Zaev e Vuçiç bisedojnë për agjentin serb që hyri në Kuvendin e Maqedonisë

Periskopi.com Lajme

Shërbimi sekret i Maqedonisë dhe ai i Serbisë do të përcaktojnë se çfarë ka kërkuar agjenti serb i kundërzbulimit, Goran Zhivaljeviq në Kuvend, më 27 prill, kur dhunuesit rrihnin deputetët.

Mandatari për formimin e qeverisë së re, Zoran Zaev pas takimit me kryeministrat e vendeve të Ballkanit Perëndimor në Bruksel, ka thënë se me presidentin serb Aleksandar Vuçiq nuk kanë folur konkretisht për rolin e Zhiveljeviq, por shpreson se shërbimet do të japin përgjigje se cili ishte roli i tij në 27 prillin e përgjakshëm.

“Besoj se institucionet e të dyja vendeve, që janë shërbimi sekret i jonë dhe shërbimi sekret serb do të gjejnë një zgjidhje për këtë çështje. Ajo që u shfaq në media është e dukshme për të gjithë. Ne biseduam në lidhje me perspektivat, folëm për nevojën që rajoni të bashkëpunojë më shumë, Maqedonia dhe Serbia të bashkëpunojnë më tepër”, tha Zoran Zaev, mandatar i Qeverisë së re.

Presidenti serb Aleksandar Vuçiq, nuk ka dëgjuar deri tani se Zhivaljeviq ka kryer vepër penale ose ka organizuar që dikush me dhunë të hyjë në parlament më 27 prill. Ai bëri një paralele duke thënë se qytetarë të Maqedonisë kanë marrë pjesë në protestat kundër tij në Beograd, pa thënë nëse ata janë pjesë e shërbimeve sekrete maqedonase, shkruan AlsatM.

“Unë kam më shumë njerëz të cilët mund t’i them menjëherë, nga Zenderi deri te Çaçnovski nga Shkupi, të cilët ishin në demonstratat në Beograd kundër meje. Pra, çfarë? Ata nuk kanë bërë vepër penale, nuk bënë asgjë, asnjë problem. Por në Kuvendin e një shteti tjetër?Puna e tij është të raportojë mbi ngjarjet, asgjë më shumë”, tha Aleksandar Vuçiq, kryeministër i Serbisë.

Në faqen zyrtare të Ambasadës serbe qëndron emri i Goran Zhivaljeviqit. Ai është pjesë e shtatë personave në zyrën e ambasadorit dhe ka vendin e punës, këshilltar.

 

Spiuni serb i përfshirë në ngjarjet e 27 Prillit në Parlamentin e Maqedonisë

Periskopi.com Lajme

Goran Zhivaleviq, ish-zëvendësdrejtor i Agjencisë Informative të Sigurisë – BIA, tani oficer i saj aktiv që punon në Ambasadën në Shkup, tashmë në mandatin e tretë. Ai është futur në Parlament pas orës 20 së bashku me një grup personash nga turma dhe është nisur drejt sallës plenare ku ende kanë qenë deputetët e VMRO-DPMNE-së.

Sipas burimeve të gazetës KOHA dhe televizionit Telma, ai këtu edhe është fotografuar, por nuk është ndalur vetëm aty.

Goran Zhivaleviq, oficer i Agjencisë Serbe për Kundërzbulim – BIA, diplomat aktual dhe këshilltar në Ambasadën e Serbisë në Shkup, më 27 prill – ka qenë brenda në Parlament gjatë tërë kohës së incidenteve, merr vesh ekipi i përbashkët hulumtues i gazetës KOHA dhe televizionit Telma. Kush është Goran Zhivanjeviq dhe çka do të thotë prezenca e tij në Parlament të enjten e përgjakshme?

Më 27 prill, në mesin e shumë njerëzve që u futën dhunshëm në Parlament njihen disa persona – kryesisht persona nga MPB ose nëntoka, të cilët kanë qenë nën hetime vetëm për pjesëmarrje në grumbullin e njerëzve ose janë të suspenduar. Por në mesin e tyre ishte edhe një njeri, prezenca e të cilit hapë shumë pyetje. Goran Zhivaleviq, ish-zëvendësdrejtor i Agjencisë Informative të Sigurisë – BIA, tani oficer i saj aktiv që punon në Ambasadën në Shkup, tashmë në mandatin e tretë.

