Rikthehen protestat te Manastiri i Deçanit

Periskopi.com Lajme

Drejtues të Lidhjes se Historianëve të Kosovës “Ali Hadri” dega në Deçan, kanë marrë vendim që më 28 prill nga ora 11:00 deri në ora 12:00, të protestojnë në mënyrë paqësore në rrugën e Manastirit të Deçanit.

Sipas një njoftimi të historianëve të Deçanit, ky vendim është marrë pas mos reflektimit të Qeverise se Republikës se Kosovës dhe kryeministrit Isa Mustafa për kontestin pronësor në mes qytetarëve, ndërmarrjeve dhe Komunës se Deçanit në njërën anë dhe Manastirit të Deçanit në anën tjetër, në lidhje me pronat e Ndërmarrjeve “Apiko” dhe “Iliria”./KosovaPress/

Reklamë
Reklamë

Me kërkesë të fansave: Selmanaj nderon me emrin e Heroit, reperin e dënuar për fyerje

Kryetari i Komunës së Deçanit, Rasim Selmanaj, ka vendosur që t’i ndajë një mirënjohje që mbanë emrin e heroit Shkëlzen Haradinaj, reperit i cili është dënuar nga Gjykata për fyerje të ish-deputetes e cila tash është Ambasadore e Kosovës në Itali.

Periskopi.com Lajme

Reperi nga Presheva, Arian Agushi i njohur me emrin skenik “Gold AG” kënga e të cilit “Shqiptar 2” është hequr nga “youtube” dhe publikime të tjera për shkak të fyerjeve që përmban teksti i asaj kënge, por Selmanaj ka vendosur që pikërisht për “tekstet e këngëve të tija” t’ia ndajë “mirënjohjen e heroit kombëtar Shkëlzen Haradinaj”.

I pyetur nga Insajderi, nëse Selmanaj e ka pasur parasysh faktin se reperi ka qenë i dënuar për fyerje bash për tekstet në këngët e tija, ai tha se kjo nuk është relevante kur vjen puna tek ndarja e kësaj mirënjohje.

“Ia kemi ndarë mirënjohjen, me motivacionin për këngët e tija patriotike”, ka thënë Selmanaj për Insajderit.

Kur u pyet se kush e ka inciuar ndarjen e kësaj mirënjohje për reperin, Selmanaj nuk dha një përgjigje të drejtpërdrejtë.

“Ishte një propozim që ka rrjedhë nga fansat e tij, dhe e kemi nderuar”, ka thënë Selmanaj.

I pari i Deçanit nuk ka dashur të komentojë faktin nëse nderimi i një të dënuari për fyerje përbën fyerje për vet emrin dhe figurën e heroit Shkëlzen Haradinaj.

“Nuk është fyerje. Nderimi ju ka bo si këngëtarë për kontributin e tij në këngët patriotike”, ka thënë Selmanaj.

Ka shumë këngëtarë të llojit të reperit nga Presheva që kanë thurur lavde në këngët e tyre për heronj të “gjallë” dhe të “vdekur” në Dukagjin. Një nga to është edhe Linda Morina që ka këngë edhe për Ramush Haradinajn.

Selmanaj qeshi dhe nuk pranoi ta quante këngëtare Linda Morinën, e cila së paku nuk është dënuar për fyerje ndaj askujt.

“Nuk dua të komentojë atë çështje. Për këtë mirënjohje kemi pasur parasysh vetëm një motiv, angazhimin e tij si këngëtar që ka kënduar shumë këngë për heronj kombëtar sidomos për ata të rajonit të Dukagjinit” ka thënë Selmanaj.

Selmanaj tha se një arsye shtesë pse Gold AG ka marrë këtë mirënjohje është edhe fakti se ai ka mbështetur fushatën “Me Ramushin” në kohën kur ai është arrestuar për krime lufte gjatë luftës në Kosovë.

