Kosova sivjet ia mësynë BE-së

Periskopi.com Video
Hekurudhe - ILUSTRIM

BE do të ndërtojë hekurudhë që kalon nga Serbia nëpër Kosovë

Bashkimi Evropian kohë më pari pati bërë të ditur se është duke bërë një investim i madh hekurudhor në Ballkanin Perëndimor.

Periskopi.com Lajme

Ky investim do të lidh këtë pjesë të Evropës me pjesën perëndimore të saj, transmeton Periskopi

Ky projekt, i cili mbështetet edhe nga Banka Evropiane për Rindërtim dhe Zhvillim (BERZH) si dhe Banka Evropiane për Investime do të ndërlidh hekurudhat e Kosovës (nga Maqedonia deri në Serbi) me korridorin e Ballkanit Perëndimor, dhe më pas do të kaloj deri në Austri, Greqi e Bullgari.

Sistemi i hekurudhave të Kosovës do të ndërlidhet me ato të ish Republikës Jugosllave, përkatësisht ato të pjesës së Maqedonisë dhe Serbisë.

Nga 256 km hekurudhë, rreth 148 do të jenë vetëm në territorin e Kosovës, përkatësisht pjesa që do të lidh Kralevën e Serbisë me Prishtinën e Kosovës, dhe pjesa tjetër që do të lidh Prishtinën me Gorce Petrov e Maqedonisë, transmeton Periskopi.com

Ky projekt, faza e parë e së cilës do të kushtojë rreth 80.9 milionë euro, pritet që t’i sjell dobi të mëdha dhe të dyfishoj fitimet e këtij investimi.

Ndërsa, Komisionari për Zgjerim i Bashkimit Evropian, Johannes Hahn, tha verën që lam pas, duke folur në forumin biznesor në kuadër të Samitit për Ballkanin Perëndimor në Paris, se perspektiva e anëtarësimit të vendeve të Ballkanit Perëndimor në BE do të vazhdojë tutje, pavarësisht, se sipas tij, BE-ja ka hyrë në një fazë të vështirë.

“Kemi vendosur të sigurojmë 96 milionë euro për tre projekte të infrastrukturës hekurudhore në Serbi, Shqipëri dhe Kosovë”, pati thënë Hahn.

Përndryshe, hekurudhat e para në Kosovë janë ndërtuar në vitin 1936 dhe kanë funksionuar rregullisht deri në vitet e 90-ta, por asnjë investim madhor nuk është bërë që nga atëherë./Periskopi.com

Muri ne Mitrovice

BE-ja nuk e di kur hapet ura mbi lumin Ibër

Bashkimi Evropian po i përcjell për së afërmi zhvillimet në Kosovë në lidhje me sulmin me bombë në objektet e qeverisë në veri të Mitrovicës, ka thënë Maja Kocijançiq zëdhënëse e BE-së. I njëjti formulim është dëgjuar gjatë ditëve kur lideri i AAK-s Ramush Haradinaj mbahej i arrestuar në Francë.

Periskopi.com Lajme

Përkundër pyetjeve të drejtpërdrejta të gazetarëve, zyrtarët e Bashkimit Evropian asnjëherë nuk janë përgjigjur në pyetjen nëse ndonjëherë gjatë dialogut, është ngritur çështja e heqjes së fletarresteve nga listat e Interpolit, as nëse e zyrtarët e BE-së e kanë në plan që t’ia bëjnë këtë kërkesë Serbisë.

Kocijançiq insiston se gjithçka është në rregull me procesin e dialogut për normalizimin e raporteve në mes të Kosovës e Serbisë.

Megjithatë, kryeministrat e Kosovës përkatësisht Serbisë nuk janë takuar për gati një vit. I tërë viti i kaluar ka shënuar ngecje në dialog, gjë që është pranuar edhe nga zyrtarët e Bashkimit Evropian.

Gjatë vitit që shkoi, Prishtina dhe Beogradi në nivel ekspertësh kanë biseduar për implementimin e marrëveshjeve tashmë të arritura dhe kah fundi i 2016tës u arritën marrëveshjet mbi marrëveshjet e vjetra të cilat precizuan se si të bëhet zbatimi. Marrëveshjet e fundit kishin data të sakta dhe detyra të qarta për secilën palë por asnjë afat nuk u respektua deri më tani.

Marrëveshja për lëvizjen e lirë i kapërceu afatet kohore, ndërsa edhe marrëveshja e gjyqësisë e para e paraparë për implementim për sivjet nuk u implementua në datën e dakorduar. Afati për implementim ishte 10 janari, datë kjo gjithashtu e humbur. Në emër të Bashkimit Evropian, Kocijançiq konsideron se bëhet fjalë për vonesa të kuptueshme dhe vazhdon të arsyeton se kjo marrëveshje megjithatë do të imeplementohet gjatë muajit janar, ndonëse jo me datë të paraparë.

Akoma nuk dihet nëse marrëveshja për revitalizimin e urës mbi lumen Ibër do të implementohet në afatin e përcaktuar. Sipas marrëveshjes së ndihmuar nga Brukseli, më 20 janar duhet të rihapet ura. Tani, një javë para afatit, Kocijançiq nuk është në pozitë që të sigurojë se do respektohet kalendari, njofton RTK.

Krejt çfarë thekson Kocijnaçiq është se po punohet me palët në mënyrë që të vije deri te hapja e urës sipas marrëveshjes. Mirëpo marrëveshja të cilës i referohet Kocijançiq, nuk kishte të përfshirë një objekt të ri tek ura të cilin e nderuan serbët në formë të murit e u shndërrua në shkallë në shenjë kompromisi i cili do mbetet aty edhe me rastin e rihapjes së urës, me 20 janar apo më vonë.

Edita Tahiri

Tahiri i shkruan letër BE-së, kërkon që të ndërhyjë për ndaljen e destruksioneve të Serbisë

Pas sulmit të mbrëmshëm me bombë ndaj objektit të zyrave të Qeverisë në Mitrovicën veriore të inauguruara më 28 dhjetor 2016 nga ana e ministres për Dialog, Edita Tahiri, në pajtim me Marrëveshjen e Brukselit, ministrja Tahiri iu ka drejtuar menjëherë mbrëmë Bashkimit Evropian me një letër për të kërkuar nga BE-ja që të ndërhyjë për ndaljen e destruksioneve të Serbisë ndaj Kosovës.

Periskopi.com Lajme

Në letrën e ministres Tahiri thuhet:

Sonte pati një tjetër sulm me bombë kundër ndërtesës së Qeverisë në Mitrovicën veriore, ku ish-anëtarët e “mbrojtjes civile” janë të punësuar si shërbyes civil, në përputhje me Marrëveshjen e Brukselit për shpërbërjen e “mbrojtjes civile” të datës 26 mars 2015 të nënshkruar nga të gjitha palët.

Unë rregullisht ju kam informuar juve, BE-në, për një seri zhvillimesh negative në javët e fundit, të cilat kanë për qëllim provokimin e ndonjë destabilizimi të situatës në Kosovë dhe më gjerë në rajon.

Për mendimin tim, duket se Serbia është duke u tërhequr nga dialogu dhe po i kthehet mendësisë së vjetër, ngase po shkon kundër marrëveshjeve që vet i ka nënshkruar, madje me bomba, mure, arrestime arbitrare kundër qytetarëve të Kosovës, etj.

Duke qenë se jemi duke u përgatitur  për ecjen tutje në zbatimin e marrëveshjes së Drejtësisë, po pyetem a thua se çfarë mjete do të përdoren kundër saj?

Kërkoj nga BE-ja që të shikojë këtë gjendje me seriozitet dhe të ndërhyjë tek pala serbe që të qëndroj në linjë me frymën e dialogut për normalizimin e marrëdhënieve, përndryshe,  pasojat do të jenë të paparashikueshme.

Së fundi, madje edhe diskursi politik i Serbisë ka eskaluar nga niveli më i lartë, ndërkohë që Milorad Dodik është bërë një zëdhënës për skenarët e ndryshimit të kufijve.

