Këshilltari i kryeministrit hap Spital të Zemrës

Biznesi i ri i avokatit Berisha është i vendosur në të njëjtin objekt ku më herët ka qenë i vendosur objekti i Klinikës “Intermed”, e cila ishte e përfshirë në skandalin e stentave.

Periskopi.com Lajme

Këshilltari i Kryeministrit dhe avokati i njohur Besnik Berisha i ka hyrë biznesit të spitaleve. Ai në profilin e tij në “Facebook” ka publikuar një fotografi të një ndërtese me mbishkrimin “Cardio Center” dhe simbolin e një zemre.

Biznesi i ri i avokatit Berisha është regjistruar në nëntor të vitit të kaluar dhe ai është i vetmi pronar i saj.

Sipas të dhënave në Agjencinë e Regjistrimeve të Bizneseve Kosovare, “Cardio Center” numëron 10 punëtorë.

Biznesi i ri i avokatit Berisha është i vendosur në të njëjtin objekt ku më herët ka qenë i vendosur objekti i Klinikës “Intermed”, e cila ishte e përfshirë në skandalin e stentave.

Spitali Intermed, si person juridik dhe pronarët e saj akuzohen për trajtim të pandërgjegjshëm të pacientëve. Pronar të këtij spitali, bazuar në të dhënat e publikuara në Agjencinë për Regjistrimin e Bizneve, kanë qenë: Lulzim Brovina, Borche Petrovski, Zhivko Petrovski, Marina Petrovska. Dy nga pronarët e këtij spitali, Borche Petrovski dhe Lulzim Brovina janë të akuzuar në rastin e stentave.

Avokati Berisha e mbron njërin nga të akuzuarit në rastin stenta. Berisha thotë se klienti i tij, Nexhmi Zeqiri asnjëherë nuk ka ushtruar profesionin në Klinikën “Intermed”.

Ky biznes i ri i Berishës, sipas informacioneve të publikuara në Agjencinë e Regjistrimit të Bizneseve Kosovare, do të merret me aktivitete spitalore, pa specifikuar se me çfarë aktivitetesh specifike spitalore do të merret.

KALLXO.com ka kontaktuar me avokatin Besnik Berisha, i cili përmes telefonit nuk ka pranuar të tregojë se me çfarë aktivitetesh do të merret ky spital, duke ironizuar se do të merret me aeroplanë.

“Nuk është punë e jotja ajo hiq, e ki aktivitetin e biznesit, ju më pyetni me çfarë aktiviteti keni me u marrë, me aeroplanë ka me u marrë”, tha Berisha për KALLXO.com. “Nëse e ki për artikull, shfrytëzoji të dhënat nga qendra e biznesit”.

I pyetur nga KALLXO.com se a do të jetë ai spital ku pacientët mund të vendosin stenta, ai prapë kërkon që të orientohemi tek qendra e biznesit. Megjithatë, në qendrën e biznesit nuk figuron asgjë më shumë sesa që në atë objekt do të ushtrohen aktivitete spitalore.

E në bazë të emrin të spitalit “Cardio Center” nënkuptohet që i njëjti do të merret me sëmundjet kardiovaskulare.

Në kohën kur ky objekt ka qenë në pronësi të dy të akuzuarve, Borche Petrovski dhe Lulzim Brovina, në “Intermed” aktivitetet që janë ushtruar kanë qenë, tregtia me shumicë e artikujve të parfumerisë dhe kozmetikës, tregtia me pakicë e artikujve farmaceutikë në dyqane të specializuara (barnatore), tregtia me pakicë e artikujve ortopedikë dhe mjekësorë,  aktivitete të dentistëve, etj

Berisha ka thënë se nuk e ka në plan të bëjë marrëveshje me Ministrinë e Shëndetësisë për trajtim të pacientëve të cilët nuk kanë mundësi të shërohen në spitalet publike.

“Asnjë spital s’ka marrëveshje me Ministrinë e Shëndetësisë. S’kam provu me bo marrëveshje dhe s’ka nevojë me bo marrëveshje kurrkush me Ministrinë e Shëndetësisë për ata pacientë që s’kanë mundësi për me ardhë atje”, tha Berisha për KALLXO.com.

 

Foto e publikuar nga Besnik Berisha për të cilën ka pranuar shumë urime. Foto: Facebook

Reklamë
Reklamë

Këshilltari i Isa Mustafës kërkon ndëshkim për prokurorët që ushtrojnë aktakuza pa prova

Këshilltari për drejtësi i kryeministrit Isa Mustafa, Besnik Berisha, thotë se Kosova ka nevojë që sa më shpejt të ketë Ligjin për të sanksionuar abuzimin me të drejtë diskrecionale.

