Piramidat ilire në Bosnjë po trondisin opinionin botëror

Piramidat janë ndërtuar nga civilizimi ilir, i cili ishte shumë më i avancuar se sa i sotmi . Ato janë më të sofistikuara se sa mund tua marrë mendja shumë ekspertëve.

Periskopi.com Lajme

Historia nuk mbulohet dot nga dheu, drunjtë apo gënjeshtrat. Piramidat e zbuluara në Bonjë, të cilat për shekuj me radhë mbaheshin sekretë nga shërbimet jugosllave dëshmojnë se ilirët janë civilizimi më i lashtë në botë.

Piramida e Diellit, Hënës dhe e Muajit të zbuluara në vitin 2006 nga arkeologu dhe historiani bosnjako-amerikan, Sam Semir Osmanagiq, në qytetin Visoko, 20 km në veriperëndim të Sarajevës, janë zbulimi i që ka tronditur arkeologët, gjeologët dhe shkencëtarët e të gjithë globit.

“Piramidat janë ndërtuar nga civilizimi ilir, i cili ishte shumë më i avancuar se sa i sotmi . Ato janë më të sofistikuara se sa mund tua marrë mendja shumë ekspertëve. Në materialin e ndërtuar nga tullat gjigante të cilat peshojnë deri në 5 tonë është gjetur një material i lashtë rreth 40 mijë vjet”, thekson Osmanagiq.
Sipas tij piramidat në fjalë janë piramidat më të larta dhe më të lashta se sa ato të Egjiptit.

“Piramida më e lartë në botë është ajo e Gizës, 145 metra, piramida më e lartë e Majave është ajo El Mirador – 103 metra, por piramida më e lartë në botë është ajo e Bosnjës, e quajtur Piramida e Diellit e lartë 220 metra. Shmangia nga veriu është 0 gradë, 0 minuta dhe 12 sekonda. Asnjëherë nuk është shënuar një orientim më i saktë se ai në Piramidën e Diellit”, shprehet zbuluesi i saj, dr. Semir Osmanagiq,

Në rrafshin mbi piramidë, në një radius katër metrash e gjysmë, është matur rrezatimi elektromagnetik 28 killohercash, një dukuri e panatyrshme dhe njerëzimi ende nuk e shfrytëzon në teknologji, transmeton ina lajmet.
Disa gjeolog vendas dëshmojnë se këto janë thjeshtë përbërje gjeologjike, por Osmanagiq shprehet se kanë të dhëna se ato janë të ndërtuara nga njeriu.

“Shumë nga vizitorët besimtarë thonë se ndihen sikur fluturojnë kur ndodhen në maje. Po ashtu edhe në tunelet që ndodhen nën piramidë janë shënuar jone negative. Bëhet fjalë për ndërtime që i ka bërë dora e qenies inteligjente duke shfrytëzuar materialet e natyrës. Të gjitha testimet kanë treguar se ato materiale janë të vjetra rreth 38 mijë vjet”, pohon Osmanagiqi.
Nga këto të dhëna dhe dëshmi patjetër se duhet të kërkohet ndryshimi i librave të historisë.
“Në kemi analizuar në gjashtë institute për materiale të cilët kanë konstatuar se ky është një material artificial tre herë më cilësor se ai i shekullit 21. Ku e gjetën materialin ta ndërtojmë një piramidë kaq të madhe”, pyet ai.
Edhe arkeologu, Philip Copens thotë se piramidat ilire në Bosnjë janë më të lashtat në botë dhe materiali i tyre është shumë specifik.

“Ku ne filluam të analizojmë piramidat e Bosnjës konstatuan se jo vetëm që bëhet për piramidat më të më mëdha në botë dhe më të lashta, por edhe për materialin me të cilin ato janë ndërtuar. Ai është shumë specifik. Por, megjithatë shkencëtarët e çuditshëm vazhdojnë ta mohojnë ekzistencë e piramidave të Bosnjës”, thekson ai.
Copens pyet: Por pse a fshihet diçka pas këtyre kodrave që qeveria dëshiron ta mbaj sekretë ashtu sikur piramidat e Kinës.
Ndërkaq, historiani, Brien Foerster thotë se, nga këto piramida konstatohet se njerëzit janë një civilizim shumë më i lashtë se sa që kemi menduar.

