Lajm i mirë për Shqipërinë, Mogherini: Pas Brexit, Ballkani të hyjë në BE

Periskopi.com Lajme

Bashkimi Europian jo vetëm nuk do të zmbrapset, por përkundrazi, do të marrë hov të ri duke e hedhur vështrimin në mënyrë të veçantë tek aderimi i vendeve ballkanike.

Deklarata e fortë e Federica Mogherinit erdhi pas ndërhyrjes së saj të martën në OKB. Shefja e diplomacisë europiane tha për “La Stampa” se pas referendumit mbi shkëputjen e Britanisë nga blloku europian, shumë kishin parashikuar që ajo votë do të shënonte fillimin e fundit.

Por të gjitha zgjedhjet e fundit, jo vetëm ato të Francës, theksoi Mogherini, kanë demostruar të kundërtën, shkruan TCH.

“Sigurisht ka probleme me të cilat duhet të përballemi, sepse shqetësimi i qytetarëve është real, por europianët kane nisur të kuptojnë se çfarë është realisht në lojë dhe francezët e thanë fort dhe qartë se mbështesin projektin europian, se duan ta rilancojnë, sepse e konsiderojnë pjesë tëzgjidhjes”, thotë Mogherini.

Por Brexit-i, a nuk e dobëson BE-në? Përgjigjja e kryediplomates europiane tregon hapur se cili është tashmë fokusi i ri i unionit.

“Unë jam e sigurtë se e ardhmja e bllokut nuk do te jetë 27-ta, sepse do të kemi vende të reja anëtare. Mendoj për shtetet e Ballkanit, me të cilat jemi duke negociuar hyrjen në Bashkimin Europian. Shumë i referohen këtij procesi si zgjerim, unë vetë preferoj të flas për ribashkim të Europës”, thotë ajo.

Pyetja  e radhes u referohet vendeve të rajonit, të cilat shfaqen më problematike për nga situata e raporteve mes tyre apo stabilitetit. Anetaresimi i Serbisë, Malit të Zi dhe Kosovës mund t’i ndihmonte të kapërcenin problemet e fqinjësisë.

Mogherini sqaron se është edhe falë raportit me secilin prej këtyre shteteve me BE-në, që është arritur në masë të madhe të kurohen plagët e luftrave të përpara dy dekadave.

Rruga është ende e gjatë, e lodhshme dhe jo gjithmonë e sheshtë, thotë ajo, por jam e bindur se do të vazhdojë edhe falë faktit që secili prej tyre, ka një perspektivë të përbashkët në bllokun europian.

Liderët Evropianë përkrahin zgjerimin dhe thellimin e Bashkimit Evropian

Liderët Evropianë të Francës, Gjermanisë, Italisë, dhe Spanjës e kanë përkrahur idenë e zgjerimit dhe thellimit të Bashkimit Evropian, pasi blloku prej 28-vendesh po përgatitet për të shënuar 60 vjetorin e Traktatit të themelimit të saj, përcjell Periskopi.

Periskopi.com Lajme

Gjatë pritjes së udhëheqësve të tjerë në Pallatin e Versajës, presidenti francez Ftancois Hollande tha se “Uniteti nuk do të thotë uniformitet”.

Komisioni i BE-së, pranon se projektet nuk duhet të përfshijnë të gjithë anëtarët e BE-së, derisa Kevin Connolly për BBC-në raporton se,  Brexit është një goditje psikologjike dhe buxhetore që po “lë në hije”, përvjetorin.

“Udhëheqësit e BE-së janë duke u fokusuar në një strategji premtuese dhe më bashkëpunuese, ku  shikohet mundësia e shteteve të ndryshme anëtare të bashkimit të jenë pjesë e projekteve të përbashkëta në kohë që i përshtaten atyre”, tha ai.

Në bisedimet e samitit të BE-së në Bruksel të cilat do të mbahen të premten, do të përqendrohen më shumë se si të shkojnë përpara me Brexitin, mes tensioneve për integrimin e emigrantëve, globalizimin dhe si të ringjallin ekonominë e “sëmurë” të eurozonës.

