Kjo është ushtarja e UÇK-së, kandidate për deputete nga radhët e Vetëvendosjes (Foto)

Periskopi.com Lajme

Gjatë Luftës kreu një varg detyrash, si udhëheqëse e Njësitit të Vajzave në Likovc, Zona Operative e Drenicës; pastaj në Zonën Operative të Dukagjinit përgatiti një njësit tjetër të vajzave, ndërsa më vonë kreu detyrën e oficerit për informim, kjo është Jeta Veliu (Hyrie Veliu me nofkën e luftës Jeta).

Tani ajo është kandidate për deputete për deputete të Kuvendit të Kosovës, nga radhët e Vetëvendosjes.

Periskopi ka gjetur fotografi të saj sa ishte ushtare. Ajo në listën e VV-së mbanë numrin 87.

Është e martuar dhe ka një vajzë.

Mbaroi studimet në degën e Gjuhës dhe Letërsisë Shqipe në Universitetin e Prishtinës.

Hyria qysh herët mori pjesë nëpër demostrata kundër pushtuesit, ndërsa si studente u angazhua drejtpërdrejt në Lëvizjen studentore të kohës, te Klubi Kulturor i Studentëve dhe Unioni i Pavarur, duke u bërë pjesë e organizimeve dhe veprimeve konkrete, përfshirë protestat studentore të 1 Tetorit 1997.

Ajo u bë pjesë e Ilegales në Lëvizjen Popullore të Kosovës, kontaktet e së cilës e vunë në lidhje me UÇK, pjesë e së cilës u bë më 1997. Në kohën e lëvizjeve të mëdha ishte jo veç veprimtare ilegale, po edhe shkruante për gazetën studentore Bota e Re, si dhe organin e LPK Zëri i Kosovës. / Periskopi

 

 

 

 

Muzikën e konsideron haram, tash vokalisti i TNT-së kërkon votën për deputet (Foto)

Periskopi.com Lajme

Dikush ishte një nga zërat më të dashur të muzikës shqiptare.

Solisti i grupit TNT, Ferki Shala, braktisi muzikën për t’iu përkushtuar fesë islame.Ai sot mjekrën prej rockeri e ka plotësuar me atë të një besimtari të devotshëm, sipas këshillave të Profetit Muhammed.

Por Ferki Shala, do të provojë vetën edhe në politikë, pasi në zgjehjet e 11 qershorit është kandidat për deputet në Kuvendin e Kosovës, shkruan Magazina.al

Shala, do të garojë me partinë “Fjala” dhe në këto zgjedhje do të mbaj numrin 32./Magazina.al

 

  

Kandidati për deputet i PDK’së, nën hetime për rastin Pronto

Periskopi.com Lajme

U bënë sikur pastruan listat nga ata që janë në hetime apo që kanë aktakuza, por nuk ndodhi njëjtë me të gjithë.

Derisa ‘shefi i shefave’, Adem Grabovci është jashtë listës së PDK-AAK-NISMA, dora e djathtë e tij është në këtë listë. Ai është Nijazi Kryeziu, raporton Periskopi

Kryeziu, për ata që rastësisht nuk e njohin ‘ e sill e pshtill’ Prizrenin.

Ai vjen nga kjo komunë dhe derisa Ramadan Muja merrej me aktakuzat e veta dhe moshën tepër të shtyrë, Kryeziu merrte vendime në këtë komunë, fillimisht ishte kryesues i asamblesë në Komunën e Prizrenit.

E pastaj drejtor i urbanizmit, për të cilin post kishte pranuar se nuk ka njohuri. E të enjten, 23 maj, shefja e Zyrës së Bashkimit Evropian në Kosovë, Natalya Apostolova, ka vizituar sot qendrën historike të Prizrenit. Ajo u shpreh e shqetësuar me gjendjen në të cilën ndodhet kjo qendër e trashëgimisë kulturore dhe ndërtimet që janë bërë në atë vend.

Ai është personazh i aferës “Pronto” e në deklarimin e pasurisë tregon se është edhe sekretar i degës së PDK-së në Prizren. Jo vetëm kaq. Nga parat e buxhetit të shtetit, pagë merr edhe bashkëshortja e tij e edhe njëri nga prindërit.

Kryeziu si këshilltar i Ramadan Mujës, kishte vendosur për anëtarët e Bordit të Ujësjellësit në Prizren.

