Edita Tahiri

Edita Tahiri shfajëson Serbinë për moszbatimin e marrëveshjes për targa

Ende nuk ka ndonjë afat kohor se kur do të mund të fillojë së zbatuari marrëveshja për reciprocitet të plotë për targat e veturave ndërmjet Kosovës dhe Serbisë. Zbatimi i kësaj marrëveshjeje nënkupton heqjen nga përdorimi i tabelave “prova” të cilat njëanshëm janë zbatuar nga pala serbe që nga viti 2011.

Periskopi.com Lajme

 

Kështu ka thënë për Radion Evropa e Lirë, ministrja për Dialog, Edita Tahiri, sipas së cilës, më 15 nëntor ka kaluar afati për zbatimin e marrëveshjes reciproke, por këto zvarritje sipas saj, po ndodhin për shkak të vonesave administrative të institucioneve të Kosovës

“Vonesat janë nga ana jonë, për shkak se ende po vazhdojnë procedurat administrative që lidhen më prodhimin e letrës ngjitëse. Pra janë procedurat tenderuese e të tjera. Dhe secili që punon në administratën publike e di se sa marrin kohë.Pra, për shkak të vonesave administrative nga pala e Kosovës ende nuk ka filluar zbatimi, kurse pala serbe është gati “

Në momentin kur autoritetet kompetente t’i përfundojnë këto procedura, qeveria e Kosovës, thotë Tahiri do ta njoftoj Bashkimin Evropian dhe pastaj do të caktohet një datë për fillimin e zbatimit të marrëveshjes.

Prishtina dhe Beogradi, me ndërmjetësimin e Bashkimit Evropian në Bruksel, në muajin shtator kanë arritur marrëveshje për reciprocitet të plotë për targat e veturave në mes të Republikës së Kosovës dhe Serbisë.

Kjo marrëveshje do të kontribuojë për lehtësimin e lëvizjes së lirë të qytetarëve dhe automjeteve.

edita

Tahiri premton sërish: Kosova së shpejti me sistem unitar të drejtësisë edhe në veri

Ministrja për Dialog njëherit kryenegociatore në dialogun me Serbinë Edita Tahiri, ka bërë me dije se së shpejti Kosova do të konsolidojë sistemin unitar të drejtësisë edhe në veri të vendit.

Periskopi.com Lajme

” Jemi shumë afër përcaktimit të datës finale për vendosjen e sistemit unitar të drejtësisë edhe në pjesën veriore të shtetit tonë, si rezultat i marrëveshjes së Brukselit”

” Zbatimi i marrëveshjes për drejtësi mundëson krijimin e sistemit unik të drejtësisë së Kosovës në pjesën veriore të Kosovës, ku një gjykatë themelore dhe një zyrë prokuroriale do të fillojnë së shpejti funksionimin në rajonin e Mitrovicës, ku përfshihen shtatë komuna ashtu siç përcaktohet me Ligjin për Gjykatat të Republikës së Kosovës”.

“Ligji për Gjykatat i Republikës së Kosovës përcakton se Gjykata Themelore e Mitrovicës me seli në Mitrovicë themelohet për territorin e Komunës së Mitrovicës Jug dhe Mitrovicës Veri, Leposaviqit, Zubin Potokut, Zveçanit, Skenderajt dhe Vushtrrisë. Sipas këtij ligji në Kosovë ekzistojnë gjithsejtë shtatë gjykata themelore”

Sipas saj, Kosova ka përmbyllur me sukses procesin e rekrutimit të stafit gjyqësor dhe prokuorial sipas ligjeve të Kosovës.

“Zbatimi i kësaj marrëveshje i jep fund ish strukturave paralele të drejtësisë në sistemin e Kosovës. Këto struktura paralele de facto kanë ndaluar operimin në fund të 2013, ndërsa de jure shpërbërja e tyre do të ndodh në momentin kur Serbia shfuqizon kontratat e punës dhe ndal pagat për këtë staf që më parë ka punuar në këto ish struktura paralele”

” Pas këtij veprimi, nis menjëherë fillimi i punës së sistemit të drejtësisë së Kosovës në pjesën veriore të vendit”, theksoi ajo, transmeton Klan Kosova.

edita-tahiri

Tahiri: KOSTT-i bllokohet nga Serbia

Edita Tahiri si kryesuese e delegacionit të Kosovës në bisedimet për zbatimin e Marrëveshjes për Normalizimin e Marrëdhënieve mes Kosovës e Serbisë, ka thënë për gazetën “Zëri” se moszbatimi i kësaj marrëveshjeje po i shkakton humbje të mëdha vendit nga operimi i operatorëve ilegalë serbë.

Periskopi.com Lajme

Tahiri ka thënë se Serbia prej pas luftës i shfrytëzon linjat e Kosovës për tranzacionin e energjisë, pra, sipas saj, Serbia kur transmeton energjinë në vendet e tjera e që kalon nëpër Kosovë duke i shfrytëzuar rrugët tona të energjisë. Ajo thotë se edhe Marrëveshja për Energjinë, përkatësisht fillimi i punës së KOSTT-it si operator i pavarur, është bllokuar nga Serbia tash e një vit e gjysmë. Por, ajo nuk ka treguar nëse ka paraqitur ketë shqetësim edhe një herë në Bruksel.

“Marrëveshja për Energjinë, përkatësisht fillimi i punës së KOSST-it si operator i pavarur, është bllokuar nga Serbia tash e një vit e gjysmë. Serbia që nga paslufta ka ndërhyrë në operatorin ilegal në fushën e energjisë në pjesën veriore të vendit dhe praktikisht qasja e operatorëve tanë publikë të energjisë në veri ka qenë e bllokuar për krejt këto vite. Pra, kur ne u japin energji konsumatorëve në veri dhe ata nuk na paguajnë neve faturat, por ua paguajnë operatorëve ilegalë kjo është dëmi i parë. Serbia prej pas luftës i shfrytëzon linjat tona për tranzacionin e energjisë, Pra Serbia kur transmeton energjinë në vendet e tjera e që kalon nëpër Kosovë i shfrytëzon rrugët tona të energjisë, nuk paguan qira, nuk komenton financiarisht shfrytëzimin e linjave transmetuese të Kosovës”, ka thënë Tahiri.

Tahiri më tej ka shtruar se nëse Serbia dëshiron të përparojë drejt Bashkimit Evropian dhe t’i hapë kapitujt me Bashkimin Evropian, atëherë do t’i zbatojë marrëveshjet.

“Në dhjetor BE-ja vlerëson se a e ka zbatuar Serbia këtë marrëveshje dhe të tjerat e në kuadër të vlerësimit ajo e gjen se Serbia nuk i ka zbatuar marrëveshjet, atëherë bllokohet rruga e Serbisë drejt BE-së. Pra, Serbia është e kushtëzuar me këtë, por edhe ne jemi të kushtëzuar me zbatim të marrëveshjeve, mirëpo ne përgjithësisht i kemi zbatuar të gjitha” ka thënë Tahiri për gazetën. /Zëri/Telegrafi/

Pajtohen që zbatimi i marrëveshjeve të Brukselit të bëhet sa më shpejt

Ministrja për Dialog, Edita Tahiri, sot në Bruksel ka zhvilluar takim me Angelina Eichhorst, Drejtoreshë për Evropën Perëndimore dhe Ballkanin Perëndimor në Shërbimin Evropian për Veprim të Jashtëm (EEAS) dhe bashkëpunëtorët e saj që janë ndërmjetës të dialogut të Brukselit mes dyja shteteve, Kosovës dhe Serbisë.

