Donika Kadaj Bujupi

Donika-Kadaj paralajmëron protesta të dhunshme (Video)

Sa herë që ministrja për Dialog, Edita Tahiri, paralajmëron “diçka të mirë për Kosovën”, ndodh e kundërta, ka thënë Donika Kadaj-Bujupi, në emisionin Rrokum Roll në TV Rrokum.

Periskopi.com Lajme

Ajo ka komentuar edhe kushtet e ministrit të Jashtëm serb, Ivica Daçiq, për vazhdim të dialogut me Kosovën, ku potencohet formimi i Asociacionit të Komunave Serbe, ajo tha se do të ketë protesta të mëdha që do ta kundërshtojnë këtë, e të cilat mund të eskalojnë në dhunë.

Kadaj-Bujupi ka komentuar edhe deklaratën e kryeparlamentarit Kadri Veseli, se seanca – për rastin e vdekjes në Burgun e Prizrenit të aktivistit të VV-së, Astrit Deharit – do të mbahet më 14 dhjetor.

“Ka vendos për këtë datë, sepse atë ditë disa prej neve deputetëve kemi ftesa për seanca gjyqësore”, ka thënë ajo.

‘Demokracia në Kuvend ka vdekur në momentin që kryetar është bë njeriu i nëntokës’.

Hidajet Bytyqi

Lirohet xhaxhai që rrahu mbesën e mitur në Rahovec

Për shkak të gjendjes shëndetësore është liruar nga ndalimi policor H.B., i cili kishte rrahur mbesën e tij të mitur pranë shkollës “12 Maji” në Ratkoc të Rahovecit

Periskopi.com Lajme

Ndaj tij, Gjykata ka vendosur masën e urdhrit mbrojtës.

Personi me inicialet H.B., sipas Policisë së Rajonit të Gjakovës, është liruar nga ndalimi policor, ndërsa gjatë seancës gjyqësore që është mbajtur ndaj tij është caktuar masa e urdhrit mbrojtës.

Xhaxhai i 16-vjeçes nga Ratkoci i Rahovecit ishte në ndalim policor pasi kishte rrahur në mënyrë brutale mbesën e tij në afërsi të shkollës “12 Maji”.

Zëdhënësja e Policisë për Rajonin e Gjakovës, Lirie Podrimaj, tha se personi në fjalë është liruar për shkak të gjendjes së tij shëndetësore, ndërsa në seancën gjyqësore për këtë rast ndaj tij është shqiptuar masa e urdhrit mbrojtës.

Urdhri mbrojtës është masa e cila shqiptohet në rastet e dhunës në familje dhe nënkupton që kryesi i veprës nuk guxon t’i afrohet viktimës ose guxon vetëm në masën e përcaktuar nga gjykata.

Mbi bazën e provave të paraqitura, lëshimi i urdhrit të mbrojtjes është i domosdoshëm për të mbrojtur direkt apo indirekt sigurinë, shëndetin dhe mirëqenien e viktimës.

Incidenti në fjalë ka ndodhur të enjten para shkollës “12 Maji” në Ratkoc të Rahovecit.

Viktima e dhunës ishte nxënëse e kësaj shkolle.