Pak pjesëmarrje në tubimin e myslimanëve kundër terrorit

Periskopi.com Lajme

Tubimi në qendër të Këlnit nën moton “Jo me ne” synonte të dënonte dhunën islamike. Por mesazhi i fuqishëm që pritej nga ky tubim nuk u arrit, se pjesëmarrja qe tepër e dobët.

Pjesëmarrja në marshimin “Jo me ne – muslimanë dhe miq kundër dhunës dhe terrorit” qe shumë më e ulët nga sa prisnin nismëtarët e saj. Studiuesja e fesë islame Lamya Kaddor dhe aktivisti musliman i paqes Tarek Mohamad prisnin 10.000 pjesëmarrë. Në fillim të tubimit në sheshin e Këlnit Heumarkt u mblodhën sipas burimeve të policisë rreth 300 pjesëmarrës. Në parakalimin dyorësh që pasoi nëpër rrugët e qytetit morën pjesë, sipas vlerësimeve të vëzhguesve rreth 1.000 vetë. Policia, kishte vënë në dispozicion rreth 700 policë.

Organizatorët Kaddor dhe Mohamad u kishin bërë thirrje muslimanëve nga e gjithë Gjermania për të marrë pjesë pas sulmeve terroriste në Berlin, Mançester dhe Londër në këtë manifestim si shenjë kundër islamizmit dhe terrorizmit. “Ne nuk lejojmë që terroristët të vrasin në emër të fesë islame (…) njerëz të pafajshëm,” thuhej në thirrjen e organizatorëve. Ky manifestim u mbështet ndër të tjera nga Këshilli Qendror i Muslimanëve në Gjermani dhe nga shoqatat e komunitetit turk.

Shoqata Ditib jo e pranishme

Por Bashkimi Turko-Islam, Ditib, shoqata më e madhe gjermano-turke në Gjermani refuzoi të merrte pjesë në manifestim, duke thënë se “demonstrata muslimane kundër terrorit” i stigmatizojnë muslimanët.

Ky qëndrim u kritikua sërish nga ministri Federal i Drejtësisë Heiko Maas. Ai tha se asnjë musliman nuk duhet të konsiderohet si i dyshuar për shkak të terrorizmit islamik, por se është detyrë e të gjithë shoqërisë civile që të distancohet nga terrori. Sipas ministrit Maas shoqatat muslimane kanë “sigurisht një përgjegjësi të veçantë për të mbytur që në embrion rrymat ekstremiste në xhami.”

Edhe ministri i Brendshëm Thomas de Maizière (CDU) e kritikoi mospjesëmarrjen e Ditib-it, sepse terrorizimi nuk bën dallime mes muslimanëve dhe njerëzve të tjerë dhe përbën kërcënim për të gjithë.

Reklamë
Reklamë

Vdes 19-vjeçari shqiptar në Gjermani pas përleshjes së dy grupeve të rinjsh

Periskopi.com Lajme

Një djalë i ri shqiptar, 19 vjeç, natën e së dielës është sulmuar për vdekje me thikë në qytetin gjerman Wiesbaden.

Viktima kishte lindur në Wiesbaden dhe ishte me një grup prej gjashtë personash kur u përlesh me një grup tjetër prej tre personash rreth orës 3:30.

Aty ndodhi tragjedia, në zonën e vizave të bardha të sheshit Mauritiusplatz, për motive akoma të paqarta, shkruajnë mediat gjermane si “FAZ”.

Dy persona tjerë të grupit të gjashtë personave mbetën të plagosur, prej të cilëve njëri rëndë. 18 dhe 19 vjeçari ndodhen për trajtim mjekësor në spital.

Tre agresorët e grupit të dytë u arratisën nga vendngjarja.

Policia ka arritur të marrë në pyetje disa dëshmitarë, për kapjen dhe zbardhjen e tërësishme të ngjarjes.

Reklamë
Reklamë

Shoferi shqiptar, 5 vjet e gjysmë burg për tregti me drogë në Gjermani

Periskopi.com Lajme

Gjykata e Qarkut në Passua ka dënuar një shqiptar me pesë vjet e gjashtë muaj burg, për shkak të kontrabandimit të marihuanës, shkruan ‘br.de’.

