Greg Delawie

Delawie: SHBA-ja, kundër bisedave të pakujdesshme për bashkim

Periskopi.com Lajme

Ambasadori i SHBA-së në Kosovë, Greg Delawie, i ka cilësuar deklaratat për mundësinë e bashkimit të Kosovës dhe Shqipërisë, si të “pakujdesshme”.

“Qeveria amerikane e mbështet sovranitetin edhe të Kosovës edhe të Shqipërisë. Ne jemi kundër bisedave të pakujdesshme për bashkim dhe të reagimeve të tepruara ndaj deklaratave të tilla, të cilat minojnë qëndrueshmërinë në rajon”, tha Delawie në një deklaratë për Radion Evropa e Lirë.

Reagimi u bë pas një interviste të kryeministrit të Shqipërisë, Edi Rama, për portalin Politico, në të cilën tha se rruga e hapur drejt integrimeve evropiane dhe perspektiva e qartë janë mënyra e vetme që Ballkani të jetë i qetë “por nëse kjo shpresë, perspektivë, mungon atëherë unionet e vogla mund të ndodhin”.

Pas kësaj Presidenti i Kosovës, Hashim Thaçi, i tha Radios Evropa e Lirë se nëse Bashkimi Evropian e mbyll derën për Kosovën, “atëherë të gjithë shqiptarët në rajon do të jetojnë në një hapësirë të vetme”.

Kryeminstri i Serbisë, Aleksandar Vuçiq, u ka bërë thirrje, siç i ka cilësuar, përfaqësuesve politikë të shqiptarëve, që të mos dalin në opinion me deklarata për nevojën që të gjithë shqiptarët e rajonit të krijojnë shtetin e përbashkët, nëse ndalet procesi i integrimeve evropiane, ka transemtuar Beta.

“Ne i lusim, po e përsëris, i lusim që me deklarata të tilla të mos dalin në publik, sepse ato nuk u kontribuojnë marrëdhënieve të mira në rajon dhe as krijimit të atmosferës së bashkëpunimit dhe punës së përbashkët në projekte të rëndësishme”, tha Vuçiq në konferencën për gazetarë në Qeverinë e Serbisë.

Ndërkohë, zëdhënësja e përfaqësueses së lartë të BE-së për siguri dhe politikë të jashtme, Maja Kocijançiq, i tha Radios Evropa e Lirë se “Ballkani Perëndimor ka një perspekitvë të qartë dhe për këtë punohet së bashku me partnerët në rajon, mbi parimet e pajtimit dhe bashkëpunimit rajonal”. (REL)

Reklamë
Reklamë

Mediat serbe: Shqiptarët duan luftë, zëra për bashkim edhe në Preshevë (Video)

Periskopi.com Lajme

Shqiptarët duan sërish luftë. Këto janë kryetitujt e shtypit serb. Shkrimet plotësuese janë se 80 për qind e heroinës dhe drogës në Evropë eksportohet nga Kosova.

Deklarimet e fundit të krerëve të Shqipërisë dhe Kosovës kanë acaruar politikën në Serbi. Kryeministri Aleksandar Vuçiç ka thënë se “Shqipëria e madhe” është vetëm një ëndërr. Ndërkohë që shefi i diplomacisë serbe, Ivica Daçiç ka kërkuar reagime ndërkombëtare.

Por e veçantë ka qenë deklarata e kreut të Këshillit Kombëtar Shqiptar, Jonuz Musliu, i cili nga Bujanoci trazoi Serbinë. “Shqiptarët e Serbisë duhet t’i bashkohen Kosovës dhe Shqipërisë, për këtë nuk ka dyshim”, është shprehur ai.

“Nuk ka kuptim bashkimi i Kosovës me Shqipërinë, pa bashkimin e Kosovës lindore me to. E kam fjalën për bashkimin e Preshevës, Medvegjës dhe Bujanocit”, thotë Jonuz Musliu, nga Këshilli Kombëtar Shqiptar.

Politikanët e tjerë të Luginës së Preshevës nuk e kanë komentuar një gjë të tillë. Por për Musliun nuk ka dyshime edhe për shkak të qëndrimeve indiferente të qeverisë në Beograd, ndaj banorëve të asaj zone.

“Beogradi nuk ka dashur të merret me shqiptarët. Atëherë shqiptarët duhet të bëjnë zgjidhje, e zgjidhja e vetme është rruga drejt Kosovës dhe Shqipërisë”, shprehet Jonuz Musliu.

Mbështetja e NATO-s në planin për luftë, për shtypin serb nuk mungon.

