Evropa ime: Një udhëtim nëpër spitalet e Evropës

Carmen Francesca-Banciu Opinione

Të udhëtosh në BE është bërë më e lehtë. Por kur je sëmurë dhe ndodhesh në Evropë përjeton shumë gjëra të papritura – midis tyre edhe shumë ngjashmëri të çuditshme midis Gjermanisë dhe Greqisë.

Para pak kohësh rrëshkita në një gur dhe dërmova kyçin e këmbës. E kjo më ndodhi jo në Berlin, por në një fshat të vogël grek të quajtur Mani, në Peloponez. Duket se është më e lehtë nganjëherë që të kalosh kufijtë administrativë brenda BE.së se të kalosh kufijtë administrativë dhe rajonalë brenda një vendi. Për të shkuar me ambulancë në spitalin në Kallamatë, u desh një ambulancë e re, që u dërgua posaçërisht për mua, në kufirin rajonal. Dhe më vonë, në aeroportin e Berlinit, Schönefeld, u desh që shokët të më prisnin në mes të natës dhe të më çonin vetë në spital, sepse ambulanca e porositur në Berlin nuk kishte të drejtë të merrte një pacient në Landin e Brandenburgut, ku ndodhet aeroporti i Schönefeldit.

Kriza financiare i bën ta pazëvendësueshëm të afërmit

Po unë doja dhe duhet të shkoja në Berlin. Tri ditë në spitalin grek më bindën që operacionin ta bëj në Gjermani. Megjithë shkollimin e shkëlqyer të mjekëve, për të cilët pata dëgjuar vetëm gjëra të mira, më frikësuan pasojat e krizës financiare greke në sektorin e shëndetësisë. Personeli i paktë merrte përsipër të gjitha detyrat, jo vetëm ato mjekësore, por edhe pastrimin, dhe qe i mbingarkuar përtej kufijve.

Shpesh mungonin mjetet më të thjeshta të ndihmës, si karriget me rrota, patericat, fashot. Kur nuk ecje dot si pacient, të vinin automatikisht një kateter dhe të jepnin antibiotikë, po të mos kishe me vetë të afërm, të cilët të të ndihmonin në banjë. Një ngushëllim qe ushqimi. Dy herë në ditë të jepnin ushqim të ngrohtë shtëpie. Edhe pas operacionit, të afërmit janë të pazëvendësueshëm. Anëtarët e familjes jetonin me të sëmurët e tyre në krevate portative dhe në karrige të parehatshme, i furnizonin ata 24 orë në ditë dhe blinin për ta medikamente dhe gjëra të tjera të nevojshme në qytet. Personeli i mbingarkuar ishte i dekurajuar, pa durim dhe jo shumë miqësor.

Spitalet si sipërmarrje

Kur mbërrita në një spital të Berlinit e ndieva veten sikur të kisha mbërritur në parajsë. Personel miqësor, i gatshëm për ndihmë, me  durim. Kirurgë tepër të specializuar, që vinin dy herë në ditë për vizitë. Infermiere dhe infermierë, të cilët kujdeseshin me përkushtim të theksuar për pacientët e tyre, megjithë mungesat në infermierë të rinj. Dhe kishte fizioterapetë, masazhistë, personel pastrimi dhe ndihme: çdo ditë të jepnin këmisha nate të pastra, çarçafë e këllëfë të pastër, peshqirë, peceta rrobe për t’u larë. Për çdo pacient: një telefon, televizor, karrige me rrota, paterica. Çaj dhe kafe pa ndërprerje. Madje pranë ishte edhe një kafene.

Problemet e para nisën me ushqimin. Vaktet silleshin nga një shërbim Catering. Ai me sa duket nuk ia kishte haberin as rregullave të ushqimit për të sëmurët, as entuziazmit për të gatuar. Ushqimi vetë nuk e mbështeste patjetër procesin e shërimit.

Infermieret të këshillonin që të ankoheshe. Pacientët janë klientë. Dhe klienti është mbret. Spitali është një sipërmarrje që duhet të nxjerrë fitim.

Në rrugë të gabuar

Po ku ta çosh një pacient pas një operacioni të rëndë të këmbës, kur në shtëpi ai nuk kujdeset dot për vete, por nuk i ka mbushur as 75 vjeç? Unë rashë në një boshllëk në sistem dhe u ktheva në një paciente, që refuzonte të largohej nga spitali, për aq kohë sa për të nuk qe gjetur një zgjidhje. Në minutën e fundit pastaj u gjet një zgjidhje. Më çuan në një pavion të përkujdesjes së përkohshme. Spitalet janë të detyruara t’u kushtojnë vëmendje pacientëve. Dhe kur pacienti ngul këmbë, për përjashtime gjenden edhe zgjidhje të veçanta.

Po më duket se askush që punon në mënyrë aktive për shërimin në sektorin e shëndetësisë, qofshin mjekët, infermieret, infermierët dhe personeli tjetër nuk është dakord, që pacientët të trajtohen si klientë dhe që spitalet të shndërrohen në sipërmarrje fitimi. Ndoshta do të ishte e dobishme që të intensifikohet komunikimi, kohezioni dhe solidariteti midis të sëmurëve, persona në nevojë për ndihmë dhe ekipeve të mjekëve. Sepse në fund të fundit, pacienti duhet të ndihet i pranuar me hallet dhe mundimet e tij dhe të mos e humbasë besimin, ajo që ka rëndësi parësore është shërimi i tij. Sepse kudo në BE bëhen përpjekje që të arrihet efikasitet dhe përfitim për shoqërinë. Në shëndetësi dhe në vende të tjera. Por në këtë kuadër, mirëqënia e individit nuk duhet të vijë në radhë të fundit dhe të sakrifikohet për hir të detyrimit për fitim.

Carmen Francesca-Banciu është shkrimtare rumuno-gjermane dhe docente. Ajo jeton si autore në Berlin dhe jep seminare për “Shkrimin kreativ”. Nga viti 1996 ajo shkruan edhe në gjuhën gjermane.

Mot i pazakontë në Evropë, ndërmjet stuhive dhe të nxehtit rekord

Periskopi.com Lajme

Veriun e Evropës e përfshin përmbytjet e stuhitë, ndërsa në perëndim të nxehtit arrin nivele rekorde.

Evropa vazhdon të jetë e përfshirë nga temperatura të larta dhe stuhive me përmbytje jo të zakonta në këtë fundmaj.

Në Paris banorët mezi po gjejnë vende për t’u freskuar në temperatura korriku që arrijnë 35 gradë celcius. Temperaturat arritën në 35 gradë celcius, kur mesatarja e kësaj periudhe është 10 gradë më poshtë.

Siç raporton “Abcnews”, stuhi të pazakonta goditën Moskën orëve të fundit, duke u marrë jetën 12 personave e duke lënduar 125 të tjerë.

Në spital për të marrë ndihmë u paraqitën edhe 17 fëmijë. Erërat që arritën një shpejtësi prej 80 km/orë përmbysën makina e thyen pemë. Nëpër aeroporte u anuluan fluturimet. Autoritetet thanë se stuhia e pazakontë shkaktoi në një ditë të njëjtin numër viktimash që kanë shkaktuar të gjitha stuhitë e 20 vjetëve të fundit në Moskë.

