Kosova nuk mund të bëhet Mbretëri

Sekretari i NISMA për Kosovën, Bilall Sherifi ka ironizuar me një deklaratë të cilën e ka votuar sot Kuvendi i Kosovës.

Periskopi.com Lajme

Ai thotë se Parlamenti i Kosovës paska votuar sot një deklaratë përmes të cilës Kuvendi e njeh Kosovën vetëm si Republikë.

“Ata që nuk e njohin realitetin e Kosovës dhe nuk e dinë se Kosova qysh në vitin 2008 është shpallë Republikë, madje e Pavarur, Sovrane dhe Demokratike, pasi ta kenë lexuar këtë lajm, do të mund të vijnë në përfundim se deri më sot kur është miratuar kjo deklaratë, Kosova ka mundur të ketë qenë ndonjë Mbretëri apo kush e di çka tjetër dhe nga sot përmes kësaj deklarate është shndërruar në Republikë!”, ka shkruar ai./ Periskopi

Sherifi i NISMA-s thotë se Gjykata e Francës po bën ‘lojëra’ me rastin e Haradinajt

Sekretari i Përgjithshëm i Nismës për Kosovën, Bilall Sherifi, e ka quajtur të papranueshme vendimin e autoriteteve të drejtësisë në Francë lidhur me shtyrjen e verdiktit për ish-kryeministrin, Ramush Haradinaj.

Periskopi.com Lajme

Në një prononcim për “Indeksonline”, ai ka thënë se jo vetëm shtyrja e vendimit për 2 mars, por e i tërë procesi lidhur me Ramush Haradinajn, që nga ndalimini i tij në Francë, ka qenë i padrejtë.

“As fshehja pas procedurave e gjykatës në Colmar nuk mund të justifikojë këtë vendim të padrejtë. Edhe vonesat janë padrejtësi ndaj Ramushit dhe vlerave në emër të të cilave luftoi Ramushi së bashku me botën e demokratike pjesë e së cilës ishte edhe Franca”, ka thënë ai.

Ndryshe, Gjykata e Apelit në Colmar ka marrë vendim për shtyrjen e marrjes së vendimit përfundimtar për 2 mars.

“Prokurori shtetëror francez ka kërkuar informacione shtesë nga Serbia për shumë çështje, përfshirë edhe saktësimin e dokumenteve të caktuara, si dhe informacione shtesë për procedurën penale në Serbi”, ka thënë zëdhënësja e gjykatës, Sandra di Rosa.

 

Sherifi letër publike demokratëve të Francës për Haradinajn: “Provat” e Serbisë si “Provat” e Gestapos!

Sekretari i Përgjithshëm i Nismës për Kosovën, Bilall Sherifi, përmes ambasadorit të Francës në Kosovë, Didier Chabert, iu është drejtuar me një letër publike demokratëve të Francës.

Periskopi.com Lajme

 

Sherifi në letrën e tij thotë se “Demokratët francez duhet ta dinë se Ramush Haradinaj është njëri nga udhëheqësit e rezistencës sonë kombëtare, të cilit i janë vrarë disa anëtarë të familjes gjatë ‘Barbarisë së regjimit të Millosheviqit’ siç e pati cilësuar në atë kohë Presidenti i shtetit tuaj, z.Jacques Chirac.

Letrën, që për bazë ka arrestimin e liderit të AAK-së, Ramush Haradinaj nga autoritetet franceze, Sherifi e ka titulluar” “Provat” e Serbisë si “Provat” e Gestapos!”.

Lexojeni të plotë letrën e Sherifit:

“Provat” e Serbisë si “Provat” e Gestapos!

Letër publike demokratëve të Francës,

(Përmes ambasadorit të Republikës së Francës në Kosovë, Shkëlqesisë së tij, z. Didier CHABERT)

Më 4 janar të këtij viti policia franceze arrestoi ish Kryeministrin e Kosovës dhe luftëtarin e njohur për çlirimin e Kosovës, Ramush Haradinaj. Dy ditë më vonë, gjykata franceze e qytetit Colmar vendosi që Ramush Haradinajn ta mbajë në arrest deri në kohën kur Serbia t’ua dërgojë provat mbi të cilat ka mbështetur fletë-arrestin ndërkombëtarë. Tek pasi të shqyrtojë “provat” serbe gjykata franceze do të vendosë për fatin e luftëtarit të lirisë së Kosovës.

