ditari i Astrit Deharit

Çfarë shkroi Astrit Dehari në ditarin e tij në 68 ditët në paraburgim (Video)

63 fletë A4 me dorëshkrime të ndryshme të Astrit Deharit dhe 22 fletë nga blloku i shënimeve të tij, janë analizuar nga një ekip mjekësh, për të kuptuar gjendjen e tij emocionale sa ka qenë i paraburgosur në Prizren. Përfundimi i këtij raporti është se i ndjeri Dehari nuk ka pasur gjendje emocionale të rëndë, e cila do të çonte në vetëvrasje.

Periskopi.com Lajme

Analizë shkrimeve të ndryshme të gazetave ditore e kolumneve dhe përkthim librash kishte bërë Astrit Dehari në 68 ditët e tij të qëndrimit në burg.

Dorëshkrimet i kishte mbajtur në 22 fletë në një bllok shënimesh dhe në 63 fleta A4.

Këto i janë nënshtruar një analize të Institutit të Psikiatrisë Forenzike të Kosovës, të kërkuar nga Prokuroria Themelore e Prizrenit, raport të cilin e ka KTV-ja.

Dorëshkrimet në formë ditari janë analizuar për të kuptuar gjendjen emocionale të Astrit Deharit.

Konstatimi i dy neuropsikiatërve, një psikiatri dhe një psikologeje, është se i ndjeri Dehari nuk ka pasur gjendje emocionale të rëndë, e cila do të çonte në vetëvrasje.

“Nuk kemi gjetur shenja, ndonjë plan të përgatitur për vizion determinim negativ në kondita penale. Megjithatë, mund të flitet për një gjendje emocionale me ndryshime të herëpashershme, të varura nga perceptimet ditore të situatës politike, pritjeve, ku herë pas herë ka shprehur ndjenjën e mërzitjes, paqartësi dhe pesimizëm”, shkruan në raport.

Më 2 tetor, pos analizës që iu bënte disa shkrimeve të Kohës Ditore, Dehari shkruante.

“Ditën po jam i qetë, nuk po kam probleme, e njëjta vlen edhe natën. I vetmi interval, në të cilin sadopak po kam brengë e mërzi, është zgjimi në mëngjes. Përkundër pafajësisë së plotë, jam duke përgatitur veten për gjithçka, dënim të gjatë, tortura, shpifje”.                        

ASTRIT DEHARI, 2.10.2016

 

Dehari analizonte edhe shkresat e lëndës ndaj tij dhe aktivistëve tjerë të VV-së dhe në një shkrim të datës 29 nëntor e quante veten të burgosur politik, kurse rastin ndaj tij dhe provat i quante të montuara.

Ai gjithashtu shkruante se si prokurori ende nuk e kishte marrë në pyetje me dyshimin se ‘po montojnë fakte’.

Brengosej për kualifikimin e veprës penale të terrorizmit, derisa bënte llogaritje të moshës së prindërve, gruas së tij dhe vetes se sa vjet do t’i kishte secili nëse dënohet me 15 vjet burgim.

Mes datave 24 dhe 31 tetor, i ndjeri shkruante se është duke e kaluar javën më të keqe që nga fillimi i paraburgimit.

“Po e kuptoj se në çfarë rreziku jam. Risku në politikë është mundësi. Jam shumë i hutuar, kam dëshpërim, frikë, gëzim, entuziazëm e tmerr përbrenda një dite. E pabesueshme! Ditët që po vijnë do të jenë tepër të rënda. E kam fjalën për vitet që po vijnë…”

                                                                               ASTRIT DEHARI, 24.10.2016

 

Prokuroria Themelore e Prizrenit e ka hetuar që nga fillimi vetëm pistën e vetëvrasjes së aktivistit të Vetëvendosjes, Astrit Dehari.

 

 

Astrit Dehari

Zgjerim hetimesh në rastin Dehari (Video)

Ndërhyrje në drejtësi është vlerësuar nga shoqëria civile vendimi i ministres Dhurata Hoxha, e cila i kërkoi kryeprokurorit Aleksandër Lumezi zgjerim hetimesh në rastin e vdekjes së Astrit Deharit, raporton KTV.

Periskopi.com Lajme

Pos zgjerimit të pistës së hetimit nga ajo e vetëvrasjes në vrasje, ministrja ka kërkuar hetim edhe për dy mjekët që u caktuan nga familja Dehari dhe për avokatin e familjes.

Avokati Tomë Gashi ka thënë se nuk ka arritur të kuptojë dhe nuk e di se saktë çfarë ka kërkuar ministria, duke shtuar se ai nuk ka bërë asnjë tejkalim të autorizimit ligjor.

KohaVisioni ka provuar të kontaktojë edhe me dy ekspertët e pavarur, por ata nuk janë përgjigjur.

Vetë Ministria e Drejtësisë dhe institucionet tjera kishin lejuar pjesëmarrjen e dy ekspertëve të caktuar nga familja Dehari dhe të avokatit të familjes, Tomë Gashi, në obduksion të të ndjerit Astrit Dehari.

Kjo ishte bërë publikisht dhe pa ndonjë shkresë që kufizonte ata që të mos nxjerrin raport pos atij të Institutit të Mjekësisë Ligjore të Kosovës.

