këtë vit. Para së gjithash, ai mendon se çështja e Demarkacionit dhe Asociacioni i komunave serbe do të mbizotërojnë sërish agjendën politike. Por, si sfidën më të madhe, Muhaxhiri e parasheh nisjen e punës së Gjykatës Speciale.

“Çështjet kryesore do të jenë zgjidhja e Demarkacionit me Malin e Zi dhe ajo e Asociacionit të komunave serbe. Por, po ashtu, një temë tjetër, e cila është e një rëndësie të veçantë dhe e cila pritet që do t’i diktojë edhe zhvillimet politike në Kosovë është çështja e Gjykatës Speciale”, thekson Muhaxhiri.

Tutje, Artan Muhaxhiri thotë po ashtu se problem më vete po paraqet edhe mosfunksioni, sipas tij, i Qeverisë së Kosovës. Ai mendon se koalicioni aktual, pavarësisht se përbëhet nga dy partitë më të mëdha në vend, më shumë po krijon sesa që po zgjidh probleme. Andaj, një gjendje e tillë do të vazhdojë edhe këtë vit, thotë Muhaxhiri, duke besuar se në një fazë do të jetë e domosdoshme edhe ndërhyrja politike ndërkombëtare.

“Për fat të keq edhe në vitin 2017 do të jemi të detyruar që në mënyrë pasive t’i presim imputet dhe urdhëresat nga bashkësia ndërkombëtare sa i përket zhvillimeve politike në Kosovë, sepse skena politike kosovare është duke u shfaqur krejtësisht e paaftë që t’i zgjidhë problemet dhe që të japë ide konkrete, orientime për mënyrën e zgjidhjes së problemeve”, deklaron Muhaxhiri.

Përderisa opinionistët shprehen mjaft pesimistë se koalicioni aktual do të mbijetojë deri në fund të mandatit, kryeministri Isa Mustafa është shprehur i bindur se agjenda politike dhe prioritetet e qeverisë së tij, do të zbatohen gjatë këtij viti.

Mustafa ka theksuar se viti 2017, mes tjerash do të jetë vit i zhvillimit, por edhe i lëvizjes së lirë, pa viza.

”Besoj shumë se në vitin 2017 do të kemi suksese, do të jetë vit i lëvizjes së lirë, vit i punës dhe i zhvillimit. Andaj, të punojmë me përkushtim dhe dashuri për të ardhmen e fëmijëve tanë dhe për shtetin tonë”, ka deklaruar Mustafa.

Sidoqoftë, pavarësisht zhvillimeve të paparashikueshme që eventualisht mund të sjell Gjykata Speciale, një sfidë më vete për skenën politike në Kosovë mbetet gjetja e rrugës së bashkëpunimit ndërmjet pushtetit dhe opozitës për disa çështje, të cilësuara të interesit madhor, siç janë dialogu me Serbinë dhe marrëveshjet që prodhon ai, pastaj liberalizimi i vizave dhe demarkacioni, si dhe themelimi i Forcave të Armatosura të Kosovës, që kërkon edhe mbështetjen e përfaqësuesve të pakicave.(REL)

Gjykata Speciale fillon punën më 15 janar, flet për arrestimin e Haradinajt

Dhomat e Specializuara të Kosovës thonë se ndalimi i ish-kryeministrit të Kosovës, Ramush Haradinaj, nuk është kryer në kuadër të mandatit të Speciales.

Periskopi.com Lajme

Avis Bennes, i ka thënë TribunaChannel se megjithatë, në aspektin e funksionalitetit thotë se presidentja e Dhomave të Specializuara, Ekaterina Trendafilova, do të fillojë punën nga mesi i janarit.

“Ky ndalim nuk është kryer në kuadër të mandatit të Dhomave Specialist Kosovës. Megjithatë, në aspektin e funksionalitetit, ne jemi operacional. Më 1 janar të vitit 2017, Marrëveshja e Shtetit Pritës ka hyrë në fuqi, duke siguruar bazën ligjore për Dhomave Specialist Kosovës për të kryer procedurat në Holandë. Presidenti i Dhomave Specialist, Ekaterina Trendafilova, do të fillojë punën nga mesi i janarit,” thuhet në përgjigjen e Bennes.

Limaj pyet Thaçin: Për cilat vrasje të dëshmitarëve po flet, do marrësh përgjegjësi

Kryetari i Nismës, Fatmir Limaj thotë se Franca ka obligim procedural me ndalu një person që është në listë e të kërkuarve.

Periskopi.com Lajme

Sipas tij, janë institucionet ato që duhet veprojnë për t;i pastruar ato lista.

