Gjithçka që duhet të dini për zgjedhjet e të dielës në Francë

Periskopi.com Lajme

Nëse jeni në BE: BE-ja i ka tashmë “duart e zëna”, pasi po merret me divorcin e saj të afërt nga Britania e Madhe. Së paku dy prej kandidatëve në këto zgjedhje, zotohen se do të nxjerrin edhe Francën nga Bashkimi Evropian. A mundet grupi me 28 vende anëtare, t’i mbijetojë humbjes së dy prej anëtarëve të vet më të pasur dhe më të populluar? Ndoshta jo. “Një qeveri franceze që braktis Euron, do të jetë një goditje politike shumë më e madhe, se sa largimi i Britanisë së madhe nga BE”, thonë analistët.

Nëse jeni në SHBA: Ka një ndjesi që sa vjen e forcohet, se këto zgjedhje presidenciale, ashtu si ato në Amerikë, do të sjellin ndryshime që askush nuk mundet t’i parashikojë. Një vëzhgues politik thotë se francezëve “ u ka ardhur në majë të hundës me të majtën e të djathtën gjatë 30 viteve të fundit” dhe “ata duan të përmbysin tryezën”. Një botë edhe më e paparashikueshme është diçka që shumica e amerikanëve nuk do ta donin. Të dy garat kanë një mori ngjashmërish, me të vërtetë të frikshme: kandidatët alarmues, akuza për korrupsion, dhe gafa. Kaq shumë gafa.

Nëse jeni diku tjetër në botë: Askush nuk dëshiron shumë ndryshime në botë. Po kështu, cilido në një vend të shkretuar nga lufta, në Lindjen e Mesme apo Afrikë, që e sheh Francën si një strehim të sigurtë, mund të shohë që dera do i përplaset në fytyrë. Imigrimi, sidomos nga vendet islamike, mund të jetë çështja madhore e këtyre zgjedhjeve. Disa prej kandidatëve duan që të reduktojnë në mënyrë drastike numrin e atyre që hyjnë në vend. Njëri kërkon madje edhe pezullim të përkohshëm të imigrimit të ligjshëm.

Nëse jeni në tregje: Dy kandidatët kryesorë kanë dy vizione shumë të ndryshme ekonomike. Njëri dëshiron që Franca të hedhë tutje Euron, për të mbrojtur vendet e punës të francezëve. Tjetri është kampion i integrimit më të ngushtë evropian. Tregjet e urrejnë paqëndrueshmërinë. Shikoni se si reaguan ata,  pas zgjedhjeve në Greqi në vitin 2012. Me Britaninë të Madhe që po lë BE-në, Franca është fuqia ekonomike nr. 2. Dhe një ndryshim atje, do i prekë shumë tregjet.

Kur janë zgjedhjet? Raundi 1 është në  23 prill. Më pas, dy kandidatët që kanë dalë të parët, do të përballen në raundin 2, më 7 maj. Po, është një proces me dy hapa. Ndryshon nga Amerika, ku fati i një kandidati për president qëndron në një ditë të vetme. Dhe ndryshon shumë, për shembull, nga zgjedhjet në Indi, që zvarriten për pesë javë.

Cila është lista e personazheve?

MARINE LE PEN: Ajo është udhëheqësja e partisë Fronti Nacional, e ekstremit të djathtë dhe kryesuese në raundin e parë të votimit. Është gjithashtu kontroverse, kryesisht për shkak të historisë së partisë së saj me ksenofobinë dhe antisemitizmin. Ajo është përpjekur që të zbusë imazhin e partisë – me sukses relativisht të pakët. Në prill, për shembull, ajo tha se Franca nuk ishte përgjegjëse për grumbullimin e hebrenjve gjatë kohës së luftës, të cilët më pas ishin dërguar në kampet naziste të vdekjes. Kjo deklaratë nuk u kapërdi kollaj.

Çfarë do ajo? Le Pen do që Franca të dalë nga BE dhe NATO. Ajo dëshiron ta ulë imigrimin në vetëm 10 mijë vetë në vit. Ajo sulmon globalizimin dhe është zotuar të luftojë “Islamin radikal”. Nëse fiton, do të jetë e para Presidente e ekstremit të djathtë në histori.

Fakt interesant: Pasi përfundoi shkollën e lartë në juridik, ajo punoi si avokate publike dhe ndonjëherë mbrojti… imigrantët e paligjshëm.

Fakt tronditës: Në moshën 8 vjeç, ajo i mbijetoi një atentati me bombë që shkatërroi apartamentin e familjes së saj. Atentatorët po përpiqeshin të godisnin të atin, i cili ishte themeluesi i Frontit Nacional.

EMMANUEL MACRON: Ai është surpriza më e madhe në këtë fushë loje me pesë lojtarë. Macron është një centrist, të cilin askush nuk e mori seriozisht në fillim. Ai nuk kishte mbështetjen e ndonjë prej partive më të mëdha politike, kështu që formoi të tijën. Dhe – papritur – ai e gjen veten mu prapa Le Penit në sondazhe.

Çfarë do ai: Macron mbështet masa liberal, miqësore për biznesin, për të nxitur ekonominë. Ai dëshiron të rrisë shpenzimet për mbrojtjen dhe policinë. Macron dëshiron të paguajë më mirë mësuesit dhe kërkon unitet, në një kohë kur Franca është e mbushur me fraktura.

Fakt interesant: Kur ishte 17-vjeç, ai i tha mësueses së tij të shkollës së mesme se do të martohej me të një ditë. Dhe ashtu bëri.

FRANÇOIS FILLON: Ai përfaqëson Partinë Republikane dhe është quajtur “Thatcheri Francez”, për politikat e tij konservatore. Dikur ishte kryesues në garë. Por më pas shpërtheu një skandal në lidhje me anëtarët e familjes së tij, që paguheshin për punë ku nuk shkonin – dhe kjo hodhi në erë gjithçka.

Çfarë do ai: Fillon do që t’i japë fund javës 35-orëshe të punës në Francë, shkurtojë shpenzimet publike, të shfuqizojë taksën mbi pasurinë dhe të reduktojë imigrimin. Dhe, ashtu si Margaret Thatcher, ai nuk ka frikë të përplaset me sindikatat.

Fakt interesant: Fillon jeton në një kështjellë të shekullit të 12-të!

JEAN LUC MELENCHON: Ai përfaqëson partinë Fronti i Majtë, një koalicion i ish-komunistëve, rinisë së pakënaqur dhe revolucionarëve të plakur. melenchon është quajtur “Bernie Sandersi francez”. Ai është oratori më tërheqës ndër gjithë kandidatët, dhe po rritet në sondazhe.