Periskopi.com Lajme

Në këtë takim u diskutua për rrjedhën dhe rezultatet e dialogut gjatë këtij viti dhe ishte dakordim i përbashkët se të gjitha marrëveshjet që janë në pritje të zbatimit duhet të zbatohen në mënyrë efektive nga të gjitha palët. Poashtu, u theksua që gjatë dy ditëve të takimeve trepalëshe që fillojnë nesër në Bruksel palët duhet të angazhohen me një qasje konstruktive për të përmbushur obligimet që kanë në raport me çështjet e drejtësisë dhe të kodit shtetëror telefonik.

Ministrja Tahiri me këtë rast deklaroi se zbatimi i marrëveshjeve ka rëndësi qenësore për suksesin e këtij dialogu dhe për këtë arsye Kosova është e përkushtuar për zbatimin e tyre. Ajo shtoi se dialogu i Brukselit po kontribuon edhe në avancimin e rrugës së Kosovës drejt integrimit evropian siç është dëshmuar me nënshkrimin e Marrëveshjes për Stabilizim Asociim si dhe përfitimet që do t’i vijnë vendit tonë nga kjo marrëveshje./ Periskopi

Edita Tahiri

Nesër në Bruksel fillon raund i ri i bisedimeve

Nesër, në Bruksel fillojnë bisedimet trepalëshe në kuadër të dialogut të Brukselit.

Periskopi.com Lajme

Në këto bisedime që do të zgjasin dy ditë, në agjendë do të jenë çështjet e drejtësisë dhe kodit shtetëror telefonik për Kosovën.

Në këto takime të dyja shtetet do të raportojnë për progresin e arritur në përmbushjen e obligimeve për zbatimin e këtyre dy marrëveshjeve.

Ministrja për Dialog, Edita Tahiri, njëherësh kryenegociatore e Kosovës në dialogun e Brukselit ka arritur në Bruksel, ku sot do të zhvilloj takime me përfaqësues të Bashkimit Evropian me qëllim që të bëhet një vlerësim për rrjedhat dhe rezultatet e dialogut gjatë këtij viti i cili po i afrohet fundit, si dhe për përcaktimin e dinamikave për përmbylljen e procesit zbatues për marrëveshjen për drejtësinë dhe për kodin telefonik shtetëror për të cilën tashmë është përcaktuar se më 15 dhjetor 2016 Kosova do ta merr kodin vet telefonik nga ITU.

Në këtë raund të bisedimeve nuk do të bisedohet për çështjen e Asociacionit dhe për këtë çështje nuk është biseduar as në raundet e kaluara ashtu siç ju kemi njoftuar. Ju bëjmë me dije se lajmet e lansuara nga pala tjetër se gjoja do të bisedohet për këtë temë janë të pasakta.

Ministrja për Dialog, Edita Tahiri ka deklaruar se kjo është hera e parë në jetën e saj që për ditën e flamurit kombëtar ka vendosur të punojë në vend se të festoj siç e kanë pasur traditë familjare, mirëpo ka thënë se këtë po e bënë me kërkesën e përfaqësuesve të BE-së sipas agjendës së të cilëve këto takime janë kërkuar. Ajo ka përcjellë urimin më të përzemërt për festën e flamurit gjithë shqiptarëve kudo ku janë./ Periskopi

auto_nato1463670753

‘Serbia prapë do të bombardohet nga NATO nëse përsërit gjenocidin’

Ministrja për Dialog e Qeverisë së Kosovës, Edita Tahiri ka thënë se deklaratat e Nikolicit se NATO ka bombarduar pa asnjë faj Serbinë janë të pasakta pasi shteti serb kishte kryer gjenocid në Kosovë.

Periskopi.com Lajme

 

Tahiri ka thënë se NATO përsëri do të bombardojë Serbinë nëse i vazhdon politikat e njëjta gjenocidiale e hegjemoniste.

“Nëse nuk lirohei nga politikat hegjemoniste dhe krijoni arsye si në vitin 1999 përsëri do të bini ndesh me të Drejtën Ndërkombëtare dhe lufta e drejtë e bashkësisë ndërkombëtare do të veprojë ndaj jush dhee ndaj çdo shteti që bën gjenocid, siç keni bërë ju ndaj Popullit të Kosovës”, ka thënë Tahiri, për Express, të shtunën.

Ndërkohë, Presidenti serb, Tomislav Nikolic ka thënë se NATO kishte sulmuar Serbinë pa të drejtë derisa ka konfirmuar se populli serb nuk e dëshiron anëtarësimin në Aleancën Veri Atlantike.

“Kemi qenë të sulmuar e bombarduar nga NATO më 1999, pa arsye. Kjo ka pasur pasoja të mëdha, në ekonominë tonë, por edhe në qëndrimin e qytetarëve tanë ndaj NATO-s. I sigurt flas në emër të shumicës së qytetarëve kur them se Serbia kurrë nuk do të jetë në NATO”, ka thënë Nikoliq në një intervistë për Al Jazzera,

edita-tahiri

Edita Tahiri demanton:  Javën e ardhshme s’flasim për Asociacionin

Zyrtarët e Qeverisë së Kosovës kanë mohuar mundësinë që të diskutojnë me palën serbe për Asociacionin. Kjo temë nuk pritet të diskutohet pa u pajisur Kosova me Kodin telefonik nga ITU’ja. Ministrja për Dialog, Edita Tahiri, në një bisedë për Express, tregon se krejt tema tjera do të flasin në Bruksel, gjatë të martës e të mërkurës, me palën serbe.

Periskopi.com Lajme

Ministrja për Dialog, Edita Tahiri ka thënë se tema e Asociacionit të Komunave me Shumicë Serbe nuk do të hapet me Serbinë pa e marrë Kosova Kodin nga ITU’ja.

Këtë deklaratë Tahiri e ka dhënë pasi disa media kanë dhënë lajmin se javën e ardhshme do të diskutohet ndërmjet Kosovës dhe Serbisë çështja e Asociacionit.

“Jo, vetëm pasi Kosova e merr zyrtarisht Kodin telefonik nga ITU me 15 dhjetor, pastaj mund flasim për çështjen e zbatimit te marrëveshjes për asociacionin”,  ka thënë Ministrja Tahiri, për Express, të shtunën.

Sidoqoftë, udhëheqësja e dialogut ka thënë se në javën e ardhshme do të ketë diskutime me palën serbe për të parë sa janë zbatuar disa marrëveshje të arritura më herët.

Takimet në Bruksel pritet të zhvillohen të martën dhe të mërkurën.

“Ketë javë do te kemi takime për zbatimin e marrëveshjes se drejtësisë dhe takimi përmbyllës për kodin ku palët do te raportojnë për obligimet zbatuese”, ka shtuar ajo.

Zbatimi i Marrëveshjes për Asociacionin e Komunave me Shumicë Serbe është vënë kusht nga pala serbe për kthimin e tyre në Parlament e Qeveri.

Kjo marrëveshje parasheh formimin e një Asociacionin ku do të jenë të përfshira komunat me shumicë serbe. Ky mekanizëm është kundërshtuar nga opozita në Kosovë derisa edhe një vendim i Gjykatës Kushtetuese pamundëson që ky mekanizëm të jetë nivel i tretë i pushtetit në Kosovë.

Megjithëkëtë, Ministrja Tahiri thotë se mediat serbe po gënjeje kur po japin lajme se në takimet e kësaj jave do të këtë diskutime për temën e Asociacionit.