I nderuar ambasador,

Kam bindjen e plotë se të gjithë demokratëve të mirëfilltë të Francës ju kujtohet Nikolaus Barbie. Për shkak të krimeve më monstruoze që ky oficer i GESTAPOS kreu gjatë okupimit nazist të Francës historia e kujton si “KASAPI I LYON-it”. Nuk do të zgjerohem në shembuj të shumtë për t’ua rikujtuar krimet monstruoze të “KASAPIT TË LYON-it” që përmes torturave më çnjerëzore çuan drejt vdekjes mijëra pjesëtarë të rezistencës së kombit tuaj kundër pushtimit nazist. Po përmend vetëm Jean Moulin-in, njërin nga figurat më markante të rezistencës franceze. Gjatë PROCESIT TË EKSTRADIMIT të Jean Moulin-it për në Gjermani ai u mbyt mizorisht nga “Provat e GESTAPOS” dhe metodat e aplikuara nga Klaus Barbie.

Pas çlirimit nga okupimi nazist Jean Moulin-in u nderua në mënyrën më dinjitoze të mundshme duke iu siguruar vendi edhe në Pantheon, ku ndodhen varrezat e njerëzve më të mëdhenj të kombit francez. Edhe pse Nikolaus Barbie u fsheh për rreth 40 vjet, “KASAPI I LYON-it” u arrestua, u dënua për krimet kundër njerëzimit dhe përfundoi jetën prapa grilave të burgut. Fatkeqësisht, sivëllezërit serbë të “KASAPI I LYON-it” janë të pozicionuar në të gjitha funksionet më të larta shtetërore të Serbisë.

I nderuar ambasador, ju lus që si përfaqësues i Republikës së Francës në Kosovë t’ua përcillni demokratëve të vendit tuaj shqetësimet që lidhen me veprimin e institucioneve të drejtësisë në Francë.

Demokratët francez duhet ta dinë se Ramush Haradinaj është njëri nga udhëheqësit e rezistencës sonë kombëtare, të cilit i janë vrarë disa anëtarë të familjes gjatë “Barbarisë së regjimit të Millosheviqit” siç e pati cilësuar në atë kohë Presidenti i shtetit tuaj, z. Jacques Chirac. Për dallim nga Jean Moulin-i francez, Ramush Haradinaj u shpëtoi të gjitha përpjekjeve që kishte ndërmarrë shteti serb për ta eliminuar. Ai u mbijetoi plagëve të marrë gjatë luftime të shumta me okupatorin, u mbijetoi proceseve gjyqësore të organizuara mbi bazën e provave të sajuara nga Shërbimi Sekret Serb (GESTAPOJA SERBE) dhe u mbijetoi disa arrestimeve që ishin bërë me kërkesën e mbeturinave të Regjimit të Millosheviqit që udhëheqin Serbinë.

I nderuar ambasador,

Populli i Kosovës trishtohen kur sheh se institucionet e drejtësisë së vendit tuaj presin “PROVAT” nga Regjimi i Beogradit për të vendosur për fatin e njeriut që për ne ka vlerën e Jean Moulin-it tuaj, që i ka shpëtuar vdekjes. Ramush Haradinaj dhe të gjithë luftëtarët tjerë të lirisë së Kosovës kanë zënë një vend të përjetshëm në panteonin e zemrave liridashëse. Madje edhe të demokratëve të Francës.

Kam bindjen e plotë se të gjithë demokratët francez duhet të trishtohen kur shohin se institucionet e vendit të tyre sjellin vendime në përputhje me dosjet e sajuara nga një regjim politik dhe nga një shërbim sekret që është krahasuar me regjimin hitlerian dhe GESTAPON Gjermane. Nuk ka paradoks më të madh se fakti që gjykata e vendit tuaj kërkon “provat” nga sivëllezërit e Nikolaus Barbie-së. Kjo sjellje e institucioneve të drejtësisë franceze është fyerja më e rëndë për të gjithë ata francezë që ndër shekuj dhanë jetën e tyre nën devizën e Republikës franceze: Liberté, Égalité, Fraternité.

Është koha që demokratët të thuan fjalën e tyre!

 

Hashim Thaçi në një linjë me Daçiçin dhe Del Ponten!

Akuzat se gjoja dëshmitarët në Kosovë janë kërcënuar, madje edhe janë vrarë, nuk janë të reja, janë akuza të përsëritura deri në banalitet.

Bilall Sherifi Opinione

Të gjithë prokurorët që kishin lëndët e sajuara kundër luftëtarëve të UÇK-së, qofshin prokurorët e gjykatës ndërkombëtare të Hagës, qofshin ata që udhëhiqnin proceset gjyqësore në Kosovë, kur ballafaqoheshin me mungesa provash arsyetoheshin se gjoja “dëshmitarët ishin kërcënuar apo vrarë”. Kjo formë e justifikimit ishte e njohur si formë që paraprakisht kishin përdorur prokurorët dhe gjyqtarët serbë dhe që ishte përvetësuar nga Carla del Ponte dhe disa prokuror të UNMIK-ut dhe të EULEX-it.

