Kadaj-Bujupi tregon se me kë u koordinua Thaçi për Ushtrinë

Deputetja e Lëvizjes Vetëvendosje, Donika Kadaj-Bujupi ka thënë se Ligji për transformimin e FSK-së në Ushtri nuk është arritje e presidentit Hashim Thaçi.

Periskopi.com Lajme

“Ky Ligj nuk është shpikje e Thaçit. Isa Mustafa ka qenë i interesuar që ta shtyjë Demarkacionin dhe Zajdenicën, por për këtë ai do të iu përgjgijet votuesve”.

Kadaj-Bujupi si e ftuar në Zona e Debatit në Klan Kosova ka thënë se presidenti nuk është koordinuar për këtë projektligj me partitë politike.

“Thaçi nuk është koordinuar me partitë politike, pasi ai nuk e ka as legjitimitetin. Ai u demantua në atë çfarë tha, pasi të vemtin koordinim që ka pasur ishte telefonata me Vuçiqin”.

“Ai nuk është koordinuar me askend përveç me kryeministrin e Serbisë, madje nuk është koordinuar me kryeministrin e Qeverisë së vendit të vet”.

Ajo ka thënë se Lëvizja Vetëvendosje nuk është që të bllokojë këtë Projektligj, por ka inisistuar se kjo nuk është diçka me të cilën Thaçi duhet të mburret.

“Nuk është nismë ku dikush mundet me u mburr. Kjo është një aventurë e Hashim Thaçit, si 25 korriku kur tha se po shkohet në veri, ku mbeti i vrarë një polic dhe u tërhoq”.

“Ligji për Ushtrinë është kogja punë me rrezik dhe duhet ta mendojnë dy herë. Ligji është I brishtë dhe I dobët, prandaj nuk është çështje që duhet të mburremi”.

“Nuk është nismë e Hashim Thaçit. Askush se ka ndal FSK-në me i ngrit kapacitetet me pas më shumë logjistikë, autoblinda dhe të tjera”.

Kadaj-Bujupi ankohet në sjelljet e prokurores, e quan të pakuptimtë arrestimin e saj

Deputetja e Vetëvendosjes Donika Kadaj Bujupi pas marrjes në pyetje në Gjykatën Themelore në Prishtinë është liruar.

Periskopi.com Lajme

Kadaj – Bujupi, tha të jetë marrë në pyetje nga prokuroria lidhur me rastin e 1 shtatorit të vitit të kaluar, kur ishin ndaluar nga policia në hollin e kuvendit pasi që dyshohej se u ishte gjetur sprej.

Ajo është ankuar në sjelljet e prokurores, e cila sipas deputetes, nuk ia ka lexuar të drejtat e saj dhe nuk i ka dhënë të drejtën për t’u mbrojtur me avokat.

Gjithashtu ajo e ka quajtur të pakuptimtë arrestimin e saj, pasi që kur ishte arrestuar më 1 shtator kishte qëndruar në paraburgim për 48 orë dhe as nuk ishte marrë në pyetje. Deputetja e Vetëvendosjes, u arrestua gjatë ditës në kufi me Maqedoninë.

Lirohet Donika Kadaj-Bujupi

Deputetja e Vetëvendosjes Donika Kadaj – Bujupi është liruar pas arrestimit të saj sot nga Policia e Kosovës në Han të Elezit.

Periskopi.com Lajme

Arrestimi, sipas PK-së ishte bërë me urdhërarrest të Gjykatës.

Polica,pasi konfirmoi arrestimin, tha e ajo ka qenë bashkëpunuese.

Ndërsa deputetja Bujupi pas lirimit ka thënë: Nuk do të ndalemi, zajednica nuk kalon.

Paralajmëron Kadaj – Bujupi: Demarkacioni rikthen tensionet ne vend

Qeveria e Kosovës do të provojë të rikthejë Demarkacionin me Malin e Zi në Kuvendin e Kosovës këtë muaj, por këtë do t’ia pamundësoj sërish opozita, shkruan Gazeta Monitor.

Periskopi.com Lajme

Deputetja e Lëvizjes Vetëvendosje, Donika Kadaj-Bujupi, ka thënë se çdo tentim i pushtetit për të shtyrë përpara çështjen e demarkacionit është edhe rikthim i tensioneve në vend.

Kadaj-Bujupi për Gazetën Monitor ka thënë se Kosova nuk ka tokë për pazaret e Presidentit të Kosovës Hashim Thaçi, Kryeministrit Isa Mustafa, dhe Kryetari të Kuvendit të Kosovës, Kadri Veseli.

“Pas vërtetimit nga ekspertët se demarkacioni është i gabuar e i dëmshëm,  çdo përpjekje e këtij Pushteti për të shtyrë përpara, është rikthim i tensioneve në vend dhe si opozitë sigurisht që do t’i përgjigjemi me të njëjtin vullnet dhe me të njëjtën vendosmëri sikurse edhe në të kaluarën. Kosova nuk ka tokë për pazaret e Thaçit-Mustafës dhe Veselit. Ata, pazaret mund t’i bëjnë vetëm me pronat dhe bizneset e tyre, por asnjëherë me territorin e Republikës!”, kështu ka deklaruar deputetja Kadaj-Bujupi.

