Mediumi serb: BE-ja përmes Gjykatës Speciale po i pastron rrugën Vetëvendosjes

Periskopi.com Lajme

Bashkimi Ndërkombëtarë do që ta pastrojë terrenin e politikanëve në Kosovë, për t`i lëshuar rrugë partisë së krijuar nga Albin Kurti.

Mediumi serb “Kurir” ka paralajmëruar se nesër do ta publikojë një shkrim të plotë ku tregon për rrugëtimin e BE-së për të pastruar rrugën për Vetëvendosjen.

Sipas “Kurir”, BE-ja do ta përdorë Gjykatën Speciale për t`i gjykuar pjesëtarët e UÇK-së që sot udhëheqin Kosovën, pikërisht për të përgatitur terrenin për Vetëvendosjen, transmeton Indeksonline.

“Bashkësia Ndërkombëtare do të përdorë Gjykatën për krimet e UÇK-së për të pastruar udhëheqësit e Kosovës me një të kaluar kriminale dhe për të përgatitur terrenin për Vetëvendosjen”, shkruan mediumi serb.

Sipas kësaj gazete, Perëndimi ka plane të reja për Kosovën dhe për udhëheqësit kosovarë me të kaluar kriminale.

Apostolova dënon sulmin ndaj anëtares së PDK-së

Periskopi.com Lajme

Shefja e Zyrës së Bashkimit Evropian në Kosovë, Nataliya Apostolova, ka reaguar për sulmin e mbrëmshëm që i është bërë Arbana Xharrës.

Apostolova sulmin e ka konsideruar kundër vlerave njerëzore, gjithashtu ka bërë thirrje nga institucionet relevante t’i ndëshkojnë keqbërësit.

Shkrimi i Nataliya Apostolova në Twitter:

“E tronditur nga sulmi ndaj Arbana Xharrës. Bashkimi Evropian qëndron mbi çdo sulm kundër vlerave njerëzore. U bëj thirrje institucioneve për t’i ndëshkuar keqbërësit”.

Lajm i mirë për Shqipërinë, Mogherini: Pas Brexit, Ballkani të hyjë në BE

Periskopi.com Lajme

Bashkimi Europian jo vetëm nuk do të zmbrapset, por përkundrazi, do të marrë hov të ri duke e hedhur vështrimin në mënyrë të veçantë tek aderimi i vendeve ballkanike.

Deklarata e fortë e Federica Mogherinit erdhi pas ndërhyrjes së saj të martën në OKB. Shefja e diplomacisë europiane tha për “La Stampa” se pas referendumit mbi shkëputjen e Britanisë nga blloku europian, shumë kishin parashikuar që ajo votë do të shënonte fillimin e fundit.

Por të gjitha zgjedhjet e fundit, jo vetëm ato të Francës, theksoi Mogherini, kanë demostruar të kundërtën, shkruan TCH.

“Sigurisht ka probleme me të cilat duhet të përballemi, sepse shqetësimi i qytetarëve është real, por europianët kane nisur të kuptojnë se çfarë është realisht në lojë dhe francezët e thanë fort dhe qartë se mbështesin projektin europian, se duan ta rilancojnë, sepse e konsiderojnë pjesë tëzgjidhjes”, thotë Mogherini.

Por Brexit-i, a nuk e dobëson BE-në? Përgjigjja e kryediplomates europiane tregon hapur se cili është tashmë fokusi i ri i unionit.

“Unë jam e sigurtë se e ardhmja e bllokut nuk do te jetë 27-ta, sepse do të kemi vende të reja anëtare. Mendoj për shtetet e Ballkanit, me të cilat jemi duke negociuar hyrjen në Bashkimin Europian. Shumë i referohen këtij procesi si zgjerim, unë vetë preferoj të flas për ribashkim të Europës”, thotë ajo.

Pyetja  e radhes u referohet vendeve të rajonit, të cilat shfaqen më problematike për nga situata e raporteve mes tyre apo stabilitetit. Anetaresimi i Serbisë, Malit të Zi dhe Kosovës mund t’i ndihmonte të kapërcenin problemet e fqinjësisë.

Mogherini sqaron se është edhe falë raportit me secilin prej këtyre shteteve me BE-në, që është arritur në masë të madhe të kurohen plagët e luftrave të përpara dy dekadave.

