Jo të gjithë janë të pasur, ka ish – deputetë që nuk kanë para

Periskopi.com Lajme

Në ditën e deklarimit të pasurisë çereku i tash ish-deputetëve të Kuvendit të Kosovës nuk kishin asnjë cent në llogarinë e tyre bankare. Kështu të paktën kanë deklaruar në Agjencinë Kundër Korrupsionit me rastin e deklarimit të pasurisë së tyre.

Në mesin e ish- deputetëve të cilët kanë deklaruar se nuk kanë para të gatshme është edhe kandidati për kryeministër nga Vetëvendosja, Albin Kurti. Njëjtë kanë deklaruar edhe Fatmir Limaj, Rexhep Selimi, Pal Lekaj, Agim Çeku, Gëzim Kelmendi e Nenad Rashiq.

Në deklarimin  e pasurisë në Agjencinë Kundër Korrupsion, nga të gjitha grupet parlamentare të legjislaturës së kaluar, janë 33 deputetë të cilët kanë deklaruar se nuk kanë para të gatshme në llogaritë e tyre, ose të paktën ato nuk i kanë deklaruar në formularët e pasurisë.

Nga PDK janë shtatë ish-deputetë të cilët kanë deklaruar se nuk kanë para të gatshme: Agim Çeku, Shaip Muja, Ganimete Musliu, Flora Brovina, Fadil Beka, Luljeta Veselaj-Gutaj dhe Emilija Redzepi.

Nga LDK janë gjashtë ish-deputetë pa para të gatshme: Melihate Tërmkolli, Teuta Rugova, Njomza Emini, Blerim Grainca, Kimete Bytyqi dhe Etem Arifi.

Nga Vetëvendosje janë pesë ish-deputetë, duke nisur nga i nominuari për Kryeministër Albin Kurti, më pas Rexhep Selimi, Aida Dërguti, Donika Kadaj-Bujupi dhe Mytaher Haskuka.

Nga AAK janë tre ish-deputetë të cilët kanë deklaruar se nuk kanë para të gatshme: Pal Lekaj, Bali Muharremaj dhe Teuta Haxhiu.

Po kaq ish-deputetë janë edhe nga Nisma, duke nisur nga kryetari Fatmir Limaj, si dhe dy deputetët tjerë: Zafir Berisha dhe Enver Hoti.

Në grupin e Listës Serbe janë pesë ish-deputetë që kanë deklaruar se nuk kanë para të gatshme. Ata janë: Nenad Rasiq, Adem Hodza, Sasa Milosavljeviq, Jasmina Zhikoviq dhe Milka Vuletiq.

Nga Grupi 6+ janë: Kujtim Paçaku, Danush Ademi dhe Çerim Bajrami.

Po ashtu edhe ish-deputeti Gëzim Kelmendi ka deklaruar se nuk ka para të gatshme. Kelmendi me partinë Fjala nuk ka arritur që të kalojë pragun elektoral dhe rrjedhimisht nuk do të jetë deputet në legjislaturën e re.

Këta janë deputetët e LDK-së që humbën numër të madh votash (Foto)

Periskopi.com Lajme

Lidhja Demokratike e Kosovës në zgjedhjet e 11 qershorit ka humbur një numër të madh votash, dhe kjo është vërejtur edhe te lista e kandidatëve.

Ismet Beqiri, Arben Gashi, Armend Zemaj, Anton Quni, Blerim Grainca e Bardhyl Meta kanë humbur vota shumë.

Beqiri në zgjedhjet e vitit 2014 kishte pasur mbi 17 mijë vota, kurse në këto zgjedhje sipas rezultateve të para ka 6 mijë e 229 vota, pra ka humbur mbi 11 mijë vota, raporton lajmi.net.

Afro 10 mijë vota i ka humbur edhe Haki Demolli. Në zgjedhjet e fundit ai kishte pasur mbi 14 mijë vota, kurse në zgjedhjet që u mbajtën javën e kaluar ka siguruar rreth 5 mijë vota.

Numër të madh të votave ka humbur edhe Armend Zemaj. Në këto zgjedhje ai ka marrë 5 mijë e 554 vota, kurse në zgjedhjet e kaluara kishte pasur mbi 11 mijë vota.

Mbi 5 mijë vota i ka humbur edhe Arben Gashi. Ky kishte pasur gati 15 mijë vota në zgjedhjet e vitit 2014, kurse në zgjedhjet e 11 qershorit nuk ka marrë më shumë se 8 mijë e 447.

Nga 4 mijë vota krahasuar me zgjedhjet e kaluara i kanë humbur edhe Blerim Grainca e Anton Quni, kurse tre mijë tjera i ka humbur Bardhyl Meta.