Gjithashtu jo të gjithë anëtarët janë në zonën kufitare pa vizat Shengen, derisa  nga 28 vende pjesë e bashkimit vetëm 19 prej tyre përdorin euron. /Periskopi/

Blair u kërkon rezistencë britanikëve antiBrexit

Ish-kryeministri laburist, Tony Blair u bëri thirrje sot britanikëve pro qëndrimit në Bashkimin Evropian, të bënin rezistencë dhe të përpiqeshin të bindnin mbështetësit e “Brexit” për të ndryshuar qëndrim.

Periskopi.com Lajme

“Nuk është momenti i tërheqjes, i indiferencës dhe dëshpërimit, por momenti për t’u bërë gati dhe për të mbrojtur parimet tona”, tha ai gjatë një fjalimi të organizuar nga rrethi i reflektimit “Open Britain”, mbështetës i tezës së qëndrimit në BE.“Nuk jam i bindur nëse do ia dalim. Por, them me siguri se do të përballemi me një gjykim të rreptë të breza të ardhshme nëse nuk do të marrim masat e nevoshme”, pohoi ish-kryeministri që qëndroi në pushtet për një periudhe 10-vjeçare, mes 1997 dhe 2007, duke siguruar fitore në tre procese zgjedhore të njëpasnjëshme.  “Duhet të krijojmë një lëvizje që mund të zgjerohet përtej kufijve të partive”, shtoi ai duke njoftuar krijimin e një instituti që do të ngrihet mbi baza të zhvillimit të një argumenti kundër “Brexit” dhe ruajtjes së lidhjeve të ngushta me BE.

Sipas Gjermanisë Britania do mundohet të bëhet “Singapori i Evropës”

Një nga rregullatorët më të lartë bankar në Gjermani ka paralajmëruar Londrën mbi rrezikun e Brexit-it, shkruan BBC, transmeton Periskopi.

Periskopi.com Lajme

Andreas Dombret, anëtar i bordit ekzekutiv për bankën qendrore gjermane, Bundesbank, ka thënë se është e mundshme që Londra ta humb rolin e saj si “portë për Evropën” mbi shërbimet jetike financiare.

“Përdorimi i Londrës si një portë për Evropën ka shumë mundësi të marrë fund” , tha Dombret. Ekzekutivi i Bundesbank, i cili është përgjegjës për mbikëqyrjen financiare bankare, tha se ishte i shqetësuar se prirja drejt standardeve të pranuara ndërkombëtarisht ishte nën presion.

Britania do të mundohet të bëhet “Singapori i Evropës”, duke ndjekur Brexitin, nga ulja e taksave, dhe rregullat financiare për të inkurajuar bankat dhe bizneset për të investuar në Mbretërinë e Bashkuar.

Këto komente Dobret i ka bërë në një takim privat të bizneseve gjermane, dhe bankave të organizuara nga Boston Consulting, në Frankfurt këtë javë. /Periskopi/

 

Britania shqyrton edhe një herë strategjinë për Brexit

Strategjia e qeverisë për Brexit, do të përballet me një shqyrtim, ku një dokument zyrtar që do të tregojë planet e funksionimit, do të publikohet më vonë, shkruan BBC, transmeton Periskopi.

Periskopi.com Lajme

Dokumenti, i cili vjen pasi parlamenti lejoi kryeministren Theresa May-n, të fillojë procesin e Brexitit, do të përshkruajë qëllimet negociuse pë të lënë Bashkimin Evropian.

Deputetët do të diskutojnë projekt-ligjin në detaje më shumë javën e ardhshme, kur ai arrin në fazën e komisionit në dhomën e përfaqësuesve, ndërsa laburistët kanë premtuar se do të ndryshojnë amandamentin, deri tani janë paraqitur shumë ndryshime dhe objektiva, dhe do të shikohet se cila do ta tërheqë më shumë qeverinë.

Që prej dy ditësh, Parlamenti britanik u përfshi në debate për të lënë Brexitin, deri sa në fund kaloi me 498 vota pro dhe 114 kundër, ligjin që kryeministrja Theresa May të nis negociatat për largimin nga Bashkimi Evropian.

