Nuk ndalet Daut Haradinaj, flet për mediat serbe: Jam i gatshëm si në vitin 1999

Periskopi.com Lajme

Deputeti i AAK-së në Kuvendin e Kosovës, Daut Haradinaj ka deklaruar se nuk ka kërcënuar se Kosova do të mbetet pa serbë nëse vëllai i tij, ish-kryeministri i Kosovës Ramush Haradinaj do të ekstradohet nga Franca për në Serbi.

“Unë kam thënë se dikush në Serbi dëshiron që të provokojë të njëjtën situatë sikur në vitin 1999 dhe në këtë rast përgjigjja do të jetë e njëjtë. Nuk kam kërcënuar unë, kam thënë mos na provokoni, pasi koha e Millosheviqit ka kaluar”, ka thënë Daut Haradinaj për Ekspres të Beogradit.

Ai ka hedhur poshtë të ketë deklaruar se në Kosovë do të ketë spastrim etnik të serbëve, në rast të ekstradimit të Ramush Haradinajt në Serbi, duke thënë se liderët në Beograd “nuk i japin pesë para” për serbët e Kosovës.

“Ata e dinë se Tribunali i Hagës ka shpallur Ramush Haradinajn të pafajshëm. Përkundër kësaj, ata dëshirojnë të mbajnë me çdo çmim konfliktin me shqiptarët. Kam thënë se kjo nuk mund të jetë në interes të serbëve në Kosovë”, ka thënë Daut Haradinaj. I pyetur nëse do të ketë skenar të njëjtë sikur në vitin 2004, ai tha se shqiptarët nuk po përgatitin kurrfarë skenari.

Ai qasjen e Beogradit ndaj Kosovës e ka quajtur si konfliktuoze, ndërsa për serbët në Kosovë tha se gjithmonë do të mbrohen të drejtat e tyre.

Shefi i UNMIK-ut kërkon hetim ligjor për deklaratat e Daut Haradinajt

Periskopi.com Lajme

Shefi i Misionit të Kombeve të Bashkuara në Kosovë, Zahir Tanin, ka kërkuar nga autoritetet e drejtësisë në Kosovë që të bëjnë hetime lidhur me një deklaratë të Daut Haradinajt, deputet i Kuvendit të Kosovës nga Aleanca për Ardhmërinë e Kosovës.

Kërkesën e tij, Tanin e ka bërë përmes një komunikate për medie, ditën e hënë, duke thënë se “deklarata e deputetit të Kuvendit të Kosovës, përmbante gjuhë të urrejtjes dhe kërcënim për pastrim etnik”.

Në komunikatë, Tanin u ka bërë thirrje “autoriteteve gjyqësore për të kryer hetimin e nevojshëm të këtij incidenti dhe të marrë masat e duhura në përputhje me ligjin e Kosovës”.

Administrata e UNMIK-ut, nuk ka komentuar më shumë në lidhje me deklaratën e lëshuar nga shefi i këtij misioni në Kosovë, Zahir Tanin.

Zëdhënësja e UNMIK-ut në Prishtinë, Sanam Dolatshahi, në një përgjigje me shkrim, i ka thënë Radios Evropa e Lirë se gjithçka është thënë në deklaratën e shefit të UNMIK-ut.

“Siç është thënë në deklaratë, Përfaqësuesi Special i Sekretarit të Përgjithshëm ka bërë thirrje për hetime në harmoni me ligjet e Kosovës”, ka thënë Dolatshahi.

 

Kërkesa e shefit të UNMIK-ut drejtuar autoriteteve të drejtësisë, pas deklaratës që deputeti Daut Haradinaj e ka dhënë gjatë një interviste në Radio Televizonin Dukagjini, ku ka folur lidhur me mundësinë e ekstradimit në Serbi nga autoritetet franceze, të vëllait të tij, liderit të Aleancës së Ardhmërisë së Kosovës, Ramush Haradinajt.

“Në rast se gabojnë të bëjnë këso veprimesh, atëherë, ata le të bëhen gati për tema më serioze. Nëse duan Kosovën etnikisht të pastër, pa serb, le të bëjnë hajgare me Ramushin”.

Shefi i UNMIK-ut, Tanin, të mërkurën ka pasur takim me Komisionin parlamentar për Punë të Jashtme. Anëtari i këtij komisioni, Pal Lekaj, thotë për Radion Evropa e Lirë se kishte kërkuar sqarime nga zoti Tanin, lidhur me kërkesën e tij.

