Gashi tregon procedurat për votimin e FSK-së dhe Demarkacionit

Votimi për transformimin e FSK-së në Ushtri dhe ratifikimi i marrëveshjes për Demarkacionin e Kosovës me Malin e Zi, janë dy çështje të ndryshme të cilat nuk pritet të votohen në të njëjtën kohë. Kështu të paktën është konfirmuar nga partia e Isa Mustafës.

Periskopi.com Lajme

Deputeti i LDK-së, Arben Gashi i ka thënë “Indeksonline” se Demarkacioni është marrëveshje ndërkombëtare dhe shkon me një lexim, përkundër transformimit të FSK-së në bazë të ndryshimit të ligjit, që shkon në dy lexime.

“FSK-ja dhe Demarkacioni janë dy çështje të ndryshme që nuk kanë të bëjnë asgjë me njëra-tjetrën. Përderisa FSK-ja ,propozimin që e ka bë zoti Thaçi, është që të votohet me ligj, ndërsa demarkacioni votohet me 2/3 e votave, është ratifikim. FSK-ja shkon me dy lexime, kurse demarkacioni me një lexim për shkak se është marrëveshje ndërkombëtare”, është shprehur ai.

Tutje, Gashi ka thënë se afati ligjor për ta votuar ndryshimin e ligjit për FSK-në është një muaj, ndërsa nëse kjo kohë kalohet, atëherë çështja e FSK-së shkon automatikisht në Kuvend për votim.

Lidhur me atë se përse ndryshimi i ligjit për FSK-në ende nuk është sjellë për votim, Gashi ka thënë se është procedurë ligjore.

“Është çështje procedurale. Qeveria e ka një muaj me e dhënë rekomandimin e vet, por nëse nuk e bën këtë ajo shkon automatikisht në Kuvend dhe Qeveria nuk mund ta ndalë atë.  E ka afatin ligjor një muaj për ta dhënë përgjigjen”, ka thënë ai.

Deputeti i PDK-së thotë se Qeveria gaboi që pranoi demarkacionin si kusht për viza

Demarkacioni si kusht për liberalizimin e vizave nuk është dashur të pranohet. Kjo sipas deputetit të PDK-së, Besim Beqaj ka qenë e mundur të bëhet nga Qeveria.

Periskopi.com Lajme

Beqaj theksoi se ndonëse si kundërshtim ishte i mundur, ky ishte një lëshim nga Qeveria.

“Unë mendoj se ka qenë gabim i Qeverisë tonë për ta vënë si kusht”, ka thënë Beqaj.

Beqaj thotë se Qeveria kishte mundësi që ta kundërshtonte por nuk e bëri.

“Është mundur dhe besoj se këtu ka qenë lëshim dhe ky lëshim është bërë mbi bazën e ndoshta idesë së mirë se është mirë m’i përcaktu kufijtë dhe është shumë e rëndësishme për ne që t’i përcaktojmë ata kufij”, ka thënë ai.

Beqaj sheh konsensusin politik si zgjidhje të problemeve me të cilat përballet sot vendi.

“Pa hatër-mbetje dhe pa kalkulime politike duhet të bëhen temat e mëdha”, përfundoi ai.

Kryesia e Kuvendit mblidhet të hënën, demarkacioni sërish jashtë rendit

Kryetari i Kuvendit të Kosovës ka ftuar për të hënën mbledhjen e Kryesisë, në të cilën pritet të caktohet rendi i ditës dhe dita e mbajtjes së seancës së radhës të legjislativit.

Periskopi.com Uncategorized

Mbledhja e Kryesisë së Kuvendit me kryetarët e grupeve parlamentare është thirrur për orën 11, ndërsa do të shqyrtojë rendin e ditës për seancën e Kuvendit, e cila sipas një praktike mbahet brenda javës.

Spas rendit të ditës që duhet ta përcaktojë Kryesia me kryetarët e grupeve parlamentare, në seancën e Kuvendit do të jenë dy interpelanca, njëra me kryeministrin Isa Mustafa, ndërsa tjetra me ministrin Blerand Stavileci.

Më poshtë rendi i ditës së Kryesisë:

  1. Miratimi i procesverbalit nga mbledhja e mëparshme,

 

