Xhavit Drenori godet PDK-në: Më ke mashtruar një herë ….

Periskopi.com Lajme

Nga tubimi i VV-së në Drenas, kandidati për deputet, Xhavit Drenori, tha se habitet se si në Drenicën e shkrumbuar nga Serbia kanë fytyrë të vijnë të kërkojnë votë edhe pas 18 vitesh plaçkitjeje.

“Përgjigja më e mirë prej nesh është se nëse më ke mashtruar njëherë ti je fajtori, nëse ta jap shansin të më mashtrosh për së dyti fajin e kam ynë”, ka thënë Drenori në Drenas.

Tutje, Drenori tha se jemi dëshmitarë se si i kanë zhveshur nga morali politikat këta politikanë.

“Ndryshimin e kam filluar nga vetvetja. Ju garantoj vetëm një gjë: punë, punë, punë”, premtoi Xhavit Drenori para bashkëqytetarëve të tij, teksa tha se Kosovës i duhet patjetër Albini kryeministër.

Ramiz Lladrovci flet për sulmin fizik ndaj vëllait të tij, tregon kush e sulmoi

Periskopi.com Lajme

Vëllai i kryetarit të Drenasit, Ramiz Lladrovci, Emriu të enjten gjatë një tubimi partiak në fshatin Gradicë të kësaj komune, është goditur në terr nga një prej banorëve të këtij fshati. Ramiz Lladrovci këtë situatë e ka komentuar si akt të turpshëm dhe të përgatitur keq.

Ai ka thënë se agresiviteti në liri është primitivizëm dhe se dhuna nuk ka vend as në fushata, as në jetën tonë e as në jetën institucionale.

“Aty, për keqardhjen tonë, njerëz të yshtur me metodat më primitive, tentuan ta dëmtojnë tubimin me akuza të paqena, me fyerje të padenja dhe me kërcënime. Ne njihemi të gjithë me njëri tjetrin, ia njohim edhe të kaluarën dhe të tashmen, e dimë secili se çka punon dhe për kë punon, sepse Drenasi është i vogël”- ka treguar Lladrovci.

Tutje Lladrovci ka thënë se si familje, në momentin kur kanë pranuar detyra publike janë përgatitur edhe për situata të tilla fyese…

Çfarë ndodhi para disa netëve z. Lladrovci me vëllain Tuaj?

Për fat të keq, politika është bërë agresive dhe plot histeri. I tillë ishte edhe debati në fshatin Gradicë, ku së bashku me kandidatët për deputetë të PDK-së nga komuna jonë, me qëllimin më të mirë për të informuar qytetarët me proceset aktuale, për punën dhe angazhimin e partisë tonë, në nivel qendror dhe lokal.

Aty, për keqardhjen tonë, njerëz të yshtur me metodat më primitive, tentuan ta dëmtojnë tubimin me akuza të paqena, me fyerje të padenja dhe me kërcënime. Ne njihemi të gjithë me njëri tjetrin, ia njohim edhe të kaluarën dhe të tashmen, e dimë secili se çka punon dhe për kë punon, sepse Drenasi është i vogël. Për keqardhjen tonë, debati devijoi me qëllim dhe erdhi te një situatë tepër e palakmueshme.

Çka ngjau?

Ngjau një akt i turpshëm, i përgatitur keq, në terr duke u larguar nga tubimi, më vonë e morëm vesh se kush është, me të shkuarën dhe të tashmen e tij, e goditi vëllain tim. Asgjë serioze por vet akti i ngritjes dorë mbi një ish ushtar, vëlla i Fehmi Lladrovcit, është turpi i asaj mbrëmjeje. Ne kemi dëshmuar se, ato që nuk u bënë për shumë vjet në Drenas, kemi filluar t’i trajtojmë me seriozitetin më të madh, ashtu edhe çështjet e ngritura për këtë fshat. Andaj, nuk kishte vend për asnjë lloj fërkimi, as sjellje brutale çfarë ngjau, por për fat të keq, siç thotë populli, në gropën e përgatitur bie edhe i drejti edhe i shtremti.

Si e përjetuat këtë ngjarje, se vet akti tejkalon politikë

Sigurisht se akti i shëmtuar ka nxitur neveri dhe indinjatë. Në rend të parë ka tronditur familjen tonë, e cila ka dëshmi për përkushtimin tonë jo me parulla të fushatave, kemi dhënë për Kosovën dhe çështjen kombëtare. Na kanë trazuar po ashtu shqetësimet e ish shokëve të Fehmiut. Madje, nga mesazhet e pranuara nga ata, kemi qenë të prekur shumë ngase shprehej keqardhje ndaj arrogancës së asaj nate, fundja, nuk mund të kuptonin e shpjegonin si mund të goditej një vëlla i Fehmi Lladrovcit.Si familje, në momentin kur kemi pranuar detyra publike, kemi qenë në gjendje të ballafaqohemi edhe me situata të tilla fyese. Por, një gjë i kam sigurue të gjithë miqtë e Fehmiut, miqtë e mi dhe miqtë e Emriut që kanë reaguar se s’ka nevojë të kenë asnjë brengë për këtë fyerje të rëndë dhe të mos ndërmarrin asnjë lloj veprimi hakmarrës. Jemi në fushata të egra politike ku patrioti quhet tradhtar dhe tradhtari shitet patriot, ku njollosen dhe fyhen njerëzit dhe vlerat kombëtare. Këtë dihet kush e bën. Fyerjen e bën ai që i mungon edhe vlera familjare, edhe kombëtare. Sigurisht se ata që e inskenuan atë ngjarje të pamirë, do të bien vet në gropa të tilla, me bashkëmendimtarët e vet. Agresiviteti në liri është primitivizëm dhe dukuri e pahijshme, e modelit të huaj dhe në kundërshtim me vlerat që kanë dhënë familjet tona për shprehje dhe deklarim të lirë. Dhuna nuk ka vend as në fushata, as në jetën tonë as në jetën institucionale sepse kemi qenë mjaft viktima të dhunës në historinë tonë të afërt. Këtë nuk duhet ta harroj askush.

Si po rrjedh fushata?