“Pala serbe mund të bëjë lajme të rrejshme se gjoja do të bisedojmë edhe për asociacionin sic ka bërë disa herë kohët e fundit, ju konfirmoj se asociacioni nuk është në rend dite të takimit të kësaj dhe as herat e kaluara nuk ka qenë. Për këtë vazhdimisht kam informuar opinionin duke i përgënjeshtruar lajmet e palës serbe”, ka treguar Edita Tahiri.

Tahiri në takim me këshilltarë komunal nga komunat veriore: Janë shuar strukturat paralele

Ministrja për dialog e Qeverisë së Republikës së Kosovës Edita Tahiri, ka pritur sot në takim një grup të këshilltarëve shqiptarë të komunave veriore të Republikës së Kosovës.

Periskopi.com Lajme

Në këtë takim ishte prezentë deputetja Safete Hadërgjonaj, e cila inicioi këtë takim, si dhe këshilltari politik Dren Zeka.

Ndërsa nga ana e këshilltareve komunal ishin Bashkim Cimili dhe Emir Azemi nga komuna veriore e Mitrovicës, Sefer Veseli, nënkryetar i komunës së Zubin Potokut dhe Faik Kelmendi nga komuna e Zveçanit.

Në këtë takim, ministrja Tahiri theksoi se marrëveshjet e  dialogut të Brukselit kontribuuan për shtrirjen e sovranitetit shtetëror në veri të vendit tonë, si dhe në përmirësimin e gjendjes së përgjithshme atje.

“Ato kanë kontribuar në shuarjen e strukturave paralele dhe integrimin e komunitetit serb të asaj pjese në sistemin e Republikës së Kosovës”, tha ministrja Tahiri, duke shtuar se këto kanë qenë qëllimet kryesore të dialogut të Brukselit, i cili po ndihmon në fqinjësi të mirë mes dy shteteve, si dhe për paqen dhe stabilitetin në rajon.

Më tutje, ministrja Tahiri tha se ky dialog po e mundëson forcimin e sovranitetin shtetëror në gjithë territorin e vendit tonë, shtrirjen e sovranitetit në veri të vendit.

“Ne kemi arritur që të vendosim sovranitetin dhe ligjshmërinë në shumë fusha duke vendosur funksionimin e komunave legale, pas zgjedhjeve lokale të vitit 2013, ku falë dialogut të Brukselit katër komunat veriore morën pjesë për herë të parë pas pavarësisë së Kosovës”, tha Ministrja.

Duke theksuar angazhimin dhe vendosmërinë e Qeverisë, ministrja Tahiri theksoi janë shuar strukturat paralele në fushën e doganave dhe policisë, është vendosur kufiri ndërshtetëror dhe  autoritetet shtetërore në pikat kufitare Jarinje dhe Bërnjak në saje të marrëveshjeve të Brukselit, është bërë shuarja e të ashtuquajtur ‘Mbrojtja Civile”, ish-pjesëtarët e së cilës i kemi integruar në institucionet e Republikës së Kosovës. Poashtu, ministrja Tahiri përmendi shuarjen e  strukturave paralele të drejtësisë dhe vendosjen e sistemit unitar të drejtësisë në veri të vendit në bazë të ligjeve të Kosovës.

 

Ministrja Tahiri foli po ashtu për procesin e vendosjes së një numri të madh institucionesh qendrore që kanë veprimtari lokale, gjithsejtë 23 ministri dhe agjenci, ku përgatitjet e objekteve për vendosjen e zyrave janë në fazën finale. Ajo shtoi se po hapen zyrat në veri dhe do të fillojë pajisja e qytetarëve me dokumente të shtetësisë dhe gjendjes civile të Republikës së Kosovës.

Këshilltarët komunal kërkuan më shumë angazhime nga Qeveria për përmirësimin e gjendjes ekonomike dhe punësimin, si dhe u ankuan që projektet zhvillimore komunale po i diskriminojnë shqiptarët atje.

Ishte konstatim i përbashkët, se gjendja e sigurisë është përmirësuar dukshëm në komunat veriore, ashtu siç është përmirësuar lëvizja e lirë, sidomos tash edhe me heqjen e barrikadave në atë pjesë.

Ministrja Tahiri premtoi se Qeveria e Kosovës do të angazhohet që kërkesat e tyre të trajtohen dhe zgjidhen, dhe se në kuadër të dialogut janë ndërmarrë një sërë masash për të ndihmuar zhvillimin ekonomik duke akorduar një fond për zhvillim duke marrë për bazë rrethanat atje, që demonstrojnë përkushtimin tonë si Qeveri që t’ju shërbejmë të gjithë qytetarëve në mënyrë të barabartë./ Periskopi

Edita Tahiri

Tahiri thotë se kompania e telekomit serb është minore dhe e përkohshme

Ministrja për Dialog, Edita Tahiri ka deklaruar se sipas Marrëveshjes për kodin telefonik shtetëror të Kosovës, Kosova do ta marrë kodin e vet telefonik +383 nga ana e organizatës së specializuar të OKB për telekomunikacion (ITU) me datën 15 dhjetor 2016.

Periskopi.com Lajme

“Kodi 383 është pronë e Kosovës dhe Kosova do ta menaxhoj vetë në mënyrë të pavarur kodin e saj shtetëror, përmes autoritetit të vet rregullator (ARKEP). Menjëherë pas marrjes së kodit telefonik, Kosova dhe ITU do të vendosin bashkëpunim të drejtpërdrejtë zyrtar për të realizuar së bashku procedurat që lidhen me këtë proces” , ka deklaruar Tahiri.

Sipas deklaratave të djeshme të Marko Gjuriqit, të ashtuquajturit drejtor i Zyrës për Kosovë në Serbi, ata do të shtrijnë rrjet të ri telekomunikimi në Kosovë dhe do të ofrojnë shumë shërbime. Por kjo kompani, sipas Edita Tahirit, nuk do të jetë e madhe ashtu siç thotë Gjuriq.

Sipas Marrëveshjes, Kosova do t’i jap një kompanie të re, që do të jetë serbe, të regjistruar në Kosovë një licencë të përkohshme dhe të kufizuar në telefoninë mobile. Kjo kompani e re nuk do të jetë një operator i tretë mobil në Kosovë, sepse operatori i tretë mund të vjen në Kosovë vetëm përmes tenderimit ndërkombëtar, transmeton kp.

Tahiri tha se kompania e re do jetë minore dhe do të ketë vetëm tre për qind të mbulueshmërisë në raport me dy operatorët e telefonisë mobile Vala dhe Ipko. Derisa Vala është prezentë në 490 lokacione dhe IPKO në 395 lokacione dhe mbulojnë gjithë territorin e Kosovës, kjo kompani e re (mts d.o.o.) do të jetë prezente në 30 lokacione. Me fjalë tjera, Vala dhe IPKO kanë shtrirje të plotë në mbarë Kosovën sepse janë operator të plotë të telefonisë mobile, ndërsa kompania e re do të jetë prezentë vetëm në disa zona edhe atë në mënyrë të përkohshme dhe puna e saj do të përfundojë në momentin kur në Kosovë do të vjen një operator i tretë nëpërmjet të procedurave të tenderimit ndërkombëtar, ashtu siç përcaktohet me ligjet e Kosovës.

“Po ashtu, është me rëndësi të dihet se sipas të dhënave të ARKEP, operatorët mobil Vala dhe IPKO kanë mbi 1 milion e tetëqind mijë (1800000) numra që janë në shfrytëzim nga konsumatorët ndërsa kompania e re do ti ketë vetëm gjashtëdhjetëmijë (60000) që mund t’ia ofrojë konsumatorëve në Kosovë”, theksoi Tahiri.