Stuhi e përmbytje pati edhe në shumë qytete të Gjermanisë, ku jo më larg se të hënën temperaturat arritën në 34 gradë.

Edhe në Zvicër temperaturat e larta kanë shënuar rekord gjatë fundjavës, që janë të pazakonta në muajin maj, ndërsa gjatë javës pritet temperaturat të bien dhe të ketë stuhi me vetëtima.

Mot i pazakontë në Evropë, ndërmjet stuhive dhe të nxehtit rekord

Kundër demokracive hibride mbetet vetëm Rruga

Ivan KRASTEV Opinione

Nëse doni të kuptoni çfarë po ndodh në Europën Qendrore dhe pse mijëra të rinj janë lëshuar në rrugët e Budapestit, Bukureshtit, Bratislavës apo Varshavës, e vetmja gjë që duhet të bëni është shihni filmin 25 minutës të Kristof Deak “Këndo”, fitues i Oskarit të këtij viti për filmin për të mirë të shkurtër në kategorinë live-action.

Historia zhvillohet në Budapest në fillim të viteve ’90. Zsofi, një vajzë e re, sapo ka mbërritur në një shkollë të re dhe është e gëzuar nga shansi për të kënduar në korin e shkollës që ka marrë çmim. Erika, mësuesja e muzikës, e lejon Zsofinë t’i bashkohet korit, por i kërkon asaj që thjesht të hapë gojën pa kënduar sepse ajo nuk është ende aq e aftë.

Zsofi bie dakord. Por kur shoqja e saj e ngushtë mëson për këtë marrëveshje të bërë, ajo takohet me mësuesen që i thotë se është në interesin e të gjithëve që vetëm më të mirët të këndojnë; kori po konkurronte për një udhëtim në Suedi. Siç del në pah, Zsofi nuk është e vetmja pjesëtare e korit të cilën Erika e ka bërë të këndojë pa zë.

Strategjia fituese e mësueses është të lejojë vetëm disa të këndojnë, më të talentuarit. Gjithsesi, Zsofi dhe shokët e saj nuk duan të jenë pjesë e saj. Ditën e konkursit të gjithë studentët vetëm sa hapin gojën dhe nuk këndojnë asnjë notë. Ata nisin të këndojnë seriozisht vetëm kur Erika e turpëruar largohet nga skena.

Në Hungari, demokracia e kontrolluar hibride e kryeministri Viktor Orban, një stil qeverisjeje që po njeh rritje popullariteti në Europën Qendrore, i ngjan korit të Erikës. Nën këto regjime, qytetarët shkojnë rregullisht në kutitë e votimit dhe zgjedhjet janë të lira, ndonëse jo gjithnjë të ndershme; por është qeveria që vendos kush ka të drejtë të ngrejë zërin për problemet e tij. Në vitet ’90 të rizgjidheshe ishte gjë e rrallë në këtë rajon; në këto vitet e fundit qeveritë rrallëherë i humbasin zgjedhjet edhe pse shumica e qytetarëve shprehin hapur pakënaqësi për mënyrën sesi qeverisen.

Kriza financiare e vitit 2008 shpjegon pjesërisht përhapjen e demokracisë hibride në Europën Qendrore. Të goditura ekonomikisht nga kriza dhe të kufizuar nga rigoroziteti i BE-së në financimin e përpjekjeve për ringritjen e ekonomive të tyre kombëtare në krizë, partitë qeverisëse janë përqendruar në kontrollin e medias si një mënyrë për të rritur pushtetin e vet. Nëse në Itali, Silvio Berlusconi ishte modeli i përdorimit të perandorive mediative për të ndërtuar pushtet politike, në Europën Qendrore partitë qeverisëse përdorin pushtetin politik për të ndërtuar perandori mediatike.

Modeli ka qenë i thjeshtë: qeveria ideon skema që të kanalizojë paratë publike apo të BE-së drejt pronarëve të grupeve mediatike “miq” që mbështesin qeverinë dhe sulmojnë kritikët e saj. Këto organizata mediatike që janë kritike ndaj qeverisë nuk përfitojnë nga paratë e saj.

Për të shmangur rrezikun e sulmit dhe akuzave për korrupsion(apo të paktën keqmenaxhim) partitë në pushtet marrin kontrollin e gjyqësorit dhe i deklarojnë organizatat joqeveritare të angazhuara kundër korrupsionit, si armiq të popullit.

Siç i tha një hungarez së fundmi David Frum të “The Atlantic”, “përfitimi nga kontrolli i shtetit modern është më pak pushtet dhe forcë për të persekutuar të pafajshmit, aq më shumë pushtet ke për të mbrojtur fajtorët”.

Por modeli i demokracisë së menaxhuar nga korrupsioni krijon probleme të vetat. Në shoqëri ku liderët politikë kanë frikë se humbja e zgjedhjeve mund të rezultojë në burgosje, çdo shprehje dobësie vihet re dhe çdo iniciativë publike shihet me dyshim. Kështu që I vetmi mjedis për zërin e qytetarëve është rruga. Kjo është arsyeja se përse në të gjithë Europën Qendrore të rinjtë po protestojnë me zë të lartë.

Në fillim të këtij muaji në Hungari u zhvillua protesta më e madhe publike në 7 vjet, që nga koha kur partia “Fidesz” e Orban erdhi në pushtet. Ajo erdhi në kundërpërgjigje të nismës legjislative që synon mbylljen e Universitetit të Europës Qendrore. Mijëra njerëz iu bashkuan një “marshimi paqësor për qeverinë, Rusinë dhe kundër ço gjëje tjetër”, organizuar nga partia satirike Qeni me Dy Bishta. Demonstruesit kërkonin me ironi “më shumë Rusi” dhe “dy Orbanë”.

Në Sllovaki, protestuesit e rinj kërkuan dorëheqjen e ministrit të Brendshëm që e akuzojnë për korrupsion. Në Rumani, demonstrata masive e bllokuan planin e qeverisë për amnisti për politikanët e dënuar për korrupsion. Ndërkohë në Poloni, kundërshtarët e partisë në pushtet, Ligj dhe Drejtësi, janë në protesta në rrugë qëkurse qeveria u përpoq të zgjaste kontrollin e saj mbi Gjykatën e Lartë dhe i deklaroi luftë medias së pavarur në vend.

Shumica e këtyre protestuesve janë shumë të rinj. Ata nuk kanë një ideologji të përbashkët, por vetëm frustrim dhe inat. Do të ishte e gabuar të krijonim ide shumë romantike mbi ta, por është e shëndetshme të thuhet se në ndryshim nga breza të mëparshëm, por ata nuk kanë ndërmend të qëndrojnë në skenë dhe të hapin gojën e tyre me një shpresë të kotë për përfitime sociale modeste. Ata duan të këndojnë (se çfarë ne nuk mund të jemi të sigurtë).

Sigurisht që partitë qeverisëse mund të vendosin të injorojnë protestën e të rinjve. Realiteti në Europën Qendrore është i tillë falë uljes së lindshmërisë de emigrimit, të rinjtë janë një minoritet i vogël në zvogëlim. Sipas raportit të vitit 2016, të financuar nga qeveria, 1/3 e hungarezëve të moshës 18 – 29 vjeç e konsideron largimin nga vendi. Rreth 500 mijë hungarezë kanë lënë vendin tashmë qëkurse Orban erdhi në pushtet.

