Astrit Dehari

EULEX: Autopsia në rastin “Dehari” u bë në mënyrë profesionale

EULEX-i shfrytëzon rastin që edhe një herë t’u shprehë ngushëllime familjes dhe miqve të Astrit Deharit, i cili vdiq derisa ishte në paraburgim në Qendrën e Paraburgimit në Prizren.

Periskopi.com Lajme

EULEX-i thotë se vdekja e një të riu në këto rrethana është me të vërtetë një tragjedi.

“Si pjesë e mandatit të tij, EULEX-i e monitoroi këtë rast dhe beson se hetimet dhe autopsia janë kryer në mënyrë të saktë, profesionale dhe me kujdes, në pajtim me praktikat më të mira evropiane dhe duke i hetuar të gjitha pistat e mundshme. Tri agjencitë përkatëse që kanë qenë të përfshira vazhdojnë t’i përmbushin obligimet ashtu siç pritet nga to. Nga rastet si ky gjithmonë nxirren mësime, ndërsa elementi më i rëndësishëm drejt përmirësimit është vënia në jetë e këtyre mësimeve”, thuhet në komunikatën e EULEX-it.

“Ndonëse rrethanat janë të jashtëzakonshme, institucionet e Kosovës kanë zbuluar se Astriti ka qenë i vetëm në qeli në kohën kur ka ndodhur rasti. Këtë e konfirmojnë incizimet e kamerave të sigurisë dhe dëshmitë e personave të pranishëm. EULEX-i i mbështetë të gjeturat dhe konstatimin logjik të nxjerrë prej fakteve dhe provave të gjetura gjatë hetimeve dhe autopsisë”, thuhet më tej në këtë komunikatë.

Megjithatë, EULEX-i thotë se gjithçka që lidhet me vdekjen e Astrit Deharit duhet të shërbejë për të rikujtuar se megjithëse Shërbimi Korrektues i Kosovës është duke u përpjekur që të bëjë përmirësime, “duhet të bëhet edhe më shumë në të ardhmen për t’i parandaluar incidentet si ky dhe humbje të jetëve tjera”.

“Menjëherë pas këtij incidenti, Ministrja e Drejtësisë e angazhoi EULEX-in për ofrimin e mbështetjes në lidhje me mësimet e nxjerra dhe për përfshirjen e atyre mësimeve në agjendën aktuale të reformave më të gjera në shërbimin korrektues. Ministrja Hoxha kërkoi prej agjencive që t’i paraqesin të gjeturat e tyre, gjë që ato edhe e kanë bërë”, thotë më tej EULEX-it.

 

EULEX-i e përshëndetë theksin e veçantë dhe përmirësimet e iniciuara nga ministrja e Drejtësisë me qëllim të ngritjes së llogaridhënies dhe transparencës në kuadër të sistemit të sundimit të ligjit. EULEX-i është i gatshëm që ta ndihmojë Ministrinë e Drejtësisë dhe institucionet tjera të sundimit të ligjit që të ecin tutje në këtë drejtim.

EULEX

Mbyllet konkursi problematik për gjyqtarë në EULEX

Misioni evropian në Kosovë, EULEX, ka mbyllur çështjen e konkursit problematik, për të cilin u raportua edhe te Federica Mogherini.

Periskopi.com Lajme

Lidhur me këtë temë, krejt çfarë ka mundur t’i thonë KTV-së nga zyra për media e EULEX-it, ka qenë se nuk i komentojnë procedurat e brendshme të përzgjedhjes të stafit.

Megjithatë, kur në fillim të nëntorit KTV raportoi për këtë temë, misioni evropian i komentoi këto procedura, duke mohuar çfarëdo ndërhyrje të mundshme politike në proces.

Njëra nga pyetjet ishte lidhur me gjyqtaren Jennifer Seel, e cila u bë shkaku i anulimit të konkursit të brendshëm.

Seel, siç bëjnë të ditur burime brenda EULEX-it, tani është në mesin e gjyqtarëve të zgjedhur, derisa rikujtojmë se në herën e parë, nuk kishte kaluar intervistën.

Moszgjedhja e saj, u bë shkaku që shteti gjerman të ankohet në Bruksel, e interes kishte treguar edhe ambasada e këtij shteti në Kosovë.

Maria Bamieh

Maria Bamieh flet në mediat botërore për korrupsionin në EULEX

Gazeta britanike, Daily Mail, ka intervistuar ish prokuroren e EULEX-it, Maria Bamieh, e cila kishte akuzuar kohë më parë vet misionin që e angazhoi për korrupsion të brendshëm.

Periskopi.com Lajme

Më poshtë mund ta lexoni të gjithë intervistën dhe shkrimin e bërë në Daily Mail:

15 vjet pas konfliktit, Kosova mbetet një regjion pa ligj, me gangsterë, politikanë të korruptuar dhe kriminel të luftës që kërcënojnë integritetin e kufijve të BE-së.

Avokatja britanike Maria Bamieh iu dha mundësia që të ndihmojë Kosovën në luftën ndaj korrupsionit, transmeton Klan Kosova.