Periskopi.com Lajme

Duke folur për një rast të Lutfi Hazirit, ai ka thënë se Prokurori që ka ushtruar aktakuzë pas as edhe një provë të vetme inkriminuese, ka abuzuar sipas tij, me të drejtë diskrecionale, në këtë rast të Lutif Haziri, që ia njeh ligji sipas tij, dhe duhet ndëshkuar, raporton Periskopi

“Dua të besoj se Këshilli Prokurorial nuk do të tolerojë më ndjekje të tilla që lëndojnë imazhin e këtij institucioni të rëndësishëm për shtetin tonë dhe cenojnë sigurinë juridike të qytetarëve të Republikës së Kosovës. Për një të ardhme më të mirë, barazia para ligjit është vlerë që duhet ta mbrojmë të gjithë”, thotë Berisha, raporton periskopi

Ai thotë se vendimi i Gjykatës Themelore në Gjilan për hudhjen e aktakuzës kundër Lutfi Haziri, madje qysh në shqyrtimin fillestar dhe konfirmimi i këtij vendimi nga Gjykata e Apelit, përveç konfirmimit të pafajësisë së z. Haziri, sipas tij, konfirmon po ashtu edhe nevojën që sa më parë të miratohet një ligj për të sanksionuar abuzimin me të drejtën diskrecionale.

“Meqë vendimet e Gjykatës konfirmuan se nuk kishte as edhe një provë të vetme inkriminuese kundër z. Lutfi Haziri, rrjedhimisht i bie që ndjekja e tij ishte arbitrare dhe kushdo Prokuror që ka ushtruar këtë aktakuze pa as edhe një provë të vetme inkriminuese, ka abuzuar me të drejtën diskrecionale që i njeh ligji dhe duhet ndëshkuar”, thotë ai. /Periskopi

Gjykata e Apelit e shfajëson Lutfi Hazirin

Reklamë
Reklamë

Reagon avokati Berisha: S’ka aktakuzë kundër zyrtarëve të burgjeve

Besnik Berisha, avokat Shemsi Hajrizit, zyrtar i Shërbimit Korrektues të Kosovës, ka thënë se lajmi se Prokuroria e Prishtinës ka ngritur aktakuzë kundër 10 zyrtarëve të këtij Shërbimi "nuk është i saktë".

Periskopi.com Lajme

Përmes një postimi në rrjetin social “Facebook”, Besnik Berisha, avokat i zyrtarit të Shërbimit Korrektues të Kosovës, Shemsi Hajrizi, ka thënë se lajmi se Prokuroria e Prishtinës ka ngritur aktakuzë kundër 10 zyrtarëve të këtij Shërbimi nuk është i saktë.

“Lajmi i publikuar sot se Prokuroria ka ngritur Aktakuze kunder 10 zyrtareve te Sherbimit Korrektues te Kosoves, perfshire dhe klientin tim z. Shemsi Hajrizi, NUK ESHTE I SAKTE dhe se kunder z. Hajrizi dhe as tjereve nuk ka akoma asnje Aktakuze. Ky rast eshte duke u hetuar nga Prokuroria e Eulexit dhe hetimet akoma nuk kane përfunduar”, ka shkruar saktësisht në profilin e tij avokati Berisha.

Reagimi i avokatit ka ardhur pas një njoftimi të dërguar nga Ministria e Drejtësisë, sipas të cilit 10 zyrtarë të Shërbimit Korrektues të Kosovës janë suspenduar përkohësisht nga puna pas ngritjes së aktakuzës kundër tyre nga Prokuroria Themelore e Prishtinës.

Reklamë
Reklamë

Këshilltari i Isa Mustafës ‘zbulon’ takimet e shefit të tij me Vetëvendosjen

Këshilltari i kryeministrit të Kosovës, Besnik Berisha ka thënë se përfaqësuesit e subjekteve politike takohen edhe pa prezencën e medieve, kur flitet për çështje të rëndësishme aktuale në vend.

Periskopi.com Lajme

Duke komentuar thellimin e hendekut politik për demarkacionin e kufirit me Malin e Zi dhe përpjekjet e shoqërisë civile për t’i përafruar qëndrimet ndërmjet palëve, Berisha ka thënë se përpos këtyre takimeve për të cilat është në dijeni opinioni publik, ka edhe takime të cilat bëhen pa prezencën e medieve.

“Ekzistojnë edhe takime pa dijeninë mediatike. Politikanët shpesh herë takohen dhe diskutojnë edhe për gjëra që nuk pajtohen”, ka thënë Berisha.

“Këtu përfshihen të gjitha subjektet politike parlamentare, pra edhe Vetëvendosje”, tha ai.

Këto komente ai i bëri në Klan Kosova ku tha se ka përfaqësues të Vetëvendosjes të cilët nuk pajtohen me politikat e Albin Kurtit dhe lidershipit të subjektit më të madh opozitar.

“Ka përfaqësues politik të Vetëvendosjes të cilët mendojnë ndryshe nga Albin Kurti, dhe komunikimi me ta është në rregull, sikundër që ka edhe përfaqësues të LDK-së që janë më të afërt me opozitën që nga koha e bllokut”, ka thënë Berisha.

“Ky nuk është krim. Nëse ata janë kundërshtarë politik, kjo nuk do të thotë se janë armiq”, tha ai.

Reklamë
Reklamë