“Pra kemi të bëjmë me një kompani të përkohshme dhe krejtësisht minore që mund të shihet nga të dhënat zyrtare, dhe jo ashtu siç e propagandon pala serbe duke shtrembëruar marrëveshjen”, ka përfunduar Tahiri.

Sipas komunikatës për media, Tahiri po ashtu ka thënë se Serbia ka obligim që ti dërgoj letër ITU me të cilin shpreh pajtimin dhe zotohet për që nuk ta pengoj që ITU t’ia jep kodit telefonik Kosovës. Kodi 383 e bënë Kosovën ndërkombëtarisht të njohur si shtet i pavarur në fushën e telekomunikacionit, ndërsa tre kodet ekzistuese shuhen

Edita Tahiri

Tahiri thotë se Serbia mbetet jashtë BE-së nëse e pengon Kosovën në UNESCO

Ministrja për Dialog, Edita Tahiri, ka thënë se nëse Serbia mendon t’i ndal bisedimet në Bruksel pas anëtarësimit të Kosovës në UNESCO, atëherë do t’ia ndal vetes rrugën për në Bashkimin Evropian.

Periskopi.com Lajme

Kjo deklarata vjen pas paralajmërimit të Presidentit të Nikoliqit, për ndërprerje të bisedimeve të Serbisë me Kosovën.

“Nëse Serbia mendon t’i ndal bisedimet në Bruksel pas anëtarësimit të Kosovës në UNESCO, atëherë do t’ia ndal vetes rrugën për BE. Kjo për Nikoliqin nuk është problem, sepse ai krejt çka sheh është Rusia, sepse ka një shikim të mbrapsht në politikat e jashtme”, ka thënë ministrja Tahiri përmes telefonit.

Sipas saj, mbase zyrtarët tjerë të Serbisë do të duhej të shihnin me rezerve këto qëndrime të Nikoliqit.

Ivica

Daçiq e kundërshton Tahirin: Thirrjet Kosovë-Serbi do të jenë lokale, jo ndërkombëtare

Ministri i jashtëm serb, Ivica Daçiq, tha sot se marrëveshja e telekomunikacionin me Kosovën është shumë e rëndësishme për interesat e Serbisë.

Periskopi.com Lajme

“Unioni Ndërkombëtar i Telekomunikacionit nuk e ka njohur Kosovën si shtet, as Kosova nuk ka marrë anëtarësimin, pra Serbia do të kërkojë kodin për zonën gjeografike të Kosovës, derisa thirrjet ndërmjet Kosovës dhe vendeve tjera në Serbi edhe më tej do të mbetet thirrje lokale (ndërqytete)”, ka thënë Daçiq përmes një deklarate për media.

Sipas tij, mënyra se si është zgjidhur çështjen e “pronës tonë në Kosovë është me rëndësi jetike për Serbinë, për shkak se ajo është e rëndësishme për zgjidhjen e çështjeve të tjera të që mbetën pazgjidhura”, transmeton lajmi.net.

Sipas tij, marrëveshja është një tregues për korrektësinë e politikës së Qeverisë së Serbisë, e cila ishte edhe konstruktive në dialog, por edhe e pa kompromis në mbrojtjen e interesave tona kombëtare.

Ai shtoi se Kosovës i dështuan të gjitha shantazhet dhe ultimatume që kërkoi për më shumë se dy vjet, pasi ajo donte të shembte formimin e komunave serbe.

“Serbia është partner i besueshëm që kujdeset për vendimet dhe fjalët e saj, por nuk lejon që të fyhet nga askush”, përfundoi ai.

Në Bruksel sot, pas tre ditë bisedimesh, është konfirmuar se është arritur marrëveshja për telekomunikacionin midis Kosovës dhe Serbisë.

Drejtori i të ashtuquajturës Zyrë për Kosovën, Marko Gjuriq ka thënë se kjo është një epokë e re e Telekomit të Serbisë, si dhe kompania do të jetë në dispozicion në të gjithë territorin e Serbisë, duke përfshirë edhe Kosovën,  sipas tij vlera e tij në tërësi do të rriten.

Në anën tjetër, ministrja Edita Tahiri tha sonte se thirrjet ndërmjet Kosovës dhe Serbisë do të jenë ndërkombëtare dhe jo thirrje lokale, siç ka thënë Daçiq.

Tahiri thotë se thirrjet Kosovë-Serbi dhe anasjelltas, do të jenë thirrje ndërkombëtare

Edita Tahiri

Tahiri thotë se thirrjet Kosovë-Serbi dhe anasjelltas, do të jenë thirrje ndërkombëtare

Në Bruksel përfunduan bisedimet dy ditëshe, në të cilat u përcaktuan obligmet finale të palëve për zbatimin e marrëveshjes për kodin telefonik shtetëror të Republikës së Kosovës.

Periskopi.com Lajme

Ministrja për Dialog, Edita Tahiri, njëherit kryenegociatore në dialogun e Brukselit së bashku me delegacionin e ekspertëve të ARKEP-it dhe Telekomit të Kosovës, me sukses mbrojtën qëndrimin që obligimet e palëve të jenë në pajtim me marrëveshjen e vitit 2013 për kodin telefonik, planin aksional dhe konkluzionet e dakorduara më 13 shtator 2016, të zbatohen në mënyrë të përpikët dhe në përputhje të plotë me ligjet e Republikës së Kosovës, ashtu siç parashihet në këto marrëveshje.

Ministrja Edita Tahiri, pas përfundimit të bisedimeve deklaroi se tashmë çdo gjë është përcaktuar në detaje për sa i takon obligimeve zbatuese të palëve dhe se Kosova do të bëhet me kod telefonik shtetëror më 15 dhjetor 2016, të cilin do t’ia jep ITU-ja.  Ajo shtoi se me këtë marrëveshje Kosova fiton sovranitetin shtetëror në fushën e telekomunikacionit, sepse kodi telefonik e përcakton sovranitetin e saj ndërkombëtar dhe njohjen në botë përmes kodit të saj telefonik. Po ashtu, kjo Marrëveshje hap rrugën e anëtarësimit të Kosovës në ITU dhe më këtë marrëveshje po bëhët njohja ndërkombëtare e Kosovës në fushën e telekomunikacionit.

Ajo poashtu tha se sipas marrëveshjes së Brukselit, Serbia obligohet t’i dërgoj një letër ITU-së më 3 dhjetor 2016 me të cilën shpreh zotimin se nuk do të pengojë në asnjë mënyrë që ITU t`ia ndajë kodin telefonik shtetëror Kosovës. Ministrja Tahiri, poashtu shtoi se Kosova do të ketë të gjitha të drejtat shtetërore që të administroj me kodin e vet telefonik sikur gjithë shtetet tjera dhe se në Kosovë do të ketë vetëm një kod 383 dhe të gjitha kodet e huaja që janë përdorur 381, 377, 386 do të kalojnë në kodin e shtetit të Kosovës. Do të shuhen të gjithë operatorët ilegal të telefonisë mobile dhe fikse të Serbisë në Kosovë, për herë të parë pas përfundimit të luftës në Kosovë më 1999. Thirrjet nga Kosova në Serbi dhe anasjelltas do të jenë thirrje ndërkombëtare.

Poashtu Kosova, sipas marrëveshjes, obligohet që t’i jap një licencë të përkohshme dhe të kufizuar një kompanie të re të regjistruar në Kosovë sipas ligjeve të Republikës së Kosovës, fushë-veprimtaria e së cilës do të jetë e kufizuar në disa zona të caktuara në Kosovë dhe me nivel të frekuencave që përcaktohet me ligjet e Kosovës. Funksionimi i kësaj kompanie është i kufizuar edhe në aspektin kohorë, veprimtaria e saj do të përfundojë në momentin që në Kosovë do të vie operatori i tretë i telefonisë mobile përmes një tenderi ndërkombtarë.

