Ramush Haradinaj

Seanca për Ramush Haradinajn fillon nesër në ora 11:00 në Francë

Ramush Haradinaj nesër (e enjte) pritet të dalë para trupit gjykues francez, që javën që shkoi e ndaloi kreun e AAK-së në paraburgim, një ditë pasi u arrestua në Francë në bazë të një urdhërarresti të lëshuar nga Serbia.

Periskopi.com Lajme

Lajmi.net merr vesh që seanca për Haradinajn do të fillojë në orën 11, në Gjykatën e Apelit në qytetin Colmar të Francës.

Sipas mbrojtjes së Haradinajt, ish kryeministri pritet që nesër të lirohet me kusht, deri në përfundimin e procedurës dhe dhënies së vendimit përfundimtar.

Në anën tjetër, Serbia ka paralajmëruar për nesër dorëzimin e kërkesës për ekstradim për Haradinajn. Kjo kërkesë tashmë është e plotësuar, pasi që Ministria serbe e Drejtësisë dje kishte dorëzuar kërkesën e parë.

Sipas autoriteteve serbe, Francës i është dorëzuar komplet dokumentacioni me aktakuzën e ngritur, aktakuzë kjo që sipas Beogradit zyrtar, nuk ka të bëjë me pretendimet për të cilat Haradinaj është gjykuar dy herë nga Tribunali i Hagës.

Ministrja serbe e Drejtësisë, Nela Kuburoviq, ka thënë se për Haradinajn aktakuza është për “krimet e pretenduara” në vitin 1999 e jo 1998.

Ndryshe, një Gjykatë e Apelit e la në paraburgim, të enjten që shkoi, ish-kryeministrin e Kosovës që u arrestua në aeroportin e Bazelit, shkaku i një urdhërarresti që Serbia e ka lëshuar  në vitin 2004.

E njëjta gjykatë i dha Serbisë afat kohor që të deponojë prova ndaj kreut të AAK-së.

franca1

Me fotografi të Rugovës, në protestën për Haradinajn në Francë (Foto)

Në shenjë solidariteti ndaj kryetarit të AAK-së Ramush Haradinaj, i cili u arrestua ditë me parë nga autoritetet franceze, është mbajtur një protestë paqësore në qytetin Colmar të këtij shteti.

Periskopi.com Lajme

Qëllimi i protestës para Gjykatës së Colmarit, ishte kërkesa për lirimin sa më të shpejtë të Haradinajt dhe hedhjen poshtë të të gjitha fletarrestimeve që datojnë nga regjimi i Millosheviqit.

franca1 franca3

Shqiptarët protestojnë në Francë, kërkojnë lirimin e Haradinajt

Periskopi.com Video
Ramush Haradinaj

Publikohet fotografia e parë e Ramush Haradinajt brenda në burgun e Francës (Foto)

Teksa të gjithë shqiptarët janë mërzitur për ndalimin e ish-komandantit të UÇK-së, është një shqiptar që në fakt është gëzuar disi. Sigurisht, jo për arrestimin e tij, por për faktin se ka pasur kënaqësinë të qëndrojë në të njëjtën qeli me Haradinajn.

Periskopi.com Lajme

Jo vetëm kaq, por shqiptari i dënuar në Francë, ka shfrytëzuar rastin për të bërë një foto me ish-kryeministrin e Kosovës. Në foto, duket Haradinaj i qetë dhe i qeshur, teksa shtrëngon dorën me shqiptarin tjetër të dënuar, me të cilin është shok qelie.

Djali e ka nisur foton në redaksinë e JOQ, ku shkruan: Live, në Colmar të Francës. Ju përshëndesim.

Arrestimi i ish-kryeministrit të Kosovës shkaktoi bujë të madhe dhe shumë reagime nga politikanë, por jo vetëm. Qindra qytetarë protestuan në forma të ndryshme, ndërsa sot në Prishtinë shqiptarët sfiduan të ftohtin siberian dhe borën në kryeqytet duke kërkuar lirimin e Haradinajt në një protestë përpara Ambasadës Franceze në Kosovë, nën moton “Ramush Haradinaj është Kosova”.

Ramush Haradinaj ne burg

Ramush Haradinaj

Konfirmohet arrestimi i Haradinajt, ja ku ishte dhe pse u arrestua

Familja e kreut të Aleancës për Ardhmërinë e Kosovës, Ramush Haradinaj, ka konfirmuar lajmin në media për arrestimin e tij.