Ai është futur në Parlament pas orës 20 së bashku me një grup personash nga turma dhe është nisur drejt sallës plenare ku ende kanë qenë deputetët e VMRO-DPMNE-së. Sipas burimeve të gazetës KOHA dhe televizionit Telma, ai këtu edhe është fotografuar, por nuk është ndalur vetëm aty.

Zhivaleviq ka qëndruar deri në fund të ngjarjeve në Parlament dhe gjatë kohës së incidenteve që kanë ndodhur aty. Por, pse një diplomat që, sipas ueb faqes së ambasadës serbe në Shkup, është këshilltar – në të njëjtën ditë do të ishte për prezent gjatë kohës së trazirave të atilla në Parlament që është jashtë protokollit të diplomatëve. Zhivaleviq në përgjigjen dërguar TV Telma dhe gazetës KOHA pranon se ka qenë brenda në Parlament, por siç është arsyetuar ai, “ka qenë me detyrë për të parë nëse në incidente ka dhe persona nga Serbia, tifozë apo edhe ekstremistë”.

Zhivaleviq është i njohur për opinionin serb, por edhe për atë rajonal për disa ngjarje kontroverse. Bashkëshortja e tij, Olivera Antoniq, ka dëshmuar në lidhje me vrasjen e gazetarit Sllavko Çuruvija. Ajo gjatë asaj kohe, në sigurimin shtetëror ka punuar në departamentin për përgjime dhe ka përpiluar procesverbalet e bisedave nga banesa e gazetarit pas vrasjes së tij, kështu që i ka orientuar edhe personat.

Gazeta KOHA merr vesh se Zhivaleviq është i përzier edhe në organizimin e ngjarjes që u mbajt në muajin qershor të vitit të kaluar në Moskë, ku merrte pjesë kryetari i Partisë Demokratike Serbe në Maqedoni, Ivan Stoilkoviq, si nënshkrues rajonal i Iniciativës ruse për krijim të territorit neutral ushtarak të Ballkanit. Aty kanë qenë edhe disa deputetë serb së bashku me partitë serbe nga Republika Srpska, Mali i Zi, Bullgaria dhe Maqedonia. Zhivaleviq para se të vijë me mision në Maqedoni, është “dëbuar” nga Kroacia për spiunim, pasi sigurimi kroat i ishte ankuar kolegëve në Beograd për punën e tij. Deri tani nuk ka asnjë reagim nga MPB as nga Ministria e Punëve të Jashtme e Maqedonisë sepse nuk janë ndërmarrë masa kundër kundërzbuluesit serb Goran Zhivaleviq për prezencën e tij në Parlament më 27 prill.

Babë e bir arrestohen për masakrimin e Ziadin Selës, Prokuroria i akuzon për veprën ‘vrasje’ (Foto)

Periskopi.com Lajme

Prokuroria Publike ka theksuar se deri më tani, janë identifikuar dy persona të përfshirë në sulmin ndaj Ziadin Selës gjatë ngjarjeve të përgjakshme në Parlament më 27 prill.

Nga provat e deritanishme të mbledhura, Zyra e Prokurorit Publik ka vlerësuar se ekziston dyshimi i bazuar se këta dy njerëz së bashku me të tjerët, të cilët në këtë pikë janë të paidentifikuar, kanë kryer veprën penale “Tentim Vrasje” nga neni 123 paragrafi 1 në lidhje me nenin 22 dhe në lidhje me nenin 19 të Kodit Penal, njofton TetovaSot.

“Prokurori publik kompetent ka sjellë Urdhër për të kryer një hetim kundër dy personave për veprën penale të supozuar. Në të njëjtën kohë, pas vlerësimit të Prokurorisë Publike, kundër dy të dyshuarve është e domosdoshme të caktohet masa për sigurin e tyre, për shkak se prokurori deri tek gjykatësi i procedurës paraprake ka dorëzuar Propozimin për përcaktimin e masës së paraburgimit, për shkak se egzistojnë të gjitha bazat ligjore për ta bërë këtë.

Gjithashtu, për sqarimin e plotë të këtij krimi janë nga ana e prokurorisë publike është dhënë urdhëri për veprim të menjëhershëm të Ministrisë së Brendshme për të siguruar dokumente dhe informata relevante “, thonë nga Prokuroria Publike.