  1. Përgatitjet për seancë plenare:
  2. Koha për deklarime jashtë rendit të ditës,
  3. Koha për pyetje parlamentare,
  4. Miratimi i procesverbalit nga seanca e mëparshme,
  5. Interpelanca e Kryeministrit të Kosovës Isa Mustafa, sipas kërkesës së deputetes Donika Kadaj-Bujupi, e mbështetur edhe nga 15 deputetë nënshkrues, për çështjen mbi shfrytëzimit e thëngjillit dhe minierën e Sibovcit,
  6. Interpelanca e Ministrit Blerand Stavileci, sipas kërkesës së deputetit Visar Ymeri, i mbështetur edhe nga 15 deputetë nënshkrues, në lidhje me Kontratën e privatizimit të Kompanisë së Distribuimit të Energjisë Elektrike,
  7. Shqyrtimi i parë i Projektligjit për Arsimin e Lartë në Republikën e Kosovës,
  8. Shqyrtimi i parë i Projektligjit nr. 05/L-138 për kompleksin memorial “Adem Jashari” në Prekaz,
  9. Shqyrtimi i parë i Projektligjit nr. 05/L-142 për mbrojtjen nga rrezatimi dhe siguria bërthamore,
  10. Shqyrtimi i dytë i Projektligjit nr. 05/L-134 për Legalizimin e Armëve dhe dorëzimin e armëve të vogla dhe të lehta, municionit dhe mjeteve eksplozive,
  11. Shqyrtimi i dytë i Projektligjit nr. 05/L-091 për mbrojtjen nga zhurma,
  12. Shqyrtimi i dytë i Projektligjit nr. 05/L-127 për plotësimin e Ligjit nr. 04/L-033 për Dhomën e Posaçme të Gjykatës Supreme të Kosovës për çështjet në lidhje me Agjencinë Kosovare të Privatizimit,
  13. Shqyrtimi i Propozim – Programit të Punës së Kuvendit të Republikës së Kosovës për vitin 2017,
  14. Shqyrtimi i Raportit të Komisionit për Arsim, Shkencë, Teknologji, Kulturë, Rini e Sport lidhur me Mbikëqyrjen e zbatimit të Ligjit nr. 03/ L-145 për fuqizim dhe pjesëmarrje të rinisë,
  15. Zgjedhja e një (1) anëtari të Komisionit të Pavarur për Media,
  16. Debat parlamentar sipas kërkesës së deputetes Teuta Haxhiu, e mbështetur edhe nga 9 deputet tjerë nënshkrues, në lidhje me Moszbatimi e rekomandimeve të Avokatit të Popullit nga ana e Qeverisë së Republikës së Kosovës,
  17. Debat parlamentar sipas kërkesës së deputetëve Bekim Haxhiu dhe Xhevahire Izmaku, të mbështetur edhe nga 8 deputet tjerë nënshkrues, në lidhje me shkeljen e të drejtave të punëtorëve në Kosovë,
  18. Propozimi i GP të Listës Serbe për zëvendësimin e anëtarit në Komisionin Parlamentar për Integrime Evropiane.
  19. Shqyrtimi i propozimeve dhe kërkesave

Çfarë po ndodh në PDK? Zenun Pajaziti thotë se demarkacioni nuk është kusht i BE-së

Shefi i grupit parlamentar të PDK-së Zenun Pajaziti ka thënë se marrëveshja e Demarkacionit me Malin e Zi nuk është kërkesë e Bashkimit Evropian si kusht për liberalizimin e vizave.

Periskopi.com Lajme

Këto deklarime Pajaziti i dha në Zona B të Klan Kosovës, teksa shtoi se kufijtë janë përmendur edhe në vitin 2009-të, në çështjet që janë ngritur në ‘’Planin e Ahtisarit’’.

“Nuk mund të gjykohet nëse kjo Qeveri nuk merr vendime. Kjo është një marrëveshje ndërkombëtare.  Çështja në Kosovë e liberalizimit të vizave nuk varet nga qëndrimi im. Opozita nuk mund të hiqet nga ajo që ka bërë. Procesin e pikës kufitare, marrëveshjes së Demarkacionit e kemi neglizhuar të gjithë”, tha ai.

“Në vitin 2009 unë kam qenë pjesë e Qeverisë e ku fare nuk është përmend liberalizimi i vizave. E kemi bërë një udhërrëfyes për detyrat që mund të na ishin dhënë sepse kemi thënë se jemi të gatshëm t’i përmbushin. Kur ka filluar procesi, tek ne (Kosova)  ka pasur disa kritere politike shtesë për liberalizimin. Por kriteret negociohen”, tha Pajaziti

“Atëherë nuk besoj që është parë kaq komplekse kjo ku do të vinte koha që s’do të mund ta ratifikojmë këtë marrëveshje”.

“E para ky kriter nuk është kërkesë e Bashkimit Evropian, ka qenë kërkesë edhe atëherë kur nuk kemi qenë pjesë e udhërrëfyesit, po e them me përgjegjësinë e plotë”.

“Në 2009 më është përmend kufiri dhe kriteret dhe çështjet që ka ngrit Ahtisari në pako. Para se të jetë në udhërrëfyes”.

“Nuk dua të arsyetoj ndoshta mund të kishte diçka më shumë. Nuk dua të jem aq komod e të themi se e kemi kërkuar ne marrëveshjen për Demarkacionin”, ka përfunduar Pajaziti, njofton Klan Kosova.

Kelmendi tregon përse nuk po e dërgojnë projektligjin e FSK-së në Kuvend (Video)

Zëvendëskryeministri i Kosovës, Ramiz Kelmendi i ftuar në emisionin Kontakt të Tribuna Channel ka thënë qeveria nuk po e dërgon projektligjin e FSK-së në Kuvend për arsyen se nuk dëshirojnë t’i tregojnë ndërkombëtarëve që bëjmë hapa të shkurtra.

Periskopi.com Lajme

Sipas tij, çdo hap pa bashkësinë ndërkombëtare është i dëmshëm për Kosovën.

Zyrtari i LDK-së ka thënë se qëndrimet e ndërkombëtarëve janë të pakapërcyshme dhe se do të veprojnë në trajtë vertikale me miqtë ndërkombëtarë.

 

Babai im ka mbrojtur kufirin me Malin e Zi

Kryetari i Komunës së Pejës, Gazmend Muhaxheri tregon nëse sërish do të jetë kandidat për kryetar të Pejës, në zgjedhjet lokale që pritet të mbahen në fund të këtij viti.

Teuta GASHI Intervista

Në një intervistë për Periksopi.com, Muhaxheri ka folur për shumë çështje, mes tjerash për ndalimin e Ramush Haradinajt nga autoritetet franceze, por nuk ka pranuar të deklarohet lidhur me akuzën që Haradinaj i ka bërë atij kohë më parë.

