atk

Bizneset familjare të zyrtarëve të ATK-së nuk kontrollohen për tatime

109 biznese të lidhura me zyrtarë të ATK-së nuk ishin kontrolluar nga ky institucion për deklarim të tatimeve.

Periskopi.com Lajme

Në kontrollet që ishin bërë me kërkesë të Ushtruesit të Detyrës së Drejtorit Gjeneral të Administratës Tatimore të Kosovës, Nahit Sharku, ishte gjetur se 109 biznese të familjarëve të zyrtarëve të ATK ishin favorizuar në deklarime të tatimeve.

Nahit Sharku, njëri ndër protagonistët e pjesës së fundit të trilogjisë “Vjedhja e Organizuar Tatimore”, e emisionit ‘Jeta në Kosovë’, tregoi për problemet që i kishte gjetur brenda ATK-së në momentit që e ka marrë pozitën e UD-së.

Sharku i rrëfeu Jeta Xharrës, përpjekjet që kishte bërë për transformimin e këtij institucioni dhe pengesat që kishte pasur gjatë kësaj rruge.

“Ne përveç tjerash kërkuam nga zyrtarët që të deklarohen për të afërmit që kanë biznese dhe nga raporti që mora nga menaxheri i zyrës të ndarë edhe profesionalisht ishin vetëm 109 biznese që pronarët e tyre ishin familjarë të zyrtarëve tanë. Ne pastaj shkuam më tutje të analizojmë se sa ata janë kontrolluar dhe deklaruar, dhe dilte që në pjesën dërmuese të tyre nuk janë kontrolluar fare dhe një pjesë e tyre nuk ishin kontrolluar ka kohë”, tha Sharku.

Trilogjia ‘Vjedhja e Organizuar Tatimore’, iu kushtua skemës gjigante të evazionit fiskal të cilën e zbuloi dhe hetoi inspektori tatimor Murat Mehmeti,

Përderisa dy episodet e para iu kushtuan kësaj skeme dhe personave të përfshirë, episodi i tretë dhe i fundit përmbledh punën dhe problemet e ATK-së në tërësi.

Në raportet vlerësuese të dala për ATK-në në vitet e fundit ishte theksuar një punë jashtëzakonisht e vogël në inkasimin e të hyrave rreth 50% të asaj që do duhej të inkasohej.

Për ta përmirësuar këtë gjendje, Sharku tha se kishte urdhëruar deklarim të pasurive të zyrtarëve dhe transfere të menaxherëve dhe lëvizje të stafit që u kritikuan si veprime politike.

“Ishte pakënaqësi në përgjithësi, rezistencë nuk kishin arsye sepse ishin të obliguar nuk kishin arsye të bënin por në përgjithësi vet fakti që ne u dakorduam si menaxhment më 3 qershor dhe pastaj më 4 dhe 5 qershor në takime intensive që kishim të fillojmë me disa transfere dhe lëvizje të stafit sepse kishim edhe një raport të Komisionit evropian që preferohet për organizatat e pavarura, agjencitë të zbatojnë rotacionin brenda institucioneve dhe ne filluam të bëjmë transfere apo lëvizje të stafit dhe kryesisht vendimi i parë ishte për të lëvizur pjesës dërrmuese të stafit menaxherial në regjion”, tha Sharku. /kallxo.com/

FMN ne Kosove

Mision tjetër i FMN-së në Kosovë, për bashkimin e Doganës me ATK-në

Zëvendësministri i Financave Agim Krasniqi i shoqëruar edhe nga përfaqësuesit e Grupit Koordinues për procesin e bashkimit të Administratës Tatimore dhe Doganës së Kosovës, ka pritur sot në takim një delegacion të Misionit të Fondit Monetar Ndërkombëtar për Asistencën Teknike për procesin e bashkimit të Administratës Tatimore dhe Doganore, të kryesuar nga këshilltari për Asistencë Teknike në Fondin Monetar Ndërkombëtar Enriko Aav.

