Minibusi me 19 ulëse që bartë 74 fëmijë

Periskopi.com Video

Mësuese në Zvicër por ka një porosi për prindërit shqiptarë

Majlinda Zumeri Prelvukaj që në moshën 23 vjeçare fillon ushtrimin e profesionit "mësuese gjeneraliste", në shkollën fillore në Bellevue, Gjenevë

Periskopi.com Lajme

Majlinda Zumeri Prelvukaj, e lindur para 30 viteve në Carouge, komunë gjenevase që numëron 21’741 banorë, e njohur edhe me pseudonimin “cité sard”, është fëmija i dytë i prindërve të saj që kanë dy vajza dhe dy djem të cilët kanë ardhur në Zvicër para 40 viteve.

Majlinda para pak vitesh ka krijuar familjen e saj, është nënë e lumtur e Zanit njëmbëdhjetë muajsh të cilit i flet gjuhën frënge kurse babai i flet gjuhën shqipe me qëllim që paralelisht fëmija të zhvillojë aftësitë e të mësuarit të të dy gjuhëve që për prindërit vlerësohen të rëndësisë elementare.

Pasi kryen shkollimin fillor në shkollën Hugo-de- Senger, ciklin e orientimeve në Aubépine dhe katër vite në kolegjin Calvin, Majlinda, troket në dyert e Fakultetit të psikologjisë dhe shkencave të edukimit prej nga që në moshën e re 23 vjeçare del me diplomën në Master për të përqafuar profesionin e saj “mësuese gjeneraliste” të cilin prej atëherë e ushtron në shkollën fillore në Bellevue.

Pyetjes së albinfo-s rreth zgjedhjes së këtij profesioni, mësuesja e re që tashmë ka shtatë vite përvojë profesionale i jep këtë përgjigje: të bëhem mësuese ishte dëshirë imja prej kur isha e vogël por dashurinë time ndaj këtij profesioni ma ka rritur edhe mësuesja e mrekullueshme që e kisha, së cilës i jam gjithmonë mirënjohëse. Majlinda ndjehet jashtëzakonisht mirë në profesionin e saj. “Tani për tani nuk mendoj që ta ndërroj atë”.

“Gjatë periudhës studentore njëkohësisht kam pasur mundësi të punoj punë që i përshtaten orarit të studimeve, kryesisht, ndihmës sekretare në menaxhimin e pasurisë mirëpo asgjë tjetër s`më ka joshur më shumë se mësimdhënia për të vegjlit”, thotë ajo.

Rreth përshtypjeve të saj në raport me dallimet që mund të ekzistojnë gjatë shkollimit të fëmijëve me origjinë të ndryshme apo mjedis të ndryshëm social, Majlinda për albinfo.ch përgjigjet: “në Bellevue mjedisi sociokulturor është heterogjen, që do të thotë se kemi fëmijë nga kultura dhe mjedise të ndryshme sociale. Një gjë që vërej është se tek fëmijët që e kanë gjuhën frënge gjuhë amtare apo gjuhë të parë, hyrja në shkrimlexim është më e lehtë. Mirëpo, në qoftë se fëmijët shoqërohen sa më shumë me librin ata do të kenë mundësi të kalojnë me sukses këtë ngadalësi, për ç`arsye i këshilloj edhe prindërit e fëmijëve që sa më shumë të vënë librin në dispozicion të të vegjëlve.

Në fakt, kam vërejtur se kemi edhe prindër shqiptarë që nuk marrin kohën e duhur që të shkojnë në bibliotekë me fëmijët apo t’ju lexojnë atyre qoftë edhe në gjuhën shqipe. Nga leximi, është e pakontestueshme se fëmijët arrijnë të zhvillojnë aftësi të nevojshme për rrugëtimin shkollor. Gjatë përvojës sime kam pasur dy familje shqiptare që kishin fëmijët në klasat e mia mirëpo asnjëherë nuk kam pasur një konsideratë tjetër ndaj tyre që i dallon nga prindërit e fëmijëve të tjerë. Edhe fëmijëve asnjëherë nuk iu kam folur shqip me qëllim që te fëmijët e tjerë të mos krijohet përshtypja e ndonjë favorizimi eventual.

Sa e njihni dhe e praktikoni ju gjuhën shqipe, keni njohuri të mjaftueshme që të mund ta ushtroni profesionin e juaj edhe në shqip?

Më duhet ta pranoj se dyshoj shumë që do të mundem të jem mësimdhënëse në gjuhën shqipe. Kur isha filloriste kam qenë shumë pak në shkollën ku organizohej mësimi plotësues në gjuhën amtare. Në familje gjithmonë flas shqip me prindërit kurse me motrën dhe vëllezërit flas në frëngjisht. Së paku një herë në vit shkoj në Kosovë prej nga vjen dhe bashkëshorti im i cili nuk ka shumë vite që jeton në Zvicër. Andaj meqë ai zotëron mirë gjuhën shqipe unë ndjehem me fat se ai më ndihmon që të korrigjohem por edhe të pasuroj fjalorin e gjuhës shqipe aq më shumë që është e mundur.

