Djali i bosit të drogës, që po ‘çmend’ femrat anembanë botës

Jordan Barrett është i ri, mjaft i pashëm, por me një të kaluar dhe prindër për të cilët nuk është dhe aq krenar. Ai është model dhe këtë vit është zgjedhur si “Top Modeli i Vitit” nga sajti Models.com.

Periskopi.com Limonada

Bukuroshi që po çmend femrat anë e mbanë globit është i biri i Adrian Barrett, një trafikanti droge, i cili u dënua me 8 vite burg kur i biri ishte 17-vjeç.

Tani 20-vjeçari australian është në qendër të vëmendjes mediatike dhe është spikatur falë fytyrës interesante e syve të akullt. Ai ka rënë në sy që në moshën 14-vjeçare teksa ishte në një dyqan dhe kërkonte një çakmak për të ndezur një cigare.

1-10 1-11 1-12

Mirror: Mafia shqiptare kontrollon kokainën që hyn në Belgjikë (FOTO)

Mafia shqiptare kontrollon portin Antwerp, në Belgjikë.

Periskopi.com Lajme

Britanikja “Mirror” shkruan se “kryeqyteti i Kokainës në Evropë”  përdoret nga shqiptarët për të dërguar një nga lëndët narkotike me të shtrenjta drejt Londrës.

Droga e klasit A vjen në Antwerp nga Kolumbia, duke u fshehur në pllaka mermeri dhe trarë prej druri, të ngarkuar në kontejnerët e anijeve.

Më pas janë shqiptarët ata që e marrin në dorëzim me synimin e vetëm, ta çojnë drejt Londrës aty ku tregu është më i lartë.

“Rojet e kufirit në qytetin belg e kanë humbur luftën kundër zotërve të drogës kolumbiane”, shkruan britanikja.

Shifrat zyrtare tregojnë nivele rekord të kokainës që është futur në Evropë, nga Belgjika.

Në tetë muajit parë të 2016 është kapur 22 ton kokainë, shumë herë më shumë se rekordi i vitit 2012 me 18 ton. “Mafia shqiptare mund të përfitojë nga situata për ta transportuar drejt Britanisë, ku fitimi është më i madh”, ka thënë një burim portal për britaniken Mirror.

“Ata shesin kilogramin 50,000 euro në Britani, ndërsa në vende të tjera 30,000 euro”,  shkruan tv klan.

php_brussels_harris_13 php_brussels_harris_27 best-practice-single-line-sumary-of-the-person-event-scene

 

Zbardhet dosja e ‘Eskobarit të Ballkanit’/ Si u nis skafi me drogë nga brigjet e Sarandës

Prokuroria zbardh detaje të trafikut të drogës të drejtuar nga Kelmend Balili. Abc News ka siguruar materialet, se si është provuar implikimi i Balilit në trafikun e drogës dhe nisja e skafit me rreth 679 kg hashash nga brigjet e Sarandës drejt ishulit të pabanuar të Zakynthos në Greqi, ku pritej nga shoferët e biznesmenit greke, Georgios Alifantis tashmë i arrestuar.

Periskopi.com Lajme

Prokuroria për krime të rënda zbardh detaje të dosjes së Kelmend Balilit, të shpallur në kërkim që në Maj nga autoritetet greke si një nga financuesit dhe organizatorët e trafikut të drogës nga Shqipëria drejt Evropës Qendrore.

Në Shkurt të këtij viti, autoritet greke kanë arritur të identifikojnë dy numrat e telefonit, një grek dhe shqiptar që rezultuan se përdoreshin nga shtetasi Kelmend Balili i njohur në biseda telefonike si “Keli”. Në atë kohë, Balili mbante detyrën e drejtorit në Drejtorin Rajonale të Shërbimeve të Transportit Rrugor në Sarandë. Në dosje thuhet se Balili në bashkëpunim me disa biznesmen grekë, bullgarë dhe shqiptarë me qëndrim në Belgjikë, janë pjesë e një organizate kriminale për trafikimin e lëndëve narkotike të llojit kokainë dhe canabisë sativa.