Por ndërkohë që injorimi i kërkesave të rinisë duket të jetë një stratagjemë premtuese elektorale – është më e lehtë të luhet me frikërat e brezit më të vjetër sesa të kënaqësh shpresat e brezit të ri. Kjo është vetëhumbëse qoftë në planin social, por edhe atë ekonomik. Të rinjtë do ta gjejnë një mënyrë për të kënduar.

Marrë nga NYT – Përktheu: Respublica

 

 

Raporti i Këshillit Evropian tregon si po e përdor Kremlini mafian ruse në Evropë

Periskopi.com Lajme

Në një raport të ri thuhet se grupet mafioze ruse po veprojnë në Evropë në emër të Kremlinit. Thuhet se zyrtarët në Moskë e përdorin krimin e organizuar edhe për sulme kibernetike.

Tensionet mes Moskës dhe Perëndimit kanë shpërthyer pas aneksimit të Krimesë nga Rusia në vitin 2014, kur Kremlini ka intensifikuar edhe përpjekjet për shtimin e ndikimit jashtë vendit. Përveç punës së shërbimeve të saj të sigurisë, Moska ka përdorur edhe rrjetet ruse të krimit të organizuar në Evropë, si një mjet të ri në këtë konflikt, thuhet në një studim të publikuar nga Këshilli Evropian për Marrëdhëniet me Jashtë (ECFR), një organizatë e cila i ka zyrat e saj në mbarë Evropën.

Në raport thuhet se ekziston një lidhje e ngushtë midis aparatit të sigurisë shtetërore në Kremlin, të përbërë nga Shërbimi Informativ për Botën e Jashtme, Shërbimi Informativ Ushtarak dhe Shërbimi Federal i Sigurisë (FSB), si dhe grupeve kriminale të organizuara ruse aktive në vendet evropiane.

Për më tepër, Kremlini shpesh i detyron këto grupe që të veprojnë në emër të tij. “Shteti rus është shumë i kriminalizuar, ku krimi dhe “nëntoka” kanë një influencë të madhe”, thuhet në studimin e ECFR.

Krimi kibernetik dhe propaganda

Bota e krimit, politikës, biznesit dhe shërbimeve të sigurimit të shtetit në Rusi kanë vendosur lidhje të ngushta mes tyre në vitet 1990, tha për DW autori i raportit dhe një nga ekspertët kryesorë të çështjeve të sigurisë në Rusi, Mark Galeotti.

Pasi ardhjes së Vladimir Putinit në postin e presidentit, në vitin  2000, struktura e ndërlidhjeve ka ndryshuar dhe elitat politike filluan të përdorin botën kriminale në dobi të tyre, thuhet në raport. Sipas këtij burimi, “gangsterët mund të vazhdojnë të jenë gangsterë pa pasur frikë, por vetëm për aq kohë sa e kuptojnë dhe pranojnë se shteti është banditi kryesor në qytet”.

Sipas studimit, ky rregull ishte i shtrirë dukshëm në të ashtuquajturën mafia ruse në Evropë, e cila është përdorur nga autoritetet në Moskë për qëllime të ndryshme, duke përfshirë edhe sulmet kibernetike, trafikimin e njerëzve dhe mallrave, e madje edhe kryerjen e vrasjeve në emër të Kremlinit. Grupet ruse të krimit të organizuar mund të shërbejnë gjithashtu si një burim i parave të gatshme të zeza për autoritetet e Moskës. Në raste të tilla, shërbimet ruse të sigurisë mund të lehtësojnë kontrabandimin e mallrave përgjatë kufirit në këmbim të një përfitimi.

Një shembull tjetër i bashkëpunimit të mundshëm midis zyrtarëve më të lartë në Moskë dhe kriminelëve rusë në Evropë të përshkruar nga Galeotti, i cili punon si studiues i lartë në Institutin e Marrëdhënieve Ndërkombëtare në Pragë, daton që nga viti 2010, kur një skandal i pashembullt spiunimi midis Rusisë dhe SHBA zuri vend në kryetitujt e gazetave në mbarë botën.

Agjentët Anna Chapman dhe nëntë anëtarë të tjerë të një rrjeti rus spiunesh, të zbuluar nga autoritetet amerikane, u shkëmbyen me katër agjentë amerikanë. Por anëtari i 11-të i dyshuar i këtij rrjeti rus, Christopher Metsos, u zhduk pa lënë gjurmë, pasi u arrestua në Qipro dhe u lirua me kusht. Galeotti tha se disa oficerë amerikanë të kundërzbulimit, të cilët i kishin folur atij në kushte anonimiteti, besonin se grupet kriminale ruse e kanë trafikuar Metsosin fshehurazi në Rusi.

Lidhjet e fshehta të Rusisë

Nga bisedat jo zyrtare me autoritete evropiane të sigurisë si dhe disa kriminelë në Evropë dhe Rusi, Galeotti ka mësuar se ekziston një ndërlidhje e ngushtë mes Kremlinit dhe grupeve kriminale të organizuara ruse. Vendet më të zakonshme për këto grupe kriminale janë vendet ku ka komunitete të mëdha ruse, si në jug të Spanjës, në Greqi ose Letoni, si dhe në vendet ku ka sasi të mëdha trafikimi të njerëzve, drogës dhe mallrave, siç është Berlini. Ndryshe nga 20 vjet më parë, grupet kriminale ruse në Evropë tani nuk veprojnë në rrugë. Ato veprojnë tani si aleatë, lehtësues dhe furnizues për bandat lokale evropiane dhe rrjetet kriminale në mbarë kontinentin. Për shembull, afërsisht një e treta e heroinës që arrin në Evropë, vjen nëpërmjet bandave ruse, tha Galeotti.

Një tjetër ekspert për krimin e organizuar rus, Walter Kegö nga Instituti për Politikat e Sigurisë dhe Zhvillimit në Stokholm, thotë se grupet mafioze ruse në Europë preferojnë të qëndrojnë në hije. Kegö për DW thotë se mafia ruse ka një ndikim të madh jo vetëm në botën kriminale, por edhe në politikë. “Nuk ka dyshim se ata janë përdorur nga zyrtarë të lartë në Kremlin për të bërë gjëra të caktuara, edhe pse jo tërë kohën”, tha ai.

Ndërsa Galeotti shton se ky lloj bashkëpunimi i mundëson Rusisë që të maskojë çdo lidhje të drejtpërdrejtë me zyrtarët në Moskë. Bandat, të cilave u drejtohet Kremlini, ende kanë pasuri apo njerëz të tyre në Rusi, që do të thotë se autoritetet e sigurisë kanë ndikim mbi to, thotë Galeotti dhe shton: “Kohë pas kohe Kremlini u drejtohet gangsterëve dhe në thelb Kremlini bën kërkesa të cilat gangsterët nuk mund t’i refuzojnë”./DW

Parashikoi fitoren e Trumpit, tash ka një parashikim për Francën: Evropa do të tronditet

Periskopi.com Lajme

Analisti i njohur Charles Gave që parashikoi fitoren e Donald Trump në SHBA kur askush nuk e mendonte, thotë se Marine Le Pen do të fitojë në zgjedhjet e Francës.

