Hekurudhe - ILUSTRIM

BE do të ndërtojë hekurudhë që kalon nga Serbia nëpër Kosovë

Bashkimi Evropian kohë më pari pati bërë të ditur se është duke bërë një investim i madh hekurudhor në Ballkanin Perëndimor.

Periskopi.com Lajme

Ky investim do të lidh këtë pjesë të Evropës me pjesën perëndimore të saj, transmeton Periskopi

Ky projekt, i cili mbështetet edhe nga Banka Evropiane për Rindërtim dhe Zhvillim (BERZH) si dhe Banka Evropiane për Investime do të ndërlidh hekurudhat e Kosovës (nga Maqedonia deri në Serbi) me korridorin e Ballkanit Perëndimor, dhe më pas do të kaloj deri në Austri, Greqi e Bullgari.

Sistemi i hekurudhave të Kosovës do të ndërlidhet me ato të ish Republikës Jugosllave, përkatësisht ato të pjesës së Maqedonisë dhe Serbisë.

Nga 256 km hekurudhë, rreth 148 do të jenë vetëm në territorin e Kosovës, përkatësisht pjesa që do të lidh Kralevën e Serbisë me Prishtinën e Kosovës, dhe pjesa tjetër që do të lidh Prishtinën me Gorce Petrov e Maqedonisë, transmeton Periskopi.com

Ky projekt, faza e parë e së cilës do të kushtojë rreth 80.9 milionë euro, pritet që t’i sjell dobi të mëdha dhe të dyfishoj fitimet e këtij investimi.

Ndërsa, Komisionari për Zgjerim i Bashkimit Evropian, Johannes Hahn, tha verën që lam pas, duke folur në forumin biznesor në kuadër të Samitit për Ballkanin Perëndimor në Paris, se perspektiva e anëtarësimit të vendeve të Ballkanit Perëndimor në BE do të vazhdojë tutje, pavarësisht, se sipas tij, BE-ja ka hyrë në një fazë të vështirë.

“Kemi vendosur të sigurojmë 96 milionë euro për tre projekte të infrastrukturës hekurudhore në Serbi, Shqipëri dhe Kosovë”, pati thënë Hahn.

Përndryshe, hekurudhat e para në Kosovë janë ndërtuar në vitin 1936 dhe kanë funksionuar rregullisht deri në vitet e 90-ta, por asnjë investim madhor nuk është bërë që nga atëherë./Periskopi.com

Sipas BERZH, përmirësohet standardi jetësor në Kosovë

Kur është fjala për shpenzimet qeveritare, të anketuarit kanë caktuar këto tri prioritete: të ndihmojë të varfrit, kujdesin shëndetësor dhe arsimin

Periskopi.com Lajme

Rreth 33 % e familjeve të anketuara në Kosovës besojnë se standardi i tyre i jetesës është përmirësuar gjatë katër viteve të fundit, sipas Bankës Evropiane për Rindërtim dhe Zhvillim (BERZH), shkruan ‘seenews.com’.

Kjo përfaqëson vlerën e dytë më të lartë në mesin e vendeve të Evropës Juglindore pas Rumanisë, thuhet në këtë raport në edicionin e saj në Anketën e Tranzicionit, që mbulon 34 vende, përcjell albinfo.ch.

Anketa është kryer në 51 mijë familje në 34 vende, kryesisht në vendet në tranzicion në Evropën Qendrore dhe Lindore, Azi, si dhe Turqi. Për herë të parë anketa është zhvilluar edhe në Qipro e Greqi.

Për hir të krahasimit me fqinjët perëndimore, studimi është kryer edhe në Gjermani e Itali.

Një total prej 32 % e të anketuarve në Kosovë thanë se janë të kënaqur me gjendjen e tyre financiare, që gjithashtu tejkalon vlerën mesatare në rajon.

Gjithashtu, rreth 43 % kanë raportuar se janë të kënaqur me jetën. Një statistikë gjithashtu interesante është se 70 % besojnë se fëmijët e tyre kanë të ardhme më të mirë se gjeneratat e tanishme, që është dyfishi i mesatares për Evropën Juglindore.

Rreth 67% e të anketuarve në Kosovë preferojnë një sistem politik demokratik, ndërsa 18% besojnë se një formë e një sistemi autoritar, mund të jetë një zgjidhje më të mirë.

Kur është fjala për shpenzimet qeveritare, të anketuarit kanë caktuar këto tri prioritete: të ndihmojnë të varfrit, kujdesin shëndetësor dhe arsimin.

Kënaqshmëria me cilësinë e shërbimeve publike në Kosovës është shumë e ulët, me vetëm 50 të kënaqur me furnizimin me energji elektrike dhe 58 % me ujë. Megjithatë, 65 % janë të kënaqur me sistemin rrugor të vendit, një normë relativisht e lartë përqindjeje krahasuar me vendet tjera të rajonit.

Sipas BERZH, përmirësohet standardi jetësor në Kosovë

rruget

Përmes kredisë nga BERZH-i do realizohen katër projekte rrugore

Me qëllim të përmirësimit të infrastrukturës rrugore, Ministria e Infrastrukturës do të financojë katër projekte të rëndësishme rrugore përmes një kredie të marrë nga Banka Evropiane për Rindërtim dhe Zhvillim (BERZH).

Periskopi.com Lajme

Të katër projektet do të realizohen me standarde të larta, ndërsa ruajtja e brezit rrugor dhe brezit mbrojtës rrugor të këtyre rrugëve dhe e të gjitha rrugëve të tjera nacionale dhe rajonale të Republikës së Kosovës do të bëhet si vijon:

Në bazë të ligjeve: Ligjit për Rrugët Nr.2003/11, neni 26 dhe Ligjit  Nr. 03/L-120, për Ndryshimin dhe Plotësimin e ligjit për Rrugët 2003/11, të mos ndërtohet në brezin e rrugës dhe në brezin mbrojtës të rrugës, e cila është:

  1. a) 20 metra nga rrugët nacionale dhe
  2. b) 10 metra nga rrugët rajonale

Segmentet rrugore, të financuara nga Ministria e Infrastrukturës përmes kredisë nga BERZH-i, janë:

  1. Zgjerimi i rrugës rajonale R-107, segmenti Piranë, hyrja e qytetit të Prizrenit,  me gjatësi 3.00 km, e cila do të zgjerohet nga dy në 4 korsi me ishull ndarës në mes dhe me trotuar;
  2. Zgjerimi i rrugës nacionale N2, segmenti Hyrja e qytetit të Ferizajt, me gjatësi 5.60 km (nga Prelezi i Jerlive deri te Fshati i Vjetër), e cila do të zgjerohet nga dy në 4 korsi, me ishull ndarës në mes dhe me trotuar;
  3. Rruga nacionale N 25.2, segmenti Hyrja e qytetit të Gjilanit, me gjatësi 3.00 km (nga liqeni deri te qendra e Gjilanit), që do të zgjerohet nga dy në 4 korsi, me ishull ndarës në mes dhe me trotuar, si dhe
  4. Rehabilitimi i rrugës nacionale N 25.3, segmenti Kllokot – Gjilan, me gjatësi 11.00 km.