Muhaxheri ka folur për Demarkacionin me Malin e Zi. Thotë se i interesojnë faktet që janë prezantuar dhe tregon përse ka një lidhje të veçantë dhe emocionale me atë pjesë të vendit, pra përreth kufirit me Malin e Zi.

Në intervistë ka pranuar se papunësia në këtë komunë është rreth 35 %.

Periskopi: A do të kandidosh edhe zgjedhjet e ardhshme, kur dihet se mbahen këtë vit?

Muhaxheri: Kjo është çështje që vendoset nga Kryesia e Lidhjes Demokratike te Kosovës, por unë jam i gatshëm të ju dalë përballë të gjitha angazhimeve, të cilat  më ngarkohen nga LDK.

Ky është obligim i imi personal dhe moral që të kontribuoi në këtë parti për qytetin tim.

Periskopi: Cilat premtime që i ke bërë në fushatë janë realizuar, e në cilat po ke vështirësi?

Muhaxheri: Shumica e premtimeve të programit tim qeverisës janë arritur, ose janë në përfundim e sipër, vështirësi në realizimin e programitqeverisës gjithnjë është aspekti financiar. Më duhet të ju rikujtoj që Peja ka pësuar një shkurtim esencial në buxhetin komunal.

Ky shkurtim i afrohet vlerës prej 2 milionë euro, kjo ka qenë edhe një sfidë shumë e madhe për ne, por me njohuri të mira menaxheriale dhe një staf profesional kemi arritur t’i menaxhojmë të gjitha prioritet tona.

Periskopi: A keni mbështetjen e Qeverisë në realizimin e projekteve?

Muhaxheri: Të jem shumë i sinqertë Qeveria e RKS na ka ndihmuar jashtëzakonisht shumë, jo vetëm në investime kapitale direkte, por na ka ndihmuar që shumë çështje t’i avancojmë në të mirë të Komunës së Pejës.

Kjo në aspektin strategjik afatmesëm, vlen të theksohet këmbimi dhe aprovimi i projektit më të madh për Qendrën Turistike “BOREA” .

Periskopi: Në çka beson konkretisht që do ju përkrah Qeveria, a do tentoni që të rritet buxheti i Komunës që drejtoni?

Muhaxheri: Po, reformat rrënjësore që Qeveria e RKS, po ndërmerr në gjitha dikasteret pa marrë parasysh cilat kanë filluar të tregojnë rezultatin e tyre qysh tash e ky ndikim për mua do të jetë akoma më frytdhënës në muajt e ardhshëm.

Kjo do të jetë njëra nga mundësit që komunat të ngrisin akoma më shumë efikasitetin dhe efektiviteti e tyre në grumbullimin e taksave komunale.  

Periskopi: A ka të interesuar për investime në Pejë?

Muhaxheri: Fushëveprimi i udhëheqjes komunale sa i përket të interesuarve për investime është jashtëzakonisht i kufizuar për shkak te legjislacionit për qeverisje lokale, prandaj edhe interesimet që kemi ne duhet t’i orientojmë tek organet qendrore, prandaj konsideroj që kjo mangësi nëse mund ta quaj ashtu, do të rregullohet me plotësim- ndryshimet e planifikuar nga Qeveria dhe Parlamenti. Shumë shqetësime të nivelit lokal duhet të procedohen dhe përpunohen nga hartuesit e ligjeve dhe udhëzimeve administrative për ta rritur interesimin e investimeve te huaja. 

Periskopi: Çfarë po ndodh me Qendrën e Skijimit?

Muhaxheri: Për Qendrën  Turistike “BOREA” jemi në fazën e fundit të procedurave të PPP dhe presim së shpejti të pranojmë ofertat përfundimtare nga 3 operatorët e kualifikuar nga faza e parë.

Kjo është ajo çka mund të themi deri më tani.

Periskopi: Sa të papunë janë në komunën që drejton, çfarë po bëni që të ulet numri i tyre?

Muhaxheri: Papunësia ne komunën tonë shkon diku rreth 35%, gjithashtu edhe në këtë sektor nuk mund të kemi ndikim shumë të lartë, por jemi duke bashkëpunuar ngushtë që sektori privat të jetë promotor direkt.

Trendi është në rritje shumë të qëndrueshme duke e parë rritjen ekonomike të vendit në 2 vitet e fundit besoj që edhe papunësia do të filloj të zbutet dhe të ndihen efekte te qytetarët tonë.

Periskopi: Deri ku është kufiri me Malin e Zi, cilat matje i pranoni dhe a duhet Demarkacioni të kalohet në Kuvend sa më shpejt?

Muhaxheri: Kufiri me Malin e Zi tashme është ezauruar si temë shumë here, si nga Komisioni Shtetëror ashtu edhe nga Komisioni ad-hok që e ka formuar ish-Presidentja, znj. Jahjaga edhe nga komisioni tjetër për matjen e territorit i udhëhequr nga Kryetari i Akademisë zt. Islami,prandaj mua si Kryetar Komune më kanë interesuar fakte që janë prezantuar, ndërsa emocionalisht unë e ndjej veten shumë të lidhur me këtë ndarje mes tokave shqiptare pasi që edhe baba ime si i ri ka qenë pjesëmarrës në mbrojtjen e këtij kufiri.