LDK-ja në këto zgjedhje ishte në koalicion me AKR-në dhe Alternativën.

Krejt kush kërkon votën më 11 qershor, emrat dhe numrat e tyre (Dokument)

Periskopi.com Lajme

Komisioni Qendror i Zgjedhjeve mori vendim për Certifikimin e Subjekteve Politike dhe Kandidatëve të Subjekteve Politike shqiptare.

Lidhur me Subjektet Politike nga komunitetet pakicë, Komisioni Qendror i Zgjedhjeve vendosi në këtë mbledhje që të bëjë vetëm Certifikimin e Subjekteve Politike, ndërsa Kandidatët e tyre të certifikohen më së largu ditën e nesërme (e mërkurë), pasi institucionet përkatëse të verifikojnë përkatësinë etnike të disa prej kandidatëve të tyre.

Kryeshefi Ekzekutiv i SKQZ-së, Enis Halimi bëri të ditur se është duke u vazhduar me përgatitjet lidhur me organizimin e Zgjedhjeve të Parakohshme për Kuvendin e Republikës së Kosovës.

Duke folur për Periudhën e Aplikimit për Regjistrim të Votuesve nga jashtë vendit, e cila është përmbyllur me datë 22 maj, Halimi bëri të ditur se numri i aplikacioneve për regjistrim është: 11 mijë e 818 aplikacione.

Anëtarët e KQZ-së shprehën falënderim për interesimin e madh të diasporës për të aplikuar për t’u regjistruar si votues jashtë vendit, ndërsa inkurajuan shërbimin e votuesve për të shqyrtuar të gjitha aplikimet e pranuara./ Periskopi

 

LDK flet për listën, por jo edhe për pakënaqësitë brenda partisë

Periskopi.com Lajme

Lidhja Demokratike e Kosovës bënë të ditur se koalicioni parazgjedhor LDK-AKR, në të cilin me LDK-në janë Alternativa dhe Lëvizja për Drejtësi, ka dorëzuar në Komisionin Qendror të Zgjedhjeve (KQZ), listën përfundimtare të kandidatëve për deputetë të Kuvendit të Republikës së Kosovës, në zgjedhjet e parakohshme të 11 qershorit 2017.

Ky subjekt thotë se u kanë ofruar qytetarëve të Kosovës një listë kandidatësh për deputetë, të cilët përfaqësojnë unitetin politik e qytetar të Kosovës, por nuk flet asgjë lidhur me pakënaqësitë brenda partisë lidhur me këtë listë, e as me ata që i larguan në momentet e fundit nga lista, raporton Periskopi

“Kjo listë kandidatësh përfaqëson interesat e të gjithë qytetarëve të Kosovës. Është listë që përfaqëson në mënyrën më të denjë gratë dhe burrat e Kosovës, të rejat dhe të rinjtë e Kosovës. Listë e kandidatëve të dëshmuar për shërbim të ndershëm ndaj qytetarëve dhe listë e kandidatëve të rinj, profesionistë të fushave përkatëse dhe entuziastë për të përcjellë në institucionet e Kosovës njohuritë dhe përvojën e tyre të shkëlqyer nëpër universitetet më të mira të botës dhe nëpër institucione të ndryshme kredibile ndërkombëtare. Lista e kandidatëve të LDK-AKR dhe Alternativa për deputetë përbëjnë alternativën e vetme serioze për qytetarët e Kosovës”, thuhet në një komunikatë të tyre, transmeton Periskopi

“Kjo listë, jemi të bindur se do të prodhojë shumicë solide në Kuvendin e Kosovës, e cila do t’i mundësojë koalicionit tonë krijimin e një qeverie, e cila do ta vazhdojë betejën për ç’kapjen e shtetit, sundimin e rendit dhe të ligjit, luftën kundër krimit të organizuar dhe korrupsionit, si parakushte për një zhvillim të qëndrueshëm ekonomik. Fitorja e koalicionit tonë në zgjedhjet e parakohshme të 11 qershorit 2017 do t’i japë fund izolimit ndërkombëtar të Kosovës, duke liberalizuar fillimisht vizat për qytetarët e Kosovës, për t’i hapur rrugën procesit të integrimit të plotë euro-atlantil të Kosovës”, thuhet në komunikatë./ Periskopi

Ish nënkryetari i AAK’së, në listën e Vetëvendosjes për deputetë (Foto)

Periskopi.com Lajme

Ish nënkryetari i Aleancës për Ardhmërinë e Kosovës, Ali Lajçi e ka gjetur sonte vetën në listën për deputetë të Lëvizjes Vetëvendosje.