“Gjykata Speciale është krijuar për shkak të materialeve të Serbisë. Këta njerëz, me akuza të Serbisë kanë shty parlamentin e një shteti sovran siç është Kosova më votu Gjykatën speciale, a nuk është hipokrizi? Lufta e UÇK është e pastër, le të merren me individ, UÇK-ja është  pastër si loti, më e pastra në botë, ka mujt me pas gabime, këtu s’ka dilema, por formacion më të pastër në rruzullin tokësor nuk ka pas të çfarëdo lloj lufte qoftë”, ka thënë ai nw Rrokum TV

Ai thotë se kjo gjykatë është produkt i një politike të mbrapsht dhe e lidhur me fatin individualë.

“Kush e ka akuzuar deri më sot Kosovë për vrasjen e dëshmitarëve, përveç Serbisë? Një njeri që i thotë vetes President e me akuzu vendin e vet kështu, duhet me dal e me dëshmu. Cilat janë ato që kanë ndodhur e ju nuk keni marr masa? Cilat? Në çfarë raste? Ku janë? Ndoshta ai di diçka që ne nuk e dimë. Duhet me marr përgjegjësi, është deklaratë akuzuese. Këto janë për me fsheh se si ka ardh Gjykata Speciale, asaj s’mundet me i iki askush. Specialja ka ardh si politik e mbrapsht dhe aventurë e atyre që kanë qeverisur vendin, do i shohin pasojat, ka me i ndjek turpi”, thotë Limaj./ Periskopi

Kuvendit i kërkohet që Gjykata Speciale t’i trajtojë edhe krimet e Serbisë në Kosovë

Shoqata ‘Familja dhe Shpresa’ nga Klina ka deponuar sot një kërkesë në Sekretariatin e Parlamentit të Kosovës me të cilën i drejtohet në të shkruar kryetarit të Kuvendit Kadri Veselit që të iniciojë ndryshimin dhe plotësimin e ligjit për Gjykatën Speciale në Hagë në mënyrë që kjo gjykatë të merret me krimet e luftës që ka bërë Serbia në fshatin Kralan ndaj civilëve të komunës së Klinës gjatë luftës së viteve 1998-1999.

Periskopi.com Lajme

 

Siç njoftohet nga kjo shoqatë në Kralan, më 4 prill 1999 janë ekzekutuar 86 civilë shqiptarë të moshës nga 14 deri 55 vjeçare nga ushtria dhe policia serbe.

“Vrasësit e tyre edhe pas 17 viteve gjenden të lirë nëpër Serbi”, thuhet në komunikatë.

Në të njëjtën kohë OJQ ‘Familja dhe Shpresa’ kërkon që Parlamenti i Kosovës të marrë vendim detyrues që ta kushtëzojë dialogun e Qeverisë së Kosovës me atë të Serbisë të ndërmjetësuar nga Bashkimi Evropian deri në zbardhjen e fatit të të zhdukurve të luftës dhe e deri në detyrimin e Serbisë për të bashkëpunuar me Gjykatën Speciale për Kosovën në Hagë dhe dërgimin e përgjegjësve të Serbisë para drejtësisë në këtë gjykatë për të gjitha krimet e tjera të luftës gjatë viteve 1998-1999 në Kosovë.

“Është e pakuptueshme dhe e papranueshme që edhe pas më shumë se 17 viteve askush nuk është dënuar nga gjykatat ndërkombëtare për krimin në Kralan dhe krimet e tjera ndaj civilëve të komunës së Klinës. Ekzekutuesit dhe përgjegjësit e tjerë nga ushtria dhe policia e Serbisë gjenden ende të lirë edhe pas këtyre shumë viteve. Kjo është skandaloze dhe e turpshme për bashkësinë ndërkombëtare dhe ata që thirren në drejtësi ndërkombëtare”, citohet të ketë thënë përfaqësuesja e OJQ-së “Familja dhe Shpresa” Zana Bytyqi.

Sipas saj e pakuptueshme dhe e pa pranueshme po ashtu është që Qeveria dhe Parlamenti i Kosovës kanë pranuar të miratojnë një ligj kaq selektiv i cili në formën aktuale nuk merret me krimet e Serbisë ndaj më të dashurve tanë.

“Është koha që qeveritarët dhe deputetët e Kosovës, të të gjitha partive politike, të këndellen e të marrin guximin që të plotësojnë këtë ligj e të mundësojnë që edhe kriminelët e Serbisë të gjykohen në këtë gjykatë për të gjitha krimet e bëra në Kosovë “, ka thënë Bytyqi.

2017-a, viti i Gjykatës Speciale

Periskopi.com Video

Rexhep Selimi flet për akuzat e Speciales dhe tregon kush e krijoi këtë gjykatë

Duke folur rreth asaj se gjatë muajit janar Gjykata Speciale do të fillojë punën për krimet e supozuara të UÇK-së, dhe se a ka qenë e pastër apo jo lufta e UÇK-së, deputeti Rexhep Selimi, ka thënë për “Bota Sot” se këtë Gjykatë e ka krijuar vet pushteti i tanishëm dhe mazhoranca e pushtetit në Kuvend.

