Presidenti i Kosovës reagon vetëm kur sulmohen anëtarët e PDK-së

Periskopi.com Lajme

Presidenti i Kosovës, Hashim Thaçi ka reaguar për sulmin ndaj anëtares më të re të PDK-së, Arbana Xharra.

Ai thotë se sulmuesit duhet të sillen para drejtësisë dhe se, sipas tij, me këtë sulm janë cenuar edhe parimet dhe vlerat demokratike mbi të cilat po ndërtohet shteti ynë.

Por, Thaçi që është president, nuk reagoi edhe kur u sulmua Dardan Molliqaj, që është anëtarë i një partie tjetër. AI u sulmua dy muaj më parë, e së fundmi mori sërihs kërcënime.

Reagimi i Thaqit:

Jam thellësisht i tronditur dhe i shqetësuar me sulmin kundër Arbana Xharrës. Është krejtësisht i papranueshëm dhe i dënueshëm përdorimi i dhunës dhe asgjë nuk e arsyeton atë.

Si shoqëri nuk bën të lejojmë që dhuna të bëhet mjet i shprehjes së pakënaqësisë sonë.

Me këtë sulm të ulët nuk janë cenuar vetëm Arbana dhe familja e saj, por edhe parimet dhe vlerat demokratike mbi të cilat po e ndërtojmë shoqërinë tonë.

Organet e rendit duhet ta zbardhin në tërësi rastin dhe t’i sjellin sulmuesit para drejtësisë. HTH

Dardan Molliqaj kërcënohet me jetë, merr mesazhe tepër të rënda

Periskopi.com Lajme

Lëvizja Vetëvendosje ka mbajtur konferencë të jashtëzakonshme ngase sekretari i kësaj partie, Dardan Molliqaj është kërcënuar me jetë, sërish.

Kjo parti bënë të ditur se ai u kërcënua mbrëmë, e shtunë, 6 maj, sërish nga profili i njëjtë. Ata i kanë treguar se po e përcjellin gjatë gjithë kohës prej sulmit e tutje, i cili i ndodhi më 21 mars të këtij viti.

Fjalë ofenduese dhe sharje ka në mesazhin e fundit, e ku edhe i tregojnë që po e përcjellin dhe ja tregojnë orën se ku ka qenë në dy ditët e fundit.

E gjithashtu kërcënim të dytë ka marrë edhe nga vëllai i drejtorit të operacioneve në Polici, Xhavit Qalaj, që është Rashit Qalaj.

“Ndëgjo mirë, për shpifjet ndaj babait tim se gjoja bashkëpunëtor i SPS nëse nuk kërkon falje publike kam me të faru me shka të ki të gjallë, e sa për vllaun Rashit Qalaj nëse ki dëshmi dil me to paditë rregullone sipas Ligjit e me mu ki punë, beso ki me i ra pishom që je gjallë”, shkruhet në mesazhin që e kanë publikuar Vetëvendosje.

“Vetëm dije mirë se më ke shumë borxh, ku sipas kanuni e di shkak të pret, të betohem , nëse nuk kërkon falje do e pësosh keq”, vazhdon mesazhi kërcënues.

Albulena Haxhiu nga kjo parti e cila ka paraqitur këto mesazhe kërcënuese tha se neglizhenca e policisë i ka inkurajuar sulmuesit.

Shefi i grupit parlamentar të Vetëvendosjes, Glauk Konjufca ka thënë se Policia dhe gjyqësia në Kosovë nuk bëjnë detyrat e tyre.

Sipas tij, këto dy institucione po shfrytëzohen për t’i luftuar kundërshtarët politik, persekutuar kundërshtarët politik e mbi të gjitha Lëvizjen Vetëvendosje.

Konjufca thotë se policia po e neglizhon këto kërcënime. Kjo sipas tij, i len të besojnë se krejtësisht mund të jetë e organizuar nga segmentet e Policisë.

“Shpjegimet tona për kapjen e shtetit, paraqitja e jonë e skemave të krimit të organizuar në Kosovë, i shqetëson ata dhe kundërgodasin vetëvendosjes me shantazhe e shumëçka”, tha ai.

Konjufca tha se shantazhet po shtohet kohëve të fundit./ Periskopi

Molliqaj thotë se SHIK-u po e zhvat buxhetin e shtetit, tregon se kush është Pleurat Halili

Periskopi.com Lajme

Sekretari i Vetëvendosjes Dardan Molliqaj, thotë se tash e një kohë të gjatë, SHIK-u me në krye Kadri Veselin, përmes njerëzve të tij që përshkojnë skenën politike dhe bizneset e ndryshme, ka zhvatur miliona euro të buxhetit të shtetit, nëpërmjet tenderave e projekteve që kanë favorizuar kompanitë e krijuara nga vetë njerëzit e SHIK, të cilat kompani më pastaj financojnë PDK-në dhe aktivitetet e SHIK-ut.