Charles Gave, thotë se Le Pen do të dalë fituese.

Rundi i parë i votimeve do të mbahet këtë të diele derisa dy kandidatët e parë do të ballafaqohen në balotazh më 7 maj.

Kandidatja e ekstremit të djathtë në sondazhe është shumë afër Emmanuel Macron, i cili prinë. Ndërkohë kandidati konservator Francois Fillon është pak pas Le Pen, megjithëse u godit së fundi nga një skandal korrupsioni.

Mikrobi që ushqehet me mish njeriu po përhapet me shpejtësi, refugjatët e ‘sjellin’ në Evropë

Periskopi.com Lajme

Një mikrob që ushqehet me mishin e gjallë të njeriut, i shfaqur fillimisht në territoret e kontrolluara nga ISIS-i, po përhapet tashmë nëpër gjithë Lindjen e Mesme.

Leshmanoza e lëkurës është një sëmundje parazitare që çon në shpërfytyrimi dhe dëmtimin e rëndë të lëkurës, shpesh në fytyrë dhe përhapet nëpërmjet mizave të infektuara të rërës.

Dyshohet se të prekur nga kjo sëmundje janë me mijëra persona, përfshirë refugjatët që ndodhen në Europën Jugore, që mund ta kenë ende në gjendje inkubatore.

Organizata humanitare kurde, Gjysmëhëna e Kuqe, deklaroi se kjo sëmundje është përhapur për shkak të kufomave të lëna nëpër rrugë nga luftëtarët e Shtetit Islamik, por tashmë mendohet se shkaku kryesor i përhapjes është mungesa e qendrave mjekësore në territoret e kontrolluara nga ISIS.

Ëaleed Al – Salem, nje doktor shkolla e Mjekësisë Tropikale në Liverpool tha se situata është shumë e rëndë. Sipas tij, kjo sëmundje po përhapet në mënyrë dramatike në Siri, por edhe në vende të tjera si Irak, Liban, Turqi, e madje edhe në Europën Jugore, për shkak të ardhjes së emigrantëve.

“Ka me mijëra raste në këtë rajon, por vijon të nënvlerësohet pasi askush nuk është në gjendje të përllogarisë numrin ekzakt të personave të prekur”, shkruan standard.al. Kur njerëzit pickohen nga miza e rërës, të cilat janë më të vogla se një mushkonjë, duhen 2 deri në 6 muaj që ky infeksion të shfaqet.

Erdogan: Evropa do të paguajë rëndë çmimin e saj

Presidenti i Turqisë, Recep Tayyip Erdogan tha sot se Evropa ndodhet në një situatë ku ka marrë fund, të rraskapitur, por do të paguajë rëndë çmimin e saj.

Periskopi.com Lajme

“Në këtë proces është shkatërruar gjithçka që kanë pretenduar se kanë mbrojtur për shekuj. Duhet të dini si të tillë, se sot përpara syve të miliarda njerëzve Evropa është qendra e presionit, dhunës, nazizmit dhe jo e demokracisë, e të drejtave dhe lirive të njeriut. Partitë raciste po i përdorin në majë të gishtave liderët evropianë dhe qeveritë evropiane. Tashmë Evropës nuk i ka mbetur asnjë fjalë që të shprehet, as kundër botës dhe as kundër nesh. Përballë nesh ka një kontinent të kalbur në çdo aspekt”, tha Erdogan.

Erdogan shtoi se përpara Parlamentit zviceran, “hapën një pankartë të madhe, ku mbi të ndodhej fotografia ime dhe një armë që drejtohej mbi të. Shprehjet ‘vrisni Erdoganin‘ kë do vrisni? Ne kur jemi nisur në këtë udhë kemi veshur qefinin. Ne kemi besuar se ka një fat mbi fatin, gjë e cila tek nuk ekziston”.

Lamtumirë roaming në Evropë!

Parlamenti Evropian ka miratuar hapin e fundit drejt heqjes totale të shpenzimeve të Roaming.

Periskopi.com Lajme

 

Marrëveshja formale është arritur mes Parlamentit, Këshillit dhe Komisionit Evropën që në shkurt mbi çmimet e shitjes me shumicë që operatorët aplikojnë mes tyre për të ofruar shërbimin roaming.

Marrëveshja është aprovuar me 549 vota pro, 27 kundër dhe 50 abstenime. Kjo ishte pengesa e fundit për të ndaluar kostot shtesë kur del jashtë shtetit, që do të hyjë në fuqi më 15 qershor.

Konsumatorët mund të telefonojnë, dërgojnë mesazhe dhe të përdorin të dhënat e rrjetit teksa ndodhen në shtete të tjera të BE-së pa paguar tarifa shtesë.

NATO dhe Rusia shkëmbejnë informacione për lëvizjen e trupave në Evropë

Sekretari i Përgjithshëm i NATO-s, Jens Stoltenber deklaroi se Aleanca Veri-Atlantike dhe Rusia vazhdojnë të mbeten në konflikt kur bëhet fjalë për situatën në Ukrainë, por kanë shkëmbyer informacione për lëvizjen e trupave të tyre në vendet tjera të Evropës, në mënyrë që të ulin tensionet.

Periskopi.com Lajme

Stoltenberg tha se ka insistuar që Rusia “të shfrytëzojë ndikimin e saj të rëndësishëm në mesin e militantëve” në Ukrainën lindore, që t’i detyrojë të respektojnë obligimet në lidhje me ndërprerjen e konfliktit.

Evropa mbushet me mish të kalbur nga Brazili

Autoritetet braziliane kanë pezulluar 33 zyrtarë të qeverisë pas investigimit të zbuluar se disa nga prodhuesit më të mëdhenj të mishit në vend kanë shitur prej vitesh mish viçi dhe pulash të kalbur.

Periskopi.com Lajme

Tre impiante përpunimi të mishit janë mbyllur ndërsa 21 të tjera janë nën shqyrtim. Shumë prej këtij mishi që prodhohej nga kompanitë eksportohej në Evropë dhe në vendet e tjera të botës. Brazili është një nga eksportuesit më të mëdhenj të mishit të kuq. Ministri i Bujqësisë, Blairo Maggi pritet të takojë ambasadorët e jashtëm të hënën për të risiguruar ata me qëllim që të parandalohen sanksionet kundër eksportit të mishit brazilian.

Operacioni u ndërmor në orët e hershme të së premtes në 6 shtete të Brazilit pas një hetimi dyvjeçar Policia federale ushtroi kontrolle në 194 zona dhe në këtë operacion u angazhuan 1000 oficerë. Sipas hetimeve disa nga menaxherët e këtyre kompanive kanë korruptuar inspektorët dhe politikanët për të siguruar certifikimin e qeverisë për produktet e tyre.

Më shumë se 30 kompani akuzohen për mungesë higjiene, mes tyre është dhe “JBS”, një prej eksportuesve më të mëdha në botë të mishit të viçit dhe “BRF”, prodhuesja më e madhe në botë për produktet me pulë. Policia federale e Brazilit thotë se ka prova për të paktën 40 raste.