Periskopi.com Lajme

Ky Mision i Fondit Monetar Ndërkombëtar do të qëndrojë në Kosovë deri më 09 dhjetor 2016, ku do të zhvilloj takime me përfaqësues të Ministrisë së Financave, ATK-së dhe DK-së, si dhe me anëtarët e Grupit Koordinues për procesin e bashkimit të Administratës Tatimore dhe Doganore.

Në këtë takim u diskutua për procesin e arritur deri më tani në bashkimin e Administratës Tatimore të Kosovës dhe Doganës së Kosovës në një institucion të vetëm, koordinimin e ekspertizave ndërkombëtare, si dhe planet dhe objektivat për të ardhmen.

Me këtë rast, Zëvendësministri Agim Krasniqi falënderoj përfaqësuesit e Fondit Monetar Ndërkombëtar, për mbështetjen e deritanishme të FMN-së në kuadër të këtij procesi, ku sipas tij me ndihmën dhe bashkëpunimin me Fondin Monetar Ndërkombëtar, dhe institucionet tjera ndërkombëtare, është arritur një progres i madh në këtë proces, siç është edhe përgatitja e Projektligjit për Agjencinë e të Hyrave, i cili Projektligj tashmë është proceduar për miratim në Qeveri.

Ndërsa, përfaqësuesit e Fondit Monetar Ndërkombëtar, edhe njëherë shprehën gatishmërinë e tyre për të  vazhduar mbështetjen dhe kontributin e tyre për Qeverinë e Republikës së Kosovës në procesin e krijimit të Agjencisë së të Hyrave, sidomos në fushat specifike të cilat janë potencuar nga Grupi Koordinues për procesin e bashkimit të Administratës Tatimore dhe Doganore.

gjykatesi-ilustrim-650x358

Këta janë gjykatësit e prokurorët që u ikin tatimeve (Video)

Dhjetëra gjyqtarë e prokurorë fitojnë para nga qiraja e banesave, lokaleve dhe pronave tjera. Por disa nga gjyqtarët dhe prokurorët, përkundër faktit se i obligon ligji që t`i deklarojnë në Administratën Tatimore të Kosovë paratë që i fitojnë nga qiraja, një gjë të tillë ata nuk e kanë bërë, së paku jo derisa nuk janë kontaktuar nga ekipi i emisionit.

Periskopi.com Lajme

Qiradhënës sipas asaj që doli nga hulumtimi i “Drejtësia në Kosovë” janë Ramush Bardiqi dhe Krenar Berisha, dy gjyqtarë në Gjykatën Themelore të Prishtinës. Por, hulumtimi tregoi se gjyqtari Bardiqi i ka deklaruar të gjitha të hyrat nga qiraja në ATK, por jo edhe kolegu i tij Krenar Berisha.

Ky i fundit është bashkëshorti i prokurores Shënaj Berisha. Të dy këta, nuk i kanë deklaruar të hyrat në ATK, përkundër faktit se një gjë e tillë është obligim ligjorë.

“Për shkak se nuk kam njohuri më shumë në këtë lëmi dhe nuk e kam ditur se jam obligues tatimor apo jo, unë do të shikoj se si veprohet në praktikë nga ATK dhe me siguri do t`i kryej obligimet e mia nëse kjo veç është e rregulluar dhe zbatohet nga ATK-ja”, ka deklaruar gjyqtari Berisha.

Prokurorja Shemsije Asllani nuk ka patur dilema se a duhet apo jo të paguhen tatimet nga qiraja. Ajo për këtë ka ofruar dëshmi se të gjitha të hyrat janë deklaruar në ATK. Hulumtimi dëshmoi se jo vetëm gjykatës e prokurorë nga Prishtina nuk i kanë përmbushur obligimet e tyre nga ATK-së.

Qiradhënës janë edhe Rifat Bllata, Liridon Maloku, të dy këta gjyqtarë nga Vushtrria. Por të njëjtit ofruan dëshmi se obligimi ndaj ATK-së është kryer.

