Vdes “Marigona” kosovare

Periskopi.com Lajme

 

Mbrëmë ka ndërruar jetë Emine Krasniqi e njohur ndryshe si “Marigona Kosovare”.

Krasniqi në vitin 1948 qëndisi flamurin kombëtar i cili do të shfaqej në një aktivitet të partisë Nacional Demokratike Shqiptare, por serbët i ranë në gjurmë dhe nuk lejuan që ky flamur të valëvitej në Kosovë.

Pas kësaj, Emine Krasniqi u maltretua dhe u burgos nga regjimi serb i asaj kohe, teksa luftonte për idealin e Bashkimi Kombëtar

Varrimi i të ndjerës bëhet sot në ora 13:00 në varrezat në Prishtinë.

Momente emocionuese nga ngritja e flamurit kuq e zi në Sheshin Skënderbej

Periskopi.com Video

Surroi: Flamuri i Kosovës nuk është i mbështetur në ligj

Periskopi.com Lajme

Publicisti, gazetari dhe shkrimtari Veton Surroi thotë se flamuri i Kosovës nuk është i mbështetur në Ligj.

Sipas tij, flamuri as nuk është produkt i marrëveshjeve politik a as produkt i Planit të Ahtisaarit.

Shkrimi i plotë:

Sa për informim:

Flamuri i tanishëm i Kosovës nuk është produkt i Planit Ahtisaari

Flamuri i tanishëm nuk është produkt i marrëveshjes politike

dhe

Flamuri i Kosovës nuk është i mbështetur në ligj

(Sqarim ,meqë po bëhet pjesë e debateve zgjedhore)

Dënohet me dy vite burg shqiptari që hoqi flamurin maqedonas dhe vendosi atë shqiptar

Periskopi.com Lajme

Luan Kadriu (21) nga fshati Sllupçan i Lipkovës është dënuar me dënim me kusht prej 2 vjet për shkak se e ka hequr flamurin e Maqedonisë nga shtiza në qendrën e qytetit dhe e ka vendosur atë të Shqipërisë.

Në Gjykatën Themelore të Kumanovës është gjykuar për dy vepra penale, sulm të personit zyrtar gjatë kryerjes së punës nga sigurimi publik dhe nxitje etnike, urrejtje fetare dhe racore, përçarje dhe intolerancë.

Këshilli Penal për të dy veprat penale i ka shqiptuar dënim të vetëm prej 2 viteve, pas dënimit me urdhër të prerë në periudhën prej 4 viteve të mos bëjë asnjë vepër tjetër penale. Kadriu para Gjykatës i ka pranuar të dy veprat penale për të cilat është i akuzuar.

Gjykimi i L.S. akoma nuk ka mbaruar, por ai nuk e ka pranuar veprën dhe ka thënë se rastësisht ka ndodhur në vendngjarje. Incidentin e kanë dënuartë gjithë maqedonasit dhe shqiptarët, të cilët kanë kërkuar që ata të cilët e kanë kryer veprën të dënohen që të mos përsëritet praktika dikush të mundohet t[i prish marrëdhëniet ndëretnike në qytet.

Në Maqedoni sërish mund të ketë trazira, Zaev kërcënon Talat Xhaferin

Periskopi.com Lajme

Kryetari i LSDM në Maqëdoni, Zoran Zaev deklaroi sot se pret që kryetari i ri i Kuvendit të Maqedonisë, Talat Xhaferi i BDI-së, ta “përmirësojë gabimin” dhe ta heqë flamurin kombëtar shqiptar nga zyra e tij.

I pyetur nga gazetarët për koment lidhur me vendosjen e flamurit kombëtar shqiptar pranë atij maqedonas në kabinet nga ana e kreut të ri të Parlamentit, Zaev tha se “ligjet në Maqedoni janë të qarta dhe duhet të respektohen” dhe se “personi që e ka bërë gabimin duhet ta përmirësojë atë”.