Periskopi.com Lajme

Sipas tij, me këtë pushtet të shitur nuk kemi se si të presim që t’i përmirësojë dëmet që vetë i ka shkaktuar.

“Gjykata Speciale nuk ishte një aksident, por një plan i holluar për ta dëmtuar Kosovën, luftën e saj dhe Ushtrinë Çlirimtare të Kosovës. Secili deputet që e ka votuar atë gjykatë e ka dëmtuar Luftën e drejtë të shqiptarëve për liri dhe secili deputet që i ka thënë “ PO “ me votën e tij kësaj Gjykate e ka marrë përsipër gjenocidin që kurrë se kemi bërë si popull. Prandaj vetëm një qeveri e drejtë dhe e mirë mund të bëjë diçka që ta mbrojë Kosovën dhe UÇK-në nga vota e deputetëve që e votuan atë gjykatë”, ka thënë deputeti Selimi.

Ai ka vlerësuar se të gjithë deputetët që e votuan atë gjykatë, por në veçanti ata deputetë që dikur ishin luftëtarë apo pjesëtarë të UÇK-së, me votën e tyre, e kanë tradhtuar luftën e tyre, shokët e tyre luftëtarë dhe mbi të gjitha e kanë tradhtuar idealin e dëshmorëve të UCK-së.

“Ushtria Çlirimtare e Kosovës ka bërë një luftë të drejtë dhe të pastër në përputhje me të gjitha konventat ndërkombëtare mbi luftën. UÇK-ja nuk ka bërë krime, përkundrazi, ajo ka luftuar kundër atyre që kanë bërë krime në Kosovë, kundër atyre që kanë vrarë më shumë se 12 mijë shqiptarë, kundër atyre që kanë dhunuar rreth 20 mijë femra, kundër atyre që kanë dëbuar mbi 1 milion shqiptarë nga Kosova, kundër atyre që kanë djegur mbi 120 mijë shtëpi të shqiptarëve. Ushtria Çlirimtare ka luftuar kundër të cilëve ka luftuar edhe NATO dhe shtetet perëndimore aleate”, ka thënë deputeti Selimi.

Trendafilova bëhet kryetare e Gjykatës Speciale

Ekaterina Trendafilova është emëruar kryetare e Gjykatës Speciale.

Periskopi.com Lajme

Emërimi i saj vjen pasi Paneli Përzgjedhës dorëzoi rekomandimet tek Autoriteti Emërues, Alexandra Papadopulou, shefe e Misionit të EULEX-it në Kosovë.

Trendafilova është juriste, avokate dhe akademike nga Bullgaria, me përvojë të madhe në ligjin kriminal ndërkombëtar dhe ligjeve për të drejtat e njeriut.

Ajo shërbeu si gjyqtare në Tribunalin e Hagës prej vitit 2006 deri më 2015. Ajo ishte edhe profesoreshë e drejtësisë në Universitetin e Sofias.

Trendafilova është emëruar kryetare për katër vjetët e ardhshme dhe do të fillojë punën prej janarit të vitit 2017.

Deda: Kosova të përgatitet për goditjen që do të marrë nga Gjykata Speciale

Ilir Deda deputet i pavarur i Kuvendit të Kosovës, ka deklaruara se politika në vend duhet të jetë e mobilizuar në mënyrën se si do të sillet me procesin e Gjykatës Speciale.

Periskopi.com Lajme

Sipas Dedajt, nuk është me rëndësi se kush do të jetë i akuzuar, por se ajo do të jetë një goditje e fortë në proces të marrëdhënieve ndërkombëtare.

“Sepse ne nuk e kemi përfunduar shtetësinë në nivelin ndërkombëtar. Imagjinojeni se çfarë do të bëjë Rusia me disa vende tjera, me Serbinë, në momentin që të vijnë aktakuzat. Për këtë është me rëndësi që të ekzistojë konsensusi politik se si do të sillemi si politikë gjatë aktakuzave që do të ngrihen vitin e ardhshëm”, tha Deda në një intervistë për Radio Evropa e Lirë.

Dedaj tha se Gjykata Speciale do të jetë shumë sfiduese, pasi sipas tij luftërat dhe krimet në ish-Jugosllavi janë duke u harruar për vendet e tjera.

“Kurse po hapet një kapitull kur një Gjykatë gjysmë ndërkombëtare do të merret kryekëput me Kosovën dhe vetëm me shqiptarët e Kosovës dhe ata të Shqipërisë dhe është një etnike, çka është jo pozitive.