Duke e pasur parasysh përkushtimin e BE-së jo vetëm për t’i stabilizuar rezultatet e arritura në dialog, por edhe për t’i përparuar ato më tutje për hir të paqes dhe marrëdhënieve ndër fqinjësorë në mes shteteve të Ballkanit Perëndimor, unë besoj se ju jeni duke punuar për përmirësime.

Jam në pritje të përgjigjes nga ju sa më shpejt që është e mundur.

Pas dërgimit të kësaj letre tek BE-ja, menjëherë mbrëmë pas sulmit me bombë ndaj zyrave të Qeverisë në veri, ministrja Edita Tahiri, deklaroi se përgjigja e BE-së ka qenë e menjëhershme dhe në të cilën ata kanë theksuar se BE-ja është e përqendruar seriozisht në këtë çështje dhe se zhvillimet negative duhet të ndalen.

be-vizat-bruksel-bashkimi-evropian

BE-ja po “përcjell për së afërmi”, rastin Haradinaj

“Jemi duke i verifikuara informacionet që janë në dispozicion dhe duke ndjekur zhvillimet për së afërmi” është krejt çfarë kanë mundur të thonë sot në BE lidhur me rastin e arrestimit të Ramush Haradinajt nga autoritetet e Francës sipas fletarrestim të Serbisë.

Periskopi.com Lajme

Ndërkaq në pyetjet e Kohës Ditore rreth problemit të kompetencave që i ka dhënë vetes Serbia për të mundur të ndjekë rastet ndaj të gjithëve në ish-Jugosllavi, nuk kanë dhënë ende përgjigje.

Kroacia e vetme tash e një kohë të gjatë e ka problematizuar në BE Ligjin e Serbisë për gjykimin e krimeve të luftës duke u ankuar se “me këtë Serbia i jep vetes një rol të Hagës rajonale” dhe krijon “paqartësi dhe pasiguri juridike”.

Kroacia mendon se ka edhe politikanë dhe ish-luftëtarë të Kroacisë që janë në fletarrestet e Serbisë.

Por BE-ja, në parim, ia njeh të drejtën Serbisë që të ketë një ligj të tillë, edhe pse ka diplomatë që pranojnë se ai ligj mund të keqpërdoret për qëllime politike. Pos politikanëve nga Kosova që janë ndaluar nga autoritetet e disa vendeve të BE-së (Haradinaj në Slloveni dhe Francë, Agim Çeku në Slloveni dhe Bullgari dhe Hashim Thaçi në Hungari) edhe politikani nga Bosnja Ejup Ganiq ishte arrestuar në Londër sipas kërkesës së Serbisë por ishte liruar me arsyetim kinse “kjo akuzë ka qenë e motivuar politikisht”.

Në BE druajnë se ky arrestim i Haradinajt mund t’i keqësojë rrethanat për vazhdimin e dialogut dhe të nxitë tensionet në Kosovë.

Reagimi i vetëm kritik ndaj arrestimit të Haradinajt ka ardhur nga nënkryetarja e Parlamentit Evropian, Ulrike Lunaçek e cila ka kërkuar nga BE-ja që “të ushtrojë presin ndaj Serbisë që të heqë flet arrestet e vjetruara”.

“Mbajtja e fletarresteve të vjetruara ndërkombëtare nga viti 2004 nga ana e Serbisë, e cila është në dialog të moderuar nga BE-ja me Kosovën, është krejtësisht e papranueshme. Në të njëjtën kohë është vështirë të kuptohet se pse Franca vepron sipas këtij fletarresti, pasi është shteti i cili e ka njohur pavarësinë e Republikës së Kosovës me 18 shkurt 2008, një ditë pas shpalljes së saj. Pos kësaj Franca ka raporte të shkëlqyeshme me Kosovën”, ka thënë Lunaçek.

“U bëj ftesë Përfaqësueses së Lartë Federica Mogherini, sikur edhe Qeverive të 28 shteteve anëtare dhe në veçanti atyre të 23 shteteve që kanë njohur Kosovën të gjejnë fjalë të qarta ndaj Serbisë në mënyrë që të heqë flet arrestet e vjetruara. Haradinaj, siç e dinë të gjithë, ka qenë po ashtu i liruar dy herë nga Gjykata Ndërkombëtare për krimet e luftës në ish-Jugosllavi”, ka shkruar raportuesja për Kosovën në Parlamentin Evropian.

Nuk ka zgjerim fare, ndër prioritetet e Presidencës së BE-së

Periskopi.com Video
be-vizat-bruksel-bashkimi-evropian

2016-ta, vit i krizës për BE-në

Njëlloj sikur Brexit, çështje tjetër që lëkundi imazhin e BE-së ishte edhe politika në lidhje me refugjatët. Më 16 janar, Austria mbylli kufirin e saj me Slloveninë dhe Hungarinë

Periskopi.com Lajme

Viti 2016 për Bashkimin Evropian (BE) ishte vit kur përmes Brexit-it u vë në pikëpyetje e ardhmja e tij, vit kur u sprovua “shoqërimi” i tij me Ukrainën, vit kur ngeli pa ndikim në Siri, vit kur anëtarët e tij “u rebeluan” dhe vit i ngritjes së partive populiste anti-Bruksel, raporton Anadolu Agency (AA).

Ky vit veçanërisht kaloi i tendosur për shkak të debateve në lidhje me Brexit-in. Kryeministri i atëhershëm britanik, David Cameron, në Samitin e Liderëve të BE-së që u mbajt në muajin shkurt tha se ka arritur marrëveshjen e nevojshme për të ngelur në BE dhe se në referendum do të zhvillonte fushatën në këtë drejtim.

Megjithatë, në referendumin më 23 qershor, qytetarët e Britanisë votuan në favor të shkëputjes nga BE-ja. Shteti më i fuqishëm i Unionit, Gjermania, vendimin e Brexit, që kishte kuptimin e një triumfi të së djathtës ekstreme, e cilësoi se “plagë e thellë”. Përderisa për herë të parë një shtet mori vendimin për ndarje nga Unioni, në të njëjtën kohë filloi të vihet në pikëpyetje e ardhmja e BE-së.

Kriza e refugjatëve

Njëlloj sikur Brexit, çështje tjetër që lëkundi imazhin e BE-së ishte edhe politika në lidhje me refugjatët. Më 16 janar, Austria mbylli kufirin e saj me Slloveninë dhe Hungarinë. Më pas, Austrinë e ndoqën edhe shtetet e Ballkanit.

Megjithëse në saj të marrëveshjes me Turqinë kalimet në Greqi u zvogëluan, kalimet në Itali përmes Mesdheut shënuan rritje. Kjo rritje në të njëjtën kohë solli me vete 4.500 viktima që humbën jetën në Mesdhe, e cila është rrugë më e rrezikshme.

Derisa disa shtete shpalosën qëndrimin e tyre kundër pranimit të refugjatëve, BE-ja u drejtua drejt një marrëveshjeje me Afganistanin dhe disa shteteve të Afrikës që parashihte mbështetje financiare, në mënyrë që të mund t’i kthente migrantët ilegalë. Nga ana tjetër, BE-ja dështoi në zbatimin e detyrimeve të marrëveshjes së 18 marsit të arritur me Turqinë. Ndërsa BE-ja vazhdimisht ngrit zërin për të drejtat e njeriut, qëndrimi i saj kundrejt refugjatëve vuri në pikëpyetje vlerat e saj.

U mjaftua vetëm “duke dënuar” në lidhje me Sirinë

Ndërkohë, lufta në Siri tregoi përmasat e ndikimit të BE-së. Veprimet e BE-së, të cilat përveç tryezave nuk u gjendën në praktikë, ngelën të kufizuara vetëm me deklarata dënimi. Sanksionet e mundshme të saj kundrejt Rusisë për rolin e saj në Siri, u bllokuan nga vetoja italiane.

