Francë: Parashikohet fitore bindëse e partisë së Macronit

Periskopi.com Lajme

Mbështetësit e presidentit Macron në Paris festojnë pas shpalljes së rezulatteve të pjesërishme.

Parashikimet në bazë të rezultateve të pjesërishme në rundin e parë të zgjedhjeve parlamentare në Francë, indikojnë se partia e qendrës e presidentit, Emmanuel Macron, do ta fitojë shumicën në Asamblenë Kombëtare.

Në zgjedhjet e djeshme, partia Republika në Lëvizje, e zotit Macron, dhe aleati i saj i qendrës së djathtë, MoDem, parashikohet që eventualisht të fitojnë prej 390 e deri në 445 deputetë në Asamblenë me 577 deputetë.

Zgjedhjet janë përshkruar me atë që shumë ekspertë francezë e kanë vlerësuar si dalje e ulët historike në zgjedhje, pasi kjo shifër ishte afro 49%.

Rezultatet preliminare tregojnë se partia e zotit Macron ka 32%, Partia Republikane e krahut të djathtë i ka 21.2%, ndërsa Fronti Kombëtar i krahut të djathtë ekstrem i fitoi 13.9% të votave.

Nëse kandidatët nuk fitojnë më tepër se 50% të votave në rundin e parë, atëherë të gjithë ata, që i kanë së paku 12.5%, garojnë në rundin e dytë të zgjedhjeve më 18 qershor.

Është një qytet ku UFO-t nuk mund të fluturojnë, e kanë të ndaluar me ligj

Periskopi.com Lajme

Pas shfaqjes së një objekti të çuditshëm dhe tejet të dyshimtë para 60 vjetësh, një qytet në Francë, kishte vendosur një ndalesë për fluturaket e paidentifikuara.

Qyteti, që gjendet në jug të Francës, rreth 10 kilometra në veri të Avinjasë, vazhdon të jetë një vend shumë i preferuar për turistët, falë relievit të tij të përshtatshëm dhe një kështjelle mesjetare, që gjendet në të, transmeton gazeta Kosova Sot.

Megjithatë, veçantia më e madhe e këtij qyteti është ligji i çuditshëm që e ka vënë për UFO-t, që ua ndalon fluturakeve jashtëtokësore futjen në këtë territor.

“Secila fluturake, që njihet si pjatë fluturuese ose cilindër fluturues, që futet në territorin e qytetit, do të konfiskohet”, thuhet në ligj.

Ligji në fjalë është krijuar në vitin 1954, pasi që një banor kishte raportuar të ketë parë zhytës, të cilët kishin dalë nga një fluturake e çuditshme, në zonën lokale.

Kështu u përmbyll debati presidencial mes Macron dhe Le Pen

Periskopi.com Lajme

Debati presidencial mes Emmanuel Macron dhe Marie Le Pen përfundoi i ashpër ashtu siç edhe u zhvillua pothuajse gjatë gjithë kohës.

Me zë të lehtë, Emmanuel Macron e sulmoi brutalisht Marie Le Pen-in në fund të debatit presidencial francez.

“Ky vend nuk është i rëndësishëm për ju, ju nuk keni projekt”, tha Macron.

Kampanja juaj e urrejtjes dhe falsifikimeve e ushqen frikën. Frika ju zhvillon juve”.

“Nuk e dua këtë gjë për Francën – vlen më shumë se kaq”.

“S’e kuptoj zemërimin e bashkëqytetarëve tanë. Dua të sjell një përgjigjie të thellë”.

“Dua një Francë që pajtohet me veten dhe një Francë që është vërtetë e transformuar”, përfundoi Le Pen.

Në anën tjetër, Le Pen tha se është e stilit të vjetër, shkruan BBC, transmeton Klan Kosova.
Njerëzit do të thonë se jam e stilit të vjetër, por e dua Francën ashtu siç është, me kuturën e vet, me gjuhën dhe kufinjt e vet”.

Ajo tha se Macron dëshiron t’i mbyllë spitalet dhe fabrikat.

“Gjëja e vetme që ju nuk doni është t’i mbyllni kufinjt”, deklaroi ajo.

Në përmbyllje të debatit, vazhduan tensionet dhe akuzat mes të dy kandidatëve.

“E refuzoj shpirtin e disfatës dhe urrejtjes së propozuar nga Fronti Kombëtar”, tha Macron.