Zaev deklaratën e bëri pas takimit me zyrtarët e OSBE-së sot në Shkup. Ai sot më herët takoi liderin e Bashkimit Demokratik për Integrim Ali Ahmeti dhe vizitoi në spitalin e Tetovës liderin e LR-PDSH-së Ziadin Sela, i cili po rikuperohet për rrahjes mizore nga huliganët maqedonas të enjten e kaluar në Kuvendin e Maqedonisë.

Zaevi gjithashtu deklaroi se pret që presidenti maqedonas Gjorge Ivanov t’ia japë mandatin, në mënyrë që deri në fund të muajit ta formojë qeverinë e re.

 

 

Zëvendësministri Hoti pa flamur shtetëror në Mal të Zi (Foto)

Periskopi.com Lajme

Zëvendësministri i Kosovës për Kulturë, Rini dhe Sport, Rexhep Hoti, sot ishte në takim me Ministrin e Malit të Zi për të Drejtat e Njeriut dhe Pakicave, Mehmed Zenka. Por, ajo çka më së shumti ra në sy ishte fakti që afër flamurit malazez nuk qëndronte edhe ai i shtetit të Kosovës.

Hoti i cili po qëndron në Mal të Zi në kuadër të një vizite zyrtare dy ditore ka shkelur me këtë rast protokollin shtetëror, i cili kërkon që flamuri shtetëror i Republikës së Kosovës të përdoret në rastet e takimeve ceremoniale të përfaqësuesve të Kosovës me përfaqësues të shteteve të huaja, përcjell gazetametro.net

Edhe pse në takim u bisedua për të drejtat e njeriut dhe pakicat kombëtare në të dyja vendet, e poashtu ministri Zenka shpalosi qëndrimin e qeverisë malazeze për respektimin dhe përparimin e të drejtave të njeriut, e me theks të veçantë të drejtave dhe lirive të shqiptarëve në Mal të Zi, duket se vet Ministri Hoti është ai i cili nuk ka bërë sa duhet lidhur me respektimin e shtetit të tij në rastin e përfaqësimit zyrtar jashtë Republikës së Kosovës.

Ministri malazez poashtu tregoi për projektligjin i cili ka kaluar nga qeveria për në parlament, sipas së cilit gjuha shqipe, përveç në Ulqin, Tuz dhe Plavë, pritet të bëhet gjuhë zyrtare edhe në Rozhajë e Tivar. Në shenjë respekti e falënderimi për avancimin e çështjes së pakicave kombëtare në Malin e Zi, Ministri Zenka ia dhuroi zëvendësministrit Hoti një kopje të projektligjit të miratuar në qeverinë malazeze për pakicat.

Ndërsa, Hoti e njoftoi ministrin Zenka se dikasteri që ai përfaqëson është i gatshëm të rrisë bashkëpunimin me qeverinë e Malit të Zi, sidomos pas nënshkrimit të Marrëveshjes Bilaterale të Bashkëpunimit kulturor ndërmjet MKRS-së dhe Ministrisë së Kulturës së Malit të Zi, e cila pritet të ndodhë shumë shpejt.

Në anën tjetër, ministri Zenka e njoftoi zëvendësministrin Hoti për punën që është bërë në ndryshimin e Ligjit për të drejtat dhe liritë e pakicave në Mal të Zi, ku parashihet edhe zyrtarizimi i gjuhës së pakicave në të gjitha komunat ku ato përbëjnë 5% të popullsisë. Kjo përqindje është marrë parasysh veçmas për shqiptarët, sepse një kuotë e tillë e përqindjes i favorizon ekskluzivisht ata.

Fillon sherri në Maqedoni pas heqjes së flamurit maqedonas në Kumanovë, arrestohen dy të rinj

Periskopi.com Video

Padi për dy të rinjtë që ngritën flamurin shqiptar në Kumanovë

Sektori për Punë të Brendshme në Kumanovë ka iniciuar padi penale ndaj dy personave që sot ngritën flamurin shqiptar në këtë qytet.

Periskopi.com Lajme

Dy personat (LL. S 17) dhe (L.K 21) që të dy nga fshati Sllupçan i Likovës, akuzohen për veprat “urrejtje ndëretnike” dhe “pengesë ndaj personit zyrtar”.

Njëri prej të dyshuarve është lënë i lirë ndërsa i dyshuari (L.K 21) do të mbahet nën arrest nga policia e Kumanovës.