Ai përmend Pleurat Halilin, që e quan një nga njerëzit e afërt të Kadri Veselit, në vitin 2012 ka themeluar kompaninë “Novus”, dhe vetëm 4 muaj pas themelimit të saj ka filluar të marrë tendera nga Ministria e Administrimit të Pushtetit Lokal.

Tregon për shumë tendera që ai a fituar.

Shkrimi i plotë:

Po ky person, është pronar i portalit Lajmi.net – portal ky që propagandon hapur në shërbim të PDK-së dhe veçanërisht Kadri Veselit. Po ky person, ka themeluar kompaninë “Flegra” e cila shfrytëzohet për të maskuar pronësinë e tij mbi kompanitë e tjera.

Kompania “Novus Consulting”, vazhdimisht kishte fituar tendera edhe nga Ministria e Kulturës, Rinisë dhe Sportit, gjatë kohës kur ministër ishte Memli Krasniqi – po ashtu mik shumë i afërt i Pleurat Halilit. Tendera dhe projekte “Novus Consulting” kishte fituar edhe nga Ministria e Bujqësisë, prej kohës së Blerand Stavilecit – që po ashtu është mik shumë i afrët i Pleurat Halilit – e deri në kohën e Memli Krasniqit.

Në prill të vitit 2014, “Novus Consulting” ka fituar projektin për Asistencë në Fuqizimin e Shërbimeve Këshilluese në Ministrinë e Bujqësisë, dhe për Përmirësimin e Kualitetit të Shërbimeve Teknike të Ofruara nga Laboratoret e Ministrisë së Bujqësisë, projekt që ka vlerë totale 1,195,500 euro.

Në anën tjetër, Abelard Tahiri, anëtar i Kryesisë së PDK-së dhe këshillëtar i Hashim Thaçit, konsiderohet të jetë bashkëpronar në kompaninë “Novus Consulting”. Ai, përmes Sekretarit Permanent të Ministrisë së Administratës Publike, Arton Berishës, i kishte dhënë kompanisë “Novus” së paku 5 projekte nga po kjo ministri. Kohët e fundit, kompania “Novus Consulting” ka fituar edhe një tender nga Ministria e Administratës Publike, të titulluar “Mbështetje për Zbatimin e Reformës së Administratës Publike”, në vlerë prej 1,048,800 euro.

Pleurat Halili po ashtu ka marrë projektin “MANA” nga kompania publike “VALA”, e cila po ashtu drejtohet nga Agron Mustafa që është njeri shumë i afërt i Kadri Veselit. Projekti “MANA” i ka kushtuar VALA-s mbi 100,000 euro ndërsa ka përfitime marramendëse të cilat i shkojnë kompanisë së Pleurat Halilit.

Kjo zhvatje e pasurisë publike nga pjesëtarët e SHIK-ut do të ndërprehet shumë shpejt dhe me fitoren e Lëvizjes VETËVENDOSJE! të gjithë këta zhvatës do të japin përgjegjësi para drejtësisë kurse pasuria e tyre e vjedhur, do të konfiskohet.

Vëllai i drejtorit të operacioneve në Polici, Rashit Qalajt, kërcënon Dardan Molliqajn

Periskopi.com Lajme

Xhavit Qalaj që është vëllai i Rashit Qalajt ka kërcënuar sekretarin e Vetëvendosjes, Dardan Molliqajn.

Në fotografinë e postuar nga Molliqaj ku ai thotë se po prezanton skemën e krimit të organizuar të Policisë së Kosovës, Qalaj ka reaguar e edhe kërcënuar

“Kjo është skema e krimit të organizuar brenda Policisë së Kosovës, e cila ka bërë që Kosova të shndërrohet në parajsë të krimit të organizuar dhe në vend tranzit të trafikimit”, ka shkruar Molliqaj.

Lexoni kërcënimet e Qalajt.

Molliqaj-Policisë: Keni reagim tipik të SHIK-ut

Periskopi.com Lajme

Sekretari i Vetëvendosjes, Dardan Molliqaj ka reaguar sërish pas një komunikate të Policisë së Kosovës.

Ai akuzoi Policisë gjatë ditës duke publikuar një skemë që sipas tij, pasqyrohet ”krimi i organizuar brenda Policisë së Kosovës”. Policia reagoi, i quajti të pavërteta, e Molliqaj sërish ua ktheu. I ripërsërit pyetjet që kishte që në fillim dhe thotë se reagimi i Policisë është tipik i SHIK-ut, raporton Periskopi

Policia reagon për akuzat e Dardan Molliqajt

Policia e Kosovës paska reaguar ndaj fakteve që i paraqita, duke më akuzuar se deklaratat e mija i shkojnë për shtati armiqëve të shtetit. Reagim tipik i SHIK-ut. Kushdo që i kritikon, e akuzojnë për armik të shtetit.

