“Jo çdo shqiptarë iu gëzua lirimit të Haradinajt”

Periskopi.com Lajme

Deputeti i Partisë Demokratike të Kosovës, Shukri Buja, ka thënë që jo çdo shqiptarë i është gëzuar lirimit të Haradinajt nga gjykata e Colmarit në Francë, njofton Klan Kosova.

Buja është shprehur se ka disa njerëz dhe portale të ndryshme që e kanë njollosur me shkrime luftën e UCK-së dhe kanë pritur ekstradimin e Haradinajt në Serbi.

“Haradinaj duhet të pritet me ceremoni shtetërore, në mënyrë shtetërore duhet t’i bëhet edhe mbrojtja që nuk po e shohim sa duhet. Dhe nuk është gëzuar çdo qytetarë i Kosovës, pasi në Kosovë ka plotë njerëz, portale e të tilla gjëra, që e shajnë UÇK-në dhe ka të tillë që me padurim e kanë pritur ekstradimin e tij”, ka thënë Buja.

“Pritja e Haradinajt duhet të jetë madhështore, pasi është edhe një goditje që po i jepet Serbisë”, tha ai.

Pse veza simbol i Festës së Pashkëve?

Periskopi.com Lajme

Festa e Pashkëve, në historinë e kremtimit të saj ka patur si pararendëse festën hebreje Pessah, arsyeja pse kjo festë në kishat lindore titullohet Pasha. Bazuar në traditën hebraike, kjo festë festohet në këtë ditë për të përkujtuar Perëndinë, i cili udhëhoqi popullin e tij që të dalë nga skllavëria, duke e çliruar atë. Ai kërkoi nga çdo familje hebreje që derën e shtëpisës ta lyente me gjakun e qengjit të therrur. Për ata që nuk iu bindën urdhërit të Perëndisë, iu vranë fëmijët e tyre, duke ndëshkuar kështu familjet egjiptiane.

Fjala Pashkë, në historinë e kremtimit të saj shoqërohet me fjalën E ndritshme, për të simbolizuar dritën që del nga varri i Krishtit. Për ta përforcuar këtë, besimtarët e krishterë marrin dritën prej llambadave të zbukuruara, dritë të cilën klerikët  e marrin nga flaka e kandilit të pashuar në Tryezën e Shenjtë, si simbol të dritës të varrit të Krishtit. Kjo dritë mbahet e ndezur për 40 ditë rresht. Festa e Pashkëve cilësohet ndryshe nga besimtërët e saj si “Festa e festëve dhe mbreti i të gjitha ditëve”.

Kjo festë ka simbolizohet nga Veza e kuqe e Pashkës dhe Buka e Pashkës.

Veza e kuqe e Pashkës është simboli kryesor i kësaj feste që simbolizon jetën. Veza e Pashkëve është po aq e vjetër sa edhe Krishterimi, ndaj Kisha e ka pranuar si simbol i Ringjalljes së Krishtit.

Po përse pikërisht një vezë? Bazuar në traditat e lashta, në përfytyrimet e popujve të shumtë, veza simbolizon fillimin dhe burimin e jetës. Bazuar në mitet e egjiptianëve, indianëve, babilonasve, grekëve dhe kinezëve prej vezës lind dhe zhvillohet gjithësia. Në kulturën bullgare, ka mjaft gjurmë të përfytyrimeve lidhur me vezën. Në disa prej tekseteve të tyre, dielli përcaktohet si një vezë hyjnore, në disa të tjera koha është pula ndërsa vezët janë yjet, që bëhen prej saj. Në besimet dhe gojëdhënat popullore, veza posedon një forcë magjike. Me të mund të nanuriset një foshnjë apo të përcaktohet nëse një njeri ka pasoja nga syri i keq. Nëpër përralla veza simnbolizon forcën e shtrigave dhe përbindëshave, të cilën kur trimi e gjen e thyen, kështu i keqi vdes menjëherë.

Por simbolikën më të njohur e merr ajo që cilësohet si Veza e Pashkëve, e cila prish magjinë e keqe. Bazuar në traditë vezët ngjyrosen ditën e së Enjtes së Madhe nga më me moshuara e familjes. Para ngjyrosjes, gruaja e shtëpisë ndez një qiri dhe bën kryq me fjalët: Dhëntë Zoti, mot përsëri të presim vezën e kuqe! Veza e parë detyrimisht ngjyroset e kuqe dhe me të fshihen buzët e fëmijëve dhe nuseve të reja, që të jenë të shëndetshëm,të bukur e të mbrojtur prej syrit të keq. Veza e kuqe e Pashkëve vendoset në çdo shtëpi, për të sjellë shëndet dhe mirëqënie. Me të fillon ngrënia e parë, për herë të parë hahet veza e kuqe pas kreshmës së gjatë.