“Duket që ne kemi qene të kushtëzuar nga librat e shenjtë si Kurani dhe Bibla dhe që nga tregojnë se sa të lashtë jemi . Por shumë traditat e kulturave njerëzore na dëshmojnë ne se jemi shumë më të lashtë se sa beson shkenca e Perëndimit. Shkenca konvencionale është pothuajse një sistem i mbyllur dhe çdo sistem që ne nuk dëshirojmë ta besojmë e sulmojnë ose refuzojmë dhe kjo quhet arkeologjia e ndaluar”, thotë ai.
Botuesi i “The Legendari Times Magazin”, Giorgio A. Tsoukalos thotë se, ajo çfarë shohim ne dhe që mund ta eksplorojmë na jep fakte se këto vende janë ndërtuar nga dora e njeriut.
“Kështu që çfarë të themi rreth sekretit lidhur me piramidat e Bosnjës. Nëse piramidat e Bosnjë janë ndërtuar nga dora e njeriut atëherë e gjithë historia e Bosnjë do të përmbyset. Për shkak se shtrohet pyetja kush ishin ndërtuesit dhe kush ishin mësuesit e tyre”, shprehet ai.

Ndërtimet misterioze në Bosnjë e Hercegovinë, me gjithë faktet dhe karakteristikat e shumta materiale, që çojnë në lidhjet me piramidat egjiptiane, për 8 vite me radhë po mohohen nga institucionet shtetërore dhe shkencore në Bosnjë.
Bojkoti, thotë Seemir Osmanagiqi, do të zgjasë shumë kohë, por objektet kontroverse do të ndryshojnë pohimet në librat e historisë./ Periskopi

 

Reklamë
Reklamë

Bosnja del pro liberalizimit të vizave për Kosovën

Ministri i Punëve të Jashtme i Bosnjë e Hercegovinës (BeH), Igor Crnadak ka deklaruar se vendi i tij është i gatshëm të liberalizojë regjimin e vizave me Kosovën dhe të mundësojë lëvizjen e lirë të njerëzve dhe mallrave.

Periskopi.com Lajme

Në një prononcim për Anadolu Agency, ai thekson edhe pse nuk do të ketë njohje të Kosovës “sigurisht jo deri në fund të këtij mandati”, liberalizimi i vizave është i rëndësishëm.

“Pra, ne duam liberalizim të regjimit të vizave që tani ekziston midis nesh dhe Prishtinës. Duam që tregtia e jashtme të jetë më intensive, që njerëzit të lëvizin lirshëm, që njerëzit të kenë më shumë kontakte që jeta të ketë rrjedhën normale. Edhe pse nuk do të ketë njohje të Kosovës, sigurisht jo deri në fund të këtij mandati, gjithsesi shpresoj të ketë përmirësim të disa prej këtyre çështjeve normale të jetës, brenda të cilave zhvillohen marrëdhënieve ekonomike dhe marrëdhëniet tjera”, tha Crnadak.

Ministri i Jashtëm i BeH-së, tha më tej se një vit më parë kishin iniciuar një nismë për të cilën ndërkohë njëzëri solli vendim edhe Këshilli i Ministrave të BeH-së, që të liberalizohet regjimi i vizave, por kjo të bëhet me ndërmjetësimin e Komisionit Evropian, sepse sipas tij, BeH nuk ka marrëdhënie diplomatike me Kosovën.

“Mirëpo ne nuk kemi marrë përgjigje nga pala kosovare. Në një nga takimet kohë më parë, homologu nga Prishtina, Enver Hoxhaj tha se së shpejti do të vijë përgjigja e tyre. Jemi duke e pritur. Kur të vijë, do të harmonizojmë afatet për të mbajtur atë takim ekspertësh. Mendoj se njerëzit do të duhet të marrin vizat në rrugë të lehtë dhe të udhëtojnë nga territori i Kosovës në BeH dhe anasjelltas. Ajo që shërben si një tregues i vullnetit tonë të mirë, vullnetit të sinqertë është se prej kur unë jam ministër nuk kemi refuzuar as një qytetar të vetëm i cili ka aplikuar për vizë nga territori i Kosovës”, tha Crnadak.