Në marrëveshje u përcaktua se Telekomi i Kosovës mund t’i jap me qira disa asete të telefonisë fikse për përdorim nga kompania e re, dhe për këtë çështje vendosë Telekomi i Kosovës sepse këto prona janë të saj.

Pas dakordimit të konkluzioneve të këtij takimi, tashmë Kosova po ecë sigurtë drejtë marrjes së kodit shtetëror nga ana e ITU-së. Takimi i radhës së ekspertëve të të dyja shteteve do të mbahet në Bruksel para datës 3 dhjetor 2016 ku do të bisedohet për të përcaktuar kufirin frekuencorë.

Delegacioni i Kosovës i kryesuar nga ministrja Tahiri kishte në përbërje edhe Kreshnik Gashin, koordinator teknik dhe kryetar i bordit të ARKEP si dhe anëtarët e bordit: Nijazi Ademaj, Hazir Hajdari, Bahri Anadolli dhe Shqiprim Pula. Poashtu Ilir Imeri, shef i Departamentit për Komunikime Elektronike në ARKEP, Visar Halimi, shef i Departamentit për Menaxhimin e Frekuencave në ARKEP, Astrit Ajvazi, shef i Departamentit për Monitorim të Radiove dhe Inspeksion në ARKEP, Rexhë Gjonbalaj, kryetar i Bordit të Telekomit të Kosovës dhe Mehdi Latifaj, drejtor teknik i Telekomit të Kosovës.

 

Edita Tahiri

Tahiri: Marrjen e kodit po e kushtëzojmë me fillimin e zbatimit të Asociacionit

Takimet që do të zhvillohen këto ditë në Bruksel mes Kosovës dhe Serbisë nuk kanë të bëjnë fare me Asociacionin e komunave me shumicë serbe.

Periskopi.com Lajme

Kryenegociatorja e Kosovës në bisedime me Serbinë në Bruksel, Edita Tahiri i tha Gazetës Monitor, se janë duke e kushtëzuar  marrjen e kodit me fillimin e zbatimit të marrëveshjes për Asociacion e komunave me shumicë serbe.

“Ne jemi duke kushtëzuar marrjen e kodit me fillimin e zbatimit te Marrëveshjes për Asociacionin”, tha Tahiri për Gazetën Monitor.

Por se çfarë do të bisedohet konkretisht për çështjen e drejtësisë dhe se a po zbatohet marrëveshja për integrimin e kufirit (IBM),  dhe pse duhet të diskutohet prapë për telekomin, Tahiri tha se pas takimeve do të shkruhet komunikatë.

“Pas takimeve do të jetë komunikata”, ka thënë shkurt Tahiri.

Ura e Ibrit

Edita Tahiri vazhdon llafet për urën e Ibrit, ajo ende e bllokuar

Ministrja për Dialog, Edita Tahiri, qëndroi dje në Mitrovicë ku mori pjesë në një tryezë të rrumbullakët në lidhje me rëndësinë e dialogut të Brukselit për përmirësimin e jetës së qytetarëve.

Periskopi.com Lajme

Në këtë takim që është i gjashti me radhë, i mbajtur gjatë këtij viti, si një dialog i hapur mes Qeverisë së Kosovës dhe qytetarëve nga të gjitha komunitetet në veri të vendit, shqiptarëve, serbëve dhe boshnjakëve, u diskutua për procesin e zbatimit të marrëveshjeve.

Këto tryeza janë organizuar nga Qendra për Trajnime dhe Studime Gjinore dhe janë mbështetur nga ambasada norvegjeze.

Tahiri, njoftoi për zhvillimet më të fundit në dialog dhe theksoi se shumë shpejtë do të finalizohet zbatimi i disa prej marrëveshjeve të rëndësishme. Ajo po ashtu theksoi se së shpejti do të vendoset sistemi unitar i drejtësisë në veri të vendit, do të hapen zyrat e gjendjes civile dhe regjistrit civil për t’i pajisur qytetarët me dokumente të shtetësisë së Kosovës, do të fillojnë punën një numër i madh zyrash të ministrive dhe agjencioneve që kanë fushëveprimtari lokale.

“Dialogu i Brukselit po mundëson që hap pas hapi të konsolidojmë sovranitetin shtetëror edhe në veri të vendit dhe të normalizojmë gjendjen që është në dobi të qytetarëve të cilët aspirojnë një jetë më të mirë dhe më të sigurtë”, tha ministrja Tahiri.

Ministrja Tahiri po ashtu shprehu kënaqësinë për progresin në revitalizimin e Urës së Ibrit që është i dukshëm dhe konfirmoi se punimet do të kryhen deri më 20 janar 2017 kur edhe hapet ura e Ibrit për qarkullim të lirë dhe të plotë për qytetarët dhe automjetet.

“Tashmë janë hequr të gjitha barrikadat që kanë ekzistuar, diku mbi 20 të tilla, ambienti politik dhe ai i sigurisë është përmirësuar dukshëm”, theksoi ministrja.

Ajo tha se punojmë intensivisht me Bashkimin Evropian dhe së shpejti presim lajme të mira edhe për zbatimin e marrëveshjeve që janë në pritje./ Periskopi

Ura mbi Iber

Veriu

10 milionë euro në Fondin për veriun

Dhjetë milionë euro është shuma totale e depozituar në llogarinë e fondit për Zhvillim të Veriut në Mitrovicë. Ky është rezultat i taksave të mbledhura në pikat doganore në veri të Kosovës, përkatësisht, dy pikat kufitare, Jarinje dhe Bernjak.

Periskopi.com Lajme

Nga zyra e BE-së në Kosovë për Televizionin kanë bërë të ditur se që kur Fondi i zhvillimit u bë operativ, gjithsej 10 milionë euro janë depozituar në llogarinë e këtij fondit.

Fondi do të mbulojnë projektet për të cilat kanë aplikuar komunat në veri të vendit, si Zvecan, Zubin Potok, Mitrovicë veriore, dhe Leposaviç. Mirëpo, ky fond funksionon i pavarur nga buxheti  i Kosovës dhe është i destinuar vetëm për veriun.

Edita Tahiri ne Liban

Tahiri në Liban: Njohja e ndërsjellë mes dy shteteve sjellë paqe të qëndrueshme

Me ftesë të Iniciativës për Dialog të Libanit (LDI) dhe Universitetit “Notre Dame”, ministrja për Dialog e Republikës së Kosovës, Edita Tahiri po qëndron në Liban, ku po merr pjesë në Konferencën “Dialogu dhe praktikat e mira: paqe-stabilitet-prosperitet”.

Periskopi.com Lajme

Në këtë Konferencë po marrin pjesë përfaqësues të botës akademike, fetare, politike dhe intelektuale të Libanit dhe pjesëmarrës ndërkombëtarë. Një panel i është kushtuar dialogut mes dy shteteve Kosovës dhe Serbisë, të ndërmjetësuar nga Bashkimi Evropian, si një model për krijimin e paqes përmes marrëdhënieve fqinjësore mes dy shteteve. Pjesë e panelit janë përfaqësuesit e dyja shteteve.