Por në traditën e krishterimit, sidomos vitet e fundit vihet re veza jo vetëm me ngjyrë të kuqe por edhe me ngjyra të tjera. Përdorimi i ngjyrave të tjera simbolizon ngjyrat e pranverës dhe dritën e diellit. Lyerja e tyre në mjaft ngjyra preferohet më tepër nga besimtarët e krishterë katolikë ndërsa ortodoksët qëndrojnë fanatikë përballë këtij procesi të lyerjes së vezëve. Për ta esenca e simbolikës qëndron te ngjyra e kuqe.

Veç  vezës, është edhe Buka e Pashkës e cila gatuhet dhe hahet në këtë festë. Në Bukën e Pashkës bie në sy veza e kuqe e vendosur në mes, e cila simbolizon ëmbëlsinë dhe lumturinë, gjendur edhe në fjalët e Zotit dhe lutjet e besimtarëve.

 

 

 

 

 

 

 

 

 

 

 

 

Qeveri që rri, sërish i jep pushim vetes

Qytetarët e Kosovës në dy ditët e para të kësaj jave nuk kanë qasje në institucionet publike, pavarësisht urgjencave që mund t’i kenë.

Periskopi.com Lajme

 

E, kjo për shkak se për hirë të festës së Vitit të Ri është marrë vendim që insitucionet e vendit ditë pushimi t’i kenë edhe datat 2 dhe 3 janar.

Ky vendim është marrë pasi dy ditët e parapara pë  pushim të Vitit të Ri kanë rastisur të jenë ditë fundjavë  dhe kështu punëtorëve të institucioneve publike u është zgjatur pushimi në gjithsej katër ditë.

Për analistin, Imer Mushkolaj ky vendim tregon papërgjegjësinë e insitucioneve dhe njerëzve që udhëheqin me to, karshi dëmit që mund t’i shkaktohet vendit.

Ai për Persikopin ka thënë se kjo qasje dhe Ligji për Festat Zyrtare duhet të ndryshojë urgjentisht.

“Po të kishte farë mundësie, institucionet e Kosovës pushimin  e Vitit te Ri do të donin ta lidhnin me pushimin për Krishtlindjen Ortodokse. Kjo tregon gjithë papërgjegjësinë e institucioneve dhe njerëzve që i udhëheqin ato, të cilët nuk mërziten pse vendi dëmtohet nga të tilla vendime, sepse në rend të parë e kanë interesin individual. Kjo qasje për pushim vend e pavend duhet të ndryshojë urgjentisht, duke përfshirë edhe ndryshimin e ligjit per festa zyrtare. Përndryshe Kosova do të kthehet në një vend qesharak, nëse tashmë nuk është kthyer në një të tillë, ku më shumë  pushohet  e bëhet qejf, sesa punohet”, ka thënë Mushkolaj./Periskopi/

Traditat e shqiptarëve për Vitin e Ri, që nuk i ka askush tjetër

Nata e Vitit të Ri është kulmi i ditëve festive për shqiptarët, që i impenjon në çdo gjë, duke filluar që nga punët e shtëpisë deri në gatime të shumta dhe fishekzjarrët. Ndryshe nga fqinjët e tjerë rreth Shqipërisë, ka disa tradita që na dallojnë nga të tjerët dhe që na cilësojnë shqiptar në të gjitha kuptimet, shkruan Icon Style.

Periskopi.com Lajme

Tryeza plot me ushqime, veçanërisht mish

Edhe pse çdo ditë nuk konsumojmë shumë ushqime, natën e vitit të ri, tryeza duhet të jetë e mbushur plot e përplot. Nuk mjafton nëse gjeli i detit ndodhet mbi tryezë, pasi kryefamiljari ka blerë edhe dy-tre lloje të tjera mishi që në fund të fundit, askush nuk i prek.

Bakllava

Ëmbëlsira me e preferuar e tryezës përgatitet shumë ditë para festës. Disa zonja ende preferojnë ta gatuajnë vetë, disa të tjera ua besojnë furrave.

Pijet

Në tryezë nuk mungon asnjë marke alkooli, pije me gaz, pa gaz apo energjike. Nuk ka rëndësi nëse do të pihen apo jo, e rëndësishme të jene aty.