Jo zyrtarisht mësohet se nesër ora 10:00 te dyshuarit do të dërgohen në gjykatë.

Sot rreth orës 16:30, dy të rinj e kanë hequr flamurin e Maqedonisë nga shtylla që ndodhet në sheshin e qytetit të Kumanovës dhe në vend të tij kanë ngritur flamurin shqiptar.

Flamuri shqiptar për rreth 30 minuta valoi në vend të flamurit maqedonas, që më pas të hiqet nga shtylla.

Fillon sherri në Maqedoni pas heqjes së flamurit maqedonas në Kumanovë

Deputeti i LSDM-së nga Kumanova, Oliver Spasovski, e ka dënuar aktin e sotëm të heqjes së flamurit të Maqedonisë dhe vendosjes së flamurit të Shqipërisë në këtë qytet, njofton Telegrafi Maqedoni.

Periskopi.com Lajme

Sipas tij, në Kumanovë ndodhi një akt i turpshëm. Njiherit Spasovski bëri thirrje që qytetarët të jenë të qetë, të tregojnë se, sipas tij, Kumanova është më e rëndësishme, si edhe bashkëjetesa në qytet dhe në Maqedoni.

Përndryshe, disa të rinj shqiptarë e kanë hequr flamurin e Maqedonisë dhe e kanë vendosur atë të Shqipërisë në një shtyllë në Kumanovë. Policia i ka hetuar dhe ka arritur që t’i kapë. Personat janë të mitur.

Në Kumanovë ngritet flamuri shqiptar (Video)

Në shtizën që gjendet në qendër të Kumanovës është hequr flamuri shtetëror i Maqedonisë, ndërsa në vend të tij është ngritur ai shqiptar, përcjell Telegrafi Maqedoni.

Periskopi.com Lajme

Sipas TV21 ky veprim është bërë nga një person që është ndaluar nga policia në vendin e ngjarjes. Nga policia e Kumanovës kanë theksuar se do të japin hollësi lidhur me këtë rast, ku paraprakisht është ndaluar një person i dyshuar.

Dilema që lind në këtë rast është nëse dikush tenton që krizën politike ta shndërrojë në përplasje ndëretnike në Maqedoni.

Ramiz Lladrovci në fotografi me flamurin e Ibrahim Rugovës

Kryetari i Drenasit, Ramiz Lladrovci, ka bërë një fotografi me tifozë të përfaqësueses së Kosovës, teksa mban njërin skaj të flamurit të Ibrahim Rugovës.

Periskopi.com Lajme

Flamuri me fushën e kaltër dhe shqiponjën e zezë mbi të kuqe në mes, mbi të cilën shkruan Dardania, qe propozuar nga ish presidenti Rugova si flamur i Kosovës, njofton Klan Kosova.

Kjo fotografi ku shihet Lladrovci është realizuar në Shkodër, ku Kosova luajti ndaj Islandës, në kuadër të kualifikimeve për Botërorin Rusia 2018.

Moskë: Studenti rrahet për shkak të flamurit ukrainas

Një student pasuniversitar në Universitetin Shtetëror të Moskës thotë se është rrahur dhe hetuar nga Shërbimi i Sigurisë Federale të Rusisë (FSB), pasi e ka ekspozuar një flamur të Ukrainës, në trevjetorin e aneksimit ilegal të Krimesë nga ana e Rusisë.

Periskopi.com Uncategorized

Ky person i tha sot Radios Evropa e Lirë se quhet Farukh dhe se ishte rrahur dhe marrë në pyetje për dy orë nga oficerët e FSB-së. Po ashtu, ai ishte detyruar ta shkruaj një deklaratë me të cilën pajtohet që të punoj si informator i FSB-së.

Sipas këtij personi, oficerët i ishin kërcënuar se do ta përjashtonin nga universiteti, nëse nuk e nënshkruan deklaratën për bashkëpunim.

Incidenti me ngritje të flamurit ka ndodhur më 18 mars, gjatë një koncerti për shënimin e trevjetorit të aneksimit të Krimesës së Ukrainës nga ana e Rusisë. Në këtë koncert të mbajtur në kompleskin universitar, ishin të pranishëm qindra mijëra shikues.

