Azem Sylës i vazhdohet paraburgimi

Ish-shefi i Shtabit të Përgjithshëm të Ushtrisë Çlirimtare të Kosovës, Azem Syla, do të mbahet në paraburgim edhe për tre muaj të tjerë.

Periskopi.com Lajme

 

Lajmin për vazhdimin e paraburgimin Insajderi e ka mësuar përmes burimeve në gjykatë, ndërsa nuk ka mundur të konfirmojë nga avokati i tij, Besnik Berisha, shkruan insajderi.com.

Azem Syla, ish-deputet i PDK-së, akuzohet për krim të organizuar lidhur me rastin e njohura si “Toka.”

Jep dorëheqje gjyqtari që dyshohet se u korruptua nga grupi i Azem Sylës

Udhëheqësi i Departamentit të Krimeve të Rënda në Gjykatën Themelore të Prishtinës, Faik Hoxha, ka dhënë dorëheqje nga kjo pozitë si dhe ajo e gjyqtarit.

Periskopi.com Lajme

Këtë veprim thotë se e ka bërë për shkaqe shëndetësore.

Hoxha ka udhëhequr këtë departament prej vitit 2013. Më herët ai ka qenë prokuror në Prokurorinë Komunale të Prishtinës.

Hoxha përmendet në dosjen e Azem Sylës, si njëri prej zyrtarëve që ishin korruptuar nga grupi i tij për të mos i hetuar ata. Përmendet një ryshfet prej 20 mijë eurosh në dosjen e prokurorit të EULEX-it, Danillo Ceccarelli.

Grupi i dyshuar i Azem Sylës, dyshohet se kishte arritur që ndikimin e vet me anë të ryshfetit, kërcënimeve e frikësimit, ta shtrijë në Agjencinë Kosovarë të Privatizimit, në Gjykatën Komunale të Prishtinës, në polici, dhe në Prokurori.

Sipas hetimeve të Prokurorisë dhe përgjimeve telefonike, Hoxha e kishte mbyllur këtë rast duke mos e hetuar Nuhi Ukën, në këmbim të një ryshfeti prej 20 mijë eurosh.

Dyshimi ndaj gjyqtarit Faik Hoxha janë nxjerrë nga përgjimi i 29 janarit 2010 i bisedës mes Shpresim Ukës dhe Fahredin Gashit, ku përmendet rasti ‘Vujoviq’.

Sipas prokurorit, në këtë bisedë Shpresim Uka e ka bërë të qartë se prokurori i rastit, Faik Hoxha, ka kërkuar një ryshfet prej 20 mijë eurosh.

Faik Hoxha ka dhënë dorëheqje dje nga ky post – dy vjet parë se të dalë në pension të rregullt.

Dorëheqjen e ka konfirmuar vetë Hoxha.

“Arsyeja e dorëheqjes janë shkaqet shëndetësore…”, ka thënë ai, duke shtuar se pretendimet e prokurorit nuk i ka marrë seriozisht ngaqë sipas tij nuk ka pasur lidhje me atë punë.

Ndërkohë, që dorëheqja e Faik Hoxhës është konfirmuar edhe nga Gjykata Themelore në Prishtinë.

“Ju njoftojmë se gjyqtari i Gjykatës Themelore në Prishtinë – Departamenti për Krime të Rënda z. Faik Hoxha ka dhënë dorëheqje dje nga pozita e gjyqtarit për shkaqe shëndetësore”, thuhet në përgjigjen e Gjykatës Themelore dhënë për Insajderin.

Grupi i dyshuar i Azem Sylës kishte arritur që ndikimin e vet me anë të ryshfetit, kërcënimeve e frikësimit, ta shtrijë në Agjencinë Kosovare të Privatizimit, në Gjykatën Komunale të Prishtinës, në Prokurori dhe në Polici.

Në përgjimin që përmendet ryshfeti prej 20 mijë eurosh, bazohet dyshimi i Prokurorisë.

Shpresim Uka: Jo, po, po është ai prokuror. Ai njeri ka kërkuar 20 mijë.

Fahredin Gashi: Aha.

Shpresim Uka: Do të më tregojë kur përfundimisht, tash të shoh se çfarë më thotë ai.

Shtyhet senaca ndaj Azem Sylës

Seanca gjyqësore ndaj Azem Sylës dhe të tjerëve e njohur si rasti “Toka”, është shtyrë për ditën e enjte, kjo pasi që ka munguar Hajrullah Berisha, njeri ndër të akuzuarit 39 të akuzuarit në këtë rast.