Por Bamieh, vështirë të ketë ditur se shumë shpejtë do të fillonte një hetim për korrupsion ndaj vetë kolegëve të saj – ose që ajo do të largohet menjëherë nga zyra e saj.

Tani, gjashtë vjet pasi pranoi punën, 55 vjeçarja është shprehur se EULEX, ka dështuar që t’i ndjek penalisht dhe në vend të kësaj u ndëshkua ajo pse e tha të vërtetën haptas.

“Kam qenë subjekt e një fushate të viktimizimit dhe karriera ime me EULEX-in ka mbaruar”.

“Në këtë pikë ngriten shumë pyetje për EULEX-in dhe atë se çfarë ky mision ka arritur në këtë gjashtë vjet të ekzistencës së tij dhe sa i ka kushtuar BE-së dhe taksapaguesve britanik”.

“Paratë tona po shkojnë në një mision shumica e stafit punojnë punë të pjesshme, e paguhen me pagë të plotë. Ata largohen të enjten ose të premten në mëngjes, shkojnë në shtëpi dhe rikthehen të hënën në mbrëmje ose të martën në mëngjes”, ka thënë Bamieh për Daily Mail.

Shqetësimi i saj ka tronditur jo vetëm njësinë anti – korrupsion, që deri tani ka shpenzuar 750 milionë euro të BE-së, por nëse akuzat e saj qëndrojnë atëherë BE-në do e përfshinte një skandal i madh korrupsioni.

Veçse ekziston një hetim zyrtar i BE-së për këtë çështje. Shqetësimet e Bamieh kishin arritur kulmin gjatë një hetimi ndaj një shërbyesi të lartë civil në ministrinë e shëndetësisë në Kosovë.

Ilir Tolaj, ishte arrestuar dhe u mbajt në burg pas akuzave që ai kishte kërkuar ryshfet nga kompanitë farmaceutike në këmbim të kontratave zyrtare. Ai kishte kontrabanduar edhe një telefon në qelinë e tij.

“Kisha urdhër të gjykatës për t’ia ndërprerë telefonatat pasi që ai nuk lejohej të ketë telefon. Ne i monitoronim telefonatat”, ka thënë Bamieh.

Si rezultat, të mbledhurat e muajit maj dhe qershor në vitin 2012, ishin shqetësuese.

U bë e qartë se Tolaj kishte marrë telefonata nga njerëz ndërmjetës në mes të tij dhe gjykatësit italian, Franceso Flori, i cili ishte i deleguar i EULEX-it, si dhe shefi i Bamieh, kryeprokurori çek, Jaroslava Novotna.

Ndërmjetësi i kishte thënë Tolajt se gjykatësi italian “do të bënte çdo gjë për ta ndihmuar atë (pra Tolajn), pasi ai meriton të merr këtë ndihmë”.

Bamieh u shqetësua kur kuptoi që edhe ajo vet ishte subjekt i këtyre diskutimeve ilegale. U mësua se gjykatësi italian iu kishte referuar asaj si “person i vështirë” dhe Flori kishte sugjeruar se do e zëvendësonte Bamieh.

Të dy burrat e akuzuar, e kishin korruptuar gjykatësin italian.

“Ata më thanë që i kanë dhënë para Florit dhe një nga familjarët bëri një deklaratë se si ai kishte shkuar në Shqipëri së bashku me avokatin e tij për të negociuar më Florin dhe atyre u kishin thënë se 300 mijë euro janë të mjaftueshme që njëri nga të akuzuarit të lirohet”.

“Por kur raportova se çfarë kishte ndodhur, ajo që u ndëshkua isha unë. U bëra subjekt për një seri hetimesh për gjëra të parëndësishme siç ishte parkingu i veturës. Në realitet, asnjëri nuk u hetua”, u shpreh Bamieh.

Përfundimisht ajo shkoi në një televizion kosovar dhe i shpalosi pretendimet e saj.

Ky mision i BE-së e akuzon atë për shpërndarjen e dokumenteve zyrtare në media, akuzë të cilën Bamieh e mohon.

“Shkova në media pasi historia doli në shesh dhe doja që emri im të pastrohet”.

EULEX ka publikuar një hetim të ri dhe Shefja e Politikës së Jashtme, Federica Mogherini, ka dërguar një avokat për ta mbikëqyrur hetimin.

“Për hir të Zotit, atyre u duhet që ta marrin një avokat që të thotë se si një mision kundër korrupsionit duhet të ballafaqohet me korrupsion. Ata supozohen të jenë shembull për një mision ligji”, është shprehur Bamhie.

Eurodeputeti i partisë laburiste për Anglinë Lindore, Richard Howitt, ka thënë se ka takuar zyrtarë të lartë evropian për këtë çështje.

“Këto akuza janë të besueshme dhe shumë serioze. BE-ja duhet të ketë tolerancë zero për korrupsionin. Mariah Bamieh është lënë shumë keq në baltë”, është shprehur Howitt.

 

http://www.dailymail.co.uk/news/article-2845548/British-fraud-hunter-exposes-EU-staff-anti-corruption-unit.html

 

Astrit Dehari

EULEX-i përkrah Ministrinë e Drejtësisë për masat në shërbimin korrektues

EULEX-i ka shprehur përkrahjen për Ministrinë e Drejtësisë për transparencën dhe llogaridhënien në shërbimin korrektues.

