Gëzim Kelmendi flet si ju vodhën votat dhe thotë se shpejt do ketë zgjedhje të reja (Video)

Teuta GASHI Lajme

Kryetari i Partisë Fjala, Gëzim Kelmendi flet për procesin zgjedhor.

Ai thotë se i janë vjedhur votat, shpjegon si dhe çfarë ka ndodhur dhe thotë se shpejt do të ketë zgjedhje sërish  në Kosovë.

Në një intervistë për Periskopi.com ai thotë se janë komisionerët e partive tjera ata që i treguan se si partisë Fjala i janë vjedhur votat.

Kelmendi thotë se fillimisht u dëmtuan kur i lejuan që të kenë komisionerë.

“Ne garuam të barabartë me tri partitë e mëdha, me koalicionet, PDK’në, LDK’në dhe Vetëvendosjen dhe ne si parti fjala garuam me nga 110 kandidatë por ata për vete siguruan në çdo vendvotim nga 3 komisionerë dhe Vetëvendosje nga dy, ndërsa neve na lanë pas asnjë komisioner. Do të thotë që qysh në fillim të këtij procesi zgjedhor neve partinë Fjala na kanë dëmtuar në fazën fillestare, na kanë mohuar të drejtën të kemi komisionerë dhe kjo bie ndesh dhe në kundërshtim me nenin 4 të rregullës zgjedhore 19/2016”, thotë ai.

Sipas tij, janë tei mënyra përmes të cilave u dëmtua kjo parti, raporton Periskopi

“Së pari duke i bërë fletëvotimet tona të pavlefshme. Së dyti: fletëvotimet tona i kanë shpërnda brenda këtyre tri subjekteve politike PDK, LDK dhe Vetëvendosje. Dhe së treti: formë e dëmtimit ka qenë kur fare nuk i kanë deklaruar votat tona. Ne kemi ba ankesë edhe në Panelin Zgjedhor për Ankesa dhe Parashtresa, presim reflektim të institucioneve të drejtësisë më konkretisht nga Prokuroria e vendit”, thotë Kelmendi.

Është i bindur se i janë vjedhur votat. Jep detaj për këtë.

“Na është vjedhur vota, këtë e kanë dëshmuar komisionerët e tyre, ma kanë dëshmuar mua drejtpërdrejt por për shkak të frikës që ata të dalin publikisht para medieve kanë kërkuar që të mos i bëjnë publike. Dëshmia e këtyre komisionerëve të këtyre tri partive ka qenë që në vendin ku kanë punuar ata; ka qenë dëshmia: Juve partisë Fjala ju kemi dëmtuar , ju kemi marrë votat, nuk ju kemi deklaruar fare. Ka pas raste kur komisionari i tyre ka thënë se unë jam mundur të mbrojnë votat e juaja por rastet e tilla kanë qenë mjaftë të vogla, pra tregon rezistencën e vet komisionerëve për me mbrojt votën tonë. Kjo dëshmi e imja nuk është iluzionare, apo dëshirore e imja por është dëshmia e bazuar nga komisionerët e këtyre tri partive të cilët rregullisht më kanë telefonuar dhe më kanë shkruar mesazhe që votat e partisë Fjala ne nuk i kemi deklaruar, i kemi shpërndarë në partitë tona apo i kemi shpallë të pavlefshme”, thotë Kelmendi për Periskopi.com

Ndër të tjera, është i bindur që ose do të mbahen zgjedhjet e reja.

“E dimë që ose do të jetë një Qeveri e brishtë e nuk do të ketë numra për të realizuar projektet madhore të vendit ose nuk do të ketë fare Qeveri e vendi do të shkojë sërish në zgjedhje”, thënë ai./ Periskopi

Gëzim Kelmendi ‘kapet’ te votat e pavlefshme

Periskopi.com Lajme

Kryetari i Partisë “Fjala”, Gëzim Kelmendi, ka reaguar pas publikimit të rezultateve të para preliminare të zgjedhjeve të përgjithshme të 11 qershorit.

“Faktet flasin vet !

– Na mohuat padrejtësisht të kemi komisioner për ruajtjen e votës tonë.

– 50 mijë fletëvotime të pavlefshme.

Kjo tregon qartë qëllimin e juaj.

Ju e dëmtuat Partinë FJALA që garoj me njerëz me vlera dhe vullnet të pastërt.