Çka konsideroni  përparësi në profesionin e juaj dhe cilat janë dobësitë e tij?

Çmoj jashtëzakonisht kontaktin me fëmijët, përcjellja e diturisë tek ata dhe raportet humane janë të shenjta për mua.

Pikat e dobëta nga këndvështrimi im në profesionin që kam janë shpeshherë ngarkesa e panevojshme administrative, pak mjete të nevojshme për nxënësit që kanë vështirësi në mësimnxënie dhe numri i shumtë i fëmijëve në një klasë i cili edhe frenon punën individuale me ata.

Cila është porosia e juaj për prindërit shqiptarë?

Të gjithë prindërve: “U ofroni literaturë fëmijëve”; ” Shkoni me fëmijët tuaj në bibliotekë”; ” Lexojuni fëmijëve tuaj përralla”.

Porosia e mësueses për prindërit shqiptarë: “Shkoni me fëmijët tuaj në bibliotekë”

 

.

 

Evropës po i shterojnë fëmijët

Gratë në Evropë, e veçanërisht në pjesën jugore të kontinentit të vjetër, tentojnë të kenë më pak fëmijë. Ky është konkluzioni i një raporti të hartuar nga francezët. Sipas tij, rreth 25 për qind e femrave të lindura në vitet ’70 mund të mbeten pa fëmijë, krahasuar me mesataren prej 15 për qind në vendet e Evropës së Veriut, apo 18 për qind në Evropën Perëndimore.

Periskopi.com Lajme

Faktorë të tillë si pasiguria për të pasur një vend pune dhe mungesa e politikave të punësimit miqësore ndaj familjes shpjegojnë rritjen e të qenit pa fëmijë në mënyrë jovullnetare, thuhet në raport. Megjithatë, ai thekson se të qenit pa fëmijë ka qenë një tregues me nivele të larta edhe rreth një shekull më parë.

Rreth 17-25% e femrave të lindura në dekadën e parë të shekullit të XX mbetën pa fëmijë, për shkaqe të ndryshme si vdekja e shumë burrave në moshë martese gjatë Luftës së Parë Botërore, emigracionit të meshkujve të rinj nga vendet e varfra, apo edhe efektet e “Depresionit të Madh” të vitit 1929.

Që prej atëherë, trendi mesatar i femrave pa fëmijë në Evropë ka krijuar një formë U-je, sipas Institutit Kombëtar francez të Studimeve Demografike.

Mungesa e fëmijëve arriti nivelet më të ulëta mes grave të lindura në vitet ’30-’40, prindër të gjeneratës të famshme për “bumin” e fëmijëve, të cilët shijuan mirëqenien e postluftës, falë papunësisë në shifra të ulëta dhe sistemeve bujare të mirëqenies shtetërore.

Në Evropën Lindore, “bumi” në lindshmëri zgjati më gjatë sesa në Perëndim – thuhet në raport, – i ndikuar nga mungesa e kontraceptivëve që u bënë të disponueshme në Perëndim. Por mospasja e fëmijëve pësoi një rritje të ndjeshme mes femrave të lindura në vitet ’40 në Perëndim dhe vitet ’60 në Lindje, transmeton tch.

“Shumica e tendeve ekonomike dhe kulturore të gjysmës së dytë të shekullit të fundit duket se kanë shtyrë femrat dhe meshkujt të mbeten pa fëmijë”, thuhet gjithashtu në raport. Ai citon gjithashtu papunësinë e lartë, “politikat jo të duhura familjare” dhe “pabarazia e vazhdueshme gjinore në ndarjet e punëve dhe kujdesit ndaj fëmijëve” janë ndër faktorët më të rëndësishëm. Në përfundim të raportit theksohet se “mungesa e fëmijëve do të vijojë të rritet në Evropën qendrore dhe lindore”.

E pabesueshme: Pas shtatëmbëdhjetë aborteve bëhet nënë e katër fëmijëve

Gruaja e cila kishte pasur 17 aborte, tani është bërë nënë e 4 fëmijëve. Ndonëse mjekët i kishin thënë se kjo gjë nuk është e mundur, ndodhi mrekullia, raporton Periskopi.

Periskopi.com Lajme

Lytina Kour pasi u diagnostifikua me një lloj të rrallë të leukemisë meloide, kancer i qelizave të bardha të gjakut, mjekut i thanë se nuk do të mund të lindte kurrë, mirëpo pas 17 aborteve, ajo më në fund u bë nënë e katër vajzave.

“Unë kisha tërë ato aborte dhe të gjitha ishin të vështira, mirëpo momenti më i rëndë ishte hera e parë sepse po i mbaja dy binjakët për një kohë të gjatë “, tha ajo.