Presidenti francez François Hollande, në fjalën e tij gjatë samitit të fundit të liderëve në këtë vit, aludoi në paaftësinë e BE-së duke u shprehur: “Në qoftë se 28 shtete nuk mund të arrijnë marrëveshje për një problem të këtillë dhe në qoftë se nuk mund ta dënojnë një masakër, atëherë pse kemi një union prej 28 shtetesh”. Derisa me deklaratën finale të samitit të liderëve dënoheshin regjimi sirian, Rusia dhe Irani, Turqia arriti marrëveshje për evakuimin e civilëve nga Halepi.

Frika nga sulmet terroriste

Edhe terrori u bë shkak i ngjeshjes së axhendës së BE-së në vitin 2016. Organizata terroriste DEASH, e cila vitin e kaluar realizoi sulmet në Paris, më 22 mars goditi Brukselin me bomba, ndërsa më 14 korrik qytetin francez të Nicës përmes një kamioni i cili u fut midis një turme. Në këto dy sulme, jetën humbën afër 120 persona, ndërkohë që kohë pas kohe në Gjermani, Francë dhe Bruksel u organizuan sulme me thika që synuan policinë apo qytetarët.

Për efikasitet më të madh, Brukseli ndryshoi dokumentin kornizë për luftën kundër terrorizmit. Megjithatë, ky hap nuk prodhoi zgjidhje. Më 19 dhjetor, në kryeqytetin gjerman, Berlin, u organizua sulm me kamion ndaj turmës një treg të Krishtlindjeve. Si pasojë e këtij sulmi që sërish u mor përsipër nga DEASH-i, jetën humbën 12 persona.

Shqetësimet nga fitorja e Trump

Fitorja e Donald Trump në zgjedhjet presidenciale në SHBA, i cili mbronte mendimin se Evropa duhet të rrisë shpenzimet për mbrojtje dhe ishte kundër marrëveshjeve tregtare me Evropën, hapi rrugën për merakosje në Bruksel. Planet e tij Brukseli i kishte ndërtuar duke u mbështetur në fitoren e Hillary Clinton-it, ndërkohë që menjëherë pas qartësimit të rezultateve, përmes një deklarate të përbashkët, Trump u ftua në samitin e liderëve.

Disa ditë pas zgjedhjeve, më 13 nëntor, ministrat e Jashtëm të BE-së u mblodhën në një drekë të përbashkët pune për të diskutuar në lidhje me efektet e fitores së Donald Trump. “Na merr në konsideratë!”, ishte mesazhi që iu dërgua Trumpit, ndërkohë që Trump ende nuk është takuar as me Juncker, as me Tusk.

Aneksim, luftë e brendshme, vdekje: Çmimi i besimit në BE-në

Nga ana tjetër, Marrëveshja e Partneritetit për Ukrainën vuri në pikëpyetje “çmimin që duhet paguar për besimin në BE-në”. Incidentet që filluan me kundërshtimin e marrëveshjes së presidentit të atëhershëm Viktor Janukoviç me BE-në më 21 nëntor të vitit 2013, hapën rrugën për luftën që ende vazhdon në lindje të vendit, aneksimin e Krimesë dhe vdekjen e 9.758 personave.

Në vazhdën e kësaj, në referendumin që u mbajt në Holandë më 6 prill, Marrëveshja e Partneritetit BE-Ukrainë u refuzua me shumicë absolute, njëlloj siç kishin dëshiruar partitë populiste. Ndërkaq, në samitin e fundit të vitit, liderët e BE-së sollën kufizime në Marrëveshjen e Partneritetit BE-Ukrainë për shkak të kundërshtimit në Holandë.

Edhe krahas të gjitha këtyre kufizimeve, a do të zbatohet marrëveshja ose jo ngelet të qartësohet me miratimin e Parlamentit të Holandës. Përderisa qeveria e Ukrainës përjetoi dëshpërim, Marrëveshja e boshatisur e Partneritetit u bë “certifikata e shoqërimit” me Brukselin.

Gjithashtu, fakti që Brukseli ende nuk ka hequr vizat për qytetarët e Ukrainës dhe Gjeorgjisë edhe krahas përmbushjes së kritereve, hapi debatet në lidhje me atë se sa BE-ja u ngelet besnik premtimeve.

Mposhtja në Moldavi

Me triumfin e pro-rusit Igor Dodon, kryetarit të Partisë Socialiste, në zgjedhjet që u mbajtën në ish-republikën sovjetike të Moldavisë, BE-ja e përballur me probleme besueshmërie dhe lëkundje të imazhit, mori goditje në përpjekjet e saj kundër Moskës. Ulja e flamurit të BE-së nga Dodon para Presidencës në ditët e fundit të vitit, ishte tregues i thyerjes së ndikueshmërisë së Brukselit.

Shtet tjetër ku u forcua efekti Moldavi kundër Brukselit ishte Bullgaria. Në zgjedhjet presidenciale më 6 nëntor, fitues doli pro-rusi Rumen Radev, ish-komandant i Forcave Ajrore. Kryeministri Bojko Borisov, i cili mbështeti kundërshtarin e Radevit në zgjedhje, dha dorëheqje pas shpalljes së rezultateve, ndërkohë që temë debati u bënë politikat e mundshme që do t’i ndiqte presidenti i ri.

Në Itali u refuzuan “politikat pro-BE”

Kryeministri i Italisë, Mateo Renzi, u detyrua të japë dorëheqje pas humbjes në referendumin për ndryshime kushtetuese që u mbajt më 5 dhjetor. Refuzimi në referendum u cilësua “refuzim ndaj politikave pro-BE” të Renzit, ndërkohë që Lëvizja ‘5 Yje’, parti euroskeptike, shënoi ngritje. Në rast se pas zgjedhjeve që do të mbahen në pushtet vjen Lëvizja ‘5 Yje’, e cila është në favor të daljes nga eurozona, Italinë e pret ndryshim i madh në politikat e BE-së. Paqartësia e cila vazhdon ka ngritur shqetësime për thellim të krizës në sektorin bankar.

Forcimi i së djathtës ekstreme në Austri

Në zgjedhjet që u mbajtën në Austri më 22 maj, kandidati djathtist ekstrem Norbert Hofer nga Partia e Lirisë e Austrisë (FPÖ) humbi me diferencë të vogël. Pas ankesave, zgjedhjet u përsëritën më 4 dhjetor, kurse fitues kësaj radhe doli kandidati i pavarur i së majtës Alexander Van der Bellen, gjë që zvogëloi shqetësimet e Brukselit. Megjithë këtë, shqetësime ka shkaktuar fakti që FPÖ ende ngelet partia më e fuqishme.

Anëtarët e BE-së u revoltuan ndaj BE-së

Në vitin 2016, shtetet që njihen si V4, Çekia, Hungaria, Polonia dhe Sllovakia, u revoltuan ndaj Brukselit, pasi kjo e fundit e bëri të detyrueshme pranimin e refugjatëve nga shtetet anëtare. Shtetet V4, të cilët morën emrin nga qyteza hungareze ku u mbajt takimi i parë, Visegrad, njoftuan se nuk do të pranonin refugjatë, duke i detyruar BE-në dhe anëtarët e tjerë të bëjnë ndryshime të politikave.

Nga këto shtete, vëmendje më të madhe tërhoqi Hungaria. Kryeministri hungarez Victor Orban tërhoqi reagime si përmes deklaratave kundër refugjatëve, njashtu edhe me referendumin për mospranimin e refugjatëve, ndërsa shpesh u akuzua për “tendenca autokratike”. Ndërka, Jean Asselborn, ministri i jashtëm i Luksembuergut i cili kritikoi ashpër qeverinë Orban, bëri thirrje për largimin e Hungarisë nga BE-ja.

Polonisë iu dha afat prej dy muajsh

Vend tjetër me të cilin Brukseli kishte probleme ishte Polonia. Me arsyetimin për mospërputhje me parimet e sundimit të ligjit, Komisioni Evropian i dha Polonisë afat prej dy muajsh për ta tërhequr amandamentin në lidhje me procedurat e gjymikit në Gjykatën Kushtetuese. Ndërkohë, Polonia ende nuk ka marrë në konsideratë Brukselin dhe nuk ka hedhur hap në këtë drejtim.

