BQK favorizon kompaninë e mikut të Presidentit Thaçi

Dy kompanitë më të reja në tregun e sigurimeve, “Scardian” dhe “Prisig”, duket se janë favorizuar nga Banka Qendrore e Kosovës.

Periskopi.com Lajme

Përveç të drejtës për monopol, institucioni më i lartë mbikqyrës i sigurimeve ka nxjerrë në favor të tyre një Udhëzimi administrativ mbi ndarjen e rezervave për kompensimin e palëve, i cili ka hyrë në fuqi vitin e kaluar.

Bëhet fjalë për Udhëzimin Nr.01/2016 “Mbi ndarjen e rezervave dhe financimin e fondit të kompensimit të Byrosë Kosovare të Sigurimeve”, një kopje të te cilit e ka siguruar Gazeta Fjala.

Me ketë udhëzim kompanitë e reja në treg do të ndajnë rezervë në Byron Kosovare të Sigurimeve vetëm nga momenti kur janë licencuar.

Megjithatë kjo problematikë sipas zyrtarëve të kompanive të sigurimeve është rregulluar vetëm kur në treg ka hyrë kompania “Scardian” dhe “Prisig”. Derisa për kompanitë tjera ka vlejtur rregulli i pjesëmarrjes se barabartë në këtë fond pavarësisht kohes kur janë licencuar.

Kjo ka ngjallur reagimin e kompanive tjera në treg, të cilat ankohen se e tërë rregullativa i është përshtatur kompanisë “Scardian”.

Por, Labinot Ajti, drejtor në kompaninë “Scardian”, ka thënë për Gazetën Fjala se i respektojnë vendimet e BQK-së, ndërsa nuk i gjykojnë ato.

Ai nuk ka dhënë ndonjë shpjegim për këtë rregullore, të cilën janë obliguar ta zbatojnë të gjitha palët.

Gazeta Fjala mëson për një takim vitin e kaluar në Bankën Qendrore të Kosovës mes përfaqësuesve të te gjitha kompanive dhe zyrtarëve të Bankës Qendrore të Kosovës. Kompanitë aty kanë kërkuar sqarime nga BQK se pse po favorizohen kompani të caktuara në treg.

“Është favorizim për kompani të caktuara nxjerrja e këtij udhëzimi nga BQK. Kjo ka ndodhur bash në kohën kur në treg ka hyrë kompania “Scardian”. Është krijuar një përceptim se kjo kompani po favirozihet nga BQK”, ka thënë për Gazetën Fjala në kushte anonimiteti përfaqësuesi i një kompanie të sigurimeve në Kosovë.

Pika kontestuese nga kompanitë e sigurimeve është pika 7 e nenit 2 të këtij udhëzimi.

“Për siguruesit e rinj të licencuar që operojnë në treg, merren parasysh rezervat e krijuara të dëmeve, nga data e licencimit të tyre nga BQK-ja dhe anëtarësimit në Byronë Kosovare të Sigurimit”, thuhet në këtë udhëzim.

Ndërkohë, deri në këtë udhëzim, kompanitë e sigurimeve pavarësisht kohës se hyrjes në treg, është dashur që të lënë rezervë në mënyrë të barabartë. Fondi i kompensimit në Byron e Sigurimeve është fond për kompensim të palëve të treta dhe për rastet aksidenteve të veturave të paregjistruara.

BQK: Nuk kemi marrë ankesa zyrtare

Ndërkaq në Bankën Qendrore të Kosovës mohojnë të kenë pranuar ndonjë ankesë nga kompanitë e sigurimeve lidhur me udhëzimin administrativ.

“BQK-ja nuk ka pranuar asnjë ankesë zyrtare apo kritikë nga asnjë kompani e sigurimit lidhur me aktet nënligjore, dhe pa pranuar ankesë zyrtare nga ndonjë kompani, BQK-ja nuk mund të vlerësoj se cila kompani e sigurimit ka apo nuk ka ankesa lidhur me këtë çështje”, ka pohuar zëdhënësi i këtij institucioni, Besnik Kada.bqk-1 bqk-2

Sipas tij, qëllimi dhe arsyeja e nxjerrjes së këtij udhëzimi ka qenë vendosja e standardeve për përcaktimin e ndarjes së rezervave teknike dhe financimin e fondit të kompensimit për siguruesit e licencuar, që operojnë në Republikën e Kosovës.

“Sektori i sigurimeve deri në vitin 2015 përveç ligjeve të Kosovës ka qenë i rregulluar edhe me Rregullore të UNMIK-ut. Aktualisht ky sektor është në fazën finale të kompletimit të legjislacionit sekondar i cili çdo herë para se të finalizohet i nënshtrohet vlerësimit të përputhshmerisë me standarde ndërkombëtare dhe direktivat e Unionit Evropian dhe konsultohet me të gjithë akterët e industrisë së sigurimeve, pa dallim”, ka thënë Kada.