Krahas prokurorëve dhe gjyqtarëve serbë e ndërkombëtar akuzat për gjoja kërcënimin e dëshmitarëve ose vrasjen e tyre e përsëritnin edhe politikanë serbë të sortës së Koshtunicës, Tadiçit, Daçiçit, Vuçiçit, Nikoliçit dhe ndërkombëtarë qofshin të spektrit fashist ose komunist të llojit të Le Penit dhe të Luc Melencon apo të neonazistit Undo Voigt…Dhe në fund kësaj akuze të rrejshme iu bashkua edhe Hashim Thaçi, në cilësinë e presidentit të vendit.

Arsyet pse Carla del Ponte dhe zyrtarët Serbë i kanë bërë këto akuza kundër Kosovës janë të shpjegueshme, ata i ka bashkuar armiqësia ndaj Kosovës dhe SHBA-ve.

Mirëpo përsëritja e akuzave të njëjta nga presidenti i vendit Hashim Thaçi është shumë më e rëndë. Është shumë më e rëndë sepse armiqtë e Kosovës do ta përdorin si argument përpara të gjithë atyre që kishin dilema mbi vërtetësinë e këtyre akuzave. Kjo deklaratë e papërgjegjshme e Presidentit të Kosovës është thikë pas shpine UÇK-së dhe implikim i drejtpërdrejtë në fshehjen e kriminelëve që kishin kryer krimet që u mvishen luftëtarëve të lirisë.

Për mua, ky veprim i Hashim Thaçit përbën një përpjekje dëshpëruese të tij për të ndërruar statusin e tij personal në raport me Gjykatën Speciale. Në të ardhmen do të shihni se si kjo deklaratë e tij në të gjitha proceset që do të mbahen nga Gjykata Speciale do të përdoret si dëshmi nga prokurorët kundër të akuzuarve dhe kundër Kosovës. Pra, përmes kësaj deklarate Hashim Thaçi i vetë ofrohet Gjykatës Speciale si dëshmitar. Vetëm se ky jo sikur dëshmitar i mbrojtur! Mbase anonim?

Nga kërcënimi për padi kundër Dik Martyt në dekoratë të mundshme nga Hashim Thaçi!

Kur Dick Marty me ndihmën e Serbisë hartoi një raport përmes të cilit e akuzoi UÇK-në dhe drejtuesit e saj për krime monstruoze, deri në trafikim me organe njerëzore, i tërë opinioni publik kombëtar u trondit. Dhe kishte plotësisht të drejtë të tronditej sepse hidhej një hije e keqe në luftën çlirimtare të Kosovës.

Bilalla SHERIFI Opinione

Në atë kohë edhe Hashim Thaçi dukej i tronditur, i cili jo vetëm se i hodhi poshtë akuzat e Dick Martyt por u zotua se do ta padisë për shpifje hartuesin e këtij raporti. Revolta e Hashim Thaçit ishte aq e madhe sa që Dick Martyn e krahasoi me Joseph Goebbelsin (ministrin e propagandës naziste të Hitlerit).

Po rikujtojmë se ky raport ishte përgatitur në periudhën kur Hashim Thaçi ishte kryeministër i Kosovës, prandaj edhe konsiderohet si njëri nga dështimet më të mëdha të politikës së jashtme të qeverisë së tij. Po rikujtoj gjithashtu se në krye të politikës së jashtme të Kosovës ishte nominuar Enver Hoxhaj, për të cilin Hashim Thaçi na kishte thënë se gjatë kohës sa ky kishte qëndruar në Vjenë kishte punuar kundër UÇK-së.

Nga ajo periudhë ka kaluar një kohë jo e gjatë dhe gjërat u kujtohen shumicës dërmuese të njerëzve. Çdo kush që ka pasur mundësi të përcjellë fjalën e Hashim Thaçit në Kuvendin e Kosovës në cilësinë e presidentit të vendit me të drejtë ka mundur të konstatoj ndryshimin rrënjësor të Hashim Thaçit për Gjykatën Speciale, këtij produkti të raportit të Dick Martyt.

Në fjalën e tij Hashim Thaçi tha të kundërtën e asaj që kishte thënë kur ky raport u bë publik. Sot, opinioni publik pati mundësi të dëgjonte nga goja e Hashim Thaçit se gjoja “Gjykata Speciale nuk është produkt i vendimeve politike të gabuara dhe se kjo gjykatë nuk duhet të shikohet si ndëshkim, por si avantazh për vendin”!!!