Valonia kundër 28 anëtarëve

Marrëveshja CETA për tregti të lirë midis BE-së dhe Kanadasë, arriti të nënshkruhet vetëm pas përpjekjeve të shumta për shkak të kundërshtimit të rajonit Valonia. Mundësia për veto e rajonit belg Valonia me popullsi prej 3.5 milionë banorësh ndaj një marrëveshjeje të këtillë, vuri në pikëpyetje mekanizmat vendimmarrës të BE-së.

Ndërkaq, ende vazhdon paqartësia rreth të ardhmes së Partneritet Transatlantik për Tregti dhe Investim që kërkohet të arrihet me SHBA-të. Gjersa Brukseli është në favor të marrëveshjes, nuk pritet që ajo ta ketë mbështetjen e Donald Trump, i cili do t’ia fillojë detyrës më 20 janar.

Kosovarët sivjet shpenzuan 20 milionë euro për viza

Periskopi.com Video
autos-587x330

16 projektet milionëshe që do të financojë BE në Kosovë (VIDEO)

Ratifikimi i marrëveshjes financiare IPA 2015 do t’i sjellë Kosovës ndihmë e cila mundëson financimin e granteve, asistencë teknike, projekte të binjakëzimit dhe investime infrastrukturore.

Periskopi.com Lajme

Projektet do të jenë të shpërndara për sektorët si demokraci dhe qeverisje që nënkupton lehtësimin e  përafrimit me BE-në, lehtësimin e implementimit të prioriteteve politike, përfshirë dialogun  Prishtinë-Beograd dhe të tjera.

Kjo marrëveshje është përgatitur nën udhëheqjen e Ministrisë së Integrimit Evropian dhe paraprakisht pajtuar ndërmjet institucioneve të Kosovës dhe atyre të BE-së, me qëllim të financimit të 16 projekteve në vlerë prej 78 milionë eurosh nga ana e BE-së dhe me një bashkëfinancim prej 3 milionë eurosh nga ana e Kosovës.

BE dhe Kosova

Krejt çka u diskutua në Bruksel për arsimin dhe trashëgimin kulturore në Kosovë

Përfaqësues të Qeverisë së Kosovës dhe Komisionit Evropian u takuan në Bruksel për të diskutuar zhvillimet gjatë vitit të kaluar në fushën e arsimit, punës dhe mirëqenies sociale, mbrojtjes së trashëgimisë kulturore, komunikimeve elektronike, shoqërisë së informacionit dhe politikave audiovizuale, shkencës dhe inovacionit.

Periskopi.com Lajme

Diskutimi u mbajt në kuadër të Marrëveshjes së Stabilizim Asociimit e cila hyri në fuqi në prill 2016. Në të gjitha fushat, Komisioni dhe Kosova ranë dakord mbi rëndësinë e zbatimit të prioriteteve të Agjendës për Reformave Evropiane.

Në lidhje me arsimin, Komisioni ka theksuar edhe një herë rëndësinë që Kosova të vazhdojë përpjekjet për të siguruar autonominë dhe funksionimin e pavarur të institucioneve të arsimit të lartë dhe për të miratuar një ligj të ri mbi arsimin e lartë në bazë të standardeve ndërkombëtare. Komisioni rikujtoi nevojën për prioritizimin e sigurimit të cilësisë në të gjitha nivelet, nga arsimi parashkollor deri tek ai universitar, përmes ofrimit të fondeve të nevojshme. Qasja në arsim cilësor për fëmijët me aftësi të kufizuara dhe komunitetet pakicë duhet të forcohet. Sa i përket hulumtimit dhe inovacionit, Komisioni theksoi rëndësinë e kapaciteteve të mira për hulumtim dhe inovacion në nivel kombëtar për të rritur konkurrencën dhe integrimin në Zonën Evropiane të Kërkimit dhe pjesëmarrjen në programin “Horizon 2020”. Në lidhje me mbrojtjen e trashëgimisë kulturore, Komisioni theksoi se Kosova duhet të ofrojë angazhim të vazhdueshëm ndaj Këshillit për Zbatim dhe Monitorim.

Sa i përket punësimit, palët ranë dakord se ekziston nevoja për të krijuar një sinergji në mes të agjencive të ndryshme shtetërore, ligjeve dhe strategjive për të siguruar se ka një rritje të mundësive të punësimit dhe përkrahje më të madhe nga ana e Kosovës për masat e nxitjes së punësimit. Komisioni Evropian inkurajoi Kosovën për të përgaditur një plan veprimi për trajtimin e papunësisë së të rinjve bazuar në një vlerësim të sfidave dhe duke u fokusuar në përmirësimin e rezultateve të arsimit dhe mbështetjen e tranzicionit nga shkolla në vend pune.

Palët u pajtuan se përpjekje më të mëdha janë të nevojshme për të zbatuar ligjin mbi punën dhe legjislacionin mbi shëndetin dhe sigurinë në punë, veçanërisht përsa i përket çështjes së numrit të pamjaftueshëm të inspektorëve të punës.

Mbi shoqërinë e informacionit, Kosova ra dakord për të adresuar nevojat për burime, veçanërisht në lidhje me zbatimin e Strategjisë së Sigurisë Kibernetike. Komisioni i bëri thirrje Komisionit të Pavarur për Media për të përshpejtuar përgatitjen e akteve nënligjore të nevojshme dhe për finalizimin e Strategjisë për Kalimin Digjital dhe për të siguruar se fondet e nevojshme janë ndarë për zbatimin e saj. Në lidhje me politikat audiovizuale, Komisioni inkurajoi Kosovën për të gjetur një zgjidhje të qëndrueshme të financimit për transmetuesin publik në përputhje me acquis të BE-së, si një çështje prioritare.

Informata mbi historikun

Marrëveshja e Stabilizim Asociimit është korniza në kuadër të së cilës administrata e BE-së dhe Kosovës diskutojnë rregullisht çështjet teknike dhe politike lidhur me agjendën evropiane. Takimet sigurojnë të dhëna të drejtpërdrejta mbi raportet vjetore të Komisionit Evropian.

  • Çdo takim i nënkomitetit monitoron dhe përcjell arritjen e Kosovës në zbatimin e reformave dhe identifikon se si BE-ja mund të ndihmojë në këtë proces.
  • Janë shtatë fusha të cilat mbulohen nga takimet e nënkomiteteve: Drejtësia, Liria dhe Siguria; Inovacioni, Shoqëria Informative, Politika Sociale, Arsimi dhe Kultura; Tregtia, Industria, Dogana dhe Tatimi; Tregu i Brendshëm, Konkurrenca, Mbrojtja e Konsumatorëve dhe Shëndetit; Bujqësia, Peshkataria, Pylltaria, Siguria e Ushqimit; Transporti, Mjedisi, Energjia, Zhvillimi Rajonal; Çështjet Ekonomike dhe Financiare, Statistikat.
  • Dy fusha të tjera që mbulohen gjatë takimeve të grupeve speciale janë reforma mbi administratën publike dhe normalizimi i marrëdhënieve me Serbinë.
  • Takimet e Komitetit të SA dhe nënkomiteteve bashkë-kryesohen nga Komisioni Evropian dhe Kosova. Çdo takim përfundon me veprime pasuese të rëna dakord për tu ndërmarrë nga autoritetet kosovare. Përfundimet e takimet mund t’i gjeni në faqën në internet të Zyrës së BE-së në Kosovë .
Astrit Dehari

Shefja e BE-së flet për rastin Dehari

Shefja e Zyrës së BE-së për Kosovë, Natalya Apostolova gjatë intervistës në Rubikon të KTV-së i shprehi ngushëllime familjes Dehari për humbjen e të birit.

Periskopi.com Lajme

Apostolova bëri thirrje për mosndërhyrjen e asnjë prej figurave politike në rastin Dehari deri në përfundim të hetimeve, transmeton Koha.net.

