Dastid Pallaska kërkon vëmendje të Madhe, pretendon se Shpend Ahmeti e sheh konkurrent

Të enjten u raportuar se avokati Dastid Pallaska pritet t’i hyjë garës për kryetar të Prishtinës në zgjedhjet e ardhshme lokale qe do të mbahen vitin e ardhshëm.

Periskopi.com Lajme

Sipas Indeksonline, këtë vendim e ka marrë ditë më parë.

Por, i menjëhershëm ka qenë reagimi i Pallaskës, ndryshe që gjatë ditës mediumit të lartpërmendur nuk i është lajmëruar, raporton Periskopi

Ai i jep të drejtën vetes të vlerësoj punën e Shpend Ahmetit, thotë se shkrimi se Pallaska do kandidohet për kryetar është i porositur nga vet Ahmeti dhe vlerëson se ky i fundit ka interesim për planeti politike të Pallaskës, interesim të cilin e quan jo të shëndetshëm.

Reagimi i plotë:

Në përmbyllje të një viti të “suksesshëm” të qeverisjes në Prishtinë, sot Shpend Ahmeti paska gjetur kohë me shërby si burim anonim i një “lajmi” se unë do të garoj si kandidat i pavarur në zgjedhjet e radhës për Kryetar të Komunës së Prishtinës.

Përkundër përpjekjes për tu fshehur pas anonimitetit, autorësia e Shpendit zbulohet nga përpjekja e tij që vetën ta paraqet si viktimë në versionin e parë të po këtij artikulli ku thuhej se kandidatura ime ka për qëllim dëmtimin e tij.

E kam vështirë ta besoj që Shpendi ka ra në nivel kaq të ulët edhe pse konfirmimin se ai është porositësi i “lajmit” tanimë e kam nga burime të sigurta.

Më duhet ta pranoj se interesimi i Shpendit për planet e mija politike – për të cilin jam njoftuar edhe më parë – nuk po më duket i shëndetshëm. Po të ishte interesim miqësor, e di që do të më kontaktonte direkt sepse njihemi prej shkollës së mesme./ Periskopi

Pallaska rreshtohet politikisht, nuk ia mbushin syrin subjektet e deritanishme

Avokati dhe analisti Dastid Pallaska, thotë se qeverisja PDK- LDK bazohet mbi nevojën për të ndarë plaçkën.

Periskopi.com Lajme

“Ndarja e plaçkës është edhe parimi i vetëm për të cilin pajtohen këto dy parti, parim që e gjen tek secila organizatë kriminale”, ka thënë ai nw TV Dukagjini

Sipas tij, fakti nuk ka zhvillim ekonomik dhe asgjë pozitive, por vetëm emërim të partiakëve nëpër pozita, determinon se këto dy parti janë aty për të ndarë të mirat e pushtetit, pra “plaçkën që marrin nga ai dhe jo për ta zhvilluar shtetit”.

Si asnjëherë më parë, Pallaska ka folur në këtë intervistë për përpjekjet që të bëhet një subjekt i ri politik në vend.

Ai e ka vlerësuar Albin Kurtin si njeri të rrezikshëm për të ardhmen e vendit, derisa ka thënë se Hashim Thaçit po i duket Presidenca më e vogël se qelia e burgut.