Këto janë kriminelët maqedonas që i kërkon policia për dhunën në Kuvend, nëse i njihni paraqituni në Polici (Foto)

Periskopi.com Lajme

Më poshtë janë publikuar disa fotografi nga CentarNews me të dyshuarit e dhunshëm për të cilët policia është vënë në kërkim të tyre.

Policia thotë se për çdo informacion në lidhje me identitetin e personave në kohën më të shpejtë të mundshme të lajmëroheni në polici.

Fotot janë lëshuar në të gjitha stacionet policore për të identifikuar individët,ndërta  MPB-ja do të arrestojnë të gjithë ata që kanë hyrë në parlament, janë identifikuar 245 dhunues, por çdo ditë po identifikohen persona të tjerë.

Kriminelët maqedonas tani kërcënojnë deputetët e VMRO-së (Foto)

Periskopi.com Lajme

Disa nga protestuesit e dhunshëm që më 27 prill kanë hyrë në parlament dhe kanë sulmuar fizikisht deputetët nga shumica parlamentare, përmes rrjeteve sociale tani kërcënojnë deputetët nga VMRO-DPMNE, njofton TetovaSot.

Njëri nga kriminelët dhe banditët që u përhap në media dhe në rrjetet sociale, i cili u identifikua si Vlado Georgiev Cernozemski, deputetët e VMRO-DPMNE i ka shpallur si tradhtarë.

Ky kriminel ka akuzuar deputetët e VMRO-së, se pse ata kanë qëndruar të qetë teksa është kënduar himni shqiptar në Parlament.

Ai më tej thekson se protestuesit i kanë deklaruar si fajtorë, ndërsa deputetët e VMRO-DPMNE-së ai i ka quajtur tradhtarë.

A ju duket ky huliganë i pafajshëm? Lirohet me pretekst se ai ka dashur ta ndihmojë Ziadin Selën! (Video)

Periskopi.com Lajme

Prokuroria në Shkup ka liruar kriminelin që vërehet duke e tërhequr zvarrë me 4 huliganë të tjerë Ziadin Selën.

TetovaSot më herët ka publikuar videon e tij ku shihet pikërisht i njëjti huligan Toni Trajkovski, që mendohet se është këshilltar i VMRO-DPMNE-së në Këshillin e Kumanovës, i cili i pari nis sulmin brenda sallës ku ishte Ziadin Sela, Zoran Zaevi edhe deputetë të tjerë.

Huligani maqedonas është liruar me pretekst se nuk e ka sulmuar Ziadin Selën, por e ka tërhequr nga turma që e ka sulmuar.

Televizioni Alsat publikoi edhe pamjet ku shihet i njëjti huligan duke tërhequr zvarrë të dyshuarin.

 

Të parët që shpërthyen parlamentin maqedonas, anëtarë të Armatës dhe Akademisë Ushtarake

Periskopi.com Lajme

Fotografitë dhe pamjet e sulmuesve në Kuvend po shpërndahen nëpër internet, ndërsa policia po bën identifikimin e tyre.

Sipas redaksisë së portalit Pozitiv në Shkup, mes të parëve që kanë shpërthyer barrikadën policore dhe kanë hyrë në Kuvend kanë qenë edhe pjesëtarë të Armatës së Maqedonisë, por edhe profesorë të Akademisë Ushtarake.

Në fotot e publikuar nga ky portal shihen edhe ushtarakët dhe profesorët e Akademisë, N.Talevski dhe A.Ilievski.

Deutche Welle: Gruevski fshihet pas krimit të mbrëmshëm

Periskopi.com Lajme

Ajo që ka ndodhur dje në Shkup i ka befasuar vetëm ata që nuk e njohin situatën. Sulmi në Parlament është një përpjekje e vazhdueshme e disa forcave për të rrënuar demokracinë.

Futja e djeshme me dhunë në Parlamentin e Maqedonisë ka pasur vetëm një qëllim: që ish-kryeministri i Maqedonisë Nikola Gruevski dhe klika e tij nacionaliste e VMRO-DPMNE të mbeten në pushtet pavarësisht çmimit që duhet paguar. Kjo parti i ka fituar zgjedhejet e parakoshme në dhjetor të vitit 2016, por ajo nuk ka mundur të krijojë shumicën parlamentare për krijimin e qeverisë. Shumicën e ka krijuar lideri i socialdemokratëve Zoran Zaev, së bashku me partitë e shqiptarëve. Partitë shqiptare e kanë refuzuar kërkesën e Gruevskit për bashkëpunim, për shkak të deklaratave të tij nacionaliste dhe ngulfatjes së demokracisë.