Në hapje të forumit folën Dr. Guita Hourani nga instituti LDI, z. Suheil Matar, zëvendës president për çështje publike dhe komunikim në Universitetin “Notre Dame”, z. Amin Nehme, President i Iniciativës së Libanit për Dialog, z. Walid Moussa, President i Universitetit Notre Dame, z. William Zard, president i Bordit Mbikqyrës të LDI-së, Bahij Tabbara, ish-ministër i Drejtësisë së Libanit, Sheikh Malek al-Shaar, Myftiu i Tripolit dhe i veriut dhe John Bond nga Iniciativa Ndërkombëtare për Ndryshime në Universitetin e Oksfordit. Në këtë forum po ashtu morën pjesë edhe zyrtarë tjerë të Qeveritarë së Libanit, përfaqësues të OKB-së, BE-së, përfaqësues të korit diplomatik dhe organizatave tjera ndërkombëtare.

Paneli për dialogun mes Kosovës dhe Serbisë të ndërmjetësuar nga Bashkimi Evropian, u moderua nga Ambasadori William Habib, ish sekretar i përgjithshëm i Ministrisë së Jashtme të Libanit. Ministrja Tahiri mbajti një fjalim dhe iu përgjigj pyetjeve të shumta të pjesëmarrësve në këtë panel.

Ministrja Edita Tahiri foli për historinë e përpjekjeve për lirinë dhe pavarësinë e Kosovës si dhe proceset paqësore që nga Rambuje, Vjenë dhe tani në Bruksel, si dhe progresin e shtetit të Kosovës në forcimin e shtetit sovran dhe demokratik si dhe subjektivitetin ndërkombëtar. Ajo tha se Kosova lindi si shtet pas luftës dhe sakrificave njëshekullore të popullit shqiptar dhe Kosovës, si një proces për të korrigjuar padrejtësinë e ndarjes së kombit dhe tokave shqiptare.  Ajo po ashtu foli për përvojën personale të saj si një nga liderët e lëvizjes për pavarësimin e Kosovës dhe si negociatore e paqes, si në kohën e luftës në Kosovë e poashtu në procesin e përpjekjeve për integrimet euro-atlantike, duke thënë se kushti evropian për fqinjësi të mirë ka bërë që Dialogu në Bruksel të jap rezultate mjaft të rëndësishme. Ministrja Tahiri theksoi se njohja e ndërsjellë mes dy shteteve sjellë një paqe të qëndrueshme në Ballkan dhe Evropë, duke ndërtuar marrëdhënie të mira ndërfqinjësorë me ish-armikun Serbinë.

Ajo po ashtu tha se Libani dhe libanezët e kuptojnë historinë tragjike por triumfuese të Kosovës sepse në të gjejnë pjesë të historisë së tyre të okupimeve. Ajo tha se Libani meriton të bëhet një qendër globale për dialog nga ana e OKB-së, sepse shembulli i respektimit të diversiteteve dhe bashkëjetesës mbi këtë vlerë e bën Libanin një model inspirues për dialog dhe paqe.

Duke folur për historikun e ndërtimit të shtetit të Kosovës, ministrja Edita Tahiri tha se me ndryshimet e mëdha globale pas përfundimit të luftës së ftohtë dhe të rënies së komunizmit dhe murit të Berlinit ka rënë edhe muri i Berlinit shqiptar, që kishte ndarë shqiptarët në Ballkan për shumë dekada.

“Pra këto ndryshime të mëdha hapën dyert për të drejtën e popujve për vetëvendosje dhe të drejtën e popullit të Kosovës për të vendosur vetë për të ardhmen e tyre, dhe populli i Kosovës vendosi, luftoi dhe fitoi pavarësinë së bashku me përkrahjen e aleatëve tanë, SHBA dhe vendet perëndimore” theksoi ministrja Tahiri.

Ajo po ashtu tha se historia e luftës dhe shtypjes nuk mund të ndryshoj as nuk mund të harrohet por ne po ndërtojmë ardhmërinë e shtetit tonë të ri për gjeneratat e reja dhe duam t’i lëmë në paqe me të gjithë madje edhe ish armikun Serbinë duke dialoguar për krijimin e një fqinjësie në paqe.

Ministrja Edita Tahiri ka shprehur mospajtim me prezantimin e historisë së zhbërjes së Ish – Jugosllavisë dhe historisë së Ballkanit nga ambasadori William Habib (ish-Sekretari i Përgjithshëm i Ministrisë së Punëve të Jashtme të Libanit), duke i thënë se ish-Jugosllavia kishte tetë njësi federale dhe jo vetëm gjashtë republike, dhe njësitë federale kishin të drejtën për të vendosur vet, dhe mbi këtë bazë edhe u njohtë pavarësia e shtetit nga pjesa më e fuqishme e botës dhe se ajo vet kishte lobuar dhjetë vite si Ministre e jashtme e Kosovës në kohën e okupimit për të argumentuar para botës çështjen e Kosovës si një çështje e kombit padrejtësisht të ndarë shqiptar.

Në këtë panel ka folur edhe përfaqësuesi i Qeverisë së Serbisë në Dialogun e Brukselit z. Marko Gjuriq dhe poashtu gjatë ditës është mbajtur edhe një panel për kontributin për paqe të të rinjve ku kishte përfaqësues të të rinjve nga shtete të ndryshme përfshirë edhe znj. Arbora Aliaj nga Shqipëria.

Ministrja Tahiri u ndal edhe tek roli i saj si negociatore e paqes në bisedimet e Brukselit.

Fjala e ministres Tahiri:

Kur unë pranova të jem kryenegociatore, qytetarët ishin të zhgënjyer, ngase unë isha e njohur si patriote, nacionaliste, lidere, ministre e Jashtme gjatë kohës së okupimit ku kam udhëtuar gjithandej nëpër botë për të prezantuar argumentet për vetëvendosje dhe pavarësi të Kosovës. Duke e njohur kontributin tim atyre nuk iu ka pëlqyer që unë të shkoja në Bruksel për të biseduar me palën serbe, por më lejoni t’ju them se unë e kam pranuar me kënaqësi këtë detyrë, jo se është e lehtë, por sepse e dijë se vendimet e vështira duhet t’i marrin përsipër liderët, ndërsa populli do t’i vlerësojë kur i sheh rezultatet përfundimtare. Populli jonë kërkonte që dialogu me Serbinë të fillojë pasi Serbia të kërkoj falje për gjenocid dhe pasi ta njeh pavarësinë e Kosovës dhe kishin të drejtë, mirëpo dialogu për paqe është proces që do rezultojë me zgjidhje në këto kërkesa.

Unë besoj se njerëzit që marrin përsipër të bëjnë paqe e dinë se paqja bëhet me armikun dhe ndryshimet vijnë nga njerëzit që pranojnë të ndryshojnë dhe vet pozitivisht. Më lejoni t’ju tregojë se si unë kam ndryshuar, pas përfundimit të luftës, pasi u çlirua populli im dhe nuk kishte më shtypje, unë shkova për studime në Harvard, sepse më duhej kohë për ndryshime ngase për dhjetë vjet kam luftuar kundër armikut në mbrojtje të popullit tim.

Koha ishte për ta transformuar vetën nga dikush që kishte bërë rezistencë në dikë që duhet të mendojë se si të bëjë paqe. Fitimi i luftës është një fitore e madhe por fitimi i paqes është të sigurosh një të ardhme më të mirë për gjeneratën e ardhshme. Periudha në shkollën John Kenedi të Univeristetit të Harvardit ishte për mua jo vetëm mësim por edhe mundësi që të punojë me veten time, për të ndryshuar mënyrën e të menduarit, me një qasje më paqësore. Prandaj kur e pranova detyrën e kryenegociatores, në një mënyrë isha gati që në të vërtetë të negociojë dhe kjo  kërkon vizion, luftë shumë të argumentuar në tavolinë, durim dhe po ashtu kreativitet që të mbrosh interesin kombëtar por edhe të gjesh zgjidhje, dhe e gjithë kjo është e mundshme. E thash këtë ngase tashmë kemi arritur më shumë se tridhjetë marrëveshje, në më shumë se pesë vjet dhe do të arrijmë të tjera në të ardhmen.