Për rrjetin në fjalë, thuhet në dosje autoritet greke janë njoftuar nga selia e DEA-së amerikane në Athinë. Në materialet që prokuroria ka përdorur për caktimin e masës së isgurisë “arrest me burg” për Balilin, thuhet se rrjeti kriminal përdorte për transportin e drograve kamionë që janë të regjistruar në vende të ndryshme të Europës, në pronësi të kompanive që zotërohen nga shtetas grekë dhe përdorin si përfaqësues të këtyre firmave njerëz të ndryshëm. Ky rrjet, thuhet në dosje, funksionon prej vitesh por vetëm në fund të Prillit autoritetet ligjzbatuese kanë rënë në gjurmët e tyre.

Kjo pasi është transkriptuar një bisedë telefonike mes Balilit dhe një biznesmeni greke, që kishte kompani transporti, me degë të saj në Bullgari, Austri dhe Belgjikë. Shtetasi greke, tashmë i arrestuar është Georgios Alifantis dhe bënte transportin e drogave nga Greqia drejt Evropës Qëndrore, pasi ato silleshin në Greqi nga njerëzit që komandoheshin nga Kelmend Balili, qoftë në rrugë detare me skaf apo me mjete tjera tokësore.

Në fund të Prillit, Balili ngarkon skafin me emrin “Vasiliki” me rreth 679 kg hashash dhe ia beson mallin dy skafistëve Petro Dalanaj dhe Kleanth Palaj, të cilët i nis drejt ishullit të pabanuar Zakynthos të Greqisë. Për nisjen e skafit nga brigjet e Sarandës, rrugën që do ndiqte mjeti lundrues dhe vendin e zbarkimit, prokuroria ka siguruar bisedat e Kelmend Balilit që orientonte dy skafistët dhe njoftonte për veprimet e tyre edhe shtetasin greke, Georgios Alifantis. Ky i fundit, me shoferët e tij, e priste drogën në Greqi.

Me të mbërritur skafi në Greqi, malli ngarkohet në vende të ndryshme të kamionëve të modifikuar për fshehjen e drogës dhe bëhej gati për nisje drejt Bullgarisë, Austrisë e Belgjikes. Por, për shkak se po ndiqeshin nga autoritetet greke mbrëmjen e 8 Majit, skafistët shqiptarë u arrestuan bashkë me biznesmenin grek dhe shoferët e bashkëpunëtorët e tij në Greqi, ku u bllokua edhe droga. Për këtë rast dhe një tjetër, që ka dështuar në Bullgari, rrjeti kriminal i drejtuar nga Kelmend Balili akuzohen për trafik droge në kuadër të organizatës kriminale. /ABC News/

Tirana ime nën rrjetën e merimangës së droguar

Dje pasdite, për të përshkuar me makinë rrugën nga një pikë brenda Tiranës për në shtëpinë time, që rëndom e kam kryer për 10 -15 minuta, m’u deshën 45 minuta. U gjenda në mes të një lumi makinash që ecte me shpejtësinë e breshkës.

Fatos LUBONJA Opinione

I shikoja shoferët dhe pasagjerët të strukur secili në makinën e tij, duke thithur tym karburanti pa fund me detyrim dhe përcaktim. Ishte mbrëmje dhe të gjithë mezi prisnin të mbërrinin në shtëpi të lodhur pas pune. Jam i bindur se, ashtu si unë, të gjithë turfullonin me vete për shkakun e kësaj pengese dhe stresi që u shtohet streseve dhe pengesave që shoqërojnë ditën e shqiptarëve në këtë vend, ku duket se çdo hap i njërit është pengesë e tjetrit.