Fushata është ende në përgatitje, takimet informuese me qytetarë e kanë vlerën e vet, kemi çka të tregojmë për punën 5 mujore, kemi çka të tregojmë për projektet dhe investimet kapitale që nuk e kanë besuar as optimistët më të mëdhenj të Drenasit. Dje ishte kryetari Veseli dhe shpalli platformën Fillimi i Ri dhe ne kemi çka të argumentojmë para qytetarëve. / Tribuna

Naim Bazaj që nuk la kërcënim pa bërë, Kadri Veseli ‘e rehatoi’

Periskopi.com Lajme

Naim Bazaj që kërcënoi PDK-në duke kërkuar të kandidohet për kryetar të Drenasit, e pastaj Veseli e bindi që të rikthehet në parti, kësaj radhe është kandidat për deputet në listën e PDK-së. Në kohën kur ai ‘i hëngri fjalët’ meqë edhe e ofendoi Veselin, u tha se i premtuan diçka, e tashmpo shihet, raporton Periskopi

Naim Bazaj, që ishte kandidat i pavarur për të parin e Drenasit, kishte folur për media duke dalë kundër kandidatit të PDK-së për kryetar të Komunës së Drenasit, Ramiz Lladrovci, duke thënë se ai nuk ka të drejtë të kandidojë pas është banori më i ri në komunën e Drenasit.

“Shkoni në qendrën e regjistrimit në Drenas dhe i merrni dëshmitë e tij sepse është e vërtetë që s’ka qenë kurrë banor i Drenasit. Pas luftës ai ka qenë banor i Prishtinës. Mund të them se Lladrovci është banori më i ri i Drenasit”, kishte deklaruar Bazaj i cili njëkohësisht është edhe Kryesues i Kuvendit Komunal në këtë komunë.

Menjëherë pas kësaj, ku qindra qytetarë ishin mbledhur për ta pritur ta shpallë kandidaturën e tij për kryetar, Bazaj doli para masës së bashku me kryetarin e PDK-së, Kadri Veseli, duke thënë se është tërhequr nga gara dhe se do të mbështesë PDK-në dhe ish-diplomatin e Kosovës në Shqipëri, Ramiz Lladrovcin.

E kjo i kushtoi me fishkëllima pikërisht nga elektorati që ishte mbledhur ta dëgjonte teksa ai do të shpallte kandidaturën e tij të pavarur. Qytetarët reaguan njëjtë edhe ndaj kryetarit të PDK-së, Kadri Veseli, ani pse ai dhe Bazaj u panë të jenë shumë të afërt.

Bazaj, e kishte krahasuar Veselin edhe me një nga figurat famëkeqe të ish-Jugosllavisë, Aleksandar Rankoviq.

“Nuk është e vërtetë që e ka emëruar Kryesia e Drenasit, por emërimin e Lladrovcit e ka bërë selia qendrore e PDK-së. Kryesia e Drenasit të gjithë ishin të pakënaqur me emrin e Lladrovcit dhe nuk e mbështeten emrin e tij pothuajse askush. Por Kadri Veseli erdhi me zarf si në kohën e Rankoviqit dhe tha: ‘Urdhëroni ky do të jetë kryetari’”, kishte thënë Bazaj.

Një kthim prapa në karrierën e Bazajt, shpërfaqë faktet se ai ka qenë i lidhur edhe me raste ilegale.

Mirëpo, Naim Bazaj del të jetë një person kontravers, pasi që pikërisht para dhjetë vitesh ai ishte arrestuar gjatë një operacioni të Shërbimit Policor të Kosovës, ku atij dhe Skenderbe Hebibit e Mursel Bilallajt i cili gjetur një sasi e madhe armatimi, duke përfshirë edhe topa pa dridhje, maska dhe granata antitank.

Atë kohë kishte qenë kryetar i Degës së Aleancës për Ardhmërinë  e Kosovës, në Drenas dhe këshilltarë në Ministrinë e Punës dhe Mirëqenies Sociale. Menjëherë pas arrestimit kishte reaguar edhe ministri i Ministrisë së Punës dhe Mirëqenies Sociale, Ibrahim Selmanaj, i cili e kishte shkarkuar nga detyra e këshilltarit politik.

Edhe partia e drejtuar nga Ramush Haradinaj e kishte përjashtuar nga partia.

“Kryesia e Aleancës për Ardhmërinë e Kosovës, përmes një komunikate për media të enjten, ka njoftuar se për shkak të implikimeve në aktivitete të kundërligjshme dhe në shpërpushje me qëndrimet e vazhdueshme të partisë për rend, ligj, qetësi dhe siguri në Kosovë, e ka përjashtuar nga partia Naim Bazajn, kryetar i deritashëm i Degës së AAK-së në Drenas”, thuhej në njoftimin e AAK që mbanë datën 21 dhjetor 2006.

Sipas raportit të Policisë së Kosovës, të asaj kohe, Bazajt gjatë bastisjes i ishin gjetur një sasi e konsiderueshme e armëve, sikurse 116 copa granata artilerie si dhe granata antitank me dhe pa fragmente të kal 75 mm;dy armë automatike (mitrolez)të kalibrit 7.62 PKT; një top pa dridhje të kalibrit 75 mm; 2 granata dore së bashku me mbajtëse të armatimit (gjoksore); një sasi e uniformave ushtarake; disa maska kundër helmit dhe mbi 2500 fishekë të kalibrave të ndryshëm.

Pasi kishte kaluar përballjen me drejtësinë, duke mos u kaluar kohë në burg, Bazaj prej AAK-së ku ishte përjashtuar kishte aderuar në PDK.

Në zgjedhjet e fundit ai bëhet kryesues i Kuvendit Komunal të Drenasit, deri në fund të tetorit të këtij viti, ku kryetari i Drenasit, Nexhat Demaku, u dënua përfundimisht nga Gjykata e Apelit.

Pikërisht në fillim të nëntorit, Bazaj e kishte shpallur kandidaturën e tij si kandidat i PDK-së për Drenas, por pa bekim të PDK-së në qendër, që tashmë nuk udhëhiqej nga Hashim Thaçi, por Kadri Veseli.