Në anën tjetër, Policia nuk ka demantuar konkretisht asnjë nga faktet që i kam paraqitur për kapjen dhe zhytjen në krim të strukturave të saj udhëheqëse.

Unë do t’i përsëris pyetjet publike për Policinë e Kosovës:

  1. A është e vërtetë që Departamenti i Operacioneve udhëhiqet nga Rashit Qalaj, i cili është shok i Elmi Reçicës, ka banesë në “BENI DONA” kompani që vazhdimisht merr tendera nga Policia, dhe që babai i tij ka qenë pjesë e SPS-it të Millosheviqit?
  2. A është e vërtetë që Drejtoria e Krimeve Ekonomike udhëhiqet nga Emin Beqiri, për të cilin Nazim Bllaca ka deklaruar që është zyrtar i SHIK-ut?
  3. A është e vërtetë që njëri nga udhëheqësit e Njësitit Anti-terror është Luan Keka, i cili është shok i Zenun Pajazitit dhe bashkëshortja e të cilit ka qenë kandidate për deputete e PDK-së?
  4. A është e vërtetë që Shpend Maxhuni nuk e ka kaluar verifikimin e sigurisë pikërisht ngase dhëndrri i tij është i dyshuari kryesor për vjedhjen e dhomës së dëshmive?
  5. A është e vërtetë që Drejtori i Administratës në Polici, Kadri Arifi, në kohën e vjedhjes së dhomës së dëshmive ka qenë personi përgjegjës për sigurinë e asaj dhome? Po i njëjti ka deklaruar vetë që ka qenë pjesë e UDB-së, dhe po ashtu ka dhënë disa herë deklarata publike në mbrojtje të SHIK-ut.
  6. Nëse Policia insiston që përgjimet janë bërë në përputhje me ligjin atëherë pse nuk bëhet transparente dhe t’i publikojë kontratat me VALA-n dhe IPKO-n për përgjime?

Në vend që të më akuzojë mua në stilin e SHIK-ut, Policia duhet t’i përgjigjet publikut rreth këtyre fakteve. Nëse nuk përgjigjet, kjo vetëm sa i konfirmon pretendimet tona për kapjen dhe kriminalizimin e këtij institucioni.

Policia reagon për akuzat e Dardan Molliqajt

Periskopi.com Lajme

Sekretari organizativ i Lëvizjes Vetëvendosje, Dardan Molliqaj ka publikuar një skemë sipas së cilës pasqyrohet ”krimi i organizuar brenda Policisë së Kosovës”.

Për këtë, Policia e Kosovës kanë dërguar një reagim, thonë se këto nuk janë aspak të vërteta.

Reagimi i Policisë:

Informim i opinionit lidhur me deklarimet e pavërteta të z.Dardan Molliqaj

Policia e Kosovës me qëllim, informimin e drejt të opinionit publik lidhur me deklarimet e z.Molliqaj në konferencën e mbajtur sot me (13.04.2017), ku ndër të tjera deklaron dhe publikon shkrimet se “Policia udhëhiqet nga strukturat kriminale të PDK-së”, dhe “Për vite përgjimet nga Policia e Kosovës janë bërë jashtëligjshëm”, reagon fuqishëm ndaj kësaj deklarate të pavërtetë dhe sqaron me sa vijon:

Policia e Kosovës është institucion i zbatimit të ligjit dhe në mandatin e sajë ligjor ka për mision Ruajtjen e Rendit dhe Sigurisë Publike, Sigurinë e Përgjithshme në vend, si dhe funksionon në kuadër të kompetencave kushtetuese dhe ligjore.

Struktura udhëheqëse e Policisë së Kosovës mundëson menaxhim profesional sipas metodave të njohura menaxhuese për të gjitha çështjet organizative, operacionale dhe hetimore brenda PK-se.

Sa i përket dyshimeve dhe deklarimeve të pavërteta të z.Molliqaj, i cili përpiqet të paraqes Policinë e Kosovës si institucion jo profesional, dëshirojmë edhe një herë të ri-theksojmë se Policia e Kosovës është institucion profesional, e pa lëkundur në përmbushjen e misionit, vizionit dhe objektivave të saja, dhe e pa ndikuar nga çfarëdo ndikimi apo pretendimi nga jashtë, duke përfshire edhe pretendimet e pavërteta dhe tendencioze të z.Molliqaj.

Tendenca për të paraqitur PK-në, si institucion i ndikuar nga faktorë të jashtëm e në veçanti duke u përpjekur të linçojë stafin menaxherial të PK-së, nuk kuptohet ndryshe veç se njollosje, dhe etiketim i vlerave që përfaqësojnë personelin policor, të cilët  sakrifikojnë ditë dhe natë për sigurinë e qytetarëve të Kosovës.

Referuar edhe deklarimeve rreth realizimit të përgjimeve, sigurojmë opinionin e gjerë  se përgjimi i telekomunikimeve realizohet në pajtim me legjislacionin në fuqi, të  Kodit të Procedurës Penale të Kosovës, dhe Ligjit për Përgjimin e Komunikimeve Elektronike Nr. 5/L-030, si dhe gjithë herë bazuar në urdhër të ligjshëm të Gjykatës kompetente.