Periskopi.com Lajme

Familja e Haradinajt ka thënë se kreu i AAK-së është arrestuar në Francë, në bazë të një fletarresti ndërkombëtar, të lëshuar nga Serbia.

Nuk kanë dashur të japin detaje të tjera.

Ndërsa, mësohet se ai është ndaluar në Bazel, në pjesën franceze.

“Krejt çka dimë për momentin është se është ndalur në Bazel (ana franceze) për një akuzë të Serbisë nga viti 2004. Është në verifikim, pra në ndalje”, ka thënë Avni Arifi nga AAK.

Arrestohet Ramush Haradinaj

 

Francois Fillon fiton zgjedhjet partiake në Francë

Francois Fillon do të jetë kandidati i konservativëve për zgjedhjet presidenciale të vitit të ardhshëm, pasi rivali i tij kryesor Alain Juppe pranoi humbjen.

Periskopi.com Lajme

Rezultate e hershme tregojnë se Fillon ka fituar me një margjinë rreth 70 për qind – derisa janë numëruar më pak së gjysma e votave.

Fillon tha se tani duhet të nis aksioni për ndërtimin e një shoqërie me të drejtë.

LEXO:  Zgjedhjet 2017, deputeti i LSI: Nuk ka koalicion me PD, ja arsyet

Ai pritet të ballafaqohet në zgjedhjet e Presidenciale me një kandidat nga socialistët dhe me Marine Le Pen e krahut ekstrem të djathtë në Prill të 2017.

3abb2f2100000578-0-image-a-35_1480028458968-780x439

Sulm nga një person i maskuar, dy të vdekur dhe 70 të marrë peng në Francë

Një grua dhe një burrë kanë mbetur të vdekur dhe më shumë se 70 murgj janë duke u mbajtur peng nga një person i maskuar dhe i armatosur me thikë dhe armë, në Montpellier në Francë, shkruan Daily Mail, transmeton Klan Kosova.

Periskopi.com Lajme

Sipas dëshmitarëve personi i armatosur është futur në shtëpinë e pleqve, ndërsa arsyet ende nuk dihen.

Të paktën 70 murgj jetojnë në këtë shtëpi për pleq, ndërsa policia tashmë janë në vendin e ngjarjes.

Sipas raportimeve të fundit personi i armatosur besohet të jetë ende në këtë shtëpi, e cila është e rrethuar me policë.

Flamuri shqiptar në kujtimin e sulmeve terroriste në Paris

Franca po shënon një vit që kur militantët nga i ashtuquajturit Shteti Islamik, vranë 130 njerëz me armë dhe bomba.

Periskopi.com Lajme

Sulmet u përqendruan rreth kryeqytetit francez, Paris, duke lënë të vdekur 90 njerëz.

Presidenti Francois Hollande zbuloi pllaka përkujtimore për viktimat, shumica e të cilëve vdiqën në teatrin Bataclan.

Pikërisht te memoriali ku mijëra njerëz po vendosin lulet në kujtim të viktimave, është parë edhe një flamur shqiptar i fiksuar mbi qirinjtë që digjeshin./ Shqiptarja

 

incest ne France

Gjykata lejon lidhjen seksuale të 16-vjeçares me xhaxhain

Një gjimnaziste kishte filluar një lidhje seksuale me xhaxhain e saj kur kishte vetëm 14 vjet.

Periskopi.com Lajme

Ata kishin ikur së bashku në jug të Francës, shkruan arbresh

Pasi policia ishte vënë në kërkim të saj, ata u kthyen në Gjermani, por vajza refuzonte të ndahej.

Prindërit e dërguan në psikiatri me shpresën se ajo do të ndërronte mendje.

Ajo kishte bërë kërkesë për të pasur një lidhje sipas zgjedhjes së saj.

Tashmë gjykata ka marrë vendim dhe është në favor të çiftit.

Sipas gjykatës së Brandenburgut: “Ndalimi i dashurisë ishte një kërcënim për mirëqenien e fëmijës”.

Putin

Putin anulon vizitën e tij në Francë

Presidenti i Rusisë Vladimir Putin ka anuluar vizitën e planifikuar në Francë në vrazhdën e çështjeve të bombardimeve në Siri.

Periskopi.com Lajme

Putin, kishte planifikuar të takohej me presidentin francez Francois Hollande për të hapur një kishë të re ortodokse më vonë këtë muaj.

Këto veprime vijnë menjëherë pasi një ditë më parë, presidenti francez Francois Hollande tha se Rusia mund të përballet me akuza për krime të luftës mbi bombardimet e saj në qytetin Aleppo të Sirisë.