Çfarë do ai: Melenchon dëshiron të rrisë pagën minimale, të rrisë taksat për të pasurit dhe të bëjë më shumë për klasat e ulëta të Francës.

Fakt interesant: Ai ka përdorur holograme gjatë fushatës, me qëllim që të shfaqej në disa tubime njëkohësisht.

BENOIT HAMON: Hamon është kandidati i Partisë Socialiste, dhe ndodhet në vend të fundit në sondazhe. Të qenit socialist në epokën shumë jopopullore të Presidentit francez, François Hollande ka çmimin e vet. Hollande ishte kaq jopopullor, saqë vendosi as të mos kandidojë.

Çfarë do ai: Hamon dëshiron të krijojë të ardhurat bazë universale, legalizimin e kanabisit, dhe të vendosë një “taksë robot,” e cila do të zbatohet për teknologjinë që u merr vendet e punës njerëzve.

Fakt interesant: Një herë ai është quajtur “Beni i vogël” për shkak të gjatësisë së tij.

CILAT JANE ÇESHTJET MADHORE TE FUSHATES?

EKONOMIA: Franca është e zhytur në apati ekonomike. Papunësia është në 10%. Rritja e GDP është e dobët. Ajo ka nevojë për një shkundje të sistemit, por kandidatët, natyrisht, nuk pajtohen se cila duhet të jetë kjo shkundje. Njëri prej tyre, Melenchon, dëshiron një taksë 100% për të pasurit. Një tjetër, Le Pen do të heqë dorë nga Euro.

SKANDALET: Janë kaq shumë! Bashkëshortja e Fillon dhe dy prej fëmijëve të tij të rritur janë akuzuar se kanë fituar më shumë se 1 milion dollarë, për punë parlamentare ku nuk janë shfaqur asnjëherë.

Le Pen ka postuar imazhet e dhunshme të vrasjeve nga ISIS në Tuiter (Në Francë nuk duhet bërë në asnjë mënyrë). Parlamenti Europian tha se ajo mund të ndiqet penalisht për këtë.

Macronit iu desh të kërkojë falje, për dënimin që i bëri të kaluarës koloniale të Francës në Algjeri, si dhe të hedhë poshtë akuzat për një marrëdhënie jashtëmartesore.

IMIGRIMI: Kjo është më e madhja. Eshtë ajo që shtyn çdo gjë tjetër në këto zgjedhje. Shumë votues mendojnë se politikat aktuale të emigracionit kanë përkeqësuar problemet e papunësisë në Francë, dhe kontribuojnë në sulmet vdekjeprurëse terroriste gjatë dy viteve të fundit (më i fundit dje në Paris). Dhe, si në shumë pjesë të Evropës, ekstremit i djathtë po e shfrytëzon këtë çështje, për shkak të popullaritetit në sondazhe.

Atëherë, kush ka më shumë shanse për të fituar?

Le Pen dhe Macron ka të ngjarë të shkojnë në balotazh. Pastaj, Macron mund ta “shkatërrojë” Le Penin, me votuesit e krahut të majtë dhe ata konservatorë – që revoltohen edhe nga mendimi që udhëheqësja e Frontit Nacional mund të drejtojë Francën. Por mos harroni, deri në natën e zgjedhjeve në SHBA vitin e kaluar, askush nuk i dha një shans Donald Trumpit. Sot atë e thërrasim “Zoti President”.

ÇFARE NDODH PAS ZGJEDHJEVE?

PER FRANCEN: Presim qershorin, kur vendi mban zgjedhjet parlamentare. Në Francë, një pjesë e madhe e punës e bën kryeministri. Dhe kryeministri vjen nga partia që ka shumicën në parlament. Pra, pavarësisht se kush është president, ai ose ajo nuk mund të bëjë shumë, nëse partia e vet nuk fiton një pjesë të madhe të vendeve në parlament. Me fjalë të tjera, drama nuk merr fund me këto zgjedhje, transmeton bota.al.

PER PJESEN TJETER TE EUROPES: Pritet shtatori, kur Gjermania mban zgjedhjet parlamentare. Kancelarja Angela Merkel – të cilën shumëkush e konsideron gruan më të pushtetshme në botë – përballet me mundësi reale të humbjes, për shkak të qëndrimit të saj ndaj refugjatëve. Ajo ka qenë në pushtet për 11 vite. Por ajo vetë ka pranuar se politikat e saj të imigrimit e kanë dëmtuar partinë.

Parashikoi fitoren e Trumpit, tash ka një parashikim për Francën: Evropa do të tronditet

Periskopi.com Lajme

Analisti i njohur Charles Gave që parashikoi fitoren e Donald Trump në SHBA kur askush nuk e mendonte, thotë se Marine Le Pen do të fitojë në zgjedhjet e Francës.

Charles Gave, thotë se Le Pen do të dalë fituese.

Rundi i parë i votimeve do të mbahet këtë të diele derisa dy kandidatët e parë do të ballafaqohen në balotazh më 7 maj.

Kandidatja e ekstremit të djathtë në sondazhe është shumë afër Emmanuel Macron, i cili prinë. Ndërkohë kandidati konservator Francois Fillon është pak pas Le Pen, megjithëse u godit së fundi nga një skandal korrupsioni.

LIVE çfarë po ndodh në Paris, evakuohet qendra, dy të vdekur (Video)

Periskopi.com Lajme

Të shtëna me armë në drejtim të policisë, ku një ka ndërruar jetë, një është në gjendje të rëndë.

Sheshi kryesor i Parisit është bllokuar, policia raportojnë se sulmi mbi policët dukej sikur sulm terrorist, raporton Periskopi

Sipas burimeve brenda policisë, mediat raportojnë se personi që ka shtënë në drejtim të policëve është vrarë.

Besohet se edhe dy të tjerë janë të përfshirë në sulm./ Periskopi

 

Flasin dëshmitarët për sulmin në Paris

Periskopi.com Lajme

(I plotësuar) Një polic është vrarë dhe një tjetër është lënduar nga gjuajtjet me armë zjarri në Paris, përkatësisht afër rrugës Champs Elysees.

Policia ka dalë me një raport në të cilin thuhet se ishin së paku dy sulmues, por sulmuesi i cili gjuajti me armë ishte vrarë nga policia. Ata e konsiderojnë këtë sulm si ‘terrorist’.

Një nga dëshmitarët tha për një televizion Francez se dëgjoi të shtëna, dhe pastaj pa një njeri të shtrirë përtokë, më pas zona u evakuua shpejt nga policia.