Periskopi.com Lajme

 

Prokurori i rastit, ka thënë se Hajrullah Berisha, nuk ka qenë as dje prezent në seancë dhe për këtë ka kërkuar nga gjykata që ta lëshoj një urdhër arrest për arrestimin e të pandehurit Hajrullah Berisha dhe për këtë ai ka kërkuar që seanca e sotme të shtyhet për ditën e enjte, raporton “Zeri.info”.

“Për të pandehurin Hajrullah Berisha, kërkoj që ta lëshoni një kërkesë për arrest, ai jo vetëm që nuk ka qenë dje prezent, mirëpo, ai e ka shkelur edhe masën kufizuese që është caktuar ndaj tij që të mos largohet nga vendi. Andaj, sugjeroj që të shtyhet seanca e sotme që të shqyrtohet mundësia për arrestimin e të pandehurit Berisha”, ka thënë prokurori i kësaj çështje penale, raporton “Zeri.info”.

Ndërkaq, avokati i Hajrullah Berishës, Ramiz Krasniqi, ka thënë se nuk e din se ku ndodhet klienti i tij

“Ju kam njoftuar me shkrese në lidhje me kontaktet që i kam pasur me të, ne jemi marrë vesh që të paraqitet ne seancën e djeshme, ai nuk është paraqitur, prandaj, unë dje ju kam lajmëruar me shkresë, për të qenë i sinqertë unë nuk e di se ku është, unë e kam siguruar një numër të telefonit për të komunikuar më të”, ka thënë avokati Krasniqi.

I pandehuri është në Maqedoni i cili ka premtuar që do të vijë në seancë.

Prokurori për të pandehurin Hajrullah Berisha, është që ta lëshoni një kërkesë për arrest, ai jo vetëm qe nuk ka qenë dje prezent, ai e ka shkelur edhe masën kufizuese që është caktuar ndaj tij që të mos largohet nga vendi, nëse është e vërtetë që ai të këtë lëshuar Kosovën.

Sugjeroj qe të shtyhet seanca e sotme që të shqyrtohet mundësia për arrest.

Avokati i Hajrullah Berishës, Ramiz Krasniqi, ju kam njoftuar me shkrese në lidhje me kontaktet që i kam pasur me të, ne jemi marrë vesh qe të paraqitet ne seancën e djeshme, ai nuk është paraqitur, prandaj, unë dje ju kam lajmëruar me shkresë, për të qenë i sinqertë unë nuk e di se ku është, unë e kam siguruar një numër të telefonit për të komunikuar më të.

Ndërsa, kryetari i trupit gjykues, Arcadiuss Sedek, e ka mbështetur kërkesën e prokurorit për shtyrje të seancës për ditën e enjte me ç’rast ka thënë se do të lëshoj urdhër-arrest për arrestimin e Hajrullah Berishës.

Bislim Zogaj

Zogaj vajtonte arrestimin e Azem Sylës, por e dështoi seancën për vdekjen e Deharit

Deputeti i PDK-së, Bislim Zogaj e ka dështuar tentimin e Vetëvendosjes për mbajtje të seancës së jashtëzakonshme në lidhje me vdekjen e Astrit Deharit.

Periskopi.com Lajme

Pasi që ka dhënë nënshkrimin ai e ka tërhequr atë, me arsyetimin se nuk është i gatshëm.

“Preferoj paraprakisht të priten rezultatet e hetimit nga institucionet përkatëse”, ka thënë ai, raporton Periskopi

Por, krejt ndryshe kishte vepruar për Azem Syla.

Edhe pse drejtësia nuk kishte dhënë fjalën e fundit, vetëm po e kërkonin, ai në seancën e Kuvendit pati folur edhe lidhur me bastisjet e Policisë në disa lokacione të ndryshme e edhe në shtëpinë e Azem Sylës në Kishnarekë të Drenasit.

Ja çfarë thoshte për të:

“E them i trishtueshëm se pamjet që u panë të shtëpia e Azem Sylës, deputet i Kuvendit të Kosovës krijon përshtypje se janë duke arrestuar ndonjë kriminel ndërkombëtar, e Azem Syla asnjëherë nuk ishte i tillë, dhe asnjëherë nuk i ka ikur drejtësisë, përkundrazi ai luftoi për drejtësi”, tha Zogaj.

Por ajo çka ishte edhe më e trishtueshme sipas Zogajt janë lajmet, komentet, paragjykimet e deri te dënimi i këtyre personave ende pa u ngritur aktakuza.