Pra, në fillim të publikimit të këtij raporti Kryeministri Hashim Thaçi e refuzoi kategorikisht raportin dhe u kërcënua publikisht se do të ngre padi penale kundër Dick Martyt. Tani, në cilësinë e presidentit të Kosovës, Hashim Thaçi “harroi” Joseph Goebbelsin e raportit që kishte përgatitur kundër UÇK-së dhe rezultatin e këtij raporti e vlerëson si “Avantazh për vendin”!!! Kjo është më shumë se hipokrizi!

Kur po shohim ndryshimet e vazhdueshme të qëndrimeve të këtij personi për të gjitha çështjet jetike të Kosovës nuk është për t’u habitur nëse në të ardhmen Hashim Thaçi, në vend të padisë së premtuar kundër Dick Martyt (Joseph Goebbelsit të ri), të propozojë një Dekoratë Presidenciale për gjoja “Avantazhin e madh” që Dick Marti ia ka bërë Kosovës! Së paku mua nuk do të më habiste dekorimi i Dick Martyt nga Hashim Thaçi.

 

Sherifi për formimin e komisionit për demarkacion: “Mos paç punë luaje derën”

Vendimi i Qeverisë për formimin i një komisioni të ekspertëve për matjen e kufirit me Malin e Zi, çështje kjo që ka shkaktuar kriza e trazira politike në vendin tonë gjatë vitit të kaluar, nuk po shihet me optimizëm dhe si lajm i mirë nga opozita.

Periskopi.com Lajme

Sekretari i Nisma për Kosovën Bilall Sherifi për Gazetën Monitor ka thënë se Qeveri tash ka mbetur pa punë dhe se përmes formimit të këtij komisioni donë të krijojë përshtypjen se është duke punuar, por se kjo sipas tij nuk paraqet realitetin.

Ai ka përshkruar për Gazetën Monitor në një mënyrë interesante formimin e këtij komisioni.

“Kanë mbet pa punë dhe përmes formimit të këtij komisioni po bëhen gjoja po punojnë diçka. Kësaj i thonë “Mos paç punë luaje derën”, ka thënë Sherifi për Gazetën Monitor.

Ndryshe sot gjatë ditës qeveria ka miratuar  vendimi për formimin e një komisioni për themelimin e Komisionit të ekspertëve për matjen e territorit të Kosovës.

Ky ekip do të ketë ekspert të ndryshëm përfaqësues të partive opozitare, agjencive tjera , fakultetit Matematikës Natyror, Polica , shoqëria civile, përfaqësues të komunës së Pejës, gjeodezisë dhe do të mbikëqyret edhe nga BE.

Zgjedhjet në Maqedoni – shqiptarët humbën mandate, fituan vëmendjen e të gjithëve!

Si asnjëherë më parë rezultati i zgjedhjeve parlamentare në Maqedoni, në veçanti ai i votuesve shqiptarë, shkaktoi një debat të madh publik në gjithë hapësirën kombëtare shqiptare dhe më gjerë. Mënyra se si ata e dhanë votën e tyre në këto zgjedhje, vërtetë bëri që t'i humbin disa mandate në parlament, por fituan vëmendjen e munguar në vite të tëra. Po qese edhe kësaj radhe do të kishin votuar ashtu sikur kanë votuar gjithmonë, sigurisht që do t’i kishin marrë edhe disa mandate më shumë, mirëpo e tërë kjo histori do të përmbyllej shumë shpejt.

Bilall Sherifi Opinione

Fituesi i zgjedhjeve do të kishte dalë rrugëve të qyteteve shqiptare në Maqedoni për të festuar fitoren dhe të nesërmen do t’i kishte filluar bisedimet për të ndërtuar koalicion me partinë fituese maqedonase dhe kështu do të ishin zhytur sërish në përditshmërinë 4 vjeçare deri në zgjedhjet e ardhshme.

Votën e votuesit shqiptar në Maqedoni duhet kuptuar si ndezje të alarmit të kuq përmes të cilit ai në këto zgjedhje shprehu pakënaqësinë mbi gjendjen në të cilën është katandisur. Në këtë shkrim do të përpiqem të jap këndvështrimin tim se cilat janë arsyet që e shtynë votuesin shqiptar në Maqedoni të veprojë në këtë mënyrë dhe cila është porosia e verdiktit të tij që e dha më 11 dhjetor.