Dëshmitarë tjerë tregojnë se kanë parë një person të ketë dalur nga makina e tij dhe të ketë shtënë me një ‘Kalashnikov’.

Policia parisiene thonë se sulmuesi kishte target policët që ishin përgjegjës për ruajtjen e zonës afër stacionit të metros ‘Franklin Roosvelt’.

 

………….

(Published 21:40)

Sulmi në Paris besohet se ka motive terroriste

Në zemër të Parisit ka ndodhur një sulm. Të shtëna me armë në drejtim të policisë, ku një ka ndërruar jetë një është në gjendje të rëndë.

Sheshi kryesor i Parisit është bllokuar, policia raportojnë se sulmi mbi policët dukej sikur sulm terrorist, raporton Periskopi

Sipas burimeve brenda policisë, mediat raportojnë se personi që ka shtënë në drejtim të policëve është vrarë.

Besohet se edhe dy të tjerë janë të përfshirë në sulm./ Periskopi

……………

published (21:30)

Vdes një polic nga të shtënat në Paris

Të shtëna më armë kanë ndodhur në Paris, policia në aksion dhe e gjithë qendra e Parisit është mbushur me makinat e ndihmës së parë.

Raportohet se dy policë janë plagosur, njëri nga ta ka ndërruar jetë e tjetri ëhstë në gjendje të rëndë, raporton periskopi

Parisi sërish ka marr pamje tmerri.

Ende nuk dihet arsyeja e sulmit.

Sheshi Champs – Elysees është bllokuar i tëri dhe njerëzit nuk lejohen të kalojnë./ Periskopi

 

Alarmohet sërish Franca, sulm në Paris, dy policë të plagosur

 

 

Sulmohet kandidati për president të Francës (Video)

Kandidati i republikanëve për postin e Presidentit të Francës, François Fillon, është sulmuar sot nga me miell nga një protestues.

Periskopi.com Lajme

Protestuesi ia ka hedhur miellin në fytyrë kandidatit gjatë një tubimi në Strasburg.

Sulmuesi ishte maskuar si mbështetës i tij, për t’iu afruar ish-kryeministrit francez.

Pas sulmit ndaj Fillonit, ai është larguar menjëherë nga sigurimi.

Fillon është pastruar para se të ngjitej në skenë për t’iu adresuar mbështetësve të tij. /Albeu.com/

 

 

 

Mustafa flet për Haradinajn, nuk fajëson Serbinë por Francën

Kryeministri i Kosovës Isa Mustafa ka thënë se është sjellje e padrejtë ndaj zotit Haradinaj dhe është një nënshtrim i padrejtë i Francës ndaj Serbisë.

Periskopi.com Lajme

Mustafa në televizionin publik ka deklaruar se drejtësia franceze duhet të merr vendim të drejt dhe zoti Haradinaj të lirohet sa më shpejt.

“Duhet të ndalet ky proces i padrejtë. Duhet të ndërpriten këto forma që Serbia po bën ndaj Kosovës. Ne duhet të kemi përkrahje nga shtetet që na njohin’, ka thënë ai. Mustafa ka bërë të ditur se këto problem i ka ndarë edhe me Mogerinin.

“Ne kemi diskutuar për këto lista me të gjitha institucionet relevante të Kosovës. Nuk është mungesë e mos interesimi e Kosovës për z.Haradinaj”, ka thënë ai.

Pacolli ka dy fjalë për Ramush Haradinajn

Kryetari i Aleancës Kosova e Re, Behgjet Pacolli, duke komentuar vendimin për Ramush Haradinajn, të cilin gjykata në Colmar të Francës e ka shtyrë deri më 27 prill, ka thënë se është tronditës lajmi se Ramushi duhet të pres ende për të dëshmuar pafajësinë e vet.

Periskopi.com Lajme

Ai në facebook ka shkruar se Haradinaj është i pafajshëm dhe lirimi i tij nuk duhet të vihet në dilemë.

“Është tronditës lajmi se Ramushi duhet të pres ende për të dëshmuar pafajsinë e vet. Ai është i pafajshëm dhe lirimi i tij nuk duhet të vihet në dilemë. Ramush…po te presim!”, thotë Pacolli./ Periskopi

Lekaj ka dy fjalë për Gjykatën franceze

Shefi i deputetëve të AAK-së, Pal Lekaj, ka komentuar vendimin e gjykatës në Colmar të Francës, për ta shtyrë edhe për tri javë vendimin përfundimtar për ish-kryeministrin e Kosovës e ish-komandantit të Zonës Operative të Dukagjinit, Ramush Haradinaj.

Periskopi.com Lajme

“E papranueshme, e pafalshme e totalisht në kundërshtim me konstitucionalitetin e legalitetin ndërkombëtare e evropian kjo mënyrë e të bërit politikë në emër të drejtësisë, nga kushdo çoftë kundër njerëzve me meritor që Kosova është sot e lirë dhe e pavarur”, ka thënë Lekaj.

“Serbia është gjenocidiale, edhe sot, siç ishte dje, sepse duke dashtë me i fshehë krimet e saja të shkaktuara në Ballkan e sidomos kundër shqiptarëve, bënë të tilla lojëra me fletëarreste. Ramushin mundeni me e vonu, e këtë po e bëni padrejtësisht, por me ndalë asnjëherë”, ka shtuar më tej ai.

Flet Ramush Haradinaj pas seancës (Video)

Vendimi i Ramush Haradinajt do të merret më 27 prill. Kështu ka vendosur para pak minutash Gjykata në Colmar të Francës.

Periskopi.com Lajme

Pas daljes nga gjykata, Haradinaj ka thënë para mediave se nuk e njeh juridiksionin e Serbisë dhe se e vërteta për të është konfirmuar në vitin 2012, raporton Indeksonline.

“Më 28 nëntor 2012 është konfirmuar e vërteta, juridiksionin e Serbisë nuk e njoh. Përgjigjen saherë që e kërkojnë, do ta kenë”, ka thënë Haradinaj.

Vdes personi më i vjetër në Drenicë, gruaja që përjetoi tri luftëra

Ka lënë 400 pasardhës dy ditë më parë kur ndërroi jetë. Ishte nënë e 12 fëmijëve, që për më shumë se gjysmën e tyre e priti vdekjen. Vdiq në moshën 88 vjeçare por ishte e fortë dhe ende jepte këshilla për të gjithë, raporton Periskopi

Periskopi.com Lajme

Kjo është Kadë Franca, personi më i moshuar në Komunën e Drenasit.