 

Kur unë fillova me punët e Jashtme, në periudhën e okupimit të Kosovës, Kosova ishte ‘terra-incognita’, mua më duhej që ta marr hartën me vete që t’i tregoj botës në hartë se ku është shteti im. Sot Kosova është vend i njohur me njohje të fuqishme të pavarësisë nga SHBA-të dhe vendet perëndimore, me një orientim të qartë euro-atlantik. Kur thash vendet perëndimore nuk e kisha fjalën në aspektin gjeografik por në atë demokratik si vendet që e duan paqen dhe demokracinë.

Gjatë periudhës së luftës ne kemi bërë bisedime paqësore me Serbinë, në konferencën e Rambujesë, unë isha anëtare e delegacionit të Kosovës aty. Ajo ishte përpjekja e fundit diplomatike për të bërë paqe në mes të Kosovës dhe Serbisë, pas kësaj SHBA dhe vendet e Aleancës morën vendim për të ndërhyrë ushtarakisht mbi Serbinë që ta ndalin luftën përmes intervenimit të NATO-s.

Mirëpo Serbia e asaj kohe të Millosheviqit ishte agresore, shkatërroi Ballkanin, i cili jo vetëm që e shkatërroi Kosovën po edhe Bonjën dhe Kroacinë, nuk pranoi ta nënshkruante marrëveshjen për paqe dhe për pasojë Serbia u detyra me forcë ta largohet nga Kosova.

Nëse më pyetni sot, si një politikane me përvojë dhe një studiuese që është marrë me marrëdhëniet ndërkombëtare, se a do të duhet përdorimi i forcës për të bërë paqe? Sepse paqja dhe lufta janë ‘oksimoronë’ , por më duhet të them se nganjëherë duhet edhe përdorimi i forcës për të bërë paqe. Do të ishte më e mira që paqja të bëhet në mënyrë origjinale, por nganjëherë nuk funksionon ashtu. Por në Bruksel nuk ka nevojë për forcë, Bashkimi Evropian na ka vendosur neve kushte ose stimuj, quajeni si të doni. Të dyja shtetet Kosova dhe Serbia duan të bëhen anëtare të BE-së, kjo e fundit ia ka bërë të qartë të dyjave se nëse duam të jemi anëtare të BE-së duhet të keni marrëdhënie të mira ndërfqinjësore. Që kjo të jetë e mundshme Serbia duhet të heqë nga Kosova strukturat e saja paralele që i ka vendosur në Kosovë pas përfundimit të luftës dhe OKB përmes misionit të saj në Kosovë ka dështuar që të qeverisë të tërë Kosovën, një pjesë e saj ka mbetur nën tension. Dialogu i Brukselit po ndihmon që serbët e kësaj pjese të integrohen në sistemin e Kosovës ngase serbët tjerë në Kosovë vetëm se janë të integruar dhe strukturat paralele janë duke u shuar. Qëllimi ynë është që t’i kemi të gjithë minoritetin serb të integruar, ky proces po shkon mirë, Kushtetuta jonë garanton standarde të mira për të gjitha pakicat që jetojnë në Kosovë dhe për serbët akoma më shumë të drejta se të tjerët me qëllim që të ndihmohet procesi paqësor në mes të dy shteteve.

Në fund dua t’ ju them që shqiptarët i kanë tri religjione, janë myslimanë, katolikë dhe ortodoks, unë gjithmonë e kam promovuar që shqiptarët në Ballkan, veçmas Shqipëria dhe Kosova mund të ndihmojnë në moderimin e ndonjë përplasje të mundshme në mes të civilizimeve. Andaj fuqishëm besoj se Libani, mund ta luaj një rol të shkëlqyeshëm në promovimin e dialogut jo vetëm në Lindje të Mesme por edhe gjithandej botës, andaj, fillimisht dua të uroj gjithë juve që punoni në këtë iniciativë dhe dua të them se unë personalisht por edhe Kosova do të lobojë që në Liban, OKB-ja të themelojë Qendrën Universale të Dialogut dhe një ditë të shohim Libanin si një vend që ofron mundësi për vendet tjera mundësi për ndërtimin e paqes./ Periksopi

Edita Tahiri ne Sfirce

Tahiri vendos gurëthemelin e kufirit me Serbinë, në fshatin që nuk ka rrymë

Dje është vënë gurthemeli për pikëkalimin e ri kufitar në Kapinë e Sfircës, që është rezultat i dialogut të Brukselit dhe Marrëveshjes së arritur në Bruksel, më 21 maj 2015.

Periskopi.com Lajme

Ministrja për Dialog, Edita Tahiri, e cila vuri gurthemelin e pikës së re kufitare mes dy shteteve, Kosovës dhe Serbisë, te Kapia e Sfircës, tha se është shumë e gëzuar që u arrit ky sukses, sepse kjo pikë e re kufitare do të afroj më shumë shqiptarët e Luginës së Preshevës me Kosovën, por dhe gjithë qytetarët dhe komunitetet këndej dhe andej kufirit, raporton Periskopi

“Në emër të Qeverisë së Republikës së Kosovës së pari ju uroj këtë ditë të rëndësishme për të gjithë Kosovën, gjithë qytetarët dhe komunitetet, veçmas për shqiptarët e Luginës së Preshevës. Qeveria jonë ndihet krenare me këtë arritje që është në dobi jo vetëm për lëvizjen më të lirë të qytetarëve, por edhe për zhvillimin ekonomik dhe social të këtyre zonave kufitare, sidomos për Kamenicën që nuk është më një zorrë qorre dhe për Medvegjën dhe shqiptarët e Luginës së Preshevës që kanë nevojë për zhvillim dhe prosperitet”, tha ministrja Tahiri.

Ajo tha se kjo ngjarje shënon zbatimin e marrëveshjes së Brukselit të IBM për pikën e re kufitare, të arritur në Bruksel midis Kosovës dhe Serbisë dhe e cila po zbatohet nga të dyja shtetet. Ajo theksoi se zbatimi i marrëveshjeve i jep suksesin e pritur dialogut të Brukselit dhe kontribuon në normalizimin e marrëdhënieve fqinjësore mes dy shteteve.

“Kjo pike e re kufitare te Kapia e Sfircës në bazë të analizave të bëra nga institucionet tona do të shkurtoj rrugën mes Kamenicës dhe Medvegjës për reth 80 km, pra në vend të dy orë udhëtimi, tani më qytetarët do të udhëtojnë vetëm një orë për të mbërritur në Kosovë dhe anasjelltas. Shpresoj se kjo do të nxisë më shumë bashkëpunim, lidhje më të fuqishme mes shqiptarëve dhe do të nxis shqiptarët e Medvegjës të kthehen në vendlindje. Dëshiroj t’ju bëjë me dije se për të arritur këtë marrëveshje nuk ka qenë fare e lehtë, por ia dolëm falë këmbëngulësisë së palës tonë por me këtë rast vlerësoj kontributin e të dyja udhëheqjeve komunale, të Kamenicës dhe Medvegjës me të cilat jam takuar disa herë për këtë qëllim dhe të cilët kanë qenë po ashtu mjaft këmbëngulës”, tha ministrja Tahiri.