Rruga është ende e gjatë, e lodhshme dhe jo gjithmonë e sheshtë, thotë ajo, por jam e bindur se do të vazhdojë edhe falë faktit që secili prej tyre, ka një perspektivë të përbashkët në bllokun europian.

BE: Rënia e Qeverisë në një kohë kritike për Kosovën

Periskopi.com Lajme

Bashkimi Evropian u bëri thirrje liderëve politikë dhe institucioneve të Kosovës që të mos harrojnë sfidat e mëdha me të cilat përballet vend i tyre.

“Jemi në dijeni për votën e mosbesimit të Kuvendit të Kosovës dhe shkarkimin e qeverisë. Kjo votë u zhvillua në një kohë kritike për Kosovën dhe reformat që lidhen me BE-në”, tha përmes një deklarate me shkrim Maja Kocijançiq, zëdhënëse e shefes së politikës së jashtme të BE-së, Federica Mogherini.

“Është e rëndësishme që puna, e cila, mes tjerash, lidhet me promovimin e sundimit të ligjit dhe zhvillimin ekonomik, dialogun e ndërmjetësuar nga BE-ja dhe liberalizimin e vizave, të vazhdojë për të mirën e popullit të Kosovës”, tha Kocijançiq.

Liria e shprehjes dhe liria e shtypit janë nën sulme gjithnjë e në rritje në mbarë botën

Federica Mogherini Opinione

Shtypi i lirë është qenësor për të pasur një demokraci që funksionon. Sot ne festojmë Ditën Botërore të Lirisë së Shtypit në një kontekst të vështirë për gazetarinë. Liria e shprehjes dhe liria e shtypit janë nën sulme gjithnjë e në rritje në mbarë botën.

Mediat e lira, të larmishme dhe të pavarura janë të domosdoshme për promovimin dhe mbrojtjen e demokracisë në mbarë botën. Një shtyp i lirë dhe liria e shprehjes janë ndër themelet e njëjta të demokracisë, kontribuojnë në shoqëri të qëndrueshme, gjithëpërfshirëse dhe fleksibile dhe mund të ndihmojnë në zbutjen e tensioneve dhe ndaljen e konflikteve. BE-ja mbështet zbatimin e Agjendës për Zhvillim të Qëndrueshëm për vitin 2030, i cili përfshin sigurimin e qasjes universale në informacion dhe mbrojtjen e lirisë së shprehjes.

Mbështetja e gazetarisë së pavarur, cilësore dhe etike është thelbësore. Duke lehtësuar rrjedhën e lirë të informacionit cilësor dhe të hulumtuar mirë mbi çështje me interes publik dhe duke vepruar si “mbikëqyrës i publikut”, mediat e pavarura janë baza e një demokracie pjesëmarrëse dhe një mjet për t’i mbajtur qeveritë të përgjegjshme për veprimet e tyre. BE-ja siguron që respekti për lirinë e shprehjes të integrohet në të gjitha politikat dhe programet e zhvillimit të BE-së. BE-ja në masë të madhe financon projekte specifike në vendet e treta që rrisin cilësinë e gazetarisë, qasjen në informimin publik dhe lirinë e shprehjes. Që nga qershori i vitit 2015, BE-ja ka mbështetur të paktën 45 mbrojtës të rrezikuar të të drejtave të njeriut që promovojnë të drejtën e lirisë së shprehjes në kuadër të skemës së granteve të vogla.

BE-ja dënon rritjen e kërcënimeve dhe shkeljeve ndaj gazetarëve dhe medias profesionale jashtë rrjetit dhe në hapësirën kibernetike. Të gjitha shtetet pritet të përmbushin detyrimet e tyre globale për të mbrojtur lirinë e shprehjes dhe sigurinë e gazetarëve duke ofruar një mjedis ligjor mbështetës dhe  duke ndjekur penalisht të gjitha sulmet ndaj gazetarëve. BE-ja  kundërshton vazhdimisht, në kontakte dypalëshe me vendet e treta si dhe në forume shumëpalëshe dhe rajonale , çdo legjislacion, rregullore ose presion politik që kufizon lirinë e shprehjes dhe ndërmerr hapa konkretë për të parandaluar dhe reaguar ndaj sulmeve kundër gazetarëve dhe blogerëve.