– Në vitin 2010 kur askush nuk më njihte, fitova i vetëm mbi 4 mijë vota.

– Në vitin 2014 fitova i vetëm mbi 10 mijë vota.

– Tash së bashku me 109 kandidat të tjerë na ‘dolën’ rreth 6 mijë vota.

A mendoni se ju besojmë, a mendoni se pajtohemi?

Ju me strategjinë e juaj profesionale zhvleftësuat mbi 50 mijë votat tona duke i bërë të pavlefshme.

Kjo dëshmon edhe njëherë se sa është i zhytur vendi ynë në krim të organizuar dhe korrupsion.

Por një gjë dijeni, se nuk mund ta ndalni kurrë vullnetin e këtyre djemve dhe vajzave që të punojnë për popull dhe shtet.

Ne nuk jemi si ju.

Ne nuk i dëmtojmë të tjerët.

Ne prap do të kthehemi edhe më fuqishëm” (sic.), ka shkruar ai.

Fjala hapi fushatën zgjedhore pa tubime me qytetarë

Periskopi.com Lajme

Subjekti politik Fjala, hapi fushatën zgjedhore në sheshin “Zahir Pajaziti” në Prishtinë, me ç’rast aty foli kryetari i kësaj partie Gëzim Kelmendi.

Kelmendi tha se subjekti që ai udhëheq do të zhvillojë fushatën ndryshe nga partitë e tjera e siç tha ai, duke mos organizuar tubime me qytetarë.

Kjo për arsye se siç tha Kelmendi, qytetarët janë lodhur nga tubime të tilla me premtime boshe.

Në hapje të fushatës u tha se kandidatët e Fjalës do të takohen me qytetarët në mënyra të përveçme, ku secili prej tyre do të takojë qytetarë të rastit.

Sipas Kelmendit, Fjala në programin e saj ka tri pika kryesore që njëherit janë edhe gjithëpërfshirëse, e ato janë: zhvillimi ekonomik, sundimi i drejtësisë si dhe lufta kundër krimit të organizuar dhe korrupsionit.

Ndryshe, FJALA në këto zgjedhje do të garojë me 110  kandidatë, ekspert dhe magjistra të fushave të ndryshme.

Kjo është zonja e parë e Drenasit nëse Berisha fiton zgjedhje, u njohën përmes internetit (Video)

Adelina Ahmeti- Berisha është bashkëshortja e kandidatit për Kryetar të Komunës së Drenasit nga partia Fjala, Vehbi Berisha.

Periskopi.com Lajme

Sipas Adelinës, kandidati Berisha e dëgjon në vendimet që merr megjithëse nuk i ndihmon shumë në kuzhinë.

Bashkëshortja e ‘Djalit të hasretit’ , e përshkruan atë si një njeri të thjeshtë, të fjalës dhe të besës.

“Vehbiu nuk ka hy në garë për Kryetar as për pare, ka hy vetëm si njeri i thjeshtë, njeri për qytetarët e Komunës së Drenasit”, thotë Ahmeti- Berisha.

Mangësia e kandidatit Berisha sipas bashkëshortes së tij është vetëm stresi.

Të kujt janë pronat e uzurpuara në Drenas, sipas kandidatëve për kryetar

Kandidati i Nismës për Kosovën, Isa Xhemajlaj në “Rubikon” të KTV-së ka thënë se në garë nuk ka hyrë që të shtyhet më bërryla se kush është më i fortë.

Periskopi.com Lajme

Sipas tij, problemet e Drenasit janë pasojë e udhëheqjes 17 vjeçare, transmeton Koha.net.

“Nuk hyj në garë duke u shtyrë me bërryla. Të gjitha këto janë probleme që janë shkaktuar tash e 17 vjet. Është uzurpimi i pronave”, ka thënë ai.

“Nuk je mbi Jakup Krasniqin, Fatmir Limajn, Isa Mustafën e Hashim Thaçin se janë barra të rënda për ty”, iu drejtua Xhemajlaj, Drenorit.

Xhemajlaj theksoi se të gjithë e dinë se pronat e uzurpuara janë të partisë në pushtet duke mos dashur të përmend emra të përveçëm.

“Ato janë të partisë në pushtet dhe ato banda ne i njohim, kush i fiton tenderët ne e dimë”, përfundoi Xhemajlaj.