Një grua e fortë, siç e përshkruajnë të gjithë ajo la shumë këshilla dhe çdo ditë tregonte përvojat e saj.

Mbiemrin e veçantë Franca, ajo e mori në moshën 15 vjeçare, kur u martua, kohë ajo që vajzat në Kosovës martoheshin edhe në atë moshë.

Jetoi në fshatin Tërstenik dhe kurrë nuk u ndal së bëri punë krahu.

Për të flasin të gjithë, madje edhe kryetari i kësaj Komune, Ramiz Lladrovci.

Një nga nipërit e saj tregon se si asaj prindërit ia mësuan shkrimin dhe leximin ngase nuk kishte mundësi të shkonte në shkollë, e ajo vetëm pak muaj më parë dli edhe zgjedhje dhe votoi.

Jo vetëm kaq, Kada përjetoi tri lufta. Atë të Shaban Polluzhës, Luftën e II Botërore dhe luftën e fundit në Kosovë, të vitin ’99.

Për Periskopi.com nipërit e saj tregojnë se ajo i këshillonte deri pak ditë para se të vdiste, që të mësonin dhe punonin sa më shumë.

“Na thoshte punoni dhe mësoni, madje ishte shumë e rreptë. Thoshte që nëse doni të ardhme të mirë duhet këto dyja’, thotë Brahim Franca, nipi i saj që mbanë emrin e gjyshit, përkatësisht bashkëshortit të Kadës.

Për Kadën dinë të gjithë. Një grua me qëndrim dhe që dha shumë për vendin. Kishte fëmijë ushtarë dhe ndihmoi shumë ushtarët gjatë luftës.

E kryetari i Drenasit, Ramiz Lladrovci, dy ditë më parë braktisi konventë e VII të PDK’s për të shkuar në varrimin e saj.

“Me dhimbje e mora lajmin se u nda nga ne, Kada Franca, nga Tërsteniku. Ngushëllime të sinqerta Familjes Franca. Nëna Kadë, ishte votuesja më e vjetër në zgjedhjet e fundit në Drenas ku bindshëm fitoi Partia Demokratike e Kosovës. Vullneti i saj për të dhënë kontribut në moshën e saj, ishte dhe mbetet motivim për neve. Ngushëllime!”, tha Lladrovci, raporton Periskopi

Mbiemrin Franca kjo familje e ka nga koha kur Franca ishte në luftë. Atëherë një nga djemtë e tyre ishte në luftë, kanë një tregim interesant për atë kohë, dhe që nga atëherë mbeti ky mbiemër./ Periskopi

Haradinaj largon avokatët e tij

Ramush Haradinajt, që sot iu shty vendimi gjyqësor nga organet e drejtësisë franceze për gjashtë prill, ka dhënë një intervistë ekskluzive për Info Magazine të Klan Kosovës nga Colmari i Francës, ku ka treguar se ai tashmë ka liruar avokatët e tij dhe se vetëm po e pret vendimin – për lirimin e tij, mbase edhe ekstradimin për në Serbi.

Periskopi.com Lajme

“I kam liruar avokatët. Tash e kemi kryer pjesën ligjore. Tash vetëm ka mbetur të dëgjoj një vendim politik të tyre. I kemi dhënë shanse ligjit 60 ditë. Por tani është kthyer në lojë politike”, ka pohuar Haradinaj.

“Nga të gjitha trojet shqiptare në Ballkan. Nga e gjithë diaspora. Është ndjenjë e papërshkrueshme e përkrahjes, e fuqisë që ta japin njerëzit”.

“Njerëzit reagojnë në mënyrën e tyre. Por, ka kufi çdo gjë”.

“Dhe me këtë qasje është kaluar çdo kufi”.

“Por, do të jemi veç më të fortë si shqiptarë. Unë jam i kënaqur që ka një ndjenjë të tillë tek shqiptarët. Është një përkrahje e jashtëzakonshme, që nuk besoj se një popull tjetër e ka”.

Flet Anita Haradinaj, tregon çfarë do të ndodh nesër me Ramushin

Anita Haradinaj thotë se nuk do të jetë në Francë nesër kur pritet të merret vendimi për Ramush Haradinajn.

Periskopi.com Lajme

sipas saj, kudo që të jetë vendimi do jetë njëlloj dhe se ka angazhime ndaj fëmijëve.

“Nuk e di, nuk mund të paragjykoj mbi vendimin, por besoj që Franca do të veproj drejt, pra besoj që do të lirohet”, thotë ajo.

Thotë se nuk ka biseduar me avokatët por vetëm më bashkëshortin e tij, dhe siç i ka thënë ai, nuk ka prova të reja e nuk ka arsye më të shtyhet ky gjykim.

Në një intervistë për Klan Kosova ajo thotë se asnjëherë nuk ka pasur prova kundër Haradinajt, por thjeshtë transkripte të Tribunalit të Hagës.

“DO të shkoj me prit në Aeroport më fëmijët, aty e kemi lënë aty do e marrim. Nuk e di në çfarë orari ateron ai në Prishtinë, te shohim”, thotë Haradinaj.

Ajo thotë se që dy muaj sa Ramush Haradinaj po mbahet në Francë, kanë qenë ditë të vështira./ Periskopi

 

 

 

Haradinaj, për reciprocitet me Serbinë: Ata me fletarreste, ne me fletarreste (Video)

Kryetari i AAK-së, Ramush Haradinaj, akuzat e Serbisë ndaj tij i ka quajtur lojë politike. Ai thotë se Kosova duhet të ketë reciprocitet me Serbinë për fletarrestime.

Periskopi.com Lajme

“Duhet me përdor praktiken e reciprocitetit që e ka përdor Kroacia. Ata fletarreste, ne fletëarreste. Vuçiqi është i kualifikuar për fletarrest. Daçiqi kualifikohet për fletarrest nga Kosova. Pse? Është pjesë e përbashkët e organizatës kriminale, e ka vërtetuar edhe Haga që i ka dënuar njerëzit e tij atje. Për mua është poshtërim me u përmend emri jem me përfaqësuesit e Serbisë. Nuk lejoj. Nuk e ka askush këtë mandat”, ka thënë Haradinaj për RTV21.

Sherifi i NISMA-s thotë se Gjykata e Francës po bën ‘lojëra’ me rastin e Haradinajt

Sekretari i Përgjithshëm i Nismës për Kosovën, Bilall Sherifi, e ka quajtur të papranueshme vendimin e autoriteteve të drejtësisë në Francë lidhur me shtyrjen e verdiktit për ish-kryeministrin, Ramush Haradinaj.