“Ata përdornin acid dhe kimikate të tjera për të maskuar produktet e tyre. Në disa raste produktet që ata përdornin ishin kancerogjene” deklaroi policia shkruan “BBC”.

Në raste të tjera ata përdornin patate, ujë apo dhe karton përzier me mishin e pulës me qëllim që të rrisnin përfitimet. “JBS” përmes një deklarata tha se kishte zbatuar të gjitha standardet e cilësisë por dhe rregullat sanitare, shkruan BBC.

Ajo konfirmoi operacionin e kontrollit por tha se asnjëri prej drejtuesve kryesore të ekzekutivit nuk ishte objekt hetimi “BRF” deklaroi se po bashkëpunonte në hetim dhe mohoi të kishte shkelur rregullat.

Prokurorët deklaruan se një pjesë e parave ryshfet i ishte dhënë dy partive të koalicionit qeverisës,Partisë Progresit dhe partisë së Presidentit brazilian Michel Temer, PMDB. “JBS” ka të ardhura neto prej 55 miliardë dollarë ndërsa eksporton në 150 shtete.

 

 

 

Paralajmërimi turk për Evropën: Së shpejti lufta fetare

Kryediplomati turk deklaroi se mes Ruttes dhe kandidatit humbës të ekstremit të djathtë, Geert Wilders, të cilin ai e quan “fashist``, nuk ka ndonjë ndryshim të madh ndërsa shtoi se Europa mund të bëhet shumë shpejt pre e luftërave fetare.

Periskopi.com Lajme

“Në ç’drejtim po shkoni, ku po e tërhiqni Europën? Ju po e çoni drejt kolapsit, drejt buzës së greminës. Së shpejti në Evropë do të nisin luftërat fetare”, u shpreh Mevlut Cavusoglu.

Mosmarrëveshjet me Ankaranë, pasojë e ndalimit të tubimeve elektorale të dy ministrave turq në Hollandë, u kthyen në kapital politik për Rutten. Partia e tij popullore për liri dhe demokraci siguroi 33 vende në Parlament, duke mposhtur partine për liri të Wildersit, e duke i dhënë një frymëmarrje të re kontinenti të vjetër të përballur me një dallgë populizmi në rritje, transmeton tch.

Të enjten, Rexhep Tajip Erdogan deklaroi se Rutte fitoi zgjedhjet, por humbi miqësinë e Turqisë. Presidenti turk dënoi ashpër dhe vendimin e Gjykatës Europiane të të drejtave të Njeriut që lejon kompanitë t`ua ndalojnë punonjësve të tyre mbajtjen e shamisë së kokës.

“Turp t’i vije BE-së, me gjithë parimet, vlerat dhe drejtësinë e saj. Ata kanë nisur një konflikt mes kryqit dhe gjysmëhënës së Islamit, se nuk ka shpjegim tjetër”, ishte komenti i Erdoganit.

Këto janë kombet më depresive në Evropë

Sipas të dhënave të fundit zyrtare, hungarezët janë kombi më depresiv në Evropë, derisa çekët janë më pak të prirë për depresion.

Periskopi.com Shëndeti

Të dhënat e Zyrës për statistika të Islandës tregojnë se nëntë për qind e popullsisë së këtij vendi vuajnë nga depresioni, transmeton KosovaPress. I njëjti burim pohon se personat e gjinisë femërore në këtë vend janë më depresive sesa meshkujt, derisa personat e rinj të gjinisë femërore në Islandë më së shumti janë të goditura nga depresioni.

Sipas hulumtimit më të ri të Anketës evropiane të shëndetësisë (EHS), islandezët janë kombi i katërt për nga depresioni në Evropë.

Në Hungari, ndërkaq, e cila prin në listë, janë 10 për qind e njerëzve të prekur nga kjo sëmundje e “kohës moderne”.

Në mesin e vendeve evropiane me përqindje më të madhe të popullatës, të cilët vuajnë nga depresioni, ndodhen edhe Portugalia, Suedia, Gjermania, Luksemburgu dhe Britania e Madhe.

Nga ana tjetër, vendi me më së paku persona të prekur nga depresioni është Çekia, me rreth tre për qind të banorëve të prekur nga kjo, që pasohet nga Sllovakia, Kroacia, Lituania dhe Italia.

Evropa ime është great

Anë e mbanë flitet për shpërbërje, edhe Evropa me sa duket kërcënohet prej kësaj. Jagoda Marinic shpreson, që BE-ja të ndërgjegjësohet për forcën dhe madhështinë e saj si një bashkësi e shteteve dhe popujve.

Jagoda Mariniç Opinione

Unë nuk e di, se si Evropianët arrijnë të mendojnë, që tani u duhet të orientohen nga Trumpi. Në të mirë e në të keqe. Tifozët e kandidatit socialdemokrat për kancelar, Martin Schulz faktiksiht mbajnë pankarta #MEGA: Make Evrope Great Again. Me këtë ata jo vetëm që e grenë lart fushatën e shumë kritikuar të Trumpit, por dëmtojnë edhe pllakatën elektorale të Obamas, në të cilën shkruhej HOPE. Me këtë demonstrohet mungesa e ideve – sikur me ato që vijnë nga SHBA-ja mund të bëje një “copy & paste”.

Mua nuk mund të më akuzosh për antiamerikanizëm, edhe pse unë shpesh e kritikoj SHBA-në. Pasojat e kapitalizmit dekadent, janë menaxhimi i kohës në SHBA, që synon ta bëjë të dobishme çdo sekondë, me ushtrinë e shpëlarjes së trurit me ata që duan të bëhen star, të cilët një minutë prezantim në një spektakël talentesh e konsiderojnë si endrrën amerikane, e të gjitha këto. E megjithatë shumë prej njerëzve më të rëndësishëm për mua, artistë e mendimtarë vijnë nga SHBA-ja. Ose ndodhen në SHBA, sepse atje puna e tyre vlerësohet. Po, unë i njoh amerikanët në SHBA, që mund të tregojnë me gisht drejt Rumanisë dhe që nuk janë injorantë, që nuk do të ishin në gjendje të dallonin ku ndodhet Italia në hartë.

Krahasime që çalojnë

Prej muajsh të ngre nervat rituali i krahasimeve për SHBA-në që ka përfshirë gazetarët, politikanët dhe intelektualët. Ata shprehen papritur, se presidenti më i pasuksesshëm i SHBA-së deri më sot është rreziku më i madh për bashkësinë perëndimore të vlerave. Evropa në pjesën më të madhe shkund kokën nga habia për Trumpin. Për shumë, veçanërisht për Evropianolindorët, Trump është mishërimi i konfirmimit, se vërtetë ekziston amerikani injorant, që mendon, se mund ta sundojë botën pa qenë nevoja të dijë asgjë. Ministri i Financave Schäuble përdor madje çekiçin e madh të krahasimit, sepse është vit elektoral: e shprehet, se krahasuar me Merkelin i vogli Martin Schulz është në thelb si Trumpi – ej ej! Por jo çdo burrë që duket i vetëdijshëm është domosdoshmërisht si Trumpi.