Udhëzimet e BE-së për lirinë e shprehjes në  mediat elektronike dhe të shkruara, të miratuara në vitin 2014 dhe zbatimi i tyre i vazhdueshëm, riafirmojnë vendosmërinë e BE-së për të nxitur lirinë e mendimit dhe të shprehjes si të drejta që duhet të ushtrohen nga të gjithë kudo, bazuar në parimet e barazisë, mosdiskriminimit dhe universalitetit, përmes çdo mediumi dhe pavarësisht nga kufijtë.

 

*Deklarata e Përfaqësueses së Lartë, Federica Mogherini në emër të BE-së me rastin e Ditës Botërore të Lirisë së Shtypit, 3 maj 2017

 

BE reagon ashpër për ndryshimet në Kodin Penal të Kosovës, madje paralajmëron

Periskopi.com Lajme

Zyra e BE-së në Kosovë/Përfaqësuesi Special i BE-së është e brengosur në lidhje me synimin e autoriteteve të Kosovës për të ndryshuar e plotësuar Kodin Penal të Kosovës me dispozita të reja për shpifjen dhe fyerjen.

“Kjo është në kundërshtim me trendet ndërkombëtare të shfuqizimit të ligjeve penale të shpifjes. Një numër shtetesh anëtare apo anëtare potenciale të BE-së, duke përfshirë Kosovën, tashmë kanë hequr kriminalizimin e shpifjes dhe fyerjes, ndërsa vendet tjera kanë bërë hapa të rëndësishëm në të njëjtin drejtim. Dekriminalizimi i shpifjes dhe fyerjes në Kosovë është raportuar si përparim në Raportin e Komisionit Evropian më 2013. Legjislacioni civil në Kosovë ofron masa të mjaftueshme në lidhje me shpifjet dhe fyerjet”, thuhet në reagimin e BE-së, raporton Periskopi

BE-ja në Kosovë i bën thirrje autoriteteve të Kosovës që të vazhdojnë respektimin e parimeve ekzistuese të garantimit të lirisë së shprehjes, të përligjur në Kushtetutën e Kosovës, e cila është përafruar me standardet më të larta evropiane./ Periskopi

 

Mustafa shkoi me lutje për BE-në, nuk ia pranuan, tani i ik temës

Periskopi.com Lajme

Kryeministri i Republikës së Kosovës, Isa Mustafa, ka takuar sot në Bruksel komisionerin për Migrim, Punë të Brendshme dhe Shtetësi, Dimitris Avramopoulos.

Gjatë takimit, kryeministri Mustafa dhe komisioneri Avramopoulos diskutuan gjerësisht të arriturat e deritashme dhe hapat e fundit që duhet të ndërmerren nga Kosova në procesin e liberalizimit të vizave.

Në njoftimin e dërguar nga Qeveria e Kosovës thuhet se Komisioneri Avramopoulos, nga pozita që ai mbulon, vlerësoi lartë progresin e arritur nga Qeveria e Kosovës duke përfshirë luftën kundër krimit të organizuar dhe korrupsionit.

“Komisioneri Avramopoulos shprehu përkrahjen e tij dhe të Komisionit Evropian në këtë proces, për qytetarët dhe institucionet e Republikës së Kosovës dhe gatishmërinë që të ndihmoj këto institucione në procesin e demarkacionit”, thuhet në njoftim. / Periskopi.com

Mustafa në Bruksel ‘lobon’ për pezullim të kushtit të Demarkacionit

 

Gjatë qëndrimit në Bruksel, kryeministri Isa Mustafa do të zhvilloj takim me Presidentin e Partive Popullore Evropiane, për të kërkuar përkrahjen e tyre në Parlamentin Evropian, Këshillin Evropian dhe në Komisionin Evropian për liberalizimin e vizave për qytetarët e Kosovës dhe avancimin e proceseve të tjera eurointegruese të Kosovës.

Limaj as nuk pranon të flet më për Hashim Thaçin, ka një arsye

Periskopi.com Lajme

Deklaratat e presidentit Hashim Thaçi për bashkim të shqiptarëve në rast se BE vazhdon për të mos pranuar Kosovën, lideri i Nismës për Kosovën, Fatmir Limaj i ka quajtur shaka.