Periskopi.com Lajme

Në një prononcim për “Indeksonline”, ai ka thënë se jo vetëm shtyrja e vendimit për 2 mars, por e i tërë procesi lidhur me Ramush Haradinajn, që nga ndalimini i tij në Francë, ka qenë i padrejtë.

“As fshehja pas procedurave e gjykatës në Colmar nuk mund të justifikojë këtë vendim të padrejtë. Edhe vonesat janë padrejtësi ndaj Ramushit dhe vlerave në emër të të cilave luftoi Ramushi së bashku me botën e demokratike pjesë e së cilës ishte edhe Franca”, ka thënë ai.

Ndryshe, Gjykata e Apelit në Colmar ka marrë vendim për shtyrjen e marrjes së vendimit përfundimtar për 2 mars.

“Prokurori shtetëror francez ka kërkuar informacione shtesë nga Serbia për shumë çështje, përfshirë edhe saktësimin e dokumenteve të caktuara, si dhe informacione shtesë për procedurën penale në Serbi”, ka thënë zëdhënësja e gjykatës, Sandra di Rosa.

 

Serbia ende në shok pas lirimit të Haradinajt: Pacolli feston, shqiptarët “shkelin” me pare!

Mediat serbe dhe politika në Serbi janë bërë bashkë në “kukatjen” për lirimin e Ramush Haradinajt nga Gjykata e Apelit në Colmar të Francës.

Periskopi.com Lajme

Qe nga momenti i lirimit të Haradinajt (lirim me kusht), si pushteti ashtu edhe mediat kinse liberale serbe janë hedhur në sulm për të akuzuar së pari Francën, pastaj SHBA-të, Shqipërinë e tërë lobin shqiptar për lirimin e Haradinajt, shkruan lajmi.net.

Megjithatë, është një politikan tjetër kosovar të cilin mediat serbe qe nga arrestimi Haradinajt e mbajnë nëpër ballina. Bëhet fjalë për ish presidentin, Behgjet Pacollin, për të cilin në disa raste kanë thënë se ai po paguan dhe ka paguar për lirimin e Haradinajt.

“Pacolli feston. Shqiptarët paguajnë që Interpoli t’ia heqë fletarrestin Haradinajt”, kështu është titulli në numrin e sotëm të ballinës së gazetës më të madhe serbe, “Blic”.

Në këtë artikull përplot mllef dhe konspiracione ndaj shqiptarëve, Haradinajt dhe Pacollit, shkruan nder tjerash se “lobi shqiptarë e ka fituar betejën e parë për lirinë e Haradinajt, lideri i UÇK-së është liruar nga burgu, por mbetet në Francë deri te vendimi për ekstradim. Caku i ardhshëm i atyre (shqiptarëve) është anulimi i fletarrestit nga Interpoli”.

Në këtë tekst po ashtu janë përfshirë edhe deklarata e Edi Ramës, kryeministrit të Shqipërisë, pastaj ka folur Obrad Kesiq, politikan serb që jeton në Serbi, etj.

“Ekzistojnë dy nivele të lobimit: njëri nga bashkësia shqiptare dhe tjetri nga diplomatët amerikanë. Në të dytin janë figura të rëndësishme si ish kongresisti, Xhozef Diogardi dhe kolegu i tij, Elit Engel”, thotë Kesiq.

“Lobimi shqiptar nuk është risi, kështu që nuk ka shqiptar i cili të paktën nuk i ka dhënë pesë euro për Ramushin në Hagë”, thotë analisti i njohur serb, Dushan Janjiq.

mediat-serbe

Përfundoi protesta në Shkup për lirimin e Ramush Haradinaj

Sot para Ambasadës franceze në Shkup është zhvilluar protestë në mbështetje të Kryetarit të AAK-së, Ramush Haradinaj i cili javë më parë u arrestua në Francë.

Periskopi.com Lajme

Në protestë morën pjesë një numër i konsiderueshëm i qytetarëve ku mes tyre kishte edhe artist të estradës, politikan, profesorë dhe bashkëluftëtarë nga Maqedonia, transmeton Zhurnal.

Protesta sapo ka përfunduar , ndërsa protestuesit kërkuan lirimin e komandantit dhe drejtësi për shqiptarët kudo që ata gjinden, dhe se do ta kenë mbështetjen e tyre në çdo rast.

Protesta u organizua nga Këshilli Organizativ në përbërje të artistëve, gazetarëve, studentëve, profesorëve dhe bashkëluftëtarëve të Ramush Haradinajt.

Rikujtojmë se Ramush Haradinaj u arrestua më 4 janar nga policia franceze, në bazë të një urdhër arresti ndërkombëtar të lëshuar nga Serbia.

 

 

Dialogu pa kushte me Serbinë na kushtoi shtrenjtë

Arrestimet ndërkombëtare të ish luftëtarëve të çlirimit kombëtar, nuk janë më përjashtim por janë bërë rregull. Së pari, ato i ka mundësuar koncepti i gabuar dhe i dështuar i politikës së jashtme që udhëhiqet në negociatat me Serbinë e cila nuk na njeh dhe na lufton kudo, si dhe nga kompromiset ndaj Serbisë e cila nuk na ka kërkuar falje për krimet dhe rrjedhimisht nuk i ka paguar dëmet e luftës dhe okupimit. Së dyti, UÇK-ja është braktisur në dokumentet themeltare të pavarësisë të Republikës, përkatësisht në deklaratën e shpalljes dhe në Kushtetutë, dhe disi natyrshëm tash i nënshtrohet kriminalizimit.

Albin Kurti Opinione

Ushtria Çlirimtare e Kosovës nuk mund të jetë e harruar, nuk mund të thotë dikush që “harrova ta përmend në deklaratën e shpalljes së Pavarësisë”, ose “harrova ta përmend në Kushtetutë”, pra nuk bëhet fjalë për harresë po mohim. Si e mohuar ajo kriminalizohet. Ne të gjithë e dijmë se ajo është thelbi i historisë sonë të re. Por, duke qenë e mohuar ajo kriminalizohet. Meqë u la jashtë shtetit, ajo mbyllet brenda burgjeve. A duhet të mësohemi ne me këtë rregull? Sigurisht që jo. Ky rregull i pranuar nga pushtetarët kosovar është rregull i padrejtësisë. Ne duhet që vazhdimisht padrejtësinë ta vendosim në pikëpyetje. Të jemi kritik dhe aktiv ndaj saj deri atëherë kur padrejtësia të rrëzohet dhe institucionet e Kosovës t’i qeverisë e drejta dhe e mira e përgjithshme.