Policia e Kosovës vlerëson se është shume indikativë deklarata e z.Molliqaj, për faktin se  në të gjitha rrethanat kur ne jemi të fokusuar njëqind përqind në çështjet jetike dhe madhore për sigurinë dhe interesin kombëtar të Kosovës, personi i njëjtë shfaqet me deklarime tendencioze duke u munduar të krijoj huti në opinionin publik, dhe kjo qasje i shkon në dobi vetëm armiqve të shtetit të Kosovës e jo qytetarëve të saj.

Angazhimi dhe përkushtimi i PK-së do të vazhdoj të jetë besimi i qytetarëve për policinë, dhe në asnjë rrethanë pretendimet si këto të z. Molliqaj, nuk do të zbehin imazhin dhe përkushtimin shumë të madh të PK-së për ti shërbyer vendit.

Policia e Kosovës mbetet e përkushtuar në realizimin e të gjitha detyrave dhe obligimeve të saja ligjore dhe kushtetuese.

Prandaj konsiderojmë se opinioni publik duhet të informohet drejt dhe korrekt, dhe në asnjë rast të vetëm nuk duhet dezinformuar si në rastin konkret nga z.Molliqaj.

 

Molliqaj: Jap dorëheqje nëse del ndonjë lidhje mes VV-së dhe Devollëve

Sekretari organizativ në Lëvizjen Vetëvendosje, Dardan Molliqaj ka komentuar deklaratat e të parit të Prishtinës, Shpend Ahmeti, i cili sonte tregoj detaje mbi qëndrimin në jaht në Budvë të Maqedonisë e ku tregoi se u ftua nga drejtori i birrarisë Peja dhe më pas aty ka ardhur edhe shefi i korporatës Devolli, Blerim Devolli.

Periskopi.com Lajme

Molliqaj ka folur në emisionin “Click” në TV 21, duke thënë se nuk ka asgjë të keqe me qëndrimin e Ahmetit në jaht me kompaninë e përfolur për afërsi me partitë politike në pushtet.

Molliqaj ka thënë se Devollët kanë zhvatur Kosovën dhe këtë ia kanë mundësuar partitë në pushtet, PDK dhe LDK, por këtë gjë sipas tij nuk do të mund ta bëjnë me Vetëvendosjen.

“Sa i përket VV-së ata nuk kanë shans me kap VV-në e as Ahmetin. Nuk bëhet fjalë”, ka thënë Molliqaj.

Madje Molliqaj ka dalë vullnetar që të bartë vet ai pasojat nëse kjo gjë ndodhë atëherë ai do të jap dorëheqje nga Vetëvendosje.

“Garantoj qind për qind se japë dorëheqje nëse në një moment  del çfarëdo lidhje e VV-së me Devollët”, ka thënë Molliqaj.

Ai ka lënë të nënkuptohet se Vetëvendosje nuk do ta thirr në përgjegjësi Ahmetin ashtu sikurse ka deklaruar para disa dite, shefi i grupit parlamentar të VV-së Glauk Konjufca.

Vetëvendosje me video pretendon se sulmi ndaj Molliqajt e Kabashit ishte i planifikuar

Lëvizja Vetëvendosje ka publikuar në profilin e saj një video, me të cilën kjo parti pretendon se vërtetohet se sulmi ndaj Sekretarit Organizativ Dardan Molliqaj dhe aktivistit Agron Kabashi ishte i planifikuar.

Periskopi.com Lajme

Më poshtë mund ta ndiqni videon me komentet e Vetëvendosjes:

Dardan Molliqaj: Nuk e mbështesim Thaçin, por Ushtrinë e Kosovës

Sekretari organizativ i Vetëvendosjes ka thënë se nuk e mbështesin Presidentin Hashim Thaçi, por e mbështesim faktin se Kosova duhet të ketë Ushtri.

Periskopi.com Lajme

“Ne jemi të vetëdijshëm që për t’i bërë ndryshimet kushtetuese për transformimin e Ushtrisë duhet një shumicë e dyfishtë – këtë e kemi dhuratë nga Thaçi në dialogun e Vjenës pastaj edhe në dialogun tjetër”.

“Si rezultat i kësaj Kosova gjendet para një situate ku mund ta ndërroj mandatin e Forcave të Sigurisë – prej një force që kryesisht merret me menaxhimin e krizave në një forcë e cila mbron sovranitetin dhe integritetin territorial të Kosovës”.

“E vetmja mënyrë për të ndodh kështu tash për tash është përmes Ligjit, pavarësisht kush e propozon”.

“Ne nuk mund të pozicionomi pro ose kundër në diçka në të cilën ne besojmë”.

Këto komente Molliqaj i ka bërë në Zonën e Debatit të Klan Kosovës derisa ka debatuar me analistët.