“Ne kemi qenë gjithmonë një vend i hapur dhe bujar”, vazhdoi ai.

Le Pen u mahit: “Po, sikurse Francois Hollande”.

Macron iu përgjigj:

“Ti rri në televizion, unë dua ta udhëheq vendin”.

Refugjati shqiptar masakrohet me thikë në Francë

Periskopi.com Lajme

Një 18-vjeçar shqiptar, refugjat, është plagosur nga dy goditje me thikë një ditë më parë në Caen të Francës.

Ngjarja ka ndodhur rreth orës 14, kur i riu shqiptar u shfaq në një dyqan në qendër të qytetit Caen, pranë stacionit të tramvajit Saint-Pierre. Ai i shpjegoi një tregtari aty, me një frëngjishte të dobët, se kishte marrë dy plagë me thikë, raportojnë mediat franceze.

Më pas, është lajmëruar ambulanca dhe shqiptari, identiteti i të cilit nuk bëhet e ditur, është transportuar në spital. Ai kishte marrë dy plagë, një në shpinë dhe tjetra në mushkri. Sipas mediave franceze, adoleshenti është jashtë rrezikut për jetën. Policia hapi një hetim, elementet e para të të cilit zbulojnë se i riu u godit nga një bashkatdhetar i tij.

Ekskluzive: ISIS merr përgjegjësin për sulmin në Paris, tregon edhe emrin e sulmuesit

Periskopi.com Lajme

Pas sulmit në Paris, ku ka ndërruar jetë një policë, e për të dytin, ministri i brendshëm thotë se ende është i gjallë por në gjendje të rëndë, tashmë ISIS ka marr përgjegjësinë për këtë sulm.

Në një nga faqet e internetit të ISIS-it, tregohet edhe emri i sulmuesit, raporton Periskopi

Ai është Abu Yusuf al-Beljiki.

Ndërkohë policia franceze raporton se është vdekur njëri nga sulmuesit, ndërsa është në kërkim edhe të paktën një tjetrin.

Për personin e dytë që është lëshuar fletëarrest, policia raporton se ai ka ardhur me tren nga Belgjika./ Periskopi

Francë, gjendet qeni i zhdukur para 11 vitesh

Periskopi.com Lajme

Qeni i racës bichon me emrin Topaz është në gjendje të mirë dhe u është kthyer pronarëve.

Pas 11 vitesh gjendet qeni në qytetin e largët francez 450 kilometra nga vendi nga ku ishte zhdukur, raporton Anadolu Agency (AA).

Kanali France 3 raporton se qeni me emrin Topaz ishte zhdukur 11 vjet më parë në Dunkerque, dhe në saj të çipit elektronik është gjetur në Moselle, pranë kufirit me Gjermaninë.

Qeni ishte zhdukur kur ai ishte katër vjeç dhe nuk ishte e mundur të gjendet përmes çipit sepse ishte jashtë rrezes së radarit. Pasi që sërish u paraqit sinjali, u zbulua vendndodhja e qenit.

Ende nuk dihet se si qeni i racës bichon kaloi 450 kilometra. Topaz i cili tani ka 15 vjeç është në gjendje të mirë shëndetësore dhe u është kthyer pronarëve.

Arrestohen dy adoleshente për përgatitje të sulmeve terroriste në Francë

Dy vajza adoleshente janë arrestuar sot në jug të Francës, me dyshimin se planifikonin të kryenin sulme terroriste, raporton AFP.

Periskopi.com Lajme

Në hulumtimet e kryera nga anëtarët e departamentit të antiterrorizmit, kanë bërë të ditur se në shtëpitë e të dyshuarave 14 dhe 15 vjeçare, kanë gjetur prova që tregojnë për planifikimin e sulmeve terroriste.

Lekaj: Nuk përjashtohet mundësia e ekstradimit të Haradinajt në Serbi

Shefi i deputetëve të AAK-së, Pal Lekaj, ka qenë i ftuar në “Interaktiv” të KTV-së. Ka thënë se gjithë shqiptarët kudo që janë e sidomos bashkëpunëtorët e Ramush Haradinajt nuk kanë pritur edhe këtë vendim të padrejtë, duke iu referuar atij të sotmit që e lë në Francë ish-kryeministrin e Kosovës deri në mes të prillit.