Sa për pjesën e dytë të pyetjes tuaj se a duhet të votohet kjo është në tagrin e të zgjedhurve tonë në parlamentin e RKS, pa dallime partiake.

Kjo është një situatë tipike për kuvendaret, sepse ata janë në ato karrige për të marrë  vendime të vështira, por gjithnjë në interes të popullit dhe zhvillimit të qëndrueshëm.

Periskopi: Nëse po merreni me partinë në qendër, si po ecë koalicioni dhe a pajtoheni që të mbahen zgjedhjet në këtë vit?  A është e gatshme LDK-ja për zgjedhje këtë vit?

Muhaxheri: Mua më është besuar udhëheqja e njërit ndër qytetet më të mëdha nga LDK dhe tani jam 100% i angazhuar, që t’i përmbush detyrimet e mia si Kryetar, jam i fokusuar për nivelin lokal, ndoshta në të ardhmen do të angazhohem edhe në nivelin nacional, ku i dihet! 

Periskopi: Si e komentoni ndalimi e Ramush Haradinajt në Francë, dhe a jeni ftuar ndonjëherë në pyetje nga drejtësia për akuzën që keni prej tij?

Muhaxheri: Ndalimi i tij ëhstë në sfidë për shtetin, për Kosovën. Normalish askënd nuk e gëzon ndalimi i tij. Shpresoj që autoritetet franceze të veprojnë dhe ai të kthehet sa më shpejt në vendin e tij, te familja e tij./ Periskopi

Demarkacioni, rrezikon koalicionin qeverisës

Periskopi.com Video

NISMA komenton deklaratën e Mogherinit, tregon nëse ndryshoi qëndrim

NISMA për Kosovën thotë se nuk ndryshojnë qëndrim pavarësisht deklaratave të përfaqësueses së Lartë për Politikë të Jashtme dhe Siguri, Federica Mogherini, që tha se duhet votuar Demarkacioni në mënyrë që të bëhet liberalizmi i vizave për kosovarët.

Periskopi.com Lajme

Madje, ky subjekt flet edhe për ofendimet që një ditë më parë u bënë në Qeverinë e Kosovës ndaj atyre që nuk votojnë demarkacionin.

Sekretari i këtij subjekti, Bilall Sherifi tha për Periskopi.com se nuk kanë ndryshuar qëndrim.

“Në mungesë të provave qeveritarët kanë filluar të bëjnë kërcënime. Por kot e kanë. Sepse deputetët tanimë janë të bindur se ky version i demarkacionit është i gabuar prandaj nuk do të nënshtrohen para asnjë  kërcënimi”, thotë ai për Periskopin

“Asgjë re nga “fronti” për demarkacionin! Asnjë argument shtesë nuk solli zonja Mogherini në mënyrë që opozita të ndërrojë qëndrim mbi versionin aktual të demarkacionit me Malin e Zi”, ka thënë ai./ Periskopi

AAK deklarohet nëse ndryshoi qëndrim pas deklaratave të Mogherinit

Aleanca për Ardhmërinë e Kosovës (AAK) thotë se nuk ndryshojnë qëndrim pavarësisht deklaratave të përfaqësueses së Lartë për Politikë të Jashtme dhe Siguri, Federica Mogherini, që tha se duhet votuar Demarkacioni në mënyrë që të bëhet liberalizmi i vizave për kosovarët.

Periskopi.com Lajme

Madje, ky subjekt flet edhe për ofendimet që një ditë më parë u bënë në Qeverinë e Kosovës ndaj atyre që nuk votojnë demarkacionin.

Nënkryetari i këtij subjekti, AHmet Isufi për Periskopi.com tha se Demarkacionin nuk do e votojnë sepse liberalizmi i vizave sipas tij, më shumë është pretekst dhe presion absurd, e që nuk do e pranojnë.

Isufi thotë se as nuk i marrin serioze asnjë lloj kërcënimi, ngase sipas tij, Qevria i ka humbur të gjitha argumentet e shërbehet me fyerje dhe denigrim, raporton Periskopi

“Kjo qeveri është krejtësisht e papërgjegjshme dhe antikombëtare meqë me temat e demarkacionit me Malin e Zi dhe me Asoacionin e komunave me shumicë serbe (Zajednicën) i ka sjellë dëme të mëdha vendit dhe po e thellon krizën duke bërë presion të paparë jo vetëm ndaj opozitës por edhe ndaj deputetëve të ndërgjegjshëm të koalicionit dhe përfaqësuesve të qeverisë që nuk pajtohen me veprimet e një klani të ngushtë të shantazhuar. Demarkacioni i versionit të tanishëm qeveritar është i vdekur dhe s’mund ta ngjallin ata që për të shpëtuar lëkurën e tyre donë të shesin territorin e Kosovës. Tani kjo qeveri meqë i ka humbur të gjitha argumentet shërbehet me fyerje dhe denigrim të të gjithë atyre që s’pajtohen me te por ekspertët e vërtetë, opozita, shoqëria civile dhe populli i Kosovës kurrë nuk do të lejojnë të kalojë ky demarkacion”, thotë ai për Periskopin

“Qëndrimi ynë është i njëjtë i bazuar në argumentet e ekspertëve dhe në të vërtetën e historike e faktike të ekzistimit të kufijve të Kosovës. Liberalizimi i vizave i ka takuar kaherë Kosovës dhe nuk ka qenë kriter për asnjë shtet prandaj e kuptojmë më shumë si pretekst dhe si presion absurd që nuk duhet pranuar”, thotë Isufi./ Periskopi

Vetëvendosje flet pas deklaratave të Mogherinit për demarkacionin dhe vizat

Lëvizja Vetëvendosje nuk ndryshon qëndrim pavarësisht deklaratave të përfaqësueses së Lartë për Politikë të Jashtme dhe Siguri, Federica Mogherini, që tha se duhet votuar Demarkacioni në mënyrë që të bëhet liberalizmi i vizave për kosovarët.