“Të hyrat nga qiraja nuk janë deklaruar në ATK për shkak se nuk me obligon ligji mbi deklarimin e qirasë i vitit 2015-të, i cili ka hyrë në fuqi me datën 01.09.2015. Me rastin e takimit të parë në mes nesh, jua kam prezantuar njërën kontratë me qiramarrësin në origjinal. Kontratën tjetër nuk e kam pasur me vete, por të njëjtën e posedoj në origjinal. Në bazë të ligjit nr.05/L-028 në pjesën ku bëhet fjalë për ‘Tatimi i mbajtur në burim për pagesën e qirasë, neni 37 pika 1.9 e ka rregulluar të njëjtën çështje se si të veprohet. Mendoj se mjaftojnë këto përgjigje të shkurtra, për të ju informuar rreth asaj që keni kërkuar, kurse pas përgjigjes nga ATK-ja lidhur me kërkesën time, do të veproj sipas udhëzimeve të ATK-së”, ka thënë gjyqtari Rifat Bllata.

E kolegu i tij Gjyqtari Liridon Maloku, ka ofruar dëshmi se pasuria e cila është e lëshuar me qira është pronë e prindërve të tij, nga të cilët jeton i ndarë.

“E gjithë pasuria e luajtshme dhe e paluajtshme është e prindërve. Ju njoftoj se jam i ndarë nga prindërit dhe jetoj me bashkëshorten dhe vajzën time”, thuhet në përgjigjen e gjyqtarit Liridon Maloku.

Sipas DNK, qiradhënës në Prokurorin Themelore të Mitrovicës është edhe prokurori Ahmet Tmava. Ai nuk ka ofruar dëshmi nëse i ka deklaruar tatimet nga qiraja në ATK.

Imun ndaj mos-deklarimit të të hyrave nga qiraja nuk ka qenë as gjyqtari nga Peja, Feti Gashi dhe bashkëshortja e tij Sahide Gashi.

Por, gjyqtari Gashi e ka pranuar se të gjitha detyrimet e tij do t`i kryejë në mënyrë retroaktive, pasi që ai ka deklaruar se nuk ka qenë në dijeni se ka detyrime ndaj ATK-së për të hyrat nga qiraja.

“Pas kontaktit me Juve të hyrat nga qiraja janë deklaruar në ATK, dhe do të paguhen retroaktivisht, ndërsa më parë nuk kanë qenë të deklaruara. Për obligimin e deklarimit të hyrave nga qiraja nuk kam qenë në dijeni andaj nuk i kam deklaruar”, ka thënë gjyqtari Feti Gashi.

Po sipas asaj që dëshmoi hulumtimi i DNK, në gjykatën dhe prokurorinë e Pejës ka edhe tjerë qiradhënës. Ahmet Rexhaj, një gjyqtar tjetër, nuk ka pranuar të flasë lidhur me atë se a i ka përmbushur apo jo detyrimet e tij ndaj ATK-së. Por, ndryshe nga kolegët e tij, prokurori Agim Kurmehaj, për të hyrat që i ka realizuar nga qiraja, nuk ka hezituar që t`i ofrojë dëshmitë se të gjitha detyrimet ndaj Administratës Tatimore i ka të kryera.

“Obligimet për qira të marrë i kam kryer rregullisht… bile nganjëherë nga neglizhenca kur kam harruar tre mujorin, më është dashur të paguaj vonesat me gjithë kamatë”, thuhet në përgjigjet e prokurorit Kurmehaj.

Siç transmetoi DNK, edhe në gjykatën e Malishevës ka gjyqtarë qiradhënës. Atje gjyqtari Shaqir Mazreku ka deklaruar se nuk është në dijeni nëse janë kryer apo jo detyrimet e tij ndaj ATK-së për të hyrat që i ka fituar nga qiraja e një lokali.

“Këto të hyra duhen të deklarohen nga qiramarrësi, dhe besoj që janë të deklaruara në ATK. Kam biseduar me qiramarrësin dhe ka deklaruar se do t`i kryejë të gjitha obligimet në ATK mbi qiranë, sepse ashtu e kemi marrëveshjen me qiramarrësin, dhe në qoftë se nuk i ka paguar do t`i paguajë të gjitha”, thuhet në përgjigjet e gjyqtarit Mazreku, dhënë për emisionin “Drejtësia në Kosovë”.