Reklamë
Reklamë

Bosnja shqyrton mundësinë e Apelit në çështjen kundër Serbisë

Bakir Izetbegoviq tha se do të studiohet mundësia e apelit kundër vendimit të GjND-së që liroi Serbinë nga akuzat për bashkëpunim në gjenocidin në Srebrenicë

Periskopi.com Lajme

Bakir Izetbegoviq, anëtari boshnjak i presidencës trepalëshe të Bosnjës, tha se në ditët në vazhdim ekspertët do të shqyrtojnë mundësinë si të nisin apelin kundër gjykimit të vitit 2007 në çështjen e Bosnjës dhe Hercegovinës kundër Serbisë në Gjykatën Ndërkombëtare të Drejtësisë.

Izetbegoviq u tregoi mediave në lidhje me punën për një apel të mundshëm kundër vendimit të Gjykatës Ndërkombëtare të Drejtësisë në të cilin shteti i Serbisë u lirua nga akuzat për pjesëmarrje në gjenocid.

“Kjo është detyra jonë për të gjitha krimet që ndodhën në Bosnjë në vitet 1990”, tha ai.

“Në dhjetë ditët e ardhshme do të thërras të gjithë ekspertët, komunitetin akademik dhe njerëzit politikisht aktivë që kanë kontaktuar tashme me mua për të diskutuar elementet e rishikimit të padisë”, shtoi ai.

Në vendimin e vitit 2007, Gjykata Ndërkombëtare e Drejtësisë vendosi se masakrimi në vitin 1995 i më shumë se 7,000 burrave dhe djemve myslimanë boshnjakë nga Srebrenica nga forcat serbe të Bosnjës ishte gjenocid dhe se Serbia kishte shkelur Konventën e Gjenevës duke mos e penguar atë.

Megjithatë, ajo vendosi se nuk kishte prova të mjaftueshme për të treguar se forcat serbe të Bosnjës e kryen gjenocidin duke vepruar sipas “drejtimit” ose “kontrollit efikas” të Serbisë.

Afati gjatë të cilit vendimi mund të apelohet skadon këtë muaj.

Shumë zyrtarë serbë të Bosnjës kanë shprehur prej kohësh kundërshtim të vendosur ndaj çdo mase të re ligjore, duke e akuzuar Izetbegoviqin se po luan me politika.

Të mërkurën, kryetari i Asamblesë Kombëtare të Republikës Srpska, Nedelko Çubriloviq, i vazhdoi kritikat, duke thënë se një apel do të ishte një rrugë drejt zhdukjes së Bosnjës dhe Hercegovinës si shtet.

Sipas televizionit publik në Republikën Srpska RTRS, Çubriloviq shtoi se çështja do të çonte në përkeqësimin e marrëdhënieve midis Bosnjës dhe Serbisë.

Ministri i Drejtësisë së Republikës Srpska Anton Kapisoviq u raportua gjithashtu të ketë thënë se lëvizja do të thellonte krizën në politikat tashmë të tensionuara boshnjake.

Mladen Ivaniq, anëtari serb i presidencës trepalëshe, nuk pranoi të komentonte të mërkurën në mëngjes sipas agjencisë së lajmeve Srna.

Anëtari kroat i presidencës trepalëshe Dragan Çoviq e ka hedhur gjithashtu poshtë më parë mundësinë e një apeli.

Megjithatë, Izetbegoviq këmbëngul se kjo nuk është një çështje politike, por ligjore.

Besueshmëria e një apeli ka gjasa të varet nga fakti nëse ka në dispozicion ndonjë provë të re.

Gjatë gjyqit fillestar, një provë kyçe – minutat nga takimet e Komandës së Lartë Jugosllave, ku përfshihej edhe presidenti Sllobodan Millosheviq – nuk ishin të disponueshme për përdorim në çështjen e Gjykatën Ndërkombëtare të Drejtësisë.

Edhe pse dosjet ishin në dorë të gjykatës së Kombeve të Bashkuara për krimet e luftës për t’u përdorur në gjyqin e Millosheviqit që filloi në vitin 2002 dhe vazhdoi deri në vdekjen e tij, Serbia pretendoi dhe pati sukses kur tha se pjesë të dokumenteve duhet të mbaheshin konfidenciale, duke cituar sigurinë kombëtare.