Ai në tetor e vitit të kaluar kishte transportuar 230 kilogramë marihuanë nga Shqipëria për në Gjermani, kurse droga ishte fshehur në arka plastike që ishin boshe dhe me destinacion Holandën. Ai ishte zbulimi më i madh i drogës në Bavari në vitet e fundit, përcjell albinfo.ch.

Shoferi 58-vjeçar është betuar se është i pafajshëm në procesin dyditor, duke ngatërruar shpesh deklaratat e tij, që ishin në kontradikta. Gjithashtu edhe dokumentet e transportit ishin të falsifikuara. Arsyeja mund të ketë qenë për të mbuluar diçka.

Gjykata gjithashtu pretendon se i akuzuari kishte bërë edhe më parë katër dërgesa të ngjashme të drogës.

Reklamë
Reklamë

Gjermania-Turqisë: I keni dy javë kohë, ose…

Periskopi.com Lajme

Gjermania i ka dhënë dy javë afat kohë Turqisë që kjo e fundit të lejojë deputetët e parlamentit gjerman që të vizitojnë ushtarët turq në bazën Inxherlik.

Në deklaratën e lëshuar prej qeverisë gjermane, thuhet se në rast se Turqia brenda dy javësh nuk jep lejen që pjesëtarët e Bundestagut gjerman të vizitojnë ushtarakët në bazën Inxherlik, atëherë Berlini do të marrë vendim për tërheqjen dhe largimin e avionëve të tij nga kjo bazë.

Autoritetet gjermane kanë thënë se brenda këtyre dy javëve, përfaqësues të Bundestagut gjerman do të bisedojnë me palën turke dhe në fund do të marrin vendimin përfundimtar.Në samitin e NATO-s, Angela Merkel kancelare e Gjermanisë ka diskutuar për këtë problem me presidentin Rexhep Taip Erdogan, por pa arritur ndonjë rezultat.

Në bazën Inxherlik të Turqisë gjenden 260 ushtarakë dhe disa avionë gjermanë. Turqia vitin e kaluar duke reaguar ndaj konfirmimit të gjenocidit turk kundër armenëve në periudhën Osmane në parlamentin gjerman, nuk ka lejuar deputetët e Gjermanisë që të vizitojnë bazën Inxherlik.

Javën e kaluar Rexhep Taip Erdogan, ka deklaruar se nëse Gjermania merr vendim të largojë ushtarakët e saj nga baza Inxherlik, Turqia atyre do tu thotë mirupafshim.

Reklamë
Reklamë

Zvogëlohet kontigjenti i ushtarëve gjermanë në Kosovë

Periskopi.com Lajme

Në Bundestagun gjerman është mbajtur leximi i parë i propozimit për vazhdimin e misionit të ushtarëve gjermanë në Kosovë. Propozimi parashikon zvogëlimin e kontigjentit.

Qeveria gjermane i ka propozuar Bundestagut që ta vazhdojë edhe për një vit mandatin e ushtrisë gjermane në Kosovë. Propozimi parashikon dërgimin në Kosovë deri të 800 ushtarëve, që do të thotë rreth 550 ushtarë më pak se në misionin e tanishëm. Në Bundestag është mbajtur të enjten (18.05) leximi i parë i propozimit të qeverisë, por vendimi për vazhdimin konsiderohet si punë e kryer.

Qeveria gjermane në sugjerimin për vazhdimin e mandatit u referohet vendimeve të NATO-s për përshtatjen e fuqisë ushtarake me zhvillimet në Kosovë. Kostoja për misionin e ushtrisë gjermane në Kosovë për këtë vit do të jetë 41,9 milionë euro.

Gjendja e qetë, por…

Gjendja në Kosovë vlerësohet si kryesisht e qetë dhe e qëndrueshme, por edhe më tej me një potencial të lartë për konflikt – në veçanti në veri të Kosovës. Ndërsa detyra e Bundeswehrit është mbështetja e zhvillimit të një Kosove të qëndrueshme, demokratike, multietnike dhe paqësore, si dhe mbështetja e Forcave të Sigurisë në Kosovë.

