Astrit Dehari

Kritikohen deputetët boshnjak, nuk kanë nënshkruar për seancën për Astrit Deharin

Nënkryetari i qendrës së Vetëvendosjes në Istog, Mehmed Ćeman ka kritikuar deputetët e komuniteti të tij që nuk kanë kërkuar seancë për rastin e vdekjes së Astrit Deharit.

Periskopi.com Lajme

Ai duke përmendur shumë raste të zhdukjes së boshnjakëve në Kosovë ka pyetur se çfarë kërkojnë ata deputetë në Kuvend, kur sipas tij, as nuk punojnë për komunitetin e tyre e as për vrasjes apo zhdukjet e njerëzve që ndodhin në këtë vend, raporton periskopi

“Asnjë nuk ka nënshkruar këtë peticion nga komuniteti boshnjak. Përveç vrasjeve të pasluftës, edhe vitet e fundit ka pasur vrasje, si dhe rasti i fundit i zhdukjes së një boshnjaku nga Mali i zi në Fushë Kosovë nuk ka asnjë gjurmë. Ka sulme të studentëve në Prizren, përpjekje për rrëmbim”, ka thënë ai.

Ćeman thotë se Emilija Rexhepi, Qerim Bajrami e Duda Dalje nuk flasin as për problemet e komunitetit boshnjak dhe pyet se përse ata nuk nisin një kërkesë të mbështetur, për të ngritur këtë çështje e për të diskutuar në Kuvend./ Periskopi

Isa Mustafa

Mustafa: Demarkacioni nuk ka vdekur, do bëhet me bindje të plotë të deputetëve

Kryeministri i Kosovës, Isa Mustafa, tha sot se demarkacioni nuk është punë e vdekur, por kjo çështje do të përfundojë sepse është në interes të Kosovës.

Periskopi.com Lajme

Sipas tij, deputetët që po e kundërshtojnë këtë proces duhet të punojnë për shtetin e tyre e jo për interesa individuale.

“Është në interes të Republikës së Kosovës që ne të përcaktojmë kufijtë. Demarkacioni nuk është çështje e vdekur ashtu siç lexova sot sepse shteti i Kosovës është shtet që gjallëron dhe kufijtë janë kufij që duhet të ekzistojnë sepse nuk ka shtet pa kufij prandaj këtë do të bëjmë me çdo kusht, do ta bëjmë me bindje të plotë të deputetëve se ata duhet të punojnë për shtetin e tyre jo për interesa individuale”, tha Mustafa, raporton Kosovapress.

Kryeministri i Kosovës këto komente i bëri gjatë vënies së gurthemelit për ndërtimin e objektit për Institutin e Administratës Publike.

Tërhiqet edhe deputeti i tretë për seancën për Astrit Deharin

Lëvizja Vetëvendosje kishte mbledhur 40 nënshkrime, për të kërkuar seancë të jashtëzakonshme për Astrit Deharin, nuk u caktua seanca, pasi që deputeti i PDK-së, Bislim Zogaj kishte tërhequr në momentin e fundit nënshkrimin e tij.

Periskopi.com Lajme

Kryesia e Kuvendit pritet që nesër të shqyrtojë kërkesën për këtë seancë, e vetëm sot janë tërhequr edhe dy deputetët të tjerë, raporton periskopi

Ishte Veton Berisha i LDK-së që tërhoqi nënshkrimin, e në këto qaste ka ndodhur edhe tërheqja e deputetit të tretë.

Periskopi merr vesh se bëhet fjalë për Danush Ademin nga grupi 6+

Në letrën që posedon redaksia ai thotë se e bënë këtë derisa drejtësia të thotë fjalën përfundimtare.

“Unë deputeti Danush Ademi tërheq në nënshkrimin që kanë nënshkruar për seancë të jashtëzakonshme e cila është thirrur nga opozita për këtë arsye e tërheq nënshkrimin deri sa të dalin me një vendim përfundimtar në rastin në fjalë”, ka shkruar ai./Periskopi

 

Nehat Thaqi

S’ka deputetë, shtyhet votimi i Rezolutës për lirimin e Nehat Thaqit

Numri i pamjaftueshëm i deputetëve pjesëmarrës në seancën e jashtëzakonshme, ka ndikuar që Kuvendi i Kosovës të shtyjë miratimin e Rezolutës me të cilën do të kërkohej lirimi i menjëhershëm i Drejtorit rajonal të Policisë, Nehat Thaqi, i cili po mbahet nën masën e arrestit në Serbi.

Periskopi.com Lajme

Pas afër katër orë diskutimesh, deputetët vendosën që teksti i rezolutës të përpilohet nga një grup i deputetëve, në përbërje nga shumica e partive parlamentare.

Kurse votimi i saj, pritet të ndodhë të mërkurën, ngaqë të martën pjesëmarrja në seancë ishte tejet minimale.

Thaqi është arrestuar më 29 shtator në vendkalimin kufitar në Konçul dhe me vendimin e një gjykate të lartë në Nish, i është shqiptuar masa e paraburgimit prej 30 ditësh.

Kuvendi i Kosoves/ Arkiv

Trepça mban zgjuar deputetët, që katër orë nëpër Komisione

Kanë kaluar më shumë se 4 orë që është miratuar në lexim të parë, dhe gati tri orë që kur do të duhej të riniste seanca për miratim në lexim të dytë të Projektligjit për Trepçën, por ajo ende nuk ka nisur.

Periskopi.com Lajme

Seanca do të duhej të riniste në orën 20:30.

Sekretari i Kuvendit të Kosovës, Ismet Krasniqi, i ka thënë KTV-së se aktualisht amandamentet janë duke u shqyrtuar në tri komisione dhe pasi të përfundojnë të gjitha takimet atëherë pritet edhe të nisë seanca.

“Brenda pak kohe pritet të nisë seanca e Kuvendit ku pritet të miratohet në lexim të dytë projektligji për Trepçën”, ka thënë ai.

“Janë rreth 20 amandamente që do të shqyrtohen dhe mund të zgjasin pak takimet në Komisionet e tjera të Kuvendit, të cilat janë të përfshira në këtë ligj”, ka thënë Krasniqi.

Si rrallë herë seanca e sotme plenare e Kuvendit të Kosovës kishte nisur në orën 15:00, për shkak të ndeshjes së futbollit mes Kosovës dhe Kroacisë në kuadër të kualifikimeve për botërorin “Rusia 2018”.

Kuvendi i Kosoves

Deputetët e LDK-së përplasen në Kuvend për demarkacionin (Video)

Derisa po presin që të rinisë seanca e Kuvendit të Kosovës, në të cilën do të duhej të miratohej në leximi të dytë Projektligji për Trepçën, deputetët e LDK-së po e shfrytëzojnë për të diskutuar për demarkacionin.

Periskopi.com Uncategorized

Madje me tensione me njëri tjetrin.

Shpejtim Bulliqi, deputeti më i zëshëm nga radhët e pozitës për mënyrën se si është demarkuar kufiri i Kosovës me Malin e Zi ka polemizuar ashpër me deputetin nga partia e tij, Naser Osmani.

Në një moment ai është dëgjuar teksa i thotë Osmanit “mos ma ngrit zanin”.

Edhe deputeti Arben Gashi është dëgjuar të thotë se “marrëveshja me Malin e Zi duhet rishikuar”. Edhe disa deputetë të tjerë të mbledhur aty po e përkrahin këtë qëndrim.