“Ne kemi besuar prej 2005 që Kosova duhet ta ketë Ushtrinë. Ne kemi besuar edhe në 2007, ne besojmë se gjithmonë duhet të kemi Ushtri”.

“A po e bën Thaçi këtë për manovra politike ose jo këtë do ta kuptojmë më vonë”.

“Thaçin nuk do ta mbështesim asnjëherë për shkak të historikut të tij”.

“Ne nuk mund të dalim kundër Ushtrisë së Kosovës vetëm pse aktualisht kemi një President të papërgjegjshëm”.

Molliqaj thotë se Hashim Thaçi nuk është anti-amerikan, e quan kriminel

Sekretari i Lëvizjes Vetëvendosje, Dardan Molliqaj ka drejtuar akuza shumë të rënda ndaj presidentit të vendit, Hashim Thaçi.

Periskopi.com Lajme

Në emisionin “Info Magazinë”, Molliqaj duke e komentuar qëndrimet e SHBA-ve dhe të NATO-s, kundër iniciativës së Hashim Thaçit, ai tha se presidenti i vendit, është një kriminel.

“Hashim Thaçi nuk është ani amerikan, është kriminel”, tha ai.

Dardan Molliqaj ka dy fjalë për AAK-në, thotë se po përafrohet me PDK-në

Sekretari Organizativ i Vetëvendosje, Dardan Molliqaj ka thënë se rezoluta e miratuar në Kuvendin e Kosovës për lirimin e Ramush Haradinajt, është votuar sa për sy e faqe.

Periskopi.com Lajme

Molliqaj ka thënë se AAK kohëve të fundit është shndërruar në satelit të PDK-së.

“Është rezolutë sa për sy e faqe, por më shqetëson që kohëve të fundit kemi përafrim të PDK-së dhe AAK-së, më shumë kanë votuar njëjtë, se sa PDK- LDK”, ka thënë Molliqaj në Info Magazine.

“Rezoluta ka pësuar transformime që mendojmë se kanë qenë jo mjaftueshëm të drejta, mirëpo megjithatë sponzorisuezi ka qenë AAK”, ka shtuar Molliqaj.

Ai ka pohuar se kjo rezolutë është  votuar sot e jo më herët sepse nuk ka funksion.

“Është votuar deri në lirimin e Haradinajt e jo heqjen e fletë-arresteve dhe në këtë kohë nuk ka dialog”, ka theksuar Molliqaj.

“Nëse shohim komunikimet publike PDK – AAK, votimet, është gjithçka e qartë, mendoj se është gabim por është vendim i tyre”, ka pohuar ai.

“Edhe rezolutën e zbutën shumë, ne e mbështetëm sepse jemi për lirimin e Haradinajt dhe ndërprerjen e dialogut por besuam se do të ishte një rezolutë më e fuqishme. Ne kemi kërkuar që të mos ketë ndryshime por megjithatë e kemi mbështetë”, ka përfunduar Molliqaj.

Dardan Molliqaj sulmon Hashim Thaçin

Sekretari organizativ i Lëvizjes Vetëvendosje ka dy fjalë për Hashim Thaçin.

Periskopi.com Lajme

Ai thotë se Thaçi nuk mundet me ndiku në asnjë aspekt as në Maqedoni as Serbi e aq më pak në BE, kur dihet, sipas tij, se Thaçi tërë karrierën e tij e ka ndërtuar mbi kompromise në kurrizin e vendit të tij.

SHkrimi i tij i plotë:

A ua merr mendja që mundet me e ndiku Maqedoninë, Serbinë a BE-në, kur jep “kërcënime” një person si Hashim Thaçi, i cili tërë karrierën e vet politike e ka të ndërtuar mbi kompromise në kurriz të vendit të tij?!

Hashim Thaçi që po na e sjellë Zajednicën e Demarkacionin, nuk ka të drejtë të flasë për gjendjen e shqiptarëve në Maqedoni e as për arrestimin e padrejtë të Ramush Haradinajt.

Ky njeri që e ka braktisur idealin kombëtar, për të përfituar personalisht, është një prej shkaktarëve kryesorë të gjendjes së rëndë të shqiptarëve. Ky i “mbron” shqiptarët dhe e “kërcënon” BE-në vetëm kur ndihet i rrezikuar për vete. Dhe në fund, ky e shet prapë interesin kombëtar, vetëm për të shpëtuar veten.

Duhet të bjerë Hashim Thaçi, që shqiptarët të fillojnë zgjimin e tyre.

Dardan Molliqaj ka një porosi për gjyqtarin Beqir Kalludra

Sekretari organizativ i Vetëvendosjes, Dardan Molliqaj ia bënë më dije prokurori Beqir Kalludres që do të mbahet mend gjithmonë për persekutimin që po ua bëjnë aktivistëve.