Pas humbjes së shumicës në Parlament, Gruevski dhe partia e tij e kanë bllokuar punën e Parlamentit dhe krijimin e qeverisë për një kohë të gjatë. Në këtë rrugë kanë mbështetjen e fuqishme të Presidentit të shteti Gjorgje Ivanov.

Zgjedhja dje e Kryetarit të ri të parlamentit u kundërshtua me dhunë nga mbështetësit e Gruevskit. Qindra njerëz nën komandën e drejtpërdrejtë të VMRO-DPMNE u futën me dhunë në Parlament. Disa prej tyre me maska të zeza dhe të armatosur me armë zjarri dhe armë të ftohta. Policia e cila është nën kontrollin e plotë të Gruevskit, jo vetëm që nuk i pengoi, por i përshëndeti dhunuesit. Njësitet speciale kanë ardhur vetëm dy orë më vonë dhe kanë shpëtuar deputetë dhe gazetarë që po mbaheshin të bllokuar në godinën e Parlamentit.

Objektivi kryesor i sulmuesve ishin deputetët e shumicës së re parlamentare, por janë sulmuar edhe gazetarë. Bilanci përfundimtar prej më shumë se 100 të plagosurve, ndër ta edhe shumë deputetë, flet për nivelin shumë të lartë të gatishmërisë për dhunë.

LEXO PO ASHTU:  Tërmeti nga Greqia është ndjerë edhe në Ohër, Strugë dhe Resnjë

Krimi është planifikuar dhe organizuar nga VMRO-DPMNE dhe Gruevski. Nuk ka qenë spontan apo i rastësishëm. Humbja e pushtetit për Gruevskin dhe klikën e tij do të thotë një mundësi shumë e madhe që të përfundojnë në burg dhe të mbeten pas hekurave me vite të tëra. Shërbimet sekrete i kanë përgjuar qytetarët me vite, zgjedhjet janë manipuluar, ndërsa shumë prej tyre janë përfshirë në korrupsion. Gruevski është akuzuar nga Prokuroria Speciale për shumë raste të keqpërdorimit të pushtetit dhe për dhunë.

Gruevski dhe partia e tij po përpiqen prej muajsh të provokojnë konflikte ndëretnike. Ata po bëjnë një fushatë të qëllimshme kundër shqiptarëve dhe “tradhtarëve” në këtë vend. Ata mendojnë se destabilizimi i vendit do t’ia mundësonte Gruevskit amnistinë në negociatat me përfaqësuesit ndërkombëtarë, për krimet që i ka bërë gjatë pushtetit 10-vjeçar. Nëse kjo dështon, ai do të aktivizonte skenarin rezervë, që presidenti Ivanov të shpallë gjendjen e jashtëzakonshme dhe të stopojë demokracinë edhe ashtu të dobët në Maqedoni.

Pas ngjarjeve të përgjakshme të 27 prillit, nga Gruevski dhe Ivanovi mund të priten të gjitha dhe nuk të befason asgjë. Do të ishte mirë sikur BE dhe vendet udhëheqëse si Gjermania të deklarohen bindshëm në anën e demokracisë në Maqedoni. Gruevski është shembulli më i mirë për politikën e gabuar të Brukselit ndaj Ballkanit, ku në vend të mbështetjes së forcave liberale dhe politikanëve demokratë, me vite të tëra është mbështetur Gruevski, sipas motos “stabiliteti para demokracisë“. Tani Brukselit kjo po i kthehet si bumerang. Çmimi është humbja e demokracisë – dhe stabilitetit.

Anëtarë të Vetëvendosjes vizituan Ziadin Selën në spital

Periskopi.com Lajme

Një delegacion i Lëvizjes Vetëvendosje në përbërje të shefit të Grupit Parlamentar Glauk Konjufca, deputetes Donika Kadaj dhe anëtarit të Kryesisë Xhelal Sveçla, vizituan deputetin Ziadin Sela i cili po vazhdon të jetë i shtruar në repartin e neurologjisë në spitalin e Shkupit.

Përkundër gjendjes së rëndë fizike Ziadin Sela me ekipin e tij e pritën delagacionin e Vetëvendosjes dhe aty u vërejt se Sela e kishte kthjelltësinë e duhur për të diskutuar për situatën politike dhe ngjarjet e dhunshme të ndodhura mbrëmë.