Ndryshe, pronarët e kompnaisë “Scardian” njihet si të afërt me Partinë Demokratike të Kosovës dhe vëllanë e presidentit Hashim Thaçi, Gani Thaçin.

 

Reklamë
Reklamë

Thaçi, asnjë fjalë për presionin ndaj Guvernatorit që buxhetin e Kosovës ta investonte nëpër “bastoret” financiare

President i Kosovës, Hashim Thaçi në një intervistë në Klan Kosova ka folur për shumë tema.

Periskopi.com Lajme

Thaçi, një figurë kontraverze dhe përçarëse e qytetarëve të Kosovës është përpjekur të shfaqet në tonin e njeriut racional dhe unifikues me përgjigje të buta, dhe aspak konkrete.

Një minutazh të madhe ai i ka kushtuar duke folur për vrasjet ndaj pakicës serbe që ka ndodhur pas luftës në Kosovë.

Mbetet interesante, se Hashim Thaçi as nuk është pyetur e as që ka thënë ndonjë fjalë për akuzat e fundit që i kanë ardhur nga ish guvernatori i BQK-së, Hashim Rexhepi, se Thaçi derisa ishte në pozitën e Kryeministrit i kishte kërkuar që tërë buxhetin e Kosovës ta investonte në banka të dyshimta, që njihen si bastore financiare./ Periksopi

Reklamë
Reklamë

Ish-guvernatori Hashim Rexhepi rrëfen anën mafioze të Hashim Thaçit

Në një intervistë për Gazetën Fjala, ish-guvernatori tregon për ndërhyrjet direkte në punën e BQK-së, nga njerëzit e partisë në pushtet, PDK-së. Që nga presidenti aktual Hashim Thaçi dhe njerëzit e tij të afërt, e deri tek ish kryetari i Skenderajt, Sami Lushtaku dhe ish komandanti i përgjithshëm i UÇK-së Azem Syla.

Periskopi.com Uncategorized

Arie (Ariel Raubvogel) po e priste në një hotel në Londër  guvernatorin e atëherëshëm të Bankës Qendrore të Kosovës për t’i dhënë një mesazh nga ish-kryeministri, Hashim Thaçi, tani President i Kosovës.

“Të gjithë do të ndahemi të kënaqur, më tha, po ti investoja paratë e buxhetit të shtetit në bankat që i propozonte këshilltari i atëhershëm në emër të ish-kryeministrit  Hashim Thaçi”, rrëfen për herë të parë ish-Guvernatori, Hashim Rexhepi në detaje, për takimin që thotë se ia pa sherrin.

Arie i kishte rekomanduar Rexhepit disa banka në Angli ku duhej investuar mbi 1 miliard euro me të cilat menaxhonte BQK-ja.

Në një intervistë për Gazetën Fjala, ish-guvernatori tregon për ndërhyrjet direkte në punën e BQK-së, nga njerëzit e partisë në pushtet, PDK-së. Që nga presidenti aktual Hashim Thaçi dhe njerëzit e tij të afërt, e deri tek ish kryetari i Skenderajt, Sami Lushtaku dhe ish komandanti i përgjithshëm i UÇK-së Azem Syla.

Sipas tij, ata kanë gjithçka nën kontroll dhe vendosin se çfarë duhet bërë me paratë e taksave, e pensioneve të qytetarëve dhe kush duhet të përfitoj nga investimi i tyre. Në pothuajse të gjitha këto raste përmendet si akter kryesor edhe ish ministri i Financave të Kosovës Ahmet Shala dhe Besim Beqaj, atëherë  Kryesues i Bordit të Trustit të Kursimeve Pensionale të Kosovës.

Kërkesa e Hashim Thaçit për investimin e 1 miliard euro

Shala madje del të jetë iniciator i takimit në Londër mes Rexhepit dhe këshilltarit izraelit të Hashim Thaçit,  në vitin 2010 pak ditë para se Rexhepi të arrestohej.

“Ministri Ahmet Shala dhe unë merrnim pjesë në konferencën vjetore të EBRD-se në Londër. Ditën e parë të punimeve të konferencës ministri më thotë se nesër në mbrëmje do ta kemi një takim me disa investitorë dhe mos planifiko asgjë në agjendë”, rrëfen Rexhepi.

Të nesërmen  thotë se doli para hotelit në kohën e caktuar duke pritur ministrin Shala për në takim.

“Vjen ministri disi me nxitim dhe më thotë se i ka dalë një punë urgjente dhe të shkoi unë në atë takim. E morra adresën e vendit ku duhet të mbahej takimi. Për habi kur arrita te hoteli ku duhej të mbahej takimi, me del përpara këshilltari i kryeministrit, izraeliti Ari. Pasi u përshëndetëm e pyeta se ku janë investitorët, ai buzëqeshi dhe tha se do e kem takimin me të”.

Këtu gjithçka, sipas tij, ishte e planifikuar në prapaskenë.