Këto ditë është folur intensivisht për arrestimin e Ramush Haradinajt dhe sigurisht që shumicës së shqiptarëve përfshirë gjithë Lëvizjen VETËVENDOSJE!, jo vetëm se na vjen keq për këtë arrestim, por edhe jemi të revoltuar ndaj kësaj padrejtësie. Do të ishte hipokrizi po të thuhej që të gjithë ata që kanë folur me keqardhje sidomos pushtetarët e duan ndaljen e arrestimeve të këtilla. Nëse do ta donin ndaljen e këtyre arrestimeve me gjithë mend atëherë pse këta qeveritarë nuk kanë vendosur si kusht në negociatat e tyre me Beogradin që të zhvlerësohen e të anulohen fletëarrestet e Serbisë ndaj qytetarëve tanë. Sepse ato negociata kanë qenë dhe janë të turpshme dhe pa parime. Gjithnjë është negociuar pa kushte për Serbinë e sipas kushteve të Serbisë, vetëm për çështje të brendshme të Kosovës. Në dialogun në Bruksel, Kosova nuk mund të jetë tamam palë gjersa është vazhdimisht temë. Pra, thuhet se Kosova është palë aty, në fakt është shumë më shumë temë sesa palë. Dialogu pa kushte me Serbinë, e me çështje të brendshme të Kosovës ishte një gjë e panevojshme për ne që na kushtoi shumë shtrenjtë. Normalizimi i marrëdhënieve mes Kosovës dhe Serbisë nuk ka qenë normalizim drejt njohjes së Kosovës por normalizim përkundër mos njohjes së Kosovës. Me Serbinë e kemi problemin e dyfishtë, edhe krimet e saj edhe armiqësinë e saj. Sepse mund të ketë shtete që i kanë problem krimet nga e kaluara por nuk kane armiqësi aktuale. Mund të ketë shtete që nuk kanë krime nga e kaluara, por kanë armiqësi aktuale. Me Serbinë i kemi të dyja dhe të padënuara nga e kaluara.

Pra, dialogu me Serbinë është quajtur dialog për normalizim. Në këtë janë thirrur edhe kryetarët nga odat ekonomike të Serbisë dhe Kosovës, Marko Çadezh dhe Safet Gërxhaliu kur kah mesi i marsit të vitit të kaluar u kanë dërguar letër zyrtarëve të lartë të BE-së dhe ambasadorëve të vendeve të Kuintit në Serbi e Kosovë. Ja çfarë thoshin ata aty: Oda Ekonomike e Serbisë, dhe Oda Ekonomike e Kosovës janë të përkushtuara në normalizimin e marrëdhënieve mes Beogradit dhe Prishtinës, pra nuk thonë Kosovë-Serbi por  Prishtinë-Beograd, si dhe rimëkëmbjen sociale dhe ekonomike të Ballkanit Perëndimor në rrugën drejt BE-së; dënojnë ashpër përmbysjen e kamionit me mallra serbe më 11 mars. Duke e konsideruar si një përpjekjë për të shkelur liritë të lëzivjes së njerëzve dhe mallrave, letër kjo drejtuar komisionarit të BE-së për zgjerim, Johannes Hahn, përfaqësueses së lartë për politikë të jashtme të BE-së, Frederica Mogherini si dhe ambasadorëve të shteteve të Italisë, Britanisë së Madhe, Francës, Gjermanisë dhe SHBA-ve. Pra, përderisa kemi këso kryetar të Odës Ekonomike i cili bashkë me homologun e tij serb i shkruajnë letër Brukselit kundër VETËVENDOSJE!-s se u rrokullis një kamion me mallra serbe. Mund ta kuptoni se për çfarë shtetndërtimi bëhet fjalë në Kosovë dhe përse kjo marrëdhënia jonë asimetrike rezulton me kaq shumë dëme dhe vuajtje 17 vite pas çlirimit e gati 9 vite pas shpalljes së pavarësisë.

Deputetë të Kuvendit të Republikës, janë dy leva që Kosova mund t’i përdor kundër Serbisë, ndëprerjen e dialogut dhe shkëputjen e tregut. Po e vërej që shumë prej jush po thoni që  duhet të kërcënojmë e duhet ta bëjmë ndërprerjen e dialogut. Në këtë mënyrë edhe ju po pranoni që ky dialog realisht shumë më tepër i konvenon Serbisë, në mos tërësisht asaj e jo Kosovës. Pra, ne mund ta kushtëzojmë Serbinë me ndërprerjen e dialogut, sepse asaj i nevojitet dialogu dhe jo neve. Ajo po ec drejt BE-së ndërkohë që nuk po shkëputet prej Rusisë kurse ne e shihni sesi kemi mbetur. Çështja tjetër është shkëputja e tregut. Shpallja e pavarësisë së Kosovës ka qenë shpallje e pavarësisë administrative le të themi. Në kuptimin ekonomik e tregtar, Serbia shet mallra në Kosovë pakashumë si në kohë të okupimit. Nuk ka ndodhur pavarësisa dhe shkëputja ekonomike. Rreth gjysmë miliardë i merr Serbia çdo vit prej nesh me mallra të cilat edhe cilësinë ndoshta e kanë të dyshimtë. Në arenën ndërkombëtare e sidomos evropiane, Kosova dhe Shqipëria kanë shumë më shumë arsye për ta kushtëzuar Serbinë se Kroacia. Por, ja që nuk po e bëjnë këtë e sidomos Kosova. Ky është dëm edhe për brezat e kaluar edhe për brezat e ardhshëm. Sa i përket reciprocitetit po e marr një element të thjeshtë. Në 19 poste komanduese në Policinë në Preshevë, Medvegjë e Bujanoc vetëm 4 sosh janë shqiptar, dhe vetëm në Preshevë, Kryeshefi është shqiptar. Ndërkohë që në Kosovë ende ngulmohet për Zajednicën. Zajednica ka vdekur, por ka forcë edhe brenda Kosovës e jashtë Kosovës që e duan ringjalljen e saj.

Kuvendi i Kosovës me 8 dhjetor 2011, me propozim të Visar Ymerit si Kryetar i Grupit Parlamentar të Lëvizjes VETËVENDOSJE! asokohe, e patë miratuar këtë mocion për reciprocitet me Serbinë. Po ua lexoj 3 pikat e atij mocioni:

Qeveria t’i marrë masat e reciprocitetit të plotë politik, ekonomik e tregtar ndaj Serbisë.

Ministria e Tregtisë dhe Industrisë ta nxisë dhe udhëheq bashkëpunimin me prodhuesit vendor dhe ndërmarrjet tregtare për gjetjen zëvendësimeve për produktet e importuara nga Serbia.

