johnsa-650x358

Johnson – Trumpit: Shikoni çfarë kanë bërë rusët në Ballkan

Sekretari i Jashtëm i Britanisë së Madhe, Boris Johnson ka thënë se janë të gabuara mospëlqimet e qeverive të Bashkimit Evropian (BE) ndaj reagimit që Turqia ka dhënë ndaj tentativës për grusht shteti më 15 korrik dhe se Turqia është e rëndësishme për sigurinë e përbashkët të Evropës.

Periskopi.com Lajme

Johnson u është përgjigjur pyetjeve të deputetëve në seancën e organizuar në Dhomën e Ulët të Parlamentit Britanik.

Johnson ka theksuar se është mbrojtës i shtetit izraelit porse rritja e vendbanimeve ilegale në Bregun Perëndimor nuk do t’i kontribuojë paqes, transmeton lajmi.net.

Sipas Johnson, zgjidhja e vetme e çështjes palestinezo-izraelite është zgjidhja me dy shtete. Duke folur për sulmin e fundit ndaj ushtarëve izraelitë në Jerusalem, Johnson ka potencuar se “Jemi duke u përpjekur që palestinezët ta kuptojnë se nuk do të ketë shpresë për paqe derisa nuk i kontrollojnë ekstremistët”.

Duke vënë në pah se asnjëherë nuk i ka mbështetur politikat e presidentit rus Vladimir Putin në Siri, Sekretari i Jashtëm britanik Johnson ka thënë se “Nëse shikojmë luftën kibernetike të Rusisë dhe veprimtarinë e saj në Ballkanin Perëndimor, shohim se ajo nuk ka bërë gjëra të mira. Megjithatë, është me rëndësi të kuptohet se mund të ketë disa fusha në të cilat mund të punojmë me Rusinë”.

Shefi i diplomacisë britanike, Boris Johnson ka deklaruar se Britania e Madhe i ka thënë presidentit të ri amerikan, Donald Trump dhe ekipit të tij se Rusia është e gatshme për manovra të ndryshme të ndyta.

Ai ka theksuar se Trumpit dhe ekipit të tij i ka thënë se Rusia është përgjegjëse për hakime gjatë zgjedhjeve presidenciale në Amerikë, transmeton lajmi.net.

Siç transmeton AP, Johnson ka thënë se “është praktikisht e qartë se hakimi i emailave të demokratëve ka ardhur nga rusët”. /Lajmi.net/

Isa Mustafa ne Mbreteri te Bashkuar

Sekretari Johnson vlerëson rolin e Kosovës në rajon

Shefi i diplomacisë britanike, Boris Johnson, ka vlerësuar reformat në Kosovë dhe rolin e saj në sigurinë rajonale.

Periskopi.com Lajme

Përmes një postimi në Twitter, sekretari i shtetit për Punë të Jashtme në Mbretërinë e Bashkuar ka bërë të ditur se gjatë takimit me kryeministrin Isa Mustafa, ka përsëritur mbështetjen e Mbretërisë së Bashkuar për Kosovën  si dhe ka mirëpritur reformat dhe rolin e Kosovës në sigurinë rajonale.

“Ritheksova mbështetjen e Mbretërisë së Bashkuar për Kosovën me kryeministrin Isa Mustafa. Mirëprita përpjekjet e tij për reforma dhe rolin në sigurinë nacionale”, shkruan Johnson në Twitter.

 Boris Johnson