“ Azem Syla është më meritoret jo vetëm në Parlamentin e Kosovës, por edhe në tërë trojet shqiptare me kontributin e tij për lirinë e Kosovës. Kur lexoja shkrimet në portalet e pardjeshme jo në të gjitha dhe në disa televizione të krijohej përshtypja se bëhej fjalë për akuza ndaj Sllobodan Millosheviqit apo Dragolub Zdravkoviqit, por në realitet nuk bëhej fjalë për këta që na torturuan dhe na vranë por flitet për këta që tërë jetën ia sakrifikoi lirisë së Kosovës”, tha Zogaj./ Periskopi.com

Azem Syla mohon të jetë marrë me patundshmëri, thotë se punoi për rend dhe ligj

Në deklaratën e tij para prokurorit, Azem Syla ka thënë se tërë aktiviteti i tij jetësor ka qenë tentativë për ta ndihmuar popullin dhe “për të krijuar një shtet ku respektohet ligji dhe rendi”. Ai tha se asnjëherë nuk është marrë me biznesin e patundshmërive.

Periskopi.com Lajme

Në deklaratat e tij para prokurorit italian, Danillo Cecareli, Azem Syla ka mohuar të ketë pasur ndonjë rol në organizimin e biznesit të tokave në Çagllavicë e po ashtu për akuzat për dallaveret me pronat e serbëve.

Tërë aktivitetin e tij jetësor në deklaratën për Prokurorinë Syla e ka përshkruar si tentativë e tij për të ndihmuar popullin e tij dhe për të krijuar një shtet ku respektohet ligji dhe rendi.

Përpos që është deklaruar i pafajshëm, Azem Syla ka thënë se ai asnjëherë nuk është marrë me biznesin e patundshmërive dhe se nuk ka asnjë dokument për këtë.

“Azem Syla ka thënë se ai ka pasur lidhje familjare me Shaban Sylën  dhe se Shaban Syla është gjenerata e katërt e mbiemrit Syla. Syla sqaroi se gjyshërit e të dyve ishin vëllezër dhe se nuk kishte ndonjë marrëdhënie me Sylën përveç që ndante mbiemrin dhe se shiheshin në dasma e deka”, thuhet në aktakuzën e Prokurorisë.

Azem Syla ka sqaruar edhe marrëdhënien e tij me Shpresim Ukën, të dënuarin në rastin Bllaca, i cili po ashtu është pjesë e aktakuzës së grupit të Sylës.

“Shpresim Uka është dhëndër i familjes Syla pasi është i martuar me mbesën e Azem Sylës”, thuhet në aktakuzë.

Ish-deputeti i Kuvendit të Kosovës ka sqaruar para prokurorit edhe lidhjen e tij me Fahredin Gashin. Syla citohet t’i ketë thënë prokurorit se kishte qenë në burg me një të afërm të Fahredin Gashit në vitin 1981 dhe se përveç kësaj lidhje nuk kishte tjetër raport me të.

Një lidhje interesante Syla e ka përshkruar edhe me familjen e shoferit të Arton Villës.

Azem Syla i ka rrëfyer prokurorit se kishte punuar me babanë e Arton Vilës në vitin 1970. Syla ka treguar se Vila ka filluar të punojë në PDK në vitin 2002 dhe se ishte caktuar si shofer i Azem Sylës.

Azem Syla tha se pasi që Arton Vila kishte disa probleme shëndetësore  ata nuk ishin të afërt pas vitit 2012 dhe se shumë rrallë e kishte takuar pas kësaj periudhe. Gjithashtu Syla mohoi që ndonjëherë t’i ketë dhënë para Arton Vilës për tretmanin mjekësor.

Lidhur me pretendimin e Prokurorisë se ai kishte vizituar kafenenë  “Fluri”, Syla është arsyetuar se ndonjëherë mund të kishte shkuar aty siç mund të kishte shkuar në çdo kafene tjetër në qytet dhe se rastësisht edhe ka mundur të takojë edhe ndonjë nga të akuzuarit e tjerë. Ai ka mohuar të ketë takuar ndonjëherë dëshmitarin e mbrojtur 1 në kafenenë në lagjen “Bregu i Diellit” dhe se asnjëherë nuk ka diskutuar çështje të biznesit ose patundshmërive në atë kafene qofshin ato “punë të pista”, apo çfarëdo qofshin.

Përpos deklaratës së Azem Sylës prokurori synon të përdorë si prova edhe një varg deklaratash të tjera, përfshirë atë të shoferit të tij Arton Vilës. Ish-punonjësi i PDK-së ka thënë para prokurorit se kishte jetuar në një apartament të cilin nuk e kishte ditur se kujt i përkiste por që më vonë e kishte marrë vesh se i përkiste Shaban Sylës. Për këtë të fundit Vila ka treguar se i kishte shpëtuar jetën babait të tij gjatë luftës. Vila ka pranuar se disa herë e kishte takuar Shaban Sylën në Kishnarekë ose në kafiteri, duke përfshirë edhe kafenenë në “Bregun e Diellit”, pasi që e ka vizituar shpesh kur e ka vozitur Azem Sylën.

