Kandidati i Vetëvendosjes që fitoi zemra edhe në Drenicë

Periskopi.com Lajme

Kandidati për kryeministër nga Lëvizja Vetëvendosje, Albin Kurti ka marrë 1709 vota në Gllogovc. Kështu mësohet në bazë të llogaritjeve të formularëve të publikuara nga KZQ-ja.

Formularët e publikuar janë nga numërimi i votave nëpër qendra të votimit, menjëherë pasi u mbyllën ato.

Sipas këtyre formularëve, del se drenicasit pas Kurtit, më së shumti vota i kanë dhënë Shpend Ahmetit dhe jo kryetarit të VV-së, Visar Ymerit.

Shpend Ahmeti në Gllogovc ka marrë 817, kurse, Visar Ymeri ka marrë vetëm 465 vota.

Në këtë numër nuk janë të llogaritura votat me kusht, me postë dhe votat e personave me aftësi të kufizuara.

Reklamë
Reklamë

Lokja nga Drenica tregon kë duhet të votoni në këto zgjedhje (Video)

Periskopi.com Lajme

Është 76 vjeçe, nuk ka asnjë ditë shkollë por së fundmi është irrituar m politikanët e vendit.

Ajo megjithatë ka një propozim brilant.

Thotë qytetarëve të mos e votojnë asnjërin nga ata që deri më tani ishte në udhëheqje.

Ka edhe arsyet e saj.

“Kuadro të reja duhet t’i vendosni në Qeveri”, thotë ajo.

Reklamë
Reklamë

Vdes personi më i vjetër në Drenicë, gruaja që përjetoi tri luftëra

Ka lënë 400 pasardhës dy ditë më parë kur ndërroi jetë. Ishte nënë e 12 fëmijëve, që për më shumë se gjysmën e tyre e priti vdekjen. Vdiq në moshën 88 vjeçare por ishte e fortë dhe ende jepte këshilla për të gjithë, raporton Periskopi

Periskopi.com Lajme

Kjo është Kadë Franca, personi më i moshuar në Komunën e Drenasit.

Një grua e fortë, siç e përshkruajnë të gjithë ajo la shumë këshilla dhe çdo ditë tregonte përvojat e saj.

Mbiemrin e veçantë Franca, ajo e mori në moshën 15 vjeçare, kur u martua, kohë ajo që vajzat në Kosovës martoheshin edhe në atë moshë.

Jetoi në fshatin Tërstenik dhe kurrë nuk u ndal së bëri punë krahu.

Për të flasin të gjithë, madje edhe kryetari i kësaj Komune, Ramiz Lladrovci.

Një nga nipërit e saj tregon se si asaj prindërit ia mësuan shkrimin dhe leximin ngase nuk kishte mundësi të shkonte në shkollë, e ajo vetëm pak muaj më parë dli edhe zgjedhje dhe votoi.

Jo vetëm kaq, Kada përjetoi tri lufta. Atë të Shaban Polluzhës, Luftën e II Botërore dhe luftën e fundit në Kosovë, të vitin ’99.

Për Periskopi.com nipërit e saj tregojnë se ajo i këshillonte deri pak ditë para se të vdiste, që të mësonin dhe punonin sa më shumë.

“Na thoshte punoni dhe mësoni, madje ishte shumë e rreptë. Thoshte që nëse doni të ardhme të mirë duhet këto dyja’, thotë Brahim Franca, nipi i saj që mbanë emrin e gjyshit, përkatësisht bashkëshortit të Kadës.

Për Kadën dinë të gjithë. Një grua me qëndrim dhe që dha shumë për vendin. Kishte fëmijë ushtarë dhe ndihmoi shumë ushtarët gjatë luftës.

E kryetari i Drenasit, Ramiz Lladrovci, dy ditë më parë braktisi konventë e VII të PDK’s për të shkuar në varrimin e saj.

