xhensilaaaa_1469710479-7364179

Xhensila Myrtezaj tregon detaje për dasmën: Sot provova fustanin e bardhë

Këngëtarja, Xhensila Myrtezaj ishte e ftuar sot në studion e Rudina Magjistarit.

Periskopi.com Limonada

Artistja fillimisht deklaroi se kjo periudhë nuk është kulmi i saj i karrierës, pasi ajo mendon se ka dhe shumë më tepër për të arritur, ndonëse ne e shohim si në kohën e saj më të mirë në tregun muzikor.

Më pas biseda u fokusua tek kënga e re në bashkëpunim me Kidën “Uh Baby”.

Sigurisht që u fol edhe për historinë e dashurisë së Xhensilës me aktorin e “Portokalli” Bes Kallakun.

Të dashuruar e të fejuar prej disa vitesh, këngëtarja tregoi se Besi është mbështetja dhe shtysa më e madhe: “Është një shtysë dhe krah i fortë ku mbahem. Unë jam frikacake dhe pas çdo projekti jam e frikësuar për rezultatin. Besi është ai më jep forcë të brendshme”. Xhensila tregoi për fillimet e lidhjes me aktorin e gjithashtu planet që kanë bërë të dy për të ardhmen.

“Ne bëjmë bashkë 7 vite. Me të jam lidhur 16 vjeçe. Ai është njeri me zemër të madhe dhe më ka dashur me shumë pastërti. Na pëlqen shumë të udhëtojmë. Sapo mbarojmë angazhimet planifikojmë dhe ikim diku të dy e çmallemi.

Duke qenë se Besi është i angazhuar këtu, unë mundohem sa mbaroj koncertin të pres biletën e të fluturoj për tek Besi” tregoi këngëtarja. Pas kësaj ajo konfirmoi planet për martesë, por pa e thënë datën duke sqaruar se është supersticioze: “Vitin që vjen do të martohemi. Uroj të jetë dasmë intime por do të jetë e pamundur. Jam ende shumë e qetë dhe s’më kanë kapur emocionet që kapin nusen. Uroj të na shkojë çdo gjë siç e kam ëndërruar. Sot provova për herë të parë fustanin e bardhë. U emocionova shumë! Unë dua që në të ardhmen të kem një familje të madhe. I dua shumë fëmijët, akoma më shumë kohët e fundit. Por jam e fokusuar drejt karrierës dhe një fëmijë nuk është në planet e afërta”.

Magjistari e ka pyetur Xhensilën lidhur me fizikun e saj të shkëlqyer dhe pamjen e bukur që shfaq gjithnjë. Madje ajo ka dhënë dhe disa këshilla bukurie për vajzat. “Make-up-in eliminojeni në përditshmëri. Unë nuk përdor kurrë make-up. I bën mirë lëkurës dhe është shumë higjienike. Gjithashtu jam shume dhënë pas sportit. Sidomos përpara projekteve punoj më fort. Bëj rregullisht vrap dhe palestër, pa shkëputje të paktën 2 vitet e fundit. Ndërsa sa i takon ushqimit, më shijon shumë dhe nuk ia kam kufizuar vetes”, ka thënë Xhensila./Albeu.com/

Besnik Mustafa

Isa Mustafa ia thotë valles…marton baba djalin e vet (Video)

Kryeministri i Kosovës, Isa Mustafa sonte po e marton djalin e tij Besnikun.

Periskopi.com Limonada

Klan Kosova ka siguruar një video në të cilën Mustafa shihet duke vallëzuar në rreth me djalin dhe nusen.

Imer Mushkolaj

Mushkolaj tallet keq me Hashim Thaçin

Opinionisti Imer Mushkolaj është tallur me presidentin Hashim Thaçi pas njoftimit të këtij të fundit në rrjetin social se ishte te Isa Mustafa t'i uronte për martesën e të birit.

Periskopi.com Lajme

Mushkolaj thotë se Thaçi si ka mbetur që tjetër ngase burrështetasit e botës e kanë bojkotuar dhe izoluar qysh moti.

“I bojkotum e i izolum prej burrështetasve të botës, Hashim Thaçit nuk i ka mbetë tjetër veç me bo nuse përhajër. #prontopresident”, ka shkruar ai.

E gjatë ditës Thaqi, ka shkruar : “Sot isha në vizitë tek familja e kryeministrit Mustafa. Pata kënaqësinë ta përgëzoj për martesën e të birit. Çiftit i urova jetë të lumtur bashkëshortore. HTH”./ Periskopi