Të vinte të mendoje për një çast se të gjithë ata njerëz në atë lumë makinash, sikur të bëheshin bashkë, të zbrisnin nga makinat e tyre, mund të bënin çudira. Për shembull, mund t’i flaknin tej pengesat prej llamarine me të cilat ua kanë bllokuar rrethrrotullimin e qendrës pa i pyetur, për ta kthyer në një shesh pedonal absurd, e t’u japin kështu një mësim këtyre maskarenjve që as nuk i provojnë këto mundime, sepse ua hapin rrugën me eskorta arrogante e të dhunshme. Por jo. Në atë ecje prej breshke ndihej edhe një nënshtrim i madh ndaj fatit. Ashtu si kanë duruar që maskarenjtë t’ua kthejnë qytetin nga këmbësorësh në qytet makinash, duke ua bërë trotuaret vetëm gjysmë metri, tani u duhet të durojnë kur u thonë “nuk na rruhet për makinat, ecni më këmbë!” Më shumë se gjithçka te shoferët ndihej kujdesi se mos i gërvishtje makinën tjetrit – se atëherë do të bëhej nami, – se dihet se për një makinë të gërvishtur shqiptarët janë gati të ulërasin pa fund, paçka se mund të ecin me vite pa bërë zë në rrugë gjithë gropa që ua bën copë makinat apo në situata si kjo që po përshkruaj. Në fakt, ecja me makinë ndaras nga njëri-tjetri në kushtet e ditës së mbrëmshme është ndoshta metafora më e goditur e ecjes së shqiptarit këta 25 vjet. Çdo shofer kujdeset vetëm që t’i hapë rrugën ndonjë më të forti e se si t’ia hedhë ndonjë më të ngathëti që ka përpara, për ta kaluar, por kurrsesi për të ndërtuar rrugë ku të gjithë të ndihen mirë e të respektuar. Secili ecën në trajektoren e vet absurde, dhe pa lidhje me tjetrin. Është ecja në rrjetën e merimangës së droguar.

Ç’është kjo merimanga e droguar dhe ç’lidhje ka me Tiranën? – do të pyesë lexuesi që ka parë titullin e këtij shkrimi. Ja, po e shpjegoj. Më së pari dua të them se nuk është gjetje e imja. Diku e kam lexuar, apo ma kanë treguar, shumë kohë më parë dhe i kërkoj ndjesë autorit që nuk ia kujtoj emrin. Më duket se është holandez, apo gjerman.

Sipas autorit, Tirana është projektuar nga urbanistët italianë mbi konceptin e rrjetës së merimangës. Në fakt, po ta shikosh planimetrinë e vjetër të Tiranës, ajo i shëmbëllen vërtet një rrjete merimange. Nga qendra, ku fillon rrjeta, dalin vertikalet më të trasha, si Rruga e Kavajës, Rruga e Durrësit (të cilat janë projektuar që të dyja që të shohin simbolet e qytetit, Xhaminë e Et’hem Beut dhe Kullën e Sahatit), dy bulevardet, Rruga e Dibrës, rruga midis Pallatit të Kulturës dhe Xhamisë, të cilat, pastaj, përshkohen e lidhen me tërthoret më të holla në formë unazash koncentrike, të cilat, nga ana e tyre, lidhen me kapilarët, rrugicat.

Sipas studiuesve, rrjeta e merimangës e ndërtuar kështu ka nacionalitetin e vet, sepse evolucioni i ka mësuar merimangës se kjo është mënyra më e shkurtër dhe më efikase për t’u ndërtuar një rrjetë, duke nisur nga qendra e duke u zgjeruar. Mirëpo, çfarë kanë bërë shkencëtarët? – gjithmonë sipas autorit holandez apo gjerman. Ata kanë marrë një merimangë dhe i kanë dhënë të marrë pak drogë. A e dini çfarë ka ndodhur? Merimanga nuk e ka humbur instinktin për të ndërtuar rrjetën, që është edhe mënyra e saj e mbijetesës, por, në vend të rrjetës racionale funksionale, ka ndërtuar një rrjetë të çmendur, kaotike dhe jofunksionale.

Besoj se lexuesi, veçanërisht banorët e Tiranës, tani e kuptojnë se ku e kam fjalën. Tirana e projektuar sipas një urbanistike për të qenë, nga pikëpamja e sistemit rrugor, e ngjashme me rrjetën e merimangës, ka kaq kohë që ka rënë në duart e një merimange të droguar nga pushteti dhe nga paraja. Rezultatin e provon çdokush, përveç merimangës që vazhdon të punojë e droguar. Rrjeta është bërë e po bëhet gjithnjë e më kaotike, më e çmendur, e më jofunksionale.

Sigurisht kjo është një metaforë dhe si çdo metaforë ka edhe kufizimet e veta. Merimanga e droguar me një rrjetë të çmendur jofunksionale ngordh. Ose e zhdroguar fillon ndërton një rrjetë tjetër. Po ne çfarë do të bëjmë kur shohim se kjo e jona nuk jeton dot pa drogë? Do të ngordhim së bashku me të, apo do të gjejmë rrugë për ta shpëtuar qytetin (dhe gjithë Shqipërinë) nga kthimi në një rrjetë të çmendur dhe vrastare merimangash të droguara? (Panorama)

Kapen mat shqiptarët nga Policia e Kosovës

Njësitë e Doganës së Kosovës në bashkëpunim të ngushtë me Policinë e Kosovës kanë arritur të kapin afër 20 kilogramë narkotikë të llojit marihuanë.