Periskopi.com Lajme

Madje, ky subjekt flet edhe për ofendimet që një ditë më parë u bënë në Qeverinë e Kosovës ndaj atyre që nuk votojnë demarkacionin.

Deputetja e VV-së, Puhie Demaku tha për Periskopi.com se këto dy tema nuk janë aspak risi për ta.

Sipas saj, Qeveria po e shtyn para një proces që shihet qartë që është i dëmshëm ndërsa BE-ja po shtynë para agjendën për shkaka të rajonit, e që sipas saj, kjo agjendë ndikohet shumë nga Serbia.

“Është thënë që do të ketë pasoja ligjore por deputetët nuk mund të ndodh. ATy jemi zgjedhur nga populli që të veprojmë në të mirë të tyre dhe vendit. Kjo nuk është asgjë e re. Qeveria po qon para një proces që qartë është i gabuar dhe i dëmshëm e kanë thënë të gjithë, e edhe ekspertët dhe shoqëria civile”, tha ajo për Periskopi.com

Ndërsa tha se nuk do e votojnë Demarkacionin pavarësisht deklaratave të Mogherinit.

“Jo nuk ndryshojmë qëndrimin. BE-ja po shtyn  para agjendën për shkak të rajonit dhe qasjen që ka ndaj rajonit, në të cilën Serbia po ndikon shumë. Meqë ajo e tha se duhet veprojmë për të mirën e qytetarëve, ne nuk pranojmë ë humbin territor kur dihet se liberalizmi i vizave nuk garanton as shkollim jashtë vendit e as punësim, thjeshtë mundëson lëvizje të lirë si turist”, tha Demaku./ Periskopi

Kryeministri kërkoi ndihmën e Mogherinit për demarkacionin

Kryeministri i Kosovës, Isa Mustafa, në një konferencë për media me Përfaqësuesen e Lartë për Politikë të Jashtme dhe Siguri, Federica Mogherini, ka konfirmuar përcaktimin e paluhatshëm të Kosovës drejt BE-së.

Periskopi.com Lajme

Ai ka deklaruar se e ka siguruar Mogherinin se Kosova është për dialog dhe marrëdhënie të mira fqinjësore me të gjithë dhe se do të vazhdojë bisedimet me Serbinë, megjithë pengesat që shteti fqinj shfaq.

“Me përkushtim të lartë po punojmë për implemetimin e Marrëveshjes të Stabilizim Asocimit. Jemi duke punuar në drejtim të një shteti ligjor, të rritjes së mirëqenies. Po ashtu jemi për dialog me të gjitha shtetet fqinje. Jemi të gatshëm për vazhdimin e dialogut me Serbinë edhe përkundër kundërshtimeve që kemi nga opozita. Po ashtu për pengesat që kemi nga Serbia, si mungesa e deputetëve serbë në Kuvendin e Kosovës, me ç’rast po mbesin peng procese si Asociacioni i komunave me shumicë serbe, të cilin jemi të gatshëm në çdo moment ta formojmë, konform vendimit të Gjykatës Kushtetuese”.

Mustafa tha, se ka shprehur përkushtimin për zbatimit e marrëveshjes për Asociacionin, por kjo po pengohet nga Lista Serbe e cila po bojkoton Kuvendin.

Ai ka folur edhe për demarkacionin i cili po mbetet peng nga kundërshtimi i opozitës dhe mungesa e Listës Serbe në Kuvend që po pamundëson përmbushjen e kriterit për liberalizmit të vizave./Telegrafi/

Mogherini: Votojeni demarkacionin, zhbllokojeni liberalizmin e vizave (Video)

Federica Mogherini, përfaqësuesja e lartë e BE-së për punë të jashtme dhe politika të sigurisë ka folur për demarkacionin.

Periskopi.com Lajme

Ajo ka kërkuar që ai të votohet në mënyrë që të bëhet pastaj liberalizmi i vizave që qytetarët e Kosovës, raporton periskopi

Mogherini ka thënë se që nga viti i kaluar është shumë e qartë se janë dy kushte për Kosovën, para se liberalizmi i viza të kalohet te Këshilli dhe Parlamenti Evropian.

Luftimi i korrupsionit dhe krimit të organizuar si kusht i parë, që sipas saj, tashmë po bëhet, dhe ratifikimi i marrëveshjes për demarkacionin me Malin e ZI, e që sipas saj, kjo duhet të ndodh sa më shpejt.

Mogherini tha qytetarët e Kosovës meritojnë të lëvizin lirshëm, por nuk meritojnë që të ketë mungesë konsensusi politik, raporton Periskopi.

“Nëse Kuvendi e procedon demarkacioni ne jemi në gjendje të ecim shumë shpejt përpara me rezultate shumë konkrete”, tha ajo.

