465473_le-president-francois-hollande-a-l-elysee-le-9-octobre-2012

Tërhiqet presidenti i Francës, nuk do të kërkojë një mandat të dytë

Një lëvizje surprizë ka ardhur këtë mbrëmje nga Francois Hollande, i cili ka bërë të ditur se nuk do të kërkojë një mandat të dytë si President i Francës “Unë kam vendosur të mos rikandidoj mandatin tim”, tha kreu socialist në një fjalim të drejtpërdrejtë televiziv.

Periskopi.com Lajme

Hollande është përballur me popullaritet shumë të ulët dhe është bërë presidenti i parë në historinë moderne franceze që nuk kërkon të rizgjidhet.

Një nga reagimet e para ka ardhur nga ish-Ministri i Ekonomisë, Emmanuel Macron, i cili tha se presidenti ka marrë një “vendim të guximshëm”.

Fundjavën e kaluar, më shumë se katër milionë votues francezë votuan ish-kryeministrin Francois Fillon për të përfaqësuar republikanët në dy fazat e votimeve në prill dhe maj./tvklan.al

Francois Hollande

Presidenti aktual i Francës nuk do të rikandidojë më në këtë post

Presidenti i Francës Francois Hollande ka konfirmuar se nuk do të kandidojë për një tjetër mandat si kreu i shtetit francez.

Periskopi.com Lajme

Këtë vendim Hollande e bëri publik gjatë një deklarate për mediat drejtuar popullit francez.

Zgjedhjet në Francë zhvillon në pranverë të 2017.

“Jam i vetëdijshëm për rrezikun që duke ndjekur këtë rrugë nuk do të kem mbështetje të mjaftueshme, kështu që kam vendosur mos të kandidoj në zgjedhjet presidenciale. Në muajt e ardhshëm, detyra ime do të jetë të vazhdoj drejtimin në krye të shtetit”, u shpreh Hollande.

Francois Hollande është President i Francës që prej vitit 2012.

Kandidati për president i Francës: Me këshilltarë rusofilë kundër pavarësisë së Kosovës

François Fillon ka gjasa të jetë presidenti i ardhshëm i Francës. Ai e quan pavarësinë e Kosovës "shkelje të së drejtës ndërkombëtare", mediat e përshkruajnë si mik të Vladimir Putinit, ndërsa këshilltarë të Fillon janë dy figura me origjinë ruse.

Periskopi.com Lajme

François Fillon e ka fituar garën brenda Partisë Konservatore (republikane) të Francës për kandidat për postin e presidentit. Zgjedhjet presidenciale do të mbahen në prill 2017. Në raundin e parë Fillon mbase do të ballafaqohet me Marine Le Pen nga Fronti Nacional, një parti e ekstremit të djathtë, dhe me kandidatin e socialistëve. Në raundin e dytë është e mundshme të garojnë Fillon dhe Marine Le Pen, pasi që e majta franceze ka pak gjasa të gjejë një kandidat me shanse serioze për të fituar zgjedhjet presidenciale apo së paku për t’u kualifikuar në raundin e dytë.

Fillon është prezantuar në opinion si një katolik i bindur, gjë që duket e pazakonshme për Francën, e cila është e njohur për ndarjen strikte të fesë nga shteti. Ai po ashtu kërkon që refugjatët të dëbohen me procedurë të shpejtë nga Franca dhe francezët të punojnë më gjatë, por pa rritje të rrogave. «Mos kini frikë», me këtë fjali, të thënë dikur nga Papa Gjon Pali i Dytë, Fillon zhvilloi fushatën e tij për kandidat për president të Francës. Ai ka potencuar rolin qendror të familjes në shoqëri dhe gëzon përkrahje nga kundërshtarët e martesave mes homoseksualëve.

Për opinionin kosovar shqetësuese janë deklaratat e François Fillon në lidhje me pavarësinë e Kosovës, të cilën ai gjatë debateve televizive e ka quajtur «të diskutueshme» apo «shkelje të së drejtës ndërkombëtare». Me këto deklarata Fillon është përpjekur të arsyetojë pushtimin e Krimesë nga Rusia. Ai po ashtu ka kërkuar që Bashkimi Europian t’ia heq sanksionet Moskës. Nga mediat franceze dhe gjermane Fillon është përshkruar si mik i kryetarit rus Vladimir Putin.

Sipas gazetës gjermane «Frankfurter Allgemeine Zeitung» (FAZ) janë dy persona me origjinë ruse që i japin ide François Fillon. I pari quhet Igor Mitrofanov, i cili i ka qëndruar afër Fillon që gjatë kohës kur ai ishte kryeministër i Francës. Mitrofanov është pinjoll i një familjeje të bjellogardistëve rusë, të cilët ikën në Francë pas Revolucionit të Tetorit. Ai, sipas FAZ, i shkruan gati të gjitha fjalimet e rëndësishme të François Fillon. «Kësisoj ai qëndron pas deklaratës alarmante të Fillonit se pranimi i pavarësisë së Kosovës na qenkësh një shkelje e të drejtës ndërkombëtare e ngjashme me aneksimin e Krimesë», shkruan gazeta gjermane.