Për 17 ditë të tëra ai kishte bërë fushatë nëpër shumë fshatra të Drenasit duke e konfirmuar vetën si kandidat i PDK-së, për kryetar, por që tek në ditën e 9-të të nëntorit PDK-ja kishte zgjedhur Ramiz Lladrovcin.

Kjo e kishte indinjuar dhe kishte bërë që ai të shpallej kandidat i pavarur.

Kishte shumë mbështetje, deri në natën e enjte të 17 nëntorit 2016, kur befasisht tha se tërhiqet nga gara dhe mbështet Lladrovcin.

Përkundër kritikave të shumta gjatë kësaj nate ai tha se do t’i bind votuesit e tij që të votojnë për Lladrovcin dhe PDK-në.

“Do ti bindim të gjithë se kjo ka qenë për hirë të Drenicës, territorit të Komunës së Drenasit dhe për hirë të gjithë atyre bashkëluftëtarëve që janë nëpër burgje, dhe besoj se do të binden edhe ata të dalin në zgjedhje”, tha Bazaj.

“ I madh e i vogël do të jem së bashku deri në fitore”, shtoi ai teksa hipi në veturë dhe la pas qytetarët e indinjuar për këtë veprim.

Periskopi merr vesh se ai është pjesë e listës së PDK-së për deputet të Kuvendit të Kosovës.

Ndodh në Drenas, dëmtohen tabelat e rrugëve që janë në emër të dëshmorëve (Foto)

Periskopi.com Lajme

Në fshatin Tërstenik në Drenas ka ndodhur diçka e pazakontë.

Një akt jo i mirë është parë gjatë ditës.

Atje janë dëmtuar tabelat e emërtimit të rrugëve, raporton Periskopi

Në tabelat që janë emëruar tri rrugë në emrat Mujë, Halit dhe Hamdi Qallapeku është vendosur ngjyrë e kuqe.

Periskopi ka siguruar fotografitë por ende nuk dihet kush e ka bërë këtë akt.

Kryetari i kësaj lagje Brahim Franca thotë se ky është akt jo i mirë.

Ai ka pranuar për Periskopi.com se janë të pakënaqur me emërtimet e rrugëve që janë bërë, por mënyrën si janë dëmtuar e quan akt jo njerëzor.

“Ne kemi përgatit një kërkesë që do e dërgojnë në Komunë. Kërkesën e kanë bërë banorët e e lagjes Franca, të fshatit Tërstenik. Kërkohet që të bëhet ndryshimi i emërtimeve të rrugëve të kësaj lagje. Pajtimi është arritur për emërtimet e reja me pëlqimin e të gjithë banorëve. Për ndryshimin e emrave të rrugëve janë mbledhur nënshkrimet, ne kërkomë të respektohet kjo e drejtë dhe të miratohen emrat e rinj”, thotë ai.

Megjithëkëtë ai thotë se mënyra si janë dëmtuar kërkon dënim.

“Edhe ata kanë qenë dëshmorë. E dënoj këtë akt të turpshëm, duhet marr masa dhe dënuar këtë formë si është bërë”, thotë Franca për Periskopin.

Lagja Franca, kërkon që dy nga emërtimet e rrugëve të hiqen dhe të zëvendësohen me emra të dëshmorëve që ishin nga lagja e tyre./ Periskopi

Lladrovci paralajmëron uzurpatorët dhe pronarët e kafiterive në Drenas

Kryetari i Drenasit, Ramiz Lladrovci publikisht në Rubikon të KTV-së ka ftuar të gjithë pronarët e lokaleve të cilët nuk kanë leje për lokalet e tyre në takim në zyrën e tij të hënën.

Periskopi.com Uncategorized

Lladrovci tha se këtë e bën për t’ju ofruar atyre edhe një mundësi që të marrin lejet për lokalet e tyre dhe mos t’u merren ato.

Ai thotë se kanë filluar të evidentojnë ata që nuk kanë leje dhe tashmë sipas tij janë dhjetëra sosh vetëm brenda Drenasit.

“I kam 20 faqe material por nuk i kam numëruar me numër. Po flasim vetëm për brendinë e Drenasit dhe do të dalim edhe në periferi… Të hënën do ta kemi takimin, do ta bisedojmë a janë të gatshëm, shumë pronarë më kanë thënë që janë të gatshëm sepse shumë pronarë më kanë thënë jemi të gatshëm të paguajmë veç mos me ja prish”, ka thënë Lladrovci.

Lladrovci përmend edhe çmimin për lejimin e terrasave të lokaleve e cila tashmë është e përgjysmuar. Këtë, sipas tij, asamblistët e bën me qëllime personale.

“Është 1.50 euro për m2 dhe ka qenë 3 euro”, ka thënë Lladrovci.

Kryetari thotë se nuk e dinë se si komuna ka ardh në këtë gjendje mirëpo për këtë përgjegjësinë do ta barin inspektorët.

“Disa ministri dhe komuna duhet të bashkëveprojnë dhe të marrin një vendim. Kjo është sfidë sepse kurrkund në botë nuk lejohen të ndërtohet tri pompa ngjitur me njëra tjetrën por këtë le ta kupton dikush tjetër me çfarë qëllimi janë bërë”, ka thënë ai.

“Pronarët nuk do t’i lejoj të ndërtojnë më dhe e kanë vijë të kuqe, dhe kur them e kanë vijë të kuqe unë e kam mbështetjen edhe të kryetarit tim”.

Fenomeni i pirjes së duhanit në komunën e Drenasit është zhdukur. Kjo pasi kryetari i ri i komunës thotë të ketë respektuar ligjin plotësisht dhe një gjë të tillë nuk mund të shohin në komunën që ai e udhëheq.

“Nuk frikohem se do t’i humb zgjedhjet duke respektuar ligjin”, thotë Lladrovci.

Ai në Rubikon të KTV-së theksoi se kryetarët e tjerë nuk kanë vullnet të respektojnë ligjin dhe rrjedhimisht duhani vazhdon të konsumohet në hapësirat publike në komunat e tjera.

“Me vullnet çdo kryetar e arrin me respektu ligjin. Po them se te tjerët nuk e kanë”, ka thënë Lladrovci.