“Me dhimbje e mora lajmin se u nda nga ne, Kada Franca, nga Tërsteniku. Ngushëllime të sinqerta Familjes Franca. Nëna Kadë, ishte votuesja më e vjetër në zgjedhjet e fundit në Drenas ku bindshëm fitoi Partia Demokratike e Kosovës. Vullneti i saj për të dhënë kontribut në moshën e saj, ishte dhe mbetet motivim për neve. Ngushëllime!”, tha Lladrovci, raporton Periskopi

Mbiemrin Franca kjo familje e ka nga koha kur Franca ishte në luftë. Atëherë një nga djemtë e tyre ishte në luftë, kanë një tregim interesant për atë kohë, dhe që nga atëherë mbeti ky mbiemër./ Periskopi

Reklamë
Reklamë

Në përkrahje të poetit nga Drenica që u sulmua pas debatit për profetin Muhamed

Azem Deliu, poet nga Drenica, është sulmuar fizikisht nga një person, pas një shkrimi që ka bërë në profilin e tij në Facebook. Deliu edhe rastin e rrahjes e ka bërë publik në këtë profil. Ai ka treguar se me këtë rast është marrë edhe Polica e Kosovës.

Periskopi.com Lajme

Në përkrahje të tij kanë dalë tashmë shumë persona.

Gazetarët Imer Mushkolaj e Arbana Xharra kanë dalë në mbrojtje të tij, por jo vetëm.

Në rrjete sociale shumë statuse janë shkruar në përkrahje të tij.

“Azem Deliu meriton përkrahjen dhe solidarizimin tonë, e sulmuesit e tij përçmimin dhe ndëshkimin”, ka shkruar Mushkolaj.

“Nje djalë i ri nga Drenica, Azem Deliu, qenka sulmuar fizikisht nga një person, pas një shkrimi që ka bërë në profilin e tij në Facebook për profetin Muhamed. Deliu rastin e rrahjes e ka bërë publik në profilin e tij. Atij i duhet mbështetje publike, sepse grupe radikale këtë duan, të na e fusin friken. Egërsirat si ky individ që e ka sulmuar Deliu, janë duke u rritur në mesin tonë. Kurse Qeveria, e sidomos ministri i Punëve të Brendshme, Skender Hyseni, po e trajton këtë teme me numrin e zvogeluar te luftëtarëve të ISIS-it në Siri dhe Irak, duke mohuar potencialin e brendshëm në rritje të radikalëve që po zgjerohen në heshtje. Në fakultetin e Arkitekturës në UP, 14 studentë kanë refuzuar ta vizatojnë Katedralen sepse është haram. Këtë vend ka me e marrë pusi!”, ka shkruar Xharra.

Ky është shkrimi i plotë i tij, për të cilin, siç thotë Azemi, është sulmuar fizikisht:

I nderuar hoxhë Bedri Syla

Nuk doja të shkruaja një përgjigje, ngaqë e dija që do të provokoja të tjera shfryerje mllefi ngaqë nga të gjitha reagimet që kam marrë, vetëm i juaji ka qenë paqësor. Megjithatë, duke qenë i tillë reagimi juaj për të cilin ju përgëzoj, nuk mund të rri pa u përgjigjur me pak fjalë. I nderuar, unë konsideroj që figurat publike e historike, e së këndejmi edhe Muhamedi, nuk janë pronë e askujt dhe i nënshtrohen debatit publik ku mendimet natyrisht që janë të ndryshme, përndryshe nuk ka kuptim debati. Duke qenë kështu, nga opinionet për të nuk duhet ndier i fyer askush. Kush të dojë le të flasë mirë për të. Natyrisht, edhe e kundërta është e drejtë.  E para, ju më dhatë referencë për La Martinin, jo edhe për Gëten e Tolstoin. Për këta të dy, anipse vazhdon të pretendohet që kanë folur mirë për profetin, ende nuk janë dhënë referencat. Edhe nêse jepen, kjo nuk do të thotë kurrë që jemi të detyruar të mendojmë si ata, dhe askush s’ka pse ndihet i fyer (aq më pak arsyetohen sharjet e kërcënimet). Ndërkaq, më lejoni t’ju sqaroj se thëniet tjera që kanë qarkulluar (si për shembull që Dostojevski ka folur për profetin Muhamed), janë, megjithë respektin, shpifje të pabazuara me qëllim propagandues.  E dyta, tre poetët që keni përmendur në shkrimin tuaj për shërbimin që i kanë bërë profetit Muhamed, janë shembulli i keq i vendosjes së letërsisë në shërbim të ideologjisë dhe, përjashto shkollat ideologjike religjioze, nuk zënë kurrfarë vendi të rëndësishëm në Letërsinë e Lindjes. Për kompromisin më të mirë që mund të bëj me ju, mund t’ju them që ata së shumti zënë vend periferik në këtë letërsi. Zor se janë shkrimtarë për t’u marrë shembull, bile edhe për t’u përmendur. Në anën tjetër, Muhamedi ka urdhëruar të vriten poetë. Asnjë njeri i letërsisë nuk mund ta miratojë këtë.