Mitrofanov është autor i formulimit «Secilës fitore i paraprinë një fitore ideologjike», të cilën Fillon e ka përdorur në shumë fjalime. Po ashtu ai thekson martesën, familjen, atdheun dhe identitetin e krishterë të Francës. «Si i krishterë ortodoks Mitrofanov beson në një aleancë të të gjithë të krishterëve për t’u përballur me sfidat e totalitarizmit islamik».

Këshilltari i dytë i Fillon është Jean de Boishue, pasardhës i familjes ruse të kontëve Mestçerski. Edhe ai e ka këshilluar Fillon kur ky ishte kryeministër. «Afiniteti i Boishue ndaj Rusisë është më i madh se ai i Mitrofanovit. Ai ka studiuar rusishten dhe në fillim të karrierës së tij ishte shef i katedrës së rusishtes. Ai konsiderohet si ndërmjetësues i rëndësishëm në raport me Vladimir Putinin», shkruan FAZ. Sipas kësaj të përditshmeje gjermane Fillon po përpiqet të dëshmojë besnikëri në aleancën me Amerikën, në mënyrë që në opinionin francez të mos duket si adhurues i Putinit.

 

Kandidati për president i Francës: Me këshilltarë rusofilë kundër pavarësisë së Kosovës

Paris

Edhe Franca mendon daljen nga BE, propozohet referendumi

Marion Le Pen, mbesa e kryetares së Frontit Nacional, Marine Le Pen dhe zëvendëspresidente e kësaj partie, ndodhet në Firence në vazhdën e përpjekjeve për të ndërtuar një rrjet të ri të të djathtës anti-bllok, të cilat morën hov me triumfin e Brexit-it dhe fitoren e Donald Trump-it në Shtetet e Bashkuara.

Periskopi.com Lajme

Në një intervistë për “Corriere Della Sera”-n, ajo thotë se forca politike që përfaqëson këmbëngul në rivendosjen e kufijve francezë, daljen nga zona e Shengenit, arritjen e sovranitetit monetar dhe supremacinë e të drejtave të francezëve mbi ato europiane.

Nëse nuk ia dalim, ishin fjalët e 27-vjeçares, do të propozojmë një referendum për shkëputjen e Francës nga BE-ja, transmeton tch.

Sa i takon dy kandidatëve të qendrës së djathtë që përballen me njëri-tjetrin në balotazhin e së dielës për nominimin në presidencialet e muajit maj, Marion mendon se i përkasin të njëjtit regjim politik.

Juppe ka qenë ministër kabineti i  Sarkozy-së, Fillon ka qenë kryeministri i tij. Që të dy kanë kontribuar në krijimin e Europës Federale. Sot, thotë Le Pen, prezantohen si njerëz të cilët duan të zgjidhin problemin që kanë krijuar po ata vetë.

Fitoren e Trumpit, ajo e përshkroi si lajm të mirë për Francën dhe për ekuilibrin në botë. Sipas politikanes së re, republikani do të shtrëngojë aleancën me Rusinë duke dalë kështu nga logjika e Luftës së Ftohtë e do të refuzojë politikat e rrezikshme që promovoi Clintoni në Irak e Afganistan.

Franca kërkon që mallrat nga Izraeli të shoqërohen me etiketë të posaçme

Franca ka kërkuar nga Izraeli që mallrat e prodhuar në rajonin e ndërtuar pa leje në Rripin e Gazës dhe që eksportohen drejt Francës, të shoqërohen me etiketën e posaçme.

Periskopi.com Lajme

Sipas një vendimi të Ministrisë franceze të Ekonomisë, të publikuar në Gazetën Zyrtare, mallrat e eksportuara drejt Francës dhe të prodhuara në rrafshnaltën Golan, Jerusalem, si dhe në vendbanimet e paligjshme në Rripin e Gazës, duhet të shoqërohen me etiketat me emërtimin “mallra nga vendbanimet izraelite”, raporton AA

Një vit nga sulmet në Francë, shtyhet gjendja e jashtëzakonshme

Gjendja e jashtëzakonshme e vendosur pas sulmeve terroriste të vitit të kaluar në Paris të Francës, ka gjasa që të shtyhet, ka thënë kryeministri Manuel Valls për BBC-në.

Periskopi.com Lajme

Ai tha se janë të nevojshme masat për të mbrojtur demokracinë.

Franca po shënon një vit që kur militantët nga i ashtuquajturit Shteti Islamik, vranë 130 njerëz me armë dhe bomba  në sulmet rreth kryeqytetit.

Presidenti Francois Hollande zbuloi pllaka përkujtimore për viktimat, shumica e të cilëve vdiqën në sallën e koncerteve Bataclan.

Tre persona të armatosur patën hyrë  brenda dhe qëlluan mbi turmën, duke vrarë 90 njerëz. Në natën e shtunë, salla u rihap për herë të parë me një shfaqje nga artisti rok britanik Sting.

samir nasri

Nasri: Nuk rikthehem edhe po të ishte menagjer babai im

Francezi, Samir Nasri ka refuzuar një rikthim të mundshëm tek kombëtarja e Francës.