Periskopi.com Lajme

“Ne kemi menduar se kjo maskaradë të ndërpritet sot, dhe t’i kthehet familjes, Kosovës e punës sepse me të drejtë e kemi quajtur se ‘Ramushi është Kosova’. Është bërë e tepërt që Haradinaj ta paguajë borxhin e të gjithëve”, ka thënë Lekaj.

Deputeti ka thënë se është vërejtur një përgjumje e institucioneve.

“Në ditët e para ka pasur një shkëmbim letrash, ministri Hoxhaj ka zhvilluar një takim me homologun e tij në Francë dhe dukej një angazhim. Por në anën tjetër Serbia nuk është ndalur. Kanë dërguar diku rreth 500 faqe shkarravina. Për ne ato janë të papranueshme, sepse Ramushi e ka kaluar dy herë testin e drejtësisë. Ky është një persekutim ndaj zotit Haradinaj”, ka thënë Lekaj.

Ajo që do duhej bërë sipas Lekajt, është “që duke e njohur Serbinë dhe duke parë të gjitha ato deklarata atëherë Qeveria jonë të jetë shumë më aktive që t’i përgjigjet kësaj ofensive”.

“Ta ndërpresë edhe dialogun me Serbinë deri sa të pastrohen listat e Serbisë në Interpol. Ju e dini që ne kemi kërkuar këtë edhe me Rezolutë në Kuvend por për fat të keq nuk hasëm në konsensus te kolegët deputetë”, ka thënë Lekaj.

Duke parë procedurat, Lekaj ka thënë se “nuk përjashtohet as ekstradimi i Harainajt në Serbi”.

“Prandaj duhet një mobilizim më i madh. Vetëm ata që nuk ia duan të mirën Kosovës, e që duan që në Kosovë të ndodhte sërish luftë do të mund të bënin një gjë të tillë”, ka thënë Lekaj.

“Nuk përjashtohet mundësia për eskalim”, ka thënë tutje Lekaj, teksa ka cituar fjalët e kreut të AAK-së që mbështetja ndaj tij të jetë e matur.

Ka folur edhe për protestën e së shtunës gjithëpopullore në shesh, dhe bojkotin që AAK-ja do t’i bëjë Kuvendit të Kosovës deri në lirimin e Haradinajt. Në Kuvend, ka thënë Lekaj, deputetët e AAK-së do t’i kthente vetëm demarkacioni, FAK-u apo çështje të tjera, siç ka thënë ai me interes të jashtëzakonshëm shtetëror.

Rexhep Selimi tregon pse nuk e arrestuan në Francë

Deputeti i Lëvizjes Vetëvendosje, Rexhep Selimi, e ka quajtur ndërmarrje të përbashkët kriminale PDK-LDK-në dhe Listën Serbe, ngase konsideron se vota e deputetëve të Listës Serbe pro Demarkacionit mund të jetë një bashkëveprim me dy partnerët e tjerë PDK-LDK, për ta bërë Asociacionin e Komunave me Shumicë Serbe.

Periskopi.com Lajme

Ai thotë se këto veprime nuk janë të rastësishme por të koordinuara kundër sovranitetit të vendit.

Ndërmarrje e përbashkët e 3 partnerëve të koalicionit PDK-LDK-Lista Srpska.

Selimi në emisionin “Fakt Plus”, ka folur edhe për vizitën e tij në Francë, ai ka shpjeguar pse nuk është arrestuar nga autoritetet franceze, derisa gjendet në listën e njëjtë me liderin, Ramush Haradinaj.

”Nuk e di sa i kanë  të konfirumuara apo jo ata se kush është në listën e INTERPOLI’t e kush jo, kush po kërkohet nga Serbia e kush jo, duket se në mënyrë abuzive po përdoren këto për efekte mediaktike, por përtej efekteve mediatike edhe për efekte politike”, tha Selimi.

Në Colmar të Francës mbahet protestë për Haradinajn

Shqiptarët që jetojnë në Francë, në shenjë pakënaqësie për rastin e kryetarit të AAK-së, Ramush Haradinaj, kanë ftuar për sot (e shtunë), për të marrë pjesë në një protestë në Colmar të Francës.

Periskopi.com Lajme

Në njoftimin e organizatori thuhet se ky “është moment historik që të gjithë shqiptarët të dëshmojnë se janë bashkë dhe janë një”.