KUVENDI

Ky është vendimi i Kuvendit për rastin Dehari

Deputetët e Kuvendit të Kosovës kanë miratuar propozimin e PDK-së për rastin e Astrit Deharit, ku ndër të tjera thuhet se nëse familja kërkon hetim të vdekjes së Astrit Deharit jashtë vendit, atëherë Qeveria e Kosovës, duhet t’ia mundësojë këtë duke hequr edhe shpenzimet.

Periskopi.com Lajme

Në ndërkohë është votuar edhe një projekt-rezolutës të propozuar nga Lëvizja Vetëvendosje, i cili morri më pak vota se sa rekomandimet e PDK-së.

Beqiri dhe Selimi

Përplasje mes deputetëve Selimi e Beqiri

Deputeti i Lëvizjes Vetëvendosje, Rexhep Selimi, i ka quajtur hipokrizi fjalimet e deputetëve të Kuvendit të Kosovës, veçanërisht ata të PDK-së.

Periskopi.com Lajme

Selimi tha se ngushëllimi më i mirë për familjen Dehari do të ishte sjellja e së vërtetës së rrethanave të vdekjes së Astrit Deharit në burgun e Prizrenit.

Selimi e ka quajtur koalicionin aktual qeverisës “të poshtër”, duke thënë se rasti i Deharit është politik, ashtu siç ishin edhe tentim atentatet ndaj ish-presidentit Ibrahim Rugova.

“Kosova ka pasur qeveri e pushtete të ndryshme, por qeveri ma të poshtër si kjo, Kosova nuk ka pas asnjëherë deri më sot”, u shpreh Selimi.

Pas fjalimit të tij, pati edhe replika nga shefi i GP të LDK-së, Ismet Beqiri, por edhe nga ai i PDK-së, Zenun Pajaziti.

Beqiri e akuzoi Selimin se nuk ka kërkuar asnjë debat parlamentar e as seancë të jashtëzakonshme për vrasjen e aktivistëve të LDK-së e as për atentatin e dështuar ndaj ish-presidentit të Kosovës, Ibrahim Rugova.

Selimi, pasi mori sërish fjalën e tij, kërkoi nga Beqiri ta vendoste nënshkrimin e tij në kërkesën për të debatuar për këto çështje.

“Kemi disa vite që kërkojmë nga ju që ta vendosni nënshkrimin për të debatuar dhe formuar komision për hetimin e këtyre vrasjeve. Por ju, z. Beqiri, nuk e keni vënë atë nënshkrim pasi që keni bërë koalicion qeverisës me PDK-në”, ka thënë ndër të tjera Selimi.

dhurata

Kërkohet hetim ndaj deklaratave të Tomë Gashit dhe mjekoligjorëve nga Shqipëria

Ministrja e Drejtësisë, Dhurata Hoxha, për ta sqaruar opinionin publik dhe verifikuar pretendimet e njerëzve të Lëvizjes Vetëvendosje, ka kërkuar që të hetohen deklaratat e avokatit Tomë Gashi, si dhe të dy mjekoligjorëve nga Shqipëria.

Periskopi.com Lajme

Telegrafi e ka parë letrën që i është dërguar kryeprokurorit Aleksandër Lumezi nga ministrja Dhurata Hoxha, e cila mban datën e sotme 20 dhjetor 2016, për hetimin e raporteve të personave jokompetent, siç thuhet në këtë shkresë, që dalin përtej autorizimeve ligjore dhe që janë në kundërshtim edhe me kodin penal.

Konkretisht, në këtë shkresë kërkohen hetime për deklaratat e avokatit Tomë Gashi dhe raportin personal të mjekoligjorit nga Shqipëria, Besim Ymaj dhe pedologut Besim Latifaj.

Kjo është përmbajtja e letrës dërguar kryeprokurorit të shtetit, Aleksandër Lumezi, nga ministrja Dhurata Hoxha:

“I nderuar z. Kryeprokuror,

Fillimisht më lejoni të shpreh konsideratë për Juve dhe punën Tuaj.

Kohëve të fundit jemi dëshmitarë të deklarimeve, por edhe publikimit të raporteve të cilat i referohen humbjes së jetës së Astrit Deharit, ish i paraburgosur në Qendrën e Paraburgimit në Prizren.

Publikimi i raporteve të tilla nga ana e personave jo kompetent dhe atyre që dalin përtej autorizimeve ligjore, sipas pikëpamjes sonë, konsiderojmë se bien ndesh me dispozitat e legjislacionit në fuqi dhe për më tepër janë edhe në kundërshtim me dispozita të caktuara të kodit penal, që i referohen detyrës zyrtare, përkatësisht keqpërdorimit të detyrës zyrtare, duke hartuar dhe më pas edhe publikuar raporte të tilla, e duke mos qenë të autorizuar paraprakisht për një gjë të tillë.

 

Andaj mbi këtë bazë dhe në pajtim me autorizimet tuaja ligjore, si dhe me mirëkuptim, nga ju kërkojmë autorizimin e fillimit të hetimeve për: z. Tomë Gashi, avokat, z. Besim Ymaj, ekspert i mjekësisë ligjore nga Shqipëria, si dhe Besim Latifaj, pedolog.

