stervitje-kosova

‘Do të sakrifikoja gjithçka për të ndihmuar Kosovën’

Mungoi gjashtë javë për shkak të lëndimit dhe kësisoj i humbi dy ndeshjet e Kosovës ndaj Kroacisë dhe Ukrainës.

Periskopi.com Sporti

U rikthye nga lëndimi por ende nuk kishte luajtur me skuadrën e tij Nurnberg, edhe pse kishte stërvitur individualisht.

Kur erdhi ftesa e Kosovës nuk mendoi dy herë, për ta përfaqësuar shtetin e tij denjësisht siç e ka bërë këtë gjë që nga kohët më të vështira kur ka filluar aktivitetet e saja Përfaqësuesja jonë.

Enis Alushi tani mund të përjashtohet nga klubi gjerman, pasi luajti ndaj Turqisë pa marrë lejen e tyre, shkruan Telegrafi.com

Në një rrëfim ekskluziv për Telegrafin, Alushi rrëfen ngjarjen se si mori vendimin për të luajtur me Kosovën edhe pse e kishte të ndaluar nga klubi i tij.

“E kisha të ndaluar nga klubi të luaja për Kosovën, pasi kam qenë i lënduar për gjashtë javë dhe nuk kisha ndeshje me klubin. Gjatë gjithë kësaj kohe kam pasur stërvitje individuale dhe kam qenë në gjendje shumë të mirë fizike”.

“Ka qenë rastësi shërimi nga lëndimi pikërisht afër ndeshjeve të Kombëtares dhe kam vendosur t’i bashkohem Kosovës. E kam ditur vendimin e klubit, mirëpo pasi kam qenë në gjendje të mirë kam vendosur të udhëtoj drejt Antalyas për t’i ndihmuar Kosovës”, shprehet fillimisht Alushi.

Ai tutje ka rrëfyer me emocione se si ka luajtur me Përfaqësuesen e Kosovës në kohët më të vështira dhe me kushte katastrofale dhe se tani është në gjendje të bëjë gjithçka për ta ndihmuar atë.

“Shumë vite kam luftuar për pranimin tonë në UEFA e FIFA. Kam luajtur në kushte katastrofale për ta përfaqësuar vendin tim në mënyrën më të mirë të mundshme. Nëse un ndihme mirë fizikisht është gjë normale që të shkoj e ta përfaqësojë vendin tim”.

“E kuptoj shqetësimin e klubit tim, por edhe ata duhet të kuptojnë se ka qenë një rrugë e gjatë për ne si shtet dhe si Kombëtare për të arritur deri këtu. Unë dua ta ndihmojë gjithmonë vendin tim dhe kjo është ajo që kam marrë këtë vendim”, shprehet Alushi.

30-vjeçari thotë se do ta kishte përsëritur përsëri këtë gjë edhe herëve tjera.

“Asnjëherë nuk kam bërë asgjë të keqe kundër klubit tim. Kam qenë i shëruar dhe pasi nuk kishim ndeshje vendosa të udhëtoja drejt Antalyas. Në të tilla raste gjithmonë do ta merrja vendimin të luaja me Kosovën”, vazhdon tutje Alushi që shpjegon si si ka pasur bisedat me klubin pasi u rikthye në Gjermani.

“Kam pasur biseda me klubin, unë i kam dhënë arsyejet e mija ndërsa klubi të vetat. Çfarë do të bëhet në të ardhmen nuk e di, unë jam profesionist dhe do të jap gjithmonë 100% për klubin tim”, tha Alushi për Telegrafin.

Tutje mesfushori nga Podujeva ka folur edhe për ndeshjen që Kosova e humbi 2-0 ndaj Turqisë, duke thënë se ka përmirësime në lojë.

“Në mënyrën defensive ndeshja ndaj Turqisë ka qenë më e mira deri më tani. Ka përmirësime në të gjitha repartet, kemi bërë një hap pozitiv dhe jemi duke përparuar në këtë drejtim”, vazhdoi ish-anëtari i Paderborn, St Pauli e Kaiserslautern.

“Sa i përket se sa pikë do të kemi deri në fund të kualifikimeve, nuk mund të them saktë sa por do të mundohemi të mbledhim sa më shumë. Ka përmirësime në lojë dhe nuk do të mungojnë as rezultatet”.

Në fund Enisi ka folur edhe për kritikat dhe lëvdatat që ka marrë Përfaqësuesja e Kosovës.

“Dua t’i falënderojë të gjithë për përkrahjen e madhe që na kanë dhënë. Të gjithë duhet të kuptojnë se jemi në fillim dhe duhet kohë për të arritur nivelin e Kroacisë, Turqisë, Ukrainës apo Islandës”.

“Mendoj dhe besoj se jemi në rrugë të mirë por na duhet përkrahje e madhe pasi bashkë do të arrijmë shumë në të ardhmen”, përfundoi Alushi për Telegrafin.

Kujtojmë që Alushi ka një karrierë shumë të pasur në futbollin gjerman, ai ka filluar karrierën në akademinë e Borussia Dortmundit.

30-vjeçari ka luajtur për skuadra të respektuara në Gjermani si Koln, Paderborn, Kaiserslautern, St Pauli e Wehen.

enis-alushi-1
Enis Aushi
kosova6

Ky futbollist do t’i mungojë Kosovës në ndeshjen e radhës

Kosova nuk do të mund të llogarisë në Enis Alushin për ndeshjen e radhës ndaj Islandës, e cila zhvillohet në muajin mars.

Periskopi.com Sporti

Kjo, pasi futbollisti ynë u ndëshkua me karton të verdhë, i dyti radhazi në dy ndeshjet e fundit. /Periskopi.com

kosova6

Kosova përforcohet për ndeshjen ndaj Turqisë

Kosova do të mund të llogarisë në shërbimet e Enis Alushit në ndeshjen e radhës kualifikuese për Botërorin 2018.

Periskopi.com Sporti

Të përgjedhurit e trajnerit Albert Bunjaku do të luajnë si mysafir ndaj Turqisë më 12 nëntor.

Ndërsa, Alushi do t’i rikthehet skuadrës, pas dëmtimit që kishte pësuar te skuadra e tij gjermane, Nurnberg.

Lojtari në fjalë nuk ka qenë i gatshëm për dy sfidat e fundit që Kosova i zhvilloi ndaj Kroacisë dhe Ukrainës. /Periskopi.com

kosova

Alushi dhe Bunjaku mund të luajnë për Kosovën

Periskopi.com Sporti

FIFA u ka dhënë leje dy futbollistëve kosovar, Enis Alushi dhe Albert Bunjaku për të luajtur për Kosovën.

Të dy futbollistët në fjalë kanë luajtur edhe më parë për këtë Përfaqësuese, mirëpo pas pranimit në FIFA dhe UEFA u ka munguar leja nga kjo e para.

Vlen të përsëritet se Kosova do të zhvillojë ndeshjen e parë eliminatore për Kampionatin Botëror ‘Russia 2018’ më 5 shtator kundër Finlandës si mysafir. /Periskopi.com