E jashtëzakonshme: Ja çfarë rekordi kanë thyer çifti Obama

Lajmin se ish-presidenti Obama dhe zonja e parë Michelle do të botonin një librin, kishte bërë bujë shumë të madhe në botën letrare, në atë se kush do të kishte të drejtën e botimit, përcjell Periskopi.

Periskopi.com Lajme

Ata tani jo vetëm që kanë gjetur Shtëpinë Botuese e cila është Penguin Random House, mirëpo edhe kanë arritur marrëveshje me një shifër rekord prej 60 milionë dollarë, gjë të cilën asnjë president deri tani nuk e ka bërë, shkruan Daily Mail.

Markus Dohle shefi ekzektuiv i Penguin Random House,  gjatë një deklarate për shtyp tha se ata ishin absolutisht të kënaqur të vazhdojnë partneritetin e tyre me ish-presidentin Obama.

“Më fjalët dhe mënyrën si e drejtuan shtetin ata e ndryshuan botën, dhe pikërisht këtë mundohemi ta bëjmë çdo ditë me librat e publikuara tek ne “, tha ai.

Si pjesë e marrëveshjes ata do të dhurojnë edhe 1 milion libra në emër të Obamës, derisa ende nuk dihet një datë se kur do të publikohet.

Asnjëherë deri tani një autor nuk është paguar kaq shumë, duke e lënë në hije librin biografik të Bill Clinton me 15 milion në vitin 2004, dhe Gorge W. Bush me 10 milionë në vitin 2010, derisa presidenti Donald Trump në librin e tij “Arti i marrëveshjes”, kishte marrë një paradhënie prej vetëm 500.000 dollarësh.

Ish-presidenti Barack Obama, edhe më herët kishte publikuar dy libra “Guximi i Shpresës” në vitin 2006 dhe “Letër për vajzat e mia” në vitin 2010, derisa ishte në Shtëpinë e Bardhë çka bëri që të fitonte 15.6 milionë dollarë nga shitja e tyre, dhe të gjitha të ardhurat kishin shkuar donacion për fëmijët e veteranëve.

Përkundër këtij fakti thuhet së është zonja e parë, Michelle ajo e cila pritet të thyejë një rekord të shitjeve, sepse padyshim që të gjithë janë të etur të mësojnë më shumë rreth jetës së saj dhe ditët në Shtëpinë e Bardhë. /Periskopi/

 

 

Ja në çfarë kohe do të inaugurohet Trump si president ?

Mijëra njerëz pritet që nesër ( më 20 janar) të shkojnë në Uashington, aty ku presidenti i zgjedhur Donald Trump, do ta bëjë betimin si presidenti i 45-të amerikan, shkruan BBC, transmeton Periskopi.

Periskopi.com Lajme

Mirëpo në çfarë kohe do të bëhet inaugurimi i tij si president ?

Çdo president i sapozgjedhur betohet në detyrë nga Kryegjykatësi i Gjykatës së Lartë, çdo katër vjet në mesditë.

Betimi është pjesë e një ceremonie paqësore që shënon kalimin e pushtetit, e që bëhet në kryeqytetin amerikan.

Presidenti Obama dhe zonja e parë, do ta shoqërojnë zotin Trump në ceremoninë zyrtare ku do të bashkohet me anëtarët e Kongresit, politikanë si dhe mbështetësit e tij, gjithashtu pritet që edhe ish-presidenti Bill Clinton dhe Hilary Clinton  të marrin pjesë.

Sipas zyrtarëve, pritet që rreth 800.000 deri në 900.000 njerëz të marrin pjesë në inaugurim, mirëpo është e paqartë nëse ata do të jenë atje për festë apo protestë, derisa 8 vjet më parë presidenti Barack Obama mblodhi 1.8 milionë njerëz.

Më shumë se 50 Demokratë kanë refuzuar publikisht për të marrë pjesë në ceremoni, shkaku i një grindje mes presidentit të sapozgjedhur dhe aktivistit për të drejtat civile dhe kongresmenit John Lewis, derisa as ky i fundit nuk do të jetë i pranishëm, mirëpo në vend të saj do të marrë pjesë në marshin e grave në Uashington. /Periskopi/

Votuan Hillary dhe Bill Clinton

Kandidatja demokrate për president të SHBA-së, Hillary Clinton dhe burri i saj, ish presidenti Bill Clinton, sapo kanë votuar në Nju Jork.

Periskopi.com Lajme

Ish sekretarja e shtetit është dukur e buzëqeshur dhe i ka përshendetur një numër të madh të gazetarëve dhe mbështetësve të saj që ishin mbledhur në këtë qendër votimi.

Megjithatë, ajo nuk është deklaruar për media.

Anketat e fundit para ditës së sotme të zgjedhjeve e kanë pozicionuar Hillaryn me 3.5 pikë para Donald Trump.

Emocionohet Bill Clinton​ teksa ritakohet me familjen shqiptare pas 17 vitesh

Periskopi.com Video