Superpastrimi i shtëpisë

Çdo cep shtëpie, dhomat, çdo orendi duhet pastruar. Viti i ri duhet të gjejë çdo shtëpi të pastër. Është e pastër dhe s’ka nevojë? Do të ripastrohet sërish. Nuk ka dyshime për këtë!

Luftë fishekzjarrësh

Nga dritaret, ballkonet e kudo të munden, shqiptarët do tregojnë me padurim arsenalin e pafundmë të fishekzjarrëve në shtëpi. Ishin më të bukura ato të fqinjëve? S’ka problem, në 1 janar rihedhim sërish.

Leku në byrek

Një tjetër traditë, byreku me lekun e fshehur. Kureshtja vijon. Kujt do ti bjeri këtë vit? Me shtrenjtësimin e jetesës dilema bëhet me e madhe. Çfarë shume do të marrim në këmbim të lekut? Momente sa argëtuese e qesharake që i shtojnë gëzim tryezës familjare.

Festa

Tani dihet nga të gjithë. Deri para mesnate me familjen, pas mesnate me shoqërinë. Mëngjesi? Nuk dihet ku na gjen.

Kush do të hyjë i pari në shtëpi?

Thonë që kur të hyn një djalë i vogël në shtëpi, viti do të shkojë mbarë. Akoma më shumë, shqetësimi më i rëndësishëm; të hyj me këmbën e djathtë. Një traditë që vështirë të zbehet.

bakllava11482946747 turkey1482946712 drinking-alcohol1482946711 house-cleaning-tips1482946710 fourth-of-july-fireworks-780x4391482946709 byrek11482946708 1168-00-061482946707 door1482946706

Ja pse Viti i Ri është festë supersticioze

Viti i Ri është festa më supersticioze që ekziston, lihet pas krahëve viti i vjetër, dhe shihet me pozitivitet drejt të ardhmes, duke shpresuar për më të mirën. Kjo ndjenjë përkthehet në veprime që kërkojnë tërheqjen e një fati të mirë. Por si kalohet kjo festë në vende të ndryshme të botës?

Periskopi.com Lajme

Belgjikë: Pastrimi i trupit pas festimeve të Krishtlindjeve për tu përgatitur për vitin e ri. Karakteristikë në Belgjikë është supa e qepës, e cila mbyll darkën e vitit të ri. Dhe për një fat të mirë vihet poshtë pjatës një monedhë apo një gjethe lakre.

Brazil: Të rinjtë vishen me të verdhë, në homazh të diellit, jetës dhe arit, simbol i bollëkut. Kryefamiljari hedh pas shpatullave një gotë verë për të larguar fatin e keq, ndërsa të rinjtë nuk heqin dorë nga notimi i mesnatës.

Kinë: Në Kinë viti i ri nuk festohet më 31 dhjetor, si në kalendarin grigorian, por në një ditë që ndjek kalendarin hënor, dhe që varion nga 21 janari deri në 19 shkurt. Sipas traditës gjatë festimeve vishesh me të kuqe, dhe kjo do të trembte Nian, monstrën mitologjike që në legjendë dilte nga vrima e saj çdo 12 muaj për të ngrënë njerëz, që përfaqësohen nga maskat e luanëve për të sfiluar në qytet.

Gjermani: Gjatë Vitit të ri gjermanët përdorin maska, pinë verë të kuqe dhe hanë shumë lajthi, arra etj. Ata më tradicionalët pinë Feuerzangenboëie, pija e vëllazërisë me bazë verë, kanellë dhe rum, shkruan tch. Në fund të mbrëmjes lihet mbi tavolinë një pjatë plot me ushqim, për të pasur një vit të ri me prosperitet dhe bollëk.

Japoni: Viti i ri është periudha që shfrytëzohet për të bërë punët e shtëpisë që zgjasin tre ditë, deri më 3 janar. Në këto ditë festohet duke falenderuar zotat për të ardhurat dhe për të mirëpritur shpirtrat e të parëve shtëpia dekorohet me rrënjë pishe, bambu dhe kashtë. Për ndërrimin e viteve këmbanat e tempujve budiste bien për 108 herë, për të rrëfyer mëkatet e të gjithë njerëzve.

Rusi: Në Rusi viti i ri festohet dy herë, më 31 dhjetor sipas kalendarit gregorian dhe më 13 janar sipas atij julian, dhe që quhet dhe si Viti i ri, i vjetër. Më 31 dhjetor pritet mesnata për të kërcyer e për të ngrënë ëmbëlsirën tipike, të mbushur me arra dhe salcë kosi. Në goditjen e 12-të të këmbanës hapen dyert për të pritur me gëzim vitin e ri.