“Ai tha ‘nëse ka hapësirë për tu hetuar, atëherë është çështje e brendshme e juaja’. Kam kërkuar sqarim dhe kam ngritur edhe një paralele, me prononcimin e ish presidentit të Serbisë Nikoliq, kur ai pati thënë ‘unë jam i gatshëm të marrë armët dhe bashkë më djemtë të shkojë të luftojë në Kosovë, t’i luftojë shqiptarët’. Prandaj, asnjë ngritje, asnjë shqetësim nuk e ka treguar UNMIK-u dhe shefi i UNMIK-ut që është në Kosovë dhe në këtë drejtim, i kam thënë që ‘duhet të jeni të barabartë dhe të mos jeni të njëanshëm’, sepse këso deklaratash bëjnë për çdo ditë zyrtarët më të lartë të shtetit të Serbisë”.

Sipas deputetit Lekaj, deklarata e Daut Haradinajt është keqkuptuar dhe se domethënia e kësaj deklarate është që “Serbia po mundohet të bëj pastrim, me veprimet e saj ndaj zotit Haradinaj”, i cili sipas tij, “politikisht gjendet në Francë”.

Por, Bekim Blakaj nga Fondi për të Drejtën Humanitare në Kosovë, duke folur për Radion Evropa e Lirë, e ka cilësuar deklaratën e Daut Haradinajt si të pamatur dhe të papranueshme.

Por, megjithatë, sipas tij, kërkesa e shefit të UNMIK-ut për hetim të deklaratave të Haradinajt, nuk është përcjellë me ndonjë fakt për ndonjë veprim të Haradinajt që ndërlidhet me deklaratën.

“Nuk e di se a ekziston një bazë ligjore që të bëhet kjo. Mirëpo, është e qartë, së paku deri më tani, që nuk ka pasur asnjë veprim të zotit Daut Haradinaj, që kishte lënë për tu kuptuar se po bëhet diçka konkretisht për deklaratën e tij të dhënë më herët. Do të thotë, ne nuk kemi parë as edhe ndonjë veprim më të voglin. Prandaj, nuk e di nëse ka pasur të drejtë përfaqësuesi i UNMIK-ut që të kërkojë nga prokuroria që ta hetojë këtë rast”.

Blakaj ka shprehur përshtypjen se “shefi i UNMIK-ut i ka dhënë rëndësi më të madhe se sa që duhet” deklaratës së deputetit Haradinaj.

Deklarata të ngjashme, madje edhe më të rënda, sipas tij, janë në diskursin e përditshëm të politikanëve dhe drejtuesve të institucioneve në rajon, e sidomos në Serbi dhe ndaj të cilave, nuk ka pasur reagime të ngjashme sikurse ndaj deklaratës së Haradinajt.

Në anën tjetër, me gjithë kërkesën që Radio Evropa e lirë e ka bërë në Prokurorinë e Shtetit të Republikës së Kosovës, që të sqarojë nëse ka bazë për hetimin e Daut Haradinajt lidhur me deklaratën e tij, zyrtarët e prokurorisë deri më tash nuk kanë kthyer ndonjë përgjigje. (REL)

Shaip Muja nuk brengoset për ndërkombëtarët, thotë se Daut Haradinaj ka të drejtë (Video)

Periskopi.com Lajme

Deputeti Shaip Muja, ka komentuar deklaratat e deputetit të Aleancës për Ardhmërinë e Kosovës, Daut Haradinaj.

Muja në emisionin “Kontakt” në Tribuna Channel thotë se deklarata e Haradinajt po  keq interpretohet në mënyrë të tillë.

Deputeti i PDK-së, është pyetur edhe për reagimet e ndërkombëtarëve për deklaratat e deputetit të AAK-së.

“Punë e madhe që ka pasë. Ndërkombëtarët nuk mund të na tregojnë neve çdo ditë interpretimet e qejfit të tyre”, tha Muja në Konakt.

Ushtarët e Dukagjinit po e presin “aminin” e Daut Haradinajt për luftë (Foto)

Periskopi.com Lajme

Është pikërisht deputeti nga radhët e Aleancës për Ardhmërinë e Kosovës, Daut Haradinaj i cili ka nxitur shumë debate pas deklaratës së tij të fundit se nëse vëllai i tij Ramush Haradinaj ekstradohet në Serbi, lufta është e pashmangshme.