Në demokraci pushtetin askush nuk e ka të garantuar përgjithmonë. Nuk është një e dhënë e përhershme. Në shumicën e vendeve demokratike, së paku në çdo katër vite, përmes zgjedhjeve të lira dhe të drejta ai duhet  të rimerret. Pushteti është fuqi e shpërndarë në qindra mijëra apo miliona pjesë, e cila përmes një procesi zgjedhor koncentrohet në një vend, në këtë rast te partia politike e më pas përmes saj bartet te organet shtetërore, dhe pas një periudhe të caktuar kjo fuqi kthehet sërish te ‘Aksionarët’, që në këtë rast janë votuesit. Shprehur me logjikën e “Shoqatave Aksionare” partitë janë një lloj “Shoqate Aksionare” ku votuesi është aksionar ndërsa vota e tij një “Aksion”, të cilin, si pronar i saj që është, ka të drejtë ta investojë te cila do “Shoqatë Aksionare”, parti politike që beson se do t’i mbrojë më së miri interesat e “aksionit” të tij.

Analiza mbi arsyet pse shqiptarët e Maqedonisë votuan ashtu sikur votuan të dielën e kaluar do të ishte e mangët nëse nuk do të analizoheshin së pari arsyet dhe rrethanat në të cilat u organizuan këto zgjedhje të jashtëzakonshme parlamentare. Këndvështrimi im mbi votën e elektoratit shqiptar në këto zgjedhje në Maqedoni do të përqendrohet në ato arsye që, sipas meje, i shtynë shqiptarët e Maqedonisë të japin këtë verdikt ashtu të tillë sikur e dhanë. Po t’i hedhim një sy rezultatit të zgjedhjeve në Maqedoni do të shohim se për herë të parë në historinë e zgjedhjeve parlamentare, votuesit shqiptar në Maqedoni nuk kanë prodhuar një fitues të vetëm te blloku politik shqiptar.

Në historinë 25 vjeçare pluraliste shqiptarët e Maqedonisë kanë pasur tre lider, i pari ishte kryetari i PPD-së Nevzat Halili, i dyti ai i PDSH-së Arbër Xhaferi, i treti dhe i fundit kryetari i BDI-së Ali Ahmeti. Fuqia e tyre vendimmarrëse shtrihej përtej fuqisë që zakonisht kanë drejtuesit e një partie politike. Për shkak të specifikave në të cilat jetonin shqiptarët në Maqedoni shpesh herë që të tre kanë pasur fuqi të marrin vendime që shtriheshin përtej një mandati pa pasur nevojë që këtë vendim marrje ta ndajnë edhe me dikë tjetër.

Në veçanti me një pushtet të tillë, pothuajse absolut, përmes zgjedhjeve, shqiptarët në Maqedoni që nga viti 2001 e kanë pajisur Ali Ahmetin dhe partinë e tij BDI-në. Arsyet pse Ali Ahmeti është pajisur në vazhdimësi me pushtet kaq të madh nga votuesit shqiptar besoj që publikut i janë të njohura.

Në këto zgjedhje për herë të parë në historinë e zgjedhjeve parlamentare shqiptarët në Maqedoni votën e tyre e shpërndanë te 5 parti politike: BDI, BESA, ALENCA për SHQIPTARËT, PDSH, dhe për herrë të parë edhe te një parti politike maqedonase te Lidhja Social Demokrate e Maqedonisë (LSDM).

Pra, për herë të parë në historinë e zgjedhjeve shqiptarët në Maqedoni nuk prodhuan një fitues të vetëm të zgjedhjeve, asnjërës parti nuk i dha mjaftueshëm mandate në mënyrë që e vetme të mund të hyjë në koalicion me partitë politike maqedonase dhe të mund të marrë vendime në emër të tyre. Përmes këtij verdikti, porosia e votuesve shqiptar duket të jetë shumë e qartë. Nëse deri me tani bashkëpunimi mes politikanëve shqiptar në Maqedoni me njëri tjetrin ka qenë çështje e vullnetit të tyre, tani e tutje, përmes këtij rezultati të shpërndarë në kaq shume forca politike është shndërruar në detyrim. Në detyrim sepse as njërit veç e veç nuk i mjafton fuqia që i ka dhënë elektorati shqiptar për t’i përfaqësuar e vetme në institucionet e shtetit.

Kaq sa i përket pjesës së elektoratit shqiptar që i votoi partitë politike shqiptare. Tani, do të jap mendimin tim se cilat janë arsyet që një pjesë e shqiptarëve e votoi LSDM-në e Zoran Zaevit. Maqedonia që nga viti 2006 udhëhiqet nga Nikolla Gruevski, ndërsa pjesë e qeverisjes me të, me përjashtim të mandatit të tij të parë 2006-2008 ku për partner kishte PDSH-në e Menduh Thaçit, që nga viti 2008 e deri më sot në qeverisje me te ishte BDI e Ali Ahmetit.