Periskopi.com Lajme

Inspektorati i Ministrisë së Drejtësisë suspendoi drejtorin e burgut të Prizrenit, ku ishte mbajtur i ndjeri Astrit Dehari.

Përveç drejtorit u suspenduan edhe tre zyrtarë tjerë të shërbimit korrektues për neglizhencat procedurale.

EULEX-i me një postim në Twitter ka përkrahur ministren Dhurata Hoxha për transparencën dhe llogaridhënien në shërbimin korrektues.

deshmitari-1200x630

Dëshmitari C për rastin “Drenica”: EULEX-i e montoi deklaratën time, më kërcënuan në emër të Lushtakut (Dokument)

Dëshmitari C në rastin “Drenica”, në një bisedë për Telegrafin thotë se është mashtruar nga hetuesit e EULEX-it që, sipas tij, kundër dëshirës e kanë paraqitur si dëshmitar të akuzës për krime lufte ndaj grupit “Drenica”.

Periskopi.com Lajme

Ai thotë se ka shkuar në EULEX për të ngritur kallëzim penal për rastin e bashkëshortes së tij e cila, në vitin 2000, kishte lindur binjakë që i kishin vdekur dy ditë më vonë. Nga kjo kohë ai thotë se ajo nuk ka mundur më të mbetej shtatzënë.

“Gjatë lindjes mbeti sterile, ndërsa i mbytën dy fëmijët. Prej vitit 2002 vrapoj nëpër gjyqe. Në vitin 2009 mjekët u shpallën të pafajshëm, sepse drejtori i Gjinekologjisë ka qenë deputet i PDK-së”, ka thënë ai.

15086321_10210307698184729_267094297_n

Dëshmitari C thotë se pastaj i është drejtuar organeve të EULEX-it.

“Antoni Roka ka qenë polic i EULEX-it. Më 2010 vjen në shtëpinë time, për rastin e gruas.Fare nuk janë përmendur krimet e luftës”, tha ai. “Në fund të vitit 2010 më kanë telefonuar që të shkoj në Prokurorinë Speciale,prapë për rastin e gruas. E dhashë deklaratën dhe në fund të intervistës kam nënshkruar një letër në gjuhën angleze, të cilën ma ka lexuar paraprakisht përkthyesi. Tre muaj më vonë më thirrën në telefon. Kanë kërkuar të shkoja tek zyrat e EULEX-it. Aty prezent ka qenë Mauricio Salustro”.

Gjatë kësaj bisede për Telegrafin, ai ka treguar se Salustro e kishte pyetur se si janë kidnapuar njerëzit gjatë luftës dhe se kush ka qenë i burgosur në Likoc.

“Në atë moment kam kuptuar se jam mashtruar: kam nënshkruar një dokument ku akuzohen dy persona,Sabit Geci dhe Sahit Jashari. Më kanë thënë se ka edhe persona tjerë. Ata e përmendën emrin e një personi – që nuk mund ta përmendi tash; thanë se e kanë një njeri që ofron dokumente për atë që ka ndodhur në luftë, në Drenicë, porse nuk po guxon me dalë e se u duhet dikush me i lexo ato. Thash që kurrë nuk e pranoj një gjë të tillë. Kur e lexuan një pjesë të deklaratës se çfarë shkruan, jam tmerruar”,thekson Dëshmitari C.

15129890_10210307698104727_861090978_n

“Shkruante kinse kam qenë i burgosur në burgun e Likocit, se më kanë rrahë Sabit Geci e Sahit Jashari;se në prezencë të 300 personave Sabit Geci e ka pre Milan Bullatoviqin. 300 persona paskan qenë të verbër, e veç unë me sy?”!

Zyrtarët e EULEX-it, sipas tij, e kanë kontaktuar sërish për ta nënshkruar deklaratën në shqip, por shton se e ka mohuar një gjë të tillë.

“U thash: në prezencë të gazetarëve, çfarë të dëshironi ju nënshkruaj. Pastaj Salustro tha:‘Shko në shtëpi se emri yt nuk ka me u përmend’”, tha Dëshmitari C, i cili pas këtij rasti nuk ka pasur kontakt me EULEX-in. Por, megjithatë mbeti dëshmitar kyç në rastin e Grupit “Drenica”.

“Pas arrestimit të grupit ‘Drenica’, më thirri në telefon Rexhep Gjota. Ai ka kërkuar nga unë që të takohem me Fatmir Mjakun, i cili është shok i Rrustem Rukollit. Jam takuar me të. Aty Fatmiri më ka thënë se jam dëshmitari kyç në rastin kundër komandantëve. M’i ofruan 350 mijë euro, kinse po më ndihmojnë për ta dërguar bashkëshorten për shërim”, tha Dëshmitari C, i cili thotë se nuk është personi që i ka përjetuar ato tmerre, siç është cekur në deklaratën nga EULEX-i.

15139798_10210307698064726_690892301_n

Sidoqoftë, dëshmia e tij e parë për grupin “Drenica” është bërë në dhjetor të 2014-ës.