Mandati i ushtarëve gjermanë në Kosovë vazhdohet çdo vit. Në media është spekuluar edhe me mundësinë e tërheqjes së ushtarëve gjermanë nga Kosova deri në fund të vitit 2018 dhe mbetjen atje të një kontigjenti këshillues. Por analistët thonë se realizimi i këtij synimi varet nga gjendja në terren.

Historia e misionit

Pjesëmarrja e ushtarëve gjermanë në kuadër të Kforit është miratuar për herë të parë në Bundestag më 11 qershor 1999. Në parim, misioni është i pakufizuar, por praktikisht ai duhet të vazhdohet nga Bundestagu çdo vit për 12 muajt e ardhshëm. Vazhdimi i fundit zyrtar është bërë më 23 qershor 2016 dhe ky vendim (aktualisht në fuqi) parashikon dërgimin e deri 1.350 ushtarëve në Kosovë. Por ky është numri më i madh, sepse në Kosovë atkualisht ka rreth 500 ushtarë gjermanë. Ndërsa vendimi i radhës zyrtarisht do të miratohet në Bundestag në qershor.

Reklamë
Reklamë

Numër rekord i vendeve të lira të punës në Gjermani

Periskopi.com Lajme

Sipas raportit të publikuar nga Instituti për Hulumtime të Punësimit (IAB), Gjermania nuk ka pasur kurrë më shumë vende të lira pune se sa tani.

Në tre muajt e parë të vitit 2017 punëdhënësit kërkojnë 1.064 milionë punëtorë, që është 9.000 më shumë se në tremujorin e fundit të vitit 2016, e cila deri më tani ka mbajtur rekordin, raporton AFP.

IAB bazon vlerësimin e tij në përgjigjet nga 8,000 punëdhënësit nga të gjithë sektorët ekonomik. Rreth 77 për qind e të gjitha vendeve të lira janë në Gjermaninë Perëndimore. Rreth dy të tretat (64 për qind) e këtyre vendeve të punës kërkojnë punonjës të mundshëm vetëm duke përfunduar një punë, ndërsa vetëm 16 për qind kërkojnë punëtorë me arsim të lartë. Të tjerët, 20 për qind e punëtorëve nuk presin ndonjë edukim special.

Aktualisht kompanitë e vogla dhe të mesme janë duke kërkuar personel specialist me zanat, tha studiuesi IAB, Alexander Kubis. IAB parashikon gjithashtu një rekord të lartë gjatë majit në Gjermani, gati 45 milionë euro, një rritje prej 670 mijë në krahasim me vitin e kaluar.

Reklamë
Reklamë

Shqiptarja krah i fuqishëm i Angela Merkel në Gjermani (Video)

Periskopi.com Lajme

Floriana Igrishta, është shqiptarja e gjeneratës së dytë të mërgimtarëve shqiptarë në Gjermani.

Ajo jeton në periferi të Kielit, e gjithsesi që Igrishta talentin e saj në politikë tashmë ka filluar ta shfaq krah kancelares gjermane Angela Merkel, përcjellë Klan Kosova.

Mediat gjermane raportojnë se partia CDU është ajo që ka hapur portat për gjithë shqiptarët të cilët duan të bëjnë ndryshime, e një ndër to hyn dhe Floriana.

Reklamë
Reklamë

Të shtëna me armë në një spital në Berlin

Periskopi.com Lajme

Policia gjermane është alarmuar pas të shtënave me armë zjarri në zonën e Kreuzbergut në Berlin.

Mediat lokale raportojnë se i dyshuari sulmoi një oficer, para se policia të hapte zjarr.

Në vendngjarje ndodhen forca të shumta policie. Nuk ka shumë informacion rreth kësaj ngjarje.

Reklamë
Reklamë

Bajram Rexhepi i mbijetoi tumorit, tani po lufton për jetë

Periskopi.com Video
Reklamë
Reklamë

I dërguari i Merkel në Tiranë, goditje të rëndë për Lulzim Bashën

Periskopi.com Lajme

I prerë dhe i qartë ka qenë mesazhi i Ministrit të Jashtëm Gjerman, Sigmar Gabriel, që ka rrëzuar kërkesat e opozitës shqiptare dhe ka sulmuar bojkotin e parlamentit. Në konferencën e përbashkët me Ditmir Bushatin, Gabriel tha se bojkoti, protesta në çadër dhe një qeveri teknike pak para zgjedhjeve janë absurde dhe për pasojë të papranueshme. Pengimi i reformës në drejtësi e largon Shqipërinë nga BE, tha Gabriel.