Lajçi, i cili është larguar nga AAK para disa dite.

Por, kjo nuk ka bërë që ai të pauzojë nga politika pasi që tashmë gjendet në listën e Partisë Lëvizja Vetëvendosje me numër rëndorë, 35.

Lëvizja Vetëvendosje është partia e vetme deri me tani që ka publikuar listën e plotë të deputetëve, me numra rendorë, që garojnë në zgjedhjet e 11 qershorit.

 

Dalin edhe emrat e kandidatëve tjerë për deputet nga PDK

Periskopi.com Lajme

Partia Demokratike e Kosovës ka dorëzuar në KQZ listën për deputet.

Këta janë disa nga emrat;

Kadri Veseli

Hajredin Kuçi

Enver Hoxhaj

Zenun Pajaziti

Muharrem Xhemajli

Xhavit Haliti

Bleta Deliu

Ganimete Musliu

Abdyl Salihu

Flora Brovina

Rrustem Musa

Selvije Halimi

Çfarë bëri Isa Mustafa me analistët që sapo i mori në parti?

Periskopi.com Lajme

LDK ende nuk ka finalizuar listën e kandidatëve për deputetë.

Normalisht, me koalicionin me AKR-në dhe Alternativën numri i atyre të LDK-së ka rënë shumë.

Por, përderisa po vazhdojnë pakënaqësitë dhe ende lista nuk është finalizuar, mësohet se çfarë ka ndodhur me Lumir Abdixhiku dhe Driton Selmanaj.

Në listë është edhe Dardan Veliu.

Ata që të dy janë pjesë e listës për kandidatë për deputetët, raporton Periskopi

 

Latif Gashi nuk është në listën e PDK-së për deputet, tregon arsyen

Periskopi.com Lajme

Anëtari i PDK-së, Latif Gashi ka konfirmuar se nuk do të kandidohet për deputet nga radhët e kësaj partie për shkak të aktvendimit nga Gjykata e Apelit.

Gashi për lajmi.net ka thënë se ka vendosur ta respektojë vendimin e Gjykatës së Apelit edhe pse pretendon se ai vendim ka qenë i padrejtë.

“Po unë kam hequr dorë nga posti i kandidatit për deputet. Me siguri e dini se kam dhënë dorëheqje nga pozita e deputetit mandatin që shkojë, pas aktvendimit të formës së prerë nga Gjykata e Apelit të cilin e kam respektuar”, ka thënë Gashi.

Ai gjithashtu e ka konfirmuar se do të vazhdojë të jetë pjesë e Partisë Demokratike të Kosovës, dhe pjesë e shtabit zgjedhor.

“E kam respektuar vendimin pasi 3 vite pas shpallje së aktvendimit Kushtetua e ndalin aktivitetin. Por do të jem anëtar i kryesisë dhe pjesë e shtabit zgjedhor, dhe do të kontribuojë dhe ftojë të gjithë qytetarët ta votojnë PDK-në”, ka deklaruar Latif Gashi.

Latif Gashi ka qenë i dënuar për kryerjen e krimeve të luftës ndaj popullatës civile nga Gjykata.

Tre emra të njohur jashtë listës së PDK-së

Periskopi.com Lajme

Hajredin Kuçi, Besim Beqaj dhe Justina Pula kanë pranuar të heqin dorë nga përfshirja në listën zgjedhore të PDK-së, në koalicionin me AAK-në e Nisma-n.

Ata janë shfaqur të gatshëm t’u lënë mundësi tjerëve të futen në këto lista, ka thënë një burim i Klan Kosova.

Tre personat në fjalë kanë thënë se janë të gatshëm për të pranuar detyrat dhe përgjegjësitë tjera që ua jep partia, në të ardhmen dhe nuk bëhet fjalë për kurrfarë pakënaqësie.

Deri më tani – tre kryetar të komunave në garë për deputetë

Periskopi.com Lajme

Nga listat të cilat janë shfaqur deri më tani nga ana e partive politike, respektivisht dy koalicionet e mëdha qe po garojnë në zgjedhjet e 11 qershorit, rezulton se pjesë e listave janë edhe tre kryetar të komunave.

Në listën e koalicionit LDK – AAK – Nisma, si kandidat për deputet është kryetari i komunës së Deçanit, Rasim Selmanaj, shkruan Telegrafi.

Ndërsa, në listën e koalicionit LDK – AKR – Alternativa, pjesë e listës do të jetë kryetarja e Komunës së Gjakovës, Mimoza Kusari – Lila dhe kryetari i Mitrovicës, Agim Bahtiri.

Aktorja shqiptare më e bukur se Angeline Jolie (Foto)

Periskopi.com Kulturë

Është një nga gratë më të bukura të skenës shqiptare.