Tajlandë: Viti i ri tajlandez festohet mes 13-15 prillit, që përkon me vitin e ri budist. Është një nga festat më të pritura të vitit dhe më e ndjekura nga turistët. Tradita e do që të bëhen larjet e tempullit dhe fotove të Budës me ujë dhe duke pastruar me themel shtëpitë. Kjo përkthehet në një luftë uji që hidhet ndaj kalimtarëve, që sipas traditës largon fatin e keq. Për ta bërë këtë përdoret çdo gjë, që nga kallamishtet e madje deri tek elefantët.

 

Për Vit të Ri mobilizohet policia në veri

Mbi 200 policë do të kujdesen për rendin dhe qetësinë publike në veri të Kosovës gjatë festës së Vitit të Ri.

Periskopi.com Lajme

Këtë e  ka konfirmuar shefi operativ i Policisë së Kosovës për Veriun, Zeljko Bojiq, në intervistën e Vitit të Ri për portalin “KoSSev”, përcjellë Klan Kosova.

“Ne tashmë kemi përgatitur një plan operativ për festat e Vitit të Ri. Kemi vizituar vende në të cilat  festohen, kemi bërë vlerësimet e numrit të qytetarëve tanë për të festuar Vitin e Ri në vende publike. Në rrugë do të ketë numër më të madh të policëve”, tha Bojiq

Në të njëjtën kohë ai i bëri thirrje qytetarëve të jenë të disiplinuar, të mos lëvizin në gjendje të dehur me vetura dhe ta presin Vitin e Ri pa përdorimin e armëve të zjarrit dhe mjeteve piroteknike.

Sonte është nata e Krishtlindjeve, festohet dhe urohet edhe në Kosovë

Në pritjen solemne që u mbajt sonte në Ipeshkvinë e Kosovës, kryeipeshkvi i Kosovës, Imzot Dodë Gjergji tha se duhet të gjejmë dashurinë dhe guximin për të ecur drejt të ardhmes.

Periskopi.com Lajme

Në ceremoninë, ku ishin të pranishëm shumë mysafirë si nga jeta politike dhe ajo civile, Imzot Dodë Gjergji theksoi se për të ecur drejtë së ardhmes duhet të rrisim dashurinë për Krishtin dhe për Kishën në mënyrë që të ecim drejt paqes, raporton kp.

“Sot na rrethojnë shumë gjëra, të cilat na trishtojnë, por siguria e brendshme e dashurisë dhe guximi për të ecur drejt të ardhmes dhe drejt paqes na mbajnë, andaj gëzuar për shumë vite viti i ri”, tha Dodë Gjergji.

Urime për këtë festë kanë dërguar edhe krerët shtetërorë. Kryeministri Isa Mustafa, përmes një postimi në Facebook, ka uruar qytetarët e Kosovës, trupin diplomatik në vend, pjesëtarët e KFOR-it dhe të misioneve tjera në Kosovë.

“Kjo festë e shenjtë përcjell te besimtarët anekënd mesazhet e dashurisë, paqes, mirësisë, optimizmit dhe të harmonisë ndërmjet njerëzve, virtyte që e karakterizojnë plotësisht popullin e Kosovës”, ka thënë Mustafa, raporton Koha.net.

Presidenti i vendit, Hashim Thaçi, në urimin e tij me rastin e festës së Krishtlindjeve, ka thënë se ky vit na solli gëzime të gjithëve.

“U shenjtërua Nënë Tereza, jeta dhe veprat e së cilës janë udhërrëfyes për ne, por u lumturuan edhe 38 martirë shqiptarë të Kishës Katolike. Në audiencë private me Atin e Shenjtë, si president i vendit i konfirmova sërish përkushtimin e Kosovës për vlerat e paqes, dialogut dhe solidaritetit, si dhe mora konfirmimin për ardhjen e tij në Kosovë, ditë të cilën po e presim me padurim. Nata e sotme është kohë kur u gëzohemi të mirave e begative që na sjell jeta dhe festojmë me njëri-tjetrin. Por, përveç festës, është kohë kur reflektojmë edhe për kujdesin ndaj njëri-tjetrit, ndaj familjes, miqve, shtetit dhe gjithë shoqërisë”, ka shkruar Thaçi.

Kryetari i Kuvendit të Kosovës, Kadri Veseli, përmes një postimi në Facebook, ka uruar besimtarët katolikë e protestantë të Kosovës.