“S’merrem me deklaratat hajgare të Thaçit, sepse ai brenda dite 10 herë i ndërron deklaratat”, ka thënë  Limaj në Televizionin Rrokum.

Limaj ka thanë se BE nuk i merr seriozisht deklaratat e Thaçit, sepse nuk ka seriozitet në atë çka thotë.

“Ato deklarata janë mashtrim për qytetarët, si me rastin e ushtrisë”, ka thënë Limaj.

Sipas Limajt, deklaratat dhe marrëveshjet e Thaçit i kanë dërgu vetëm dëme Kosovës.

 

 

 

 

 

Thaçi sikur Edi Rama ‘kërcënon’ BE-në: Nëse na e mbyllni derën, shqiptarët do të jetojmë në një hapësirë të vetme

Periskopi.com Lajme

Nëse Bashkimi Evropian e mbyll derën për Kosovën, atëherë të gjithë shqiptarët në rajon do të jetojnë në një hapësirë të vetme, ka deklaruar për Radion Evropa e Lirë, presidenti i Kosovës, Hashim Thaçi.

Reagimi i tij, pason deklaratën e kryeministrit të Shqipërisë, Edi Rama i cili ka thënë se bashkimi i Shqipërisë me Kosovën nuk mund të përjashtohet nëse perspektiva për anëtarësimin e Ballkanit në BE venitet.

“Bashkimi Evropian, aktualisht as në raport me Kosovën dhe as me Ballkanin Perëndimor, nuk ka as vizion dhe as lidership për integrimin apo zgjerim me përfshirjen e vendeve të Ballkanit Perëndimor”, ka thënë Thaçi.

“Këtë vonesë, këtë ngurtësi, e këtë jovizion për Ballkanin Perëndimor, për fat të keq janë duke e shfrytëzuar ideologji dhe vende joevropiane dhe të frymës dhe vizionit jo euroatlantik”, ka theksuar ai.

“Natyrisht që qytetarët e Kosovës janë të frustruar me Bashkimin Evropian, me ngurtësinë e tyre, me bllokadën e tyre dhe padrejtësinë dhe ndëshkimin që po u bëhet qytetarëve të Kosovës për procesin e liberalizimit të vizave, sepse Kosova ka përmbyllur të gjitha kriteret e nevojshme dhe të domosdoshme dhe krejtësisht me të padrejtë e ka vënë edhe çështjen e demarkacionit”, ka thënë tutje presidenti i Kosovës.

“Natyrisht, atë që e kam thënë edhe në vitin 2013 e them edhe tani, nëse Bashkimi Evropian e mbyll derën për Kosovën, të gjithë shqiptarët në rajon do të jetojnë në një hapësirë të vetme për t’u integruar pastaj tutje në familjen evropiane”, është shprehur Thaçi.

Ditë më herët, në një intervistë për “Politico”, Edi Rama ka paralajmëruar se “Evropa mund të përballet me një makth” nëse vendet e Ballkanit “çmenden” si pasojë e nxjerrjes së zgjerimit jashtë agjendës së BE-së.

Ai në plan të parë e ka vënë bashkimin e shqiptarëve në kuadër të integrimit të tyre në Bashkimin Evropian. Por, nëse kjo rrugë pamundësohet, ai ka paralajmëruar edhe mënyra tjera.

“Askush nuk do të shohë drejt unioneve më të vogla. Të gjithë duan që të bashkohen në Unionin e madh. Por nëse nuk ka shpresë, nuk ka perspektivë dhe nuk ka hapësirë, atëherë bashkimet e vogla mund të ndodhin”, ka thënë Rama.

Ndërkohë, kryeministri i Kosovës, Isa Mustafa, i kishte cilësuar si populiste deklaratat e homologut të tij nga Tirana, Edi Rama.

Në një intervistë për “KTV”, ai është shprehur se Kosova nuk synon bashkim tjetër veç BE-së.

“Ne nuk e kemi orientimin që të bëjmë bashkime tjera, përveç Bashkimit Evropian. Edhe nëse s’na pranojnë për dere, do të hyjmë për dritareje”, ka theksuar ai. (REL)

Ende pa datë për vazhdimin e dialogut

Periskopi.com Lajme

Zëdhënësja e Komisionit Europian, Maja Kocijançiq ka thënë se në këtë moment ende nuk është caktuar data për rrethin e ri të dialogut Beograd- Prishtinë në nivelin e lartë politik.

