Turp për Gjilanin, heroi Kadri Zeka ende pa shtatore

Anëtari i Kryesisë së Nismës për Kosovën, Bajram Hasani, me rastin e 35-vjetorit të vrasjes së Kadri Zekës dhe vëllezërve Gërvalla, ka kritikuar qeverisjen në Gjilan që ende nuk ia ka ngritur një shtatore Kadri Zekës.

Periskopi.com Lajme

“Kadri Zeka meriton që ta ketë një shtatore në qendër të Gjilan. Andaj i bëj thirrje Kuvendit Komunal, kryetarit të Komunës dhe të gjithë qytetarëve që të punojmë dhe ta nderojmë Kadri Zekën ashtu siç e meriton, ashtu siç e nderoi rajonin tonë dhe gjithë Kosovën”, ka thënë Bajram Hasani, i cili është edhe kryetar i degës së Nismës në Gjilan.

“Sot bëhen 35 vjet nga vrasja e Kadri Zekës dhe vëllezërve Gërvalla nga regjimi ish-jugosllav. Kadri Zeka dhe vëllezërit Gërvalla ishin intelektual që me punën e tyre, vizionin politik, dashurinë ndaj atdheut arritën ta organizojnë dhe unifikojnë diasporën shqiptare për të nisur lëvizjes kombëtare për lirinë e Kosovës. Kadri Zeka me bashkëveprimtarët e tij u vranë në një natë të ftohtë janari, por emri dhe vepra e tyre nuk do të vdesë kurrë, sepse ata u shndërruan në prijës shpirtërorë të kauzës për lirinë e Kosovës dhe i hapën rrugë lirisë dhe pavarësisë së këtij vendi. Por, si i nderojmë dhe kujtojmë ne sot. A thua mjafton që vetëm më një manifestim të përvitshëm ta nderojmë veprën e të madhit Kadri Zeka. Jo! Konsideroj se është e turpshme që komuna e Gjilanit dhe Anamorava në përgjithësi nuk i ka ngritur një shtatore atdhetarit të madh të rajonit tonë Kadri Zeka. Kadri Zeka meriton që ta ketë një shtatore në qendër të Gjilan. Andaj i bëj thirrje Kuvendit Komunal, kryetarit të Komunës dhe të gjithë qytetarëve që të punojmë dhe ta nderojmë Kadri Zekën ashtu siç e meriton, ashtu siç e nderoi rajonin tonë dhe gjithë Kosovën. Kadri Zeka do të mbetet gjithmonë njëra prej figurave më të ndritura që ka dhënë ky rajon”, ka shkruar Hasani në llogarinë e vet në “Facebook”.

Reklamë
Reklamë

Hasani: Demarkacioni si pengoi vizat

Anëtari i Kryesisë së Nisma’s për Kosovën, Bajram Hasani ka thënë se edhe nënkryetarja e Parlamentit Evropian dhe raportuesja për Kosovën, Ulrike Lunakeç ua hodhi poshtë pretendimet qeveritarëve se të tjerët janë fajtor për mosliberalizimin e vizave, duke thënë se ratifikimi i marrëveshjes për demarkacionin nuk e siguron lëvizjen e lirë.

Periskopi.com Lajme

“Qeveritarët tanë tash e sa kohë janë munduar që ta paraqesin mos ratifikimin e marrëveshjes për demarkacionin me Malin e Zi si pengesën kryesore për dhënien e vizave për qytetarët e Kosovës. Por, sot këtë ua hodhi poshtë nënkryetarja e Parlamentit Evropian dhe raportuesja për Kosovën, Ulrike Lunacek, e cili tha se nënshkrimi i marrëveshjes së demarkacionit nuk do të thotë 100 për qind se do të liberalizohen vizat. Tashmë qytetarët e Kosovës, janë mësuar me ju që për të gjitha gabimet, ja hidhni fajin të tjerëve, siç keni dashur ta paraqitni që tjerët i kanë fajet për mosliberlaizimin e vizave. Kjo tregon se sa të ngutshme e keni ju ratifikimin e marrëveshjes së demarkacionit”, ka thënë Hasani.

Sipas tij pa viza nuk na la kundërshtimi  i drejtë i opozitës, për të mbrojtur territorin e Kosovës.

“Pa viza nuk na la kundërshtimi ynë i drejtë për ta mbrojtur tokën tonë por na la korrupsioni juaj, krimi i organizuar. Por, askush më nuk i ha këto pallavra”, ka shtuar Hasani.

Ai ka thënë se është koha e fundit që vendi të shkojë në zgjedhje.

“ Është koha që të shkoni në shtëpi dhe të ja lëshoni vendin një qeverie të re, e cila do t’i zgjidhte gabimet që i keni bërë.”, ka theksuar Hasani.

Reklamë
Reklamë