“Këtu në Shqipëri bëhet fjalë për zbatimin e reformës në drejtësi. Ajo që e dallon Europën nga vende të tjera të botës është zbatimi i ligjit dhe Kushtetutës. Shteti ligjor duhet të sigurojë dhe garantojnë që në fund të ditës në qendër të vëmendjes do jetë interesi i qytetarëve dhe jo klikave të ndryshme. Me shqetësim të madh dhe pa e kuptuar mirë shikojmë se reforma në drejtësi është duke u penguar. Parlamentarët që zgjedhin të bojkotojnë parlamentin. Në vendin tim dhe në Europë kjo është absurde. Në vend të kësaj mblidhen në çadër duke realizuar një opozitë përkundër parlamentit. Pas pak javësh kemi zgjedhje. Nëse deputetët nuk janë të kënaqur duhet ta anatemojnë në kuadër të fushatës elektorale. Pakicat duhet të pranojnë shumicën. Ka një farë frikë lidhur me zbatimin e reformës në drejtësi. Për ne është e rëndësishme që në varësi të Kushtetutës dhe ligjeve të vlefshme të zbatohet reforma në drejtësi. Apelojmë qeverinë dhe parlamentin të punojnë për zhvillimin e zgjedhjeve të lira dhe të ndershme”- tha Gabriel, që këshilloi Lulzim Bashën të propozojë ndryshimin e Kodit Zgjedhor duke e garantuar për ndihmën e BE dhe të Gjermanisë.

“Këshilla ime drejtuar opozitës dhe qeverisë është zbatimi i Kushtetutës dhe realizimi i zgjedhjeve.Për argumentin e Bashës dhe mosbesimin që ai ka për mundësinë e zgjedhjeve të lira dhe të ndershme unë e ftoj të bëjë proozimet e nevojshme, se si do arrihen në këtë momënt zgjedhjet r lira dhe të ndershme.

BE dhe gjermanët t’i marrin këto propozime në konsideratë. Nëse dëshiron opozita mund të bëjmë shumë më tepër se kaq, por nuk është rruga e duhur bojkoti i parlamentit” u shpreh Gabriel.

Mesazhi i Ministrit të Jashtëm Gjerman kundër bojkotit të opozitës nuk është i pari që vjen nga perëndimi. Me herët edhe ambasadorë dhe zyrtarë të lartë të BE i kanë kërkuar Lulzim Bashës të kthehet në parlament për të votuar vetingun dhe të hyjë në zgjedhjet e 18 qershorit.

Një pjesë të këtyre mesazheve, Lulzim Basha i ka konsideruar si të sponsorizuar nga lobistët e paguar me paratë e kanabisit, por duket se qëndrimi i ministrit të jashtëm të Gjermanisë sot ka qenë drejtpërdrejt në përkrahje të qeverisë.

Reklamë
Reklamë

Pezullohet fluturimi më i shkurtë në botë, Zvicër-Gjermani

Nuk do të ekzistojë më fluturimi më i shkurtë në botë për shkak të interesimit të ulët të udhëtarëve.

Periskopi.com Lajme

Kompania ajrore austriake “Peope Viennaline” kishte filluar fluturimin më të shkurtër në botë. Që nga 2 nëntori i vitit të kaluar ajo ka nisur linjën nga Altenrhein për të bërë një zbritje në Friedrichshafen.

Gjatë kësaj linje, aeroplani do të ngjitet vetëm 1000 metra mbi tokë ndërsa koha sa qëndron në ajër është afërsisht 8 minuta.

Ky udhëtim ka sjellë kënaqësi edhe për vet pilotet.

Pavarësisht distancës së shkurtër që e kanë këto dy qytete, nëse udhëtohet me veturë ajo është 77 kilometra larg dhe mund të arrihet për një orë udhëtim. Bileta e fluturimit për në Friedrichshafen bëhet si pjesë e fluturimit për në Këln, transmeton albinfo.ch. Për këtë destinacion bileta kushton 50 franga zvicerane dhe fluturimi bëhet dy herë në javë.