Në Prizren qiradhënës është prokurori dhe anëtari i Këshillit Prokurorial të Kosovës, Zejnulla Gashi, por sipas asaj që transmetoi DNK, ky prokuror i ka kryer të gjitha obligimet që dalin nga ligji për tatimin në të ardhurat personale.

“Të gjitha të ardhurat nga qiraja unë i kam deklaruar. Lidhur me menaxhimin, arkëtimin e mjeteve të qirasë dhe kryerjen e obligimeve të tatimit të qirasë pranë ATK-së është marrë babai im si person fizik. Ju njoftoj se me ndryshimet ligjore nga gjysma e vitit 2015, barra e obligimeve mbi qiranë bie mbi qiramarrësin”, ka deklaruar prokurori nga Prizreni, Zejnulla Gashi.

DNK pas Prizrenit ka zbuluar se qiradhënës ka edhe në gjykatën e Ferizajt. Atje gjyqtari Bekim Salihu ka të hyra nga qiraja. Por gjyqtari Salihu ka deklaruar se obligimi për përmbushjen e detyrimeve tatimore ndaj ATK-së bie mbi qiramarrësin.

“Po ju njoftoj se këto të hyra edhe sipas Ligjit mbi të Ardhurat Personale po edhe me kontratën mbi qiranë të lidhur mes vëllaut tim si qiradhënës, me qiramarrësin këto obligime i ka qiramarrësi”, ka deklaruar gjyqtari Salihu.

Në Gjilan të hyra nga qiraja kanë prokurorët Huma Jetishi dhe Arben Kadriu.

“I kam deklaruar pasuritë në pajtim me dispozitat ligjore”, është përgjigjur shkurt për DNK, prokurorja Huma Jetishi, por e ajo nuk ka ofruar dëshmi nëse janë deklaruar të hyrat në ATK, apo jo.

Në anën tjetër, prokurori Arben Kadriu, në përgjigjet e tij ka deklaruar se barra për detyrimet tatimore bie mbi qiramarrësin.

“Lokali është dhënë me qira në bazë të kontratës së noterizuar. Qiraja mujore është 200 Euro, duke filluar nga shtatori i vitit 2015, ndërsa lartësia e tatimit të qirasë është 9%, pra 18 Euro. Qiramarrësi i ka kryer të gjitha obligimet ndaj Administratës Tatimore lidhur me tatimin mbi qiranë, që nga fillimi i shfrytëzimit të lokalit. Kjo mund të vërtetohet në Administratë Tatimore”, ka thënë prokurori i krimeve të rënda Arben Kadriu.

Hulumtimi i DNK, ka vazhduar edhe ne nivele me të larta të gjyqësorit në vend. Në gjykatën e Apelit janë gjyqtarët Albert Zogaj dhe Qerim Ademaj që fitojnë para nga qiraja. Ata përkundër insistimit të ekipit të DNK, nuk kanë pranuar të deklarohen para kamerave dhe as nuk kanë ofruar përgjigje me shkrim nëse i kanë deklaruar në ATK të hyrat nga qiraja.

As dy drejtuesit më të lartë në sistemin gjyqësor dhe atë prokurorial nuk kanë pranuar të deklarohen.

Kryesuesi i Këshillit Gjyqësor Nehat Idrizi dhe as ai i Këshillit Prokurorial, Blerim Jusufaj, nuk kanë gjetur kohë të flasin se si lejohen që gjyqtarët e prokurorët të mos i kryejnë obligimet e tyre tatimore.

Lidhur me deklarimet e gjyqtarëve dhe prokurorëve të cilat siç tregoi hulumtimi i DNK nuk e kanë ditur që duhet t`i deklarojnë të hyrat nga qiraja në ATK, zyrtari i kësaj të fundit, Sami Salihu, ka thënë se mos-deklarimi i të hyrave sanksionohet me ligj.