Sa për moshën e Aishes, referencat janë të shumta. Libri i Christopher Hitchens, është vetëm një prej tyre.

Ju përshëndes shumë, Azem Deliu.

Reklamë
Reklamë

Sulmohet poeti nga Drenica, pas debatit për profetin Muhamed

Azem Deliu, poet nga Drenica, është sulmuar fizikisht nga një person, pas një shkrimi që ka bërë në profilin e tij në Facebook. Deliu edhe rastin e rrahjes e ka bërë publik në këtë profil. Ai ka treguar se me këtë rast është marrë edhe Polica e Kosovës.

Periskopi.com Lajme

“Sot jam sulmuar fizikisht nga egërsirat për të cilët fjala e lirë është kancer. Policia i ka identifikuar dhe rasti do të vazhdojë, siç duhet të vazhdojmë ta kultivojmë lirinë e shprehjes pavarësisht shijeve mjerane të individëve, aktet e të cilëve janë dëshmi e qyqarisë. Falemnderit policisë për korrektësinë e treguar”, ka shkruar poeti Azemi në Facebook gjatë ditës së sotme.

Sulmi ndaj Azemit ka ardhur katër ditë pasi ai ka shkruar një shkrim mbi fenë myslimane dhe profetin Muhamed.

Azemi nga shumica e komentuesve në Facebook ka marrë përkrahje që të vazhdojë ta ushtrojë lirinë e fjalës, dhe të mos zmbrapset përballë kërcënimeve.

Ky është shkrimi i plotë i tij, për të cilin, siç thotë Azemi, është sulmuar fizikisht:

I nderuar hoxhë Bedri Syla

Nuk doja të shkruaja një përgjigje, ngaqë e dija që do të provokoja të tjera shfryerje mllefi ngaqë nga të gjitha reagimet që kam marrë, vetëm i juaji ka qenë paqësor. Megjithatë, duke qenë i tillë reagimi juaj për të cilin ju përgëzoj, nuk mund të rri pa u përgjigjur me pak fjalë. I nderuar, unë konsideroj që figurat publike e historike, e së këndejmi edhe Muhamedi, nuk janë pronë e askujt dhe i nënshtrohen debatit publik ku mendimet natyrisht që janë të ndryshme, përndryshe nuk ka kuptim debati. Duke qenë kështu, nga opinionet për të nuk duhet ndier i fyer askush. Kush të dojë le të flasë mirë për të. Natyrisht, edhe e kundërta është e drejtë.  E para, ju më dhatë referencë për La Martinin, jo edhe për Gëten e Tolstoin. Për këta të dy, anipse vazhdon të pretendohet që kanë folur mirë për profetin, ende nuk janë dhënë referencat. Edhe nêse jepen, kjo nuk do të thotë kurrë që jemi të detyruar të mendojmë si ata, dhe askush s’ka pse ndihet i fyer (aq më pak arsyetohen sharjet e kërcënimet). Ndërkaq, më lejoni t’ju sqaroj se thëniet tjera që kanë qarkulluar (si për shembull që Dostojevski ka folur për profetin Muhamed), janë, megjithë respektin, shpifje të pabazuara me qëllim propagandues.  E dyta, tre poetët që keni përmendur në shkrimin tuaj për shërbimin që i kanë bërë profetit Muhamed, janë shembulli i keq i vendosjes së letërsisë në shërbim të ideologjisë dhe, përjashto shkollat ideologjike religjioze, nuk zënë kurrfarë vendi të rëndësishëm në Letërsinë e Lindjes. Për kompromisin më të mirë që mund të bëj me ju, mund t’ju them që ata së shumti zënë vend periferik në këtë letërsi. Zor se janë shkrimtarë për t’u marrë shembull, bile edhe për t’u përmendur. Në anën tjetër, Muhamedi ka urdhëruar të vriten poetë. Asnjë njeri i letërsisë nuk mund ta miratojë këtë.