Në BE përsëritin se dialogu është në interesin e të dyja palëve dhe se presin vazhdimin e punës konstruktive.

BE forcon kontrollin kufitar brenda zonës Schengen

Nga e premtja e 7 prillit në kufijtë e BE-së do të aplikohen rregulla të reja të zonës Schengen duke ushtruar një kontroll të imtësishëm mbi pasagjerët për të mbrojtur BE-në nga terrorizmi, raporton Reuters.

Periskopi.com Lajme

 

Shtetasit e vendeve të tjera dhe qytetarët e BE-së do të kontrollohen tërësisht në kufi, e ndërsa rregulli i ri është parashikuar se do të shkaktojë pritje të gjata dhe trauma për udhëtarët.

Shtetet e zonës Schengen kanë filluar të paralajmërojnë qytetarët e tyre për rregullat e reja./Albeu.com/

 

BE kërcënon Maqedoninë: Nëse vazhdoni kështu, harrojeni mbështetjen tonë

Presidenti i Këshillit të Evropës Donald Tusk pas takimit me presidentin maqedonas Ivanov është shprehur se Maqedonia s’ka alternativë tjetër përpos BE-së dhe zgjidhjen nga kriza politike do të duhet ta gjejë vetë Maqedonia.

Periskopi.com Lajme

“Vij me një porosi të fuqishme nga liderët dhe institucionet e BE-së, perspektiva juaj është e padyshimtë. Ju mbetet juve që të gjeni zgjidhjen për krizën politike të bazuar në demokraci. Vetëm një zgjidhje e tillë do të jetë e qëndrueshme”, është shprehur Tusk.

Njeriu i parë i BE-së ka falenderuar Ivanovin për ndihmën që ofroi Maqedonia në krizën e refugjatëve, dhe në fund i ka bërë me dije se nuk do ta ketë mbështetjen e BE-së derisa të gjendet zgjidhja e duhur për kalimin e krizës politike.

“Kur ta gjeni zgjidhjen (për zhbllokim të proceseve demokratike) do të mund të konsideroni në mbështetjen tonë,” është shprehur Tusk.

 

 

Kryeministri hungarez sërish lëshohet në deklarata

Kryeministri hungarez, Viktor Orban tha sot se Bashkimi Evropian duhet të ndryshojë, në mënyrë që të mbetet vendi më i mirë në tokë.

Periskopi.com Lajme

Gjatë fjalës së mbajtur në Kongresin e Partive Popullore Evropiane (EPP), që po mbahet në Maltë,  Orban tha gjithashtu se në qoftë se EPP ka për qëllim për ta udhëhequr këtë ndryshim, ai porositi që ta fillojë ndryshimin.

Rusia shpërfill BE dhe SHBA: Nuk i lirojmë protestuesit

Kremlini refuzoi t’i bindej thirrjeve të SHBA dhe BE për lirimin e protestuesve opozitarë, të arrestuar gjatë atyre që u cilësuan si protesta të paligjshme ditën e diel.

Periskopi.com Lajme

“Nuk mund ti pranojmë thirrjet”,-tha zëdhënësi i qeverisë, Dimitri Peskov, i cili përgëzoi policinë për profesionalizmin e treguar.

Nga ana tjetër ai akuzoi organizatorët e protestave për provokim dhe blerjen e manifestuesve të mitur me para.

Qindra njerëz u arrestuan të dielën në lidhje me protestat masive, më të mëdhatë që prej viteve 2011-2012, mes tyre edhe lideri i opozitës ruse Aleksei  Navalni.

Një gjykatë në Moskë e dënoi atë me 15 ditë burg për mosbindje të urdhrave policore. Përpara se të shfaqej në gjykatë,  40 vjeçari përshëndeti mbështetësit me një mesazh në Twitter. “Do të vijë koha kur në gjyq do të dalin ata”, -tha ai.

Navalni përsëriti akuzat për korrupsion kundër kryeministrit Dimitri Medvedev, të cilat ishin edhe arsyeja e manifestimeve të së dielës në të gjithë vendin.