Ai ka thënë se çdo e hyrë është e tatueshme, prandaj edhe të hyrat nga qiraja, sipas tij, duhet deklaruar dhe paguar tatimet në ATK. Ai ka thënë se nuk kanë informacione konkrete lidhur me faktin se ka gjyqtarë dhe prokurorë që nuk i deklarojnë të hyrat që i fitojnë nga qiraja. Mirëpo, ai ka shtuar se pas pranimit të informatave do të vlerësojnë nëse ekzistojnë elemente të ikjes nga detyrimet tatimore. Ai ka thënë se ATK do të bëjë verifikimin dhe vlerësimin dhe me pas do të veprojë konform ligjit dhe procedurave të ATJK-së për të gjitha ata që nuk i kanë deklaruar të hyrat nga qiraja.

Siç transmetoi DNK, Sami Salihu, nga ATK ka shpjeguar rastet se kur obligohet qiradhënësi të kryejë obligimet e kur qiramarrësi.

Por, sipas tij, në secilën situatë qiradhënësi është i obliguar të bëjë deklarimin e të hyrave në ATK. Sipas tij, në rastet kur pagesa e tatimeve bie mbi qiramarrësin, qiradhënësi obligohet të bëjë vetëm deklarimin e të hyrave, pa u ngarkuar me tatime./KALLXO.com/

ATK

ATK lavdërohet: Qendra e thirrjeve ka shtuar tatimpaguesit

Këtë muaj Qendra e Thirrjeve në Administratën Tatimore të Kosovës ka shënuar 5 vjetorin e themelimit.

Periskopi.com Lajme

ATK thotë se gjatë këtyre pesë viteve, Qendra e Thirrjeve ka kontaktuar dhe komunikuar me tatimpagues, gjithashtu ka krijuar dhe ka përdorë metoda të përshtatshme dhe me kosto efektive,  për tatimpaguesit që e kanë kontaktuar Qendrën e Thirrjeve.

“Numri i tatimpaguesve të kontaktuar është rritur për 10, 066 thirrje, vlera e pagesave si rezultat i thirrjeve është rritur për 845,950 euro, 258 deklarata dhe 138, 429.42 euro pagesa më shumë  janë sistemuar dhe 2, 601 më shumë thirrje hyrëse janë pranuar nga tatimpaguesit se periudhën e njëjtë e vitit të kalua”, njofton ATK, raporton Periskopi

Detyra e kësaj qendre është të bisedohet me tatimpagues dhe të përcaktohen cilat veprime kërkohen për të zgjidhur çështjet e tatimeve të pashlyera, të përshpejtohen veprimet e tilla të ndërmarra, në mënyrë që tatimpaguesit të bëhen të rregullt, si dhe të zgjidhen të gjitha çështjet e hapura tatimore.

ATK, vazhdimisht është duke zhvilluar aktivitete për të ngritur transparencën në shërbimet ndaj tatimpagueseve, të cilët do të kenë më të lehtë informimin dhe kryerjen e obligimeve në mënyrë vullnetare.

Qendra e Thirrjeve ka iniciuar thirrjet për tatimpaguesit, që nuk i kanë përmbushur obligimet e tyre tatimore, gjithashtu ka siguruar mundësinë për tatimpaguesit që të kontaktojnë Qendrën e Thirrjeve, për të marr informata dhe asistence në një varg të gjerë të çështjeve tatimore.

QTH me aktivitetet e realizuara, ka dhënë kontribut të rëndësishëm  në edukimin e tatimpaguesve që të përmbushin obligimet e tyre në mënyrë vullnetare, që të mos jenë objekt i ndëshkimeve, në uljen e mos deklaruesve dhe ndalim deklaruesve, në rregullimin e deklaratave dhe pagesave të pa procesuara, në informimin e tatimpaguesve për  mundësinë e  përfitimit  nga falja e borxheve dhe në përgjithësi ka kontribuar në rritjen e të hyrave të Administratës Tatimore  të Kosovës.