Sa për moshën e Aishes, referencat janë të shumta. Libri i Christopher Hitchens, është vetëm një prej tyre.

Ju përshëndes shumë, Azem Deliu.

Reklamë
Reklamë

Gani Geci ka një porosi për Milaim Zekën: O nipi i Llaushës, mos të ha ….

Ish-deputeti i Lidhjes Demokratike të Kosovës dhe ish-pjesëtar i UÇK-së, Gani Geci, përmes një postimi në facebook ka komentuar deklaratën e fundit të Zekës rreth AKI-së.

Periskopi.com Lajme

Geci ia ka kujtuar Zekës komunikatën e numër 59 të lëshuar nga Shtabi i Përgjithshëm i UÇK-së.

“Jam i vetmi o Milaim nipi që ktyre sherbimeve famkeqe ju kam shpetuar ani pse kanë shkruar ni Komunikat me ne .59 kunder meje dhe familjes time ne emer te shtabit te përgjithshëm te UÇK -ës rren fund e krye rrenë besa edhe me vranë po zoti nuk me vrau . Po quditem qe atëhere Milaim Zeka nuk e ka lexue komunikaten nr.59 dhe nuk e shkruajti asni fjalë edhe pse logjikisht e ka ditë se ajo kumunikat ka qenë rrenë”, ka shkruar Geci.

Ja postimi i plotë:

Pak si vonë e ka kuptua nipi i ktaunit Llaushë Milaim Zeka se sherbimet informative nji herë te Popagandojnë e rrejnë qka nuk rrejnë te bajnë tradhtarë e tê vrasin moralishtë e përgadisin terenin për vrasje e e pastaj te vrasin.

Jam i vetmi o Milaim nipi që ktyre sherbimeve famkeqe ju kam shpetuar ani pse kanë shkruar ni Komunikat me ne .59 kunder meje dhe familjes time ne emer te shtabit te përgjithshëm te UÇK -ës rren fund e krye rrenë besa edhe me vranë po zoti nuk me vrau .

Po quditem qe atëhere Milaim Zeka nuk e ka lexue komunikaten nr.59 dhe nuk e shkruajti asni fjalë edhe pse logjikisht e ka ditë se ajo kumunikat ka qenë rrenë.

Nese mua personalishtë nuk me ka njofte Milaim Zeka , Milaimi e ka njoftë baban tim edhe familjen timie babgjyshi i dajve te tina kurre se ka lanë pa i folë për babgjyshin timë ,por Milaimi i ka pasë shokë ata te shtabit atehere veqë i livdojke .

Sqarimi i Milaim Zekës se ju ka BESUE e justifikonë deri dikun Milaim Zekën .

E tashë po i themë Milaim Zekës se mosë te han leshi për rapordhtet e KGB-es as për rapordhtet e UDB-es as për raporrdhtet e SHIK-ut as për rapodhtet e AKI l-is .