Ndërsa policia e Moskës raportoi më herët për 500 të arrestuar, një grup për të drejtat e njeriut pretendon se të ndaluarit kishin qenë 1030 dhe se të paktën 120 prej tyre ishin ende pas hekurave.

Lideri i opozitës Navalni organizoi protestat mbarëkombëtare, pasi publikoi prova për pasuritë e mëdha që zotëronte Medvedev.

BE dhe SHBA kanë reaguar me shqetësim ndaj zhvillimeve në Rusi, duke dënuar aksionin e policisë e duke kërkuar lirimin e menjëhershëm të demostruesve paqësorë.

Maqedonia, në prag të sanksioneve nga BE-ja

Rritja e presioneve nga bashkësia ndërkombëtare mund të ndihmojë në kapërcimin e krizës qeveritare në Maqedoni, e cila tani ka marrë edhe dimensionin e krizës etnike dhe ndëretnike, vlerësojnë njohësit e çështjeve ndërkombëtare. Komentet vijnë pasmesazheve të fundit në Shkup të komisionarit Johanes Hahn, i cili kërkoi respektimin e shumicës së re parlamentare dhe lejimin e formimit të qeverisë.

Periskopi.com Lajme

Mersel Bilalli, profesor i së drejtës ndërkombëtare në Universitetin Fon, thotë për Radion Evropa e Lirë se Maqedonia ka shansin e fundit për të evituar pasojat nga kriza e gjatë politike dhe sipas tij, masat ndëshkuese do të nisin që nga zyrtarët nëse edhe më tej vazhdojnë të shpërfillin thirrjet për kapërcimin e krizës institucionale.

“Mendoj se fillimi i sanksioneve do të jetë i lidhur me personalitete të caktuara, siç është presidenti i shtetit, ish-kryeministri, ndoshta edhe struktura të biznesit të lidhura me VMRO DPMNE-në, por edhe lobe tjera. Pra, unë mendoj se faza e parë mund të jenë sanksione personale e ndoshta më vonë ato mund të zgjerohen që për fat të keq, pasojat do t’i ndiejnë të gjithë qytetarët e Maqedonisë”, thotë Bilalli.

Europarlamentari Ivo Vajgl në një deklaratë për mediet maqedonase tha se VMRO-ja duhet të respektoj rrethanat e reja dhe të mos e pengojë kalimin e pushtetit te shumica e re.

Ai tha se në rast se nuk ka përmirësim të gjendjes, ndoshta do të përdoren edhe instrumente tjera apo sanksione, ku bën pjesë edhe ndihma financiare. Vajgl deklaroi se ish-kryeministri Gruevski në takimet e realizuara me euro-parlamentarët u ka thënë atyre se “do ta çojë deri në vend(politikën e tij), pasi nuk i shkohet në burg”. Vajgl ka thënë se nëse ky do të ishte motivi, atëherë edhe një kohë të gjatë nuk do të ketë kompromis. Këto pretendime të euro-parlamentarit janë hedhur poshtë nga VRMO-ja, duke i quajtur “manipulime në shërbim të opozitës”.

Edhe ish-ministri i Punëve të Jashtme, Denko Malevski, nuk e përjashton edhe mundësinë e vendosjes së sanksioneve, por fillimisht ndaj zyrtarëve, përfshirë edhe drejtuesit e VMRO-së, të cilët me të gjitha mënyrat e mundshme po pengojnë konstituimin e Kuvendit dhe të institucioneve tjera.

“Sanksionet mund të çojnë në prishjen e sistemit, por sa i përket individëve, sigurisht se Brukseli ka mekanizma të tillë dhe mund të aplikojë diçka të tillë. Paralajmërimet e tyre janë shumë serioze, më serioze edhe nuk mund të jenë. Ata janë kundër nxitjes së nacionalizmit, në veçanti, në kohën kur presin ndryshimet në pushtet apo respektimin e rezultatit zgjedhor dhe lejimin e funksionimit të shumicës së re parlamentare, ashtu siç ndodh në çdo shtet demokratik”, vlerëson Malevski.

Aplikimi eventual i sanksioneve, sipas komunikologut Mitko Gaxhovski, mund ta përkeqësojë gjendjen në Maqedoni, pasi pasojat do të bien edhe mbi qytetarin e rëndomtë.