Periskopi.com Lajme

Gjatë kontrollimit të automjeteve në pikë-kalimin e Kullës (regjioni Pejë), oficerët doganor kanë shfaqur dyshimet se një automjet me targa të Shqipërisë mund të transportonte mallra të ndaluara, përcjell Telegrafi.net.

2-194

 

Pas ndalimit të automjetit dhe identifikimit të udhëtarëve (shtetas të Shqipërisë) automjeti është selektuar për kontrolle detale.

Gjatë kontrollit të ushtruar në automjetin e lartë përmendur së bashku me policinë është zbuluar një sasi e konsiderueshme e lëndës narkotike (dyshohet të jetë Marihuanë).

Lënda narkotike u zbulua e fshehur në mes të bagazhit dhe ulëses së pasme. Vozitësi dhe bashkudhëtari janë arrestuar nga Policia kufitare në momentin e parë ku janë vërejtur pakot e dyshimta. Pas përfundimit të kontrollit sasia e saktë ishte e 17 pako apo 18 kg e 390 gram.

Rasti dhe substancat narkotike janë dorëzuar për procedim të mëtejmë tek policia si dhe personat janë dërguar në mbajtje me urdhër të prokurorit kompetent.

3-175

4-125

 

Rekordi/ Kapen në Holandë 2 shqiptarë me 330 kg kokainë

Në Roterdam të Holandës janë sekuestruar rreth 330 kg kokainë ndërsa në pranga janë vënë 2 shqiptarë.

Periskopi.com Lajme

Sasia rekord e drogës llogaritet të ketë një vlerë 20 milionë euro. Policia nisi dyshimet, pasi u zbuluan dy shqiptarë në pjesën e sigurisë së lartë, ku zbarkohen konteinerët.

Menjëherë policia kontrolloi sektorin ku u arrestuan shqiptarët duke zbuluar dhe sasinë e madhe të drogës.

Shqiptarët janë të moshës 25 dhe 35 vjeç. Identiteti i tyre nuk bëhet i ditur. Në pranga është vënë edhe një tjetër person.

Mësohet se kokaina vinte nga Amerika e Jugut, por nuk bëhet i ditur destinacioni.

Sipas autoriteteve holandeze kjo ngjarje është provë e fuqizimit të kriminelëve shqiptarë në këtë vend.

Ndërkohë, para disa ditëve një postbllok policie është sulmuar. Forcat e rendit kanë reaguar duke qëlluar në ajër.

Mendohet që incidenti ka lidhje, pasi për disa ditë ka pasur informacion që mund të vinte një sasi e madhe droge në Rotterdam.

Ditët e fundit janë sekuestruar 25 kilogramë të tjera kokainë në të njëjtin port të fshehura në konteinerë frutash.

Tri qytetet në listën evropiane për konsumim të kokainës

Një studim i fundit, i bërë me ujërat e zeza, duke hulumtuar gjurmë të kokainës dhe drogave të tjera, ka zbuluar se është konsumuar në Londër gjatë ditëve të javës kokaina.

Periskopi.com Lajme

Në fundjavë qyteti belg Antwerp ka zënë vendin e parë. Cyrihu rangohet në vendin e tretë. Po ashtu, gjatë javës Cyrihu mban vendin e tretë në një krahasim ndërkombëtar.

Këtë vit, niveli i përdorimit të kokainës raportohet në vlera maksimale në Limmat City në Cyrih. Edhe në studimin e vitit 2015 qytetet zvicerane ishin në krye të krahasimeve me qytetet e tjera ndërkombëtare. Në përgjithësi, Cyrihu ishte atëherë në vendin e katërt.

Në renditjen aktuale, ekzistojnë tri qytete të tjera zvicerane nga pozita shtatë deri në të nëntën: Gjenevë, St. Gallen dhe Bazel. Lugano është i 13-ti, përcjell albinfo.ch.

Në Cyrih dhe Bazel ekspertët ishin në gjendje të demonstronin vlerat e shtuara të metamfetaminës. Në krahasim, dy qytetet gjermanofolëse janë në mesin e 15 pozitave në krye.