Ai thotë të ketë një problem tjetër. Gjykatat thotë Lladrovci nuk i shqyrtojnë ato gjoba dhe pas një viti lëndës i kalon vlerëshmëria.

“Gjykatat tona nuk i shqyrtojnë rastet që dërgohen”, ka thënë ai.

Naim Bazajt i shpërblehet rikthimi në PDK, i punësohet vëllai në Postë

Asamblisti i Partisë Demokratike të Kosovës, Naim Bazaj, i cili para disa muajsh ishte larguar nga kjo parti për të garuar për kryetar të Drenasit, e që më pas u tërhoq nga gara, duket se nuk e ka bërë pa ndonjë interes.

Periskopi.com Lajme

Gazeta Blic nga burime të sigurta ka marrë vesh se para disa javësh në Postën e Kosovës është punësuar vëllai i Naim Bazajt, Fitim Bazaj.

Madje, Gazeta Blic e ka siguruar edhe listën e të punësuarve në Postë, ku Fitim Bazaj e mban postin e postierit me orar jo të plotë.

“Para disa javësh është punësuar në Postë, vëllai i Naim Bazajt, Fitimi. Bashkë me të, këto ditë janë punësuar edhe disa njerëz të tjerë të PDK-së”, tha ky burim i Gazetës Blic, brenda Postës së Kosovës.

Gazeta Blic nuk ka arritur që të kontaktoj as me drejtorin e Postës, Sejdi Hoxha e as me Naim Bazajn.

Ndryshe, Naim Bazaj në zgjedhjet e jashtëzakonshme për kryetar të Drenasit, i kishte hyrë garës, madje duke akuzuar rëndë PDK-në.

Mirëpo, i është dashur vetëm një takim me kreun e PDK-së, Kadri Veseli që Bazaj të tërhiqe nga kjo garë, dhe kësisoj ta mbështes kandidatin e partisë më të madhe në vend, Ramiz Lladrovcin.

Tentim vrasje në shkollën fillore ‘Xhevë Lladrovci’ në Gllanasellë të Drenasit

Sot rreth orës 12:30, në shkollën “Xhevë Lladrovci”, në Gllanasellë të Drenasit, ka ndodhur një përleshje mes profesorëve dhe inspektoratin e arsimit në këtë komunë.

Periskopi.com Lajme

Hajriz Fazliu, mësues në këtë shkollën pas një zënke me inspektoratin e arsimit, ka tentuar të ther me thikë, njërin nga ta.

Pas përleshjeve, njëri nga inspektorët i cili posedonte revole, ka gjuajtur në drejtim të tij, thonë dëshmitaret.

Arbresh.info merr vesh se askush nuk është plagosur, ndërsa në vend ngjarje ka dalë policia dhe po merret me rastin.

Komandanti i Stacionit Policor në Drenas, Driton Morina, i kontaktuar nga Arbresh.info, nuk ka dashur të jap detaje rreth këtij rasti duke thënë se nuk është nën kompetencën e tij.

Morina ka sugjeruar të kontaktohet me stacionin e policor në Prishtinë por as këta të fundit nuk janë përgjigjur.

Qesharake, në testin për punësim në komunën e Drenasit ishte edhe kjo pyetje!

Ditë më parë komuna e Drenasit ka hapur konkurs punësim për disa pozita të ndryshme.

Periskopi.com Lajme

Sipas Xhavit Drenorit njëra ndër pyetjet me shkrim për vendin e punës “zyrtar i prokurimit” në Komunë ishte: Kur ka rënë muri i Berlinit?

Sipas Drenorit kryetari me pyetje të tilla po i rehaton në punë njerëzit e tij.“Nuk di çfarë lidhje ka një zyrtar prokurimi me murin e Berlinit, vetëm së me pyetje të tilla me shkrim, Kryetari lehtë i rahaton njërezit e vetë në punë (kuptohet duke i parapërgadit me këto pyetje)”.

“Ky është Kryetari jonë i ndryshimeve, i cili është “borgj deri në fyt” për punësime, rrugë, kanalizime etj., rend e pa rend, kualifikim e pa kualifikim”, ka thënë Drenori.

‘Komuna e Drenasit është kapur nga ‘kllapa’ e Ramiz Lladrovcit’

Një deklaratë e asamleistit të Kuvendit Komunal në Drenas, Xhavit Drenorit është publikuar nga Drenica Online. Aty thuhet se Drenori po e akuzon tashmë kryetarin e kësaj komune se e ka 'kapur' komunën.

Periskopi.com Lajme

Deklaratë e asambleistit të Kuvendit Komunal në Drenas, Xhavit Drenori:

Në mbledhjen e fundit të kuvendit komunal, që u mbajt me 27.02.2017, një ndër pikat e rendit të ditës ishte edhe themelimi i Komisionin vlerësues për dhënjën e pronës komunale në shfrytëzim.

Ky komision kishte mbetur pa disa anëtarë me dorëheqjen e një anëtari të kuvendit komunal dhe ndërrimit të ekzekutivit të komunës sonë dhe parimisht ka mundur vetëm të plotësohet me anëtarë të rijnë.

Megjithatë kryterai i ri (z. Lladrovci) nuk po i besonte më askujtë në atë komision dhe kishte sjellur propozim vendimin për themelimin e një komisioni të ri.

Emrat e tre anëtarëve nga ekzekutivi i komunës dhe një anëtari –eksperti nga shoqëria civile ishin sjellur nga kyretari si propozim vendim në kuvend për aprovim. (Foto 1)

Ndërsa tre anëtarë tjetër, konform edhe ligjit përkatës, duhej të ishin anëtarë të kuvendit komunal dhe do të propozoheshin e votoheshin në mbledhjen e kuvendit komunal. (Foto 2).

Defekti i parë ligjor (pretendim, deri sa të kthehet ligjshmëria nga MAPL-ja):

Pika 2 e nenit 8 të ligjit Nr. 04/L-144 PËR DHËNIEN NË SHFRYTËZIM DHE KËMBIMIN E PRONËS SË PALUAJTSHME TË KOMUNËS thotë që:

“ Kryetari i Komunës i propozon tre (3) anëtarë nga ekzekutivi i Komunës, Kuvendi i Komunës tre (3) anëtar nga subjektet e ndryshme të përfaqësuara në Kuvend, dhe një (1) anëtar ekspert nga shoqëria civile.”