“Në këtë seancë kam thënë se nuk kam dhënë deklaratë; se nënshkrimi në përmbajtjen e deklaratës është i imi, po jo edhe deklarata”, thotë ai dhe shton se në mars të vitit 2015, Rexhep Gjota i kishte ofruar banesë në emër të Rrustem Rukollit, me arsyetimin se i ka tre anëtarë të familjes të vrarë në luftë dhe për shkak të rastit që kishte përjetuar ai me gruan e tij.

“I kam marrë çelësat dhe kam thënë se nuk vendosem pa një dokument që është e imja. Jam frikësuar se më fusin në banesën që nuk ka letra,e kur s’ke dokumentacion i be që është e uzurpuar e më dërgojnë në burg. E, vendi më i lehtë për ta zhdukur njeriun është burgu”, shprehet ai, duke thënë se Rukolli pastaj ndërron mendjen për këtë banesë. “Rexhep Gjota ka ardhur në fund të marsit dhe m’i ka kërkuar çelësat e banesës. Tha se Rrustemi u bë pishman. I thash që kurrë çelësat nuk i kthej; se unë nuk e kam kërkuar banesën dhe se çelësat kam me ia dorëzu EULEX-it. Rexhepi pastaj më ka kërcënuar, duke thënë:‘I ke shti fjalët me shtet’.E pyeta kush është shteti. Ai u përgjigj:‘Sami Lushtaku dhe Rrustem Rukolli’”.

Refuzimi i dhënies së çelësave thotë se i ka kushtuar me jetë Dëshmitarit C, sipas të cilit “në korrik të 2015-ës sulmohet fizikisht nga prapa nga disa persona”.

“Në muajin korrik kam shkuar te banesa, si për taksirat, mos e ka ndërruar dikush bravën.Se si kam shpëtuar,kjo është mrekulli. E kam humbur vetëdijen.Pasi jam kthjell e kam parë veten në vaskë. Pastaj jam kthyer në shtëpi.Kam shkuar te mjeku dhe e kam lajmëruar Policinë,të cilët nuk kanë bërë asgjë”, u shpreh Dëshmitari C, duke u shtuar se “pas kësaj rrahjeje qëndron Rexhep Gjota dhe Rrustem Rukolli” pasi që, sipas tij, “këta kanë qenë personat e vetëm që e kanë ditur vendndodhjen e banesës”. “Unë kam lënë testament.E di kush mundet me më vra”!

15128726_10210307697864721_597277521_n

I pyetur se cilat kanë qenë lidhjet e tij me Sami Lushtakun, ai ka treguar se nuk ka asnjë lidhje me të, porse “RrustemG jota, Fatmir Mjaku dhe Rexhep Rukolli kanë kërcënuar në emër të tij”.

“Ka një vjet e gjysmë që mundohem të kontaktoj me familjen e Sami Lushtakut, me tregu se çfarë kanë bërë njerëzit. Nesër kur të vjen Samiu në seancë,kam me i thanë: ‘O burrë, kush janë këta njerëz që po më kërcënojnë në emrin tënd’?! Për Rrustem Gjotën e di që është njeri i tij, por Fatmir Mjaku dhe Rexhep Rukolli çfarë lidhje kanë? Unë nuk po e dënoj Samiun, po ata njerëz që kanë ardhur dhe më kanë kërcënuar mua”, ka thënë Dëshmitari C, i cili thotë se “ka me u dridh toka çka kam me fol”.

Ai ka thënë se ka kërkuar që të dënohen zyrtarët e EULEX-it të cilët, sipas tij, ia kanë “montuar deklaratën e rrejshme kundër grupit ‘Drenica’”. Ndërsa, shprehet se dëshiron ta dijë se në emër të kujt Mjaku dhe Gjota ia ofruan banesën e paratë.

“Jam i rrezikuar nga të gjithë. Kam pas ofertë me tërheq deklaratën.Kam thënë:‘Kurrë!Qysh me shku me heq deklaratën në EULEX e me thanë që në banesë e kam mbyt vetën’? Me pas dashtë me fitu pare, kisha fitu prej EULEX-it: e kisha fitu gjyqin; dëmin për bashkëshorten dhe fëmijët; pare kisha bo, të tjerët i kisha shti në burg e kush nuk do të mund të thoshte se i bëra këto”, thotë Dëshmitari C, duke shtuar se ka pasur ofertë prej Salustros për “mbi 10 milionë euro” që të jetë bashkëpunëtor i tyre, ndërsa akuzon rëndë Gjotën se “familjarisht kanë vrarë njerëz pas shpine”. “Këta ma kanë refuzuar edhe kërkesën e veteranit të luftës, për Zonën e Drenicës, ndërsa bashkëshortes ia kanë ndalë pensionin”. /Telegrafi/

15129859_10210307698144728_2004289293_n

nh

Refuzohet kërkesa për paraburgimin e Nuhi Ukës

Gjyqtari i procedurës paraprake të EULEX-it ka refuzuar kërkesën për caktimin e paraburgimit ndaj Nuhi Ukës dhe Ramadan Ukës të akuzuar në rastin e tokave.