“Munden me na fut në luftë, asgjë tjetër. Unë nuk e di për të tjerët, por unë e di për vete se në rast se gabojnë dhe bëjnë kësi veprime, atëherë të bëhen gati për tema më serioze. Nëse e duan Kosovën etnikisht pa serbë, atëherë le të bëjnë hajgare”, ka thënë Haradinaj, e reagimet ishin të menjëhershme nga të parët e Serbisë.

Kurse një ish-ushtar i Ushtrisë Çlirimtare të Kosovës, Brigada e Rugovës, Adnan Hyseni përmes një fotografie të publikuar në Facebook, ka theksuar se do t’i përgjigjen kurdoherë ftesës së Daut Haradinajt.

Haradinaj i kundërpërgjigjet Vulinit, nuk i intereson për reagimin e ambasadorit amerikan

Periskopi.com Lajme

Deputeti i AAK-së, Daut Haradinaj, ka reaguar ndaj deklaratave të Ministrit të Punës së Serbisë, Aleksandar Vulin.

Vulin ka kërkuar nga bashkësia ndërkombëtare të reagojë ndaj kërcënimeve të Daut Haradinajt, për “spastrim të Kosovës nga Serbët”.

Reagimi i Haradinajt, përmes profilit të tij në Facebook, është ky:

“Vulin, sa për ty dhe për shefat tu historikë, asnjë kishë serbe nuk kish me mbet në Kosovë.

Shqiptarët që ti i quan ‘terroristë’ i kanë ruajtur e kultivuar që 500 vjet, dhe atë jo për hatrin tënd, por se kështu jemi ne shqiptarët.

Ne jemi shqiptarë, edhe myslimanë edhe katolikë edhe ortodoksë, dhe e duam njëri-tjetrin.

Ju e keni prishur veten tuaj duke e vendosur fenë para kombit. Kështu mendojnë shqiptarët.

Shqiptarët s’kanë bërë dhe s’bëjnë kurrë spastrim etnik, kemi dhënë prova se jemi njerëz të fjalës dhe këtu pajtohem me të gjithë, por ndjekja nga kriminelët në Beograd do ta marr përgjigjen e njëjtë çdo herë”.

Daut Haradinaj, mbrëmë, në një intervistë për RTV Dukagjinin, i pyetur se çfarë do të mund të ndodhte nëse i vëllai i tij Ramushi ekstradohet nga Franca për në Serbi, ka thënë: “Munden me na fut në luftë, asgjë tjetër. Unë nuk e di për të tjerët, por unë e di për vete se në rast se gabojnë dhe bëjnë kësi veprime, atëherë të bëhen gati për tema më serioze. Nëse e duan Kosovën etnikisht pa serbë, atëherë le të bëjnë hajgare”.

Mediat serbe “alarmohen” nga intervista e Daut Haradinajt

Periskopi.com Lajme

Deklarata e Daut Haradinajt dhënë për “Infobox” të RTV Dukagjini, se nëse vjen deri te ekstradimi i Ramushit mund të shpërthej lufta, ka alarmuar mediat në Serbi.

“Mund të na fusin në luftë, asgjë tjetër. Për të tjerët nuk e di, por për veten po. Nëse gabojnë dhe e bëjnë një gjë të tillë (ekstradojnë Ramushin) duhet të jenë të gatshëm për tema serioze. Nëse e duan e Kosovën pa serbë, atëherë le të bëjnë hajgare”, ka deklaruar Daut Haradinaj, transmeton Telegrafi.

Ramush Haradinaj pritet që më 27 prill të paraqitet në Gjykatën e Colmarit në Francë, ndërsa ky vendim po pritet me padurim edhe nga mediat serbe të cilët vazhdimisht po propagandojnë.

Daut Haradinaj i qon ‘selam’ Listës Serbe

Deputeti i AAK-së, Daut Haradinaj nuk duket të jetë i shqetësuar nëse kthimi i Listës Serbe është një kompromis me formimin e Asociacionit me kompetenca ekzekutive. Sipas tij çdo tentim i Listës Serbe për të bërë kompromise për Asociacionin do të jetë i pa suksesshëm.

Periskopi.com Lajme

Ndryshe, Haradinaj nuk beson të jenë bërë  kompromise të tilla e që janë në dëm të Kosovës.

“Nuk ka rrezik hiç sepse s’kanë me mujt sen me bë. Edhe po të provojnë nuk do t’i lejojë shoqëria kosovare”, u shpreh Haradinaj për KosovaPost.