Ndërkaq, përfaqësuesit e Vetëvendosjes shprehën mbështetjen ndaj tij, i dëshiruan shërim të dhe kthim të shpejtë në angazhimin e tij politik.

“Edhe nga lëndimet vërehet se sulmi ndaj Selës ka qenë i qëllimshëm me idenë e likuidimit të tij. Është fat që ai është mirë dhe shpresojmë që sa më shpejt t’i vazhdojë aktivitetet e tij publike”, thuhet në njoftimin e Vetëvendosjes.

Njihuni me heroin që mbrojti politikanët shqiptarë nga huliganët maqedonas (Video)

Periskopi.com Uncategorized

Fotografi të tjera vazhdojnë të dalin brenda Parlamentit të Maqedonisë atje ku protestues kundër zgjedhjes së kryetarit të Kuvendit që është i pari shqiptar në këtë pozitë Talat Xhaferi.

Ky është njëri nga Truproja më i përfolur i cili mbrojti të gjithë deputetët që të mos sulmohen deri sa edhe nxori revolen dhe largoi protestuesit.

Deri më tani në Qendrën Spitalore të Shkupit kanë kërkuar ndihmë mbi 100 persona, shumica e tyre deputetë dhe pjesëtarë të sigurimit të Kuvendit.

Nga dhuna e protestuesve mesë shumti ka pësuar deputeti shqiptar, Ziadin Sela, i cili është dukë u trajtuar Qendrën Spitalore të Shkupit dhe gjendja e tij është jashtë rrezikut për jetë.

Udhëheqësit politik shqiptarë u kanë bërë thirrje të gjithë qytetarëve për gjakftohtësi dhe vetëpërmbajtje.

Po ashtu ambasadat e shteteve perëndimore në Shkup e kanë përshëndetur zgjedhjen e kryetarit të ri të Kuvendit, Talat Xhaferi.

Situata ka dal jashtë kontrollit, pas zgjedhjes së kryetarit të Maqedonisë dhe protestuesit të udhëhequr nga lëvizja “Për Maqedoni të përbashkët” kanë pushtuar Kuvendin.

 

Talat Xhaferi zbulon përgjegjësit e dhunës në Maqedoni

Periskopi.com Lajme

Kryetari i ri i Parlamentit të Maqedonisë, Talat Xhaferri deklaroi sot se përgjegjësia kryesore për atë që ndodhi të enjten në Parlamentin e Maqedonisë është e Nikola Gruevskit dhe retorikës së partisë së tij VMRO-DPMNE.

Në një intervistë për Klan Kosovën, Xhaferri tha se për momentin nuk janë ende kushtet për zhvillimin e detyrës së kryeparlamentarit, për shkak të shkatërrimeve që i kanë ndodhur parlamentit nga huliganët.

“Në bazë të fushatës që është bërë dhe në bazë të deklarimeve dhe qëndrimeve partiake nuk përjashtohet rroli i tyre (Gruevskit dhe partisë së tij) në nxitje të kësaj atmosfere dhe normal që institucionet ekzekutive në qeverinë teknike ende janë në duart e tyre, për këtë kanë përgjegjësi për eskalimin e situatës”, deklaroi Xhaferi, duke shtuar se përgjegjës është edhe “presidenti Gjorge Ivanov me qëndrime anti-kushtetuese”.

“Kemi vendosur që të mos paraqitemi në Parlamentin dhe s’ka pasur kushte teknike dhe hapësinore për t’u kryer detyra. Pajisje të caktuar kanë pësuar demolime dhe duhet të rikthehet rregulli e të mundësohet funksionimi normal i administratës”.

Xhaferri foli edhe për gjendjen shëndetësore të deputetit Ziadin Sela.

“Pas raporti të mjekëve gjendje e tij është stabël, jashtë rrezikut për jetën. Ai ende po trajtohet, por shpresoj se shumë shpejt do të kthehet në aktivitetin e tij në Parlament”.

Themelohet Komisioni Qeveritar për njohjen dhe verifikimin e personave të dhunuar gjatë luftës

Periskopi.com Lajme

Sot është themeluar Komisioni Qeveritar për njohjen dhe verifikimin e statusit të personave të dhunuar gjatë Luftës Çlirimtare në Kosovë.