Periskopi.com Lajme

Prokurori italian i EULEX-it Danilo Ceccarelli kishte bërë kërkesën për caktimin e masës së paraburgimit para tri ditësh ndaj Nuhi e Ramadan Ukës nën pretendimin e ndikimit në dëshmitarë, mirëpo kjo kërkesë është refuzuar nga gjyqtari.

Lajmin për KALLXO.com e konfirmoi avokati i Nuhi Ukës, Tahir Rrecaj.

“Është refuzuar kërkesa për paraburgim për Nuhi dhe Ramadan Ukën. Nuhi Ukës gjithashtu i është hequr masa e paraqitjes në stacion policor, ndërsa i është vazhduar masa e ndalimit të afrimit të bashkëpandehurve dhe dëshmitarëve të rastit,” tha Rrecaj për KALLXO.com.

Nuhi Uka dhe Ramadan Uka  janë pjesë e aktakuzës së bashku me Azem Sylën dhe 20 persona të tjerë lidhur me tjetërsimin e ish-pronave shoqërore në Çagllavicë e Llapnasellë.

Sami Lushtaku

Në përgjimet e EULEX-it, Lushtaku kur duhej të ishte në burg lajmërohej nga Skenderaj

Në kohën kur duhej të ishte nën mbikëqyrjen e oficerëve korrektues të Dubravës, Sami Lushtaku u dërgonte mesazhe njerëzve me përmbajtje se ishte në Skenderaj.

Periskopi.com Lajme

Në gushtin e vitit 2015, ekipe policësh të EULEX-it e kishin vënë nën përgjim Lushtakun dhe ekipet e gardianëve të cilët e përcillnin.

Raportet e hetuesve të EULEX-it e përshkruajnë në detaje itinerarin e Sami Lushtakut gjatë kohës së tij në paraburgim dhe vizitave të tij jashtë Qendrës së Paraburgimit.

Siç shkruhet në një raport të tillë, të siguruar nga KALLXO.com, më 19 gusht 2015, Sami Lushtaku përmes telefonit komunikoi me M.B., duke thënë: “Shiko të premten (më 21 gusht 2015) përgatit pjatat shtëpiake për 7-8 persona, ashtu si i bën më së miri ti, bëje gati për me marr dhe unë do ta marr”, përshkruhet në transkriptet e mesazheve.

Kjo porosi e Lushtakut sipas prokurorit merr përgjigje pozitive nga M.B.

Në rrjedhën e këtij komunikimi, Policia e EULEX-it më 21 gusht të vitit të kaluar mbikëqyri Sami Lushtakun gjersa ai u nis nga Qendra e Paraburgimit në Dubravë me një makinë PEU me ngjyrë të bardhë, i shoqëruar nga tre oficerë të Shërbimit Korrektues.

Tre oficerët e Shërbimit Korrektues të caktuar për të përcjellë Sami Lushtakun në QKUK, ishin Ylber Blakaj, Gzim Ahmeti dhe Xhevdet Zena.

Policët e EULEX-it e përshkruajnë se si makina me të cilën po transportohej Lushtaku mori një kthesë të papritur.

“Makina ishte duke iu afruar Fushë-Kosovës përmes autostradës Pejë-Prishtinë rreth orës 9:50, ndërsa rreth orës 10:02 bën një kthesë të papritur majtas në semaforin afër qendrës tregtare ETC, në vend se të vazhdonte drejt në QKUK”, përshkruan raporti.

“Makina vazhdoi më pas në atë rrugë deri rrethrrotullimi që dërgon në autostradën për Mitrovicë. Makina pastaj u kthye në rrugën “Ahmet Krasniqi”, që çon në lagjen Arbëria/Dragodan dhe vazhdoi rrugës teposhtë”, thuhet në raportin e EULEX-it.

Gjithnjë sipas raportit, makina vazhdoi duke bërë përsëri një kthesë të papritur në rrugën “Selim Berisha”, ku jeton M.L.

Ky është vendi i fundit ku përcjellësit nga EULEX panë Sami Lushtakun me oficerët e Shërbimit Korrektues atë ditë.

“Në orën 10:24 vetura PEU u pa sërish në kryqëzimin e rrugës “Zagrebi” me Unazën Qendrore në fund të lagjes Arbëria/Dragodan. Në këtë kohë në veturë ishin vetëm tre pjesëtarë të Shërbimit Korrektues ndërsa Sami Lushtaku nuk ishte më me ta”, thuhet në raport.

Në një një aktakuzë, e cila është dorëzuar në Gjykatë prokurori i EULEX-it përshkruan mënyrën se si kaluan kohën tre oficerët e Shërbimit Korrektues që ishte dashur të ishin me Sami Lushtakun.

“Policia e EULEX-it vazhdoi mbikëqyrjen e veturës me tre oficerët brenda deri në orën 17:52. Gjatë kësaj kohe oficerët e Shërbimit Korrektues u panë duke udhëtuar rreth Prishtinës, duke ngrënë drekë, duke bërë shoping, pastaj duke udhëtuar në Mitrovicë, pastaj atje bënë prapë shoping dhe në fund rreth orës 17:52 u panë në Skenderaj”, thuhet në raport.