Në rastin tonë, kryetari kishte sjellur në kuvend propozim vendimin e një anëtari të adminsitratës komunale dhe njëri nga të propozuarit tjerë ishte staf mbështetës i tij (shefi i kabinetit).

Kjo çështje u diskutua edhe në mbledhje të kuvendit komunal dhe personalisht kërkova nga kryetari që të shiqohet ligjshmeria e vendimit para se ai të hidhej në votim.

Tani pas konsultimit me avokatin/njohës i çështjeve ligjore në qeverisje lokale, del që ekzekutivin e komunës e përbëjnë Kryetari dhe Drejtorët e drejtorive komunale. Pra, jo adminsitrata komunale dhe të stafit mbështetës të kabinetit të kryetarit për shkak të konfliktit të interesit.

Që i bie, dy anëtar të propozuar nga kryetari dhe të aprovuar nga kuvendi komunal në mbledhjen e datës 27.02.2017, janë të emëruar jashtëligjshem.

Defekti i dytë ligjor (pretendim deri sa të kthehet ligjshmëria nga MAPL-ja):

Në propozim vendimin e sjellur nga kryetari i komunës, tek emri i parë i propozuar shenohet: “Kryesuese”. Dhe më pas pas emrit të dytë: “Zëvendës Kryesues”.

Konsultimi i avoktatit jep që kryesuesi dhe zëvendës kryesuesi zgjidhen pasi të themelohet komisioni dhe ky emërim bëhët nga anëtarët e komisionit të cilët ms shumicë votash e propozojnë dhe votojnë kryesuesin dhe zëvendësin e tij/saj. (Foto1).

Ndërsa argumenti se përmës këtij komisioni, kryetari i ri dëshiron të këtë nën “kontroll me kllapën e tij“, është propozimi dhe emërimi i anëtarëve nga kuvendi komunal.

Kryetari i GP të PDK-së propozoj dhe insistoj që të tre anëtarët të jenë nga i njejti subjekt, pra PDK-ja.

Ky propozim dhe insistim nuk u pranuan nga një pjesë e anëtarëve të kuvendit komunal dhe si përfundim u vendos që njëri nga tre anëtarët e kuvendit të jetë nga grupet parlamentare të opozitës.

Ndërsa në ligjin e lartcituar është precizuar qartë se: “3 anëtarët e kuvendit komunal duhet të jenë nga subjekte të ndryshme politike të përfaqësuara në kuvend.” (Foto 2).

Pra, nëse resprketohet në terësi ky nen i ligjit të lartcekur, të tre antëtarët do duhej të ishin nga parti të ndryshme të përfaqësuara në kuvend.

Mashtrimi nga ëebfaqja e komunës sonë. (Foto 3).

Në njoftimin e komunës sonë përmes ëebfaqes gjëjmë së në këtë komision nga kuvendi komunal janë përzgjedhur këta anëtarë: Shqipe Zogu, Astrit Bucolli dhe Sokol Bylykbashi. (Foto 3).

Në fakt në fillim ashtu edhe u propozuan dhe votuan, mirëpo pasi kryetari shkoj dhe i pëshpëriti në vesh anëtarës së posa zgjedhur znj. Zogu, ajo u tërhoq nga ky komsion dhe në vend të saj u propozua dhe votua Idriz Hysenaj.

Këtu fillon edhe problemi; z. I.Hysenaj gjatë zgjedhjeve të 04. dhjetorit dhe balotazhit me 18. Dhjteor ishte sef i shtabit zgjedhor të kryetarit të ri si dhe në kuvendin komunal gëzon pozitëne shefit të GP të PDK-së.

Ai me anë të kompanisë së familes se tij, veq tjerash merret edhe me ndertime të larta në Drenas.

Ndërtesa që gjindet përballë komunës, Blloku VIII, lamella A është ndërtuar pikërisht nga kompania e familes së tij dhe thuajse të gjitha banesat dhe lokalet që i takojnë komunës sonë sipas kontratës, janë të uzurpuara. Në disa prej tyre njerëz të afërt edhe të personit në fjalë. Për me tepër leja e lëshuar për ndërtimin e kësaj ndërtesa dhe gjendja faktike nuk kishin qenë kongrunete dhe kjo çështje vazhdon të jetë në procedure gjyqësore.

Mendoj se emërimi i z. Hysenaj në këtë komision përbën konflikt interesi (mendim edhe i avkokatit tim), mëqe bëhët fjalë për dhënjë të pronës komunal për shfytëzim afatgjatë dhe afatshkurtë (kryesisht për ndërtime), dhe mëqe kompania e familje se z. Hysnaj pikërisht këtë veprimtari ushtron (ndër tjera), ai mund të ndikoj se cilët operatorë të eleminohen dhe cilët të kalojnë ne marrje të pronës komunale për shfrytëzim!

Megjithatë, ne do jemi në hap me çdo zhvillim në këtë drejtim sepse dallaverat më të mëdha në të kaluaren e afërt, dhe që do i kushtojnë gjeneratave të ardhme, pas arsimit janë edhe pronat komunale!

Në Skenderaj marsh proteste, në mbështetje për Azem Deliun

Gjatë ditës së sotme në qytetin e Skenderajt është mbajtur “Marshi paqësorë Kundër Dhunës”, i cili u organizua në mbështetje të shkrimtarit Azem Deliu.

Periskopi.com Lajme

Qendra Rinore e këtij qyteti ka bërë thirrje që dhuna të mos jetë pjesë e veprimeve në shoqërinë kosovare. Kjo qendër, i ka ftuar organet e hetuesisë që të merren me këtë rast.

“ Lusim organet përgjegjëse qe rastet e dhunës, qofshin ato fizike apo psikike te trajtohen me prioritet, pasi qe munde te vije deri tek zhvillimet tjera te dhunës. – Nuk është pa tjetër qe një marsh ose proteste të mbahet në Prishtinë për tija dedikuar tërë Kosovës, por nga Skenderaj duke dërguar një mesazh për tërë Kosovën se dhuna është e pa pranueshme”, thuhet në komunikatën dërguar mediave.