Zyrtarët serbë kërkuan reagimin e bashkësisë ndërkombëtare për deklaratat e politikanëve shqiptarë nga Shqipëria dhe Kosova, për të cilët thanë se janë kthyer në një kërcënim për rajonin. Ata thanë se mbështetja ndaj shqiptarëve nuk ekziston si në kohën e luftës dhe Serbia nuk do të heshtë.

 

 

Reklamë
Reklamë
Nexhmedin Spahiu

Pajtohem që të ketë referendum për bashkimin e Kosovës me Shqipërinë

Publicisti Nexhmedin Spahiu thotë se muri në Mitrovicë është padituri kulmore e politikanëve të Kosovës që na përfaqësojnë në Bruksel, e marrëveshjen për rrënimin e njërit mur dhe ndërtimin e tjetrit e quan cirk.

Kushtrim HAJZERI Intervista

Në një intervistë për Periskopi.com, Spahiu thotë se përgjegjës për arrestimin e Haradinajt dhe të tjerëve me urdhër të Serbisë, janë institucionet e drejtësisë.

Ai flet se çfarë do të ndodh në Kosovë nëse Haradinaj ekstradohet në Serbi dhe tregon se si Serbia çdo ditë e më shumë është e pranishme në Kosovë.

Spahiu tregon nëse duhet vazhduar dialogu, dhe tregon se pajtohet që të ketë një referendum por me kushte.

Si e komentoni situatën e fundit me murin në Mitrovicë?

Spahiu: Muri në Mitrovicë është dëshmi e paditurisë kulmore të politikanëve kosovarë që na përfaqësojnë në Bruksel.  Marrëveshja për rrënimin e një muri e ngritjen e një tjetri është  cirk i ndytë, në hesap të taksapaguesve të Kosoves me paratë e tyre.

Krejt kjo është produkt i një marrëveshjeje absolutisht të keqe e të dëmshme për Kosovën, papërjashtimisht e dëmshme për të gjitha komunitetet e saj. Thjeshtë, nuk është dashtë të nënshkruhet. Nëse shteti i Kosovës nuk ka pas fuqi me heqë barrikadën në urë, është dashtë ta lërë barrikadën aty dhe jo ta legalizojë një barrikadë të re duke bërë edhe 3 kompromise, secili më i rëndë se tjetri. 1. Ngushtimi i urës nga 4 korsi në vetëm 2 korsi. 2. Shndërrimi i rrugës kryesore nacionale në shëtitore dhe 3. (më e keqja) në vend të rindërtimit të Xhamisë së Ibrit, Xhamisë më të vjetër të Mitrovicës, ndërtimi i shkallëve për invalidë, dhe tereni sportiv.

Nënshkrimin në këtë marrëveshje ka mundur ta hedhë vetëm një njëri i shitur apo tërësisht i padijshëm.

Sipas jush kush është fajtor që ende po ndodhin arrestime me urdhër të Serbisë, si ai i Ramush Haradinajt?

Spahiu: Qeveria e Kosovës dhe institucionet e drejtësisë që nuk e bëjnë të njëjtën gjë ndaj liderëve politikë të Serbisë.

Nëse Haradinaj ekstradohet në Serbi, çfarë kahje mendoni se do të marrë situata në vend?

Spahiu: Nuk do të ndodhë asgjë spektakulare vetëm se Kosova humbë perspektivën për ndryshim demokratik të qeverisjes.

A mendoni se institucionet e vendit nuk kanë treguar kujdes të duhur në raport me Serbinë që nga paslufta?

Spahiu: Aspak. Që nga shpallja e pavarësisë së Kosovës, Serbia çdo ditë e më tepër është më shumë prezente në jetën politike dhe ekonomike të vendit.

Substanca e sovranitetit po gërryhet në politikë, ekonomi e drejtësi nga Serbia, ndërsa në kulturë e media nga Shqipëria.

Si e vlerësoni vazhdimin e dialogut me Serbinë, tani në nivel presidentësh?

Spahiu: Dialogu është interes kombëtar i Kosovës, ai duhet të vazhdojë gjithnjë por Kosova duhet t’i ndryshojë njerëzit e saj në këtë dialog.

A do të duhej që vazhdimi i dialogut të ndërpritet ose kushtëzohej?

Spahiu: Duhet të vazhdojë. Nuk ka se si të kushtëzohet. Është interes i  yni kombëtar. Dialogu i është  imponuar Beogradit nga ana e Uashingtonit e Brukselit për t’i dalë në ndihmë Kosovës.

Serbia ka kërcënuar Kosovën me luftë, ndërsa serbët e Kosovës mbajnë peng krijimin e ushtrisë së Kosovës. Si i komentoni këto kërcënime?