Nikola Gruevski dhe VMRO që nga viti 2006, me një lehtësi dhe diferencë të madhe i fitonte të gjitha betejat elektorale në kampin maqedonas. Në gjithë Maqedoninë, madje edhe në qarqet ndërkombëtare flitej hapur se kjo diferencë nuk ishte produkt vetëm i vullnetit të zgjedhësve maqedon por arrihej edhe me ndihmën e mjeteve tjera por që në rrethana të shtetit të kapur ishte e vështirë të dëshmohej dhe të provohej një gjë e tillë, prandaj edhe rezultatet e zgjedhjeve pranoheshin ashtu sikur edhe certifikoheshin nga Komisioni Shtetëror Zgjedhor i Maqedonisë (KSHZ). Si rezultat i këtij fakti, në Maqedoni u krijua miti se Gruevski është i pa thyeshëm prandaj ajo që duhej bërë ishte të mësohemi të jetojmë me te dhe të përpiqemi të nxjerrim atë që mundemi të nxjerrim. Kështu në Maqedoni u krijua një gjendje dëshpëruese dhe pothuajse e pa shpresë.

Nga momenti kur opozita Maqedonase në krye me Zaevin filloi të publikojë një seri të telefonatave të përgjuara në të cilat shpërfaqej fytyra e vërtetë e regjimit që kishte instaluar Gruevski, u ngjall shpresa se epoka e tij do të merrte fund. Përgjimet e publikuara, përveç tjerash, shpërfaqën edhe mënyrën se si Gruevski kishte arritur në vazhdimësi ta krijojë atë diferencën e madhe mes partisë së tij dhe kundërshtarit të tij LSDM-së.

Mirëpo, përkundër këtyre publikimeve, të cilat në çdo vend me demokraci madje jo shumë të zhvilluar, do të kishte shkaktuar një tërmet të vërtetë në skenën politike të atij vendi ku, politikanët që do të kishin qenë pjesë e një skandali të tillë, në zgjedhjet e radhës nuk do të kishin pasur asnjë shans për të fituar sërish, në Maqedoni nuk po e jepte efektin e pritur sepse të gjitha anketat e besueshme tregonin se Gruevski kishte një rënie të lehtë te elektorati maqedonas por jo mjaftueshëm saqë t’i shkaktonte atij humbjen e zgjedhjeve. Kjo situatë krijonte frustrime edhe te kampi opozitar maqedonas por edhe te ai shqiptar.

Pra, skandalet e publikuara krijuan një situatë të atillë në të cilën i tërë diskursi publik u orientua vetëm në një drejtim, në shpalljen e Gruevskit si fajtorin e vetëm për gjendjen në cilën kishte rënë Maqedonia dhe rrjedhimisht edhe kërkonin rrëzimin e tij.

Rrëzimi i tij u shndërrua pothuajse në kauzë të përbashkët të të gjithëve, madje edhe e atyre që në periudha të ndryshme kishin bashkë qeverisur me te. Që kauza e rrëzimit të Gruevskit nga pushteti tani mbështetej edhe nga faktorët ndërkombëtar ishte bërë sekreti më i madh publik në historinë pluraliste të Maqedonisë.

Zaevi i bindur se vetëm me votat nga elektorati maqedonas, i cili historikisht në shumicë nuk ka qenë miqësor me shqiptarët, nuk do të mund ta rrëzonte Gruevskin, në strategjinë për të fituar zgjedhjet e radhës, filloi të kërkojë ndihmën edhe të shqiptarëve. Dhe, sikur edhe del nga rezultati i këtyre zgjedhjeve me një sukses relativisht të mirë.

Në këto rrethana të krijuara në Maqedoni, një numër i konsiderueshëm i votuesve shqiptar, të shtyrë nga arsye dhe motive të ndryshme por gjithsesi duke besuar që e keqja më e madhe e Maqedonisë ishte Gruevski, rrjedhimisht edhe shkaktar i gjendjes së tyre të rëndë ekonomike dhe sociale, si dhe të bindur se Zaevi vetëm me votat e maqedonasve nuk do të arrijë ta mund Gruevskin, vendosën që votën e tyre t’ia japin Zaevit.

Gjithashtu një ndër arsyet e votës për Zaevin të votuesve shqiptar është edhe fakti se votuesi shqiptar i LSDM-së duke dashur me çdo kusht rrëzimin e Gruevskin më shumë ka besuar se një gjë të tillë do ta arrijë përmes votës dhënë LSDM-së sesa votës së dhënë partive shqiptare.

Alarmi i ndezur i votuesve shqiptar duhet kuptuar drejt dhe jo të fillohet linçimi i atyre që në këto zgjedhje kanë votuar ndryshe nga që kanë votuar deri më sot. Sidomos përpjekja që votuesi shqiptar i LSDM-së, ose të shpallet thjesht vetëm i zhgënjyer, apo edhe më keq, të etiketohet deri në nivelin e tradhtisë është jo vetëm e pasaktë por edhe e pa pranueshme.