Sipas zyrtarëve në Aeroportin e Friedrichshafen, “Viennaline” në do ta pezulloj vijën ajrore më 14 prill, për shkak të kërkesës së ulët.

Ambientalistët kritikuan mini fluturimin si burim pakuptimtë të ndotjes.

 

 

Reklamë
Reklamë

Siriani që po doktoronte në Gjermani, planifikoi sulmin terrorist

Policia gjermane njoftoi sot se po e hetojnë rastin e arrestimit të një siriani, student i doktoratës, i dyshuar për planifikimin e një sulmi me bombë, raportojnë media lokale.

Periskopi.com Lajme

Siç raportojnë mediat, 36-vjeçari i arrestuar, edhe më parë ishte nën hetime, për lidhje të dyshuara me të ashtuquajturin Shteti Islam.

Gjermania, është vënë në qendër të sulmeve të mundshme terroriste nga xhihadistët dhe përkrahësit e të ashtuquajturit Shteti Islam. Sulmi më i përgjakshëm në këtë vend, ka ndodhur në dhjetor të vitit të kaluar, kur në një treg të Krishtlindjeve, një terrorist nga Tunizia, shkeli me kamion turmën e njerëzve, duke lënë të vdekur 12 persona e duke plagosur dhjetëra të tjerë.

Reklamë
Reklamë

Gjilanasja që luan në pianot e kohës së Moxartit, por preferon Filarmoninë e Kosovës (Foto)

Është vetëm 20 vjeçare por tashmë është shumë e njohur në Gjermani. Fatjona Maliqi nga Gjilani ka zënë vend kyç në koncerte të mëdha.

Periskopi.com Lajme

 

Është studente e profesorit Heribert Koch në Fakultetin e Muzikës në Münster, raporton Periskopi

Artistët atje tashmë të gjithë e njohin. Mediat nuk ndalën së shkruari për të.

Ka marr pjesë në koncerte me orkestra të ndryshme, koncerte solistike, mësuese dhe shumë e rëndësishme, ajo ka bërë prezantimin duke luajtur në piano si dhe duke shpjeguar për profesorët në Çeki si dhe për profesorët në Fakultetin e Muzikës në Köln të Gjermanisë, krejt këto bashkë më profesorin e saj të lartëpërmendur, që është president i organizatës Evropiane të profesorëve të pianos në Gjermani (EPTA Europian Piano Teachers Association) në kuadër të EPTA-s.

Koncertin e saj të fundit për nga rëndësia e kishte në ënëtor, ku të gjithë raportuan se si arrit të ngritë gjithë sallën në këmbë dhe duartrokitje, megjithëse ajo po e bënte koncert-provë.

Ka një gjë interesante te ajo. Ka mundësi të luaj në gjithë skenat, por dëshira e saj është të jetë pjesë e Filarmonisë së Kosovës.

“Në Münster është koleksioni i pianove speciale që nga koha e Moxartit dhe është një koleksion që në asnjë vend të Evropës nuk ke, aty jam e privilegjuar të luaj me to. Por, dëshira ime është që në të ardhmen të luaj solo koncert ose soliste me orkestrën e Filarmonisë së Kosovës”, thotë ajo për Periskopi

Ajo luan në koncert klase dhe çdo herë me program të ri.

Fatjona ka shumë koncerte, madje një kohë mbante nga dy në ditë.

Qysh e vogël e pëlqente muzikën, por për shumë vite hapat i mori në Kosovë, në Gjilan.

Njeri nga çmimet më të rëndësishëm është fituesja e çmimit Grand Prix -Pianisti i ri 2013, ku në juri ishte profesori Heribert Koch i cili tani është profesori i saj dhe e përkrahë dhe i ndihmon vazhdimisht./ Periskopi

 

Reklamë
Reklamë

Pako me eksploziv për ministrin gjerman

Një pako me eksploziv është gjetur sot në Ministrinë e Financave tw Gjermanisë, e cila ishte dërguar për ministrinë Financave, Volfgang Shojble.

Periskopi.com Lajme

“Pakoja u zbulua në kutinë postare të kësaj ministrie”, njoftoi policia gjermane.