Ky është njoftimi i plotë:

Meqenëse autoritetet e Republikës së Francës nuk sollën vendimin e drejtë dhe të shumëpritur nga populli shqiptar për lirimin e menjëhershëm dhe të pakusht të Ramush Haradinajt, Këshilli Organizativ për lirimin e Ramush Haradinajt fton të gjithë shqiptarët që ndodhen në Evropën Perëndimore që të mobilizohen si asnjëherë më parë dhe me pjesëmarrjen masive të dëshmojmë se kur janë në pyetje interesat tona kombëtare shqiptarët janë një!

Ftojmë të gjitha strukturat e organizatave politike, shoqatave, klubeve dhe formave tjera të organizuara të shqiptarëve në Evropën Perëndimore që të bashkuar të kërkojmë që autoritetet e drejtësisë franceze dhe të shteteve tjera demokratike të mos veprojnë sipas urdhrave politik të regjimit të Beogradit.

Është moment historik që shqiptarët e Kosovë, Maqedonisë, Luginës së Preshevës, Malit të Zi dhe të Shqipërisë të dëshmojmë se jemi një!

Lirimi i pakusht dhe i menjëhershëm i Ramush Haradinajt është mesazhi që presim nga demokracitë perëndimore.

Protesta do të mbahet në këtë adresë:

9 AVENUE RAYMOND POINCARÉ, 68000 COLMAR, FRANCE./Illyria

Arrestohen pesë menaxherë të hoteleve në Francë për kontrabandë të shqiptarëve

Ky rrjet kishte ofruar kalim të garantuar vetëm për shqiptarët, me çmim prej 5 mijë e deri në 10 mijë euro

Periskopi.com Lajme

Pesë menaxherë të hoteleve të dyshuar se ishin pjesë e rrjetit të trafikantëve, që i dërgonte emigrantët shqiptarë në Britani, janë arrestuar gjatë një operacioni policor në qytetin-port, Kale në Francë, kanë thënë autoritetet lokale, shkruan “AFP”.

Prokurori Pascal Marconville ka thënë se hetime ishte duke vazhduar që disa javë. “Është një hetim që po vazhdon tash e disa javë, lidhur me rrjetin e trafikantëve të shqiptarëve, që i kishin përdorë katër hotele në Kale”, ka thënë ai, përcjell albinfo.ch.

Hotelet nuk ishin të shqiptarëve. “Këto hotele nuk ishin pronë e shqiptarëve, por të njerëzve që qartazi dhe sipas hetimeve fillestare, i kishin pranuar shqiptarët për këtë rrjet të kontrabandistëve, me qëllim që t’i trafikojnë ata në Britani”, ka shtuar Marconville.

Ky rrjet kishte ofruar kalim të garantuar vetëm për shqiptarët, me çmim prej 5 mijë e deri në 10 mijë euro. “Derisa ne mendonim se po merreshim me një rrjet të shqiptarëve, duket se aty ishin të involvuar edhe sirianët dhe eritreasit”, theksoi Marconville.

Qyteti-port Kale në Francë, për vite të tëra ishte pikë e arritjes së emigrantëve në përpjekjet e tyre për të kaluar në Britani.

Arrestohen pesë menaxherë të hoteleve për kontrabandë të shqiptarëve

.

.

 

 

Ramush Haradinajn e viziton në Francë vëllai i vogël (Foto)

Një ditë para se të mbahet seanca gjyqësore në Colmar të Francës, Ramush Haradinaj ka pasur një vizitë të veçantë.

Periskopi.com Lajme

Atë e ka vizituar një anëtar i familjes që rrallë herë mund ta keni parë.

Është vëllai i Ramushit, Veton Haradinaj, i cili ka shkuar për ta mbështetur atë dhe t’i qëndrojë pranë në një ditë shumë të rëndësishme për të.

auto_16473216-1413571278667043-2756612855298705689-n_1486585739-77581981486587208

Në Francë arrestohen disa menaxherë të dyshuar për trafikim të shqiptarëve

Disa menaxhrë të hoteleve të dyshuar se ishin pjesë e rrjetit të trafikantëve, që i dërgonte migrantët shqiptarë në Britani, janë arrestuar dje gjatë një operacioni policor në qytetin-port, Kale në Francë, kanë thënë autoritetet lokale.

Periskopi.com Lajme

“Është një hetim që po vazhdon tash e disa javë, lidhur me rrjetin e trafikantëve të shqiptarëve, që i kishin përdorë katër hotele në Kale”, i tha prokurori, Pascal Marconville, agjencisë AFP, duke e konfirmuar një raport në të përditshmen, La Voix du Nord”.