“Thirrja ime është që asnjë figurë politike të mos ndërhyjë në rast derisa hetimet të kenë mbaruar. Ky është parim tejet i rëndësishëm për të pasur besim në sundimin e ligjit”, ka thënë ajo.

Tutje, Apostolova theksoi se deklarimet e figurave politike gjatë hetimeve mund të jetë të rrezikshme.

Sipas saj, mbrojtje e dëshmitarëve duhet të jetë primare.

Gjuriq

MPJ e Kosovës konfirmon kontrabandimin e Gjuriqit në veri, nis notë proteste në BE

Ministria e Punëve të Jashtme e Kosovës ka konfirmuar se i ashtuquajturi drejtor i Zyrës për Kosovë në Qeverinë e Serbisë është kontrabanduar në veri me anë të një autoambulance.

Periskopi.com Lajme

MPJ e ka konsideruar si të papranueshme sjelljen e Marko Gjuriqit, i cili hapur ka provokuar sot në veri institucionet e Kosovës dhe autoritetet e sigurisë.

“Hyrja ilegale në Kosovë është kundër marrëveshjes për vizitat e ndërsjella të arritur në Bruksel ndërmjet Kosovës dhe Serbisë, të cilat duhet të aprovohen apo ndalohen nga institucionet e të dyja shteteve të paktën 24 orë më herët. Kjo sjellje është kundër frymës së dialogut dhe bashkëpunimit rajonal”, thuhet në reagimin e Ministrisë së Punëve të Jashtme.

MPJ më tej njofton se ka nisur tashmë një notë proteste BE-së dhe të gjitha institucioneve ndërkombëtare për këtë sjellje të papranueshme të Gjuriq dhe ka koordinuar hapat e mëtejshëm me institucionet relevantë në Kosovë.

“Kjo përpjekje e tij i cili u kontrabandua në Kosovë duke u maskuar në një autoambulancë flet për qasjen dëshpëruese që ka vendosur ta ndjek në karrierën politike”, ka përfunduar MPJ.

alepo

Samiti i Liderëve të BE-së, thirrje për mbrojtjen e civilëve në Aleppo

Presidenti francez Francois Hollande bëri thirrje për armëpushim në Aleppo për evakuimin e civilëve dhe të plagosurve

Periskopi.com Lajme

Liderët e shteteve evropiane janë mbledhur për të diskutuar zbatimin e marrëveshjes BE-Turqi, sigurinë, Marrëveshjen e Partneritetit BE-Ukrainë, si dhe çështje në lidhje me Rusinë, Sirinë dhe Brexitin, raporton AA.

Në samitin e liderëve që mbahet në ndërtesën e Këshillit Evropian fillimisht do të bisedohet në lidhje me migrimin. Në këtë drejtim, temë diskutimi do të jetë marrëveshje mes BE-së dhe Turqisë e arritur më 18 mars.

Sipas draftit, në konkluzionin në lidhje me këtë çështje do të theksohet se “Këshilli Evropian ripërtërin detyrimin ndaj marrëveshjes BE-Turqi dhe nënvizon rëndësinë e zbatimit të të gjitha pikave pa dallim.”

 

Ndërkaq, në samit nuk do të diskutohet në lidhje me negociatat për anëtarësimin e Turqisë. Po ashtu, nuk do të përmendet edhe rekomandimi i Parlamentit Evropian për “pezullimin e negociatave për anëtarësimin e Turqisë”.

Në lidhje me migrimin në veçanti do të diskutohet për bashkëpunimin me shtetet e Afrikës. Për parandalimin e valës së migrimit pritet miratimi i ndihmës prej 610 milionë eurosh për Nigerin dhe hapja e rrugës për arritjen e marrëveshjeve të ngjashme me Etiopinë, Malin, Nigerinë dhe Senegalin.

Sa u përket marrëdhënieve të jashtme, temë diskutimi do të jetë Marrëveshja e Partneritetit BE-Ukrainë, Rusia dhe Siria. Liderët do të përpiqen ta bindin Holandën për futjen në fuqi të marrëveshjes për Ukrainën.

Çështja e Rusisë posaçërisht do të futet në diskutim në kuadër të Ukrainës. BE, e cila vazhdon të zbatojë sanksione ndaj Rusisë për shkak të aneksimit të Krimesë, problemeve në Donbas në lindje të vendit dhe zbatimit të Marrëveshjes së Minskut, nuk do të marrë vendim për sanksione për sulmet ruse në Siri.

Do të dënohen Siria dhe Rusia

Pritet që liderët të shfaqin reagimet e tyre për Sirinë. Sipas draftit, në konkluzion do të theksohet se “Këshilli Evropian dënon ashpër sulmet e vazhdueshme në Aleppo nga regjimi i Sirisë dhe aleatët e tij, veçanërisht Rusia, dhe shënjestrimin e qëllimtë të civilëve dhe spitaleve.” Në konkluzion po ashtu do të bëhet thirrje për evakuimin e civilëve dhe largimin e bllokadës. “Ata që shkelin ligjet ndërkombëtare me krime të mundshme lufte do të japin llogari”, do të thuhet në konkluzion.

Situata në Aleppo

Si rrjedhojë e zhvillimeve të fundit, çështja e Sirisë do të jetë pikë e rëndësishme diskutimi në Samit. Duke folur në hyrje të ndërtesës së Këshillit Evropian, presidenti francez Francois Hollande bëri thirrje për armëpushim në Aleppo për evakuimin e civilëve dhe të plagosurve.

Duke folur për sigurinë e civilëve Hollande tha se “Kusht i kësaj është të arrihet armëpushim. Ajo që Këshilli Evropian duhet të kërkojë është armëpushimi, evakuimi i të gjithë civilëve dhe më në fund dialogu politik. Evropa duhet të mundësojë që t’i dëgjohet zëri.”

I pyetur se a do të arrijë BE marrëveshje për çështjen e Sirisë, Hollande tha se “Nëse 28 shtete nuk mund të arrijnë marrëveshje për një problem dhe nuk mund ta dënojnë një masakër, atëherë pse kemi union prej 28 shteteve.”

“Populli i Aleppos nuk ka nevojë për fjalë dhembshurie”

Para samitit, kryetari i Këshillit Evropian Donald Tusk u takua me kryetarin e bashkisë së Halepit pranë qeverisë së përkohshme të Sirisë, Brita Hagi Hassan. Në deklaratën pas takimit, Tusk theksoi se nuk ka gjë për të shtuar ndaj gjërave që janë thënë dhe janë shkruar deri më tani për tragjedinë që po përjetohet në Aleppo.

“Jam i sigurt se populli i Aleppos nuk ka nevojë për fjalë dhembshurie. E vetmja gjë për të cilën sot ka nevojë është një mbrojtje e vërtetë efikase dhe ndihmë për civilët”, theksoi Tusk.

“50 mijë persona presin vdekjen në Aleppin lindor”

Hassan, nga ana tjetër, tha se “50 mijë persona presin vdekjen në Aleppin lindor. Presim qëndrim të fortë nga BE-ja për shpëtimin e civilëve. Kërkoj që kjo të bëhet larg vlerësimeve politike. Gjëja e vetme që duam është armëpushimi.”

“Janë plotësisht të papranueshme gjërat që u bëhen civilëve në Siri”

Ndërkohë, Përfaqësuesja e Lartë e BE-së për Marrëdhënie të Jashtme dhe Politika të Sigurisë, Federica Mogherini, theksoi se vazhdojnë të punojnë për mbrojtjen e civilëve në Aleppin lindor. “Për mbrojtjen e civilëve në Siri është e nevojshme që Rusia dhe Irani t’i plotësojnë detyrimet e tyre. Për ne janë plotësisht të papranueshme gjërat që u bëhen civilëve në Siri. Prioritet i yni është mbrojtja e civilëve”, tha Mogherini.

Duke theksuar se për gjendjen në Siri përgjegjës direkt janë regjimi dhe aleatët e tij Rusia dhe Irani, Mogherini tha se e ndjekin nga afër gjendjen e civilëve në rajonet e bllokuara në Siri, me në krye Aleppon.