Aktivitetet e QTH janë shtuar nga viti në vit, gjithashtu rritje ka pasur edhe në rezultatet e të gjitha aktiviteteve. Nëse krahasojmë periudhën  Janar-Tetor të vitit 2015 me periudhën e njëjtë të këtij viti, Qendra e Thirrjeve ka pasur rritje të rezultatit për secilin aktivitet që ka zhvilluar./ Periskopi

ATK - Sakip Imeri

Dënohet ATK-ja dhe drejtori i saj Sakip Imeri

Përveç se nuk po mund të arrijë parashikimet për mbledhje të taksave, Administrata Tatimore e Kosovës do të përballet edhe më një vendim të rëndë nga gjykata

Periskopi.com Lajme

 

Kjo administratë dhe drejtori i saj, Sakip Imeri, janë dënuar me 6 mijë euro nga Gjykata Themelore në Prizren, për shkak të mosrespektimit të vendimit të saj për kthim në vendin e punës së menaxherit të suspenduar të zyrës regjionale në Prizren, transmeton Koha.net.

Kjo gjykatë i ka dhënë afat vetëm 7 ditë në respektim të vendimit, ndryshe do të rrisë gjobën.

ATK

Për nëntë muaj 600 ankesa nga qytetarët, ATK-ja gjobiti 300 biznese

Administrata Tatimore e Kosovës në mënyrë që të jetë e suksesshme në luftën kundër korrupsionit, evazionit fiskal dhe dukurive tjera negative, ka të instaluar linjën online, pa pagesë, 0800 80 800 dhe kutinë e vërejtjeve, përmes së cilës qytetarët mund të lajmërojnë për çdo parregullsi tatimore.

Periskopi.com Lajme

Qytetarët në vazhdimësi janë duke bashkëpunuar me ATK-në, në mënyrë që të kapen rastet të cilat krijon shmangie tatimore, korrupsion dhe keqpërdorim të detyrave zyrtare nga ana e punëtorëve të ATK-së.

Vetëm gjatë periudhës nëntëmujore të këtij viti, përmes linjës online dhe kutisë së vërejtjeve janë raportuar 598 informacione për parregullsi tatimore, ku për të cilat janë gjobitur 298 biznese.

ATK thotë se një bashkëpunim si ky ka dhënë efektet e tij edhe në rritjen e të hyrave, rritjen e numrit të bizneseve të fiskalizuara, monitorim më efikas të veprimtarive të lojërave të fatit, etj./ Periskopi

 

 

Mbyllen subjekte të lojërave të fatit në Prishtinë

Periskopi.com Video
ATK

Dyshim për kurdisje të tenderit për sigurimin e veturave zyrtare për nevoja të ATK-së

Sigal Uniqa Group Austria po pretendon se Autoriteti Kontraktues i Administratës Tatimore të Kosovës ka kurdisur tenderin për sigurimin e veturave zyrtare për nevoja të ATK-së.

Periskopi.com Uncategorized

Kjo pasi kishin çmimin e njëjtë me Operatorin Ekonomik Sigma, por ATK-ja, sipas tyre duke shkelur ligjet, vendosi për Sigmën në vend të tyre, raporton KTV.

Sigal ka dorëzuar ankesën në Organin Shqyrtues të Prokurimit. “Autoriteti Kontraktues ka kërkuar hedhjen e shortit për shpalljen e fituesit dhe jorastësisht jemi ankuar.

AK-ja, gjatë vlerësimit, ka nxjerrë fitues Sigmën, në kundërshtim edhe me Udhëzimet për Prokurim, pasi që nuk ka votuar arteret me votë të thjeshtë, por duke dhënë arsyetimin tejet joprofesional dhe lirisht mund të themi tendencioz për ofertën tonë”, thuhet në ankesën e Sigalit drejtuar gjykatës së tenderëve.

Por, ATK ka hedhur poshtë dyshimet e Operatorit Ekonomik Sigal Uniqa Group Austria për kurdisje të tenderit.

“Në bazë të njohurive tona, kjo absolutisht nuk qëndron,” thuhet në përgjigjen që ATK-ja.