“Këto hotele nuk ishin pronë e shqiptarëve, por të njerëzve që qartazi dhe sipas hetimeve fillestare, i kishin pranuar shqiptarët për këtë rrjet të kontrabandistëve, me qëllim që t’i trafikojnë ata në Britani”, ka thënë prokurori Marconville.

Ky rrjet kishte ofruar “kalim të garantuar” vetëm për shqiptarët, me çmim prej 5 mijë e deri në 10 mijë euro.

“Derisa ne mendonim se po merreshim me një rrjet të shqiptarëve, duket se aty ishin të involvuar edhe sirianët dhe eritreasit”, tha Marconville.

Qyteti-port Kale në Francë, për vite të tëra ishte pikë e arritjes së migrantëve në përpjekjet e tyre për të kaluar në Britani.

Haradinajt mund t’i zgjatet qëndrimi në Francë më shumë se sa është menduar

Ish kryeministri i Kosovës, Ramush Haradinaj mund t’i pamundësohet kthimi në Kosovë deri më 13 shkurt. Avokati i tij, Ariani Koci ka thënë se afati maksimal i kërkesës për ekstradim me dokumente përcjellëse nga ana e Serbisë është 40 ditë prej momentit të arrestimit të Haradinajt.

Periskopi.com Lajme

 

Haradinaj është ndalur nga autoritetet franceze më 4 janar dhe sipas një llogaritje të thjeshte i bie qe lideri i AAK-së mund të qëndrojë në Francë deri më 13 shkurt.

Koci thotë se Serbia qëllimshëm po e zvarrit kërkesën për ekstradim me qëllim qe sa mbajë sa më gjatë në Francë.

“Serbia e din qe nuk ka rast penal kunder Haradinajt, prandaj tenton ta zvarris procedurën ekstraduese, me çdo kusht. Sidoqoftë, afati maksimal për dërgimin e kërkesës për ekstradim me dokumente përcjellëse, nga ana e Serbisë është 40 dite, prej momentit te arrestimit te z. Haradinaj”, ka thënë Koci për ‘Indeksonline’.

Serbia në raporte dhe marrëveshje ndërkombëtare, sipas avokatit po vepron me keqbesim, duke tentuar qe Haradinajn ta dëmtoj dhe ta demonizoj.

“Ne fakt, me sulm ndaj Ramushit, po sulmohet krejt Kosova, për shkak se i njëjti simbolizon lirinë e Kosovës”, ka shtuar Koci.

I pyetur, nëse në seancën e ardhshme gjyqësore do të ipet verdikti përfundimtar, Koci nuk ka një përgjigje të prerë për këtë çështje.

“Kjo varet prej dinamikes se gjykatës, por unë mendoj qe gjasat janë reale qe kjo çështje të përfundoj seancën e radhës”, ka theksuar ai

Ish komandanti i UÇK-së për rajonin e Dukagjinit u ndal para dy javë në aeroportin e Bazelit nga ana e autoriteteve franceze mbi bazën e një fletë arresti serb.

Seanca për Ramush Haradinajn fillon nesër në ora 11:00 në Francë

Ramush Haradinaj nesër (e enjte) pritet të dalë para trupit gjykues francez, që javën që shkoi e ndaloi kreun e AAK-së në paraburgim, një ditë pasi u arrestua në Francë në bazë të një urdhërarresti të lëshuar nga Serbia.

Periskopi.com Lajme

Lajmi.net merr vesh që seanca për Haradinajn do të fillojë në orën 11, në Gjykatën e Apelit në qytetin Colmar të Francës.

Sipas mbrojtjes së Haradinajt, ish kryeministri pritet që nesër të lirohet me kusht, deri në përfundimin e procedurës dhe dhënies së vendimit përfundimtar.

Në anën tjetër, Serbia ka paralajmëruar për nesër dorëzimin e kërkesës për ekstradim për Haradinajn. Kjo kërkesë tashmë është e plotësuar, pasi që Ministria serbe e Drejtësisë dje kishte dorëzuar kërkesën e parë.

Sipas autoriteteve serbe, Francës i është dorëzuar komplet dokumentacioni me aktakuzën e ngritur, aktakuzë kjo që sipas Beogradit zyrtar, nuk ka të bëjë me pretendimet për të cilat Haradinaj është gjykuar dy herë nga Tribunali i Hagës.