Personi Farukh tha se e kishte valvitur flamurin ukrainas nga dritarja e dhomës së tij në konvikt për të protestuar kundër sasisë së parave shtetërore, që janë shpenzuar për festimin e këtij përvjetori, derisa konviktet e studentëve pothuajse gjysmë të shkatërruara janë lënë pasdore për dekada me radhë.

Tre të arrestuar për heqjen e flamujve në Prizren

Policia e Prizrenit ka arrestuar tre persona të cilët gjatë ditës së sotme me rastin e nëntë vjetorit të Pavarësisë së Kosovës, hoqën flamujt turq në këtë qytet.

Periskopi.com Lajme

Lajmin e bëri të ditur në Ora e Fundit,  Haris Dida, komandant i stacionit policor në Prizren teksa shtoi se gjatë festimeve nuk ka pasur telashe.

‘’Duke u nisur se ky vit ishte rekord nga vizitorët, mund të themi se nuk ka ndodhur asnjë incident për policinë e Kosovës në Prizren’’.

‘’Nuk ka ndodhur as edhe një incident më i vogël për të cilin mund ta potencojmë’’.

‘’Përveç dëmtimit të flamurit të Turqisë, por në bazë të veprimeve hetimore janë identifikuar tre persona të cilët janë ndaluar për procedura të mëtutjeshme’’.

‘’Në Prizren ka pasur dhe forca të shtuara të policisë me rastin e Pavarësisë së Kosovës’’.

 

MPJ dënon ashpër heqjen e dhunshme të flamujve të Turqisë në Prizren

Ministria e Punëve të Jashtme e Republikës së Kosovës, përmes një reagimi për media thotë se “dënon ashpër heqjen me dhunë të flamujve të Republikës së Turqisë në Prizren”, duke e cilësuar këtë veprim si akt vandal nga persona të papërgjegjshëm që kanë për qëllim dëmtimin e shtetit demokratik dhe multietnik të Kosovës.

Periskopi.com Lajme

Ministria e Punëve të Jashtme kërkon që autorët të vihen para drejtësisë dhe të japin përgjegjësi për veprimet e tyre të papërgjegjshme dhe të dëmshme.

Ministri i Jashtëm, Enver Hoxhaj ka komunikuar me Ambasadoren e Turqisë në Kosovë ku e ka dënuar ashpër aktin si të tillë.

“Marrëdhëniet e Kosovës me Turqinë janë të shkëlqyera dhe si të tilla ato nuk do të pengohen e as dëmtohen nga kurrfarë akti vandal e të izoluar që nuk ja duan të mirën Kosovës dhe marrëdhënieve tona miqësore me Turqinë”, ka deklaruar ministri Hoxhaj, citon komunikata e MPJ-së.

Flamuri i Kosovës ngritët në Kanada

Bashkatdhetarët që jetojnë në Kanada për 9 vjetorin e Pavarësisë kanë ngritur flamurin e Kosovës në qytetin Moncton.

Periskopi.com Lajme

Ngritja e flamurit të Kosovës është bërë nën organizimin e Komunës së këtij qyteti që është përkujdesur që sot të ketë edhe aktivitete tjera për të festuar përvjetorin e Pavarësisë së Kosovës.

Pas 73 vitesh sërish valon flamuri shqiptar në Çamëri

Pas shumë vitesh është ringritur në Çamëri flamuri shqiptar.

Periskopi.com Lajme

ë një vend ku shqiptarëve u mohohen dhe u dhunohen të gjitha të drejtat e tjera elementare të njeriut, në një kohë kur ende nuk mund të hasesh asnjë tabelë rrugore në gjuhën shqipe, shikon flamurin shqiptar që valëvitet gjithë krenari.

Ai është ngritur në një fshat të quajtur “Arta” pa shkuar në Janinë, ndërsa poshtë tij janë germat greke të një restoranti.