“Nëse shteti përballet me izolim ndërkombëtar, kjo do të ketë pasoja të mëdha, madje edhe deri në pamundësinë e pagesës së pensioneve dhe pagave, që mund të çojë në situata të pakontrolluara dhe kjo gjithsesi se nuk do të ishte në favor të VMRO-së dhe të pushtetit të saj, pasi e gjitha kjo do t’u faturohej atyre nga ana popullit”, thotë Gaxhovski.

Partitë e shumicës së re parlamentare, LSDM, BDI dhe Aleanca për Shqiptarët që kanë 62 deputetë, të premten kanë njoftuar se kandidati tyre për kryetar të Kuvendit është Talat Xhaferi nga BDI-ja, por kandidatura e tij duhet të kalojë në Komisionin për zgjedhje dhe emërime që drejtohet nga VMRO-ja.

Ajo ka bërë të ditur se do ta kundërshtoj[ çdo nismë që nuk e respekton fituesen e zgjedhjen apo VMRO-në, ndërsa këtë e kanë paralajmëruar edhe protestuesit, por me arsyetimin se do të kundërshtojnë zgjedhjen e çdo kryeparlamentari, i cili, sipas tyre nuk e dënon deklaratën e partive politike shqiptare, me të cilën, siç pretendojnë ata, federalizohet Maqedonia dhe rrënohet karakteri i saj unitar.

Liderët e BE-së mblidhen në Romë, mungon Theresa May

Liderët e vendeve anëtare të Bashkimit Evropian janë mbledhur në Romë për të shënuar 60-vjetorin e nënshkrimit të marrëveshjes së Romës, me të cilën janë hedhur themelet e Unionit të sotëm.

Periskopi.com Lajme

Ajo që bie në sy, shkruan Reuters, është mungesa e kryeministres britanike Theresa May, e cila të mërkurën edhe formalisht në letrën dërguar kryetarit të Këshillit të Evropës, Donald Tusk do të bëjë të ditur daljen e Britanisë së Madhe nga Bashkimi Evropian.

BE thërret ambasadorin turk pas deklaratave kërcënuese të Erdogan

Bashkimi Evropian thirri sot ambasadorin e Turqisë në Bruksel për t’i kërkuar shpjegime pas deklaratave kërcënuese për sigurinë e qytetarëve evropianë nga presidenti, Recep Tayyip Erdogan, theksoi një zëdhënëse.

Periskopi.com Lajme

“Ne i kemi kërkuar përfaqësuesit të përhershëm të Turqisë në BE të vijë në Shërbimin Evropian të veprimeve të jashtme, shërbim diplomatik i BE-së, sepse ne dëshirojmë të marrim një shpjegim përsa i përket komentev të presidentit Erdogan në lidhje me sigurinë e evropianëve në rrugët e mbarë botës”, deklaroi zëdhënësja, Maja Kocijancic.

“Ambasadori i Turqisë në BE duhet të flasë me “drejtuesin” përgjegjës të marrëdhënieve me Ankaranë”, theksoi ajo.

Kriza e rëndë diplomatike mes Ankarasë dhe evropianëve ka kaluar sërish në një etapë tjetër kur presidenti turk deklaroi se asnjë evropian nuk mund të bëjë më asnjë hap në rrugë i sigurtë, nëse BE mban ndaj Turqisë një qendrim që ai e gjykon armiqësor.

“I drejtohem edhe njëherë evropianëve (…) Turqia nuk është një vend që mund të goditet, ose të mund të luash me nderin, apo t’i dëbosh ministrat”, është shprehur me tone të ashpra Erdogan.

“Mbarë bota e di atë që po ndodh. Nëse ju silleni në këtë mënyrë, nesër, asnjë evropian, asnjë perëndimor nuk do të mund të bëjë një hap më shumë në siguri, me qetësinë asnjë vend të botës”, shtoi ai, disa orë para një atentati që shkaktoi tre të vdekur dhe 40 të plagosur në Londër.

Marrëdhëniet mes Turqisë dhe Bashkimit Evropian janë prëkeqësuar ndjeshëm këto javët e fundit pas ndalimit të disa mitingjeve zgjedhore pro-Erdogan, në të cilat do të merrnin pjesë ministrat turq në Gjermani dhe Holandë.