Periskopi.com Lajme

Molliqaj thotë se kriminelët që janë të vendosur në sistemin e drejtësisë do të përfundojnë në burg, herët ose vonë.

Shkrimi i tij i plotë:

 “Çështja e ratifikimit të demarkacionit në Kuvend, është ende në procedurë…” – ky është arsyetimi i gjykatës për vazhdim të paraburgimit ndaj aktivistëve. Pra shiheni se si edhe vetë gjykata e pranon që ky rast është kryekëput politik.

Gjyqtari Beqir Kalludra, prokurori Aburrahim Islami dhe shefat e tyre të klanit “Pronto”, bëjnë mirë ta kuptojnë që aktivistët tanë nuk janë objekte represioni me të cilat klani “Pronto” mund të veprojë si të dojë.

Dhuna sistematike ndaj VETËVENDOSJE!-s është bërë e padurueshme dhe nuk do të durohet. Abdurrahim Islami, Beqir Kalludra, dhe të gjithë të tjerët të përfshirë në këtë rast, do të mbahen në mend përherë për persekutimin që po ua bëjnë aktivistëve. Kriminelët që janë vendosur në sistemin e drejtësisë do të përfundojnë në burg, herët ose vonë!

Molliqaj: Mustafa ia fali vrasjet Kadri Veselit dhe SHIK-ut

Sekretari organizativ i Lëvizjes Vetëvendosje, Dardan Molliqaj ka thënë se kryeministri i vendit, Isa Mustafa, qe dikur akuzonte  Kadri Veselin dhe SHIK-un për vrasjet e anëtarëve të LDK-së, ndërsa mbrëmë ua ka fali këtë.

Periskopi.com Lajme

“Të gjitha akuzat që me vite anëtarët e LDK-së i kishin bërë në lidhje me vrasjet e veprimtarëve të këtij subjekti, Isa Mustafa mbrëmë i quajti “akuza politike”. Kur u pyet për vrasjet e pas luftës, përgjigjja ishte “koalicioni po funksionon për mrekulli”. Pra krejt vrasjet, për të cilat e akuzonte Kadri Veselin dhe SHIK-un, ua fali mbrëmë në Rubikon”, ka  thënë Molliqaj.

Ai, ka shtuar se Mustafa ka ulur kokën para SHIK-ut, që  dikur, sipas tij me kuzant kundër këtij institucioni e fitoi LDK-në.

“Isa Mustafa që e mori LDK-në duke e akuzuar SHIK-un, sot ka ulur kokën turpshëm para këtij organizimi kriminal. Sot e zgjodhi në krye të AKI-së një zyrtar të PDK-së, pra prap i kreu favor të rëndësishëm SHIK-ut.Derisa ai po rehatohet çdo ditë e më shumë në krahët e Kadri Veselit, familjarët e veprimtarëve të vrarë të LDK-së presin drejtësi për humbjet e tyre. Por është e qartë që drejtësi nuk mund të ketë me këtë pushtet. Drejtësi do të ketë vetëm në një qeverisje tjetër, me VETËVENDOSJE!-n në krye”, ka shkruar Molliqaj. /Periskopi/

Molliqaj publikon hapësirat e uzurpuara nga prokurori Islami

Sekretari organizativ i Lëvizjes Vetëvendosje, Dardan Molliqaj  ka akuzuar prokurorin Abdurraham Islamin për uzurpim të hapësirës publike.

Periskopi.com Lajme

Akuzën ndaj prokurorit Islami, i cili është prokuror i rastit  ndaj aktivistëve të VV-së, Molliqaj e ka përcjell me një fotografi ilustruese në Facebook,  të pronës së uzupruar.

Postimi i plotë i Molliqajt:

Fotoja më poshtë dëshmon që prokurori Abdurrahim Islami i cili po i përndjekë aktivistët tanë në rastin e montuar për terrorizëm, është vetë shkelës i ligjit dhe uzurpues i hapësirës publike.

I njëjti prokuror e ka mbajtur për 5 muaj në burg aktivistin Trim Gashi nën akuzën për atentat ndaj Kryeministrit. Pas 5 muajsh burg është dëshmuar pafajësia e Trimit.

Kur ne flasim për kapjen e sistemit të drejtësisë, ky është një prej shembujve. Sistemi aktual i drejtësisë i ka mbledhur shkelësit e ligjit, uzurpuesit e pronave, kriminelët e tregtisë me toka, etj. dhe i ka bërë prokurorë e gjykatës. Kështu, i ka nën kontroll dhe i përdorë për të përndjekur këdo që i zë rrugën klanit Pronto.

E neve na thonë që duhet t’i besojmë sistemit aktualt të drejtësisë!

P.S. Presim nga prokurori Abdurrahim Islami që të dalë me një shpjegim publik ku i pranon ose e argumenton të kundërtën rreth këtyre informatave që na janë dërguar nga një qytetar i Ferizajt.