Çudia ështe se AKI -a e ka mandatin nga Kuvendu dhe e ka formua Kuvendi i Republikës së Kosovës dhe ka nji ligjë qe e rregullon punen e AKI-së edhe Gjykaten Speciale e ka formuar Kuvendi i Republikês së Kosovës bile Gjykata speciale ka marre ma shumë vota 84 kur është formue shumë ma shumë se AKI -a

Ne rrethana te nji shteti normalë AKI -a do te duhej te mblidhte informata për ta mbrojtur Gjykaten Speciale sepse zakunishte te gjitha Sherbimet i mbledhin informatat i klasifikojnë i dergojnë organeve Kompetente dhe nese ka rasrte për gjygjsorin keto te dhena i ndajn me organet e ndjekjes te atij Shteti e organet e njekjes i paraqesin si aktakuza para Gjykatave te ati Shteti dhe Gjykata Speciale ështe organ i shtetit te Republikës së Kosovës edhe ne rastin ma te këqë AKI do duhej ta mbronte Milaim Zekën e jo ta shantazhonë.

Nese kjo qe po thote Miilaim Zeka êshte e verrtetë atëhere qe sotë do duhej te shkarkohej Drejtori i AKI-së dhe te gjith ata qe e kan ne dore ate raportë te japin Dorëheqje .

Ne te gjitha shtetet demokratike po te ndodhte diqka e till? ne raportë me ndoni gazetarë do te bëhej ALARMË. Vetem ne Rusi ne Korenë e Jugut e ne Kinë ndodhin kso raste.

Reklamë
Reklamë

Avokati mbrojtës dorëzon ankesën kundër aktgjykimit për Sami Lushtakun

Avokati mbrojtës Arianit Koci ka bërë të ditur se sot ka dorëzuar ankesën kundër aktgjykimit për Sami Lushtakun.

Periskopi.com Lajme

Koci ka theksuar se Gjykata e Apelit ka bërë të ditur në aktgjykimin e saj ka aprovuar në tërësi ankesën e mbrojtjes ndaj Sami Lushtakut, që u shpall i pafajshëm për veprën penale “Vrasje” duke u liruar prej dënimit me dymbëdhjetë (12) vjet burg, të shqiptuar nga Gjykata Themelore në Mitrovicë, transmeton Indeksonline.

Ky është postim i plotë nga Koci:

Sot, në Gjykatën Supreme të Republikës së Kosovës, e dorëzova ankesën kundër aktgjykimit dënues për Sami Lushtakun.

Siç është e njohur për publikun, Gjykata e Apelit në aktgjykimin e saj, e aprovoi në në terësi ankesën e mbrojtjës andaj Sami Lushtaku u shpall i pafajshëm për veprën penale “Vrasje” duke u liruar prej dënimit me dymbëdhjetë (12) vjet burg, të shqiptuar nga Gjykata Themelorë në Mitrovicë.

Megjithatë, Gjykata e Apelit e ka ndryshuar aktgjykimin lirues të Gjykatës Themelore të Mitrovicës dhe e ka zavëndësuar me aktgjykim dënues për të pandehurin Sami Lushtaku, për veprën penale “cenimi i integritetit trupor dhe shëndetit të një numri të papërcaktuar të civilëve shqiptarë”, që ndërlidhet me Përgjegjësinë Komanduese të të pandehurit, duke e dënuar me shtatë (7) vite burgim.

Baza e ankesës mbështetet, ndër të tjera, në praktikën gjyqësore të Tribunalit Penal Ndërkombëtar për ish-Jugosllavinë. Disa nga rastet që i kemi konsultuar për të provuar qëndrimin tonë juridik janë si në vijim:

Në çeshtjen Delalić, aktgjykimi i dt. 16 nëntor 1998, ¶377, Dhoma Gjyqësore e Tribunalit është shprehur se “përgjegjësia komanduese mbështetet në fuqinë e eprorit për të kontrolluar veprimet e vartësve të tij”. Në të njejtën çeshtje, Dhoma e Apelit në aktgjykimin e dt. 20 shkurt 2001, ¶256 dhe ¶266, ka aplikuar Testin e Kontrollit Efektiv, sipas të cilit duhet “të përcaktohet nëse eprori ka pasur aftësi thelbësore për parandalimin dhe ndëshkimin e sjelljës kriminale”. Kjo nënkupton se detyrimisht një epror duhet të ketë kompetenca të tilla paraprakisht dhe të mos i ushtrojë ato.