Po ashtu, ajo vlerësoj lartë angazhimin e Policisë së Kosovës dhe Ministrisë së Punëve të Brendshme si dhe tërë Grupit punues për Marrëveshjen e Brukselit për pikë kalimin në Kapinë e Sfircës, Shaban Guda drejtor i policisë kufitare, Dren Zeka, koordinator i Grupit punues, Bekim Mehmetaj, drejtor i IBM në Doganën e Kosovës, Driton Gashi, sekretar i përgjithshëm i MPB, Arben Çitaku sekretar i përgjithshëm, MMPH,  Qemajl Marmullakaj antarë i Grupit punues.

Ceremonia e vënies së gurthemelit të pikës kufitare te Kapia e Sfircës ishte organizuar nga Komuna e Kamenicës dhe në të morën pjesë edhe Begzad Sinani, Kryetar i Komunës së Kamenicës, Fatmir Matoshi, zv.Kryetar i komunës së Kamenicës, Dren Zeka, koordinator i Grupit punues qeveritar për Marrveshjen e IBM, Fahri Gashi  u.d. drejtor i doganeve, Shaban Guda, drejtor i Policisë Kufitare, Bekim Mehmetaj, drejtor i IBM në Doganën e Kosovës si dhe këshilltarët politikë të ministres Tahiri, Elona Cecelia dhe Ramize Sejdiu. Nga komuna e Medvegjës e Bujanovcit ishin prezent Shaip Kamberi, Kryetar i Komunës së Bujanovcit dhe Leme Xhema, nënkryetare e komunës së Medvegjës si dhe qytetar të shumtë të dy komunave.

Ministrja Tahiri po ashtu vizitoi edhe fshatin Sfircë me ç’rast u takua me banorët e fshatit të cilëve ua dha lajmin e mirë që së shpejti do kenë funrizim me rrymë pas shumë vitesh.

Ministrja me këtë rast deklaroi: “Nga mediat e kam kuptuar se fshati Sfircë në një pjesë të saj nuk ka rrymë elektrike. Më ka prekur lajmi dhe kam ndërmarrë një iniciativë humanitare që së bashku me KEDS-in ta zgjidhim këtë problem, t’i japim dritë Sfircës. Falënderoj KEDS-in për gatishmërinë dhe shumë shpejtë do të keni energji eklektike dhe drita. Ky fshat ka dhënë kontribut për lirinë dhe pavarësinë e Kosovës, dhe këtë e dëshmon kontributi dhe sakrifica edhe e heroit Nuhi Berisha dhe respekti dhe nderimi për të do të jetë i përhershëm”.

Ajo vizitoi shtëpinë ku ka lindur Nuhi Berisha dhe u shpreh e bindur se kjo shtëpi do të jetë një muze i luftës sonë, për të cilën Kuvendi i Kosovës ka iniciuar procedurat./ Periskopi

Edita Tahiri

Tahiri: S’e kushtëzuam Serbinë

Ministrja për Dialog, Edita Tahiri, i ka deklaruar Televizionit N1 se Prishtina nuk e ka kushtëzuar Serbinë në asnjë mënyrë, por dokumenti për të cilin flet Beogradi i është dorëzuar Brukselit më 2014 në kuadër të marrëveshjeve për temat për të cilat do të bisedohet gjatë takimeve ndërmjet Prishtinës dhe Beogradit.

Periskopi.com Lajme

“Kosova askënd nuk e kushtëzon. Asnjë dokument të ri nuk ia kemi dorëzuar Brukselit”.

“Bëhet fjalë për manipulim të Beogradit”, ka deklaruar Tahiri.

Ajo ka shtuar se për dokumentin ka folur përpara Kuvendit të Kosovës, pasi ka kaluar një kohë që kur i ka njoftuar deputetët me bisedat me Beogradin.

Mediat në Beograd kanë interpretuar një deklaratë të negociatores së Kosovës, Edita Tahiri, se “janë vënë kushte përpara Serbisë për hapjen e kapitujve”, në mesin e të cilave edhe “garanca e BE-së që anëtarësimi i Serbisë të kushtëzohet me “pranimin e Kosovës, kërkesën për vendosjen e kufirit ndërmjet shteteve Kosovë dhe Serbi dhe dëmshpërblimi i luftës”.

Qeveria e Serbisë ka mbajtur të enjten një mbledhje urgjente për shkak të “kërkesa skandaloze” të cilat i ka parashtruar Prishtina.

Ndërkohë, kryeministrii Serbisë, Aleksandar Vuçiq, dhe përfaqësuesja e lartë e BE-së për politikë të jashtme dhe siguri, Federika Mogherini, janë pajtuar se është me rëndësi që në një afat sa më të shpejtë të zbatohen të gjitha marrëveshjet e arritura në Bruksel ga Prishtina dhe Beogradi.

Në një bisedë telefonike të Vuçiqit me Mogherinin, është konstatuar se zbatimi i marrëveshjeve në Bruksel, “paraqet bazën themelore për vazhdimin e dialogut edhe për temat e tjera”.

Ndërkohë që presidenca sllovake e Këshillit Evropian zyrtarisht ka deklaruar se “‘nuk ka pajtueshmëri që Serbia deri në fund të këtij muaji në negociata me BE-në të hap kapitullin e ri”, Beogradi zyrtar ‘arsyet e mos hapjes së kapitullit i ka parë në një ultimatum që, siç thuhet, “Kosova e ka vënë”.

NISMA

Nisma: Po paralajmërohen koncesione të reja me Serbinë

Ideja e prezantuar sot nga Edita Tahiri, që faza e tretë e Dialogut të Brukselit me Serbinë të ketë format negociatorësh sikur “Ekipi Unitetit” në bisedimet e Vjenës, nuk i ka pëlqyer fare Nismës për Kosovë.

Periskopi.com Lajme

Bilall Sherifi nga kjo parti ka thënë se kjo ide është “një lajm shumë i keq”, transmeton Koha.net.

Ai në prononcim për Koha.net ka thënë se kjo që ka kërkuar Edita Tahiri, do të thotë përgatitje për koncesione të reja me Serbinë.

“Nëse Edita Tahiri kërkon një lloj dialogu sikur në kohën e bisedimeve të Vjenës, atëherë paskan përgatitur koncesione të reja për Serbinë. Se po të ishin tema për të cilat do të fitonte Kosova, nuk do të ishte e gatshme as Edita as shefat e Editës nuk do të na thirrnin”, ka thënë Sherifi, teksa potencon përsëri se po të ishte mirë, atëherë nuk do të thirrej fare opozita.

 

Edita Tahiri

Edita Tahiri mendon se Ekipi e Unitetit la NAM në Vjenë

Kryenegociatorja e Kosovës në dialog me Serbinë në Bruksel, Edita Tahiri ka kërkuar ndryshim për përfaqësim të vendit në dialog.

Periskopi.com Lajme

Ajo sot para Komisionit Parlamentar për Politikë të Jashtme ka thënë se delegacioni duhet të jetë i njëjtë sikur ekipi përfaqësues në bisedimet e Vjenës.

“Duhet të ketë konsensus mes te gjitha partive politike dhe të shkohet në këtë fazë pasi edhe Brukseli ka thënë se ky dialog nuk mund të zgjasë aq sa ka zgjatur”, ka thënë Tahiri.

Në Vjenë ka negociuar, i ashtuquajturi Ekip i Unitetit, me përfaqësues të të gjitha partive politike. Ai dialog në Vjenë i ka paraprirë pavarësisë së vendit më 17 shkurt 2008.