Periskopi.com Sporti

Forma e mesfushorit francez në këtë sezon është rikthyer me kalimin e tij në futbollin spanjoll përkatësisht në Sevilla.

Raportohet se selektori i kombëtarës së Francës, Deschamps është duke menduar për të ftuar mesfushorin përsëri por Samir Nasri ka  hedhur poshtë çdo mundësi.

“Unë nuk do të rikthehem edhe po të ishtë babai im në detyrë” tha Nasri.

“E kam thënë 100 herë dhe unë jam një njeri i fjalës. Kur unë them diçka nuk shikojë më mbrapa”shtoi francezi.

Nasri dhe Deschamps kanë prishur raportet në verën e kaluar. /Periskopi.com

Incident në një xhami në Francë, sërish kokë derri te dera

Mësohet se pranë një xhamie në qytetin jugor të Francës, Nice, është vendosur kokë derri.

Periskopi.com Lajme

Kanali BFM, njoftoi se policia ka nisur hetimet në lidhje me personat të cilët kanë vendosur kokën e derrit të egër pranë xhamisë.

Imami i xhamisë, Mahmut Benzamia, në deklaratën për shtyp, duke theksuar se janë ballafaquar me një sulm të këtij lloji edhe para hapjes zyrtare të xhamisë në muajin qershor, tha se “Kur erdha mëngjes në xhami kishin lënë një kokë derri. E thirra policinë, e hoqën kokën e derrit dhe e pastruan vendin. Shpresoj që kjo të jetë e fundit.” Benzamia theksoi se do të padisë përgjegjësit.

Policia franceze, kishte kapur 2 sulmues të moshës 40 vjeçare të cilët kishin lënë kokë derri para të njëjtës xhami. Gjykata në Nice, pritet që nesër të jap vendimin e saj në lidhje me personat në fjalë.

Gjatë ndërtimit të xhamisë me kapacitet prej rreth 400-500 personave, me arsye se ka ardhur mbështetje financiare nga Arabia Saudite, ka patur debate të mëdha mes komunës dhe shoqatës së xhamisë.

Në raportin e publikuar nga ana e Këshillit Islamik të Francës (CFCM), ishte njoftuar se në vend janë bërë 429 sulme ndaj muslimanëve, fizike dhe institucionale, shifër e cila ka treguar rritje prej 223 për qind në krahasim me vitin 2014, raporton AA

Ndërsa Shoqata Franceze e Luftës kundër Islamofobisë (CCIF) numrin e sulmeve e kishte përcaktuar si 905, dhe kishte theksuar se gjatë një viti ka pasur rritje prej 18.5 për qind.

Francois Hollande

Hollande: Nuk e di nëse e pranoj Putinin në Paris

Presidenti francez, François Hollande tha se ata që qëndrojnë pas "krimeve të luftës", të kryera në qytetin sirian të Halepit do japin llogari për veprimet e tyre para Gjykatës Ndërkombëtare të Drejtësisë.

Periskopi.com Lajme

“Popullata e Halepit është viktimë e krimeve të luftës. Kryerësit e tyre do të përgjigjen para Gjykatës Ndërkombëtare të Drejtësisë”, tha presidenti francez, në një intervistë për televizionin francez TF1, i cili do të transmetohet të hënën në mbrëmje.

benzema

Benzema rikthehet në Francë?

Federata Franceze e Futbollit po mendon t’i japë edhe një tjetër mundësi Karim Benzemas për të luajtur për skuadrën përfaqësuese.

Periskopi.com Sporti

Sulmuesi i Real Madridi është lënë jashtë edhe në Europianin e këtij viti, për shkak të problemeve gjyqësore që kishte, ku shkak ishte shantazhi ndaj Mathieu Valbuenas.

Lajmin për mundësinë e përfshirjes së Benzema në skuadrën e Francës e ka dhënë Presidenti i Federatës Franceze të Futbollit, Noel Le Graet.

“Benzema mund të grumbullohet në kombëtare. Nuk më pëlqen që t’i ndëshkoj përjetë njerëzit. Hetimet për çështjen ku ai është i përfshirë po vazhdojnë edhe pse unë mendoj se ato po zgjaten pak, por drejtësia është e tillë. Lojtari nuk ka qenë asnjëherë problem për kombëtaren dhe Deschamps e ka mbrojtur gjithmonë dhe kur nuk ka pasur rezultate të larta”, u shpreh ai. /Periskopi.com

benzema

Franca vazhdon ta injoroj Benzeman

Përzgjedhësi i Francës, Didier Deschamps vazhdon ta injoroj yllin e Real Madridit, Karim Benzema.

Periskopi.com Sporti

Ky i fundit nuk gjendet fare në listën për dy ndeshjet e radhës kualifikuese për Botërorin 2018.

Benzema është lënë jashtë skuadrës kombëtare që para Euro 2016, për shkak të një shantazhi që i kishte bërë francezit tjetër, Mathieu Valbuena.

lista-franca /Periskopi.com