Hetimet e tilla të bëhen para së gjithash për qellim të qartësimit të opinionit publik dhe transparencës së plotë në lidhje me këtë rast, si dhe verifikimit të pretendimeve se i ndjeri Dehari është vrarë”, thuhet në këtë letër.

vjosa osmani

Osmani thotë se familja Dehari duhet t’i drejtohet Gjykatës Kushtetuese

Deputetja e Kuvendit të Kosovës nga radhët e LDK-së Vjosa Osmani, thotë se qytetarët nuk u besojnë institucioneve të vendit, me theks të veçantë atij të drejtësisë.

Periskopi.com Lajme

Osmani ka thënë se është i domosdoshëm një hetim i pavarur ndërkombëtar për rastin e Astrit Deharit, meqë sipas saj shteti nuk ka bërë mjaftueshëm në këtë drejtim.

“Është e papranueshme të themi që shtetit ka bërë gjithçka, është e papranueshme tu besohet institucioneve. Ne kemi kërkuar themelimin e një gjykate speciale, kemi kërkuar përgjigje nga EULX-i për shkak të dështimit të sistemit të drejtësisë. Të mohohet një hetim i pavarur ndërkombëtar është e pafalshme”, tha Osmani.

Osmani u ka tërhequr vërejtjen kolegëve të saj deputetë, që të mos përdorin gjuhë diplomatike për rastin e aktivistit të VV-së Astrit Deharit, por të flasin si qytetarë, prindër dhe përfaqësues të popullit.

“Familja Dehari duhet t’i drejtohet Gjykatës Kushtetuese, sikur që kanë bërë familja Kastrati, për vrasjen e vajzës së tyre, Diana Kastratit, në mënyrë që edhe një herë Kushtetuesja të tregojë përgjegjësit e institucioneve kur dikush vdes në duart e shtetit, por them vdes, sepse nuk dua të paragjykoj në rastin Dehari”, tha Osmani.

ilir-deda

Ilir Deda kërkon dorëheqje të përgjegjësve në rastin Dehari

Deputeti i pavarur, Ilir Deda, tha se debati parlamentar për vdekjen e Astrit Deharit nuk mund të përfundojë në ajër, por me një vendim të prerë.

Periskopi.com Lajme

“Nëse i shkojmë faktet, janë këto: i kemi dy raporte, një vendor dhe një ndërkombëtar. Të dy japin vendime të ndryshme. Siç jemi mësuar në Kosovë, institucioneve vendore nuk u besohet. Kjo është për fajin tonë, të politikanëve, që qytetarët të mos u besojnë institucioneve vendore. Kjo për shkak të kulturës së pandëshkueshmërisë. Dhe kërkesa më normale në situatën jonormale në të cilën gjendemi është një hetim ndërkombëtar në rastin Dehari”, tha Deda.

“Përgjegjësia e institucioneve publike është dorëheqja”, por që, sipas Dedës, “kjo nuk ndodh në Kosovë”.

 

Besa Gaxherri

Besa Gaxherri i përgjigjet nënës së Astrit Deharit

Deputetja e LDK-së, Besa Gaxherri i është përgjigjur nënës së Astrit Deharit, Xhemile Deharit, e cila kohë më parë kërkoi shpjegim nga Gaxheri se përse ia quajti të briri terrorist.

Periskopi.com Lajme

Gaxherri në seancën e jashtëzakonshme për Deharin iu drejtua Xhemile Deahrit dhe i tha se të birin e saj asnjëherë nuk e ka njohur dhe nuk ka folur për emra.

“Unë nuk e kam njohur birin tuaj para se të vdiste, as si emër. Unë kurrë, asnjë rast, nuk kam përmendur asnjë rast me emër, kam aq njohuri dhe kam besim në drejtësi, dhe nuk kam qëllime personale me asnjë qytetarë të Kosovës. Unë i kam kërkuar Vetëvendosjes që të distancohen nga veprimet e tyre të dhunshme, kam kërkuar nga Prokuroria dhe kërkoj sërish që të shpjegojë se çfarë kërkojnë armët, maskat, gazi e të ngjashme në një subjekt politik”, tha Gaxgeri, raporton Periskopi

Gaxherri ka thënë se vdekja e Deharit është tepër e dhimbshme, se në burg pati pakujdesi nga përgjegjësit, se u dhanë deklarata sharlatante nga shumë zyrtar, se institucionet nuk mund ta mohojnë përgjegjësinë mbi vdekjen e Deharit, qoftë vrasje apo vetëvrasje, se familja e Deharit, sipas saj, po e ekspozon dhimbjen dhe se avokati Tomë Gashi veproi në mënyrë të paskrupullt.

Gaxheri pati edhe një kërkesë për Isa Mustafën.

“Nëse familja kërkon ekspertizë ndërkombëtare duhet ju kryeministër ta mbështesni financiarisht këtë ekspertizë”, tha ajo, raporton Periskopi

 

Nëna e Astrit Deharit: Hashim Thaçi e bëri Kosovën përshesh me gjakun e djemve të mi

termkolli

Tërmkolli fajëson Kadri Veselin: Kuvendi është bërë ‘paqavër’

Deputetja e LDK-së, Melihate Tërmkolli, e ka quajtur Kuvendin e Kosovës “paqavër” dhe për këtë e ka akuzuar kreu e Kuvendit, Kadri Veseli.

Periskopi.com Lajme

Deputetja më tej tha se e vërteta për Deharin duhet të zbardhet, por nuk duhet të keqpërdoret e shfrytëzohet ky rast.