“Propozimi ka qenë i qartë; dy kushte; Kosova të përmirësoj luftimin e krimit dhe korrupsionit, që këtu është bërë progres. Ndërsa, kushti i dytë ka qenë dhe është ratifikimi i Demarkacionit  e këtu nuk ka lëvizur asgjë. Është koha që ta votoni dhe të ecim para, kjo do e zhbllokoj liberalizimin e vizave”, tha Mogherini, raporton periskopi

Ajo ka shprehur bindjen se liderët politik, deputetët dhe të gjithë të tjerët që kanë në dorë këtë proces, do të ndalen të mendojnë për të mirën e qytetarëve të Kosovës.

“Besoj se të gjithë ata do gjejnë një mënyrë të pajtohen dhe ratifikojnë këtë marrëveshje në Kuvend. Populli i Kosovë i do dhe i meriton liberalizimin e vizave”, tha ajo.

Foli edhe për urën në Mitrovicë ku pritet që sot do ta vizitoj.

Nuk ka dhënë orën e qëndrimit, por Mogherini tha se ajo urë do të lidh qytetarët tash e tutje, e aspak nuk do të bëjë ndarje.

Kujtoi marrëveshjet që janë bërë në Bruksel dhe tha se qytetarët e Mitrovicës do të lëvizin lirshëm.

 

Topalli: Demarkacioni të shkojë në arbitrazh

Gabim të radhës të Qeverisë Mustafa e ka quajtur deputeti i Lëvizjes Vetëvendosje, Faton Topalli, miratimin e raportit të Komisionit për matjen e territorit të Kosovës.

Periskopi.com Lajme

“Dokument pa vlerë që mat territorin pa i ditur kufijtë. Po ashtu metodologjia ka qenë gabim, sepse është matur territori i regjistruar në kadastër, e dihet që një pjesë e territorit të Kosovës nuk është e regjistruar në kadastër as të Kosovës as të Malit të Zi”, ka thënë Topalli, në “Interaktiv” të KTV-së.

Topalli ka thënë se ky veprim i Qeverisë është “tendencë e hedhjes hi syve ndaj qytetarëve të Kosovës se kinse Kosova nuk po humb territor”.

“Ne në Vetëvendosje dëshirojmë që të kemi një fqinjësi të mirë me Malin e Zi, e konsiderojmë vend mik, por jemi për të gjetur një zgjidhje që nuk e dëmton Kosovën. Është për habi se si Mali i Zi ka thënë se është i gatshëm për të rinegociuar marrëveshjen për kufirin, derisa institucionet e Kosovës nuk e kanë shfrytëzuar këtë mundësi”, ka thënë Topalli.

Ai ka thënë se marrëveshja për demarkacionin duhet të shkojë në arbitrazh ndërkombëtar, ndërsa Qeveria e Kosovës të merret me problemet jetike të qytetarëve, siç janë varfëria e papunësia, e prej të cilave, siç ka thënë deputeti Topalli po provohet të shmanget.

“Ne kemi varfërinë më të lartë në Evropë, 120 mijë qytetarë jetojnë me më pak se 50 euro në muaj. Kjo Qeveri është e paaftë për t’i zgjidhur këto probleme, prandaj është kapur për temën e demarkacionit madje duke akuzuar opozitën se po mban peng liberalizimin e vizave”, ka thënë Topalli.

Është shprehur i bindur se edhe po të ratifikohej demarkacioni Kosovës nuk do t’i liberalizoheshin vizat për shkak të, siç ka thënë ai, korrupsionit të lartë.

Isufi: Kosova humb tokë – s’po fus barut, por po mbroj interesat shtetërore

Qeveria e Kosovës ka miratuar raportin e Komisionit për Matjen e Territorit të Kosovës, raport i cili thotë se Kosova ka sipërfaqe 10.905.25 km2 dhe si rrjedhojë nuk humb tokë në Demarkacionin me Malin e Zi, por këtë përsëri, për të disatën herë, e ka kontestuar gjeografi Florim Isufi në Ora e Fundit në Klan Kosova.

Periskopi.com Lajme

Madje, ai thotë se votimi në Qeveri dhe eventualisht në Parlament i këtij raporti dhe pastaj Demarkacioni në këtë formë me shtetin fqinj është një gabim i madh që do ta bënte politika kosovare.

“Qeveria ka bërë një gabim të madh, sepse me aprovimin e këtij raporti i ka dhënë vetës edhe një autogol të fuqishëm në lidhje me Demarkacionin me Malin e Zi. Kosova nuk e ka sipërfaqen 10.905.25 km2”, ka thënë Isufi, njofton Klan Kosova.

“Kjo shifër që është miratuar nga Qeveria e Kosovës do të jetë problem shumë i madh, por shpresoj se Qeveria do ta anulojë këtë”.

“Nëse kjo shifër shkon në Kuvend dhe miratohet, atëherë Kosova do t’i humbë 82 km2 dhe Mali i Zi do të rritet 82km2”.

“E kemi thënë me mijëra herë, Kosova ka rreth 11.000 km2”.

Isufi, tash profesor universitar me këto konstatime bie ndesh me ish-profesorin e tij, tani kryetar i Akademisë së Shkencave dhe Arteve të Kosovës dhe kryetarit të Komisionit për Matjen e Territorit, Hivzi Islami.

Madje, Islami, duke mos i përmendur emrin, por duke aluduar në Isufin dhe gjeografin tjetër, Shpejtim Bulliqin, tha se ata janë “injorantë e mediokër” dhe se “po i fusin barutin Kosovës”.

Por, Isufi thotë se “baruti Kosovës nuk i futet me mbrojtje të interesave shtetërore të Kosovës, por nëse i rrezikon interesat shtetërore”.