Pse nuk u hoq emri Ramush Haradinajt nga lista e Interpolit?

Bota sot: Gjykata e Francës ka vendosur të japë vendimin për ish kryeministrin e Kosovës, z. Ramush Haradinajn më 6 prill, si e keni pritur këtë?

Periskopi.com Intervista

Haradinaj: Ashtu siç edhe vetë ndalimi Ramushit që për neve është i papranueshëm, po njëjtë edhe ky veprimi i fundit që e shtyn  datën e vendimit për Ramushin është i pranueshëm, për më tepër mjaft i çuditshëm, për arsyen se kështu po del se dikush po abuzon me “drejtësinë”. Kjo shtyrje mund të shihet edhe si tendencë për mënjanim politik të një lideri partie, i cili është mjaft këmbngulës kur bëhet fjalë për Kosovën dhe të drejtën e saj për të qenë e lirë dhe e fortë si shtet.

Bota sot: A ka mundësi që Serbia të tentojë të bëjë ndonjë gjë gjatë kësaj kohe?

Hardinaj: Ne besojmë në luftën tonë të drejtë dhe të pastër, këtë e ka dëshmuar Ramush Haradinaj edhe në Hagë në dy procese, dhe Serbia e dinë që ashtu sikur që e ka humbur Kosovën, do ta humbë çdo betejë në raport më luftën e UÇK-së dhe tendencat për ta njollosur atë do të jenë të dështuar.

Bota sot: Pse janë ende të vlefshme fletarrestimet që i ka lëshuar Serbia, kur dihet gjenocidi dhe krimet e bëra nga kjo e fundit?

Haradinaj: Është për t’u habitur që Serbia sillet sikur ajo të kishte qenë viktima në gjithë atë çka vetë e ka shkaktuar në krejt territorin e ish-Jugosllavisë. Edhe sot e kësaj dite vrapon nëpër botë me disa shpifje e gënjeshtra se si kinse është Serbia ajo e dëmtuara nga luftrat, që kanë sjellë vrasje, masakra, deportime e dëmë të tjera, që po themë prapë, vetë i ka shkaktuar. Fletarreste të tilla në gjithë botën do të duhej të kishte për të gjithë ata zyrtarë serb të cilët i kanë ideuar e organizuar këto marifete gjatë viteve të ’90-ta e që të njëjtit janë edhe sot në pozita udhëheqëse e ishin edhe dje bashkëpuntorë të ngushtë të Millosheviçit. Por, sot ndodh e kundërta, ka fletarreste për njerëzit e Kosovës që nuk kanë bërë asgjë tjetër përveç që e kanë materializuar të drejtën për të qenë të lirë e të pavarur. Kjo është edhe neglizhencë e institucioneve të Kosovës të cilat nuk e kanë kushtëzuar Serbinë në Bruksel, se nuk mund të ketë vazhdim të bisedimeve pa u pastruar këto lista të interpollit me emra të luftetarëve të UÇK-së. 5.

(Tekstin e plotë mund ta lexoni të shtunën dhe të dielën në publikimin e shtypur të gazetës kombëtare “Bota sot” në Kosovë dhe diasporë)

Haradinaj fton “të gjithë në protestë” (Video)

Daut Haradinaj, deputeti i Aleancës për Ardhmërinë e Kosovës dhe vëllai i Ramush Haradinaj, përmes llogarisë së tij në Facebook ka ftuar të gjithë qytetarët e Kosovës që të dalin në protestën që do të mbahet nesër, e shtunë, në Prishtinë, njofton Klan Kosova.

Periskopi.com Lajme

“Nesër të gjithë së bashku në sheshin Skënderbeu në Prishtinë.

Ora 13:00”, ka shkruar Haradinaj në Facebook duke ia bashkuar shkrimit edhe një video kushtuar Ramush Haradinajt.

 

 

Daut Haradinaj heq dorë nga pozita e deputetit

Deputeti nga radhët e Aleancës për Ardhmërinë e Kosovës, Daut Haradinaj, sapo ka deklaruar se do të kandidoj për kryetar të Deçanit.

Periskopi.com Lajme

Daut Haradinaj duke folur për zgjedhjet e parakohshme në TV Dukagjini, tha se do të ishte mirë të mbaheshin, pasi nuk është duke funksionuar shteti.