“Dilni qani jashtë sa të doni, por Kuvendi nuk është vend për patetizma, por për të gjetur zgjidhje”, u shpreh deputetja e LDK-së, raporton KTV.

“Ka vdekur një i ri, i cili ka mundur të jetë edhe më i moshuar, në burg, ku është mbajtur në arrest me muaj, por për çka? Saktësisht për çka? Mund të jetë rastësi që ka qenë anëtar i Vetëvendosjes. Unë po flas për një qytetar të Kosovës. Nuk është kjo me rëndësi. Prandaj duhet e vërteta, dhe e vërteta fillon nga këtu”, ka thënë Tërmkolli.

dhurata

Hoxha: I kemi ndërmarr të gjitha veprimet për zbardhjen e rastit të Astrit Deharit

Ministrja e Drejtësisë, Dhurata Hoxha në seancën e Kuvendit të Kosovës ku po diskutohet për rastin e Astrit Deharit tha se kanë ndërmarrë të gjitha veprimet për zbardhjen e rastit.

Periskopi.com Lajme

Hoxha tha se përkundër faktit se ka pasur diskutime dhe deklarime nga më të ndryshmet në lidhje me këtë rast, është përpjekur maksimalisht të rezervohet nga deklarimet për të mos interferuar në hetimet e këtij rasti dhe që organeve kompetente t’u jepet hapësirë që ta kryejnë punën e tyre në mënyrë të pavarur dhe profesionale.

“Jam thellësisht e shqetësuar për tendencën për të paragjykuar rrethanat e rastit dhe rezultatin. Janë bërë shumë deklarime të cilat vetëm sa kanë nxitur opinionin publik duke u nxituar me përfundime para marrjes së raportit zyrtar nga Prokuroria, si dhe edhe pas daljes së Prokurorisë me raportin zyrtar. Unë ju bëj thirrje të gjithëve që të përmbahen nga deklarimet që paragjykojnë punën e institucioneve dhe që shfaqin mosbesim ndaj kësaj pune. Ne gjatë gjithë kohës po kërkojmë sundim të ligjit, transparencë dhe llogaridhënie. Konsideroj, se të besojmë në institucionet tona është më e pakta që duhet të bëjmë në këto rrethana”, ka thënë ministrja Hoxha.

Hoxha tha se garanton se ministria që ajo drejton ka bërë çdo gjë që është në dorën e saj për të siguruar transparencë të plotë dhe për të ndihmuar në zbardhjen e rastit, por me kujdes që të mos dëmtohet procesi dhe të mos ndërhyhet në punën dhe pavarësinë e institucioneve të pavarura.

“Çdo ndërhyrje e imja apo e Ministrisë së Drejtësisë pas kalimit të rastit te Prokuroria është ndërhyrje në pavarësinë e këtij institucioni, pavarësia e të cilit është një ndër shtyllat e sundimit të ligjit”, ka thënë ajo.

Hoxha ka bërë thirrje që jo vetëm veprimet, por për aq sa është e mundur edhe deklarimet, veçmas të personave me përgjegjësi dhe që ushtrojnë funksione publike, të bëhen në pajtim me ligjet në fuqi dhe mos të tentojmë që të përfitojmë në çfarëdo forme nga tragjedi të tilla.

“Le të mbetet në përgjegjësinë politike, përgjegjësinë profesionale dhe ndërgjegjen njerëzore të të gjithë atyre që në çfarëdo forme kane tentuar dhe po tentojnë ta keqpërdorin dhe përfitojnë nga kjo tragjedi”, ka thënë Hoxha.

Më tej, Ministrja e Drejtësisë, ka treguar se si institucion përgjegjës për menaxhimin e institucioneve korrektuese, me të marrë lajmin për humbjen e jetës së të ndjerit Astrit Dehari, ka autorizuar fillimisht inspektimin nga Inspektorati i Ministrisë së Drejtësisë.

“Për shkak të ndjeshmërisë së rastit, inspektorati ka bërë inspektim gjithëpërfshirës për veprimet dhe sjelljen e stafit ndaj të ndjerit Dehari, që nga momenti i pranimit në Qendrën e Paraburgimit në Prizren, më datë 01 shtator 2016 dhe është përgatitur raporti, të cilin e kam pranuar me datë 21 nëntor 2016 dhe i njëjti për hir të transparencës është bërë publik”, ka thënë ajo.

Sipas raportit të Inspektoratit të Ministrisë së Drejtësisë, ministrja Hoxha ka treguar se konstatohet se nuk është gjetur asnjë veprim i ndërmarrë nga ana e personave përgjegjës në kuadër të institucionit (Qendrës së Paraburgimit në Prizren), i cili në çfarëdo mënyre do të ishte nxitës apo shkaktarë i humbjes së jetës së të ndjerit Dehari.

Megjithatë, sipas ministres Hoxha, inspektorati kishte rekomanduar se për shkak të neglizhimit të procedurave të ndërmerren masa ndaj personave përgjegjës, përkatësisht ndaj oficerit në detyrë, mbikëqyrësit të krahut, si dhe personave përgjegjës të sigurisë në bazë të hierarkisë.

