Policia e Kosovës rehabilitohet te “Nëna Naile”

Ndonjë kocke e thyer, dhembjet që vijnë nga reuma, apo edhe ndonjë sëmundje neurologjike, ilaçin për to Policia e Kosovës tash e tutje do të mundohet ta gjejë tek banja në Kllokot “Nëna Naile”.

Periskopi.com Lajme

Për tri vite, Policia e Kosovës ka nënshkruar kontratë me Qendrën për mjekësi fizikale dhe rehabilitim “Nëna Naile” në Kllokot. Vlera e kontratës është 36 mijë e 480 euro, dhe shërbimet do t’i marrin të gjithë policët që vuajnë prej ndonjë sëmundje të cilat i ofron kjo qendër mjekuese.

Titulli i kontratës është qujatur “Shërbime rehabilituese” dhe ndonëse tenderi ka qenë procedurë e hapur, Zyra e prokurimit të Policisë ka proceduar me vetëm një ofertë, pasi nuk ka pasur oferta tjera, shkruan lajmi.net.

Në këtë qendër, mjekohen këto sëmundje: Sëmundjet reumatike artikulare dhe ekstra artikulare; Sëmundjet neurologjike të Sistemit nervor; Gjendjet post traumatike (pas lëndimeve të kockave, muskujve, tetivave, ligamenteve, nervave ); Rehabilitimi pas frakturave, kontuzioneve, distorzioneve, etj.; Intervenimet operative dhe korrektuese të aparatit lokomotor; Rehabilitimi pas amputimeve të gjymtyrëve etj; Sëmundjet Kardiovaskulare-rehabilitimi sekondar pas infarktit të miokardit, etj; Sëmundjet e traktit digjestiv-gastritet; Sëmundjet e sistemit urinar-inflamacionet kronike të traktit urinar, mikrolitiazat etj; Sëmundjet e lëkurës-ekzemat, psoriaza, akna vulgaris etj; Sëmundjet gjinekologjike-inflamacionet kronike të organeve gjenitale, steriliteti etj.

Pos mjekimit të sëmundjeve, kjo qendër ofron, si masazhe, terapitë profilaktike, turmalina mrekullibërëse, lampa me spektër të frekuencave dhe uji termal tradicional.

Reklamë
Reklamë