Ramush Haradinaj, vëllai i heroit Shkëlzen Haradinaj, në emër të së cilit është ndarë mirënjohja për Gold AG, gjendet ende i ndaluar në Francë, duke pritur një vendim të gjykatës franceze mbi kërkesën e Serbisë për ta ekstraduar ish-kryeministrin. /Insajderi.com

Reklamë
Reklamë

Momente teksa digjet xhamia e Drenocit në Deçan (Video)

Është djegur xhamia e fshatit Drenoc të Deçanit, të premten rreth orës 21:00.

Periskopi.com Lajme

Djegien e xhamisë e ka konfirmuar edhe zëdhënësi i Policisë për rajonin e Pejës, Xhevat Ibraj, i cili ende nuk mund të japë një version për atë se si zjarri ka kapluar xhaminë.

Banorët e fshatit kanë thënë se dyshimet e para ndërlidhen me rrymën. Po ashtu, njoftohet se në xhami ka qenë edhe një shporet me dru, i cili zakonisht ndizet të premteve. /Klan Kosova

 

Reklamë
Reklamë

Digjet një xhami në Deçan (Foto)

Një xhami është djegur në fshatin Drenoc.

Periskopi.com Lajme

Nga fotot që një lexues i ka dërguar portalit “Indeksonline”, shihet xhamia teksa digjet dhe banorët që kanë dalë për të parë se çka po ndodhë.

Fshati Drenoc gjendet në komunën e Deçanit.

16111574-1136512946461944-1155271391-n 16111241-1136513003128605-677763456-n

Reklamë
Reklamë

Prokuroria deklarohet për arrestimin e djalit të gjykatëses në Deçan (Video)

Prokuroria e Shtetit gjatë ditës së djeshme ka kuptuar për informacionet e publikuara në platformën KALLXO.com, se familjarë të përgjegjëses së Gjykatës në Deçan janë përfshirë në një kërkesë për ryshfet, me qëllim të përshpejtimit të një lënde në gjykatë, thuhet në njoftimin e Prokurorisë së Shtetit.

Periskopi.com Lajme

“Si rezultat i bashkëpunimit dhe shkëmbimit të informacioneve dhe kontakteve të marra me dëshmitarët e mundshëm të këtij rasti, është bërë e mundur që gjatë ditës së sotme, me urdhër të Prokurorisë Themelore të Pejës të arrestohet shtetasi F.T.

Gjatë ndërmarrjes së veprimeve hetimore të prokurorisë dhe Policisë, e me dyshimin për keqpërdorim të pozitës zyrtare, fillimisht është shoqëruar e më pas edhe është ndaluar edhe gjyqtarja mbikëqyrëse e Gjykatës Themelore të Pejës, dega në Deçan, S. T. dhe Prokuroria në pajtim me dispozitat ligjore të KPP-së do të kërkojë nga gjykata kompetente zbatimin e masave adekuate ndaj të dyve për sigurimin e prezencës së të dyshuarve në procedurë penale.

Prokuroria e Shtetit inkurajon qytetarët që në vazhdimësi të denoncojnë raste të korrupsionit e po ashtu shpreh gatishmërinë dhe vullnetin, që ashtu sikurse ka ndodhur disa herë deri më tani, që të bashkëpunojë me media dhe organizata të cilat kanë informacione për aktivitete kriminale në shoqërinë tonë duke siguruar zbatimin e barabartë të ligjit penal për të gjithë”, thuhet në njoftim.

Reklamë
Reklamë

Deçanasi shkel me veturë 52 vjeçarin, ikë nga vendi i ngjarjes por arrestohet

Një aksident komunikacioni ka ndodhur dje rreth orës 02:30 në magjistralen Gjakovë- Pejë në fshatin Osek Hylë, me ç’rast ka humbur jetën një person i moshës 52 vjeçar.

Periskopi.com Lajme

Lajmin e ka konfirmuar policia e Gjakovës përmes një njoftimi për media.

