Reagimet të ashpra për ndryshimet e Kodit Penal, konsiderohet kthim në diktaturë

Periskopi.com Lajme

Ndër punët e para që e kishte përmendur se do t’i inicionte sapo qe ngjitur në krye të shtetit presidenti Hashim Thaçi ishin ndryshimet në Kodin Penal dhe të Procedurës Penale.

Kështu nëntë muaj pasi u zgjodh president, në fund të nëntorit të vitit 2016 edhe vetë ai mori pjesë në takimin e parë të Grupit punues për plotësim-ndryshimin e Kodit Penal dhe të Procedurës Penale.

Rezultatet e këtij komisioni të themeluar nga vetë presidenti Thaçi kanë filluar të duken menjëherë. Sot ka qarkulluar në media një prej draftneneve problematike që do të gjejë vend në Kodin e ri penal, ai me nr. 134 që ka të bëjë me fyerjen dhe shpifjen ndaj simboleve dhe institucioneve të shtetit.

Në pikën D të këtij neni sanksionohet shpifja ndaj organeve kushtetuese.

“Kushdo që publikisht, në një takim, ose nëpërmjet shpërndarjes së materialeve të shkruara shpif ndaj një organi kushtetues, Presidentit, Kuvendit, Qeverisë, Gjykatës Kushtetuese të Republikës së Kosovës ose një prej anëtarëve të tyre në këtë kapacitet në një mënyrë të dëmshme për respektimin e shteti dhe kështu qëllimisht mbështet përpjekjet kundër vazhdimit të ekzistencës së Republikës së Kosovës ose kundër parimeve të saj kushtetuese, do të dënohet me burgim nga tre muaj deri në pesë vjet”, thuhet në pikën 1..

Mëenjëherë pas kësaj kanë filluar reagimet e ashpra.

Dikush e quan kthim në diktaturë, dikush arkaike e shumë të tjera.

Analisti Halil Matoshi i cili  këtë draftligj e ka konsideruar si draftligj të kohës së Titos.

” Diktatura po troket në derë:  Hashim Thaçi, Isa Mustafa, Kadri Veseli, Arta Rama dhe ministrat e Qeverisë kosovare po duen me ba ligj me e mbrojt emnin dhe “veprat” e tyne”, ka shkruar ndër tjerash z. Matoshi në një postim në rrjetin social Fb, duke shtuar se nëse shkon në Kuvend  ky draftligj, “kish me qenë marrja e dheut për këtë kastë politikanësh despotik”.

Ndërsa analisti Imer Mushkolaj pyet se me cilin kod dënohen ata që kanë vjedhur.

“E me cilin kod dënohen këta tipat që e kanë vjedhë, shkatërru e përvetësu këtë vend?

Na ju rrejmë, po ju dënoheni nëse na fyeni! #kodipenal”, ka shkruar ai, raporton periskopi

Analisti politik Behlul Beqaj thotë se  nuk do ta barazonte çështjen e shpifjes me  fyerjen. “Shpifja, gjithsesi se është akt i dënueshëm, por pasojat e shpifjes  nuk mund të tejkalohen me dënime drakonike deri në pesë vjet”, thotë Beqaj.

“ Qëllimi nuk arrihet me ashpërsimin e dënimit, por me mundësinë e risocializimit sa më të shpejtë duke vuajtur një ndëshkim racionalisht të përballueshëm që parandalon mundësinë e shpifjes. Ndërsa, fyerja është dicka krejt tjetër, ngase varet shumë nga interpretuesi ligjor i cili zakonisht është dorë e zgjatur e pushtetit. Kështu mund të kuptohet fyerje edhe nëse unë i them të vërtetën se kryeministri dhe presidenti janë mashtrues, ngase e kanë një koalicion që është krijuar me mashtrim, kanë premtuar transformimin e FSK-së me ligj në koordinim me ndërkombëtarët, që nuk ishte e vërtetë, kanë deklaruar se  më 2010 do të kryhet liberalizimi i vizave… kanë premtuar 200.000 vende pune…nëse dikush është fyer janë qytetarët, por meqë  drejtësia është nën kontrollin e politikës atëherë shumë më lehtë do të ndëshkohen qytetarët e jo politikanët mashtrues, apo jo !”, thekson z. Beqaj për Gazetën Observer.

Ehat Miftaraj, hulumtues i lartë në Institutin e Kosovës për Drejtësi thekson se ndryshimet që pritet të ndodhin në Kodin penal, e penalizojnë shpifjen kur kemi të bëjnë me flamurin, stemën apo bartësit e institucioneve në Kosovë.

“Edhe për kundër faktit se një praktikë e tillë përkon me praktika dhe standard që aplikohen në shtete edhe të BE-së, duke pasur parasysh kontekstin politik në Kosovë, Ministria e Drejtësisë dhe Kuvendi duhet ta shqyrtojnë edhe njëherë këtë në mënyrë që pastaj mos të jetë në kundërshtim me vlerat demokratike dhe lirinë e shprehjes së qytetarëve të Kosovës”, deklaron Miftaraj

Avokati Dastid Pallaska thotë se propozimi i Ministrisë së Drejtësisë për të sanksionuar penalisht shpifjen dhe fyerjen ndaj udhëheqësve shtetëror është arkaik.

Ndërsa, sipas tij, arsyetimi i Ministrisë së Drejtësisë se propozimi bazohet në Kodin Penal të Gjermanisë është qesharak.

Pallaska thotë se kjo dispozitë ligjore në Kodin Penal të Gjermanisë është mbeturinë arkaike e një epoke tjetër. Këtë e vërteton fakti se asnjë politikan gjerman modern nuk ka kërkuar mbrojtje sipas kësaj dispozite ligjore në shekullin XXI./ Periskopi

 

Diktaturë? Do befasoheni me këto fotografi të Koresë së Veriut (Foto)

Koreja e Veriut është një prej diktaturave më të egra në botë.

Periskopi.com Galeria

Të paktën kështu paraqitet nga mediat perëndimore.

Por këto foto tregojnë një Kore krejt ndryshe nga sa përshkruhet.

Femra me çanta dhe rroba firmato, makina luksi dhe smartfonë.

Sigurisht që në fshat jetojnë keq dhe punojnë shumë, por të kamurit duket se nuk kanë asgjë ndryshe nga perëndimorët./ Opinion

d2-339 d3-332 d5-287 d6-255 d7-211 d8-173 d9-151 d10-124 d11-91 d12-82 d13-63 d14-51 d15-42 d16-33 d17-27 d18-23 d43