“Ne kemi ndërmarrë veprime konkrete, me ç’rast janë iniciuar procedurat disiplinore ndaj një zyrtari korrektues, dy mbikëqyrësve dhe ushtruesit të detyrës së Drejtorit në Qendrën e Paraburgimit në Prizren, të cilëve po ashtu u është shqiptuar edhe masa e suspendimit si masë paraprake deri në përfundim të procesit disiplinor”, ka thënë Hoxha.

Gjithashtu, Hoxha ka treguar edhe për procesin e ekzaminimit të trupit të të ndjerit Dehari, ku ekspertët e mjekësisë ligjore në një proces transparent me prezencën edhe të mjekëve të tjerë të propozuar nga familja dhe vëzhguesve nga EULEX kanë konstatuar se i ndjeri Dehari është vetëvrarë.

“Edhe Prokuroria e Shtetit ka dalë me njoftimin zyrtar se pas hetimeve preliminare rezulton se i ndjeri është vetëvrarë”, ka thënë ajo.

Hoxha, po ashtu ka përmendur edhe EULEX-in që kishte përcjellë dhe monitoruar të gjithë procesin në rastin Dehari dhe që e kishte vlerësuar të gjithë procesin profesional dhe në pajtim me standardet përkatëse. /Telegrafi

 

Glauk-Konjufca-650x358

Konjufca: Astrit Deharin nuk e vrau shteti, por mungesa e tij

Shefi i grupit Parlamentar të Vetëvendosjes, Glauk Konjufca në seancën e jashtëzakonshme për vdekjen e Astrit Deharit ka thënë se si subjekt ata kurrë nuk kanë besuar që në Kosovë do të kidnapohen edhe seancat e Kuvendit.

Periskopi.com Lajme

Ai thotë se seanca e jashtëzakonshme për vdekjen e Astrit Deharin u rrëmbye nga PDK-ja dhe LDK-ja.

Sipas Konjufcës në një vend ku mafia i hyn në shtëpi Kryeprokurorit nuk pritet asgjë më shumë, raporton periskopi

“Astritin nuk e ka vrarë shteti, por mungesa e tij, pra e ka vra pushteti. Që në fillim me dekret politik, Vetëvendosje u shpall terroriste dhe vazhduan tutje. Deharin e ka vra makineria që strukturat e shtetit që duhet me të mbrojt qytetarët i ka kthyer në struktura që ta marrin jetën”, thotë ai.

“Në atë peticion kërkohen dorëheqje të disa zyrtarëve. Dhe kjo do të duhej të shqyrtohej në seancën e sotme. E pikërisht se po kërkohen këto ju sot e rrëmbyet këtë seancë. Në burgun e Prizrenit vdiq një djalë i shkëlqyeshëm. Vrasësin e tij mund ta identifikojmë lehtë meqë në çastin kua i vdiq ai ndodhej në një institucion që menaxhohet nga qeveria përmes Ministrisë së Drejtësisë”, tha ai./ Periskopi

ismet

Beqiri: Rasti i Astrit Deharit është politizuar dhe keqpërdorur

Shefi i grupi Parlamentar të LDK-së, Ismet Beqiri thotë se duhet drejtësi për rastin e Astrit Deharin ngase është një tragjedi.

Periskopi.com Lajme

Ai në seancën që po mbahet për tashmë të ndjerin Dehari, tha se nuk duhet etiketim, vlerësime  fyerje por kërkoi drejtësi, qoftë edhe ekspertizë shtesë, të pavarur e edhe nga të tjerët.

Ismet Beqiri ka thënë se nuk kanë qenë asnjëherë kundër që të diskutohet në Kuvend për rastin Dehari, por sipas tij, ka pritur fjalën e drejtësisë, raporton Periskopi

“Nuk na takon me marr rolin e mjekut hetuesit apo gjykatësit. Ne duhet ti besojmë dikujt, jo ajo që na pëlqen por fakteve dhe argumenteve. Nëse nuk u besojmë, atëherë duhet me kërkua ndihmë, edhe mund ta bëjmë”, thotë ai.

Beqiri ka vlerësuar që prej periudhës kur është vdekur Astrit Dehari është abuzuar dhe keqpërdorur ky rast tragjik në forma të ndryshme.

Tha se të gjithë kanë të drejt të kërkojnë të vërtetën por nuk duhet shfrytëzuar si rast.

“Ne asnjë rrethanë nuk guxojmë dhe nuk duhet politizuar rasti i vdekjes së të riut Astrit Dehari. Nuk duhet paragjykuar dhe linçuar njerëzit nga asnjë subjekt politik siç edhe ka ndodhur nga Vetëvendosje”, tha Beqiri.

Ai ka thënë se të vërtetën duhet ta dimë të gjithë, e këtë duhet thënë kompetentët, qoftë edhe me ekspertë të huaj.

“Jo me militantizëm, por me fakte duhet flasim. Është rast i rëndë dhe tragjik. Ne kemi kërkuar drejtësi për çdo rast tjetër, që është humbje jete, që të zbardhen rastet. Nëse nuk ka zbardhje rastesh, dikush po i keqpërdor, ne e dimë kush ka dashtë me vra Ibrahim Rugovën dhe shumë të tjerë, por ne kërkojmë që drejtësia të merret me ta dhe të zbardhen rastet”, tha Beqiri.