Një nga bisedat telefonike të përgjuara të Adem Grabovcit shpalosë mënyrën më të errët se kush duhet të jenë anëtarët e Bordit të Ujësjellësit të Prizrenit. Grabovci bashkë me Nijazi Kryeziun marrin vendimin përfundimtar, përtej kualiteteve të kandidatëve. Kriter për ta është vetëm nëse kandidati është i tyre. Biseda dëshmon se kryeprokurori i Prizrenit, Sylë Hoxha është zgjedhur nga PDK-ja. Hoxha një kohë ka qenë edhe ushtrues detyre i kryeprokurorit të Shtetit.

Në një bisedë telefonike në mes të shefit të Grupit Parlamentar të PDK-së, Adem Grabovci dhe nënkryetarit të PDK-së, Dega në Prizren, Njazi Kryeziu klasifikohen kandidatët në mënyrën më klandestine.

Grabovci, që i telefonon Kryeziu ia lexon 34 emra kandidatësh. Ata seleksionohen nga Kryeziu. Bashkëbiseduesit heqin nga lista kandidatë që nuk u përkasin atyre.

Në këtë bisedë të zhvilluar në nëntor 2011, dëshmohet se PDK-ja në Prizren ka zgjedhur për kryeprokuror, Sylë Hoxhën i cili në të kaluarën ishte zyrtar i lartë i Lidhjes Demokratike të Kosovës. Hoxha ka qenë zëvendësministër i Drejtësisë nga kjo parti.

Jo vetëm kaq.

Në vitin 2012, ai dyshohej se falsifikoi planin urban.

Qendra e Vetëvendosjes në Prizren, kishte dorëzuar në prokurori një kallëzim penal trefaqësh kundër kryesuesit të Kuvendit të atëhershëm Komunal, Nijazi Kryeziu. Sipas kallëzimit penal, ai akuzohet se vitin e kaluar ka falsifikuar dokumentin zyrtar, duke ndërruar planin rregullues urban për lokacionin “Qendra e Re 2”, pasi ai ishte miratuar nga Asambleja. Kryeziu thotë se bëhet fjalë për një “gabim teknik”.

Në kallëzimin e dorëzuar në Prokurorinë Komunale të Prizrenit, Nijazi Kryeziu akuzohej për veprat penale “shpërdorim i detyrës zyrtare dhe i autorizimit” dhe “falsifikim i dokumenteve zyrtare”, të parapara me Kodin e Përkohshëm Penal të Kosovës.

Kryeziu atë kohë thoshte se bëhet fjalë për një gabim teknik dhe ja kishte dal pas ‘dëshmive’ që dha që hetimet të pushonin pa shkuar fare rasti në Prokurori.

Kryeziu është diku nga fundi i listës së PDK-së, e në të është edhe Nait Hasani të cilit Kryeziu ia kishte sharë nënën në një kohë, e u largu verën që kemi lënë pas nga posti i drejtorit të Urbanizimit për tu bërë këshilltar i kryetarit të Kuvendit, Kadri Veseli raporton Periskopi

Kryeziu, që është gjithkund kur bëhet fjalë për poste e edhe pranë shefave, u përmend edhe pak muaj më parë si kandidat i mundshëm për kryetar në Prizren.

“Lufta” për të parin e “Jerusalemit” të PDK-së është ende e hapur.

Nijazi Kryeziu është pjesë e hetimeve nga Prokuroria Speciale e Kosovës, pas aktvendim për zgjerimin e hetimit, i cili fillimisht është iniciuar kundër deputetit të Partisë Demokratike të Kosovës, Adem Grabovcit.

Në mesin e zyrtarëve që po hetohen në këtë aferën “Pronto” janë Zenun Pajaziti deputet i PDK-së , ish-ministri i Zhvillimit Ekonomik, Besim Beqaj.

Për të njëjtin rast po hetohen edhe Arbenita Pajaziti, shefe e Njësisë për furnizim në Departamentin e farmacisë në Ministrinë e Shëndetësisë, Ilhami Gashi  ish- sekretar i përgjithshëm në Ministrinë e Punëve të Brendshme, Fatmir Shurdhaj ish – zëvendës ministër në Ministrinë e Punës dhe Mirëqenies Sociale, dhe Sedat.Gashi ish – Këshilltar politik në Ministrinë e Punëve të Brendshme.

Të gjithë të pandehurit dyshohen për kryerjen e dy veprave penale: Keqpërdorimi i pozitës apo autoritetit zyrtar dhe Shkelja e statusit të barabartë të shtetasve dhe banorëve të Kosovës. / Periskopi

Ky është postimi i parë i Albin Kurtit në Facebook (Foto)

Periskopi.com Lajme

Kandidati i Lëvizjes Vetëvendosje për deputet, Albin Kurti ka bërë edhe postimin e parë në Facebook, pas hapjes së llogarisë zyrtare ditën e djeshme.