“Gëzuar Krishtlindjen për të gjithë bashkëqytetarët katolikë dhe protestantë të Republikës së Kosovës. Uroj që ta kaloni këtë festë të shënuar sa më bukur, në ngrohtësinë e shoqërisë së njerëzve më të dashur. Bekime dhe gjithë të mirat, për ju dhe familjet tuaja”, thuhet në urimin e Veselit.

Edhe Lëvizja Vetëvendosje ka uruar qytetarët e krishterë me rastin e festës së Krishtlindjeve.

“Të dashur besimtarë të krishterë, Lëvizja Vetëvendosje ju uron kremtën e Krishtlindjeve. Të jeni sa më të lumtur e të gëzuar në familjet tuaja e ne shoqërinë tuaj. Të mos harrojmë në këto ditë festash se Krishti lindi në një stallë, e dëshmitarë në lindjen e tij ishin tre shtegtarë nga Lindja e Mesme, të cilët i përkisnin feve të tjera. Në këto kohë të vështira për qytetërimin, ta mbajmë zemrën dhe mendjen të hapur për të varfrit e të pastrehët, për shtegtarët e refugjatët e për personat e besimeve e kulturave të tjera. Tradita jonë kombëtare i ka bërë bashkë besimet e ndryshme, për një projekt të përbashkët. Ndaj i urojmë së bashku edhe festat e veçanta”, thuhet në urimin e Vetëvendosjes.

Edhe Ramush Haradinaj, president i AAK-së, ka uruar besimtarët katolikë me rastin e Krishtlindjeve.

“Besimtarëve katolikë, Klerit dhe Kishës, urimet më të përzemërta për Krishtlindje! Në këtë natë të madhe, u bashkohem lutjeve tuaja për dashuri, për paqe, për harmoni…!”, ka shkruar Haradinaj.

Urim me këtë rast ka dërguar edhe kreu u Nismës për Kosovën, Fatmir Limaj.

“Të gjithë besimtarëve të krishterë, ju uroj festen e Krishtlindjeve, me shpresë që viti 2017 të jetë një vit me të gjitha të mirat. Të jemi të bashkuar e solidar në qëllimet tona, sepse gjithnjë kemi qenë të tillë”, ka uruar Limaj.

7 këngët më të mira të Krishtlindjes 2016

Po kërkoni të dëgjoni këngë të reja këtë Krishtlindje? Këtë vit ndër albumet e shumtë të publikuar ju prezantojmë me disa nga këngët më të mira origjinale të krijuara nga artistë të rinj e të mirënjohur.

Periskopi.com Lajme

“Come To Save Us” nga All Sons & Daughters

Melodia dhe vargjet e thjeshta të këngës “Come To Save Us” (Eja të na shpëtosh) e bëjnë publikimin e All Sons & Daughters një ndër këngët e preferuara të këtij viti për Krishtlindje. Kënga është pjesë e përmbledhjes Majesty in a Manger (Madhështi në një grazhd)  publikuar nga artistët e shtëpisë diskografike Integrity ku bëjnë pjesë edhe All Sons & Daughters. Kjo është një këngë e shkëlqyer për një mbrëmje Krishtlindjesh në familje. Leslie Jordan dhe David Leonard këndojnë vargjet, “Ti je shpresa mes nesh, Ti je paqja që na mban, Ti ke ardhur të na shpëtosh.”  Vargjet na kujtojnë arsyen e kësaj stine: Plani shpengues i Perëndisë përmes Jezusit dhe sakrifica e tij përfundimtare në kryq. Ndërsa koha juaj fillon e mbushet me aktivitetet e shumta gjatë këtij muaji kjo këngë do t’ju ndihmojë të fokusoheni tek ajo që ka me të vërtetë rëndësi. Le të mos e harrojmë kurrë foshnjën në grazhd.

 

“Glory (Let There Be Peace)” nga Matt Maher

Adhurimi i Krishtlindjes është një nga momentet më të bukura të kësaj kohe. Kënga e re e adhurimit “Glory (Let There Be Peace)” (Lavdi: Le të ketë paqe) ja vlen të jetë pjesë e listës suaj muzikore, pasi është konsideruar si një nga publikimet më të mira të këtij viti.