“Shteti ka nevojë për ndryshim të thellë”, tha Haradinaj.

Ai bëri me dije se AAK’ja tashmë është e gatshme të kandidojë, dhe ka zgjedhur kandidatët e saj.

“AAK’ja është e gatshme për zgjedhje, do të marrim pjesë në zgjedhje me bindjen se do të japim kontribut, prap e them tek temat e rona më së miri është të shkohet në zgjedhje”, tha deputeti Haradinaj.

Ndërsa i pyetur se a do të kandidojë në Deçan për kryetar, ai u përgjigj se po, dhe me bindjen se do të i ndihmojë. Dukagjinit, vendi i cili sipas tij ka mbetur i izoluar./gazetametro.net

Haradinaj: Qeveria të sjellë ligjin për FSK-në, të votojmë të mirën e këtij shteti!

Formimi i Ushtrisë së Kosovës po vazhdon që të jetë njëra ndër çështjet më të rëndësishme për vendin. Megjithatë, legjislativi po “zhagitë” transformimin apo ndryshimin e ligjit për FSK-në.

Periskopi.com Lajme

Kryetari i Komisionit për Mbikëqyrjen e Forcës së Sigurisë së Kosovës, njëherësh deputeti i AAK-së, Daut Haradinaj në një prononcim për “Indeksonline” ka thënë se janë duke pritur qeverinë për këtë çështje. Ndërsa, në rast se dështon, sipas tij, duhet që të shfrytëzohet plani tjetër.

“Ne presim qe Qeveria e Kosovës të përzgjedh vendimin në Kuvend, në rast se mund të bindin Listën Srpska  për ndryshimet kushtetuese  atëherë gjithçka është në rregull, nëse  jo atëherë duhet të zgjedhin versionin e planit “B”e në këtë rast duhet të ndërrohet funksioni sipas kapaciteteve të FSK-së”,ka thënë Haradinaj.

Më tej, ai ka shtuar se ligji në fjalë duhet të ndryshohet  dhe se qeveria nuk duhet që  të humbasë shumë kohë.  “Natyrisht se ligji pa ndryshu nuk ndryshon as FSK-ja as mandati. Por në rast se Qeveria e Kosovës vlerëson që nuk mundet me bind Listën Srspk-a atëherë nuk duhet të humb kohë që ta sjellë ligjin e thjeshtë”, ka thënë deputeti i AAK-së.

Daut Haradinaj: Mund të kemi vendim të papritur nga gjykata franceze

Vëllai i liderit të AAK-së Ramush Haradianj, Daut Haradianj ka thënë se është faji i udhëheqësve të shtetit se nuk janë marr me pastrimin e listave të të akuzuarve nga Serbia.

Periskopi.com Lajme

“Askush nuk ka ndërhyrë për të pastruar listën e të akuzuarve nga Serbia, dhe është normale të priten arrestime të tjera”, tha ai.

Sipas tij, gjykata e cila është në një provincë të vogël në Francë tani e ka rastin në dorë dhe mund të merr vendime të mëdha që të bien në sy të Francës, por edhe vendeve tjera.

“Duhet të kemi parasysh se diçka tjetër është Parisi zyrtarë, ndryshe është gjykata në periferi të Francës pasi e ka një rast unikal dhe mund të thotë se për këtë rast e kam fjalën unë”, tha ai në Click.

Haradinaj tregon përse po bëhet Ushtria e Kosovës

Ushtrinë nuk po e bëjmë për ta kërcënuar Serbinë dhe askënd tjetër, por është një domosdoshmëri për t’i ndihmuar edhe partnerëve tanë të NATO-s në misione paqeruajtëse, tha kryetari i Komisionit për Punë të Brendshme dhe Çështje të Sigurisë dhe Mbikëqyrje të FSK-së Daut Haradinaj, në emisionin politik “Debat”, me Ridvan Berishën në RTK.

Periskopi.com Lajme

“Kuvendi duhet nesër të nxjerrë rekomandime për t’i dhënë FSK-së atribute ushtarake, për të krijuar një ligj që i mundëson vendit t’i ketë forcat e veta edhe për mbrojtjen dhe ruajtjen e integritetit territorial të shtetit.” tha Haradinaj, për RTK.

Haradinaj theksoi se vendi nuk mund të humbë kohë më shumë sepse sipas tij tashmë Qeveria dhe Kuvendi, kanë marrë sinjale të qarta nga sekretari amerikan i Mbrojtjes dhe shefi i NATO-s.