Ai ka shkruar se në politikë shërbehet me ideal e moral, raporton Gazeta Blic.

Shënimi i plotë:

Aktori kosovar Adem Mikullovci në listë për deputet

Periskopi.com Lajme

Aktori kosovar Adem Mikullovci i cili pak ditë më parë iu bashkua Vetëvendosjes, do të jetë në garë për deputetë.

Mikullovci ka deklaruar se nëse fiton do t5ë jetë një deputet i rëndomtë, por Vetëvendosjen e sheh si një mundësi për të dal nga amullia ky vend.

Në listën e Vetëvendosjes ai mbanë numrin 34./ Periskopi

Ismet Beqiri e Ramiz Kelmendi sërish kandidatë për deputetë, Teuta Rugova……

Periskopi.com Lajme

Lidhja Demokratike e Kosovës në dy ditët e fundit ka probleme të brendshme sa i përket emrave të deputetëve për kandidatë.

Derisa lista përbëhet nga 78 emra, finalja duhet të jetë me 72.

Vjosa Osmani ishte pikëpyetje nëse do futet në listë por raportohet se në momentet e fundit e kanë futur, pavarësisht ndarjeve të brendshme.

E emra që befasojnë janë edhe Ismet Beqiri e Ramiz Kelmendi.

LDK njihet si parti që nuk di të sjellë ndryshime të mëdha.

Në listë janë edhe Teuta Rugova, Vlora Dumoshi e Besa Zogaj.

Nuk mungon Skender Hyseni e as Lutfi Zharku.

Ja edhe disa emra tjerë tashmë të konfirmuar:

Doruntinë Maloku

Anton Quni

Imet Rrahmani

Arban Abrashi

Skender Hyseni

Fidan Rekaliu

Lutfi Zharku

Rita Hajzeri

Naser Rugova

Florian Dushi

Bajram Gecaj

Agim Krasniqi

Valbon Krasniqi

Aferdita Bifar

Haxhi Avdyli

Kujtim Shala

Ramiz Kelmendi

Valdet Hoxha

Blerim Granica

Ismet Beqiri

Njomza Emini

Haki Demolli

Teuta Rugova

Hazir Borovci

 

 

Avdullah Hoti

Hoti tregon se Isa Mustafa nuk është në listën për deputet, flet edhe për Vjosa Osmanin

Periskopi.com Lajme

Kandidati për kryeministër i LDK-së, Avdullah Hoti, ka zbuluar se kryeministri në largim, Isa Mustafa, nuk do të jetë në listën e kësaj partie për deputet.

Ai ka thënë se bartës i listës do të jetë ai. Kurse, për fatin e Vjosa Osmanit, ai ka thënë se duhet të pritet deri në finalizimin e listës sot në orën 24:00.

“Jo, zotëri Mustafa nuk është në listë. Unë do t’i prijë listës. E tëra që mund të ju them është se do të befasoheni me listën e profesionistëve që do të bëjë LDK. Ndërkohë për Vjosa Osmanin, duhet të presim përfundimin e listës. Sot do të finalizohet ajo”, ka thënë Hoti në Express

Këta ishin deputetët e PDK-së në ambasadën e SHBA-ve (Foto)

Periskopi.com Lajme

Ambasadori i SHBA-ve Greg Delawie ka ftuar sot në zyrat e Ambasadës deputetët e PDK-së që kundërshtojnë Demarkacionin me Malin e Zi.

Shaip Muja dhe Nait Hasani nga PDK-ja, Labinotë Demi Murtezi nga Partia e Drejtësisë por që është në Grup Parlamentar të PDK-së si dhe deputeti Raif Çela nga Lëvizja për Bashkim kanë qenë mysafirët e ambasadorit amerikan.

Deputeti Shaip Muja tha pas takimit se nuk ishte kërkesë decidive e Delawies për ta mos votuar demarkacionin por nga përgjigjet e tij u nënkuptua se ai i ka ftuar ata në takim për t’i bindur ata.

Pavarësisht kësaj Muja tha se nuk ka ndryshuar qëndrim sa i përket Demarkacionit, ndërsa nuk siguroi se nuk do ta votojë mocionin e mosbesimit ndaj Qeverisë.

Deputeti Arben Gashi tregon çfarë ndodhi sot në mbledhje (Foto)

Periskopi.com Lajme

Deputeti i LDK-së, Arben Gashi që njihet si një zë kundërshtar herë pas here në këtë parti, ka publikuar fotografi nga mbledhja e sotme e grupit parlamentar.