Me funksionalizimin e këtij Komisioni do të fillojë edhe procesi i aplikimit dhe verifikimit të statusit të viktimave të dhunës seksuale dhe më pas edhe kompensimi i tyre. Ministri i Punës dhe Mirëqenies Sciale, Arban Abrashi, tha se ky kompensim nuk do ta ofrojë drejtësinë e munguar, “por do të jetë një mbështetje modeste institucionale për këtë kategori të shoqërisë”.

Abrashi ka shtuar se kjo është një datë e rëndësishme për këto viktima sepse pas një periudhe të gjatë po fillon njohja dhe përkrahja e tyre, aq e mohuar deri më tani.

Ministria e Punës dhe Mirëqenies Sociale, po ashtu, do ta njoftojë opinionin me kohë për procedurat dhe kohën e aplikimit për personat e prekur të kësaj kategorie.

Pas më shumë se 20 orësh, NISMA për Kosovën reagon për dhunën në Maqedoni

Periskopi.com Lajme

Në mbledhjen e mbajtur sot kryesia e NISMA për Kosovën shpreh shqetësimin e saj për zhvillimet e fundit në Republikën e Maqedonisë.

NISMA për Kosovën konsideron se avancimi i të drejtave të shqiptarëve në Maqedoni bazuar në platformën e miratuar nga partitë politike shqiptare është i pa ndalshëm. Përpjekjet që përmes përdorimit të dhunës të ndërpritet ky proces janë të pa pranueshme dhe si të tilla të dënueshme.

NISMA mbështet angazhimin e forcave përparimtare të Maqedonisë dhe faktorët ndërkombëtar, si SHBA-të dhe Bashkimin Evropian, në përpjekjet e tyre për tejkalimin e situatës së krijuar pas zhvillimeve të fundit./ Periskopi

Trazirat, Gruevski kthehet nga Vjena në mesnatë

Periskopi.com Lajme

Ndërkohë që situata në Kuvendin e Maqedonisë u përshkallëzua në dhunë, kryetari i VMRO-DPMNE-së, Nikolla Gruevski ka qenë jashtë shtetit.

Zyrtarët e partisë së tij thonë se ish-kryeministri maqedonas ka qenë për takim pune në Vjenë të Austrisë.

Në një fotografi të siguruar nga Nova TV, Gruevski shihet në aeroplanin që udhëtonte prej kryeqytetit austriak drejt Shkupit.

Policia nis me arrestimet e para pas incidentit të dhunshëm në Kuvend (Video)

Periskopi.com Lajme

Pas evakuimit, në ora 22:35 është dhënë urdhër për oficerët e policisë në terren për të inspektuar të gjitha hapësirat në Parlament për evantualisht ndonjë person që ka nevojë për kujdes mjekësor, thanë nga Ministria e Brendshme.

“Gjithashtu është dhënë urdhër ndaj policëve të Sektorit të Punëve të Brendshme për të kontrolluar spitalet në qytet për të konfirmuar për numrin e njerëzve të lënduar dhe shëndetin e tyre,” thuhet në deklaratë.

Policia ka nisur edhe me arrestimet e para nga turma e madhe e mbështetësve të iniciativës “Për Maqedoni përbashkët” të cilët dhunshëm u futen në Parlament, dhe plagosen shumë deputetë dhe gazetarë./Tetova

Ndodh edhe kjo, flet personi që e bëri për spital deputetin shqiptar (Foto)

Periskopi.com Lajme

Pritej dhunë ndaj kryetarit të LR-PDSH-së, Ziadin Sela pasi me të mediat pro-OBRM-PDUKM-së kanë bërë propagandë ndaj Selës.

Sot Sela u lëndua në kokë dhe i njejti, për fat të mirë tani është mirë dhe partia e tij këtë e ka dhënë si deklaratë zyrtare.

Por, kjo deklaratë në Facebook e një dhunuesi ka tmerruar opinionin.

“Ajo ndjenja kur brutalisht e ke rrahur Ziadin Selën me grushta në kokë, e pa përshkruar! Shtriju poshtë shkërdhatë shqiptare.” ka shkruar dhunuesi.

Ivanov reagon më në fund, nuk e përmend Talat Xhaferin

Periskopi.com Lajme

Presidenti maqedon, George Ivanov ka dal në një konferencë për gjendjen në Maqedoni.