“Mali i Zi po e rritë territorin, s’ka ekspertë në botë që nuk do të mund ta thoshte këtë”.

Ai ka folur edhe për raportin e tij me vet ish-profesorin Islami.

“Unë shkencën e kam mësuar nga profesori Hivzi (Islami). Unë mburrem që kam qenë student i profesorit Hivzi, sepse në të gjitha lëndët që mi ka thënë ai më ka notuar me notën 10. Me dijenitë që kam mund ta mas edhe Alaskën jo vetëm territorin e Kosovës. Ne nuk po ia fusim barutin Kosovës”.

“Profesorët e mi e dinë sa unë di teknikë dhe teknologji dhe aplikim të teknologjisë në gjeografi. Madje, pjesa më e madhe e atyre njerëzve që kanë bërë matje kanë qenë kursistë të mi. Njëri prej tyre ka qenë madje mbi 25 herë”.

Isufi tha edhe se “s’jam me opozitën aspak”.

“Kemi ne polici hetimore që mund ta kuptojnë që nuk është një që e tillë e vërtetë”.

Por, ai shtoi se vetëm po vihet në mbrojtje të së vërtetës.

Mustafa e aprovoi matjen e territorit, nuk tregon kur dërgohet në Kuvend

Kryeministri i Kosovës, Isa Mustafa ka shkruar sërish, pas disa orësh që Qeveria ka aprovuar Raportin e ekspertëve për matjen e territorit të Republikës së Kosovës.

Periskopi.com Lajme

Ai thotë se raporti konstatoi se sipërfaqja e Kosovës nuk ka ndryshuar për asnjë metër katror si pasojë e Marrëveshjes për shënimin e vijës kufitare me Malin e Zi.

Sipas tij, ky Raport është një dëshmi për këtë gjeneratë dhe për gjeneratat e ardhshme se Kosova nuk kemi humbur territor dhe, po ashtu, në mënyrë të qartë tregon përkushtimin e kësaj Qeverie që të pasqyrojë faktet e drejta para qytetarëve tanë dhe për ta mbrojtur dhe dëshmuar çdo pëllëmbë të këtij vendi.

“Qeveria e Republikës së Kosovës nuk ka bërë pazare me territorin e saj për liberalizim të vizave, ashtu siç nuk do të lejojë të cenohet asnjë pëllëmbë e këtij territori. Për mua si Kryeministër i Kosovës është me rënësi të veçantë se Komisioni i ekspertëve ka konstatuar të vërtetën për territorin e Kosovës. Mbetem shumë i përkushtuar që Kuvendi i Republikës së Kosovës të ratifikojë Marrëveshjen për Shënimin e Vijës Kufitare me Malin e Zi, sepse e konsideroj tepër të dobishme për vendin dhe qytetarët tanë, por vendimi për këtë i takon Kuvendit të Republikës së Kosovës në një proces të ardhshëm. IM”, shkruan Mustafa./ Periskopi

 

Selimi: Nuk do të rrimë duarkryq dhe të shikojmë se si e ratifikojnë demarkacionin

Rexhep Selimi, deputet i Vetëvendosjes, ka thënë se po bëhet presion në krejt format për të arritur të votohet ratifikimi i Demarkacionit.

Periskopi.com Lajme

Selimi ka thënë se edhe arrestimi i Donika Kadaj është një lloj presioni.

“Nëse Qeveria po don me qenë kryeneçe dhe me ratifikue patjetër ketë version të Demarkacionit, na kemi me qenë edhe më kryeneç”, ka thënë Selimi.

Kuçi s`e voton raportin e Komisionit për Matjen e Territorit, tregon arsyen

Zëvendëskryeministri i parë i Kosovës, Hajredin Kuçi nuk mori pjesë në votim të raportit të Komisionit për Matjen e Territorit, i cili u prezantua sot në mbledhjen e Qeverisë nga Hivzi Islami.

Periskopi.com Lajme

Kuçi në një prononcim për “Indeksonline” ka thënë se ai nuk mori pjesë në votim për shkak të qëndrimeve të tij personale dhe profesionale lidhur me çështjen e demarkacionit.

“Ashtu kam vlerësuar që duhet të votoj dhe është në përputhje me qëndrimet e mia personale dhe profesionale që i kam thënë edhe më herët, si dhe në kuadër të ligjit dhe rregullave demokratike”, ka  thënë Kuçi.

Ndryshe, Kuçi ka kërkuar që të krijohet një konsensus i gjerë mes të gjitha partive politike për demarkacionin. Ai ka kërkuar që problemi i brendshëm të mos kthehet në problem mes Kosovës dhe Malit të Zi.

Por, ai ishte në sallë. Dhe kur u votua, nuk pati asnjë votë kundër. Nuk dihet kë e quan ai mosvotim.

Xhavit Haliti ka një plan për Demarkacionin

Nënkryetari i Kuvendit të Kosovës, Xhavit Haliti, në Info Magazine të Klan Kosovës, ka thënë se një marrëveshje mes Kosovës dhe Malit të Zi për arbitrazh lidhur me demarkimin e kufirit do ta lehtësonte përfundimin e këtij procesi.

Periskopi.com Lajme

Ai ka komentuar edhe vizitën e së shtunës të shefes së politikës së jashtme të Bashkimit Europian, Federica Mogherini, njofton Klan Kosova.