Eshtë koha, që motori i krahasimit të frenohet sërish. Në Gjermani në vitin 2017 konkurrojnë për t’u zgjedhur dy politikanë me përvojë. Një tjetër politikan me përvojë, Frank-Walter-Steinmeier është president. Më pak se kaq Trump s’ka ku të vejë. E nëse kanalet televizive gjermane kanë nevojë për Frauke Petry-n e AfD (parti populiste e djathtë), për të shpjeguar suksesin e Trumpit, atëherë edhe ato nuk e kanë mësuar si duhet krahasimin. Sikur Frauke Petry të kishte për të thënë ndonjë gjë substanciale për SHBA-në apo ta kishte sado pak idenë se ç’kanë në kokë amerikanët në SHBA. Vështruar nga parlamenti i landit të Saksonisë, ku prej saj tashmë prej vitesh pak a shumë dëgjohen të njëjtat tone, më së shumti ajo mund t’ua mbushë mendjen atyre që nuk kanë qenë asnjëherë në SHBA, ose që nuk kanë as televizion me sistemin kabllor, që të mund të tregojnë diçka për SHBA-në.

Fantazma e përçarjes po sillet rrotull

Refreni më i fundit i korit mediatik të krahasimit janë analizat për përçarjen e shoqërisë. E kihet parasysh me këtë ajo pjesë e shoqërisë e velur nga politika, që prej dekadash nuk i drejtohet më kutive të votimit? Apo ata miliona emigrantë, që nuk kanë të drejtë vote? Apo nëntë milionë gjermanët, që kryejnë punë honorifike në ndihmë të refugjatëve e të cilëve tani u duhet të shohin, se si politika lejon që kursin ta diktojnë qytetarët e indinjatës? Në SHBA ka pasur gjithmonë dy parti, që me pak dallim në bindjet e tyre kanë qenë gjithmonë patriote. Në Gjermani ka pasur gjithmonë vetëm patriotë, që për vite me radhë i kanë mbushur mendjen vetes, se këtu në vend nuk ka patriotë. Në Bundestagun gjerman sikurse dihet prej kohësh ka më shumë se dy parti dhe ndërkohë po përpiqet të futet edhe një tjetër.

Në vitin elektoral 2017 ka shumë në nivel federate që duan ta krahasojnë Gjermaninë me SHBA-në: Përçarje! Anë e mbanë dëgjoj për një “përçarje të shoqërisë”! Unë nuk e kuptoj këtë. Ajo që ndërkohë emërtohet si përçarje, është fundi i CDU (Unioni Kristiandemokrat) ashtu siç e njohim ne – pra si përçarës. CDU-ja për vite me radhë i ka veçuar gati njëzet milionë të huajt dhe njerëzit me prejardhje emigracioni nga ata që nuk e kanë këtë prejardhje. CDU-ja në sfondin e problemeve demografike të vendit dhe të atyre që kanë nënshtetësinë gjermane nuk mund ta përballojë më të vazhdojë të ndjekë politikën à la Kohl  kundër emigracionit. Kësisoj papritur zgjedhësit e vjetër nga spektri i djathtë i CDU-së janë shkëputur dhe kanë preferuar të futet nën ombrellën e  AfD. 80 përqind e zgjedhësve gjermanë megjithatë nuk votojnë të djathtën ekstreme. Kjo vlen në shekullin e 21-të edhe nëse nuk votohet për CDU-në. A kemi pra më shumë përçarje se më parë?

“Evropa duhet të rezistojë”

Evropa duhet të bëhet sërish Great prej ndonjë megallomani apo megallomaneje. Shumë Evropianë shohin Trumpin dhe mendojnë: kështu nuk duam të turpërohemi para botës. Evropa e sheh edhe që institucionet amerikane dhe mediet në SHBA mund t’i rezistojnë një sunduesi autoritar. Edhe Evropa tani duhet të rezistojë. Mund të ndodhë, që “America First” të bëjë, ashtu siç thonë humoristët holandezë, që të paktën Evropa të jetë e dyta. E këtë nuk mund ta arrijë një vend i vetëm. Ndoshta Evropa nuk ndodhet para ndarjes. Evropa duhet të sigurohet, se kush e çfarë është në të vërtetë Evropa, në vend që të ëndërrojë për të qenë e madhe duke përdorur frazat boshe elektorale të Trumpit.

Si Evropë ne jemi partner bisedimesh të të njëjtit nivel. Si Gjermani, Slloveni, Spanjë, Rumani, Poloni…jo. Nëse Evropa ka një shkëndijë arsyejeje, atëherë ajo duhet të ndërgjegjësohet tani më fort për të përbashkëtat se sa për dallimet. E pikërisht sepse unë nuk jam infektuar prej ritit të krahasimit, besoj tek kjo arsye e Evropës./Politiko

*Nga Jagoda Mariniç, shkrimtare dhe gazetare gjermano-kroate

Orёt e fatit tё Evropёs

Jo tё gjithё kryeministrat e BE-sё e konsiderojnё si kёrcёnim ekzistencial Trump-in. Uniteti ёshtё tani i vetmi shans i yni, mendon Barbara Wesel.

Barbara WESEL Opinione

Angela Merkel e ka luajtur me menҁuri rolin e saj nё kёtё samit tё rёndёsishёm. Sepse fjalёt e qarta qё Evropa kёrcёnohet prej pushtetit tё Donald Trump-it, siҁ parashtroi nё fillim tё samitit Presidenti i Kёshillit tё Evropёs Donald Tusk, bartin nё vetvete njё farё mase mungesё uniteti. Ndonёse nuk pati rezistencё tё hapur kundёr kёsaj linje tё pёrbashkёt, tek disa Evropiano-lindorё duket tё jetё e zbehtё tendenca pёr tё dalё nё ofensivё tё hapur kundёr Shtёpisё sё Bardhё. Ndaj kancelarja bёri ҁ’ishte e mundur pёr ta ulur temperaturёn emocionale.

Evropa pёrcakton fatin e vet

Lidhur me presidentin amerikan dhe paqendrueshmёrinё e tij, shpёrthimet e tij dhe mungesёn e njohurive pёr politikёn botёrore, Merkel nuk tha asgjё. Ajo e pati kritikuar qartazi vendimin e tij pёr ndalimin e udhёtimit nё SHBA dhe e la me kaq. Sipas saj Evropa duhet tё kёrkojё bashkёpunimin me SHBA bazuar nё vlerat e veta, aty ku ka interesa tё pёrbashkёta dhe pёrndryshe duhet tё varet tek forcat e veta. Kёtё kёshillё u dha kolegёve tё saj kryeministrja mё me pёrvojё nё radhёt e tyre. Kjo ёshtё mёnyra tipike e Merkelit, tё presёsh, tё shohёsh dhe pastaj tё veprosh. Nё sfondin e gjendjes aktuale tё pasigurtё kjo duket mё e menҁur.