Komunikata e plotë5 orë më parë ​ Punëtorët e Postës në protestë! (Foto) Ka përfunduar “Marshi paqësor Kundër Dhunës” organizuar nga Qendra Rinore në bashkëpunim edhe më OJQ-të tjera nga Skenderaj.

E drejta për të marshuar ose protestuar siç dihet janë të drejta të garantuar me ligj. Një marsh si ky qe ndodhi sot në Skenderaj, është si reagim ndaj dhunës nga kushdo qe e ushtron atë në Kosovë.

Nuk jemi kundër dikujt dhe nuk jemi ne mbrojtje të askujt tjetër qoftë individ apo grupacion qe bënë shkeljen e ligjit, por jemi çdo herë zë i fuqishëm i fjalës se lirë dhe përkrahës i tyre.

Duke e përcjellur me shqetësim rrjedhën zhvillimeve të fundit të ushtrimit të dhunës ne si Qendër Rinore dhe OJQ –të sot marshuam në mënyrë të qetë duke kërkuar nga kushdo qe ushtrojnë dhunë, se ne nuk e përkrahim atë.

  1. Bëjmë thirrje që dhuna të mos jetë pjesë e veprimit brenda shoqërisë sonë, qofshin ato veprime politike, sociale apo edhe fetare. Gjuha është forma e vetme e zgjidhës së problemeve. Ju lutemi shfrytëzojeni komunikimin konstruktiv pa thumbuar askënd, duke respektuar mendimin e tjetrit.
  2. Lusim organet përgjegjëse qe rastet e dhunës, qofshin ato fizike apo psikike te trajtohen me prioritet, pasi qe munde te vije deri tek zhvillimet tjera te dhunës. – Nuk është pa tjetër qe një marsh ose proteste të mbahet në Prishtinë për tija dedikuar tërë Kosovës, por nga Skenderaj duke dërguar një mesazh për tërë Kosovën se dhuna është e pa pranueshme.

 

 

 

Tentim grabitje në Drenas, plagoset një person (Foto)

Si pasojë e një tentim grabitje në qendrën Al Trade në Drenas është plagosur një person.

Periskopi.com Lajme

Ngjarja ka ndodhur para pak minutash, raporton Periskopi.

Persona të armatosur kanë provuar të grabisin arkën e qendrës, kanë thënë dëshmitarët për Periskopin.

Sërish do jem kandidat për kryetar të Drenasit

Ka vetëm pak muaj që ka marr postin e të parit të Drenasit, por ende flet me energjinë e kohës së fushatës.

Teuta GASHI Intervista

Ramiz Lladrovci në një intervistë për Periksopi.com thotë se në Drenas nuk fitoi vetëm ai, por edhe PDK-ja, e madje sipas tij, vota mori edhe Kadri Veseli.

Nuk është penduar që la postin diplomatik, si i ngarkuar me punë në ambasadën e Kosovës në Shqipëri, ndërsa tani është kthyer aktiv në PDK, parti në të cilën ishte dikur madje edhe deputetët nga radhët e saj.

Lladrovci pranon se sërish do të jetë kandidat për kryetar të Drenasit, në zgjedhjet që pritet të mbahen në fund të këtij viti.

Është i bindur që do ta ketë mbështetjen e Qeverisë në projektet e Komunës, e flet edhe për premtimin e Behgjet Pacollit për ndërtimin e fabrikës së kërpudhave. Thotë se kjo e fundit ka mbetur vetëm tabelë.

Për Periskopin ai pranon se numri i të papunëve është shumë i madh në këtë komunë dhe thotë se askujt nuk i ka premtuar për ndërtimin e ndonjë xhamie.

A je penduar që e le postin diplomatik për një mandat një vjeçar në Drenas?

Lladrovci: Në asnjë rast, jam shumë i bindur se veprimi im ishte i drejtë. Këtë e thanë qytetarët gjatë zgjedhjeve, ashtu siç kishte nevojë infrastruktura e lamitë tjera që i sjellin të mira qytetarëve dhe komunës.

Pse mendon se të zgjodhën qytetarët?

Lladrovci: Sigurisht se janë shumë faktorë, por, bastioni i PDK-së rikonfirmoi fuqinë e vet, kohezionin dhe vendosmërinë për ta ndryshuar komunën e Drenasit. Qytetari ka mbamendje dhe kulturë demokratike, këtë e dëshmoi me zgjedhje. Pritjet e tij i ka vendosur te subjekti politik por edhe kandidati që e mban fjalën.

A do të kandidosh edhe zgjedhjet e ardhshme, kur dihet se mbahen këtë vit?

Lladrovci: Sigurisht, edhe kur kam kandiduar, kam proklamuar projektet e kësaj pjese të mbetur të mandatit por edhe për mandatin e ardhshëm të plotë.

A ke fituar ju personalisht në Drenas, apo PDK-ja?

Lladrovci: Të gjithë bashkë, Kryetari Veseli, dega e PDK-së dhe aktivistët e palodhshëm. Sigurisht ky kontribut yni i përbashkët e rikonfirmoi bastionin e PDK-së, vendosmëria e sinqeriteti ynë përball nevojave të qytetarëve dhe  përvoja ime me projektet konkrete të cilat morën vlerësim nga qytetari.

Cilat premtime që i ke bërë në fushatë janë realizuar, e në cilat po ke vështirësi (nëse ka vështirësi, të cilit lloj janë)?

Lladrovci: Sipas planit të parashtruar para elektoratit, jam duke i zbatuar të gjitha premtimet. Këto mund t’i vëreni në çdo veprim timin ligjor në komunë.

A keni mbështetjen e Qeverisë në realizimin e projekteve?

Lladrovci: Po, e kam mbështetjen nga të gjitha institucionet qendrore, dhe në emër të qytetarëve i falënderoj të gjitha sepse, komuna jonë, ka nevoja të shumta dhe na duhet po ashtu, mirëkuptimi i tyre për t’i realizuar.

Në çka beson konkretisht që do ju përkrah Qeveria, a do tentoni që të rritet buxheti i Komunës që drejtoni?