“Ushtrinë nuk po e bëjmë për ta kërcënuar Serbinë dhe askënd tjetër, por është një domosdoshmëri për t’i ndihmuar edhe partnerëve tanë të NATO-s në misione paqeruajtëse” tha Haradinaj duke nënvizuar faktin se ushtria assesi nuk paraqet kërcënim për jetën e serbëve në Kosovë.

Deputeti nga AAK, Daut Haradinaj tha se krijimi i Ushtrisë së Kosovës është kapitulli i fundit. Ai tha se nuk ka dilema për krijimin e ushtrisë së Kosovës nga ana e deputeteve, përveç deputetëve të Listës Serbe.

“Kosova s’mund të mbahet pengë për krijimin e ushtrisë nga Lista Serbe”, tha ai duke shtuar se Forcat e Armatosura të Kosovës do të mbesin me të njëjtin emër, përveç se do të ndryshoj misioni që do të jetë forcë ushtarake. “Emri do të mbetet FSK, por do të ndërrojë misioni nga civil në ai ushtarak. Fitues do të jenë të gjithë dhe në këtë çështje nuk do të ketë humbës”, tha Haradinaj në emisionin Debat në RTK.

Ai foli edhe për ndërtimin e murit ilegal në Mitrovicë, i cili u rrëzua një ditë më parë. Haradinaj tha se Kosova duhet të funskionojë si shtet, dhe aplikojë Kushtetutën, edhe në rastin e murit.

“Nëse ka veprime të tilla të paramilitarëve serb brenda territorit të Kosovës, institucionet e sigurisë duhet të intervenojnë menjëherë. Fatkeqësisht ndikimi i Serbisë në veri është rritur dhe Serbia po i materializon serbët në atë pjesë”, tha ai.

Ndërkaq, shfaqi mendimin se dialogu Kosovë-Serbi duhet të ndërpritet. ”Duhet të kërkohet implementimi i marrëveshje dhe për çështjen e dialogut duhet të ketë unitetit brenda Kosovës”, tha ai.

Haradinaj foli edhe për çështjen e shkëmbimit të territoreve, duke thënë se nuk përkrah një ide të tillë. “Nëse dikush hynë në ndarje të territoreve, atëherë do të ketë Shqipëri natyrale. Kosova Lindore pa shkëmbim të territoreve duhet t’i bashkohet Kosovës”, tha ai.

Kryetari i komisionit parlamentar për Punë të Brendshme dhe Çështje të Sigurisë dhe Mbikëqyrje të FSK-së duke e komentuar punën e komisionit për matje të territorit tha se kjo është një nismë pa asnjë rezultat.

Ai shtoi se çështja mund të zgjidhet fare lehtë nëse Qeveria pajtohet për krijimin e një komisioni të përbashkët pozitë dhe opozitë për të rinegociuar sërish marrëveshjen me Malin e Zi.

Zgjidhjet tjera do t’i kundërshtojmë fuqishëm tha Haradinaj duke e paralajmëruar kryeministrin Mustafa të heq dorë nga ky opsion ose le ta provojë këtë version për ta hedhur në votim në Kuvendin e Kosovës.

Haradinaj beson se varianti i tanishëm i demarkacionit nuk do të votohet së pari nga deputetët e mazhorancës.”Gazi nuk ka qenë mjet i mirë nga opozita, por ka qenë mjet për ngritjen e vetdijësimit të deputetëve”, tha ai.

Duke folur për Asociacionin, ai tha se nuk duhet të ketë kompetenca ekzekutive dhe se kjo do të krijonte një mini-autonomi në veri.

Daut Haradinaj tha se zgjidha më e mirë do të ishte shkuarja në zgjedhje të reja të jashtëzakonshme. “Rruga e vetme është shkuarja në zgjedhje të reja”, tha ai në emisionin Debat në RTK. Krejt në fund, ai tha se pret që Ramush haradinaj të kthehet shumë shpejtë në Kosovë.

 Haradinaj: Krijuam ushtri për ta çliruar vendin, tani ushtri për ta mbrojtur atë

Deputetët e Kuvendit nuk duhet të jenë spektatorë dhe të shikojnë se çka po ndodhë me FSK-në, por duhet të vendosin që kjo forcë të shndërrohet në ushtri të Kosovës.