Tribunali më tej ka theksuar se, “një shkallë më e ulët e kontrollit, si për shembull, ‘ndikimi i konsiderueshëm’ nuk mund të provojë zotërimin e përgjegjësisë komanduese”.

Shembulli se sa është e vështirë të provohet Përgjegjësia Komanduese, mund të vërehet në çështjen Naletilić dhe Martinović, të trajtuar nga Tribunali i Hagës në Aktgjykimin e Dhomës së Apelit të dt. 3 maj 2006, ¶301-307. Në këtë rast, për të provuar kontrollin efektiv të të pandehurit Naletilić, me nofkën “Tuta”, mbi kampin e paraburgimit në Ljubuški, ku vartësit e tij u kishin shkaktuar, me dashje, vuajte të mëdha të burgosurve, prokuroria kishte mbledhur dhe ofruar provat në vijim: vartësit e kanë identifikuar vetën si “njerëz të Tutës”; dëshmitarët i kanë njohur shenjat e uniformës të vendosur në krahët e autorëve të krimeve, është gjetur lista e pagave që ka përmbajtur emrat e pjesëtarëve të grupit paramilitar të Naletilićit dhe një “ditar i luftës” i një ushtari.

Dëshmitë mbi të cilat Gjykata e Apelit e mbështet aktgjykimin dënues nuk janë të mjaftueshme për të provuar se Sami Lushtaku, jashtë çdo dyshimi të arsyeshëm, ka zotëruar kontrollin efektiv mbi qendrën e ndalimit në Likoc.

Prandaj, nuk është vërtetuar se Sami Lushtaku ka pasur kompetenca të nevojshme materiale dhe kapacitet / aftësi thelbësore të një eprori, që të ndërmarrë masa për të parandaluar dhe ndëshkuar çfarëdo veprimi kriminal që mund të ketë ndodhur aty.

Pra, konstatimi i Gjykatës së Apelit lidhur me “fajësinë” e Sami Lushtakut është bërë duke u mbështetur në prova të pamjaftueshme, duke u bazuar vetëm në një deklaratë të një dëshmitari, të nxjerrë tërësisht nga konteksti dhe duke e zhvendosur barrën e provës në mbrojtjen, gjë e cila është në kundërshtim me parimet themelore të së drejtës ndërkombëtare penale.

 

Ekipi mbrojtës

Arianit Koci

Granit Vokshi

Nora Huseinoviç- Veliu

Reklamë
Reklamë

Trajneri kosovar: Referimi na ka dëmtuar 5 ose 6 pikë

Trajneri i Drenicës, Afrim Jashari pas humbjes 1:0 kundër Feronikelit ka thënë se referimi i dobët ka dëmtuar skuadrën e tij me 5 ose 6 pikë, shkruan Albeu.

Periskopi.com Sporti

Duke i uruar gjyqtarët e Kosovës që janë pranuar nga FIFA për ndarjen e drejtësisë në ndeshjet e arenës ndërkombëtare, Jashari tha se referimi në Kosovë vazhdon të jetë i dobët.

“Nuk dua të gjykoj askënd, mirëpo mund të them lirisht se në disa takime, apo të them në 5 ndeshjet e fundit, jemi dëmtuar shumë [nga gjyqtarët],” tha Jashari.

“Por pikët shkojnë, ndërsa gabimet [e gjyqtarëve] vazhdojnë të përsëriten, por Drenicës i’u kanë mohuar, mund të them lirisht, 5 apo 6 pikë.

“Nuk është ky justifikim, nuk është e rëndësishme. Mirëpo referimi në Kosovë, në bazë të kushteve, duhet të jetë shumë më ndryshe për dallim prej atij në UEFA dhe FIFA.”

Reklamë
Reklamë

Edhe diçka për fushatën nëpër odat drenicase

Nuk mund të të mos bie në sy një kabinet i tërë ministrash që kanë zbarkuar në Drenas, të cilët në Prishtinë të lënë përshtypjen që nuk kanë ndonjë njohuri si dathet këpuca, e në odat drenicase po na qëndrojnë këmbëkryq.