“Ne duhet ta dijmë se kush po sulmon eskortën e kryeministrit, kush po i sulmon institucionet, cili subjekt”, tha ai./ Periskopi

 

unnamed-191

AAK-ja e pavendosur nëse do të marrë pjesë në senacën për Astrit Deharin

Seanca e Kuvendit për Astrit Deharin do të mbahet nesër me fillim nga ora 10:00, kështu u vendos në mbledhjen e sotme të Kryesisë së Kuvendit.

Periskopi.com Lajme

 

Kryetari i Grupit Parlamentar të AAK-së Pal Lekaj tha se në AAK ende nuk është vendosur nëse do të marrin pjesë në seancën e jashtëzakonshme për aktivistin e VV-së Astrit Deharin.

Lekaj tha se koalicioni PDK-LDK i ka mbledhur 40 nënshkrime, por sipas tij ajo që vlen të theksohet është injorimi i peticionit të qytetarëve. “Ne kemi menduar si AAK të mos procedohen 40 nënshkrime të koalicionit qeverisës, por peticioni”, tha Lekaj.

Ndërsa, Aida Dërguti nga VV, tha se mbajtja e kësaj seancë është e jashtëligjshme pasi që sipas saj, nënshkrimet e deputetëve nuk janë protokolluar. Kërkesë e saj ishte që kjo seancë të mbahet në bazë të nënshkrimeve të qytetarëve

Pal Lekaj ndër të tjerash  ka thënë sot se do të kërkojë që më 22 dhjetor të zhvillohet debati për murin në Mitrovicë.

Astrit Dehari

Ekspertizë e tretë për vdekjen e Astrit Deharit (VIDEO)

Prokuroria e Shtetit duhet të marrë për bazë raportin e ekspertëve të angazhuar nga familja e Astrit Deharit për vdekjen e tij, sipas të cilit raport, thuhet se aktivisti i Lëvizjes Vetëvendosje, Astrit Dehari, ka vdekur në mënyrë të dhunshme.

Periskopi.com Lajme

Kështu vlerëson, Ehat Miftaraj nga Instituti i Kosovës për Drejtësi duke u bazuar në Kodin e Procedurës Penale, sipas të cilit, Ligji e obligon prokurorin që të vlerësojë dhe të shqyrtojë rrethanat. Miftaraj shtoi se e mira së mirës do të ishte për një ekspertizë tjetër qoftë në Kosovë apo jashtë vendit.

Në anën tjetër, Tribuna Channel ka kontaktuar me Kryeprokurorin e Prokurorisë së Prizrenit, Sylë Hoxha. Ky i fundit pa dashur të komentojë më shumë raportin e publikuar nga ekspertët e angazhuar nga familja për vdekjen e Astritit, ka thënë që kur të përfundojnë të gjitha hetimet do të prononcohet.

 

Vetëvendosje

Vetëvendosje: Pushteti nuk e do as të drejtën e as të vërtetën për Astritin

Të gjeturat nga mjeko-ligjorët Besim Ymaj dhe Besim Latifaj, sipas një komunikate të Vetëvendosjes, hedhin poshtë raportin e mjeko-ligjorëve të caktuar nga institucionet shtetërore, “i cili raport nuk shpjegonte lidhjet shkencore e logjike midis konstatimeve të shkakut të vdekjes (asfiksisë) dhe shkaktarit të vdekjes (dëmtime të vetëshkaktuara ‘hezituese’)”.

Periskopi.com Lajme

Vetëvendosje më tej thotë se ky raport nga mjekët e pavarur ligjorë demantojnë konstatimet e Prokurorisë.

“Ky raport i detajizuar nga Dr. Ymaj dhe Dr. Latifaj demanton shumë konstatime nga organet e hetuesisë dhe prokuroria, të cilat me nguti, pas shumë deklaratave kontradiktore, vdekjen e Astritit u përpoqën ta paraqesin si ‘vetëvrasje’. Dhe për më keq, Kryeprokurori Sylë Hoxha, menjëherë pas publikimit të këtij raporti deklaron se këtë raport të ekspertëve ligjorë të pavarur nuk do ta marrin parasysh”, thuhet nga Vetëvendosje.

Sipas Lëvizjes Vetëvendosje, institucionet e drejtësisë po pengojnë zbardhjen e rastit Dehari.

“Është jashtëzakonisht shqetësuese dhe e papranueshme që institucionet e drejtësisë të pengojnë zbardhjen e vdekjes të një qytetari në një institucion të sigurisë. Këto institucione, të cilat që nga 5 nëntori nxorën vetëm deklarata kontradiktore dhe një raport jokredibil të autopsisë, të shpërfillin raportin e publikuar nga mjeko-ligjorët e pavarur që është i bazuar në fakte dhe dëshmi, përveç se në autopsinë e trupit të pajetë të Astritit”, vazhdon më tej Vetëvendosje.

Raporti i mjekëve të pavarur, sipas Vetëvendosjes tregon të vërtetën dhe prokuroria po e refuzon për këtë çështje këtë raport.

“Ky raport dallon nga ai zyrtar edhe në shumësinë e fakteve që sjellë, edhe me konsistencën ligjore që e ngërthen në vete. Dhe fakti që prokuroria po refuzon ta përdorë këtë raport tregon se ajo nuk e do as të vërtetën e as drejtësinë për Astritin. Tregon se prokuroria ka përgjigje negative për kërkesën e familjes, Lëvizjes VETËVENDOSJE! dhe qytetarëve të shumtë për hetim të pavarur”, thuhet nga Vetëvendosje.