Prokurori thotë se as makina asnjëherë nuk arriti në QKUK, e as Sami Lushtaku nuk u pa në makinë pas orës 10:12.

Prokurori Romulo Mateus më pas përshkruan një komunikim në të cilin përmendet vendndodhja e Sami Lushtakut.

“Mirë mirë, ne jemi në Skenderaj” dhe shtoi ‘kish me qenë mirë nëse unë nuk kam nevojë me ardhë atje, a mundesh me ba ti, vetëm takohu me të”, thuhet në një telefonatë në mes Lushtakut dhe personit me emrin Avni.

Prokuroria e Shtetit njoftoi të enjten se ka ngritur aktakuzë ndaj 24 personave për arratisjet e Sami Lushtakut dhe pjesëtareve të grupit “Drenica”./Kallxo.com/

Përplasje e ashpër mes Nikoliqit dhe shefes së EULEX-it

Zyra për informim e Presidentit të Serbisë, Tomislav Nikoliq informoi se sot, pavarësisht nga përpjekja për të arritur marrëveshje me përfaqësuesit e Misionit të EULEX-it në Kosovë, një gjë e tillë nuk ka ndodh.

Periskopi.com Lajme

Prandaj, është thënë nga mediat serbe se shërbimi për shtyp i EULEX-it nuk ka qenë në gjendje të jap detaje të tjera rreth takimit të sotëm mes Nikoliqit dhe Shefes së Misionit të EULEX-it, Alexandera Papadopulo.

Sipas deklaratës, Nikoliqi dhe shefja e EULEX-it kanë biseduar më shumë se një orë, por stafi i Misionit në “mënyrë jashtëzakonisht të pafytyrë dhe të papërshtatshme nuk ka lejuar që deklarata e shefit të tyre të bëhet publike.”

“Kabineti i Presidentit të Serbisë nuk ka fshehur aktivitetet e Presidentit dhe pikëpamjet e tij politike nga mediat dhe qytetarët e Serbisë dhe do të vazhdojë të punojë”, thotë deklarata për shtyp e presidentit i cili shton se, si rezultat, publiku mund të informohet vetëm për atë çfarë tha presidenti Nikoliq në takimin e lartpërmendur, transmeton lajmi.net.

Sa i përket deklaratës së Aleksandra Papadopulos, zyra për media e presidentit të Serbisë rekomandon që mediat t’i drejtohet EULEX-it në Kosovë.

Presidenti serb, Tomislav Nikoliq, tha se ka theksuar rëndësinë e Misionit të EULEX-it dhe kontributin e tyre në ruajtjen e sundimit të ligjit në Kosovë.

“Politika e mosnjohjes së shpalljes në mënyrë të njëanshme të pavarësinë e Kosovës ka ngadalësuar rrugën e integrimit evropian të Serbisë. Megjithatë, ne do të vazhdojmë dialogun me shqiptarët”, theksoi ai.

Sipas tij, është ngritur çështja e një gjykimi të drejtë dhe transferimin e atyre që janë dënuar padrejtësisht në burgje ku nuk ka garanci se serbët kanë një trajtim të civilizuar.

EULEX: No comment

Nga ana tjetër, mediat serbe thonë se misioni i EULEX-it nuk ka asnjë koment për deklaratën me presidentin e Serbisë. I pyetur se pse nuk ka pasur harmonizim të qëndrimeve për një deklaratë të bisedimeve, zëdhënësja e EULEX-it, Dragana Solomon i ka thënë  Tanjugut: “Ne nuk kemi asnjë koment.”

Fatmir Limaj

Flet Fatmir Limaj, njeriu që u hetua 18 herë, nuk ia ka frikën askujt

Kryetari i Nismës së Kosovës, Fatmir Limaj ka folur edhe njëherë rreth aktakuzën për krime lufte që i është ngritur rishtazi si dhe për krejt hetimet që ai ka pasur që nga paslufta.

Periskopi.com Lajme

Limaj në emisionin “Republika” me Dardan Gashin në Tribuna Channel ka thënë se megjithëkëtë ai beson ne drejtësi, ani pse ai po hetohet prapa edhe pas fjalës së 18 gjyqtarëve që e kanë liruar atë nga akuzat.

“18 gjyqtarë kanë folur për mua, të kaluarën time dhe drejtësinë time, megjithatë kjo nuk ka mjaftuar për të faktuar drejtësinë “ ka thënë Limaj.

Ai ka shtuar se nuk frikohet nga ky proces, dhe kushdo që e ka nisur le ta përfundojë dhe të presim se si do të jetë fundi.

Daut Haradinaj

Haradinaj thotë se nuk ka hetime ndaj tij në lidhje me haraç

Deputeti i Aleancës për Ardhmërinë e Kosovës, Daut Haradinaj, mohon se ndaj tij EULEX ka zhvilluar hetime për haraç dhe krim të organizuar.

Periskopi.com Lajme

Haradinaj, duke demantuar artikullin e plasuar nga portali Insajderi, të publikuar edhe në portale të tjera, thotë se e tëra është një shpifje dhe një e pavërtetë ndaj tij dhe familjes së tij.