Lladrovci: Sigurisht, disa institucione qendrore tashmë e kanë dëshmuar përkrahjen, përkrahja është duke ardhur nga Qeveria. Presim se do të tërheqim edhe përkrahje nga drejtimet tjera, jo vetëm për infrastrukturë por edhe për arsim, shëndetësi, bujqësi, rini, kulturë, sport.

A ka të interesuar për investime në Drenas?

Lladrovci: Po, ka interesim, jemi duke finalizuar projektin e Qendrës së re të biznesit. Sigurisht mirëpresim çdo interesim edhe për fushat tjera, ne jemi të gatshëm të ofrojmë maksimumin si komunë që të bëhen investime që ndikojnë në uljen e papunësisë.

Çfarë po ndodh me fabrikën e kërpudhave të premtuar nga Behgjet Pacolli në kohë fushate?

Lladrovci: Çdo investitor është i mirëseardhur, duke vepruar në pajtim me ligjin. Sigurisht, kjo vlen edhe për Fabrikën e kërpudhave që deri më tani nuk ka asgjë më shumë se një tabelë.

A ka fabrika tjera që ka mundësi të hapen në Drenas?

Lladrovci: Po, ka mundësi, në komunën tonë ka vend jo vetëm për shërbime e tregti por edhe prodhim, mundësitë më të mira janë ato që ofron Qendra e re e biznesit por edhe në bujqësi duke qenë zonë me interes për njohësit e bujqësisë dhe ekspertët e komunës.

Një nga rastet më të përfolura kohën e fundit është falsifikimi i notave nga një mësues në shkollën e fshatit Tërdec. Ju keni premtuar se do të veproni karshi këtij skandali. Shkarkuat drejtorin e Arsimit, Sadik Tahiraj, nga kjo pozitë por e transferuat atë në një pozitë tjetër në komunë. A është kjo masa e duhur dhe e vetme që ju keni ndërmarrë ndaj kësaj çështjeje?

Lladrovci: Mirëpres veprimin e institucioneve qendrore rreth këtij rasti, nëse dikush mendon apo dyshon se nuk e kam zbatuar ligjin. Mendoj se ato që na i lejon ligji i kemi ndërmarrë. Ish drejtori është sistemuar në vendin e vet të punës nga ka ardhur si drejtor politik, konsideroj se risistemimi i tij është në pajtim me ligjin.

A i keni premtuar ndokujt ndërtimin e një xhamie?

Lladrovci: Jo, nuk kam premtuar se do të ndërtoj xhami, mandati im është të ndërtoj infrastrukturë dhe ngris cilësinë e jetës së qytetarëve pa dallim të përkatësisë fetare.

Por, sigurisht se jam shumë i interesuar që objektet fetare të bëhen sipas nevojës së qytetarëve, miratimin e tyre dhe në pajtim me ligjin, duke e ditur origjinën e investimit dhe duke marrë parasysh prioritetet e qytetarëve.

Sa të papunë janë në komunën që drejton, çfarë po bëni që të ulet numri i tyre?

Lladrovci: Numri i të papunëve për fat të keq, është i madh, mendoj se ky numër është më i madh por qytetarët nuk paraqiten në entin e punësimit.

Është folur për punësimin e disa grave në komunë. E keni bërë për shkak të gjinisë apo?

Lladrovci: Po, kam folur për barazinë gjinore dhe avancimin e tyre si menaxhere. Janë pesë drejtore të reja, me edukim adekuat dhe përvojë pozitive nga profili i tyre. Ato janë në ato pozita për shkak të aftësive të tyre, gatishmërisë për marrjen e përgjegjësisë nga ana e tyre por edhe gatishmërinë për të hapur mundësi të reja për femrat duke përfaqësuar interesin e të gjithë qytetarëve.

A jeni kthyer aktiv në PDK?

Lladrovci: Po, jam në bashkëpunim të vazhdueshëm me degën e PDK-së./ Periskopi

A po përdor standarde të dyfishta Ramiz Lladrovci? (Video)

4 zyrtarë të Drenasit ditë më parë u suspenduan nga vendi i tyre i punës.

Periskopi.com Lajme

Këtë vendim kryetari i komunës së Drenasit, Ramiz Lladrovci, tha se e mori pasi u kuptua se ndaj tyre ekzistojnë aktakuza për veprën penale “keqpërdorim i detyrës zyrtare”.

Dy zyrtarët, Vehbi Jashari dhe Shyqeri Bublaku, u suspenduan pasi prokuroria në qershor të këtij viti ngriti aktakuzë për keqpërdorim, përkatësisht blerjen e një kamioni për fikjen e zjarrit për komunën e Drenasit, raporton KTV.

Por njëjtë nuk ndodhi me kolegen e tyre, drejtoreshën e Shërbimeve Publike dhe Emergjencës, Hyrije Xhemajlaj Thaçi, e cila gjithashtu është pjesë e kësaj aktakuze.

Arsyetimi i zyrtarëve të Drenasit për mosmarrjen e masave ndaj saj është se pozita e Hyrije Xhemajlaj Thaçit është staf politik në komunë.

Dobra nuk përjashton mundësinë që gjatë ditëve në vazhdim, kryetari i komunës të marrë masa edhe ndaj stafit politik që kanë të ngritura aktakuza. Asambleistët e kuvendit të Drenasit po konsiderojnë se suspendimet e zyrtarëve me aktakuza nisën mbrapsht.

Xhemajlaj Thaçi, konsideron se fillimisht duhet të pritet të përfundojë i gjithë procesi gjyqësor ndaj saj, para se të merren masa nga ana e komunës.

Ramiz Lladrovci në krye të një bordi

Nga data 16 janari i këtij muaji Ramiz Lladrovci, tashmë kryetar i komunës së Drenasit do të jetë në krye të Bordit të Agjencisë për Zhvillim Rajonal – Qendër, që përfshin komunat Prishtinë, Podujevë, Fushë Kosovë, Lipjan, Shtime, Obiliq, Graçanicë dhe Drenas.

Periskopi.com Lajme

Kjo agjenci, përfshin projektet me karakter ndër-komunal dhe rajonal, si fryt i bashkëpunimit të ARDA-s me autoritetet komunale, si dhe pjesëmarrësit kyç në hartimin dhe zbatimin e politikave dhe programeve të zhvillimit ekonomik rajonal në Kosovë, transmeton gazetametro.net.