Dafina Demaku Opinione

Debatin që ka hapur Vullnet Krasniqi në shkrimin me titull “Këmbëkryq në odën e marrëzisë”, e kanë vazhduar Milaim Zeka dhe Ganimete Musliu. I njoh personalisht që të tre. Mili s’do duhej ta shndërronte këtë shkrim në sulm kundër kolegëve të tij, Ganja s’do duhej të tingëllonte mosduruese ndaj kritikave dhe kritikat e Vullnetit janë me vend.

Odat nuk i fyen askush si objekte se do të ishte absurde. Është njësoj si ta fyesh objektin e ahurit si të odës. Ato marohen prej të njëjtit material por të destinuara për qëllime të ndryshme. Kështu që nuk ka problem askush me ‘objektin odë’. Problemi qëndron te trajtimi që i bëhet Drenicës përmes odave. Të marrëzisë, sic do të thoshte Vullneti. Pse duhet të njëjtit njerëz ta identifikojnë Drenicën me oda, e të njëjtit ta identifikojnë ‘PDK-në e Drenicës’ në Prishtinë me zyre e salla moderne. Nëse bash i kryen punë ‘oda’ si objekt për të qenë më i suksesshëm, pse Enver Hoxhaj nuk e shndërron objektin e Ministrisë së Jashtme për shembull në një pamje ode?

Problemi ka të bëjë me trajtimin e ‘mentalitetit drenicas’ i cili, me sa kam kuptuar te Vullneti dhe nëse nuk gaboj, kështu mendoj edhe unë, oda është një identifikim me Drenicën (Shota, Xheva, Zahidja…nana ime Zymrija, apo?!). Nëse nuk e përdorë këtë objekt në fushatë, fushata jote do të dështojë. Po të kishte zgjedhje në Prishtinë ose Gjilan, pra do të shihnim një fushatë nëpër restorante, hotileri…Por jo. Këta, që kanë zbarkuar në Drenicë, janë dyfytrësh të mentalitetit. Pra, fyejnë mentalitetin. Këta, po i thonë Drenicës se ju jeni për oda ndërkaq po sa ta kalojmë kryqin e Komoranit, ne i ndërrojmë qorapet me të cilat kemi shkelur në odat tuaja.

Dhe po. Ashtu sic thotë Vullneti. Ganja, nuk duhet të ndihet keq nëse dikush ia bën pyetjen se ku janë gratë e atyre burrave që janë nëpër oda, derisa po kuvendojnë se si do të zhvillojnë Drenasin (e shkretë…). Ku janë ato gra? Duke pjekur kingjat në helli për kuvendarët në oda? Duke i ‘vënë fëmijët në gjumë’ derisa në odat e burrave të tyre po vendoset e ardhmja e tyre?

Pavarësisht a ke vendosur të zhvillosh fushatë në odë apo në restoran, këtyre pyetjeve s’do të duhej t’u ikje dhe të mos i duroje.

Gjeneratat e reja nuk mund t’i duan odat. Milaimi, Ganja…edhe gjithë familja ime, mund të kenë kujtime të mira nga odat, për një kohë, por neve nuk mund të na imponohet dashuria ndaj këtij objekti ku femra ka pasur rolin: ‘ta shtrojë bukën”, ‘ta sjellë legenin për burrat’, etj.

Tash, mos më flisni për një Shotë, një Xhevë, një Zahide dhe ta zëmë sikur nëna ime të ishte një heroinë si ato, një Zymrie.

Fatin e Shotës, Xhevës, Zahides…nuk e kanë pasur shumë femra në Drenicë.

Ndoshta, duhet të kërkojmë edhe shumë heroina. Ndoshta, ato mund t’i gjejmë edhe jashtë odave…

Ndoshta janë ato gratë që pjekin kingja në helli. Ato që i kanë dërguar fëmijët të flenë derisa në odë po bëhet fushata.