Si çdo këngë e mirë Krishtlindjeje, fokusi është ditëlindja e Jezusit në një grazhd dhe arsyet se pse erdhi; për të folur për ata që nuk mund të flasin, për tu dhënë shpresë atyre që nuk kanë shpresë, që të na bashkojë në dashuri dhe paqe për të gjithë njerëzimin. Ky është një mesazh i nevojshëm për kohën tonë sot. Vargjet e këngës na inkurajojnë në fund të ditëve të ngarkuara të kësaj periudhe: “Mos ki frikë, dashuria e tij është  e fuqishme, që të na shpëtojë.. Asgjë nuk e pengon dashurinë e tij të fuqishme të na drejtojë.”

 

“Glorious” nga for KING & COUNTRY

Vëllezërit Smallbone që kryesojnë një ndër grupet më të pëlqyer të momentit for KING & COUNTRY, kanë një mënyrë të veçantë se si të jenë gjithnjë bashkëkohorë. Për ata që mendojnë se e dinë tashmë se si tingëllon muzika e grupit, do të befasohen nga kënga e tyre më e re e publikuar këtë Krishtlindje “Glorious” (I lavdishëm). Kënga përmban më shumë elementë të muzikës elektronike nga sa keni dëgjuar më parë nga ky grup. Refreni shpall: “Ai është akordi i çdo kënge që u lindëm të këndojmë, Ai është ritmi i zemrës tënde, ndaj rrahjet të fillojnë/ Ai është i lavdishëm, i lavdishëm është Perëndia me ne.” Kjo është një këngë adhurimi e bukur e paparashikueshme, dhe një prezantim i mirë i projekteve të vazhdimësi të for King and Country.

 

“God With Us” nga We Are Messengers

Kënga “God With Us” (Perëndia me ne) nga We Are Messengers është një këngë për zemrat e lënduara këtë sezon Krishtlindjeje. Ndonëse Krishtlindja duhet të jetë një kohë e gëzuar festimesh, për disa shndërrohet në një periudhë të vështirë, ku ndihen të vetmuar apo kujtojnë njerëzit që kanë humbur. Kënga e trajton mirë këtë temë, ndërsa refreni i drejton njerëzit tek Shpresa e Krishtlindjes: Emanuel, Perëndia është gjithmonë me ne. Ndonëse mesazhi i qartë për stinën e Krishtlindjes, tingujt e saj nuk janë dallueshëm për Krishtlindje, gjë që të shtyn ta dëgjosh këtë këngë në çdo stinë për shkak të një të vërtetë të përhershme: “Ai është gjithmonë me ne, në gëzimin dhe dhimbjen tonë/ në mesnatën e vetmuar, mbaji sytë lart / Dashuria ka ardhur/ Perëndia është me ne.

 

“The Song of Christmas” nga NeëSong

Shumë prej nesh humbasin mes pazareve të shumta, mbledhjeve familjare, festave të punës, pa harruar ditët e pushimit, në vend që të fokusohemi tek mesazhi i vërtetë i Krishtlindjes, lindja e Zotit dhe Shpëtimtarit tonë Jezus Krisht. Një këngë emocionuese dhe adhurimi është “The Song of Christmas” Kënga e Krishtlindjes nga NeëSong. Kjo këngë e nxit dëgjuesin të reflektojë për kuptimin e vërtetë të Krishtlindjes, duke filluar me shpëtimin që sjell për ne, dhe fillimin e fundit për Satanin. Kënga nderon mbretin tonë, duke na kujtuar se këtë duhet të bëjmë dhe ne gjatë sezonit festiv.

 

“Christmas is Here” nga JJ Heller

Si prindër duhet t’i drejtojmë fëmijët tanë tek Ati ynë qiellor. Së bashku mund të përmbushim shumë më tepër duke u mbështetur tek Perëndia në vend që të përpiqemi ti zgjidhim vetë sfidat e Jetës. Jeta është e rrëmujshme dhe kënga e JJ Heller, “Christmas is Here” (Krishtlindja është këtu) është një këngë e mrekullueshme për të festuar gëzimin e Jezusit që vjen për të jetuar në mesin tonë, Emanuel: Perëndia me ne.

Kënga shpreh shpresën e bekuar të Shpëtimtarit tonë Jezus: “Dritë në errësirë, shpresë për të pashpresët, Dashuria e tij kurrë nuk shuhet. Qielli zbriti në tokë, të lidhë plagët tona, dhe të fshijë lotët tanë.” Kërkoji Zotit Jezus të hetojë zemrën tënde dhe të lejojë ta pranosh atë me mahnitjen e një fëmije.