Një mbledhje kjo ku ishin edhe ambasadori amerikan Greg Delawie e edhe shefja e BE-së në Kosovë, Natalya Apostolova.

Gashi në fotografitë e publikuara shihet se ishte në këmbë teksa kanë diskutuar dhe tregon temat, raporton periskopi

“Diskutimi ne LDK për situatën politike, Macioni, Demarkacioni dhe me shume….! “, thotë ai.

Pas këtij takimi, i vetmi që foli ishte Ismet Beqiri. Ai tha se LDK nuk e votojnë mocionin dhe tha se janë unik për demarkacionin. Nuk dha detaje se çfarë kërkuan ndërkombëtarët prej tyre./ Periskopi

Plani i deputetëve: Tri vjet pagë të plotë pas përfundimit të mandatit

Periskopi.com Lajme

Deputetët e Kuvendit të Kosovës po e përgatisin terrenin që pas përfundimit të mandatit të kenë mundësi të përfitojnë pagë të plotë nga shteti për tri vjet rresht.

Ideja për të përfituar pagë kalimtare për një periudhë kaq të gjatë kohore është ngritur nga anëtarë të Nënkomisionit për mandate dhe Rregullore të Punës së Kuvendit, gjatë draftimit të Rregullores së re të legjislativit.

AktivPress mëson se kjo ide e lansuar gjatë një punëtorie jashtë Prishtinës, tashmë është vënë si propozim amendament në Rregullore.

“Gjatë punëtorisë është nxjerr propozim- amendamenti i cili e përcakton që ish-deputeti, nga dita e përfundimit të mandatit, e ka të drejtë e marrjes së pagës kalimtare ekuivalente me pagën e tij bazë të mëparshme për një periudhë prej 36 muajsh, përveç nëse ai ka të ardhura të rregullta financiare nga buxheti i shtetit”, ka thënë njëri nga deputetët e pranishëm në punën e nënkomisionit parlamentar.

Aktualisht, lartësia e pagës bazë të deputetit është 1488 euro.

Kështu, nëse propozimi i ri gjenë mbështetje të gjerë në Kuvend, atëherë një deputet, për tri vjet mund të marr nga shteti jo më pas se 53568 euro.

AktivPress ka insistuar të marr një qëndrim nga kryetari i Nënkomisionit për Rregullore të Kuvendit, Armend Zemaj, por ai ka qenë i paqasshëm gjatë gjithë kohës.

Ndërkohë, deputeti  Agim Ademaj, si anëtar i Komisionit për Legjislacion, Mandate, Imunitete, Rregulloren e Kuvendit  nga radhët e LDK-së, e ka pranuar se është biseduar për çështjen e kompensimit të deputetëve pas përfundimit të mandatit, por ka thënë se gjithçka është në fazën e propozimeve apo sugjerimeve.

“Rregullorja e Kuvendit është duke u punuar. Ky propozim nuk e ka marrë ende vizën në Komision të Legjislacionit, kështu që këto janë krejt propozime dhe sugjerime. Të shohim se si do të veprohet”, ka thënë Ademaj.

Personalisht ka thënë se është kundër një propozimi të tillë.

“Unë nuk e mbështesë propozimin që të ketë kompensim për deputetët edhe 3 vjet pas mandatit”, ka deklaruar ai.

Ndryshe prej Ademajt, deputeti i PDK-së, Nezir Çoçaj është shprehur me nervozizëm kur është pyetur për këtë çështje.

“Komisioni për Buxhet dhe Financa i ka këto punë. Këto çështje më shumë janë perceptime të qytetarëve dhe të gazetarëve të shërbimeve të huaja sekrete të Serbisë dhe të dreqit të mallkuar që na e kanë qit fytyrën e zezë edhe neve që po mundohemi me jetuar dhe me punuar me 1294 euro sa na dalin rrogë neve si deputetë. Rregullore financiare nuk bëjmë ne. Ne e bëjmë rregulloren e Kuvendit, siç është kjo aktuale për me përmirësu, mos me lënë hapësirë për këto keqpërdorimet që po ndodhin, për kuorum, mosprezencën e deputetëve etj”, ka thënë Çoçaj.

Mirëpo, ai nuk e ka pasur parasysh faktin se çështja e pagës kalimtare është e përcaktuar edhe me Rregulloren që është në fuqi, vetëm se tash koha e përfitimit është propozuar të zgjatet nga një në tri vjet.

“Deputetit, pas përfundimit të rregullt të mandatit, i takojnë të ardhurat mujore për periudhën prej dymbëdhjetë (12) muajve, të përcaktuara me rregullën 2.1, po qe se gjatë kësaj kohë nuk kthehet në vendin e punës, të cilin e ka pasur para zgjedhjes deputet, ose në vend tjetër të përshtatshëm për të”, thuhet në Rregulloren e punës së Kuvendit.