May, kishte bërë publike 31 marsin si datën e fundit për negociatat e shkëputjes nga Brukseli. /Periskopi/

Britania shkëputet përfundimisht nga Evropa, BREXIT kaloi në parlament

Britania e Madhe hyri në rrugën pa kthim; shkëputjen nga Brukseli. Dhoma e Përfaqësuesve kaloi me 498 vota pro dhe 114 kundër ligjin që mandaton Theresa May-n për të nisur negociatat e largimit nga Bashkimi Europian.

Periskopi.com Lajme

Ligji mori mbështetjen edhe nga laburistët, megjithëse disa prej tyre dolën nga rreshti dhe e kundërshtuan linjën e kryetarit të tyre, Jeremy Corbyn.

Prej dy ditësh Parlamenti britanik u përfshi në debate në lidhje me Brexit, ndërsa më herët, kryeministrja Theresa May ka bërë publike 31 marsin si data e fundit për çeljen e negociatave të shkëputjes me Brukselin.

Verën e kaluar, britanikët votuan në një referendum të thërritur nga ish-Kryeministri David Cameron për të qëndruar ose jo në Bashkimin Europian. Pas mposhtjes në këtë referendum, Cameron u dorëhoq dhe i la vendin Theresa May-t.

Ligji “Brexit” dorëzohet për procedurë parlamentare

Ditë më parë Gjykata Supreme vendosi se qeveria e Britanisë së Madhe do të duhet të kërkojë votimin e Parlamentit para se të aktivizojë nenin 50 nga Traktati i Lisbonës

Periskopi.com Lajme

Të enjten është dorëzuar për procedurë parlamentare ligji i cili do ti mundësojë qeverisë të iniciojë daljen e Britanisë së Madhe nga Bashkimi Evropian (BE), raporton Anadolu Agency (AA).

Ligji i është dorëzuar qeverisë pasi më herët ai “pësoi një disfatë” në ankesën te Gjykata Supreme e cila vendosi se Parlamenti është ai që inicion Brexitin.

“Ligji i BE-së (Njoftimi për Tërheqje) është dorëzuar sot në Dhomën e Ulët nga ana e Sekretarit Shtetëror për daljen nga BE-ja, David Davis”, thuhet në kumtesën e qeverisë.

“Ligji i cili i jep kryeministres fuqinë për të aktivizuar formalisht nenin 50, pritet të kalojë nëpër të dyja dhomat, atë të Ulët si dhe në Dhomën e Lordëve, para marrjes së pëlqimit Mbretëror para afatit të 31 marsit”, thuhet më tej.

“Brexit” shtyhet sërish, parlamentit i duhen 2 vjet për ta miratuar

Parlamentit britanik mund ti duhen plot 2 vite për të aprovuar ligjin që aktivizon daljen e vendit nga Bashkimi Evropian. Të paktën këtë skenar projektojnë disa anëtarë të gjykatës së lartë.

Periskopi.com Lajme

Kjo gjykatë shumë shpejt do të dalë me një vendim të prerë sa i përket çështjes se kujt i përket kompetenca për të aktivizuar nenin 50-të të traktatit të Lisbonës, ekzekutivit apo legjislativit.

Ekzekutivi i Theresa May pas vendimit të parë të gjykatës apeloi këtë vendim me shpresën se gjykata do ti japë të drejtë. Gjithsesi, me shumë gjasa vendimi i parë do të mbetet në fuqi dhe do ti duhet parlamentit që të thotë fjalën e fundit.

Procedurat në parlament mund të zgjasin deri në dy vite pasi me shumë gjasa do të kërkohet zëvendësimi i një ligji të vjetër të vitit 1972 për Bashkimin Europian dhe që sanksionoi hyrjen e vendit në union.

Veç këtyre dy viteve që kërkon parlamenti, dy vite të tjera i kërkon Brukseli për të mbyllur procedurat e daljes. Kështu që Brexit me shumë gjasa nuk do të fillojë të negociohet përpara vitit 2019.

Qeveria e Theresa May ndërkohë ka deklaruar se do të kërkojë aktivizimin e nenit 50-të në muajin Mars të vitit të ardhshëm, me shpresën për të mbyllur negociatat me Brukselin brenda 2019-ës. Ky skenar tashmë duket ai më pak i mundshëm./ ScanTV