ramush-haradinaj

Beogradi nuk heq dorë, kërkon kokën e Haradinajt

Procedura e ekstradimit për Ramush Haradinajn do të vazhdoj, ka bërë të ditur Ministria e Drejtësisë në Serbi.

Periskopi.com Lajme

 

Ministria e Drejtësisë i ka thënë agjencisë Beta se vendimi i sotëm për lirimin e Haradinajt nga paraburgimi është proces krejtësisht i veçantë nga procedurat e ekstradimit, transmeton lajmi.net.

Po ashtu, kjo Ministri ka njoftuar se Haradinaj nuk mund të qëndroj në burg përderisa pret procedurat e ekstradimit.

Vendimi i gjykatës franceze thotë se Haradinaj është i detyruar të lajmërohet dy herë në javë në policinë franceze dhe nuk lejohet të largohet nga territori francez.

Ramush Haradinaj u arrestua më 4 janar më flet-arrest të Serbisë nën dyshimet se gjatë periudhës së viteve 1998-1999 ka kryer krime lufte kundër popullatës civile serbe.

gjuriq

Beogradi kërkon nga BE-ja t’i japë ultimatum Prishtinës

Marko Gjuriq ka kërkuar që Bashkimi Evropian të vërë ultimatum edhe për Prishtinën për formimin e Asociacionit të Komunave serbe, transmeton Koha.net.

Periskopi.com Lajme

Drejtori i të ashtuquajturës Zyrë për Kosovën Marko Gjuriq ka hedhur poshtë vlerësimet e BE-së se në dialogun e Beogradit e të Prishtinës “nuk bëhet fjalë për ultimatum por për zbatim marrëveshjesh”.

Gjuriq ka thënë se është “mahnitur” me deklaratën e Maja Kocijançiqit dhe e pyeti ku ishte komenti i saj kur “Serbia u quajt grusht mjerimi”.

“Nëse ajo që BE ia bën Serbisë nuk është ultimatum, atëherë çfarë është ajo kur keni një detyrim të imponuar që duhet ta zbatoni , e për të keni afat për ta zbatuar dhe sanksione nëse nuk zbatoni?”, ka pyetur Gjuriq, njofton b92 .

Gjuriq po ashtu e ka” pyetur” Kocijançiqin nëse deklarata e saj do të thotë se Prishtina ka afat që deri të dielën të formojë Asociacionin e Komunave serbe, se nëse nuk e formon do të ketë trajtim dhe raport krejtësisht tjetër nga Bashkimi Evropian? 
Ai ka theksuar se nuk është e vërtetë të jetë harmonizuar në tërësi marrëveshja për telekomunikacionin dhe plani veprues për zbatimin e tij, sepse, siç ka thënë ai, po të ishte e harmonizuar çdo gjë, nuk do të kishte më nevojë për bisedime.

Zëdhënësja e Komisionit Evropian Maja Kocijançiq ka deklaruar dje se në dialogun Beograd – Prishtinë nuk bëhet fjalë për ultimatume, por për zbatim marrëveshjesh.