“Në brendësi të pakos kishte një përzierje fishekzjarrësh, që mund të shkaktonte plagosje të rëndë nëse hapej”, theksoi ajo.

Pakoja kishte arritur rreth orës 10:00 të mëngjesit dhe është gjetur gjatë skenimit rutinor.

Pas gjetjes së eksplozivit, i gjithë objekti është evakuuar për shkaqe sigurie, transmeton KosovaPress.

Reklamë
Reklamë

Alarm për sulm terrorist, evakuohet qendra e qytetit gjerman

Policia gjermane pas informacioneve që i mori për një sulm të mundshëm në Qendrën Tregtare në qytetin Essen, ka bllokuar qendrën dhe ka evakuuar zonën.

Periskopi.com Lajme

Policia thotë se ende nuk mund të flasin për informacione konkrete, mirëpo thonë se ka pasur një kërcënim në këtë qendër të qytetit, shkruan Spiegel.

Depot e ushqimit, garazhet dhe parkingjet që lidhen me metronë e qytetit, janë kontrolluar nga efektivët e sigurisë dhe janë mbyllur.

Policia tregon se kërcënimi ka ndodhur sot (e shtunë), rreth orës 08 të mëngjesit.

Reklamë
Reklamë

Alarm në Gjermani, sulmohet stacioni i trenit në Hamburg

Një tjetër sulm ka ndodhur në Gjermani në harkun e 24 orëve.

Periskopi.com Lajme

Sipas mediave vendase, është sulmuar me gaz stacioni i trenit në Hamburg. Nga të dhënat paraprake, 50 persona kanë shfaqur probleme me frymëmarrjen.

Forca të shumta policia kanë rrethuar zonën. Në vendngjarje ndodhen dhe skuadrat e anti-terrorit. Sa i përket autorit, nuk ka ende asnjë informacion.

Kujtojmë se pasditen e djeshme një shqiptar nga Kosova sulmoi me hanxhar qytetarët në stacionin e trenit në Duseldorf duke plagosur disa vetë.

Reklamë
Reklamë

Gjermania hap 50 mijë vende pune për emigrantët, ja si duhet të aplikoni

Afro 50.000 vende pune ofrojnë kompanitë gjermane, për të cilat mund të aplikojnë qytetarë. Mjekë, infermierë, inxhinierë të të gjitha kategorive, teknikë kompjuterësh, zanatçinj, hidraulikë, elektricistë, muratorë, mekanikë makinash, gomistë janë vetëm disa nga profesionet për të cilat mund të aplikohet nëpërmjet portalit on-line “Make it to Germany”.

Periskopi.com Lajme

Kjo faqe në internet është çelur në bashkëpunim nga ministria e Çështjeve Ekonomike dhe Energjisë, nga ministria e punës dhe Çështjeve Sociale si dhe nga Agjencia Gjermane e Punësimit. Kjo faqe në internet përditësohet shumë shpesh dhe kompanitë hedhin automatikisht kërkesat e tyre për profesionistë të fushave të ndryshme.

Portali Agjencia Gjermane e Punësimit ka publikuar listën e profesioneve ku ka vende të lira në ekonominë më të fortë në Evropë.

Të gjithë ata që jetojnë jashtë vendeve të BE-së, pra përfshi Shqipërinë, Kosovën a po Maqedoninë mund të aplikojnë për punësim legal në Gjermani.

Paga mesatare neto në Gjermani është 2000 euro, ndërsa paga e personelit mjekësor dhe kujdestarëve varion nga 2000 deri në 2200 euro në vlerë bruto.

Në këtë link, ju mund të shihni se cilat profesione kërkohen më së shumti nga punëdhënësit gjermanë: www.make-it-in-germany.com.

Për të konkurruar për vendet e punës, është e nevojshme të tregoni se keni nivel arsimor dhe të respektohen rregullat e lejes së qëndrimit në Gjermani.

“Ekziston një shans për punonjësit të cilët nuk janë nga BE-ja për të marrë vende pune, pasi këto profesione kërkohen shumë në Gjermani, pasi nuk ka kandidatë të mjaftueshëm të brendshëm”, thekson Agjencia Gjermane e Punësimit.