Molliqaj-Mustafës: Keqpërdoruesit si ti nuk do të shpëtojnë nga drejtësia

Sekretari organizativ i lëvizjes Vetëvendosje, Dardan Molliqaj i është kundërpërgjigjur kryeministrit Isa Mustafa në lidhje me pasqyrimin e financave të subjekteve politike.

Periskopi.com Lajme

Molliqaj ia ka përmendur 3 për qindëshin Mustafës, pastaj 70 dosjet që i ka Mustafa në prokurori e gjykata, tenderët që djemtë e tij i marrin nga Qeveria e shumë të tjera, dhe i thotë se keqpërdoruesit si ai, nuk do të mund t’i ikin drejtësisë, raporton Periskopi

Shkrimi i tij i plotë:

Kryeministri paska folur për financat e partive politike dhe për t’u mbrojtur e paska sulmuar VETËVENDOJE!-n. Por kjo është e vërteta për ty, z. Kryeministër:

  1. Si kryetar i LDK tash e 4 vite e ke shkelur ligjin për financimin e partive politike, duke mos publikuar asnjëherë raportin financiar.
  2. Je keqpërdorues i fondit të 3%-shit. Asnjëherë nuk ke dhënë raport se ku mbetën ato para.
  3. Ti u jep djemve tendera e terminale.
  4. I ke 70 dosje në prokurori dhe gjykata për keqpërdorime e korrupsion në Prishtinë.
  5. Partia jote, sikur edhe PDK-ja, nga të gjitha OJQ-të vendore dhe ndërkombëtare, është cilësuar si subjekt jo-transparent.

Sigurisht që lista e keqpërdorimeve tua është shumë e lartë. Por të jesh i sigurt që për të gjitha do të japësh llogari para drejtësisë. Ndryshimi në Kosovë shumë shpejt do të ndodhë dhe keqpërdoruesit si nuk do të mund të shpëtojnë nga drejtësia.

 

Kryeministri sërish provokon opozitën, problemin e ka me Vetëvendosjen

 

.

 

 

Kajtazi e Molliqaj përplasen për rastin Dehari (Video)

Sekretari i LVV-së, Dardan Molliqaj në Rubikon të KTV-së ka thënë se një gazetar ashtu siç di të kritikojë, duhet të dijë edhe t’i pranojë kritikat.

Periskopi.com Lajme

Molliqaj ka thënë se dënon rëndë çdo akt kërcënues ndaj një gazetari edhe pse siç thotë Molliqaj, gazetari nuk është i paprekshëm dhe ndonjëherë mund edhe të përballet me kritika më të rënda.

“Më mirë është më thënë unë pretendoj se është kështu se sa unë sjella fakte të reja… Unë nuk mendoj që gazetari është i shenjtë, vetëm jeta e njeriut është e shenjtë”, ka thënë ai.

Përball tij, gazetari Vehbi Kajtazi iu kundërpërgjigj duke i parafrazuar disa nga deklaratat e lëshuara më herët nga pjesëtarë të po kësaj lëvizje.

“Po veç jo me thënë që ‘kur vijmë në pushtet kemi me ju heq zvarrë’”, ka thënë Kajtazi. “Por jo me të quajt ‘klysh i pushtetit’, jo me të quajt ‘njeri i aferës Pronto’ kur unë isha ai që i kisha nxjerrë ato afera”.

 

Molliqaj tregon pse janë jokredibilë dëshmitarët e pse “duhej arrestuar” Visar Ymeri

Sekretari i LVV-së, Dardan Molliqaj theksoi se persona të cilët mashtrojnë shtetin, bazuar në mospagesën e taksave, kanë prirje ta bëjnë të njëjtën gjë edhe si dëshmitarë.

Periskopi.com Lajme

Përveç tjerash, Molliqaj theksoi se njëri nga dëshmitarët fillimisht nuk e ka njohur fare Astrit Deharin ndërsa lidhur me Adea Batushën ka pasur paqartësi tjera.

“Nuk janë dëshmitarë të rastit, janë dëshmitarë të shitblerjeve ilegale. Po ashtu, ndoshta ju ka ikë por nuk ka dëshmi që motori është shit, nuk ka asnjë fotografi të aktivistëve tonë bashkë me pronarin. Nuk ka kurgjë, tash duhet me pas ose transaksion, kontratë shit blerjes, për me qenë kredibil duhesh me pas”, ka thënë Molliqaj.

Sekretari i LVV-së, Dardan Molliqaj në Rubikon të KTV-së ka thënë se Prokuroria me përgjimin e Frashër Krasniqit si provë në rastin për të cilin akuzohet do të duhej ta arrestonte edhe kreun e këtij subjekti, Visar Ymerin.

Përgjimi flet për një bashkëbisedim të Krasniqit me Ymerin ku ky i fundit i thotë se duhet të lëshojnë një deklaratë për shkak të akuzave të kryeministrit Mustafa.

