Ilir Mirena

Mirena: Gazetaria në Kosovë në vdekje klinike

Analisti Ilir Mirena ka thënë se në Kosovë ka një agresivitet medial, dhe jo të gjitha portalet që operojnë tash mund të mbijetojnë.

Periskopi.com Lajme

“Gazetaria është në një lloj vdekje klinike”, shton Mirena.

“Gazetarinë globalisht e ka shkatërruar zhvillimi teknologjik. Kjo ka ndikuar në zbehjen e profesionit të gazetarit”, raporton Klan Kosova

“Portalet në Kosovë janë lider në rajon, ka faktor ku është popullsia e re në moshë, diaspora që është e etur për lajmet e këtushme”.

“Ne aspektin online i kemi tejkaluar shtetet e rajonit. Portalet kryesore në Kosovë kanë afro 2 milionë e gjysmë vizita në ditë. Portalet mbesin një e mirë publike që i kanë kontribuar zhvillimit të fjalës së lirë në Kosovë”.

“Kjo është e shëndetshme dhe e kisha inkurajuar secilin banor të Kosovës me e mbajt një portal”, thotë Mirena.

Kurse analisti Dardan Gashi, thotë se disa portale vendore nuk do të mbijetonin po që se do të vepronin në Perëndim.

“Këso lloj gazetarie nuk ka në Perëndim, jo në këtë masë. Te ne na ka zënë faza e modernizimit të internetit”, thotë Gashi.

“Ne kemi ecur me trendin e gjithë rajonit. Nuk është shumë problem që në mënyrë agresive ti sulmojnë oponentët politik ose dikush që nuk na pëlqen”.

“Problemi është te gjykatat tona sepse edhe portalet kishin provu të korrigjohen nëse gjykata do të merrej me ato”, thotë Gashi.

Ai thotë se shpreson që do të vetrregullohen mediat por gjithmonë duhet me qenë aspekti ligjor që i rregullon ato.

“ Pa aspektin ligjor vetrreullativa nuk do të funksiononte. Duhet të jenë më të kujdeshëm kur kryqëzojnë dikë pa arsye”, përfundon Gashi.