Periskopi.com Lajme

Kështu u tha në Komisionin për Punë të Brendshme, Siguri dhe Mbikëqyrjen e FSK-së, të cilët edhe njëherë kërkuan që nesër në seancën e Kuvendit të vendoset për themelimin e ushtrisë, raporton Ekonomia Online.

Deputeti i AAK-së, Duat Haradinaj tha se kanë arritur që të krijojnë ushtri për të çliruar Kosovën, ndërsa tani duhet të formojnë ushtri për ta mbrojtur atë.

Ai shtoi se minoritetet nuk kanë pse të frikësohen nga kjo ushtri, ngase edhe ata do të jenë pjesë e saj.

Haradinaj fton ministren serbe: Kosovën mund ta shohësh vetëm si turiste

Daut Haradinaj ka komentuar deklaratat e zyrtarëve serbë se do të vazhdojnë ndjekjen e Ramush Haradinajt deri sa ai të jetë gjallë.

Periskopi.com Lajme

Ramush Haradinaj u ndal në Francë dy javë më parë me urdhërarrest të Serbisë, ndërsa për këtë vëllai i tij, deputeti Daut Haradinaj, ka deklaruar se shteti duhet të jetë më i kujdesshëm dhe të largojë emrat e luftëtarëve nga lista e Interpolit.

“Ata e kanë humbur Kosovën dhe është e dhimbshme për ta. Munden me na ndjekë sa të duan, këtu munden të na gjejnë. Munden ta shohin Kosovën vetëm si mysafirë dhe turistë”, ka deklaruar Daut Haradinaj në Interaktiv.

Haradinaj: Qeveria serbe vrau fëmijët e vetë, që t’i paraqes shqiptarët si terrorist

Deputeti i AAK-së, Daut Haradinaj thotë se qeveria serbe është terroriste, duke aluduar në atë se ata vranë fëmijët e tyre, vetëm e vetëm që t’i paraqesin shqiptarët si terrorist.

Periskopi.com Lajme

Ai ka thënë se tentimi i Serbisë që t’i paraqes shqiptarët si terrorist nuk do të merret asnjëherë si i vërtet.

“Po i shoh disa media qeveritare të Serbisë duke akuzuar Shqiptaret si terroristë. A ka ma terroriste se qeveria e tyre! Ata i vranë te rinjtë serb ne Lokalin Panda ne Pejë, që me i akuzu shqiptarët si terrorist! Ata i terrorizuan bashkëvendësit e mi ne emër te krimit qe vet e bene! Po s’keni faj ata. Kujtojne se 100 rrena e bojne nje te vertete! Kosoven dhe rrugen e saj perendimore s’munden me ndal kurre dhe kete duhet ta kuptojë Serbia. Shpifjet le t’i mbaj për vete”, ka shkruar Haradinaj në Facebook.

 

Daut Haradinaj reagon për vizitën e Thaçit në Amerikë, ia përmend korrikun dhe dhjetorin e 2010-s

Deputeti i AAK-së, dhe njëherit vëllai i Ramush Hardinajt, Dauti ka reaguar ndaj vizitës së paparalajmëruar të Hashim Thaçit në Amerikë.

Periskopi.com Lajme

 

Haradinaj në një shënim në Facebook ka theksuar se Thaçi edhe më 21 korrik 2010, kur u thirrë Ramushi në rigjykim kishte shkuar në Amerikë, raporton Gazeta Blic.

Sipas Haradinajt, a mos po thotë Hashim Thaçi prapë diçka të tillë, tash kur Ramushi gjendet në paraburgim në Francë.

Daut Haradinaj ia ka kujtuar Thaçit edhe darkën e “13 Dhjetorit 2010 kur folke Dik Marti në Restorant Puro?”

Reagimi i plotë i Daut Haradinajt:

Hashim Thaçi mbërriti në Amerikë edhe me 21 Korrik 2010 kur u thirrë Ramushi në rigjykim në Hagë.

A mos po na thotë diçka prap?

Hashim mos e harro darkën e 13 Dhjetorit 2010 kur folke Dik Marti në Restorant Puro?

Çka të duash bëj, por e vërteta ëshë e vërtetë. Kosova është më e madhe se ti.

Haradinaj thotë se projektligji për veteranët është i kundërligjshëm

Daut Haradinaj, deputeti i Aleancës për Ardhmërinë e Kosovës ka thënë se projektligji që kaloi sot në Kuvend për ndryshimet në ligjin e veteranëve është i kundërligjshëm.