Ministrja serbe e Drejtësisë, Nela Kuburoviq, ka thënë se për Haradinajn aktakuza është për “krimet e pretenduara” në vitin 1999 e jo 1998.

Ndryshe, një Gjykatë e Apelit e la në paraburgim, të enjten që shkoi, ish-kryeministrin e Kosovës që u arrestua në aeroportin e Bazelit, shkaku i një urdhërarresti që Serbia e ka lëshuar  në vitin 2004.

E njëjta gjykatë i dha Serbisë afat kohor që të deponojë prova ndaj kreut të AAK-së.

Me fotografi të Rugovës, në protestën për Haradinajn në Francë (Foto)

Në shenjë solidariteti ndaj kryetarit të AAK-së Ramush Haradinaj, i cili u arrestua ditë me parë nga autoritetet franceze, është mbajtur një protestë paqësore në qytetin Colmar të këtij shteti.

Periskopi.com Lajme

Qëllimi i protestës para Gjykatës së Colmarit, ishte kërkesa për lirimin sa më të shpejtë të Haradinajt dhe hedhjen poshtë të të gjitha fletarrestimeve që datojnë nga regjimi i Millosheviqit.

franca1 franca3

Shqiptarët protestojnë në Francë, kërkojnë lirimin e Haradinajt

Periskopi.com Video

Publikohet fotografia e parë e Ramush Haradinajt brenda në burgun e Francës (Foto)

Teksa të gjithë shqiptarët janë mërzitur për ndalimin e ish-komandantit të UÇK-së, është një shqiptar që në fakt është gëzuar disi. Sigurisht, jo për arrestimin e tij, por për faktin se ka pasur kënaqësinë të qëndrojë në të njëjtën qeli me Haradinajn.

Periskopi.com Lajme

Jo vetëm kaq, por shqiptari i dënuar në Francë, ka shfrytëzuar rastin për të bërë një foto me ish-kryeministrin e Kosovës. Në foto, duket Haradinaj i qetë dhe i qeshur, teksa shtrëngon dorën me shqiptarin tjetër të dënuar, me të cilin është shok qelie.

Djali e ka nisur foton në redaksinë e JOQ, ku shkruan: Live, në Colmar të Francës. Ju përshëndesim.

Arrestimi i ish-kryeministrit të Kosovës shkaktoi bujë të madhe dhe shumë reagime nga politikanë, por jo vetëm. Qindra qytetarë protestuan në forma të ndryshme, ndërsa sot në Prishtinë shqiptarët sfiduan të ftohtin siberian dhe borën në kryeqytet duke kërkuar lirimin e Haradinajt në një protestë përpara Ambasadës Franceze në Kosovë, nën moton “Ramush Haradinaj është Kosova”.

Ramush Haradinaj ne burg

Konfirmohet arrestimi i Haradinajt, ja ku ishte dhe pse u arrestua

Familja e kreut të Aleancës për Ardhmërinë e Kosovës, Ramush Haradinaj, ka konfirmuar lajmin në media për arrestimin e tij.

Periskopi.com Lajme

Familja e Haradinajt ka thënë se kreu i AAK-së është arrestuar në Francë, në bazë të një fletarresti ndërkombëtar, të lëshuar nga Serbia.

Nuk kanë dashur të japin detaje të tjera.

Ndërsa, mësohet se ai është ndaluar në Bazel, në pjesën franceze.

“Krejt çka dimë për momentin është se është ndalur në Bazel (ana franceze) për një akuzë të Serbisë nga viti 2004. Është në verifikim, pra në ndalje”, ka thënë Avni Arifi nga AAK.

Arrestohet Ramush Haradinaj

 

Francois Fillon fiton zgjedhjet partiake në Francë

Francois Fillon do të jetë kandidati i konservativëve për zgjedhjet presidenciale të vitit të ardhshëm, pasi rivali i tij kryesor Alain Juppe pranoi humbjen.

Periskopi.com Lajme

Rezultate e hershme tregojnë se Fillon ka fituar me një margjinë rreth 70 për qind – derisa janë numëruar më pak së gjysma e votave.

Fillon tha se tani duhet të nis aksioni për ndërtimin e një shoqërie me të drejtë.

LEXO:  Zgjedhjet 2017, deputeti i LSI: Nuk ka koalicion me PD, ja arsyet

Ai pritet të ballafaqohet në zgjedhjet e Presidenciale me një kandidat nga socialistët dhe me Marine Le Pen e krahut ekstrem të djathtë në Prill të 2017.