Qeveria t’i forcojë të gjithë mekanizmat shtetëror për ta siguruar zbatimin e përpiktë të masave të reciprocitetit ndaj Serbisë.

Pra, para 5 viteve e një muaji e kemi miratuar këtë mocion më këto 3 pika, për kanë qenë 42 deputetë, kundër 33 dhe abstenuan 2. Kemi edhe nga të tillë të partisë në pushtet që kanë qenë kundër reciprocitetit dhe sot e morën fjalën. Po i përmendi emrat e disa prej tyre, Shaip Muja, Elmi Reçica, Bekim Haxhiu, Zenun Pajaziti, Adem Grabovci, Fatmir Xhelili, Xhevahire Izmaku, Ganimete Musliu dhe Safete Hadërgjonaj. Këta kanë votuar kundër reciprocitetit me 8 dhjetor të vitit 2011. Tash mund të flasim sa të duam. Por, gjërat e këqija e të mëdha nisin më hapa të vegjël e të gabueshëm dhe i tillë ka qenë edhe ky votimi atëherë. Qytetarët e Republikës nuk duhet t’i dëgjojnë vetëm fjalët e deputetëve por edhe votimet e tyre. Sepse shpeshherë këtu po flitet në mënyrë parimore, konstruktive e progresive dhe pastaj votat janë saktësisht e kundërta e kësaj. Ajo që në thelb është më e rëndësishmja.

Dialogu i kësaj Qeverie me Serbinë e ka bazën që besimi të konjuktura udhëheqëse në Serbi është cilësisht e ndryshme prej kohës së Millosheviqit. Ne e dëgjuam këtu Ministrin e Punëve të jashtme teksa thoshte se këta janë pasardhësit e Millosheviqit, pra dëshironte ta gjente një distancë minimale të brendshme midis Millosheviqit dhe pushtetit të sotëm atje. Ani pse thoshte se janë të ngjashëm, por nëse thua kështu do të thotë se nuk janë të njëjtë. I gjithë dialogu me Serbinë është i bazuar mbi këtë premisë. Mbi premisën që këta nuk janë tamam si Millosheviqi, pasi që Vuçiqi i mban raportet me perëndimin. Në fakt, Vuçiqi është ndryshe sepse kanë ndryshuar rrethanat por jo qëllimet. Ndarja e roleve mes Vuçiqit, Nikoliqit, Sheshelit e Daçiqit në Serbi është një farsë e vjetër e cila lehtësisht mund të shndërrohet në një tragjedi të re në Ballkan. Në këtë pikë unë dua të tërheq vërejtjen tek një dëm sistematik dhe i dyfishtë që po i ndodh shtetit të Kosovës. Pra, e para është dobësia e shtetit të Kosovës sepse dobësia jonë bëhet magnet për kundërshtarin dhe e dyta është fanatizmi serb. Nuk bën asnjëra të nënçmohen. Dobësia e shtetit të Kosovës në kuptimin që prej se është negociuar me Serbinë e deri tek ‘Pronto’ afera, Serbia e ka kuptuar që realisht Kosova nuk ka përmbajtje shtetërore. E ka parë që ka udhëheqje klanore. Ata e kanë parë që tek ne nuk ka shtet. Dhe kjo ua shton apetitet atyre. Pra, dobësia jonë është magnet për apetitet e tyre. E dyta është fanatizmi serb. Para disa viteve udhëheqësi çetnik i serbëve të Bosnjës Milorad Dodik pat thënë aksiomën e politikës serbe, që nuk vlen vetëm për Bosnje, me një fjali të thjeshtë dëftore e cila është kjo: Ne do të lodhemi të fundit. Kështu ka thënë ai. Kjo do të thotë që edhe kroatët e boshnjakët do të lodhen para neve, kjo i përfshin edhe shqiptarët. Ne themi “Bac, u kry”, por ata po thonë “Ne do të lodhemi të fundit”. Kjo do të thotë që nuk do të përfundoj kurrë, apo së paku do të thotë se nuk përfundon pa u lodhur ata para neve. Ne nuk po e përsërisim të vërtetën për krimet e Serbisë, e ajo po i përsërit gënjeshtrat për krimet tona dhe po dihet rezultati.

Shtrohet pyetja se si ka mundësi që Franca e cila është një ndër shtetet e para që e kanë njohur Kosovën ta aktivizojë pikërisht tani një fletarrest të vitit 2004 për një luftëtar çlirimtar e komandant lufte i cili edhe më parë ka vizituar Francën por nuk i ka ndodhur asgjë. Këtu pati një mini-seancë brenda seancës sonë që nuk bën t’i prishim marrëdhëniet me Francën, që Franca është shtet që na ka ndihmuar, që është shtet demokratik e perëndimor dhe besojmë në drejtësinë franceze. Madje kishte njerëz që betoheshin për Francën më shumë se vet francezët. Paska njerëz këtu që besojnë më shumë në Francën më shumë se Franca në vetvete e që besonin në Francën në mënyrë absolute që unë do të thosha naive. Shtrohet pyetja pra përse të na vijë kjo ngjarje e keqe prej Francës. Këto janë pyetje që kanë nevojë për përgjigje. Dhe unë përgjigjen e gjej tek një filozof i shquar bashkëkohor francez, i cili kur fliste për atdheun e tij thoshte se ka pasur gjithnjë dy Franca. Në njërën anë Franca e revolucionit borgjez, në anën tjetër Franca e restaurimit monarkist. Në njërën anë Franca e iluminizmit progresiv dhe në anën tjetër Franca e reaksionit konservativ. Në njërën anë Franca e rezistencës fashiste e në anën tjetër Franca e kolaboracionizmit Petain dhe Vichy-n. Në njërën anë Franca e Majit të vitit ’68 dhe në anën tjetër Franca ksenofobe dhe neoliberale. Ne duam të besojmë se Ramush Haradinajn e ka arrestuar Franca e dytë, Franca e kolaboracionizmit me fashizmin, e reaksionit dhe së djathtës ultra-konservatore. Po kështu kemi besim që Ramush Haradinajn do ta çliroj Franca e parë, ajo e revolucionit republikan, ajo e iluminizmit. Franca që solidarizohet me popujt që kërkojnë me sakrificë çlirimin e vetvetes.