BE: Kurrë nuk do të pranojmë aneksimin joligjor rus të Krimesë

Bashkimi Evropian kurrë nuk do të pranojë aneksimin e Krimesë, është bërë e ditur të premten me rastin e tre vjetorit të aneksimit joligjor rus të kësaj pjese të Ukrainës.

Periskopi.com Lajme

 

“Bashkimi Evropian përsërit se nuk do të njohë dhe do të vazhdojë të gjykojë këtë shkelje të drejtës ndërkombëtare. Kjo mbetet sfidë direkte për bashkësinë ndërkombëtare me pasoja të rënda për rendin juridik ndërkombëtar , i cili mbron sovranitetin unik të të gjitha shteteve”, ka deklaruar shefja e diplomacisë evropiane Federika Mogherini.

Ministri i Jashtëm hungarez: Pakti mes BE-së dhe Turqisë është në rrezik

Ministri hungarez i Punëve të Jashtme dhe Tregtisë së Jashtme, Peter Szijjarto, ka deklaruar sot se kontaktimi i Turqisë me qytetarët që jetojnë jashtë vendit, është një aktivitet normal.

Periskopi.com Lajme

“Ne si hungarezë e kuptojmë shumë mirë këtë çështje. Sepse shumë qytetarë hungarezë jetojnë jashtë vendit tonë. Është mese normale që qeveria jonë të jetë në kontakt me qytetarët e saj jashtë vendit dhe të këshillohet me ta”, ka thënë Szijjarto që ka shtuar se Pakti mes Bashkimit Evropian (BE) dhe Turqisë është në rrezik.

Duke vënë në dukje se është shumë i shqetësuar për zhvillimet që kanë ndodhur mes Turqisë dhe Holandës, Szijjarto ka theksuar se është një situatë e pazakontë që dy vende anëtare të NATO-s të kenë probleme për një çështje të tillë.

Çfarë po ndodh në PDK? Zenun Pajaziti thotë se demarkacioni nuk është kusht i BE-së

Shefi i grupit parlamentar të PDK-së Zenun Pajaziti ka thënë se marrëveshja e Demarkacionit me Malin e Zi nuk është kërkesë e Bashkimit Evropian si kusht për liberalizimin e vizave.

Periskopi.com Lajme

Këto deklarime Pajaziti i dha në Zona B të Klan Kosovës, teksa shtoi se kufijtë janë përmendur edhe në vitin 2009-të, në çështjet që janë ngritur në ‘’Planin e Ahtisarit’’.

“Nuk mund të gjykohet nëse kjo Qeveri nuk merr vendime. Kjo është një marrëveshje ndërkombëtare.  Çështja në Kosovë e liberalizimit të vizave nuk varet nga qëndrimi im. Opozita nuk mund të hiqet nga ajo që ka bërë. Procesin e pikës kufitare, marrëveshjes së Demarkacionit e kemi neglizhuar të gjithë”, tha ai.

“Në vitin 2009 unë kam qenë pjesë e Qeverisë e ku fare nuk është përmend liberalizimi i vizave. E kemi bërë një udhërrëfyes për detyrat që mund të na ishin dhënë sepse kemi thënë se jemi të gatshëm t’i përmbushin. Kur ka filluar procesi, tek ne (Kosova)  ka pasur disa kritere politike shtesë për liberalizimin. Por kriteret negociohen”, tha Pajaziti

“Atëherë nuk besoj që është parë kaq komplekse kjo ku do të vinte koha që s’do të mund ta ratifikojmë këtë marrëveshje”.

“E para ky kriter nuk është kërkesë e Bashkimit Evropian, ka qenë kërkesë edhe atëherë kur nuk kemi qenë pjesë e udhërrëfyesit, po e them me përgjegjësinë e plotë”.

“Në 2009 më është përmend kufiri dhe kriteret dhe çështjet që ka ngrit Ahtisari në pako. Para se të jetë në udhërrëfyes”.

“Nuk dua të arsyetoj ndoshta mund të kishte diçka më shumë. Nuk dua të jem aq komod e të themi se e kemi kërkuar ne marrëveshjen për Demarkacionin”, ka përfunduar Pajaziti, njofton Klan Kosova.