Ajo madje ka thënë se nga një Qeveri e nënshtruar ndaj Serbisë në negociatat në dëm të sovranitetit të Kosovës gjithçka që është e mundshme, është veçse në interes të Serbisë.

“Nga një Qeveri e nënshtruar ndajë Serbisë në negociata në dëm të sovranitetit të Kosovës dhe nga një koalicion siç është PDK-LDK-Lista Serbe, që gjithçka që është e mundshme është veç në interes të Serbisë, ndërsa e pamundshme bëhet Republika  dhe mbrojtja e interesave kombëtare e shtetërore”, ka përfunduar Kadaj-Bujupi.

Donika Kadaj dhe Ibrahim Rugova shumë vite më parë (Foto)

Një fotografi e realizuar vite më parë, atëherë kur Presidenti Ibrahim Rugova ishte ende gjallë, tregon për afërsinë ndërmjet anëtarëve të Aleancës për Ardhmërinë e Kosovës dhe vet Presidentit Rugova.

Periskopi.com Lajme

Në këtë fotografi shihet Presidenti Rugova bashkë me Donika Kadaj Bujupin, atë kohë anëtare e AAK-së e tash deputete e Vetëvendosjes, teksa bisedojnë duke dalë nga një takim. Prapa tyre shihet edhe ish ambasadori William Woker.

Kujtojmë, se LDK-ja kishte lidhur Koalicion me AAK-në në vitin 2004, derisa lideri i AAK-së Ramush Haradinaj ishte zgjedhur Kryeministër kurse Ibrahim Rugova President i Kosovës.

rrugova-bujupi

Kadaj-Bujupi: Daniel Serwer paguhet për të qenë kundër Vetëvendosjes

Deputetja nga radhët e Lëvizjes Vetëvendosje, Donika Kadaj- Bujupi ka theksuar se luftës kunër VV-së, së fundi iu bashkuan edhe këshilltarë dhe ish këshilltarë të ministrave të Qeverisë “Pronto”.

Periskopi.com Lajme

Ajo në “luftën” kundër VV-së ka përfshirë edhe mediat, duke thënë se pos tyre janë edhe analistët, policia e prokuroria.

Lexoni më poshtë postimin e saj:

“Sa paguhen këshilltarët ndërkombëtarë për të sulmuar opozitën?

Përveç mediave, analistëve, policisë e prokurorëve, së fundi luftës kundër VV-së iu bashkuan edhe këshilltarë dhe ish këshilltarë të ministrave të Qeverisë “Pronto”.

Shuma marramendëse një mandat arrin 1 milionë euro, me të cilën paguhen diplomatë, analistë e gazetarë në emër të lobimit për Kosovën dhe avancimin e saj në arenën ndërkombëtare, me qëllim të njohjes nga shtetet e botes.

Rezultatet pothuajse janë te padukshme ose krejt jorelevante, pasi Kosova prej viti ne vit degradon dhe madje prapakthehet në agjendat ndërkombëtare. Kontratat e tyre dhe te kompanive të tyre nuk bëhen publike asnjëherë sepse mjafton te përmendet një emër i huaj, i cili qëndron prapa kësaj pune.

Por ajo çka bie ne sy është se të njëjtit përdoren kohë pas kohe – së fundi Daniel Serëer – dhe me agresivitet sa herë rrezikohet ndonjë projekt i “Prontos”. Kështu ndodhi gjatë VLAN-it dhe përpjekjes për ndryshim në vend. E kështu po ndodhë tani, pasi dy marrëveshjet e dëmshme, kryesisht falë rezistencës se VV-së u stopuan.

E tani, kur sondazhet na vendosin lart dhe prapë karriga e “Prontos” lëkundët, “këshilltarët” fillojnë lobimin e tyre duke mos hezituar te fyejnë e cilësojnë kështu e ashtu subjekte parlamentare dhe përfaqësues te popullit. Është qesharake kur pretendojnë se stopimi i faljes se resurseve dhe tokës ka pamundësuar zhvillimin e ekonomisë se vendit. Ose kur pretendojnë që “Zajednica” që fut Serbinë edhe de jure ne Kosovë, forcon pozitën tonë si shtet, ndonëse dihet fare mirë rasti i Bosnjës.

Sidoqoftë, meqë kjo betejë po vazhdon, është koha të kërkojmë që të behën publike kontratat, rrjedhimisht pagesat e këtyre individëve te cilët marrin paga te majme nga taksat tona për të ndihmuar Kosovën dhe jo për te luftuar opozitën e vendit. Transparenca dhe llogaridhënia janë vlera apo jo?!”(sic.)