Por ndoshta kancelarja gabon me kёtё qendrim, nё njё kohё qё marrёzia po pёrfshin nё masё Uashingtonin. Kur kёshilltarja e presidentit Conway shpik njё masakёr prej migrantёve, qё nuk ka ndodhur kurrё, kemi tё bёjmё me njё shkёputje prej pёrgjejshmёrisё politike. Diҁka e tillё e ka prejardhjen direkt nga kuzhina propagandistike e shtrigave tё fashizmit tё shekullit tё 20-tё. Kjo nuk ka tё bёjё mё me “fake” – kur ёshtё vetёm gёnjeshtёr dhe falsifikim. Duket e dyshimtё, se deri nё ҁ’masё mund tё bihet dakord pёr ndonjё gjё me kёtё qeveri.

E ardhmja e Evropёs ёshtё nё rrezik

Kancelarja e ka tё qartё, se sa e rrezikshme ёshtё gjendja. Por ajo nuk mund t’i imponojё vendeve tё tjera Evropiane mё shumё unitet. Ndaj dhe nё fund ajo pёrmendi mundёsinё, qё mund tё shkohet nё Evropёn e dy shpejtёsive. Pas zgjedhjeve nё Holandё, nё Francё, nё Gjermani e ndoshta edhe nё Itali nё BE do tё merret njё vendim.

Nёse dёshirohet njё e ardhme e pёrbashkёt apo do t’u lihet Trump-it dhe ekstremistёve tё djathtё tё na bindin, se shpёrbёrja e BE-sё dhe ringjallja e nacionalizmit janё njё ide e mirё – kjo do tё vendoset nё 2017. Ndoshta nё fund mbeten njё grup i vogёl vendesh, qё do tё duan tё vazhdojnё tё qendrojnё bashkё. Ndoshta as kjo nuk do tё jetё e mundur. Atёherё Evropa do tё merrte fund, do tё coptohej nё 28 vende tё vogla dhe tё mesme, shanset globale tё tё cilёve janё tё mjerueshme. Fati i tyre kёsisoj nё mёnyrё selektive do tё pёrcaktohet prej Kinёs, Rusisё dhe SHBA-sё, pikёrisht ashtu si e ka pёrshkruar nё njё letёr tё tij drejtuar krerёve tё shteteve dhe qeverive Donald Tusk.

Vetёm bashkё ne mund tё jemi tё fortё …

Apelet pёr unanimitet janё ndёrkohё emёruesi mё i vogёl i pёrbashkёt. Ndoshta duhet tё ndodhё edhe mё shumё nё SHBA, pёr t’ua bёrё tё qartё qeverive Evropiane seriozitetin e gjendjes. Nёse vendet si Polonia apo Italia besojnё, se ato mund tё gatuajnё nё kёtё mes ҁorbёn e tyre, ato gabohen rёndё. Ne si Evropianё do tё mbijetojmё bashkё politikisht, ose do tё dёshtojme bashkё. Ende nuk ёshtё e qartё, se ku do tё ҁon kjo rrugё.

Shokon ambasadori i Trump në Bruksel: BE do të shembet brenda 18 muajsh

Periskopi.com Video

Evropa do të jetë e vetme, e thotë Dijsselbloem

Presidenti i Eurogrupit, Jeroen Dijsselbloem pohoi sot se BE-ja do të jetë e vetme gjatë viteve të ardhshme, pas zgjedhjes së Donald Trumpit President i SHBA-së dhe sipas tij kjo ndoshta është “një mundësi e mirë”.

Periskopi.com Lajme

“Kam arritur në përfundimin se do të jemi krejt të vetëm përgjatë viteve në vazhdim, që mund të jetë një mundësi e mirë”, deklaroi Dijsselbloem në Bruksel, përpara një takimi të Eurogrupit, organ joformal i përbërë nga 19 ministrat e Financave të eurozonës.

“Nisur nga këto pikëpyetje, shprehem ndoshta Evropa ka nevojë për të punuar së bashku”, shtoi ai.

Europa ime: …Atëherë nuk do të ishte më Europa ime

Europa nuk do të ishte ajo që është sot, nëse nuk do të kishte pranuar në të shkuarën miliona refugjatë, shkruan autori i ftuar i Deutsche Welle-s, Krsto Lazarevic në serinë, “Europa ime”.

Krsto Lazarevic Opinione

Idomeni, Gjevgjelija, Preshevë, Rëshke, Tovarnik, Brezhicë – të gjithë janë qytete të vegjël, për ekzistencën e të cilëve deri në verën e vitit 2015 unë nuk dija më shumë, veçse se ato shtrihen në kufijtë e Europës Juglindore. Por pastaj erdhën qindra mijëra vetë nga zonat e luftës, Siri, Irak dhe Afganistan. Si reporter shihja të njëjtat skena. Mijëra vetë të lodhur, të uritur, të sëmurë, por gjithë shpresë për një të ardhme në paqe flinin në tokë dhe shtypeshin në trena apo autobusë të tejmbushur. Shumica i hynë një rruge të tillë, sepse vendlindja e tyre ishte shkatërruar nga lufta, apo se në kampet e Libanit, Jordanisë e Turqisë nuk kishte më financime. Tjetra: Sepse me çdo vit që kaloi, ata e humbën shpresën se paqja do të vinte, që ata të ktheheshin.

Për vite bëhej sehir, se si pak qindra kilometra nga kufijtë e jashtëm të Europës në Siri ndodhte një nga katastrofat më të mëdha të refugjatëve pas Luftës së II Botërore, e kjo katastrofë vështrohej, sikur kishte të bënte vetëm me vendet fqinjë të Sirisë. Kur për një kohë të shkurtër u ça një shteg në fortesën Europë, 26 vite pas rënies së Murit të Berlinit u ngritën shpejt gardhe të reja ndarës. Në mes të Europës, mes vendeve anëtare të BE-së. Ky ishte hapi i parë i shpërbërjes së Europës. Nëse Angela Merkeli do të kishte dëgjuar kritikët e saj dhe do të kishte mbyllur kufijtë gjermanë, ky do të kishte qenë një rrezik mjaft serioz për ekzistencën e BE, si e njohim sot. Për fat të mirë ajo nuk e bëri këtë.

Vlera europiane të humbura

Sot Europa është sërish fortesë. Qytetet e vogla përgjatë itinerarit të Ballkanit perëndimor janë harruar. Ata mijëra vetë të ngujuar në të ftohtë, në temperatura minus 15 gradë, pa strehë e ngrohje për opinionin publik në Berlin, Vjenë e Stokholm nuk kanë më shumë vlerë se një njoftim në media.

BE ka pasur dy aleatë të rëndësishëm për të hequr qafe përgjegjësinë për pranimin e refugjatëve – autokratin turk, Recep Tayyip Erdogan dhe Mesdheun. Më së paku 5022 vetë janë mbytur në Mesdhe në vitin 2016. BE e quan sigurim të kufijve, por në realitet është luftë, luftë që ne e bëjmë kundër atyre që duan të hyjnë në Europë. BE pretendon se lufton kriminalitetin e kontrabandistëve, por në realitet ata kërkojnë çmime më të larta, se kurrë më parë. BE krijon ofertën për kontrabandistët, sepse për shumë vetë nuk ka asnjë mundësi legale të vijnë në Europë apo të bëjnë një kërkesë për azil. Kjo nuk ka të bëjë shumë me vlerat europiane të ngritura aq lart. Europa nuk është në krizë, sepse po digjet Siria. Europa është në krizë, sepse populistët e djathtë përpiqen të ringjallin fantazmat e viteve 30-të.