Spahiu: Ka pasur një rrezik real që Serbia t’i fuste tankset në Kosovë. Mendoj se ky rrezik u tejkalua me deklaratat e prera të kryeministres britanike dhe sekretarit të ri amerikan të Mbrojtjes.

Cila duhet të jenë veprimet e Kosovës në raport me Serbinë, pas të gjitha ngjarjeve të fundit?

Spahiu: Kosova duhet të zhvillojë identitetin e vet, politik, kulturor,  ekonomik. Kjo është përgjigja më e mirë.

A mendoni se një referendum në të ardhmen do ta vuloste fatin e bashkimit mes Kosovës dhe Shqipërisë, duke mos e paragjykuar rezultatin?

Spahiu: E ardhmja e Kosovës është zhvillimi i shtetësisë së saj, e jo bashkimi me cilindo shtet, e aq më pak me Shqipërinë. Sidoqoftë jam për atë që të zhvillohet një referendum ku pyetjet kishin me qenë:

A jeni që

a). Kosova të jetë e pavarur

b). Kosova të bashkohet me Shqipëri

c). Kosova të bashkohet me Serbi

Jam i bindur që shumica absolute do të deklarohej për shtetin e pavarur dhe sovran të Kosovës siç janë deklaruar edhe më 1992, dhe kishin me u heqë njëherë e përgjithmonë këto dilema. Pas këtij referendumi të gjithë ata që do të flisnin ose punonin kundër pavarësisë së Kosovës do të konsideroheshin tradhtarë të kombit.  / Intervistoi: Kushtrim Hajzeri

Reklamë
Reklamë

Fitojnë Prishtina e Bashkimi

Sigal Prishtina dhe Bashkimi i kanë fituar duelet përkatëse në kuadër të xhiros së 11-të të Superligës së basketbollit.

Periskopi.com Sporti

Bardhekaltrit e mposhtën pa problem Vëllaznimin në Gjakovë me rezultat 103:86 (29:31, 33:17, 21:31 e 20:7), kurse prizrenasit ishin më të mirë se fqinji i tyre, Golden Eagle Ylli, ndaj së cilit fituan 96:57 (22:22, 17:10, 23:15 e 34:10), shkruan zeri.info

Trepça e ka mundur të premten Rahovecin 79:73, kurse Peja luan sot me Kerasan Prishtinën nga ora 14:00.

Reklamë
Reklamë

Bashkimi shumë i fortë për Vëllaznimin

Bashkimi ka shënuar fitoren e tretë rresht në Superligë.

Periskopi.com Sporti

Ekipi i tranjerit Dragan Radovic, ka harruar shpejt humbjen e para dy ditëve në Ligën Ballkanike ndaj Kumanovës, duke e mposhtur Vëllaznimin me rezultat 85-59.

Për ‘portokallinjtë’ lojtari më i dalluar në këtë takim ishte Mikaile Tmusic, që e mbylli takimin me 20 pikë, i ndihmuar edhe nga Kayel Locke me double-double prej 14 pikëve dhe 15 kërcimeve.

Bashkimi me këtë fitore ngjitet në pozitën e parë në tabelë me 6 pikë, por që ka një ndeshje më shumë se skuadrat tjera, derisa Vëllaznimi vazhdon ende pa fitore në këtë kampionat. /Periskopi.com

Reklamë
Reklamë

Nesër fillon Liga Ballkanike për Sigal Prishtinën, Bashkimin dhe Pejën

Ekipi debutues nga Kosova në Ligën Ballkanike këtë stinor, Trepça, hapi me disfatë stinorin e ri, duke u mposhtur nga Tirana mbrëmë në “Asllan Rusi”.

Periskopi.com Sporti

Skuadrat tjera kosovare Sigal Prishtina, Peja dhe Bashkimi, ia nisin stinorit nesër mbrëma (e mërkure).

 

Prej tyre, vetëm Peja është vendase, ndërsa Sigal Prishtina e Bashkimi janë mysafire. Peja pret ekipin e fortë maqedonas, Feni Industries në “Karagaç” (19:30) që do të jetë edhe dueli i parë i verdhezinjëve para shikuesve të vetë këtë stinor (në Superligë Peja ia nisi si mysafir ndaj Yllit).

 

Sigal Prishtina udhëton në Bullgari, ku do të ndeshet ndaj Beroes (17:00), ndërsa Bashkimi në Maqedoni, ku takohet me Kozuvin (19:00).

 

Sonte luhet vetëm një ndeshje në BIBL, ndërmjet Kumanovës dhe Teodos

Reklamë
Reklamë