Ata kanë ripotencuar se qëndrojnë prapa kërkesës për hetim të pavarur dhe kanë kërkuar zbardhjen sa më të shpejtë të rastit Dehari.

 

“Prandaj, ne qëndrojmë prapa kërkesës për hetim të pavarur, dhe nuk do të ndalemi së kërkuari zbardhjen e tij. Kërkojmë sa më shpejtë zbardhjen e këtij rastit. Shteti i kapur nga klani ‘Pronto’ prodhon kryeprokurorë e prokurorë si Sylë Hoxha e Metush Biraj, të cilët nuk e kanë synim shtetin e së drejtës. Drejtësia mundësohet vetëm me çlirimin e institucioneve nga ky grupim kriminal”, përfundon Vetëvendosje.

Astrit Dehari

Shefja e BE-së flet për rastin Dehari

Shefja e Zyrës së BE-së për Kosovë, Natalya Apostolova gjatë intervistës në Rubikon të KTV-së i shprehi ngushëllime familjes Dehari për humbjen e të birit.

Periskopi.com Lajme

Apostolova bëri thirrje për mosndërhyrjen e asnjë prej figurave politike në rastin Dehari deri në përfundim të hetimeve, transmeton Koha.net.

“Thirrja ime është që asnjë figurë politike të mos ndërhyjë në rast derisa hetimet të kenë mbaruar. Ky është parim tejet i rëndësishëm për të pasur besim në sundimin e ligjit”, ka thënë ajo.

Tutje, Apostolova theksoi se deklarimet e figurave politike gjatë hetimeve mund të jetë të rrezikshme.

Sipas saj, mbrojtje e dëshmitarëve duhet të jetë primare.

Astrit Dehari

Zyrtare: Seanca për Astrit Deharin mbahet javën e ardhshme

Kryetari i Kuvendit, Kadri Veseli ka paralajmëruar se do të thërras seancë për të diskutuar për rastin e vdekjes së aktivistit të Vetëvendosjes Astrit Dehari në burgun e Prizrenit.

Periskopi.com Lajme

Veseli i ftoi të gjithë deputetët që ti bashkëngjiten këtij propozimi, për të diskutuar në një seancë të veçantë për rastin Dehari.

Kryeparlaamentari kosovar ka paralajmëruar seancë të jashtëzakonshme për këtë rast për datën 14 dhjetor, por kjo është shtyrë me kërkesë të Vetëvendosjes.

“Unë e kisha paralajmëruar seancën për datën 14 dhjetor por në mbledhjen e fundit të Kryesisë, kolegia e Kryesisë Aida Dërguti nga Vetëvendosje ka kërkuar që seanca të mos mbahet atë ditë. Tani këto ditë shumë deputetë janë jashtë, por javën tjetër pra më datën 19 apo 20 shumica kthehen dhe seanca do të thirret menjëherë. Unë thërras të gjithë deputetët e gjitha subjekteve politike që ta mbështesin këtë iniciativë dhe ta mbajmë këtë seancë”, tha kryeparlamentari Veseli, përcjell “Zeri.info”.

Paralajmërimi i Veselit për këtë seancë kishte ardhur për shkak të akuzave dhe linçimeve që Vetëvendosje u bënte zyrtarëve shtetëror për vdekjen e Deharit.

Astrit Dehari

Vetëvendosje: Kërkuam që seanca për Astritin të mbahet më herët, jo të shtyhet

Ndonëse ishte paralajmëruar se seanca e jashtëzakonshme e Kuvendit të Kosovës kushtuar aktivistit të ndjerë të Vetëvendosjes, Astrit Dehari do të mbahej më 14 dhjetor, një gjë e tillë nuk pritet të ndodh.

Periskopi.com Lajme

Lëvizja Vetëvendosje ka demantuar një lajm që sot ka qarkulluar në media, sipas të cilit, kjo parti ka kërkuar shtyrjen e seancës për Astritin pasi që këtë ditë deputetët që janë në proces për gazin lotsjellës, e kanë një seancë gjyqësore.

Zyrtari për media nga Lëvizja Vetëvendosje, Shkodran Hoti ka thënë në një prononcim për Indeksonline se ky lajm është plotësisht i pavërtetë.

“Lajmi që po qarkullon se Vetëvendosja ka kërkuar shtyrjen e seancës është komplet i pavërtet, për shkak se në Komisionin për të drejtat e njeriut ku edhe është dorëzuar kërkesa e shoqërisë civile për seancë të jashtëzakonshme ka qenë anëtari ynë Mytaher Haskuka, Shukrije Bytyqi nga Nisma dhe Teuta Haxhiu nga AAK-ja, të cilët kanë kërkuar që seanca të mbahet këtë të enjten që shkoj, e në pamundësi që të mbahej të enjten, të mund të mbahej të premten (pra dje)”, ka thënë Hoti.

Sipas tij, kjo kërkesë nuk është pranuar dhe më pas ka qenë një datë opsionale data 13, por për shkak të udhëtimit të disa zyrtarëve, është kërku prapë që me u shty seanca nga ana e pushtetit, kurse përfaqësuesit e VV-së kanë kërkuar që seanca të mbahet ose të premten ose të hënën  e mos të ketë më shtyrje.