Temë tjetër që do të diskutohet në samit do të jetë edhe largimi i Britanisë nga BE-ja (Brexit). Liderët do të vlerësojnë procesin në periudhën para kryeministres Theresa May dhe hapat që do të hidhen tutje.

Po ashtu, lideri i Qipros Greke Nikos Anastasiadis do t’i informojë krerët e shteteve dhe qeverive të BE-së për zhvillimet e fundit në lidhje me çështjen e Qipros.

muri ne Mitrovice

BE: Presim që ura e Mitrovicës të hapet në janar

Presidenca sllovake në emër të Këshillit të Ministrave të BE-së, ka ftuar autoritetet kosovare që sa më shpejt të implementojnë marrëveshjen për themelimin e Asociacionit të Komunave me shumicë serbe dhe të bashkëpunojnë me Gjykatën Speciale.

Periskopi.com Lajme

“Kosovës i bëhet thirrje që sa më shpejt dhe me mirëbesim të implementojnë të gjitha marrëveshjet e arritura, veçanërisht marrëveshjen për themelimin e Asociaiconit të komunave me shumicë serbe dhe në mënyrë konstruktive të angazhohet në formulimin dhe implementimin e marrëveshjeve të ardhshme me Serbinë”, thuhet në dokumentin e lëshuar pas takimit të Këshillit të Ministrave të BE-së, transmeton lajmi.net.

Sa i përket dialogut ndërmjet Kosovës dhe Serbisë, i cili zhvillohet me ndërmjetësim të BE-së, presidenca sllovake dhe ministrat evropianë kanë përshëndetur arritjen e pajtimin për implementimin e marrëveshjes për liri të lëvizjes dhe telekomunikacion, duke i vlerësuar ato si hap i rëndësishëm përpara në procesin e gjithëmbarshëm.

Njëkohësisht, ministrat evropianë presin që hapja e urës në Mitrovicë dhe marrëveshja për gjyqësinë të fillojnë të implementohen gjatë janarit të vitit të ardhshëm.

 

Këshilli i Ministrave, thekson se do të përcjellë zhvillimin e Kosovës në frymën e përparimit në normalizimin e marrëdhënieve me Serbinë, në mënyrë që Kosova dhe Serbia të vazhdojnë rrugët e tyre evropiane, pa bllokim të ndërsjellë në këtë rrugë.

Në këtë dokument, po ashtu përshëndetet fakti që Kosova i ka përmbushur obligimet lidhur me themelimin e Gjykatës Speciale dhe u bëhet thirrje autoriteteve që të bashkëpunojnë me këtë Gjykatë.

Edita Tahiri

Tahiri i tregon BE-së që një kompani ruse e naftës po nis punën në veri “ilegalisht”

Ministrja për Dialog, Edita Tahiri, ka bërë me dije se Ministria për Dialog ka njoftuar zyrtarisht Bashkimin Evropian në lidhje me përpjekjet për veprimtari ilegale në Kosovë të një kompanie nga Serbia e cila merret me shitjen e derivateve të naftës dhe e cila ka përgatitur për të hapur tri pika të shitjes në Kosovë gjegjësisht në komunën e Mitrovicës Veriore, Zubin Potokut dhe Zveçanit.

Periskopi.com Lajme

Ajo ka kërkuar nga BE-ja që të angazhohet për pengimin e zhvillimeve të tilla që janë në kundërshtim me frymën e dialogut të Brukselit për normalizimin e marrëdhënieve mes dy shteteve.

Sipas një komunikate, Tahiri, po ashtu ka theksuar se Qeveria e Republikës së Kosovës nuk do të lejojë veprimtarinë joligjore të kësaj kompanie si dhe ka ftuar në vigjilencë të gjitha institucionet  shtetërore të Kosovës duke marrë parasysh informacionin se kjo kompani sjellë naftën ruse në Kosovë. “Duhet të kemi vigjilencë maksimale që të ndalojmë çfarëdo ndikimi të Rusisë në Kosovë sepse mund të jetë me rreziqe për sigurinë kombëtare të shtetit tonë euroatlantik dhe me rreziqe gjeostrategjike për Kosovën dhe rajonin.  Kjo çështje duhet të trajtohet nga institucionet tona shtetërore në kontekstin e ambicieve të rrezikshme të Rusisë për ndërhyrje të mundshme gjeostrategjike në gjithë rajonin e Ballkanit”, tha ministrja Tahiri.

Pas marrjes së informacionit nga mediat se një kompani e Serbisë e cila bënë shitjen e derivateve të naftës është duke hapur tri pika të shitjes në komunat veriore të Kosovës me datën 6 dhjetor 2016, Ministria për Dialog ka njoftuar menjëherë Ministrinë e Tregtisë dhe Industrisë duke kërkuar që të bëhen verifikime zyrtare të kësaj informate.

Me datë 8 dhjetor 2016, Ministria e Tregtisë dhe Industrisë, pas verifikimeve ka njoftuar zyrtarisht se pas inspektimit nga Inspektorati përkatës është konstatuar se informata është e saktë dhe se kompania e ashtuquajtur “Nis petrol” ka hyrë në territorin e Kosovës dhe ka vendosur për t’i hapur tri pika të shitjes pa pasur licencë përkatëse nga institucionet përgjegjëse të Republikës së Kosovës.

Pas këtij konfirmimi zyrtar, Ministria për Dialog ka njoftuar Bashkimin Evropian në lidhje me këtë problem dhe ka kërkuar angazhime adekuate të BE-së si ndërmjetëse e dialogut.

Sipas të dhënave të siguruara përmes internetit thuhet se kompania “Nis petrol” është kompani aksionarësh ku 56 % të aksioneve janë nën menaxhimin e kompanisë ruse “Gazprom” dhe pjesa tjetër e Qeverisë së Serbisë./ Periskopi

BE-ja thotë se të ndërpriten lojërat politike për të zhdukurit në Kosovë

Thomas Gnocchi, nga zyra e Bashkimit Evropian në Kosovë, gjatë prezantimit të Udhëzuesit për familjet e të zhdukurve, ka kërkuar që të ndërpriten lojërat politike për çështjen e të zhdukurve.

Periskopi.com Lajme

Ai u ka bërë thirrje Kosovës dhe Serbisë që të punojnë me vendosmëri për të zgjidhur fatin e personave të pa gjetur. Gnocchi ka theksuar se shtetet duhet ta kenë të qartë se çështja jo vetëm që duhet zgjidhur, por edhe kryesit e krimeve duhet të sillen para drejtësisë që të dënohen për krimin e kryer, raporton KTV

Përfaqësuesi i BE-së ka kërkuar ndërprerjen e lojërave politike në këtë aspekt duke ritheksuar nevojën e thyerjes së ngërçit për gjetjen e lokacioneve me trupat e të vrarëve në Kosovë.

Në anën tjetër në këtë konferencë ka munguar kryeministri i vendit Isa Mustafa, por në emër të tij ka folur këshilltari politik Sokol Havolli i cili theksoi se Qeveria e Kosovës e ka prioritet primarë zgjidhjen e fatit të personave të zhdukur.

BE ashpërson rregullat e peshkimit në ujërat lindor

Vendet anëtare të Bashkimit Evropian (BE) arritën marrëveshje për ashpërsimin e rregullave për peshkim në ujërat lindor.

Periskopi.com Lajme

Pas negociatave maratonike që filluan të hënën më 12 dhjetor, ministrat evropian u dakorduan se do të bëjnë përpjekje në kuadër të sigurimit të kufirit biologjik të specieve detare pasi dekadën e fundit është vërejtur eksport i tepruar i peshkut në ujërat lindore të BE-së, raporton AA

Marrëveshja është e bazuar në arritjen e rendimentit maksimal të qëndrueshëm deri në vitin 2017, më së voni deri në vitin 2020, duke marrë parasysh rrethanat specifike dhe të arsyeshme socio-ekonomike.