 

“Light of the World” nga Lauren Daigle

Lauren Daigle në një kohë shumë të shkurtër është kthyer ndër emrat më të njohur në muzikë që me albumin e saj debutues, Hoë Can It Be. Sallat e koncerteve të saj kanë qenë të mbushura me fansat e shumtë që shijojnë zërin e saj të veçantë dhe të fuqishëm. Por për të realizuar albumin e ri të Krishtlindjes, Behold, Lauren shkoi në shtëpinë e saj.  Si rezultat projekti është shumë personal dhe familjar, interpretuar nga një ndër zërat më të dalluar të momentit. Kjo këngë ka një përqasje ndaj muzikës xhaz, që shoqëron të gjithë këtë projekt. Vargjet janë të fuqishme: “Ai është kënga për atë që vuan, Ai është Mesia. Princi I Paqes erdhi, Ai erdhi, Emanuel, Lavdi Dritës së Botës.” Dëgjuesit kanë për të shijuar në një mënyrë krejt të re vokalin Lauren Daigle në një këngë të qetë e kuptimplotë./ Radio 7

Krishtlindjet, kuriozitete mbi festën

Mijëra besimtarë të krishterë festojnë lindjen e Krishtit.

Periskopi.com Lajme

Mesha për katolikët fillon sonte, në mesnatës es së shtunës dhe të dielës.

Krishtlindja është festa me e rëndësishme e të krishterëve. Ajo festohet çdo vit më 25 dhjetor, ditën kur besohet se lindi Jezu Krishti.

Zyrtarisht këtë feste për herë të parë e kremton edhe komuniteti protestant, që njihet me emrin Vëllazëria Ungjillore.

SI LINDI FESTA?

Krishtlindja (edhe “Kërshëndellat” apo shkurt “Kshnellat” ndër besimtarët katolikë) është një festë fetare e krishterë. Të krishterët e festojnë çdo vit më 25 dhjetor ditëlindjen e Jezus Krishtit; në kishat e Lindjes festohet më 7 janar, për shkak të kalendarit Julian. Pas Pashkëve është festa më e rëndësishme për të krishterët. Ditëlindja e Krishtit (24-25 dhjetori) është thjeshtë simbolike, dhe nuk është menduar të jetë data e vërtetë e lindjes se Tij.

Rëndësia e ditës së Krishtlindjes nisi të rritet dalëngadalë pas kurorëzimit të Karlit të Madh në vitin 800, ditën e Krishtlindjes. Sot dita e Krishtlindjes kremtohet me shfaqjen e skenës së lindjes së Krishtit, pemën e Krishtlindjes, shkëmbimin e dhuratave dhe Kartolinave, familjen e bashkuar, dhe ardhjen e Shën Nikollës apo Plakut të Vitit të Ri në prag të Krishtlindjes apo mëngjesin e Krishtlindjes.

KRISHTLINDJET, HISTORI ALTERNATIVE

Krishtlindjet kanë patur një histori të gjatë dhe të shumëllojshme. Janë festuar nëpër shekuj nga popuj të ndryshëm, në kohëra të ndryshme, në vende të ndryshme dhe në mënyra shumë të ndryshme.

Mesi i dimrit ka qenë prej kohësh një kohë për të festuar në të gjithë botën. Shumë shekuj përpara mbërritjes së njeriut me emrin Jezu Krisht, evropianët e hershëm festonin dritën dhe lindjen në ditët më të errëta të dimrit. Shumë njerëz ngazëlleheshin dhe gëzonin gjatë solsticit dimëror, atëherë kur më të keqen e dimrit e kishin lënë tashmë pas dhe kur prisnin tanimë ditë më të gjata dhe më shumë orë me dritën e diellit.

Në Skandinavi, norvegjezët festonin Julin që nga 21 dhjetori, solsticit dimëror deri në fund të janarit. Duke vlerësuar rikthimin e diellit, etër dhe bij sillnin në shtëpi trungje të mëdhenj, të cilëve më pas u vinin flakën. Njerëzit festonin deri kur trungu digjej plotësisht, gjë që mund të kërkonte deri 12 ditë. Norvegjezët besonin se çdo shkëndijë prej zjarrit përfaqësonte një gic apo viç të ri që do të lindte vitin e ardhshëm. Edhe simbolet e festimet e Krishtlindjeve me të cilat jemi mësuar janë kombinim i traditave të ndryshme: Pema është një traditë tipike nordike.