Periskopi.com Lajme

“Ky ligj është kontrabandë. Kuvendi e votoi gjatë ditës tre herë. Është i kundërligjshëm. Njerëzit që e kanë sponsorizuar këtë ligj vazhdojnë t’i përçajnë disa kategori të luftës”.

Këto komente Haradinaj i ka bërë në Info Magazine të Klan Kosovës, pas kohë pas në Kuvend kaloi ky projektligj.

“Këta e kanë kategorizuar ligjin në tri kategori. Kjo për mendimin tim është dëm që shkaktohet. Është gabim fatal që këta e kanë bërë. Nga kjo shoqata e veteranëve kanë rënë pre dhe janë mashtruar”.

“Nuk mund të kategorizohen ata që kanë qenë pjesë e luftës dhe kanë dashtë ta japin jetën”.

“Ky ligj është bërë që të nxirren nja 100 vetë që në 91 kanë qenë pjesë e UÇK-së. Por në 91-tën nuk ka pasur UÇK”.

 

Daut Haradinaj i përgjigjet Isa Mustafës për “gjelat”

Deputeti nga radhët e AAK-së, Daut Haradinaj ka reaguar ndaj deklaratës së kryeministrit të vendit Isa Mustafa për murin në Mitrovicë, i cili kishte thënë ae “gjelat nuk e rrënojnë murin, ata këndojnë mbi mur”.

Periskopi.com Lajme

Deputeti Haradinaj në një prononcim për Gazeta Blic, tha se Kryeministri Mustafa në vend të këtyre deklaratave duhet të veprojë sepse ai mur është i paligjshëm.

“Kryeministri Mustafa në vend të deklaratave duhet të veprojë, ai mur është i paligjshëm, qëndrimet e gjithë zyrtareve janë se ai muri nuk është pjesë e marrëveshjes si i tillë duhet edhe mu hjek.

Kryeministri e ka për obligim, ai duhet me i implementu ligjet asgjë tjetër”, tha Haradinaj. Ndërsa analisti politik Imer Mushkolaj deklaratën e Mustafës e quan gënjeshtër kur thotë se muri është vepër e strukturave paralele. “Së pari, kryeministri Isa Mustafa gënjen publikisht kur thotë se muri është vepër e strukturave paralele.

Siç dihet tashmë, muri është ndërtuar nga Komuna e Mitrovicës së Veriut, nga organet e zgjedhura në mënyrë legale në zgjedhjet e Kosovës, që financohen nga taksapaguesit kosovarë dhe funksionojnë brenda sistemit kosovar”. Sipas tij, kjo nuk është hera e parë e Musfatës që përdor një gjuhë të tillë fyese ndaj kritikëve të tij.

“ Nuk është hera e parë që Mustafa përdor një gjuhë të tillë fyese ndaj kritikëve të tij. Lopëve dhe gomarëve në diskursin e tij “akademik”, ai tash ua ka shtuar edhe gjelat. Në mungesë të argumenteve për t’u ballafaquar me realitetin, ai zgjedh të përdor gjuhë aspak të denjë për një kryeministër”.

Ndryshe, Isa Mustafa ka thënë se se muri në pjesën veriore të Mitrovicës, një vepër e ndyrë e strukturave paralele serbe dhe e Beogradit, por sipas tij “gjelat nuk e rrënojnë murin, ata këndojnë mbi mur, murin e trajton dhe e rrënon ligji”.

Daut Haradinaj përkujton Mujë Krasniqin në 18 vjetorin e rënies

Dëshmori i Kombit Mujë Krasniqi po përkujtohet sot nga të gjithë bashkëluftëtarët e tij në 18 vjetorin e rënies, por jo në ndonjë akademi të organizuar për të dhe të tjerët, por përmes rrjeteve sociale.

Periskopi.com Lajme

Një përkujtim të tillë në Facebook e ka bërë edhe Daut Haradinaj.

Ai ka shkruar një dedikim të shkurtë për Kapuçin ndërsa e ka shoqëruar me një foto ku shihen së bashku nën jorgan.

“Vitet ikin ndërsa madhështia jote sa vjen e rritet!”, ka shkruar Haradinaj në Facebook, transmeton kp.

Mujë Krasniqi-Kapuçi ka rënë më 18 dhjetor të vitit 1998 së bashku me 36 ushtarë të UÇK-së në kufirin mes Kosovës dhe Shqipërisë derisa sillnin armatim nga Shqipëria.