Droga MDMA po konsumohet shpesh në Cyrih, Gjenevë, Bazel dhe St. Gallen. Cyrihu është renditur i pesti, Gjeneva e dymbëdhjeta, Bazeli i 17-ti, St. Galleni renditet i 20-ti dhe Berna e 23-ta.

Hulumtuesit kishin marrë një javë mostrat e ujërave të zeza në më shumë se 50 qytete nga 18 vende. Ujërat e zeza u testuan edhe për ekstazi dhe amfetaminë. Qendra Evropiane e Monitorimit për Drogat dhe Varësinë nga Droga ka publikuar rezultatet të martën në Lisbonë.

Cyrihu, i treti në listën evropiane për konsumim të kokainës

Raporti tronditës/ Këshilli i Evropës: Kanabisi në Shqipëri zë 2.6% të prodhimit të brendshëm

“Të ardhurat ilegale nga bimët narkotike, kanabis sativa në Shqipëri zënë 2,6% të Prodhimit të Brendshëm Bruto”.

Periskopi.com Lajme

Këtë situatë dhe shifër alarmante për situatën e kanabisit dhe trafikimit të tij në vend, e mojuar me këmbëngulje nga kryeministri Rama, e jep raporti vjetor i Komisionit Evropian që vlerëson ecurinë e Shqipërisë për vitin 2016. Ndërsa shtete evropiane si Franca, Gjermania, Italia dhe Mbretëria e Bashkuar të ardhura ilegale nga bimët narkotike i kanë të papërfillshme, duke mos kapur 1% të PBB-së. Shifra alarmante e këtij raporti shoqërohet gjithashtu dhe me vënien në dukje të mungesës së kapacitetit të policisë shtetit për të luftuar këtë fenomen, i cili vitet e fundit është përhapur shumë.

Ndërkohë që kërkesa për shtim të luftës kundër trafikut të bimëve narkotike është imediate, aq sa nga zyrtarë të BE-së po e shohin dhe si kusht në çeljen e negociatave, ministria e Brendshme ka rritjen më të vogël të buxhetit me 17.6 mln lekë ose 0.09%. Në total për 2017, edhe pse ndër sektorët me peshën kryesore të buxhetit të shtetit me 7.47% ose rreth 20 miliardë lekë, ministria e Brendshme rendit dikasteri i katërt sa i përket ndarjes së fondeve për vitin e ardhshëm, raporton Shekulli./ Opinion

Ndodh edhe kjo: Kontrabanduesit shkarkojnë 2.5 tonë drogë para syve të pushuesve (Video)

Një ngjarje e pazakontë ka shokuar pushuesit në një plazh në Spanjë, kur derisa po shijonin rrezet e diellit, një anije e mbushur me kanabis shfaqet para syve të tyre së bashku me një grup kontrabanduesish, të cilët e shkarkojnë në “destinacion” duke u sjellë normalisht thuajse nuk po ndodh asgjë e keqe.

Periskopi.com Lajme

Sipas policisë spanjolle, anija e mbushur me lëndë narkotike ishte nisur nga Maroku drejt bregdetit spanjoll, ku edhe planifikohej të shkarkohej malli i porositur, transmeton Telegrafi.

Por njëri prej pushuesve menjëherë kishte kapur kamerën për të filmuar momentin, kur kriminelët transportonin drogën nga anije në një veturë të tipit Land Rover.

Sipas rojeve bregdetare, bëhet fjalë për 2.5 ton kanabis që shkarkohet nga disa burra për 15 minuta, derisa e gjithë kjo ngjarje ndodh në prezencë të dhjetëra pushuesve në pikë të ditës.

Sekuestrohen 1.2 ton kanabis në Krujë

Një aksion anti-kanabis i policisë ka zbuluar një sasi të madhe droge në fshatin Derven të Krujës.

Periskopi.com Lajme

1.2 ton dyshohet të jetë sasia e kanabisit të sekuestruar nga policia, ndërsa në vijim pritet të dalin edhe informacionet zyrtare nga Policia e Shtetit.

Lënda narkotike është gjetur në një magazinë në proces tharje.

Paraprakisht, raportohet që për ngjarjen në fjalë të jenë ndaluar 6 persona.