Në Gjermani, njerëzit nderonin perëndinë pagane Oden gjatë pushimeve të mesit të dimrit. Gjermanët ishin të tmerruar prej Odenit, teksa besonin se ai fluturonte natën nëpër qiell për të vëzhguar njerëzit e tij dhe më pas vendoste se kush do të kish begati dhe kush do të zhdukej. Për shkak të pranisë së tij, shumë njerëz zgjidhnin të qëndronin brenda.

Në Romë, aty ku dimri nuk ishte aq i egër, festohej Saturnalia – një ditë pushimi në nderim të Saturnit, perëndisë së bujqësisë. Duke filluar nga java e solsticit dimëror dhe duke vazhduar për një muaj, Saturnalia ishte një kohë hedoniste, kur kish me bollëk ushqime dhe pije dhe kur rendi normal shoqëror romak përmbysej. Për një muaj, skllevërit bëheshin zotër. Fshatarët merrnin komandën e qytetit. Bizneset dhe shkollat mbylleshin me qëllim që të gjithë të argëtoheshin.

Gjithashtu, në kohën e solstikut dimëror, romakët festonin gjithashtu Juvenalian, një festë ku nderoheshin fëmijët e Romës. Veç kësaj, pjestarë të klasave të larta shpesh herë festonin ditëlindjen e Mithrës, perëndia e diellit të papushtueshëm, në 25 dhjetor. Besohej se Mithra, një perëndi-fëmijë, kish lindur nga një shkëmb. Për disa romakë, ditëlindja e Mithrës ishte më e shenjta ditë e vitit.

Në Persinë antike, solstici i dimrit celebronte duke kënduar himnin që tregonte lindjen e botës. Në Aleksandri të Egjyptit ajo pati shprehjen më të plotë, para epokës kristiane, në festën e madhe të lindjes së Horus.

Shkupi heq dorë nga festimi i Vitit të Ri, ka një qëllim tepër të mirë

Qyteti i Shkupit informon opinionin e gjerë se heq dorë nga organizimi i sivjetmë i pritjes së Vitit të Ri 2017, që duhej të mbahet në sheshin "Maqedonia".

Periskopi.com Lajme

Siç thuhet në njoftimin e Qytetit të Shkupit, mjetet të cilat ishin paraparë për organizimin e pritjes së Vitit të Ri, rreth dy milionë denarë, do të donohen për qëllime sociale.

“Vendimi se ku do të donohen mjetet, do të merret nga Këshilli i Qytetit të Shkupit”, thuhet në njoftim.

Qyteti i Shkupit sqaron se në 10 vitet e fundit shpenzon burime minimale për organizimin e kremtimit të Vitit të Ri nga shkaku se eventi për argëtim të qytetarëve është financuar nga operatorët e telefonisë mobile.

Të mërkurën edhe qyteti i Velesit tha se ka anuluar organizimin për kremtimin e Vitit të Ri.

Fotografitë e çuditshme për festat e fundvitit

Periskopi.com Video
Kaçanik

Asambleisti i Kaçanikut thotë se shteti po i trajton shqiptarët si pakicë etnike

“28.11.2016 * Dita e Shqiptarëve”, - shkruhet në kalendarin e MASHT të RK për vitin shkollor 2016/17

Periskopi.com Lajme

Për këtë mbishkrim ka reaguar asambleisti i Komunës së Kaçanikut, Basri Kodra.

Shkrimi i tij i plotë:

Për 28 Nëntorin – Ditën e Flamurit, siç e quajmë ne që mbetëm jashtë, e Ditën e Pavarësisë, siç e quajnë ata që mbetën brenda!

Nuk e kuptova pse me fusnotë!? Kam filluar të kem frikë nga fusnotat.

Na e paskan rezervuar edhe neve një ditë, thash. Po na i njohin disa të drejta: njerëzore, kulturore, etnike; jo kombëtare.

Sikur duan të na pajtojnë: Ja merreni, thonë – edhe ju keni festën tuaj, siç kanë të gjitha komunitetet tjera, apo pakicat etnike, kuptohet me përjashtime gjithmonë. Në Kosovë të gjitha komunitetet janë ‘pakica etnike’, përveç serbëve të cilët janë pakicë kombëtare.

Dëshirojnë të tregohen formalisht ‘demokratikë’. Demokratikë dhe zemërgjerë, nëse mund të thuhet për ngrehat politike. Zemërgjerë dhe evropianë, desha të them, (pro)perëndimorë (jo lindorë).

Megjithatë, vetë 28 Nëntori, kjo Ditë e Madhe e kombit shqiptar, po ua prishë planet, si dhe ligjet, sundimtarëve gjithfarësh, edhe sot si dje./ Periskopi