Lexojeni të plotë reagimin e Haradinajt:

“Kjo çfarë po bëjnë disa media, nuk është as normale e as profesionale. Me gjasë, në krizë për biznesin e tyre, një pjesë e medias nuk po lë gjë pa shpifur e gjë pa sajuar.

I tillë është edhe një shkrim i Insajderit, me titull “Eulex zbulon hetimet për krim te organizuar e haraç kundër Daut Haradinajt”, ndërkohë që po i njejti medium në të njejtin shkrim thot se prokuroria nuk e ka konfirmuar një gjë të tillë.

Nuk është hera e parë që njerëz të këtj portali, flasin të pavërteta për mua dhe njerëz të familjes sime.

I porosis ata se me rrena, me shpifje e me trillime, nuk mund ta ngrisin as emrin e tyre e as të mediumit ku punojnë.

Ndaj meje nuk ka asfarë hetimesh dhe nga askush, pavarësisht nëse kjo përshtatet në agjendën e Insajderit apo jo!

Fundja nën hetim mund të jenë edhe vet Insajderi dhe kjo nuk përbë kurrfarë lajmi dhe edhe ata e dijnë shumë mire këtë. Apo ndoshta edhe këta kanë hyrë në agjendën e zgjedhjeve, si shumë të tjerë!” (sic.), ka shkruar Haradinaj.

 

EULEX zbulon hetimet për krim të organizuar dhe haraç kundër Daut Haradinajt

Daut Haradinaj

EULEX zbulon hetimet për krim të organizuar dhe haraç kundër Daut Haradinajt

Në këtë raport hetimor të vëzhgimit të Ukë Rugovës dhe grupit të tij që mbanë datën 16 janar 2014, i përpiluar nga hetuesi i EULEX-it, Panagiotis Karagiannis, dërguar prokurorit Allen Cansick, përmendet emri i Haradinajt dhe data e tij e saktë e lindjes që është 6 prill 1978. Ai dyshohet për vepra të rënda penale.

Periskopi.com Lajme

EULEX zbulon hetimet për krim të organizuar dhe haraç kundër Daut Haradinajt

Në kohën kur hetuesit e EULEX-it po punonin intensivisht për të zbuluar kriminalitetin e dyshuar të Ukë Rugovës, ata kishin nën hetime edhe deputetin e Aleancës për Ardhmërinë e Kosovës, Daut Haradinaj.

Haradinaj, vëllai i kryetarit të AAK-së, Ramush Haradinaj, dyshohej për dy vepra penale: krim të organizuar dhe detyrim, apo siç njihet kjo vepër si haraç.

Emri i tij është përmendur në një dokument konfidencial të një hetuesi të EULEX-it, i cili i kishte raportuar prokurorit të rastit, Allen Cansick.

Insajderi e ka zbuluar këtë detaj gjatë hulumtimit që po bën për veprimtarinë e dyshuar kriminale të Ukë Rugovës dhe të tjerëve.

Në këtë raport hetimor të vëzhgimit të Ukë Rugovës dhe grupit të tij që mbanë datën 16 janar 2014, i përpiluar nga hetuesi i EULEX-it, Panagiotis Karagiannis, dërguar prokurorit Allen Cansick, përmendet emri i Haradinajt dhe data e tij e saktë e lindjes që është 6 prill 1978.

Bazuar në këtë dokument, rrjedh se emri dhe veprat penale janë përvjedhur gabimisht pasi që i njëjti prokuror dhe hetues aso kohe ka qenë duke e hetuar edhe Haradinajn.

Dokumenti me numër OCIO/12/20140116/6699, në versionin shqip zbulon hetimet për këto dy vepra të rënda penale.

Prokuroria nuk ka pranuar të flas për hetimet kundër Daut Haradinajt, e as të sqaroj rrethanat e përmendjes së tij në dosjen hetimore kundër Ukë Rugovës.

“Prokuroria nuk i komenton hetimet, dhe as nuk i konfirmon apo mohon ato”, ka thënë prokuroria në një përgjigjke me shkrim për Insajderin.

Haradinaj, ndërkaq ka thënë se nuk është në dijeni për ndonjë hetim kundër tij.

“Deri sot kush me mu s’ka fol. Kurrë njeri i gjallë deri në këtë minutë s`me ka kontaktu. Absolut, asnjëherë, prej teje po nij për herë të parë”, ka thënë Haradinaj për Insajderin.

Deputeti i AAK-së si dhe vëllai i tij, Ramush Haradinaj shpesh herë janë përmendur si njerëz që kanë mbledhur haraç dhe kanë detyruar bizneset të paguajnë për ta.

Dyshimet janë forcuar kur disa vjet më parë, dy truproja të Ramush Haradinajt me disa persona tjerë, kishin rrëmbyer biznesmenin nga Klina Azem Morina duke kërkuar tre milion euro për lirimin e tij. Ata e kishin mbajtur peng mbi një muaj dhe kishin arritur t’i merrnin nga djali i të rrëmbyerit mbi 280 mijë euro. Grupi i drejtuar nga Bedri Krasniqi është dënuar për këtë krim.

Ukë Rugova, ndërkaq tashmë është i akuzuar për vepra penale të krimit të organizuar që lidhen me shitjen e vizave italiane.