“Pasi morëm nga një pije, ai filloi bisedën. Me tha se Banka Qendrore menaxhon me mbi 1 miliard euro, dhe do të ishte mirë që t’i investoni në bankat që ti propozoi unë, duke bërë me shenjë se të gjithë do të ndahemi të kënaqur, në kuptim të përfitimeve materiale”.

Rexhepi thotë ta ketë mohuar këtë ofertë duke i thënë që ta harronte se kanë biseduar për një gjë të tillë.

“Ligji është i qartë, mjetet i investon komisioni i BQK-së, për menaxhimin e aseteve dhe mjetet i investojmë vetëm në vendet dhe bankat e rejtuara me tre A, se banka qendrore ka përgjegjësi për menaxhimin e kujdesshëm të mjeteve publike me te cilat menaxhon”.

Takimi në zyrën e Thaçit

Një javë më vonë kryeministri kishte organizuar një takim në zyrën e tij rreth investimit të mjeteve të Trustit.

“Në takim ishin Kryeministri Hashim Thaçi, zëvendës kryeministri Hajredin Kuqi, ministri Ahmet Shala, kryetari i bordit të Trustit Besim Beqa, drejtori i Trustit Ardian Zalli dhe unë”, tregon Rexhepi i cili këtë takim e ndërlidh me atë paraprak me këshilltarin e Thaçit në Londër.

Krejt kjo pasi, sipas tij, tani ish kryeministri Thaçi ishte shfaqur i pezmatuar në të pas refuzimit të tij për të miratuar propozimet që kishte dhënë për modelin e investimeve të trustit, për çfarë po diskutohej aty.

Në këtë takim, Rexhepi kishte propozuar që Trusti të investoj edhe në bankat komerciale të Kosovës në pajtim me ligjin, deri ne 5% të mjeteve në një entitet të vetëm, duke arsyetuar se kjo në këtë kohë te krizës globale financiare do të kishte impakt pozitiv dhe do të mundësonte rritjen e kreditimit të bankave.

“Kryeministri në mënyrë cinike e kundërshtoi propozimin tim, duke thënë se këto janë banka private etj., ai filloi te më sulmoi gjëja për keqmenaxhim ne bankë etj. Kjo me beri të kuptoi se ky sulm ishte refleksion i refuzimit tim që t’i pranoi kërkesat e këshilltarit të tij Ari”, tregon Rexhepi.

Sipas tij, kryeministri tani kishte gjetur dikë tjetër që t’ia kryente punët.

“Për habi, pas këtij takimi Trusti investoj rreth 75 milionë euro në një bankë të Belgjikës e quajtur “Fortis”, e cila ishte nën intervenimin e qeverisë belge me mjete emergjente për shkak te krizës qe e kishte goditur. Kurse disa muaj më vonë Besim Beqa u emërua ministër i ekonomisë në Qeveri”.

Ky Institucion Financiar, me tu bërë ky investim ndërron pronësinë dhe Rexhepi urdhëron vartësit e tij të nisin hetimet rreth këtij investimi, siç e quan ai, të dyshimtë. Por thotë se gjithçka ishte vonë, pasi u arrestua pak ditë pas këtij takimi.

Ndërhyrjet në punësim

Rexhepi tregon se ndërhyrja e politikës në punët operacionale dhe vendimmarrja në BQK ka filluar që në muajin e dytë të mandatit të tij. Kryesisht sipas tij kanë qenë ndërhyrje lidhur me zgjedhjet kadrovike, punësim të militantëve partiakë, e deri te vendimmarrja rreth investimit të mjeteve nën menaxhimin e BQK-së dhe licencimin e institucioneve financiare.

“Këto ndërhyrje janë bërë kryesisht nga Ministri i Financave, Ahmet Shala dhe kryeministri ose këshilltarët e tij, por edhe të personaliteteve të larta të partisë në pushtet”, thotë Rexhepi.

Madje ai tregon një rast konkret të ndikimit të ish kryeministrit Thaçi për vendosjen e njerëzve të tij të afërt në pozita të larta në BQK.

“Kryeministri Hashim Thaçi ka qenë shumë këmbëngulës me kërkesën e tij që zëvendësguvernatorë për mbikëqyrje financiare të zgjedhet Nuredin Krasniqi. Unë e kam kundërshtuar këtë propozim sepse ishte ndesh me ligjin, sepse Krasniqi kishte qenë drejtor i bankës që kishte falimentuar”, thotë më tej Rexhepi.

Ndërkohë, thotë se “njerëzit e tij brenda BQK-së” kishin filluar ta sabotonin punën e tij që nga fillimi. Përmend këtu dy anëtarët e bordit të propozuar nga PDK, Sejdi Rexhepin dhe Mejdi Bektashin, për të cilet thotë se “veç kishin filluar destruktivitetin e tyre në punën e bordit”. /Gazeta Fjala/

Reklamë
Reklamë