Ndryshe, politika e përbashkët e peshkimit e vendeve të BE-së ka vendosur kuota të cilat kanë të bëjnë në çështjet e qasjes në resurset, përdorimin dhe mbrojtjen e pasurive.

Vitet e kaluara u konstatua se peshkimi detar në BE shkakton gjithnjë e më shumë problem, se deti tepër eksploatohet deri në dëmtimin e faunës detare.

Gabriela Matecna, ministrja e Sllovakisë e cila kryesonte takimet, deklaroi se kompromisi ka qenë i domosdoshëm për “qëndrueshmërinë e rezervave të përbashkëta të peshkut, por edhe për peshkim”.

Marrëveshjen e ministrave evropian në Bruksel e përshëndeti Federata e Peshkimit të Skocisë.

Isa Mustafa / ARKIV

Isa Mustafa: BE ka kërkuar fshirjen e lëndëve për korrupsion dhe krim të organizuar

Prioritet i shtetit të Kosovës është forcimi i ligjit, luftimi korrupsionit dhe krimit të organizuar, si dhe ratifikimi i demarkacionit me Malin e Zi, si kusht për udhëtim të lirë të qytetarëve të Kosovës.

Periskopi.com Lajme

Kështu ka thënë kryeministri i Kosovës, Isa Mustafa, gjatë një ligjërate para studentëve të Universitetit “Kadri Zeka” në Gjilan, ku shtoi se Kosova i ka përmbushur disa kritere si nënshkrimin e marrëveshjes së MSA-së, dhe tani është në rrugë të mirë për liberalizim të vizave. Megjithatë, Mustafa është shprehur se ende duhet të forcohet shteti ligjor.

Mustafa: BE ka kërkuar fshirjen e lëndëve për korrupsion dhe krim të organizuar

“Faza tjetër që ne e kemi kaluar këtë vit është plotësimi i kritereve i BE-së për liberalizim të vizave sepse ne na është dhënë rekomandimi nga KE që Kosova i plotëson kushtet që të hyjë në procesin e trajtimit për liberalizim të vizave por po ashtu me dy vërejtje që ne duhet të punojmë edhe më tutje në këtë plotësimin e trendit të trajtimit të lëndëve që kanë të bëjnë me krimin e organizuar dhe korrupsionit. Aty nuk kemi një kriter statik ku thuhet se sa lëndë duhet të përmbushen por aty thuhet që historiati i këtyre lëndëve duhet të jetë transparent për BE-në dhe për opinionin e brendshëm, në mënyrë që të shihet se si po punon Qeveria dhe institucionet e drejtësisë në këtë aspekt, dhe unë po mendoj se në këtë aspekt veç e kemi përmbush kriterin dhe kështu na është thënë edhe në Bruksel”, ka thënë Mustafa.

Ai ka ripërsëritur se kriteri i dytë më i rëndësishëm për ta fituar të drejtën e lëvizjes së lirë është ratifikimi i marrëveshjes me Malin e Zi.

Mustafa: Kufijtë administrativ t’i kthejmë në kufij ndërkombëtar

“Dhe e fundit është ratifikimi i marrëveshjes për vijën kufitare me Malin e Zi në të cilën çështje kemi ngec dhe po na kushton mjaft shumë, ju kushton qytetarëve të Kosovës sepse ata po ngecin të izoluar sepse po mbesin të izoluar dhe pamundësi të udhëtojnë si qytetarët tjetër. I kushton sovranitetit të vendit sepse nuk mund ta konsiderojmë vendin tonë që është plotësisht sovran nëse ky vend nuk i ka kufijtë ndërkombëtarë me vendet fqinje dhe kufijtë administrativ që i ka pas Kosova duhet të shndërrohen në kufij ndërkombëtar edhe ma Malin e Zi dhe me Serbinë nesër. Me Shqipërinë e kemi kufirin që përpara e ka pas ish-Jugosllavia me Shqipërinë, andaj nuk kemi asnjë problem të vijës kufitare. Me Maqedoninë është përcaktuar kufiri dhe tani ka mbet vetëm vija kufitare me Malin e Zi, e cila duhet të ratifikohet dhe të vazhdohet vija kufitare me Serbinë”, ka deklaruar ai.

Mustafa ka thënë se Qeveria që e drejton është e përcaktuar që në programin politik ta ketë prioritet zhvillimin ekonomik që nënkupton uljen e papunësisë dhe varfërisë.

Në pikëpamje të zhvillimit ekonomik, kryeministri Mustafa ka thënë se janë të përcaktuar që t’i japim përparësi themelore sektori privat. Mirëpo, ai shtoi se me privatizimin e ish-ndërmarrjeve shoqërore nuk është arritur që të gjithë të punësuarit të mbesin në punë.

Mustafa: Privatizimi i ndërmarrjeve shoqërore nuk arriti t’i absorboj të gjithë të punësuarit

“Në pikëpamje të zhvillimit ekonomik, ne jemi të përcaktuar që t’i japim përparësi themelore sektori privat, të bëjmë privatizimin e kompanive ekzistuese që i kemi trashëguar si ndërmarrje shoqërore përpara, dhe ky privatizim na ka shkaktuar papunësinë strukturores sepse një numër i madh i të papunëve është shkas i papunësisë strukturore sepse e kemi ndryshuar strukturën e kompanisë përmes privatizimit dhe njerëzit kanë mbet pa punë, ndërkaq, aktivizimi i ndërmarrjeve që janë privatizuar dhe themelimi i ndërmarrjeve të reja nuk ka arritur të absorboj qoftë të papunët që janë krijuar si shkak ose si pasojë e ndryshimeve strukturore dhe privatizimit, qoftë ata që hyjnë në tregun e punës”, tha ai.

Kryeministri Mustafa tha se Kosova në vitin e kaluar pati 4,1 përqind rritje ekomomikë, ndërsa, këtë vit parashihet që kjo rritje të jetë 4,5 përqind, mirëpo, shtoi se nuk është e mjaftueshme, pasi që gjendja ekonomike në vendin tonë është shumë e ulët.

Mustafa: Jemi në prag të kalimit nga vendi i varfër në vend më të zhvilluar

“Kemi rënie edhe të papunësisë, mirëpo, në realitet akoma problemi i papunësisë është problem i madh. Kemi rënie edhe të varfërisë por akoma varfëria është një prej problemeve tona të mëdha dhe ne së shpejti do të dalim, nga ai pragu i vendeve të varfra që i ka përparësitë e veta që nuk mund ta konsiderojmë të vetën si vend i varfër por i ka edhe mangësitë sepse pastaj nuk mund të shfrytëzojmë fonde nga institucionet ndërkombëtare nga të cilat shfrytëzohen në qoftë se karakterizohet një vend si vend i varfër. Këtu e kemi edhe vërejtjen e Bankës Botërore se ne duhet të përshpejtojmë në shfrytëzimin e disa fondeve ndërkombëtare por po ashtu kemi edhe disa Agjencione ndërkombëtare që thonë se nëse së shpejti nuk i shfrytëzojmë këto mjete, atëherë, nuk do të mund t’i shfrytëzojmë, pasi që së shpejti e kalojmë pragun e vendeve të varfra dhe hyjmë në një fazë të vendeve të cilat prapë e kanë nj ë nivel të më ulët të zhvillimit ekonomik”, tha Mustafa.

Ai gjatë ligjëratës ka folur edhe për zhvillimin e arsimit, ku tha se deri më tani prioritet i Qeverisë ka qenë përfshirja më e madhe në arsimin e lartë, derisa tani ka shtuar se do t’i kthehet përmirësimit të cilësisë.

Mustafa ka thënë se fushë tjetër me prioritet për zhvillim është fusha e shëndetësisë, ku ka shtuar se do të fuqizohen spitalet e qyteteve tjera dhe QKUK-ja, në mënyrë që pacientët e Kosovës mos të shkojnë jashtë vendit për shërim.

Me këtë rast, Mustafa tha se që nga viti i ardhshëm do të fillojë të aplikohet edhe sigurimi shëndetësor, gjë që sipas tij, do ta përmirësojë jetën e qytetarëve.