“Me datën 02. 12. 2016 në ora 02;30 minuta kemi pranuar një telefonatë se buzë rrugës rajonale Gjakovë – Pejë në fshatin Osek Hylë gjendet një person i shtrirë në tokë.
Patrullat policore menjëherë kanë dal në vend ngjarje dhe kanë gjetur një person të shtrirë skaj rrugës ku nga mjeku kujdestar është konstatuar si kishte vdekur. I vdekuri ishte: A. H. G lindur me 05. 03. 1964 nga komuna e Gjakovës”, thuhet në njoftim.

Në vendin e ngjarjes kanë dal të gjitha njësitë përkatëse policore, dhe menjëherë është dyshuar se kemi te bëjmë me aksident trafiku dhe viktima ishte në cilësinë e këmbësorit i cili është goditur nga një automjet udhëtaresh i cili pas goditjes kishte ikur nga vendi i ngjarjes.

“Hetuesit e trafikut rajonal të DRP Gjakovë pas një pune operativo hetimore kanë arrit që të identifikojnë dhe arrestojnë të dyshuarin: L. M. M lindur me 22, 06. 1992 mashkull – Kosovar / shqiptar nga komuna e Deçanit. Njëkohësisht është sekuestruar edhe automjeti i dyshuar tipit Ë Bora me të cilin është shkaktuar aksidenti. Me urdhër të Prokurorit të Shtetit i dyshuari mbahet në ndalim policor, ndërsa viktima është dërguar në Institutin e Mjekësisë Ligjore për autopsi”, thuhet më tej në njoftim./Telegrafi/

Reklamë
Reklamë

Shembet një urë në Deçan, si pasojë e reshjeve të shiut (Foto)

Si pasojë e reshjeve të mëdha që ndodhën dje dhe sot, ura që lidh dy fshatrat, Vranoc i Vogël i Komunës së Deҫanit dhe Vranocit të Madh të Komunës së Pejës ka filluar të shembet, transmeton ORAinfo.

Periskopi.com Lajme

Ura në fjalë është mundësia e vetme e banorëve që të kalojnë në pjesën tjetër, nëse nuk merren masa për renovimin e saj, banorët do të ngelin të ngujuar.

Banorët shprehen tejet të shqetësuar për këtë gjendje, madje edhe sot, fëmijët që ishin duke u kthyer nga shkolla, u desh ndihma e të rriturve për të kaluar urën.

Mësuesi i fshatit R.U tha se në këtë mënyrë po rrezikohet jeta e banorëve, e shqetësim tjetër është se as ai vet dhe as nxënësit nuk mund të kalojnë rrugën për të shkuar në shkollë.

Kjo urë është ndërtuar në vitin 2002 nga firma CDF.

14962944_873759966093119_1184064807_n 14962429_873759392759843_1959084659_n

Reklamë
Reklamë

Konfiskohen 83 kilogramë drogë në Deçan

Policia e Kosovës ka arrestuar tre presona të cilëve u është sekuestruar  një sasi prej 83 kilogramë  e substancave narkotike si dhe disa automjete dhe gjësende të ndryshme, të përdoruara për trafikimin e këtyre substancave, transmeton Periskopi.

Periskopi.com Lajme

Policia e Kosovës përmes një konference të jashtëzakonshme  për media ka bërë të ditur se aksioni është zhvilluar në fshatin Restavicë të Deçanit, ku të arrestuarit janë kapur në flagrancë gjatë kalimit  në substancave narkotike tek disa persona nga Shqipëria.

Bahri Shala nga Drejtoria e Trafikimit me Narkotikë  bëri të diture se ajo sasi e marijuanës ka qenë e destinuar për vendet e Evropës, ndërsa në Kosovë bëhet paketimi i saj, derisa shtoi se nën hetime janë edhe disa persona të cilët pritet të arrestohen në lidhje me këtë rast./Periskopi/

Reklamë
Reklamë