Ajo është shkëputur nga skena që disa vite, por filmat e saj ende i shikojnë të gjithë.

Rajmonda Bulku ishte deputete e Kuvendit të Shqipërisë dhe përfaqëson PD-në.

Tironsja filloi jetën artistike që në moshën 16-vjeçare. Tani me gjithë bukurinë që ka, ajo po i ofrohet të 60’ave.

Roli i saj i parë ishte ai i Pranverës në filmin “Dimri i fundit” rol që do të vlerësohej për gjithë kohën.

Ajo ka dhjetëra çmime të fituara.

Ajo kujtohet gjithashtu edhe për impenjimin e saj social në Lëvizjen për Demokraci në fund vitin 1990 dhe fillimin e vitit 1991. Thirrja e saj për protestë paqësore drejtuar grave të Tiranës, në mitingun e improvizuar në Qytetin Studenti, në solidaritet me grevistët e urisë, të cilët kërkonin heqjen e emrit të diktatorit Hoxha nga emërtimi zyrtar i Universitetit të Tiranës, i dha shtysë protestës masive që çoi në rrëzimin e shtatores së diktatorit në Sheshin Skënderbej, më 20 shkurt 1991.

E lindur në gusht 1958, është e martuar dhe ka dy fëmijë.

Kjo vajzë, sot është deputete shumë e zonja e Kuvendit të Kosovës

Nëse e shikoni mirë dhe më vëmendje ndoshta do mund të ia qëlloni se kush është ajo. Flokët edhe sot i ka po në të njëjtën gjatësi, poashtu edhe syze mbanë.

Periskopi.com Showbiz

Nëse ende nuk po mund ta zbuloni, është fjala për deputeten e Lëvizje Vetëvendosje, Shqipe Pantina, shkruan Magazina.al.

Pantina në kohën kur është realizuar fotoja duhet ti ketë pasur rreth 10-12 vjet. Ndërsa tani kur edhe kanë ikur shumë vite, deputetja është bërë mjaft e zonja dhe aktive në politikë.

16706885_10154256941007036_1259192356_n

pantina-310117

 

Shqiptarja që po synon postin e deputetes në Kantonin e Solotunit në Zvicër

Kosovare Rrustemi, është një vajzë nga Kosova që po synon postin e deputetes në Zvicër.

Periskopi.com Lajme

MË saktësisht ajo synon këtë post në Kantonitn e Solotunit në Zvicër, raporton periskopi

Ajo është vullnetare/aktiviste, ka jetuar shumë vite në Bernë të Zvicrës dhe ka qenë kryetare e grupit vullnetar të Terre des HOmmes në këtë qytet.

Përkujdesja e klientëve në shtypshkronjën Rubmedia, gjithë kohën e saj të lirë e kalon në ndihmë fëmijëve. Ajo ka dënuar stereotipat negative për kosovarët.

Kosovare Rustemi bashkë me pronarin e një shitoreje në Bernë, Alfred Burri, dhe gazetën «Könizer Zeitung» kanë lancuar aksionin «Gurtenfeuerëerk fürs Herz» dhe me shitjen e këtyre certifikatave, gjysma e të hollave do të shkojë në llogarinë e “Terre des Hommes“ për projektin “Një udhëtim për të shpëtuar jetë“.

Në kuadër të këtij projekti, do të operohen në Zvicër fëmijët të cilët nuk kanë mundësi një gjë të tillë ta bëjnë në vendlindje.

Periskopi mëson se ajo është e martuar dhe ka dy fëmijë.

Për më tepër, ajo vjen nga Zhegra e Gjilanit dhe është motra e boksierit tepër të njohur, Erzen Rrustemit.

Zgjedhjet kur ajo kërkon voton janë më 4 mars të këtij vitit.

16265852_1244594995626533_1692532639196900277_n

Deputetja kosovare vjen me poza joshëse (Foto)

Ajo është një prej deputetëve më të bukura të Kosovës.

Periskopi.com Showbiz

Bëhet fjalë për Duda Balen, e cila është edhe nënkryetare e Kuvendit të Kosovës.

Së fundi, deputetja prej radhëve të komunitetit boshnjak ka publikuar disa fotografi në llogarinë personale në Facebook, transmeton Telegrafi.

Bale shihet mjaft seksi dhe joshëse me syze teksa bën një fotografi ‘selfie’.

Vlen të theksohet se kjo nuk është hera e parë që ka publikuar poza të tilla, të cilat kanë marrë shumë ‘like’ dhe komplimente deputetja kosovare. /Telegrafi/

duda

duda-2

duda-3