“Është kërku që kjo datë të koordinohet edhe me çështjen e procesit gjyqësor që mund ta kenë deputetët tanë të cilët po mbajnë proces gjyqësor për shkak të gazit lotsjellës të jenë në sallë dhe mos të jetë një datë që u pamundëson atyre të mos jenë në sallë. Pushteti është i interesuar që ta neglizhoj sa më shumë këtë seancë dhe këtë e dëshmon fakti që pushteti përmes këtij komisioni e ka shty disa herë takimin në mënyrë që të marr një vendim për datën edhe përkundër që 1/3 e komisionit i kanë mbledh nënshkrimet, dhe kryetarja e komisionit që vije nga PDK-ja e ka shkel rregulloren”, ka theksuar Hoti.

Ai tha se deri më tani ende nuk ka ndonjë datë përfundimisht se kur do të mbahet seanca, sepse sic ka thënë ai, pushteti po mundohet që ta gjej një datë që u përshtatet atyre.

Kujtojmë se seanca e jashtëzakonshme për të diskutuar për vdekjen e aktivistit të Lëvizjes Vetëvendosje në burg është paralajmëruar nga vetë kryeparlamentari Veseli, disa ditë pasi opozita dështoi në mbledhjen e nënshkrimeve të nevojshme për ta thirrur seancën.

Në seancën e fundit parlamentare ku u diskutua për Deharin nga deputetët e Vetëvendosjes, kryeparlamentari Veseli kishte thënë se në seancën që do ta thërras PDK-ja për vdekjen e Deharit, do të diskutohet edhe për shkaqet dhe motivet shtytëse që kanë mundur ta çojnë Deharin drejt vdekjes.

 

Astrit Dehari

Mjekët e familjes së Astrit Deharit, prezantojnë raportin e obduksionit javën e ardhshme  

I gjithë materiali i kërkuar nga ekipi mjeko-ligjor, i angazhuar nga Familja Dehari, për Rastin e Astrit Deharit, tashmë është në duart e mjekëve Besim Ymaj nga Shqipëria dhe Besim Latifaj, patolog kosovar në Angli. Ata pritet ta publikojnë raportin e tyre gjatë javës së ardhshme. Kjo është konfirmuar nga mjeku Besim Ymaj.

Periskopi.com Lajme

 

Ndonëse ka kaluar më shumë se një muaj që nga vdekja e Astrit Deharit, mjekët ligjorë të angazhuar nga familja Dehari si vëzhgues, ende nuk kanë dalë me rezultatet e tyre rreth autopsisë.

Por, javën e ardhme ata pritet të dalin me  raportin e tyre të veçantë mbi rrethanat e vdekjes së aktivistit të Lëvizjes Vetëvendosje Astrit Dehari.

Kështu ka thënë për Gazetën Express mjeku ligjor nga Shqipëria që ka vëzhguar autopsinë, Besim Ymaj.

“Akoma nuk ka përfunduar autopsia e Astrit Deharit. Kanë arritur materiali, pikërisht ai që e kemi kërkuar. Do ta shohim dhe do të kolaudojmë me një përfundim. Brenda javës që vjen pritet që të dalim me rezultate”, ka thënë Ymaj.

Tutje ai është shprehur se pala kosovare ua ka dorëzuar të gjithë materialin që mjekët ligjorë të Familjes Dehari kanë kërkuar dhe se tashmë javën që vjen pritet të dalë edhe raporti zyrtar.

“Jemi në kontakt edhe me mjekun, kolegun tjetër që është në Angli që do të bashkëpunojmë për të dhënë konkluzionet përfundimtare”, ka thënë mjeku ligjor nga Shqipëria.

Ndërkohë që Instituti i Mjekësisë Ligjore në Kosovë, më 18 nëntor të këtij viti, e ka dorëzuar në Ministrinë e Drejtësisë dhe Prokurorinë e shtetit raportin e obduksionit të Astrit Deharit.

Kryeprokurori i Prokurorisë Themelore në Prizren, Sylë Hoxha, pati bërë të ditur se të gjitha provat dhe ekzaminimet e kryera gjatë procesit hetimor demonstrojnë që Astrit Dehari ka bërë vetëvrasje.

Astrit Dehari, i cili ishte aktivist i Lëvizjes “Vetëvendosje”, po mbahej në paraburgim si i dyshuar për sulm me granatë ndaj ndërtesës së Kuvendit të Kosovës, që ndodhi në gusht të këtij viti.

Astrit Dehari

Deputeti i PDK-së kërkon seancë për Astrit Deharin

Kryetari i Komisionit Parlamentar për Arsim, Nait Hasani, ka thënë se nuk duhet assesi t’i iket seancës së jashtëzakonshme të Kuvendit për rastin e Astrit Deharit.

Periskopi.com Lajme

Këto deklarime Hasani i dha Klan Kosova, duke shtuar poashtu se duhet pasur material për një seancë të tillë në Parlamentin e Kosovës, për të kuptuar në detaje dhe për të gjetur përgjegjësit institucional për rastin e vdekjes së Astrit Deharit në Qendrën e Paraburgimit në Prizren.

“Rrethanat në burgun e Prizrenit i njoh, por ajo tashmë është një çështje politike se sa çështje e ekspertize”.

“Nuk duhet t’i iket seancës duhet të mbahet seanca për të arritur të gjendet dhe përgjegjësia e secilit për rastin Dehari”, ka përfunduar Hasani.