Ndërsa, rektori i Universitetit “Kadri Zeka”, Bajram Kosumi, tha se punonjësit e arsimit e kanë ditë pak a shumë gjendjen në sistemin e arsimit në Kosovës, kurse, rezultatet e fundit për vlerësim të cilësisë, tha se vetëm sa e kanë shfaqur në sipërfaqe një gjë të tillë.

Kosumi: Qeveria ta ketë prioritet arsimin

“Arsimi në Kosovë është ndihmuar dhe është përkrahur nga të gjithë ne prej mësuesve, arsimtarëve, studentëve qeverive por asnjë qeveri deri tash nuk e ka trajtuar rrënjësisht rezultatet jo të kënaqshme që po dalin në sipërfaqe kohëve të fundit, ndërsa, ne që jemi në proces të arsimit e dimë me të vërtetë që shenja të tilla dobësie ka në sistemin tonë të arsimit”, tha Kosumi.

Universiteti i Gjilanit “Kadri Zeka” është themeluar para dy viteve dhe tani ka 4 fakultete me rreth 7 mijë studentë./ BLIC

BE pronocohet lidhur me murin në Mitrovicë

BE-ja thotë se në të dy anët e murit do të ngihen shkallët që do të sigurojnë lirinë e lëvizjes për qytetarët e Mitrovicës.

Periskopi.com Lajme

Punimet për vazhdimin e revitalizimit të urës mbi lumin Ibër janë ndërprerë përkohësisht, ndërkohë, që mbetet e paqartë akoma, se çfarë do të bëhet saktësisht me murin, që u ndërtua në pjesën veriore të urës së Ibrit dy ditë më parë nga serbët e këtij qyteti. Kundërshtimet ishin të ashpra nga qeveria e Kosovës, e cila tha se muri do të shembet, ndërsa kryetari i veriut të Mitrovicës, Goran Rakic, tha se muri është vetëm pjesë mbrojtëse e një shetitoreje që do të ndërtohet në atë pjesë. Kjo situatë e nxiti Bashkimin Evropian për të dërguar në Prishtinë urgjent një delegacion për të qartësuar situatën dhe për të biseduar me palët. Maja Kocijanqic, zëdhënëse e përfaqësueses së lartë të Bashkimit Europian për Politikë të Jashtme, në një deklaratë për media të shtunën, tha se muri që u ndërtua mbi urën e lumit Ibër nuk do të jetë muri ndarës.

“Nuk do të jetë mur, por një shkallë që lidh unazën me zonën e këmbësorëve. Gjatë bisedimeve (09.12) palët ranë dakord që të ngrihen shkallët që sigurojnë lirinë e lëvizjes nga njëra anë në tjetrën”, tha Maja Kocijanqic. Sipas saj, Bashkimi Evropian, që ka marrë përsipër revitalizimin e urës mbi lumin Ibër, do të monitorojë me kujdes zbatimin në tërësi të kësaj marrëveshjeje.

Në po të njejtën ditë, të shtunën (10.12), ministrja për Dialog në qeverinë e Kosovës, Edita Tahiri, që ishte pjesë e bisedimeve, tha se në takim me zyrtarët e BE-së, ka ritheksuar se ndërtimi i murit mbi urën e lumit Ibër është ilegal dhe jashtë marrëveshjes së Brukselit për revitalizimin e urës. Më tej në një komunikatë për medie ajo thotë: “Marrëveshja me BE-në dhe konkluzionet e dakorduara janë rikofirmim se Marrëveshja e Brukselit e datës 25 gusht 2015 do të respektohet plotësisht dhe se revitalizimi i urës dhe revitalizimi i rrugës për këmbësor në pjesën veriore të qytetit të Mitrovicës do të jenë në pajtim me parimet e lëvizjes së lirë. Kjo do të thotë se nuk do të ketë mur në pjesën që lidh urën e Ibrit me rrugën për këmbësor në veri të qytetit, sepse, muri është në kundërshtim me Marrëveshjen e Brukselit”, thotë ministrja Tahiri.

Ministrja Tahiri, fton qytetarët e Kosovës që të jenë të përmbajtur dhe siç thotë të kenë durim, sepse ky problem do të zgjidhet. “Eshtë çështje ditësh kur gjërat do të shkojnë në vend ashtu siç jemi dakorduar me BE-në dhe në pajtim të plotë me Marrëveshjen e Brukselit”, tha Edita Tahiri.

Kryetari i veriut të Mitrovicës Goran Rakiq, nuk është deklaruar më pas takimit me delegacionin e Bashkimit Evropian, ndërkohë gjatë së shtunës janë parë punëtorët e ndërtimit duke filluar shkurtimin e murit mbi dy metra, që u ndërtua nga serbët lokal.

Shumë organizata të shoqërisë civile ju drejtuan me një letër të gjitha autoriteteve në Kosovë dhe atyre ndërkombëtare që ta sqarojnë situatën, sepse sipas tyre “muri ka krijuar konfuzion, paqartësi e tensione te qytetarët e Mitrovicës”.

MԹ 19 prill të vitit 2013, Kosova dhe Serbia arritën një marrëveshje për përmirësimin e raporteve ndërmjet dy vendeve, prej nga deri tani janë arritur një sërë marrëveshjesh. Njëra ndër marrëveshjet ishte edhe liria e lëvizjes, ku përfshihej edhe heqja e barrikadave në veri të Kosovës të vendosura nga serbët lokal. Një barrikadë e tillë ishte edhe mbi urën qendrore mbi Lumin Ibër. Për heqjen e kësaj barrikade u përfshi edhe vet Bashkimi Evropian, që mori përsipër revitalizimin e urës duke e shndërruar atë në një shëtitore që do të lidhë dy pjesët e qytetit të Mitrovicës atë veriore e banuar me shumicë serbe dhe atë jugore me shumicë shqiptare. Sipas njoftimit zyrtar të BE-së, projekti i revitalizimit të urës do të përfundojë me datë 17 janar 2017, ndërsa, për qarkullim ura do të jetë e lirë nga data 20 janar 2017./ DW

MIlazim Krasniqi

Babai i Memli Krasniqit, e quan “kuçkë” zyrtaren e lartë të BE-së

Profesori i njohur universitar, Milazim Krasniqi i është kundërpërgjigjur ashpër zyrtares së lartë të Bashkimit Evropian, Maja Kocijancic.

Periskopi.com Lajme

Ajo gjatë ditës së sotme deklaroi se muri ndarës i Mitrovicës së Veriut do të jetë njëlloj shkalle që lidhë unazën e këmbësorëve dhe se nuk do të jetë mur.

Krasniqi ka reaguar duke thënë se Maja po tenton të na mësojë në se çka është muri dhe çka janë shkallët. Madje ai e ka përmbyllur statusin e tij në Facebook me një shprehje ofenduese ndaj saj.

“Ky muri pranë Urës së Ibrit nuk është mur, sepse do t’i shtohen shkallët, po thotë Maja. E kuptoj, që kështu u flitet njerëzve që janë të parafundit në listën e PISA-s! Por, nuk kemi qenë gjithmonë kështu. Para ekzistimit të BE-së, mbaj mend se në fshat e kemi pasur një mur të lartë e të gjatë ndanë rrugës. Në atë mur ka qenë porta për hyrje-dalje, me do gur-shkallë. Hynim e dilnim lirshëm – kur porta nuk ishte e mbyllur. Kur ishte e mbyllur, duhej trokitur e pritur. Brenda murit ka pasur dollapa, ku linin rraqe. Madje edhe jashtë ka qenë një dollap, ku axha nxirrte një kënatë me ujë dhe një taz, për kalimtarët, “që lëviznin lirshëm.” Por, atij muri, me shkallë, me portë e me dollape, të gjithë i thonin mur. Tash Maja dhe BE-ja po na e mësojnë ngjashmërinë e murit dhe shkallëve, ashtu si e meritojmë. Hvala, bre, Kucka” shkruan Krasniqi në Facebook.