Europa dhe refugjatët

Hannah Arendt kuptoi pas Luftës së II Botërore, se të drejtat e njeriut të miratuara nga Kombet e Bashkuara nuk kanë vlerë në realitet, kur shtetet kombëtare përballen me miliona refugjatë, sepse këta nuk kanë asnjë mundësi për të kërkuar në fakt të drejtat e tyre. Sot ia vlen të lexosh sërsish Hannah Arendt, sepse për mijëra vetë që mbyten në Detin Mesdhe të drejtat abstrakte të njeriut vërtet nuk kanë asnjë vlerë.

Në një kohë që Europa nuk do të ishte sot kjo është, nëse shtetet anëtare të saj nuk do të kishin pranuar pas luftës miliona të dëbuar. Nuk do të ishte kjo që është, nëse pjesa e lirë e Europës nuk do të kishte hapur kufijtë për njerëzit që donin të iknin nga regjimi i socializmit  dhe për refugjatët që donin të shpëtonin nga çmenduria etnosocialiste e luftërave të Jugosllavisë.

Mes Bosnje-Hercegovinës dhe Gjermanisë nuk ka Det Mesdhe, ku mund të mbytesh. Kur familja ime iku nga lufta e Bosnjes, ne nuk duhej të rrezikonim jetën. Në vitin 1990, vetëm Gjermania ka pranuar qindra-mijëra vetë nga ish-Jugosllavia, nga vendet e Traktatit të Varshavës, apo shtetet pasuese të Bashkimit Sovjetik. Kjo nuk e ka bërë Gjermaninë një vend më të keq, por më të mirë.

E tani Europa kërcënon të shpërbëhet, sepse shtetet anëtare me 510 milionë banorë, nuk bien dot në ujdi si të veprojnë me dy milionë refugjatë, kur në të gjithë botën ka më shumë se 65 milionë refugjatë? Nëse e lejojmë këtë, atëherë do të humbasë shumë nga ajo që u arrit pas Luftës së II Botërore dhe rënies së Murit të Berlinit. Atëherë kjo nuk do të jetë më Europa ime.

 

Autori Krsto Lazarevic (27) ka lindur në Bosnje-Hercegovinë dhe si fëmijë erdhi me familjen e tij në Gjermani. Sot ai jeton në Berlin dhe shkruan për media të ndryshme gjermane.

Evropa nuk i duron kritikat e Trumpit për kancelaren Merkel

Kritikat e Donald Trump për Angela Merkel, nuk mund t'i tolerojë Evropa, thotë ministri francez i Financave.

Periskopi.com Lajme

Michael Spain, iu referua kritikave të Trump për Angela Merkel, për te cilën tha se “ka gabuar kur ka hapur kufijtë për refugjatët”.

“Sa më shumë që bën deklarata te tilla zoti Trump, aq më shumë u largohet evropianëve”, tha ai, shkruan Independent.

Trump e ka përshkruar si “gabim katastrofik” politikën e Merkelit për refugjatët./Periskopi

Kapet rrjeti serb në Peru me 2 tonë drogë (Video)

Më shumë se dy ton kokainë u gjetën në Peru të fshehura në kuti shpargjesh të paketuara. Ngarkesa kishte për destinacionin Amsterdamin.

Periskopi.com Lajme

Një serb dhe katër peruanë u vunë në pranga nën dyshimin se ishin ata krerët e rrjetit të narkotrafikut, i cili përdorte biznesin ushqimor për kalimin e lëndëve narkotike. Policia sekuestroi gjatë operacionit blic edhe dy makina tip SUV, 75.000 dollarë kesh si dhe një pistoletë Glock. Të gjitha këto u gjetën në banesën e eksportuesit në periferi të Limas.

Ndërhyrja e policisë erdhi pas një pune të kujdesshme të shërbimeve të inteligjencës që sinjalizuan zhvillimin e aktivitetit kriminal. Rrjeti i drogës besohet të jetë financuar nga dy shtetas serbë, njëri ndër të cilët është edhe personi i vënë në pranga.

“Trafikun e drogës e kanë drejtuar serbët, të cilët ishin dhe financuesit e kësaj veprimtarie. Shtetasi serb që ne kemi ndaluar është një prej krerëve dhe e ka financuar aktivitetin e narkotikëve, ndërkohë që kishin këtu një koordinator kryesor. Pikërisht ky koordinator ishte ngarkuar me grumbullimin e drogës dhe kishte për detyrë të garantonte sigurimin e transportit të saj deri në port”, deklaroi shefi i policisë së Limas, Hector Loayz, transmeton TCH.

Në rrugët e Europës, vlera e kësaj sasie të kapur kokaine do të ishte tejet e lartë.

“Me destinacion Europën, ku në Belgjikë një kilogram e kësaj droge shitet 87,000 dollarë, vlera e gjithë sasisë së sekuestruar do të mbërrinte në 174 milionë dollarë”, tha Loayz.

Trafiku i lëndëve narkotike nga portet peruane është rritur ndjeshëm pas miratimit të një ligji të ri në 2015-n, i cili autorizonte ushtrinë që të qëllojë e të rrëzoje avionët e drogës në xhunglën e vendit.

 

Merkel: Evropa s’e ka të garantuar mbështetjen e Amerikës së Trumpit

Kancelarja gjermane Angela Merkel bëri thirrje për një bashkëpunim më të ngushtë në fushën e Sigurisë dhe të Mbrojtjes mes shteteve anëtare të BE-së.

Periskopi.com Lajme

Duke folur gjatë një ceremonie në Bruksel, ku u nderua me titull nderi nga 3 universitete belge, Merkel tha se ishte e nevojshme të shpenzonin më shumë parà për të mundësuar intensifikimin e bashkëpunimit.

“Një botë e trazuar, konflikte asimetrike, sulme kinernetike. Këto janë sfidat, me të cilat përballemi të gjithë. Kësisoj është e nevojeshme të përgatitemi për të shpenzuar më shumë parà, në mënyrë që të përmbushim përgjegjësitë tona në NATO dhe BE”, tha Merkel.

Pa ia përmendur emrin presidentit të zgjedhur Donald Trump, kancelarja theksoi se nuk ekzistonin garanci të përjetshme për bashkëpunimin e ngushtë me partnerët përtej oqeanit.

“Le të mos gënjejmë veten. Nga këndvështrimi i disa prej partnerëve tanë tradicionale, e po përfshij këtu edhe marrëdhëniet ndërpaqësore, nuk ka garanci të përjetshme për bashkëpunim të ngushtë me ne europianët”, deklaroi më tej Merkel, përcjell TCH.

Në fillim të muajit dhjetor, Bashkimi Europian vendosi për masat e para sa i përket sigurisë së përbashkët dhe politikës së mbrojtjes. Masat po planifikoheshin prej kohësh dhe shihen si një reagim ndaj dashamirësisë së Donald Trumpit për Putinin, si dhe deklaratave të tij për të mos respektuar klauzolën për mbrojtje të përbashkët nëse një shtet i NATO-s do të sulmohej.