Deputetët e legjislaturave të mëparshme e patën rregulluar me Ligjin për Kuvendin, çështjen e përfitimit pas mandatit.

Në të ishte përcaktuar e drejta për pension suplementar, varësisht nga numri i mandateve të deputetit, mirëpo Gjykata Kushtetuese e pati pezulluar këtë të drejtë duke e cilësuar një pension të tillë si antikushtetues.

Gjatë një analize që kjo gjykatë i kishte bërë legjislacionit vendës, kishte dhënë vlerësimin se, pavarësisht se në ligj ishte përshkruar si “pension suplementar”, ai kishte shumë tipare që ngjanin si dhuratë suplementare pas punësimit, sesa si një pension suplementar tradicional.

VV ia hapë dyert deputetëve që ua mbyll Mustafa për kundërshtimin e demarkacionit

Zyrtari i lartë i Vetëvendosjes, Ylli Hoxha thotë se deputetët që votojnë kundër Zajednicës dhe Demarkacionit e që përjashtohen nga Isa Mustafa do të gjejnë vend te Vetëvendosje.

Periskopi.com Lajme

Ndërsa, sipas tij, ata që votojnë për to, Hoxha thotë se mund të kthehen në Kuvend vetëm nën masat e dhunshme të Serbisë.

Shkrimi i tij i plotë:|

Deputetet qe votojnë kunder Zajednices dhe Demarkacionit do te jene serish deputete. Nese i largon Isa, po qe nevoja, ia hapim dyert ne. E deputetet qe votojne per kete tradheti nuk i shpeton as Isa, as Kadria, as Thaqi, as dreqi i zi! Ata mund te kthehen ne Kuvend vetem nen masat e dhunshme te Serbise.

Shtyhet seanca ndaj deputetëve të opozitës

Është shtyrë seanca ndaj deputetëve të Kuvendit të Kosovës, për shkak të mungesës së Glauk Konjufcës së VV dhe Teuta Haxhiut të AAK-së, raporton KTV.

Periskopi.com Lajme

Të akuzuarit tjerë për përdorim të armës dhe sulm ndaj personit zyrtar Aida Dërguti, Time Kadrijaj, Besa Baftiu dhe Pal Lekaj kanë qenë prezent në seancën fillestare.

“Nuk ka kushte ligjore që të mbahet kjo seancë dhe e caktoj shqyrtimin e ardhshëm për datën 2 shkurt”, ka thënë gjyqtari Faik Hoxha.

Këta janë një nga 4 grupet e ndryshme të deputetëve që kanë aktakuzë lidhur me ngjarjet në Kuvendin e Kosovës dhe gjuajtjes së gazit lotsjellës për të kundërshtuar kalimin e demarkacionit me Malin e Zi dhe Asociacionit të Komunave me shumicë serbe.

Nehat Baftiu merr mandatin e deputetit në vend të Ramiz Kelmendit

Emërimi i Ramiz Kelmendit, si Zëvendëskryeministër i Kosovës, ditë më parë ka krijuar hapësirën e një deputeti të ri nga Partia Demokratike e Kosovës.

Periskopi.com Lajme

E sipas listave të Komisionit Qendror të Zgjedhjeve i bie që të jetë anesteziologu Nehat Baftiu.

Sipas rregullores 112 së KQZ kandidati i parë me më së shumti vota i asaj parti dhe i gjinisë së njëjtë me kandidatin e larguar ose kandidatin duhet të zëvendësohet.

“Nga kandidati i ligjshëm në radhë i të njëjtës gjini i cili ka fituar numrin më të madh të votave të listës së riorganizuar të kandidatëve të Subjektit Politik në emër të së cilës garoi anëtari. Nëse nuk ka ndonjë kandidat tjetër të ligjshëm me gjini të njëjtë nga lista e kandidatëve, nga kandidati i radhës i cili ka fituar numrin më të lartë të votave në listën e kandidatëve”.

Ramiz Kelmendi emërohet zv/kryeministër, dorëzon mandatin e deputetit

Kryeministri i Republikës së Kosovës, Isa Mustafa, ka marrë vendim për emërimin e Ramiz Kelmendi në postin e zëvendëskryeministrit në Qeverinë e Republikës së Kosovës.

Periskopi.com Lajme

Ndërsa, po sot, Kelmendi do të dorëzojë mandatin e deputetit të Kuvendit të Republikës së Kosovës./ Periskopi