Edhe pse me shumë orë vonesë, pas një dhune të madhe që u ushtrua ndaj gazetarëve dhe deputetëve dhe gjendjes jo stabile, ai ka folur shumë shkurt, raporton Periskopi

Tha se dhuna duhet të ndërpritet dhe ka ftuar liderët për një takim, nesër, e shtunë, tek ai në presidencë.

Nuk ka përmendur as platformën shqiptare dhe asgjë tjetër, madje as zgjedhjen e Talat Xhaferit si kryetar i Kuvendit, por tha se gjatë ditës në Kuvend ka pasur shkelje të rregullores.

“Situata mund të tejkalohet, nuk duhet të presim që dikush nga jashtë të na i rregullojë punët”, tha ai. / Periskopi

Edhe Prishtina zyrtare reagon për dhunën në Maqedoni

Periskopi.com Lajme

Ministria e Punëve të Jashtme e Kosovës po e përcjell me shqetësim situatën e krijuar në Maqedoni dhe sulmin e raportuar ndaj deputetëve dhe gazetarëve.

MPJ konsideron se sjelljet e këtilla të dhunës dhe përplasjet kundër përfaqësuesve të zgjedhur në Maqedoni janë të papranueshme dhe aspak nuk i shërbejnë demokracisë, paqes dhe stabilitetit në shtetin fqinj të Maqedonisë.

“Në frymën e apelit të vendeve të BE-së dhe SHBA-së në Maqedoni, ne besojmë se të gjithë aktorët politikë do të tregojnë vullnet për të dialoguar për interesin e të gjithë qytetarëve pa dallim etnie dhe jo retorikë që përshkallëzon situatën e tensionuar”, thuhet në reagim.

Dhuna nuk ndihmon kurrsesi në zgjidhjen e situatës së krijuar dhe qytetarët e Maqedonisë presin daljen sa më parë nga kriza dhe vijimësinë e procesit të funksionalizimit të institucioneve në rrugë demokratike./ Periskopi

Presidentit të Maqedonisë nuk po i ngutet, flet në orën 22:00

Periskopi.com Lajme

Presidenti i Maqedonisë George Ivanov pritet të dalë me një mesazh për popullin në orën 22:oo

Burime ende të pakonfirmuara, thonë se Ivanov në këtë konferencë do të dalë me një mesazh të jashtëzakonshëm për gjendjen në Maqedoni.

“George Ivanov i drejtohet popullit në orën 22:oo, megjithëse kjo ende mbetet e pakonfirmuar’, thonë gazetarët maqedonas/Periskopi/

Gjithçka që duhet të dini për situatën në Maqedoni deri tani

Periskopi.com Lajme

Në kohën kur Parlamenti i Maqedonisë me kryetarin e legjislaturës së kaluar ka mbyllur punimet, deputetët e zgjedhur të shumicës në Maqedoni të përbërë edhe nga partitë shqiptare, kanë votuar Talat Xhaferin për kryetar.

Në momentin kru Xhaferi është votuar për kryetar të Kuvendit të Maqedonisë, protestuesit kanë hyrë dhunshëm në sallë dhe kanë rrahur deputetë por edhe gazetarë.

Ndër deputetët më të lënduar nga dhuna e protestuesve është Ziadin Sela.

Megjithëse fillimisht u raportua se është tejet e rëndë, informacionet e mëvonshme do të tregonin se Sela është jashtë rrezikut për jetë.

Pas disa orësh kur situate po tensionohej në Maqedoni, Njësia Speciale është bërë gati për reagim.

Burimet e Periskopit Brenda partive shqiptare në Maqedoni, thonin se e vetmja zgjidhje “një herë për një herë” ishte intervenimi i Njësisë Speciale.

Deklarata e fundit e organeve të rendit dhënë mediave është se ‘ka shumë gazetarë e deputetë të lënduar”

Situata në Maqedoni është tensionuar kohën e fundit edhe verbalisht, pasiqë raportohej se Zoran Zaev po pranonte të ashtuquajturën ‘platformë shqiptare’.

Ndërkohë, për Periskopin, burimet thonë se situata në Maqedoni mund të tensionohet edhe më shumë. Kjo, pasiqë e vetmja shpresë për zgjidhje të mundshme aktuale, shihet vizita e Ndihmës Sekretarit amerikan të shtetit, Hoyt Yee e cila ndodh të hënën.

Pra, deri të hënën Maqedonia mund të jetë nën tensione të larta. /Periskopi/