E për tu kthyer tek Serbia, fundja, establishmenti politik në Serbi nuk ka gjë të përbashkët me parullën e revolucionit francez ‘Liri Barazi Vllazëri’ dhe gjithnjë e më shumë ka shumëçka të përbashkët me parullën e Nikolla Pashiqit ‘ Zoti Populli Rusia’. Kryeministri i Kosovës, Isa Mustafa tha është arrestuar ish-kryeministri Haradinaj, është arrestuar kryetari i AAK-së, Haradinaj, njëri nga liderët në vend etj. Ai fliste për gjëra që e ndajnë Kryeministrin me Haradinajn. Nuk e përmendi si qytetar të Republikës. Po, ky mund të thotë ndonjë fjalë për Haradinajn si Kryeministër që është pozicion përjashtues në raport me të, edhe si AAK pasiqë ky nuk është AAK. Por, si qytetar të Republikës ku Mustafa dhe Haradinaj janë bashkë, për atë s’ka se çfarë bën. Pra, nuk e mbron dot si qytetar të Republikës. E kur nuk e mbron dot si qytetar të Republikës, kur nuk e mbron dot si luftëtar të UÇK-së, nuk e mbron dot si kryetar të AAK-së. Kot e përmend si kryetar të AAK-së kur nuk e mbron si qytetar. Mustafa tregonte se si Haradinaj është ndryshe nga qytetarët tjerë sepse nuk e kishte ndërmend ta mbroj si qytetar të Republikës. Por as si luftëtar i UÇK-së pasi që ajo është përjashtuar nga themelet e shtetit dhe shtetndërtimit në Kosovë.

Deputetë të Kuvendit, qytetarë të Republikës. Ne bëjmë thirrje për lirimin e menjëhershëm dhe të pakusht të Ramush Haradinajt, si dhe për ndalimin e arrestimeve të çlirimtarëve. Por, jemi të sigurt se këto thirrje nuk do gjejnë dëgjues tek Qeveria aktuale. Këto thirrje do të mund të gjejnë fatkeqësisht përgjigje serioze vetëm nesër kur pushtetin do ta ketë një Qeveri e ndershme dhe kur diplomacia do të udhëhiqet nga njerëz të mençur e me një doktrinë patriotike.

 

Më 10 janar seancë e jashtëzakonshme për Ramush Haradinajn

Periskopi.com Video

NZZ: Ekstradimi i Haradinajt në Serbi, praktikisht i pamundur

"Janë të pakta shanset që të ketë sukses kërkesa e Serbisë për ekstradim, edhe për faktin se Haradinaj udhëtonte me pasaportë diplomatike"

Periskopi.com Lajme

Duke analizuar rrethanat e arrestimit të Ramush Haradinajt dhe reagimet që ka ngjallur arrestimi i tij në opnion, analisti i “Neue Zürcher Zeitung” pasi bën një përshkrim të figurës së ish-kryeministrit të Kosovës dhe kryetarit të AAK-së, ndalet edhe në zhvillimet në Kosovë në fillim të viteve 2000, kur u themelua kjo parti nga Ramush Haradinaj.

“Në vitin 2000 ai themeloi Aleancën për Ardhmërinë e Kosovës duke u bërë kështu një konkurrent i Hashim Thaçit. Diplomatët perëndimorë politikanin e sapo formësuar e morën në mbrojtje. Ata e lëvdonin atë si të aftë për të mësuar dhe bashkëpunues dhe vlerësonin respektin, që ai tregonte ndaj tyre. Por që ky raport paternalist nuk i përgjigjej aspak raporteve reale të pushtetit, ata e kuptuan në vitin 2004, përcjell deutschewelle.de Shumë kosovarë asokohe ishin të zhgënjyer që pavarësia nuk po avanconte dhe indinjoheshin që ‘ndërkombëtarët’ donin të diskutonin për statusin e vendit pasi të përmbusheshin ‘standardet’ e kërkuara prej tyre.

Kësisoj shpërtheu një pogromë gjysmë spontane dhe gjysmë e orkestruar. Kryesisht kjo revoltë drejtohej kundër minoriteteve por edhe kundër pranisë ndërkombëtare. Në këtë çast u bë e qartë, se pushteti në Kosovë nuk ishte në duart e ‘bashkësisë ndërkombëtare’, por në duart e ish-warlords, (zotërve të luftës) që në çdo kohë mund të nxisnin një gjendje të jashtëzakonshme. Ramush Haradinaj ishte përfaqësuesi më prominent i këtij grupi. Shefi i Misionit të OKB-së, UNMIK, Sören Jessen-Petersen, për këtë arsye u afrua me të. Kësisoj u zhvillua një aleancë nga halli në formën e një miqësie burrash. ‘Ndërkombëtarët’ gjithnjë e më shumë u angazhuan për agjendën e pavarësisë të elitës vendase, ndaj vullnetit të së cilës ato ishin të varura, për ta mbajtur në stabilitet protektoratin. Kur Haradinaj në mars 2005 u akuzua nga Tribunali për Krimet e Luftës, Jessen-Petersen e cilësoi atë si mik dhe e mbështeti. Kryeprokurorja e Tribunalit, Carla Del Ponte, më vonë akuzonte, se atë nuk e kishin mbështetur as UNMIK-u dhe as NATO-ja. …

Duke komentuar procesin ndaj Haradinatj në Hagë, më tej në artikullin e ‘Neue Zürcher Zeitung’ shkruhet: “Sado të dyshimta të jenë rrethanat që e shoqëruan këtë proces, po aq i qartë është juridikisht lirimi nga akuza i Haradinajt. Ndaj janë të pakta shanset që të ketë sukses kërkesa e Serbisë për ekstradim, edhe për faktin se Haradinaj udhëtonte me pasaportë diplomatike. Gjatë arrestimit të tij të fundit në Slloveni më 2015 autoritetet e liruan atë pas pak ditësh për shkak të imunitetit që gëzonte. Një vendim ndryshe i francezëve do të ishte një sensacion”, shkruan ‘Neue Zürcher Zeitung’.

 

NZZ: Ekstradimi i Haradinajt në Serbi, praktikisht i pamundur

 

Fillon eskalimi i situatës, në Deçan e djegin flamurin e Francës (Video)

Qytetarë nga komuna e Deçanit kanë djegur flamurin e Francës. Sipas tyre, ky gjest është shenjë pakënaqësie për shkak të arrestimit të liderit të AAK-së, Ramush Haradinaj.

Periskopi.com Lajme

Haradinaj ende po vazhdon të mbahet në paraburgim në Francë. Ai është arrestuar për shkak të një urdhërarresti ndërkombëtar të lëshuar nga Serbi, raporton lajmi.net

Lexues të lajmi.net kanë dërguar një video në të cilën shihet teksa një qytetar e djeg flamurin francez.