A mund ta imagjinoni se mund ta kenë një rrëfim për jetën edhe ato? Ndoshta ka pak heroizëm edhe në jetën e tyre…Pse s’po e kërkojmë?

 

Reklamë
Reklamë

Drenica kërcënon me “përshkallëzim të situatës” nëse Luboteni paraqitet me serbin Karaxhiq

Periskopi.com Sporti

Grupi i tifozëve të Drenicës “Shqiponjat e zeza” ka paralajmëruar se situata mund të përshkallëzojë nëse në ndeshjen gjysmëfinale të Kupës së Federatës së Volejbollit të Kosovës, ndërmjet ekipeve Drenica R&Rukolli dhe Luboteni, paraqitet në parket serbi Miroslav Karaxhiq.

Ky i fundit para fillimit të këtij edicioni i është bashkuar skuadrës ferizajase, Luboteni, dhe është i regjistruar si lojtar vendës, pasi është nga Lipjani.
Por tifozët drenicas assesi nuk duan që ta shohin në parket, shkruan sot Koha Ditore.

Madje, nuk kanë garantuar siguri për të, pasi, sipas tyre, Karaxhiq është mohues i pavarësisë së shtetit të Kosovës. E gjithë kjo për shkak të një fotografie të publikuar muaj më parë, ku Karaxhiq derisa luante për një klub serb kishte veshur fanellën me mbishkrimin “Kosova është Serbi”.

Reklamë
Reklamë

Fitojnë Feronikeli e Drenica

Feronikeli dhe Drenica kanë shënuar fitore të rëndësishme në sfidat e zhvilluara në kuadër të kësaj xhiroje në Vala Super Ligën e Kosovës në futboll.

Periskopi.com Sporti

Kampioni aktual mposhti Gjilanin me rezultat minimal 1:0, ndërsa golin e shënoi Përparim Livoreka.

Në ndeshjen ndërmjet Drenicës dhe Hajavalisë poashtu u shënua vetëm një gol, ku për drenicasit shënoi vushtrriasi Ismet Caka.

Fitorja Feronikelin e ngritë në pozitën e dytë me 28 pikë të grumbulluara, tri më pak se Trepça ’89 që ka edhe një takim më pak të zhvilluar.

Pas kësaj fitore Drenica ngritët në pozitën e shtatë me 17 pikë të tubuara.  /Periskopi.com

Reklamë
Reklamë

Prishtina dështon ndaj Drenicës

Prishtina nuk ka arritur të marrë më shumë se një pikë në ndeshjen ndaj Drenicës.

Periskopi.com Sporti

Sfida e zhvilluar në stadiumin ‘Bajram Aliu’ në Skënderaj përfundoi pa gola 0:0.

Në ndeshjen tjetër, Llapi ka befasuar Gjilanin, duke e mposhtur me rezultat 0:1 si myafir, me golin e shënuar nga Florim Bërbatovcit.

“Besa e Pejës mposhti Lirinë me rezultat 2:0 në Pejë, ndërsa Trepça ’89 mposhti Hajvalinë 1:0.

Ferizaj dhe Trepça luajtën baraz, 2:2. /Periskopi.com

Reklamë
Reklamë

Feronikeli mposht Drenicën 2:1

Periskopi.com Sporti

Feronikeli ka shënuar fitore si mysafir i Drenicës me rezultat 1:2, në ndeshjen e javës së pestë të Vala Superligës së Kosovës në futboll.

Në ndeshjen e zhvilluar në stadiumin ‘Bajram Aliu’ u ndanë tre kartonë kuq, të gjithë pas dy të verdhëve, prej të cilëve dy të kuq ishin ndaj lojtarëve të Feronikelit, Blerand Kurtishaj dhe Mendurim Hoti dhe tjetri ndaj futbollistit të Drenicës, Azem Bejta.

Me këtë fitore, Feronikeli vendoset në vendin e dytë në tabelë me nëntë pikë, katër më pak se Prishtina që gjendet në pozitën e parë. /Periskopi.com

Reklamë
Reklamë