Nënkryetari i Gjykatës Ndërkombëtare të Drejtësisë, Awn Shawkat Al-Khasawneh, tha se “është e arsyeshme të presësh që ato dokumente do të kishin hedhur dritë mbi pyetjet kryesore”.

Zyra e Izetbegoviqit nuk pranoi t’i përgjigjej pyetjes së BIRN për mundësinë e vënies në dispozicion të këtyre minutave në apel.

“Përsa i takon detajeve të fakteve dhe provave në posedim të ekipit ligjor që po përgatit kërkesën aktuale, ato do të dalin në publik me kohë sipas rregullave të Gjykatës Ndërkombëtare të Drejtësisë, sesa nëpërmjet shtypit”, tha zëdhënësi.

Reklamë
Reklamë

Bosnja dhe Hercegovina përsëri padit Serbinë!

Kryesuesi i Presidencës së Bosnjë e Hercegovinës (BeH), Mladen Ivaniç sot në Beograd deklaroi se padia kundër Serbisë, të cilën “dëshirojnë të ngrenë një pjesë e politikanëve boshnjakë” mund të jetë burim i tensioneve të reja, raporton (AA), përcjell KosovaPost.

Periskopi.com Lajme

“Tensione tjera dhe më shumë nga ato që ekzistojnë. Para së gjithash, një pjesë e politikanëve boshnjakë janë duke u përpjekur që të ripërtërijnë padinë kundër Serbisë, kundër së cilës jam unë dhe të gjithë politikanët nga radhët e popullit serb, por edhe ata kroat, dhe mendoj se kjo mund të çojë drejt një krize të re”, tha Ivaniç.

Ai shtoi se të gjithë e kanë të qartë se “Bosnjë e Hercegovina si shtet nuk qëndron prapa kësaj padie”.

I pyetur që të tregojë se cilët politikanë konkretisht duan ripërtëritjen e padisë së BeH-së kundër Serbisë para Gjykatës Ndërkombëtare të Drejtësisë në Hagë, Ivaniç tha se kryesisht këta janë “politikanët boshnjakë”.

Gjykata Ndërkombëtare e Drejtësisë në shkurt të vitit 2007, refuzoi padinë e BeH-së kundër ish Republikës Federale të Jugosllavisë, konkretisht Serbisë, për agresion dhe gjenocid, si të pabazë. Ky vendim i jep BeH-së mundësinë që brenda dhjetë viteve të fillon procedurë të rishikimit, nëse brenda kësaj periudhe mund të mbledhë dhe të paraqesë prova të reja me të cilat mund të dyfishojë padinë. Afati për fillimin e procedurës së rishqyrtimit përfundon në shkurt 2017.

Reklamë
Reklamë

Deputetja boshnjake paralajmëron Kosovën: Jeni në rrezik nga Serbia

Serbia duket se do të shfrytëzojë çdo mënyrë që t`i realizojë planet e saj në Kosovë. Ardhja e një linje hekurudhore nga Beogradi në Mitrovicë, menjëherë pas arrestimit të liderit të AAK-së Ramush Haradinaj, është një hap tjetër që e shtyn Kosovën të mendojë më mirë se si të veprojë kundrejt Serbisë.

Periskopi.com Lajme

Përfaqësuesja e boshnjakëve në Kuvendin e Kosovës, Duda Balje, në një prononcim për “Indeksonline” ka thënë se Kosova nuk duhet të lejojë që ta përsërisë historinë e Bosnjës.

Sipas saj, Bosnja tashmë gjendet në një situatë të tensionuar me Republikën Serbe dhe Milorad Dodikun në krye, andaj Serbisë nuk duhet t`i jepet drita e gjelbër për çdo veprim.

“Serbia ka një plan për Kosovën dhe ata provojnë t`i realizojnë në çdo mënyrë planet e tyre. Me thënë të drejtën, unë jam përfaqësuese e boshnjakëve dhe duke e parë se në çfarë gjendje është Bosnja, kam frikë për çdo gjë në Kosovë tash. Për shembull edhe arrestimi i zotit Haradinaj. Ne si shtet duhet të mendojmë pak më shumë për çdo hap që po e bëjmë sa i përket Serbisë. Në  Bosnje kemi një situatë kaotike me Republikën Serbe dhe Dodikun. Ka një tension shumë të madh. Kosova nuk duhet ta përsërisë historinë e Bosnjës”, është shprehur ajo.