Ai, së bashku me Izet Beqirin, Azad Beqirajn, Fitim Beqirin, Visar Beqirin, Florian Petanin, Kujtim Avdylin, Edison Idrizajn, Qefser Bahollin, Liridona Beqirin, Hamza Beqirin, Driton Vocën, Hamza Beqirin, Astrit Haraqinë, Valon Selimin, Beg Shaqirin, Hasan Shaqirin, Azem Koskovikun, Alban Agushin, Haxhi Islamin, Ragip Gashin dhe Fadil Ahmetin, akuzohen nga prokurori Allen Cansick për krimit të organizuar, mashtrim, ushtrim të ndikimit, kontrabandim me migrantë, dhe shpërdorim të pozitës zyrtare.

Rugova akuzohet se ka mbikëqyrur bizneset e Izet Beqirit me Florian Petanin dhe procedimin e vizave në ambasadë. Prokurori pretendon se Izet Beqiri ka vepruar si menaxher i operacionit dhe ai ka ndërmjetësuar ndërmjet Florian Petanit dhe të pandehurit Azad Beqiri, dhe të tjerëve.

Muaj me parë Insajderi raportoi se veprimtaria e dyshuar kriminale, Ukë Rugovës i ka sjell një fitim gati dy milion euro. Ai kishte ndërtuar një rrjet funksional, që pajiste njerëzit me viza Schengen në kembim të 3.000 deri në 4.000 euro pa asnjë problem. Aplikacionet për viza shoqëroheshin me një letër rekomandim të titulluar: “Familja e Presidentit Rugova”. /Insajderi.com

UÇK

Kreu i OVL-ve të UÇK-së thotë se EULEX-i ka gjykata sikur të Serbisë

Kryetari i ri i Organizatave të Veteranëve të Luftës së UÇK-së, Hysni Ngucati, ka thënë se me dënimin e grupit “Drenica II” dhe Gjykata Speciale, janë duke u munduar që t’i krahasojë çlirimtarët me kriminelët e Serbisë.

Periskopi.com Lajme

Ai ka thënë se në rrafshin e gjykimeve të padrejta, EULEX-i dhe Serbia janë të njëjta, transmeton Koha.net.

“Në gjykim janë të njëjta EULEX-i dhe Serbia. Kanë montuar raste. Ne kemi kërkuar që të hiqet EULEX-i nga Kosova, ne kemi gjykata dhe të mbetet në dorë të tyre”, ka thënë Ngucati, teksa ka shtuar se nuk ka pasur krime lufte nga UÇK-ja, e ata që duhet dënuar shëtitën në Veri të Mitrovicës dhe Graçanicë.

Kurse debati i sotëm, për Ngucatin është sa për sy e faqe. Ndërsa mundësia e protestave është duke u shqyrtua.

Ngucati ka pranuar se deri në vitin 2010 kam qenë aktiv në PDK, por më nuk është, duke siguruar se nuk do të ketë ndikime politike tek ai.

objekti-i-gjykates

Kosova është përlyer nga dështimet e Eulex-it – thotë gazetari

Periskopi.com Lajme

Në një shkrim të publikuar në Koha.net, gazetari Augustin Palokaj flet për “Dhomat e specializuara të Kosovës”. Ai tregon problematikën e emërtimit të kësaj gjykate dhe anonimitetin e përgjithshëm të saj. Nuk dihet saktësisht se me çka do të merren këto “dhoma” megjithëse dihet që ajo do të bazohet në raportin e Dick Martyt.

Palokaj tregon se kjo është një njollë e madhe për vendin tonë, për shkak se Kosova bëhet i vetmi vend ish-Jugosllav, të cilit i nevojitet një seri seancash jashtë territorit të saj, për krime lufte. Madje as Sërbisë nuk i është kërkuar kjo gjë.

Por i kujt është faji? Gazetari nga Brukseli mendon se themelimi i këtyre “dhomave” nënkupton se ka dështuar sistemi i drejtësisë në vend dhe se ka dështuar edhe Eulexi.

Shkrimi i tij përfundon duke e hedhur fajin e dështimit pikërisht në mekanizmat e Eulex-it. Por a mund të merrej Eulex-i me këtë çështje duke marrë parasysh se ai erdhi në Kosovë në vitin 2008 dhe fuqia e saj u zbeh në vazhdimësi pas 2012-ës e tutje.

Akuzat e Martyt janë bërë para 5 vitesh ndërkohë që prokurori amerikan Williamson hetoi për këto akuza që prej 2 vitesh. E shtrirë në kohë, kjo nuk mund të ndodhte më herët. Situata është me të vërtetë e komplikuar dhe e ndjeshme. Autori nuk e ka parasysh ndjeshmërinë edhe të opinionit publik në Kosovë.

Akuzat pa dyshim, janë shumë të rënda. Por rrugë tjetër për zbardhjen e tyre nuk mund të ketë veç hetimit të tërësishëm të tyre. Qoftë nën emrin e Eulex-it apo të “Dhomave të Specializuara”.

lexo shkrimin e plotë në: http://koha.net/?id=31&o=1460

/periskopi