Fakti që LSDM ka votues edhe në Tanushë aty ku filloi lufta e shqiptarëve në Maqedoni, dhe në Haraqinë aty ku përpos që u zhvilluan beteja të ashpra është edhe simbol i përfundimit të luftës, e përjashton një akuzë të tillë.

Paradoksalisht, tani që shqiptarët në Maqedoni dolën më të dobët në mandate, kanë një shans historik që përmes një bashkëpunimi mes forcave politike të realizojnë shumë më shumë të drejta sesa që kanë realizuar apo do të realizonin përmes më shumë mandateve por të siguruara vetëm nga një parti politike.

Iniciativat për ta bërë të mundur këtë bashkëpunim mes partive politike shqiptare tanimë kanë filluar. Sidomos iniciativa e filluar nga kryeministri i Shqipërisë Edi Rama është një mundësi e mirë që humbja e vogël, ajo e disa mandateve, të mund të shndërrohet në një fitore të madhe, ajo e realizimit të atyre të drejtave që, përkundër pasjes deri më tani të më shumë mandateve, nuk u realizuan deri më sot.

Për fund, Gjermanët e kanë një shprehje për zgjedhjet e cila thotë “Erste Tag nach der Wahl, ist erste Tag vor der Wahl” që në shqip do të thotë “Dita e parë pas zgjedhjeve është dita e parë para zgjedhjeve”.

Sherifi shpjegon shkallët e murit në Mitrovicë, tregon edhe pse po i quajnë shkallë

Sekretari i NISMA për Kosovën, Bilall Sherifi thotë se të besosh që duke ia shtuar muri shkallët nuk është mur, është njëjtë sikur të besosh që kur aeroplanit ia vendos shkallët nuk është aeroplan.

Periskopi.com Lajme

Sherifi thotë se kjo e njëjta logjike alkimiste -sikur në rastin e MURIT me shkallë dhe MURIT pa shkallë- është duke u përdorur edhe për të justifikuar krijimin e asociacionit të komunave me shumicë serbe duke thënë se meqë quhet asociacion nuk mund të bëhet entitet politiko-juridik në vete me kompetenca ekzekutive, raporton Periskopi

Sherifi thotë se Serbia vetëm po fshehët pas disa emërtimeve, sepse shumë shpejt do të kthehet me struktura paralele e me mure pa shkallë.

E krejt këto, sipas tij, janë produkt i procesit të bisedimeve të qeverive të Kosovës nga 2011 deri më sot.

Shkrimi i tij i plotë:

Të besosh që duke ia shtuar MURIT shkallët nuk është më MUR, është njëjtë sikur të besosh që kur AEROPLANIT ia vendos shkallet nuk është më AEROPLAN!

Ja, e shihni sa shpejt gjendet mënyra për të “zgjidhur” problemet që krijon Serbia në veri të Kosovës por jo vetëm atje?

Ajo Krijoi dhe financoi gjykatat paralele në Kosovë dhe me vite janë duke biseduar në Bruksel me qeverinë e Kosovës për t’i “integruar”, pra, për t’i futur ato brenda sistemit të gjykatave të Kosovës.

Krijoi dhe financoi të ashtuquajturën “Civilna Zashtita” të cilën po ashtu ka për qëllim ta “integrojë” brenda policisë së Kosovës.

Ngriti barrikada të cilat pastaj i zëvendësoi me “Parkun e Paqes”. Heqjen e së cilës e zëvendësoi me një Mur. Meqë rreth këtij dhe për këtë Mur u bë shumë zhurmë, ata vendosën që këtij Muri t’ia shtojnë disa shkallë. Duke ia shtuar disa shkallë duan të na bëjnë të besojmë se ai nuk është më Mur.

Të gjitha këto janë vetëm iluzione të llojit “Fata Morgana” sepse, Serbia një ditë gjykatësit do t’i nxjerrë nga sistemi dhe ata sërish do të bëhen pjesë e “gjykatave paralele” ndërsa policët e “integruar” do t’i kthejë te “Civilna Zashtita”

Gjithashtu një ditë prej dite “MURIT me shkallë” mund t’ia heqin shkallët dhe ai sërish bëhet “MUR pa shkallë”

Krejt këto janë produkt i procesit të bisedimeve të qeverive të Kosovës nga 2011 deri më sot.

Për fund, alkimistët modern janë vënë në lëvizje të na bëjnë të besojmë se kur MURI ka shkallë nuk është më MUR.

Të besosh që duke ia shtuar MURIT shkallët nuk është më MUR, është njëjtë sikur të besosh që kur AEROPLANIT ia vendos shkallet nuk është më AEROPLAN.