Ajo tregon se si bashku me burrin e saj filluan të shikojnë mundësitë për adoptim, mirëpo kjo gjë nuk u bë e pamundur pasi që asnjë fëmijë nuk ishte i lirë në Azi, duke bërë që ta provojnë edhe injektimin në kushte laboratorike.

Gjatë dy viteve (2013-2015), ajo kishte bërë gjashtë injektime, ku të gjitha i kishin dështuar. Në fund, ajo mbeti shtatzënë në mënyrë të natyrshme.

“Ishte e pabesueshme kur e mësova, unë dhe burri im tërë kohën prisnim se do të ndodhte aborti. Nuk shkoja askund, nuk vozisja madje nuk i tregova as familjes time sepse nuk dëshiroja që njerëzit të gëzoheshin dhe të ndodhte ndonjë fatkeqësi përsëri” përfundoi ajo./Periskopi/

Tentohet rrëmbimi i 7 vjeçarit në një shkollë në Ferizaj, policia s’hap rast

Tentojnë ta rrëmbejnë fëmijën 7-vjeçar brenda objektit të shkollës “Gjon Serreqi” në Ferizaj. Prindërit janë të shqetësuar për nivelin e ulët të sigurisë, derisa hedhin dyshime se i dyshuari për rrëmbim “është pedofil”.

Periskopi.com Lajme

Ndonëse thonë se kanë dhënë deklarata në polici ata bashkë me dëshmitarët e tjerë prezentë në shkollë, policia thonë se nuk ka rast të regjistruar. As drejtori i kësaj shkolle, Milazim Dërguti, e as zëvendësi i tij Nazmi Heda, nuk ka pranuar të flasin për rastin, raporton KTV.

I pari, prapa kamerës, vetëm e ka konfirmuar se rasti ka ndodhur dhe se rasti është lajmëruar në polici. Por, zëdhënësi i Policisë në Ferizaj, Agim Gashi, ka mohuar të jetë hapur ndonjë rast lidhur me këtë ngjarje, ani pse mësuesja dhe dy prindër i kanë thënë televizionit se kanë dhënë deklarata në polici.

Se Policia është e njoftuar për rastin e thonë edhe në Drejtorinë Komunale të Arsimit në këtë komunë Muhamet Halili.

Ai ka pranuar se objektet e shkollave në këtë komunë nuk mbikëqyren nga pjesëtarë të sigurisë, por ka njoftuar se synojnë që kjo të bëhet nga viti i ardhshëm.

Pas 24 vitesh martesë çifti shqiptar bëhen me djalë, ja si ia vunë emrin

Prizreni, e sidomos familja Kabashi nga Korisha e këtij qyteti,  ka arsye për të festuar më shumë.

Periskopi.com Lajme

Pas 24 vitesh martese, një çift sot u bë me djalë. Dhe, djalit të porsalindur, për ta nderuar 28 Nëntorin e shqiptarëve, prindërit ia vunë emrin Flamur.

Flamuri ka lindur në Spitalin Amerikan në Prishtinë, ku gjendet akoma në këto çaste. Ai është në gjendje shumë të mirë shëndetësore, dhe i bukur tamam si flamuri jonë dhe raca shqiptare.

Urime familja Kabashi, urime shqiptarë, jetë të gjatë Flamurit.

flamuri-i-vogel

flamuri-i-vogel1

Katër fëmijë plagosen gjatë shpërthimit para një kishe në Idonezi

Katër fëmijë janë plagosur gjatë shpërthimit që ndodhi para një kishe në ishullin Borneo të Indonezisë.

Periskopi.com Lajme

Nëpunësi policor gjeneral Agus Riyanto deklaroi se shpërthimi ndodhi në një parking para kishës Oikumen në qytetin Samarinda.

Në BE ka mbi 88 mijë fëmijë pa prindër që kanë hyrë me fluksin e refugjatëve

Mbi 70 ekspertë nga nëntë shtete të ndryshme janë mbledhur sot në Zagreb për të marrë pjesë në konferencën dy ditore “Të vetëm në rrugë: Si t'u përgjigjemi nevojave të fëmijëve të pashoqëruar në Evropën Juglindore".

Periskopi.com Lajme

Në bazë të të dhënave të Eurostatit, në vitin 2015 mbi 88.300 fëmijë refugjatë dhe emigrantë të pashoqëruar nga prindërit kanë kërkuar azil në Bashkimin Evropian (BE), që është për katër herë më shumë nga viti paraprak.

Vetëm në Gjermani kanë hyrë rreth 80.000 fëmijë pa shoqërimin e prindërve.

Kreu i Zyrës së UNICEF-it për Kroaci, Valentina Otmaçiç thekson se fëmijët e tillë është më së miri të vendosen në familje por se një gjë e tilla akoma nuk është realizuar në Kroaci, kryesisht nga shkaku i mosnjohjes së gjuhës së fëmijëve.