“Besoj që kërkesat janë të qarta, janë të artikuluara edhe në Bruksel, Mogherini besoj që do të takohet edhe me opozitën, edhe me Listën Serbe dhe do të jap mesazhin e qartë për Kosovën. Ndërsa për partitë e mëdha shqiptare besoj që mesazhe do të jenë, demarkacioni, Asociacioni i komunave luftimi i krimit dhe korrupsionit. Këto janë kërkesat kryesore”.

“Mendoj qe Mogherini dëshiron të marrë një miratim konsensual për çështjen e demarkacionit dhe asociacionit. Opozita duhet të jetë në nivelin e detyrës dhe besoj që do të ketë zgjidhje në bashkëpunim me BE-në, e të mos mbeten në mesin tonë as tradhtarë të përjetshëm as patriotë. Një marrëveshje në mes të Kosovës, Malit të Zi e BE-së që çështja të shkoj në arbitrazh e të pajtohen të dyja palët me vendimin e arbitrazhit do të lehtësonte çështjen. Nuk do ta bëj publike votën time, mirëpo kam frikë që ardhja e demarkacionit në parlament do të sjellë polarizime të reja, ndoshta me veprime të reja te opozitës. Kam nuhatje të tillë dhe po frikësohem që mund të kemi përplasje. Interesi politik është qe te behet demarkacioni, kufiri duhet te jete aty ku është njohur pavarësia e Kosovës”.

Hoxhaj: Marrëdhëniet me Malin e Zi të shkëlqyeshme, pa pretendime territoriale të ndërsjellë

Ministri i Punëve të Jashtme, Enver Hoxhaj, e ka quajtur kredibil dhe shumë serioz raportin e Komisionit për matjen e territorit.

Periskopi.com Lajme

Ai këtë deklaratë e tha në mbledhjen e Qeverisë e cila është mbledhur në orët e pasdites ku akademiku Hivzi Islami ka prezantuar raportin për matje të territorit.

Hoxhaj tha se me këta kufij dhe me këtë territor Kosovën e kanë njohur 114 shtete, përcjell ksp.

Hoxhaj shtoi se marrëdhëniet mes Kosovës e Malit të Zi janë të shkëlqyeshme dhe se asnjëra nuk kanë pretendime territoriale ndaj njëra tjetrës.

‘Hashim Thaçi po mashtron për vizat, po bënë presion që ta kaloj Demarkacionin!’

Përfaqësuesit e opozitës konsiderojnë se deklarata e Hashim Thaçit që nëse miratohet demarkacioni menjëherë do të ndodhë liberalizimi i vizave për Kosovë, është një mashtrim.

Periskopi.com Lajme

Deputetja e Lëvizjes Vetëvendosje, Shqipe Pantina ka theksuar për Gazetën Blic se “këto janë deklarata dëshpëruese të Thaçit i cili po përpiqet me çdo formë të bëje presion për kalimin e marrëveshjes se demarkacionit, të cilën  ai vet e ka nënshkruar”.

Sipas saj, Kosova natyrisht se duhet t’i ketë të  përcaktuara vijat kufitare me te gjithë fqinjët e saj përfshi Malin e Zi.

Por, shton ajo kjo marrëveshje duhet rishikuar dhe në  ato pjesë ku Kosova humb territor, të  korrigjohen ashtu siç ka qenë kufiri administrativ para shpërbërjes se Jugosllavisë.

Ndërsa, sekretari i Nismës për Kosovën, Bilall Sherifi thotë për Gazetën Blic se Thaçi është i fundit që ka të drejtë të flasë për  afatet e liberalizimin e vizave.

Sipas tij, Thaçi sa i përket afateve asnjëherë nuk ka qene i saktë me qellim a pa qellim.

“Ai në vitin 2010 ka deklaruar se liberalizimi i vizave do të ndodh për 15 muaj, dhe kanë kaluar me vite e nuk janë realizuar këto premtime. Sa here Thaçi flet për viza dijeni që nuk janë informata kredibile”, thotë Sherifi.

Sipas tij, Thaçi synim ka vetëm që ta kaloj demarkacionin që e ka nënshkruar, dhe në ketë mënyrë po i bën shantazh deputetëve.

“Nuk duhet të merren seriozisht deklaratat që Thaçi i bën për viza”, thotë Sherifi për Gazetën Blic.

Kurse analistët politik konsiderojnë se Thaçi e ka ekzagjeruar me deklaratat për liberalizimin e vizave.

“Deklarata e Presidentit Thaçi se po nuk kaloi demarkacioni tani qytetarët e Kosovës do të presin me dekada për lëvizje të lirë patjetër se është një hiperbolizim për të vënë nën presion deputetët dhe shoqërinë. Është shpërthim nervoz i një presidenti që nuk respekton demokracinë, demosin, të drejtën autonome në vendosje të deputetëve”, ka theksuar analisti politik, Jon Leka në një deklaratë të dhënë për Gazeta Blic.

Sipas Jon Lekës, kjo kampanjë nuk i takon atij.

“Është çështje e qeverisë. Ai duhet të thotë mendimin dhe të lusë por jo të kërcënohet për gjëra që nuk janë në duart e tij”, tha ai.

Leka shton se, nga ana tjetër tashmë është e vërtetë se pa rregullimin e demarkacionit nuk ka lëvizje të lirë.

“Për shkak të fajit të qeverive Thaçi – Mustafa qytetarët janë vënë në një pashtegësi të panevojshme që në diktat të vendosin për diçka që s’duan”, tha ai.