E njëjta logjike alkimiste -sikur në rastin e MURIT me shkallë dhe MURIT pa shkallë- është duke u përdorur edhe për të justifikuar krijimin e asociacionit të komunave me shumicë serbe duke na thënë se meqë quhet asociacion nuk mund të bëhet entitet politiko-juridik në vete me kompetenca ekzekutive!

Sherifi: PDK-së nuk i ka mbetur tjetër veç të thirret në luftën për çlirim

Sekretari i NISMA për Kosovën, Bilall Sherifi ka thënë se PDK-ja nuk ka treguar ndjeshmëri për rastin e Demakut pasi pretenduan për ta zënë këtë pozitë.

Periskopi.com Lajme

 

Sherifi tha në emisionin Zona B në Klan Kosova se po të kishte Vetëvendosje votat e NISMA-s në Drenas do të merrte pjesë në zgjedhje.

“Tani jemi para një situate, ku edhe kishim dilemë a të marrim pjesë në zgjedhje ose jo. Por pamë se te Partia Demokratike nisën të pretendojnë të marrin stafetën e lënë nga Nexhat Demaku për kryetar, atëherë në thamë se do të garojmë”.

“Ata nuk treguan ndjeshmëri për rastin e Demakut, duke pretenduar për të zënë këtë pozitë”.

“Vetëvendosje po të kishte votat e NISMA në Drenas sigurt do të merrte pjesë në zgjedhje”.

Sipas Sherifit PDK-ja ka zbarkuar me të gjitha mekanzimat që kanë në dispozicion që të prekin sentimentin e njerëzve.

“PDK atje ka zbarkuar me të gjitha mekanizmat që kanë në dispozicion. Në mungesë të rezultateve kjo “alamet” parti ka ardhur në situatë që elektoratin t’i thotë “aman mos na e ktheni shpinën”.

“Me çdo kusht përpiqen që të prekin sentimentin e njerëzve dhe mjetin e vetëm e përdorin luftën dhe çlirimin e vendit”, ka thënë Sherifi.

Kërkohet hetim për Hashim Thaçin, pas akuzave të ish – Guvernatorit!

Periskopi.com Lajme

‘Hashim Thaçi dikur e quante kriminel dhe tradhtar ministrin Enver Hoxhaj’

Dikur bashkëpunëtor i ngushtë i Hashim Thaçit, tash zyrtar i lartë i Nismës, Bilall Sherifi tregon karakterin e vërtetë të Hashim Thaçit.

Periskopi.com Lajme

Thotë se Hashim Thaçi njerëzit që i ka shpallur dikur tradhtar dhe kriminel tash i a bashkëpunëtorët më të ngushtë. Në një intervistë në Tribuna, Sherifi ka thënë se Thaçi e ka quajtur tradhtar dhe kriminel ministrin Enver Hoxhaj, dhe se u ka kërkuar të mos shoqërohen me të.

“Hashim Thaçi na ka njoftuar me të, ne nuk e kemi njohur. Ai na ka thënë se Enver Hoxhaj është një njëri i cili në Vjenë e ka sabotuar UÇK-në, ka punuar kundër UÇK-së e edhe kundër PDK-së. Madje ka thënë, Thaçi, po e citoj: Enver Hoxhaj ka thënë se nëse fiton UÇK-ja, pastaj PDK-ja, unë do të kërkoj azil në Beograd”.

“Thaçi ka thënë mos rrini me Enver Hoxhajn se ai është kriminel. E citoj bukfalisht si ka thënë”, transmeton Periskopi

Sherifi thotë se Hashim Thaçi shumicën e atyre që i ka pasur pranë tash i ka nëpër burgje./ Periskopi

Bilall Sherifi thotë se Gjurqin nuk e ndalon dot pushteti aktual

Anëtari i kryesisë së Nismës për Kosovën, Bilall Sherifi, ka theksuar se me pushtetin aktual, shefi i së ashtuquajturës Zyrë për Kosovën në Qeverinë e Serbisë, Marko Gjuriq, mund të hyjë e dalë kur të dëshirojë nga Kosova.

Periskopi.com Lajme

Ai ka thënë në televizionin Rrokum se Gjuriq shpejt do të nisë arrestimin e njerëzve në Kosovë.

Sherifi ka folur edhe për demarkacionin, duke thënë se ky version nuk do të kalojë. Ai ka shtuar se kësaj çështje ia kanë dhënë përgjigjen qytetarët e vendit.

Për mundësinë e luftës në Ballkan, Sherifi ka thëne se shqiptarët tashmë janë konsoliduar si komb dhe se zakonisht luftërat nisin kur një shtet është më i fortë se tjetri.

“Tash duhet me ditë që shqiptarët janë më të fuqishëm se në të kaluarën”, ka thënë ai.