Balje ka thënë se Serbia e shfrytëzon edhe Rusinë për t`i realizuar planet e saj. Kurse, është shprehur ajo, Beogradi tashmë ka ndikim tejet të keq në Kosovë.

“Influenca e Beogradit tani është shumë e keqe. Ata e kanë një plan dhe e shfrytëzon shumë Rusinë për këtë. Vërtetë duhet të ulemi dhe të mendojmë për çdo hap. Unë jam në kontakt vazhdimisht me politikanët në Bosnje. Unë nuk jam pro asaj që t`i jepet drita e gjelbër për çdo gjë Serbisë”, ka thënë ajo.

Ndryshe, Balje është shprehur se nuk beson që ky tren mund të aktivizohet nesër për shkak se është kohë shumë e shpejtë që ai të hyjë në funksion.

Reklamë
Reklamë

Deputeti boshnjak në Mal të Zi kundër gjuhës shqipe në Komunën e Tuzit

Këshilltari i Partisë Boshnjake në Kuvendin e Tuzit, njëkohësisht dhe deputet në Parlamentin e Malit të Zi, Nexhad Dresheviq, ka paraqitur iniciativën në Gjykatën Kushtetuese për shqyrtimin e kushtetueshmërisë dhe ligjshmërisë të nenit të Statutit të Kryeqytetit, i cili parasheh që në Komunën Urbane të Tuzit, në përdorim zyrtar është edhe gjuha shqipe.

Periskopi.com Lajme

Dresheviq konsideron se ky nen nuk është në pajtim me Kushtetutën e Malit të Zi. Ai në këtë iniciativë thekson se ky nen i statutit nuk është në pajtim me ligjin për vetëqeverisje lokale i cili garanton mbrojtjen dhe përparimin e të drejtave të pakicave në pajtim me Kushtetutën, shkruan “Dan”.

Dresheviq kërkon që boshnjakëve në Komunën e Tuzit t’u sigurohen të gjitha të drejtat duke përfshirë këtu edhe të drejtën për gjuhën e tyre, dhe ajo është gjuha boshnjake. Deklarimin mbi iniciativën e Nexhad Dresheviq gjykatës ja ka dërguar sekretari i Komunës së Podgoricës, Veselin Vukçeviq, transmeton “gazetadita”.

Duke pasur parasysh se në Komunën e Tuzit shumicën e popullatës e përbëjnë shqiptarët, në mënyrë të qartë tregon se neni i kontestuar nga ana e Dresheviq është në përputhje me ligjin, mbi bazën e të cilit është përcaktuar përdorimi zyrtar i gjuhës shqipe, shkruan mes tjerash në letrën e Vukçeviq dërguar Gjykatës.

Vukçeviq i ka propozuar Gjykatës Kushtetuese që mos të pranojë iniciativën e Nexhat Dresheviq pasi që neni është në përputhje me ligjin. Mendimi i Vukçeviq njëzëri është përkrahur edhe nga anëtarët e këshillit të statuteve dhe rregulloreve.

Reklamë
Reklamë

Bosnja po bëhet vend i pleqve

Bosnja e Hercegovina (BeH) gati dhjetë vite ka një rritje negative të popullsisë, që do të thotë se më shumë vdesin se sa që lindin, u tha në seminarin për media të organizuar nga Kombet e Bashkuara në BeH, apo më saktësisht Grupi i Komunikimit të OKB-së në Tesliçe.

Periskopi.com Lajme

Të dhënat flasin se në numrin e përgjithshëm të popullsisë, shtresa e grup moshës 0-15 vjeç gjithnjë e më shumë po zvogëlohet dhe se është rritur përqindja e të moshuarve, raporton AA

“Në Bosnjë e Hercegovinë, tashmë mund të flasim për një deficit serioz demografik”, u paralajmërua në seminar.

Shqetësues është fakti se në bazë të hulumtimit të “UN Women” çdo e dyta grua në BeH ka përjetuar ndonjë formë të dhunës. Kryesisht, siç u tha, dhunë fizike, psikologjike, seksuale dhe ekonomike.