Vila ka thënë se e kishte parë Shpresim Ukën, Fahredin Gashin dhe Ramadan Ukën atje por se nuk i kujtohej nëse kishte parë dëshmitarin 1, Hajrullah Berishën, ose Gazmend Gashin. Vila tha se Hajrullah Berishën e kishte takuar vetëm së fundmi pas arrestimit dhe Gazmend Gashin në gjykatë dhe se nuk e njeh dikë të njohur si “Dulla”.

I akuzuar se ka mbajtur në emër të tij  prona të cilat grupi i kishte përfituar Vila ka përmendur se i kujtohet që Shaban Syla i ka kërkuar atij t’i bëjë një favor që përfshinte transferimin e një pronësie në emrin e tij por nuk e dinte se pse.

Ai në deklaratën dhënë në Prokurori është ndjerë i manipuluar gjatë procesit të transaksionit të kësaj prone por ka thënë se këtë favor ia kishte kryer Shaban Sylës pasi që ai ia kishte shpëtuar jetën babait të tij në luftë.

Ai ka treguar se pronat më pas ishin shitur tek personat e tjerë ndërsa ka përshkruar një rast interesant kur ai kishte tërhequar paratë e një shitje nga banka e më pas i kishte vendosur në një zarf dhe ia kishte dhënë Shaban Sylës.

Shoferi i ish-shefit të Shtabit të Përgjithshëm të UÇK-së ka thënë se e kishte kuptuar se po mashtrohej nga Shaban Syla vetëm kur ishte arrestuar.

Arton Vila tha se dy prona ishin në emrin e tij dhe se e dyta ishte transferuar te Fahredin Gashi.

Grupi prej 22 personash, përfshirë deputetin Azem Syla, u arrestuan dhe shtëpitë e tyre u bastisën në prillin e këtij viti nën dyshimet për krim të organizuar në shitjen dhe transaksionet me pronat e serbëve dhe pronat e ndërmarrjeve shoqërore.

Siç e përshkruan prokurori italian, grupi kishte arritur të shtrinte ndikimin në Gjykatën Komunale të Prishtinës dhe në Kadastrën e Prishtinës, ku disa prona ishin tjetërsuar dhe ishin vënë në emër të anëtareve të grupit.

Aksioni i bastisjes nga Policia ishte sjellë ekskluzivisht nga kamerat e emisionit ”Drejtësia në Kosovë”.

Avokatët mbrojtës të tyre në vazhdimësi kanë mohuar akuzat e prokurorisë duke pretenduar pafajësinë e klientëve të tyre. Deklarata të tilla janë dhënë nga të gjithë avokatët duke u thirrur në mohimet të cilat klientët e tyre ua kanë bërë pikave të akuzës pas aksionit të EULEX-it.

Aktakuza ndaj Azem Sylës dhe të tjerëve ishte ngritur në tetor të këtij viti./ KALLXO

Azem Syla mbetet në paraburgim

Është refuzuar nga gjyqtarja e EULEX-it, Jennifer Seal, kërkesa për lirimin e Azem Sylës nga paraburgimi.

Periskopi.com Lajme

Lajmin për refuzimin e heqjes së paraburgimit për Sylën e kanë konfirmuar burime të KALLXO.com.

Kërkesën për lirimin e Azem Sylës nga paraburgimi e kishte bërë avokati i tij Tomë Gashi me pretendimin se dëshmitari i mbrojtur 2 ka mohuar ndikimin e tij nga Syla.

Gashi tha se ende nuk e ka marrë vendimin, ndërsa se nesër e kanë ftuar në gjykatë për ta marrë atë.

Kur e përfundoi dëshminë e tij dëshmitari i mbrojtur 2 më 29 shtator, Tomë Gashi tha për KALLXO.com se kanë përfunduar arsyet e mbajtjes në paraburgim të Sylës.

Sylës iu caktua paraburgimi nga Gjykata e Apelit më 23 shtator, gjashtë ditë pasi Gjykata Themelore në Prishtinë ia caktoi atij masën e paraqitjes në stacionin e policisë.

Azem Syla u kërkua në shtëpi, por nuk u gjet gjatë një aksioni të madh të Policisë së EULEX-it dhe asaj të Kosovës të zhvilluar më 27 prill. Dy ditë më vonë ai u dorëzua në polici.

Ditën kur u kërkua në shtëpi Syla, u arrestuan edhe Nuhi Uka, i cili ka qenë kryetar i Gjykatës Komunale në Prishtinë dhe Sabedin Haxhiu, Avni Maxhuni, Hajrullah Berisha, Ilaz Syla e Lubisha Vujoviq.

52 persona, mes tyre edhe Azem Syla dyshohen për tjetërsim të ish-pronave shoqërore në Çagllavicë dhe Llapnasellë.