“Janë përgjimet me Frashër Kransiqin i cili ka ndihmuar Vetëvendosjen me kamera, i cili në proces me siguri do të bëhet dëshmitar i palës mbrojtëse, ka bërë hajgare me Frashërin dhe është një diskutim tjetër i Frashërit me Visar Ymerin i cili ka kërku që ta bëj një deklarim ndaj asaj që po na akuzon Isa Mustafa”, ka thënë ai.

Tutje Molliqaj theksoi se kësisoj nëse Ymeri e din se Frashëri ka bërë dicka të tillë dhe po vazhdon ta mbroj atë, atëherë duhet të arrestohet edhe Ymeri.

Molliqaj: PDK –ja e LDK-ja pjellë e Serbisë dhe SHIK-ut

Sekretari Organizativ i Lëvizjes Vetëvendosje, Dardan Molliqaj ka thënë se PDK-ja duke mos votouar reciprocitetin me Serbinë e vazhdoi nënshkrimin e Kosovë.

Periskopi.com Lajme

 

Ai në Facebook ka shkruar se ashtu sikur që deputetët e LDK-së nuk i japin nënshkrimet për të hetuar SHIK-un, as PDK-ja nuk i jep votat për reciprocitet me Serbinë.

Ky është postimi i plotë:

PDK-ja na thonë që jemi pjellë e Serbisë. Ndërsa dje, sikurse edhe shumë herë më parë, nuk votuan për reciprocitet me Serbinë por e vazhduan nënshtrimin e vendit tonë ndaj saj.

LDK-ja na thonë që jemi pjellë e SHIK-ut. Në anën tjetër janë në koalicion me SHIK-un, dhe e kanë bërë kryeparlamentar Kadri Veselin e president Hashim Thaçin.

Ashtu sikur që deputetët e LDK-së nuk na i japin nënshkrimet për ta hetuar SHIK-un, as PDK-ja nuk na i jep votat për reciprocitet me Serbinë.

Po shihet qartë kush janë argatët e SHIK-ut dhe Serbisë në Parlamentin e Kosovës.

Molliqaj kritikon AAK-në, kërkon lirim e Ramush Haradinajt

Sekretari organizativ i lëvizjes Vetëvendosje, Dardan Molliqaj ka reaguar në lidhje me arrestimin e kryetarit të AAK-së, ramush Hardinaj, nga autoritetet franceze, derisa i kakritikuar institucionet e Kosovës që luftën e UÇK-së nuk e kanë përfshirë në Kushtetutë, si dhe AAK-në që sipas tij nuk  e kanë kundërshtuar pakon e Ahtisaarit e as Kushtetutën e Kosovës dhe e kanë mbështetur bukur gjatë dialogun me Serbinë.

Periskopi.com Lajme

 

Ai ka thënë se problemi nuk është tek propozimi i masave që duhet të ndërmerren ndaj Serbisë, pas arrestimit të Hardinajt, por tek kuptimi i vëretë i marrëdhënieve Kosovë – Serbi.

“Dje dhe sot pati shumë reagime kundër arrestimit të Ramush Haradinajt në Francë. Përveç reagimeve, u dhanë edhe shumë propozime në lidhje me raportet e Kosovës me Serbinë.Por, problemi nuk është tek propozimet e masave ndaj Serbisë, por tek kuptimi i vërtetë i marrëdhënieve në mes të Kosovës dhe Serbisë”, ka thënë Molliqaj.

Sipas tij, derisa Serbia luftën e UÇK-së e sheh si luftë krinale, Kosova nuk e përmend këtë luftën e UÇK-së.

“Përderisa Serbia e sheh Kosovën si pjesë të saj, ndërsa luftën e UÇK-së si luftë kriminale, Kosova nuk e përmend askund në dokumentet e saj themeltare luftën e UÇK-së. Pra as në Kushtetutë, e as në Deklaratën e Pavarësisë. Dorën në zemër, në këtë pikë nuk ka qenë si duhet as vet AAK-ja (nuk e kanë kundërshtuar as Pakon e Ahtisaarit e as Kushtetutën e Kosovës dhe e kanë mbështetur bukur gjatë dialogun me Serbinë). E mos të flasim per partitë në pushtet”, ka thënë ai.

Ai  ka shtuar se Kosova duhet të ndryshojë në raport me Serbinë, derisa ka theksuar se Haradinaj duhet të lirohet menjëherë dhe pa kushte.

“Thirrja jonë duhet të jetë ndryshimi i Kosovës në raport me Serbinë e jo anasjelltas. Duhet të angazhohemi për një Republikë të Re që e njeh përpjekjen e popullit per çlirim dhe atë e ka bazë në dokumentet themeltare të shtetit. Vetëm një Republikë e Re është garant për lëvizjen e lirë të çlirimtarëve tanë.Ramush Haradinaj duhet të lirohet menjëherë dhe pa kushte. Por edhe krijimi i Repubikës së Re është urgjent dhe i domosdoshëm”, ka shtuar ai./Periskopi/