11-shja më e mirë e Premier Ligës sipas Goal.com

Periskopi.com Sporti

8 lojtarë të Manchester Cityt, një i Liverpoolit, një i Burnleyt dhe një i Manchester Unitedit përbëjnë 11-shen më të mirë në Premier Ligë deri tash – sipas Goal.com

Tabloidi i njohur Goal.com ka zgjedhur 11-shen më të mirë në Premier Ligë deri tash. Dhe, jobefasisht kjo 11-she është e mbushur me lojtarë të Manchester Cityt. Madje, mund të thuhet që befasi është mos-përfshirja e tre lojtarëve tjerë, të cilët janë nga ekipet e tjera që poashtu kanë impresionuar deri në këtë fazë.

Portjeri më i mirë në Ligë, është zgjedhur David De Gea. Portjeri spanjoll ka bërë pritje të jashtëzakonshme, pa të cilat pozita e dytë në të cilën ndodhet United aktualisht do të ishte vetëm një e pamundur. Ai në ndeshjen e fituar me Arsenalin i bëri 14 pritje, 3 nga të cilat ishin vendimtare për të mos e lënë skuadrën nga Londra që t’iu rrëmbente fitoren nga dora.

Mbrojtësi i krahut të djahtë më i mirë, është zgjedhur Kyle Walker. Lojtari i Cityt ka lënë shumë kritikë të tij gojëhapur me paraqitjet fenomanele për ekipin e Guardiolas. Kur u transferua për një shifër të pabesueshme prej 50 milionë eurosh, Gary Lineker, komentuesi më i paguar në ishull tha me ironi “Imagjinoni sa do të kushtonte Walker, sikur të dinte edhe të krosonte”. Por në fakt, ky ironizim i ish-legjendës angleze është hedhur poshtë nga reprezenzuesi i Tre Luanëve.

Mbrojtës i krahut të majtë në këtë formacion është… Fabian Delph. Mesfushori i kthyer në mbrojtës krahu, poashtu ka qenë mjaft solid deri në këtë fazë duke u kthyer në një pikë të nxehtë diskutimi mes komentuesve. Disa besojnë – transmeton Periskopi – që forma e tij e mirë është përçuar nga forma e mirë e gjithë skuadrës, ndërsa të tjerë i japin kredite atij vetë për arritjet e këtij sezoni. Megjithatë është e vështirë të besohet që Delph do të përfshihet në kombëtaren e Anglisë në atë rol.

Dyshja mbrojtëse në qendër është mjaft e çuditshme. James Tarkowski dhe Nicolas Otamendi. Lojtari i Burnleyt, që vitin e kaluar ishte zëvendësues i Michael Keane, ka qenë i pakapërcyeshëm dhe vendimtar në paraqitjet e tij për skuadrën e Sean Dyche. Tarkowski e eklipsoi edhe mbrojtësin e shumë-lëvduar Ben Mee, i cili kërkohej nga disa skuadra më të mëdha të Ligës. Otamendi bëri disa gabime, dhe në fakt nuk kishte shumë për të bërë, por sidoqoftë vlen të kreditohet për soliditetin e tij.

Mesfusha është treshe. Dhe të tre lojtarët, me plot të drejtë, janë të liderit Manchester City. Kjo skuadër ishte tmerrësisht dominuese ndaj të tjerave, dhe arriti të bëj atë që asnjë skuadër tjetër nuk e kishte bërë asnjëherë në historinë e këtij kampionati. Fitoi 16 ndeshje radhazi, shumicën e të cilave me diferencë të madhe. Meritat për këtë formë i ka mesfusha shumë kreative. Fernandinho, është vendosur si mesfushor shkatërrues ndërsa dyshja krijuese është David Silva dhe Kevin De Bruyne.

Në sulm janë tre futbollistë, por asnjëri prej tyre nuk është sulmues tipik. Bomberi i Liverpoolit, Mo Salah nuk mund të mungonte në formacion duke qenë golshënuesi më i mirë i ligës. Por, të kombinuar me të janë edhe dyshja fantastike e Cityt, Raheem Sterling dhe Leroy Sane. /Periskopi

 

Manchester City shënon përmes Silva për të barazuar (Video)

Skuadra angleze ka arritur të barazojë rezultatin në fund të pjesës së parë.

Periskopi.com Sporti

David Silva ka shënuar në kohën shtesë të pjesës së parë për të barazuar rezultatin. /Periskopi.com/

https://www.youtube.com/watch?v=QCg3OO4m-lE

Ky është futbollisti që Klopp e pëlqen shumë

Trajneri i Liverpoolit, Jurgen Klopp ka zbuluar emrin e një futbollisti, të cilin ai e pëlqen shumë.

Periskopi.com Sporti

Bëhet fjalë për mesfushorin e Manchester City, David Silva.

Gjermani e pëlqen shumë spanjollin, i cili vlerësohet si një ndër futbollsitët kryesorë të ‘qytetarëve’.

“Më pëlqen shumë David Silva”, deklaroi Klopp.

“Ai është futbollist i mrekullueshëm. Ka shumë talent dhe kreativitet. Më pëlqen shumë stili i lojës së tij”, shtoi ai. /Periskopi.com