Gjithashtu u theksua se mediat në BeH në të shumtën e rasteve raportojnë dhunën fizike dhe seksuale ndaj grave, por jo edhe dhunën psikologjike dhe ekonomike e cila është mjaft e pranishme.

Nga grupi i Komunikimit të OKB-së në BeH theksojnë se kuptimi i rëndësisë e secilës prej këtyre temave nuk do të ishte e mundur pa mbështetjen adekuate të përfaqësuesve të medias.

Reklamë
Reklamë

Grekët shkruan: ‘Thikë! Tel! Srebrenica’, Dzeko i ‘kërcënon’ për ndeshjen në Bosnje

Futbollistët e Bosnjës dhe Hercegovinës janë shprehur të pakënaqur me atmosferën e krijuar në ndeshjen ndaj Greqisë.

Periskopi.com Sporti

Tifozët grekë kishin fyer dhe shpalosur thirrje raciste dhe fashiste në sfidën ndaj boshnjakëve.

Në një baner ata kishin shkruar ‘Thikë! Tel! Srebrenica’, duke u kujtuar atyre masakrën e tmerrshme nga serbët në vitin 1995, ku janë vrarë mbi 8300 boshnjak civilë në Bosnje.

Ndërsa, sulmuesi Edin Dzeko i falënderon grekët për pritjen e keqe dhe thotë se mezi pret përballjen me Greqinë në Bosnje.

“Ndiej sikur kemi humbur 3:0. Grekët nuk e kanë merituar, jo një pikë, por është dashur të humbasin 4:0. Nuk ka rëndësi, shkojmë tutje, i falënderojmë për mikpritjen e keqe. Mezi po i pres në Zenicë”, ka thënë Dzeko. /Periskopi.com

Reklamë
Reklamë

Zbulimi i gazetarit italian: Bosnja e furnizon ISIS-in me armë për sulme në Evropë

Luigi Palaca, gazetar i njohur i emisionit italian Le Iene (Hienat), ka realizuar një reportazh për shitjen ilegale të armëve në Bosnjë dhe Hercegovinë, që është transmetuar në programin “Italia 1”.

Periskopi.com Lajme

Reportazhi i titulluar “Ku i blenë ISIS armët për sulmet në Evropë”, ka shkaktuar reagime dhe debate të ashpra në rrjetet sociale italiane, dhe tek një numër i konsiderueshëm i njerëzve që kanë shprehur dyshime në favor të kontekstit negativ që e shfaq Bosnjën, ku gazetari italian kishte udhëtuar pothuajse nëçdo qytet të këtij vendi, transmeton Telegrafi.

Në fillim të reportazhit që zgjat vetëm 19 minuta, Palaca udhëton për në Sarajevë për të dokumentuar se sa lehtë terroristët e ISIS-it mund të blejnë armë dhe t’i transferojnë ato në Evropë.

Në pamjet e filmuara nga kamerat e fshehta, shfaqet momenti kur takohet me “kontaktin” e tij në Bosnje dhe Hercegovinë,i cili i aranzhon një takim me shitësit e armëve në pjesë të ndryshme të vendit.

“Kontakti ” i tij nga Bosnja e ka pritur në shtëpinë e vet, ku i ka shpjeguar për të kaluarën e tij kriminale në Itali dhe jetën që tani e bën në Sarajevë, si dhe mënyrën e kontrabandimit të 500 pushkëve automatike AK-47 në Holandë.

“Kontakti” i gazetarit italian mburrej se si pushkët e tij automatike arrijnë çmimin prej dy kilogramëve kokainë për copë. Në video mund të shihet se si ai blen një pushkë të vjetër ushtarake nga disa persona të panjohur nga pjesa veriore e qytetit të Mostarit, ku edhe e teston në afërsi të fshatit Nertva.

Ai këtë pushkë e kishte paguar 75, ndërsa ka mbuluar fytyrat e personave nga të cilët e kishte blerë. Por përveç pushkës, Palaca provoi edhe pushkën automatike AK-47, një granatë dore, një revole… ku disa prej të cilave edhe i ka blerë.

Në fund të reportazhit, “kontakti” i shpjegon se si kontrabandojnë armët me vetura dhe llojet e parfumeve që i përdorin në pikat kufitare, me qëllim që të hutimit të qenve që nuhasin barotin.

Reklamë
Reklamë