Nuk dihet se si është vendosur flamuri shqiptar aty, por të bëhet zemra mal teksa shikon në tokën shqiptare pas kaq shumë vitesh ngjyrat kuqezi. JOQ

 

Flamuri shqiptar mbi shpellën ku zbriti Kur’ani (Foto)

Reperi i njohur nga Presheva, Arian Agushi, që njihet si një “mysliman i devotshëm” përveç kryerjes së ritualit të Haxhit vite më parë, ai nuk heziton të vizitojë Mekën edhe gjatë “Umres”.

Periskopi.com Showbiz

Mirëpo kësaj radhe reperi që njihet ndryshe si Gold AG, ka “befasuar” duke shpalosur flamurin Kuq e Zi mbi shpellën “Hira”, ku në historinë islame njihet si vend që profetit Muhammed t’i ketë zbritur libri i shenjtë Kur’ani, raporton Ekonomia Online.

Reperi nga Lugina e Preshevës, nuk ka hezituar që të bëjë edhe shqiponjën.

 

flamuri

 

Fillon eskalimi i situatës, në Deçan e djegin flamurin e Francës (Video)

Qytetarë nga komuna e Deçanit kanë djegur flamurin e Francës. Sipas tyre, ky gjest është shenjë pakënaqësie për shkak të arrestimit të liderit të AAK-së, Ramush Haradinaj.

Periskopi.com Lajme

Haradinaj ende po vazhdon të mbahet në paraburgim në Francë. Ai është arrestuar për shkak të një urdhërarresti ndërkombëtar të lëshuar nga Serbi, raporton lajmi.net

Lexues të lajmi.net kanë dërguar një video në të cilën shihet teksa një qytetar e djeg flamurin francez.

Arrestohet personi që xhiroi një tjetër teksa hiqte flamurin turk në Prizren (Video)

Sektori i hetimeve të stacionit policor në Prizren, ka arritur të identifikojë dhe të arrestojë të dyshuarin P.B i cili ka postuar në rrjetet sociale një incizim ku shihet një person duke heq flamurin turk nga një shtyllë ku ishte i vendosur në kuadër të shënimit të përvjetorit të Pavarësisë.

Periskopi.com Lajme

Një i dyshuar e heq flamurin turk kurse dëgjohet një zë duke e përkrahur veprimin, raporton Periskopi

Pasi që postimi është bërë nga i dyshuari në rrjetet sociale i njëjti është sjell në stacion dhe nga ai është marrë një deklaratë ku ai e mohon që t`a ketë hequr flamurin kurse e pranon postimin e bërë me telefonin e tij.

Lidhur me rastin është njoftuar Prokurori Shtetit dhe në konsultim me të, i dyshuari P.B ndalet në ndalim policor për 48 orë. / Periskopi

Qytetarët heqin flamujt e Turqisë në Prizren (Video)

Konjufca: Po të ishin gjallë dëshmorët, do të na jepnin vërejtje

Shefi i Grupit Parlamentar të Lëvizjes Vetëvendosje, Glauk Konjufca, ka vlerësuar se përpjekjet e vazhdueshme të të parëve sollën çlirimin e Kosovës, raporton Zëri.info.

Periskopi.com Lajme

Ai në një intervistë dhënë Zëri.infos, ka thënë se të gjithë dëshmorët kanë kontribuuar në këtë drejtim.

“28 nëntori ka paraqitur atë motivin shtesë që të vazhdohet puna për gjendjen më të mirë të kombit shqiptar. Mendoj që pikërisht kjo përpjekje ishte ajo që e solli edhe çlirimin e Kosovës. Të gjithë ata dëshmorë që kanë rënë për lirinë janë pika preferenciale absolute e çlirimit shqiptar”, ka deklaruar Konjufca.

Ndërkaq, ka vlerësuar se po të ishin gjallë dëshmorët, ata do të na jepnin vërejtje për këtë Kosovë që është tani.

“Dëshmorët po të ishin sot gjallë do të na jepnin shumë vërejtje. Ushtarët e kanë dhënë jetën për bashkimin kombëtar, për një Kosovë që nuk është e ndarë në mënyrë etnike”, ka shtuar ai.

Siç është shprehur ai, dëshmorët e kanë dhënë jetën për një Kosovë më të mirë.