Këtë lajmërim e ka bërë vetë Lladrovci në faqen e tij në rrjetin social Facebook. Ai, shpreson për një angazhim të shtuar në këtë drejtim.

Pandeli Majko në Drenas, te Ramiz Lladrovci të cilin e quan vëlla (Foto)

Kryetari i Komunës së Drenasit, Ramiz Lladrovci, ka pritur sot ish-kryeministrin e Shqipërisë, tani deputet Pandeli Majko, njofton kumtesa komunale.

Periskopi.com Lajme

 

Në këtë takim, Lladrovci ka falënderuar Majkon për vizitën dhe ka thënë se ish-kryeministri Majko ka merita shumë të mëdha për Lirinë dhe Pavarësinë e Kosovës.

“Falënderoj mikun tim të veçantë, për këtë vizitë, ishte dhe do të mbetet në kujtesën e gjithë shqiptarëve të Kosovës për meritat që i ka bërë sa ishte kryeministër i Shqipërisë”, ka thënë Lladrovci duke i propozuar Majkos që bizneset nga Shqipëria të investojnë në Drenas.

 

Pandeli Majko ne Drenas

Ndryshe, Pandeli Majko, në kohën e fushatës për zgjedhjet në Drenas, që u mbajtën më 4 dhjetor, kishte përkrahur Ramiz Lladrovicin.

Madje, siç raporton Periskopi Majko e quan vëlla Lladrovcin.

sdfsfsf

 

Lladrovci: Do ta padisë Xhavit Drenorin dhe babain e tij

Xhavit Drenori bashkë me babain e tij shumë shpejt mund të përballen me një padi për shpifje.

Periskopi.com Lajme

Kjo pasi që kryetari i Drensit Ramiz Lladrovci ka në plan ta padisë atë për shpifje ndaj tij për kinse vjedhje të parave.

Lladrovci në emisionin “Republika” me Dardan Gashin ka thënë se akuza e Drenorit se Lladrovxi ka bajtur para me thasë është plotësisht e pa vërtët dhe se për këtë do të padisë Drenorin.

KQZ shpalli rezultatet përfundimtare për kryetar të Drenasit

KQZ-ja shpalli sot rezultatet përfundimtare të raundit të dytë të zgjedhjeve të jashtëzakonshme për kryetar të Komunës së Drenasit (Gllogocit).

Periskopi.com Lajme

Në mbledhjen që mbajti sot nën kryesinë e Valdete Daka, Komisioni Qendror i Zgjedhjeve miratoi dhe shpalli rezultatet përfundimtare, pasi Paneli Zgjedhor për Ankesa dhe Parashtresa ka njoftuar se nuk ka pasur asnjë ankesë që mund të ndikojë në këto rezultate.

Rezultatet Përfundimtare janë si në vijim:

Djali i Ramiz Lladrovcit: Ata që po përqeshin babain janë vet analfabet

Djali i kandidatit të PDK-së për kryetar të Drenasit, Lapidar Lladrovci ka reaguar ndaj përqeshjeve që po i bëhen babai të tij, Ramiz Lladrovci.

Periskopi.com Lajme

Ai në një reagim në faqen e tij në Facebook ka thënë se qytetarët që po bëjnë këto përqeshje janë vet analfabet, transmeton IndeksOnline.

Ky është reagimi i plotë i tij në Facebook:

“Po i shoh disa qytetarë të dashur, të cilët po i cilësojnë politikanët tonë analfabet e të padijshëm dhe po qeshin me disa thënie demek “qesharake”.

Por po dalin vetë qesharakë e analfabetë sepse vetë ligji i Fizikës thotë se Fuqia = Forca × Shpejtësia. Pra Fuqia dhe Forca nuk janë një por rezultat i njëra tjetrës…Tani jo po na dalin rezultatet e PISA-së shumë të ulëta. Mjerët na për veten”, është reagimi i Lapidar Lladrovcit.

Nënkryetari i Gjakovës then heshtjen zgjedhore të Drenasit

Ramadan Hoti, nënkryetar në komunën e Gjakovës që është edhe kryetar i degës së PDK-së në Has, ka thyer heshtjen zgjedhore.

Periskopi.com Lajme

Ai në një postim në rrjetin social facebook, në faqen e tij publike, ka shkruar për Ramiz Lladrovcin duke thurrur lëvdata për të, pavarësisht që nuk ka të drejt vote, raporton Periskopi

Shkrimi i tij:

Të dashur vëllezër e motra të Drenicës, e ndjeva obligim moral të ju drejtohem nga Hasi, juve qytetarë të Drenasit që ta përkrahni kandidatin e juaj për kryetar të komunës z. Ramiz Lladrovci, këtë bir të Popullit i cili e dëshmoj se në çdo situatë pa marrë parasysh çmimin dhe sakrificën është me ne dhe për ne sepse kështu u edukua dhe u rrit në një familje kreshnike gjithmonë në shërbim të Popullit.

Sa më shumë që e përkrahim Ramizin, dëshmojmë se e duam të ardhmen dhe zhvillimin e vendit tonë!.

Ramadan Hoti / Periskopi

hbjj

E gjithë PDK-ja zbarkon në Drenas (Foto)

Në mbyllje të fushatës në Drenas, e gjithë PDK-ja kanë shkuar në përkrahje të kandidatit të tyre, Ramiz Lladrovci.

Periskopi.com Lajme

Të dielën mbahet balotazhi mes kandidatiti të NISMA’s, Isa Xhemajlaj dhe atij të PDK’së, Ramiz Lladrovci.

E për këtë të fundit kanë shkuar edhe kreu i partisë dhe të tjerë.

Deputeti Bekim Haxhiu thotë se salla e Shtëpisë së Kulturës në Drenas ishte vogël për të zënë përkrahësit e PDK-ës dhe të Ramiz Lladrovcit./ Periskopi

15578481_1356908684340626_6904723282768341150_n 15542041_1356908651007296_3476865265037226215_n 15622474_1356908641007297_4954764400871483089_n