Në portalin e Rrjetit Europian të të dhënave të punësimit, raportet tregojnë se Gjermania ka hapur konkurs për 267.144 vende të lira pune.

Viza Ambasada Gjermane në Tiranë ka publikuar një udhëzues për të gjithë ata persona që janë të interesuar të punësohen me dokumente të rregullta në Gjermani.

Sipas tij, personat që mund të punësohen me dokumente të rregullta ndahen në dy kategori: Ata që kanë një vend të garantuar pune nga punëdhënësi e që përmbushin kushtet për një lëshim vize dhe ata që kanë kualifikime të veçanta pune.

Reklamë
Reklamë

Politikanët gjermanë shpërthejnë kundër Erdoganit: Të ndalohet të vizitojë Gjermaninë

Marrëdhëniet gjermano-turke po përballen me një prej sfidave më të mëdha të epokës moderne, tha ministri i jashtëm gjerman Sigmar Gabriel, një ditë pasi një gazetar gjermano-turke u akuzua zyrtarisht në Turqi për propagandë terroriste.

Periskopi.com Lajme

Ndalimi i Deniz Yucel, i cili punon për gazetën gjermane “Die Welt”, ka çuar në shpërthimin e zemërimit dhe frustrimit nga politikanët gjermanë kundrejt Turqisë.

Shumë politikanë kanë ngritur kërkesa zyrtare për ndalimin e vizitave në Presidentit turk Rexhep Tajip Erdogan, shkruan “BBC”.

Erdogani kishte parashikuar të vizitonte Gjermaninë dhe disa vende të Bashkimit Evropian para referendumit  të 16 prillit në Turqi, i cili pritet  t’i japë kompetenca edhe më të mëdha.

Gjithashtu edhe ministri i Jashtëm austriak, Sebastian Kurz tha se Presidentit turk nuk ishte i mirëpritur të mbante tubime duke shtuar se nëse kjo ndodhte, ‘fërkimet’ mes dy vendeve do të rriteshin ndjeshëm.

Kryeministri turk, Binali Yildirim, ka mbajtur këtë muaj një miting në Gjermani, e cila ka një pakicë të konsiderueshme turke./SYRI.net/

Reklamë
Reklamë

Gjermani: Përleshje masive mes shqiptarëve dhe gambezëve, plagosje dhe arrestime

Në kampin e azilkërkuesve Patrick-Henry-Village (PHV) në Heidelberg ndodhi një përleshje mes 50 burrave, të enjten rreth 12:00, shkruan rnz.de.

Periskopi.com Lajme

Nga përleshja mbetën të plagosur lehtë tre persona, ndërsa shkaku i saj duhet të ketë qenë shpërndarja jo e drejtë e racionit të ushqimit, përcjell botasot.info.

Dy punëtorët dhe një person i sigurimit tentuan ti ndajnë dy grupet – njëri shqiptar dhe tjetri gambian.

Nga përleshja mbetën të plagosur një 22 dhe 58 vjeçar nga Gambia dhe një 28 vjeçar, pa u specifikuar kombësia.

Të tre u dërguan në spital, për shkak të lëndimeve me sende të forta metalike në kokë.

12 forca policore ndërhynë për ti ndarë shqiptarët dhe gambezët, të cilët arritën të neutralizojnë shpejtë. Mes tjerash janë arrestuar edhe dy gambezë./Bota sot

Reklamë
Reklamë

Diplomatët turq kërkojnë azil në Gjermani

Gjermania ka deklaruar se ka marrë 136 kërkesa për azil nga qytetarët e Turqisë që posedojnë pasaporta diplomatike, qysh nga korriku kur edhe ndodhi grusht-shteti kundër presidentit turk.

Periskopi.com Lajme

Kjo është shifra totale nga gushti i vitit 2016 deri në janar të vitit 2017, raportojnë mediat gjermane.

Ndërsa në Greqi, është raportuar për dy ushtarë të Turqisë që kanë bërë kërkesë për azil, raporton BBC, transmeton Klan Kosova.

Dyshja mendohet të ketë qenë pjesë e grusht-shtetit kundër Presidentit Recep Tayyip Erdogan.

Reklamë
Reklamë